<![CDATA[Ainara Arratibel Gascon | Berria.eus]]> https://www.berria.eus Bere azken artikuluak eu Thu, 09 Jul 2020 20:00:47 +0200 hourly 1 <![CDATA[Ainara Arratibel Gascon | Berria.eus]]> https://www.berria.eus/irudiak/berriaB.png https://www.berria.eus <![CDATA[Oporrak, buruan]]> https://www.berria.eus/paperekoa/1997/026/002/2020-07-09/oporrak_buruan.htm Thu, 09 Jul 2020 00:00:00 +0200 Ainara Arratibel Gascon https://www.berria.eus/paperekoa/1997/026/002/2020-07-09/oporrak_buruan.htm
Osasuna. Herrera, Vidal, Aridane, D. Garcia, Lato; Brasanac (Estupiñan, 46'), Fran Merida (Iñigo Perez, 78'), Moncayola, Roberto Torres (Oier, 46'), Kike Barja (Adrian, 60') eta Arnaiz .

Golxxx. 1-0. Guidok (3. min.); 1-1. 2-0: Pedrazak (25. min.). 3-0: Aleñak (96'). Epailea Hernandez Hernandez. Txartel horiak Betiseko Williami eta Osasunako David Garcia, Aridaneri, Fran Meridari, Latori Estupiñani. Bestelakoak. Ikuslerik ez Benito Villamarinen.

Oporrak gertu izan, eta lanak eginda edukitzean, ohikoa da egunerokoan izaten den gogo edo adorea apur bat galtzea. Lanean bainoago, atsedenean pentsatzen da. Hori pasatu zitzaion atzo Osasunari, Betisen zelaian. Jagoba Arrasateren taldeak 3-0 galdu zuen, ezer jokoan ez zuen lehian. Lehen ordu erdian nafarrek bi akats egin zituzten atzealdean, eta bi opariak ederki aprobetxatu zituzten etxekoak. Partidako azken jokaldian egin zuten hirugarrena.

Hasi eta berehala sartu zuen lehen gola Betisek: hirugarren minutuan. Motzean atera zuen kornerra, eta Joaquinek erdiraketa neurtua jarri zuen bigarren zutoinean. Osasunak ez zuen ondo zaindu jokaldia, eta Guidok buruz egin zuen gola.Gorritxoek jokoz kanpo zela eskatu zuten, baina VARak begiratu, eta epaileak gola zela berretsi zuen.

Etxekoei oso goiz jarri zitzaien alde neurketa. Beroak —30 gradu egiten zituen partida hastean— eta aipatutako adore faltak eraginda, ez zen denboraldi osoan zehar nafarrek egindako presioaren arrastorik ikusi. Alderantziz, Betisek atzean sartu zuen talde gorritxoa. Ondorioz, berandu iritsi zen Alexis Trujilloren taldearen baloi irteerara.

Betis, berriz, eroso aritu zen, baloi jabetzea izan, eta partidari nahi zuen erritmoa emanda. Osasunak apenas estutu zuen. 25. minutuan bigarren gola sartu zuen, ezker hegaletik lotutako jokaldi batean. Pedrazak indartsu egin zuen aurrera, eta areara iristear zela, Fekirri utzi zion baloia. Hark Borja Iglesiasi pasea eman, eta azkenean Pedraza bera izan zen gola egin zuena, Osasunako atzealdearen tentsio falta baliatuz.

Lehen zatiko azken ordu laurdenean, ura edateko etenaren ostean, Osasuna ahalegindu zen Dani Martinen atera gerturatzen, baina baloia zuenean argitasunik izan gabe. Presioa ondo egin zuen aukera bakanetako batean, Betisek ez zuen baloia ondo atera, eta Arnaizek berreskuratu zuen. Baina haren erdiraketa ez zuten nafarren aurrelariek baliatu. Betis hirugarren gola sartzetik gertu egon zen, baina Fekirrek bigun errematatu zuen, eta Herrerak erraz gelditu zuen.

