Kultur zingira eruditoa

Hondorik gabeko putzu-erudizioa harena, eta kultur zingira bat.

Zerotik jarraitu

Memoria galdu zuen, ez, aldiz, idazteko grina. Hortik aurrera, bere idazkiak guztiak poiesis.

Ezta deskuiduan ere, bere kabuzko ideiarik ez. Horrek bai pentsarazten digula.

Ez ohi ditu adimenak piztu maitasun eta gorrotoak, bana haiek kudeatu, adimenak kudeatu beharko lituzke.

Kultura euskaraz sortu eta transmititzea, merkatu murritzeko baina balio erantsi handikoa.

Narraziogile orojakileak ez dakiena: pertsonaia biziak sortuz gero, nola jokatuko duten gero berauek.

Zorte txarra La ciudad y los perros eta Conversación en La Catedral bezalakoena, Vargas Llosaren aitatasuna haiei tokatzea!

Herri urratsak:

oinatzak bihotzetan,

oin-hotsak kantan.

Ez daukat burua txorakeriendako eta ezin deus ere bururatu.

Inork ezin du bere burua hutsetik sortu. Are gutxiago, burua hutsik dutenek.