Lege berdintasuna.

Denok berdin legegilearen aurrean, batere ez berdin lege-zaindariaren aurrean.

Legeak landu

Aerodinamikak hegan egiten jarri zuen grabitate legea.

Justiziaren ordez, Patria gorentzen duten epaile horiek.

Zuzenbide Estatu horiek, non Zuzenbideari loturik jarduteko haien legeak hautsi behar ditugun.

Konstituzionalista hauek ez dute aitortu nahi euren zumarrak ez duela jada udare gehiagorik ematen.

Maitagarri izan behar du lege-kode batek, ‘gorroto delitua’ tipifikatu badu.

Espainiar Justizia sistemaren garun distirantak kanpotik iristen zaizkion argi-izpiak barneratu ez, baina den-denak kanporatzen ditu.

Zilegitasuna eta legea bereizten ez dituenak ezer gutxi daki lege zilegiez.

Horrela da Justizia espainiarra. Ez espainiar izateagatik, Justizia aldatu nahi duten espainiar nahikoak ez egoteagatik baizik.

Burdinazko erregimenek, txiklezko legedia.