Bi aldaketa atsedenaldian

Partidari beste norabide bat eman asmoz, bi aldaketa egin zituen atsedenaldian Arrasatek. Oier eta Estupiñan zelairatu zituen Roberto Torres eta Brasanacen ordez. Sakontasun eta zentzu gehiago eman nahi zion jokoari. Aldaketa horiekin Osasunaren jokoak zertxobait hobera egin zuen, eta Betis lehen zatian baino deserosoago aritu zen. Dena den, aldea handitzeko aukera garbienak Betisenak izan ziren. Sergio Herrerak bitan aldendu behar izan zuen Pedrazaren erremate bat 55. minutuan, eta handik hiru minutura berriro ere atezainak salbatu zuen Arrasateren taldea, Fekirrek egindako jaurtiketa batean.

Osasunari zehaztasun falta izan zitzaion paseetan. Bi atzelarik sortu zituzten gorritxoek partidan zehar izan zituzten bi aukera argienak Roncagliak eta Nacho Vidalek, baina ez zuten asmatu. Aken jokaldian, etxekoek hirugarren egin zuten, Aleñari esker.]]>
<![CDATA[Burua, oporretan]]> https://www.berria.eus/albisteak/184009/burua_oporretan.htm Wed, 08 Jul 2020 22:58:04 +0200 Ainara Arratibel Gascon https://www.berria.eus/albisteak/184009/burua_oporretan.htm <![CDATA[Beñatek eta San Josek ez dute Athleticen segituko]]> https://www.berria.eus/paperekoa/2016/026/002/2020-07-08/beatek_eta_san_josek_ez_dute_athleticen_segituko.htm Wed, 08 Jul 2020 00:00:00 +0200 Ainara Arratibel Gascon https://www.berria.eus/paperekoa/2016/026/002/2020-07-08/beatek_eta_san_josek_ez_dute_athleticen_segituko.htm
Bi jokalariei ekainaren 30ean amaitu zitzaien kontratua. Baina onartu egin zuten klubak liga amaitu bitarte egindako eskaintza, eta taldeari laguntzen segitzea erabaki zuten uztailaren 19 arte. Sare sozialetan iragarri zuten zergatik egin zuten hautu hori:«Athleticen bizi izandako guztia errepikaezina da guretzat, eta horregatik onartu dugu». Taldekideak eta zaleak ere gogoan izan zituzten. Garbi zuten biek klubak ez zituela nahi datorren denboraldian, «erabateko ziurtasunarekin azaldu ez badigute ere». Egoera horretan, bizi izandakoa gero kontatuko dutela azaldu zuten kaleratutako idatzian.

Bi jokalariak bi arotan izan dira talde zuri-gorrian. San Josek 397 neurketa jokatu ditu, 11 denboralditan banatuta, eta guztira 37 gol sartu; Beñatek, berriz, 242, eta 11 gol sartu ditu zortzi sasoitan. Biek titulu bat irabazita utziko dute Athletic: Espainiako Superkopa, 2015ean, Bartzelona mendean hartuta.]]>
<![CDATA[Soka tenkatuz doa]]> https://www.berria.eus/paperekoa/1869/030/001/2020-07-05/soka_tenkatuz_doa.htm Sun, 05 Jul 2020 00:00:00 +0200 Ainara Arratibel Gascon https://www.berria.eus/paperekoa/1869/030/001/2020-07-05/soka_tenkatuz_doa.htm
87. minutura arte balio handiko puntua zuen Alavesek eskuan. Salbaziorako funtsezkoa. Valladolid ere konforme zen berdinketarekin. Partidaren isla zen 0-0ekoa. Geldikako jokaldi batean ez bazen, nekez alda zitekeen emaitza. Arabarren zoritxarrerako hala gertatu zen. Gaizki zaindutako falta batean, Joaquinek gola sartu zuen etxekoentzat. Bosgarren porrota segidan, eta bizkarreko handia Alavesentzat. Partida amaieran jokalarien eta Asier Garitanoren aurpegia ikustea besterik ez zegoen horretaz jabatzeko. Oraindik ere Mallorcarekiko sei puntuko aldeari eusten dio. baina egutegi gogorra du aurretik: Real Madrilen, Getaferen eta Bartzelonaren aurka jokatu behar baitu.

