Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie Politika
Madrilgo Unibertsitate Politeknikoak eginiko ikerketa baten arabera, Arabako hiriburuak 2017an kontsumitu zuen argindarra baino gehiago sor dezake egokiak diren eraikinetan eguzki plakak jarrita. Goiener kooperatiba dagoeneko ari da herrietako pilotalekuetako estalpeetan energia sortzeko planak diseinatzen.
Hainbat herrialdetako 2.000 profesional bildu dira Irungo Ficoban, kalamuaren inguruko Expogrow azokan, negozioak egiteko eta kalamuzaleei produktuak eskaintzeko.
Kasualitateak lekua izan du beti zientziaren eta teknologiaren historian. Zoriak elkartu ditu Donostiako Nanogunean lanean dabilen kimikari musikazale bat, kostaldeko aire umela eta Norvegiako goi mailako musika gailuen ekoizle batzuk. Denen artean, grafenoan oinarrituriko munduko lehen bozgorailua merkaturatu dute.
Euskadi ikerketa saria eman diote EHUko Fisika irakasle eta Donostia International Physics Centerreko ikertzaileari. Urte luzez, mundu osoko dozenaka zientzialari erakarri ditu Euskal Herrira, eta DIPC planetako erreferente bihurtzen lagundu du.
Lehen aldiz, gizateriak zulo beltz baten benetako irudia ikusi du. Planeta osoko zortzi irrati teleskopioz osaturiko sare bat erabili dute begi erraldoi bat osatzeko. Urrats historiko bat egin dute unibertsoaren izaera ulertzeko bide malkartsuan, baina zientzialariek esan dute hasiera besterik ez dela.
Iparraldeko eta Frantziako supermerkatuak Euskal Herriko ikurrak erabiltzen dituzten produktuz beterik daude. Askotan, salgaiak ez dira hemen egindakoak. Izan ere, norbera bere herrialde markaz baliatzen ez denean, auzoak egiten du.
Berdel Eguna egin zuten atzo Mutrikun. 40.000 pintxo eta 6.000 errazio banatu zituzten bertakoen eta bisitarien artean. Jaialdia uda aurreko «lehen jai handi» gisa finkatu da.
Ia milioi bat euro eman dizkio Europako Batzordeak Donostiako CIC Biomaguneko Sergio Moya ikertzaileari, nazioarteko talde bat koordina dezan. Nanomaterialak sortu nahi dituzte, elkarlanean, minbizi zeluletara oxigenoa eramateko, gero argiarekin suntsitzeko. Martxoan hasi ziren horretan lanean, lau urterako egitasmoan.
