Askatasunaren beharrak

Arauak, aginduak, legeak, debekuak behar ditu askatasunak: ez du natural existitzen, loturak hautsi zuk zeuk nahita baizik.

Dualismoa eta gizakiok.

Ezetz, ez dikotomiek ez dilemek zerikusirik ez dutela dikotiledoneoekin. Naturarekin ez, gizakiekin dute zer ikusi.

Gainbehera hasi zen Natura adimena lortu zuenetik: hots, gizakia jaun bihurtu eta Jaunartzearen adinera heldu zenetik.

Ez dut sinetsi nahi giza(t)-eria naturari sorturiko minbizia denik.

Askatasuna, sortu, Naturak sortu zuen, baina contra natura garatu du gero nahiak.

Jende gutxiren arrazoiak bihurtu du lege naturan usuan atzemana; jende gutxiagoren nahiak bihurtu ditu gero lege natural abusuak.