Granadaren aurkako partidarekin alderatuz, lau berritasun sartu zituen Garitanok: Martin, Fejsa, Burkue eta Edgard hasieratik aritu ziren. Zelai erdia indartu nahi izan zuen. Eusteko hamaikakoa atera zuen Bergarako teknikariak, jakitun baitzen Valladolidek ere halako partida bat planteatuko zuela, eta puntu bat balekoa eta balio handikoa zela bientzat. Ezustea Joselu aulkian utziz eman zuen. Lucas Perezekin arabarren aurrealdeko zutarria izan da, baina bai bata zein bestea ere, kamuts itzuli dira konfinamendutik.

Hasieratik, ez talde batek, ezta besteak ere, ez zuten partidaren aginte makila izan. Urduri antzeman zitzaien, sailkapenean zituzten estutasunengatik. Erasoan dituzten gabeziak agerian geratu ziren, argitasun falta izan zutelako. Duarterena izan zen abagunerik garbiena, 16. minutuan, baina haren burukada kanpora joan zen.

Presio ona eginez, zirrikiturik ez zuten uzten aurkariak erasoko jokoa egin ahal izateko, eta hor bi taldeen beste hutsune bat ikusi zen: zenbat kostatzen zaien jokoa sortzea. Geldikako jokaldien bidez ahalegindu ziren gola sartzen, baina hor ere ez zuten asmatu.

32. minutuan Duarteren lesioa ailegatu zen. Valladolideko jokalari batek zapaldu egin zuen, eta hankeko behatz batean min hartuta utzi behar izan zuen zelaia. Lehen zatiko azken txanpak bide beretik segitu zuen, Alaves ondo eusten, eta Valladolid erasoa ssortu nahian, baina ezin.

Alaves hobeto

Bigarren zatian Alaves Valladolid baino hobeto hasi zen, gutxienez jokoa kontrolatuz. Baina etxekoena izan zen ordu arteko aukerarik garbiena, 56. minutuan. Area kanpotik Alcarazek jaurtiketa ona egin zuen, eta baloiak langa ukitu zuen.

Bi entrenatzaileak partidaren bilakaera aldatzen ahalegindu ziren aldaketekin, eta zertxobait ireki zen partida ordutik aurrera, 62. minutuan Roberto atezainak salbatu zuen Alaves. Enes Unal zelairatu berria zen, eta buruz ondo errematatu zuen Waldok egindako erdiraketa, baina arabarren atezainak ondo atera zuen eskua.

Hortik aurrera Alavesek ondo eutsi zion Valladolidi, zelaian hobeto jarrita. Baina gero iritsi zen gaizki zaindutako geldikako jokaldia, eta porrota.]]>
<![CDATA[Itxura lehiakorra ematen segitu nahi du, gaur, Osasunak]]> https://www.berria.eus/paperekoa/1922/030/002/2020-07-05/itxura_lehiakorra_ematen_segitu_nahi_du_gaur_osasunak.htm Sun, 05 Jul 2020 00:00:00 +0200 Ainara Arratibel Gascon https://www.berria.eus/paperekoa/1922/030/002/2020-07-05/itxura_lehiakorra_ematen_segitu_nahi_du_gaur_osasunak.htm
Une gozoan dira nafarrak, azken hiru neurketak irabazi baitituzte. Gaur hiru puntuak poltsikoratuz gero, erreskadan lortutako garaipen kopurua berdinduko lukete gorritxoek, laurekin. 2004-2005 denboraldian lortu zuten marka hori, Javier Agirreren adinduetara. Osasunak Racing, Sevilla, Atletico Madril eta Vila-real azpiratu zituen orduan segidan.

