Maria Jauregi Lasa, Juan Mari Jauregi zenaren eta Maixabel Lasaren alaba, presoak gerturatzearen alde, biktimen erabilera politikoaren kontra eta giza eskubide guztien alde agertu da gaur goizean Euskadi Irratian egin dioten elkarrizketan. Orain, indar guztia elkarbizitzaren alde egiteko erabili behar dela azpimarratu du.

Iruñeko talde bortxaketaren egileak aske utzi izanak asaldura eragin du. Sarean segituan hasi dira zabaltzen protestak eta kalera deitu du mugimendu feministak. Protesta jendetsuak egin dituzte hiriburuetan eta hainbat herritan. Auzitegiraino joan dira Iruñean.

Altsasuko auziko epaian hainbat akats daude, eta haiek zuzentzeko autoa kaleratu du auzitegiak.

Lau puntuko bide orria azaldu du Pedro Sanchezek, osatu asmo duen "PSOEren gobernuarentzat", eta haietako azkena bozetara deitzea dela esan du. "Demokraziari duintasuna itzultzea" da asmoa. Ciudadanosek ez du babestuko sozialisten mozioa, eta hauteskundeetara deitzeko eskatu dio Rajoyri. EAJ "hitz egiteko prest" dagoela esan du Estebanek. Rajoyk dio "Sanchezen interesei" erantzuten diela mozioak, eta ez beste inorenei.

'Gatazkaren konponbidean aitzinatzeko nazioarteko topaketak' izenburua izango dute eta Ipar Euskal Herriko hainbat hautetsik osatutako babes talde bat izango dute. Harremanetarako Nazioarteko Taldeak, Foro Sozialak eta Bake Bideak xehetasunak eman dituzte Baionan. Bideoa: antolatzaileen agiria, euskaraz (Julen Aperribai eta Julen Hidalgo, BerriaTB).

Puigdemontek eta Cominek diputatu akta galduko dute auzipetze autoa irmo bihurtzen denean. Beste bi diputatu sartuko dira legebiltzarrera, eta horrenbestez haien botoak erabili ahal izango dituztenez, gehiengo sinplea batuko dute JxCk eta ERCk.

Auzipetze autoaren berri eman die Llarena epaileak ikertuei. Puigdemonti, Junquerasi, Cuixati, Sanchezi, Comini, Forni, Ponsatiri, Rovirari, Turulli, Rulli, Bassari, Romevari eta Forcadelli matxinada egotzi die. Azken bostei behin-behineko espetxeratzea ezarri die. Rovira, aldiz, Espainiako Estatutik irten da kartzelaratzea saihesteko.

17:00etan hasiko dute saioa legebiltzarrean. Turullek aurkeztutako gobernu programa eztabaidatuko dute, eta bozketa egin.