Ez zuen arrunkeriarik idazten, bai ordea jende arruntari begira. Baina ezin saldu, harik eta merkatu zabaleko atezainen eliteak orriak ireki zizkion arte.
merkatua
Falazia ekonomista
Merkatu librea nahi al dute, ala manipulazio libreko merkatua?
Arotz autonomo enprendedorea
Esperma uso-mokoaren bidez txertatu omen zion birjina bati: merkatu zirrikituez jakinduria, kristoren etekina, ekonomiko eta historikoki, lortzeko!
Kontsumitzaile ikasiak
Getariako txakolina, bikaina! Erran genien eta hura prezioa geroztik! Arabako bertze bat edaten hasi, eta isilik gu zein ona den!
Desarrazoi azokan
Desarrazoiak agintzen duen azokan, larrutik ordaindu behar arrazoidun izan nahiak!
Kontu planetarioak, nonbait.
Sari literario horiek, non bigarren edo finalista huts gisa geldituak saridunak baino balio handiagoak izan ohi dituen.
Best-sellerren bikaintasuna
Bikainen saldua ez ohi da salduetan bikainena.
Zorionbide merkatua
Bide asko zoriontsu izateko Gabonetan! Negar batean zegoen bidegurutzean, jaioberria gero hil zuten gurutzea buruan.
Lege azoka
Ezin onartu araudirik merkatu-legeak, berez. Hortaz, ordea, lege errepresiboen beharra. Eta merkatu-legetik lege-merkatura jauzia.
Merke-zurrean saldu
Inork ez du inoiz bere burua garesti saldu.