Kultura unibertsalaren iturriak ez dira unibertsalak. Aitzitik, bazter ezkutuenetan (pertsona edota gizataldeengandik) sortu, erreka bihurtu, ibai bilakatu gero, eta, azkenik, itsaso zabalak elikatzen dituzten iturri umil anitzi darizkion ur-begien emaitza da kultura unibertsala. Itsasoetatik altxatuko diren hodeien isuriak berrelikatuko ditu gero jatorrizko iturriak (jada lehorturik ez daudenak behintzat) osagai berriekin, eta ziklo aberasgarri berri bati hasiera emanen. Kulturaren emaitzak izan daitezke unibertsal, ez haren iturriak. Eta iturri berriztaturik gabeko kultura, ezinbertzez, bere agortean itoko da.