Jose Luis Erezuma Alonsotegiko (Bizkaia) EAJren alkate ohia ikertzeko agindua eman du Barakaldoko 4. Instrukzio Epaitegiak; ustez, Bizkaiko Foru Aldunditik jaso zuen 600.000 euroko diru laguntza enpresa bati bideratzeagatik, egin ez zituen lanen truke. Alonsotegiko EAJko beste bi alkate ohi auzipetu dituzte, iruzur egitea egotzita.

Sarek eta Bagoaz-ek antolatu dute martxa, euskal presoak Euskal Herriko espetxeetara hurbil ditzatela eskatzeko. Mont-de-Marsan espetxetik (Okzitania) abiatu dira goizean, eta Zaballakora (Iruña Oka, Araba) iritsiko dira astelehenean. Javier Abaunza preso gernikarra Lannemezanera gerturatu du Frantziak; 20.a.

Kabina tripulazioko langileek greba egingo dute uztailaren 25ean eta 26an, Espainian, Italian, Belgikan eta Portugalen. Estatu horietatik irten edo haietara iristen diren hegaldiei eragin diezaieke protestak.

Elkarte ekologista eta naturisten plataformak jakinarazi duenez, Gipuzkoako Aldundiak auzia artxibatzeko eskaria aurkeztu du, eta eskari horri helegitea aurkeztu dio Naturkonek. Aldundiari leporatu dio bere "ardura penalen larritasuna ezkutatzen" saiatzea.

Espainiako Gobernu Ordezkaritzak bidali dien oharraren arabera, pankartetan ageri diren leloak "Estatuaren kontrako irainak" izan daitezke.

Baztertu egin du Kataluniako presidente ohiari matxinada delitua leporatzea. Horrenbestez, Espainiako Justiziak soilik Alemaniak onartutako akusazioarengatik epaitu ahalko du. Hainbat iturriren arabera, Llarenak ez du onartuko ebazpena.

Carmen Calvo Espainiako presidenteordeak azaldu duenez, ondorengo irizpidea txertatu nahi du gobernuak legedian: "Emakume batek bai esaten ez badu, gainerako guztia ez da".

11:30ean bildu dira Perdo Sanchez Espainiako presidentea eta Quim Torra Kataluniakoa, Moncloa jauregian. Bi gobernuen arteko lehen bilera da urriaren 1eko erreferendumaz geroztik.