Irakurleok geure adimenaren arabera ulertu ohi ditugu testuak; alta, batzuek beren nahimenaren arabera baizik ez dituzte ulertzen.
nahimena
Giza arrazionaltasuna
Gizakion joera ikaragarria, buru arrazoiduna jartzeko nahi burugabeen zerbitzura.
Kausa antzuak ote?
Ez dago kausarik erreboltaririk gabe: kausarik ez dago nahimenik ezean.
Askatasunaren beharrak
Arauak, aginduak, legeak, debekuak behar ditu askatasunak: ez du natural existitzen, loturak hautsi zuk zeuk nahita baizik.
Nahiaren matematika
Nahiaren matematikan, minus bat gehi minus bat eragiketak ez du zertan eman minus bi.
Ius-naturalismoaren arteak.
Jende gutxiren arrazoiak bihurtu du lege naturan usuan atzemana; jende gutxiagoren nahiak bihurtu ditu gero lege natural abusuak.