Bisitariei, berriz, kosta egiten ari zaie txapelketari neurria hartzea, koronabirusaren pandemiaren etena eta gero. Nahiz eta azken bi partidetan Realari irabazi, eta Real Madrilen aurka itxura lehiakorra eman. Bordalasen taldeak aurkaria «estutzeko» duen gaitasuna azpimarratu zuen atzo, partida atariko prentsaurrekoan, Arrasatek. «Baloia azkar mugitu beharko dugu, eta haien bizkarra bilatu».

Irabaziz gero Osaunak gertuago izango lituzte Europako postuak jaitsierakoak baino. Baina Arrasatek ez dio horri erreparatu nahi. «Une honetan EuropAz hitz egitea ez du zentzu askorik». ]]>
<![CDATA[Reala eta Eibar lehia gaiztoetan ariko dira bihar, beren helburuak lortzeko bidean]]> https://www.berria.eus/paperekoa/1985/031/002/2020-07-05/reala_eta_eibar_lehia_gaiztoetan_ariko_dira_bihar_beren_helburuak_lortzeko_bidean.htm Sun, 05 Jul 2020 00:00:00 +0200 Ainara Arratibel Gascon https://www.berria.eus/paperekoa/1985/031/002/2020-07-05/reala_eta_eibar_lehia_gaiztoetan_ariko_dira_bihar_beren_helburuak_lortzeko_bidean.htm
Bihar, ordea, norgehiagoka gaiztoak dituzte beren helburuak lortzeko bidean. Levanteri egingo dio bisita Realak. Paco Lopezen taldea beti izan da aurkari deserosoa talde txuri-urdinarentzat; are gehiago, etxean. Beti kostatu izan zaio emaitza onak lortzea. Imanolek argi du ez dela izango norgehiagoka erraza. «Jokalari onak dituen taldea da, erasoan gola sartzeko aukera asko sortzen dituena, baina baita berari asko sartzeko ere. Salbazioa ziurtatua du, eta horrek are arriskutsuago egiten du, askeago jokatuko duelako». Teknikaria eskertuta agertu da bolada txarrak iraun bitartean jokalariek, klubak eta hedabideek emandako babesarengatik. «Sentitu egin dut babes hori». Biharko neurketari begira, Adnan Januzaj ez ezik, Joseba Zaldua ere faltako du Imanolek, hura ere min hartuta baitago.

Sevillaren zelaian ariko da Eibar. Julen Lopetegik zuzentzen duen taldea Txapeldunen Liga jokatzeko borrokan da, bete-betean, eta oso ondo ari da liga bueltatu zenetik. Eibarrek, gainera, zortzi aldiz jokatu du Sanchez Pizjuanen, eta ez du sekula han irabazi. «Sevillak ez du oso talde luzea, baina bai indartsua eta lehiakorra», adierazi zuen atzo egindako agerraldian Jose Luis Mendilibarrek.

