Hiruko bipartidismo.

Bipartidismoa krisian: hiru alderdi ditu gaurko Espainiak bipartidismoaren alde.

Benetako langileak

Langileriaren egitura aldatu du krisiak: lan bila ibiltzea da benetako lana, baina horrela dabiltzanak langile ez, langilegai dira.

Gaurko ezak ikertzerakoan post-paradigma guztiei jarraitzen dietenak historiko dira. Alta, Historia-ostean pausatzen dira.

Esnatu zen, eta elefantea desagerturik. Biek batera partekatzen zuten apartamentu estua hutsune erraldoi bihurtu zitzaion.

Paradigma guztien ostean/‘post’etan omen gaude. Hau post-betekada hau! ‘Neo’ak sortzeko konpost ezin emankorragoa!

Bazuen ene kaleak taberna ilun bat. Eta aldatu zitzaidan zoria: burbuila-orube bihurtu eta krisiak jo. Putzu beltza dugu gaur.

Engainuak guztiak agorturik, bertzerik ezean, desengainura eraman zuten.

Zerotik hasi berriro, baina bertze zero batetik betiere.

Pobreziaren aurrean, zer malkoak darizkie krokodilozko billete-zorroa bihotzaren aldean daramatenei?

Egoerari akabera eman nahi diogunok ez, egoerak irautea nahi dutenak, kontserbadoreak, horiexek dira diskurtso eskatologikoen zaleak.