Haren ustez, lehen gola sartzen duenak asko izango du irabazita. «Hainbeste partida ia segidan jokatuta, nekea antzematen hasi dira talde gehienak. Gainera, Sevillan bero asko egingo du. Hori lortzen duen taldea lasaiago ariko da, eta nahi duen erritmoa eman ahal izango dio partidari».]]>
<![CDATA[Egoera gero eta estuago]]> https://www.berria.eus/albisteak/183817/egoera_gero_eta_estuago.htm Sat, 04 Jul 2020 22:52:36 +0200 Ainara Arratibel Gascon https://www.berria.eus/albisteak/183817/egoera_gero_eta_estuago.htm Presio ona eginez, zirrikiturik ez zuten uzten aurkariak erasoko jokoa egin ahal izateko, eta hor bi taldeen beste hutsune bat ikusi da: zenbat kostatzen zaien jokoa sortzea. Geldikako jokaldien bidez ahalegindu dira gola sartzen, baina hor ere ez zuten asmatu. 32. minutuan Duarteren lesioa ailegatu da. Valladolideko jokalari batek zapaldu egin du eta oineko behatz batean min hartuta utzi behar izan du zelaia. Lehen zatiko azken txanpak bide beretik segitu du Alaves ondo eusten, eta Valladolid erasoa sartu nahian, aina ezin.
Alaves hobeto Bigarren zatian Alaves Valladolid baino hobeto hasi da, gutxienez jokoa kontrolatuz. Baina etxekoena izan da ordu arteko aukerarik garbiena, 56. minutuan. Area kanpotik Alcarazek jaurtiketa ona egin du, eta baloiak langa ukitu du.
Bi entrenatzaileak partidaren bilakaera aldatzen ahalegindu dira aldaketekin, eta zertxobait ireki da partida ordutik aurrera, 62. minutuan Roberto atezainak salbatu zuen Alaves. Enes Unal zelairatu berria zen, eta buruz ondo errematatu du Waldok egindako erdiraketa, baina arabarren atezainak ondo atera du eskua.
Hortik aurrera Alavesek ondo eutsi zion Valladolidi, zelaian hobeto jarrita. Baina gero iritsi da Joaquinen gola, eta kolpea.]]>
<![CDATA[Kirolarien hizkuntza eskubideak aldarri]]> https://www.berria.eus/paperekoa/1879/032/001/2020-07-04/kirolarien_hizkuntza_eskubideak_aldarri.htm Sat, 04 Jul 2020 00:00:00 +0200 Ainara Arratibel Gascon https://www.berria.eus/paperekoa/1879/032/001/2020-07-04/kirolarien_hizkuntza_eskubideak_aldarri.htm
Idatzia sarera igo, eta berehala hasi ziren bi jokalari zuri-gorrien kontrako mezuak. Txio batekin erantzun zien San Josek, argi utziz halako gauza pertsonal eta garrantzitsu bat azaltzeko nahiago izan zutela euskara erabili, eta ez zutela inor baztertu nahi izan. Halaber, ulertu ez zuten pertsonei Batua.eus itzultzailea erabiltzeko gomendioa egin zien.

Atzoko ekitaldiarekin, bi jokalariek euskararekiko erakutsitako konpromisoa eskertu eta jaso dituzten irainak salatu nahi izan zituzten, maskara jantzita eta ikurrina eskuan. Han izan ziren, besteak beste, euskalgintzako hainbat pertsona ezagun: esaterako, Koldo Tellitu Ikastolen Elkarteko burua eta Paul Bilbao Euskararen Gizarte Erakundeen Kontseiluko idazkari nagusia.

San Mamesen egitea ez zen bakarrik izan bi jokalariak Athleticen ari direlako: baita zelaiak euskararekin izan duen loturagatik ere. Gogorarazi zuten 1978an eta 1998an zelai zaharrean egin zirela Bai Euskarari jaialdiak. «Askok gogoratuko dute, gainera, euskal selekzioak Irlandaren aurka jokatu zuela Bai Euskarari kanpainaren barruan, San Mamesen, eta euskal ereserkia ozen entzutea debekatu zutela, Garaikoetxea lehendakaria eta Bai Euskarari kantuaren sortzaile Telesforo Monzon partida ikusten ari zirela».

Bai Euskarari jaialdietan aldarrikatutakoa babestu zuten atzo San Mamesen bildutakoek, eta kirol mundura eraman. «Kirol munduaren eta euskararen arteko lotura oso garrantzitsua iruditzen zaigu. Euskara gure ikurra da. Euskarak egiten gaitu euskaldun, baina hizkuntzak egiten gaitu mundu ere. Zelaian erakutsi nahi dugu hori, entrenatzen eta jokatzen ari garenean gure hizkuntza erabiliz, adierazpenak euskaraz eginez... Kirolariok, kirolzaleok, entrenatzaileok, klubetako kideok, kirol proba ezberdinak antolatzen ditugunok... Mundu bat gara, eta euskaraz bizi nahi dugu».

Ekitaldiari Jon Maia bertsolariak jarri zion puntua, bertso bat abestuz. Nabarmendu zuenez, euskara iraindua izan eta salatu ezean, «isiltasuna bihur liteke irain horien sostengu», eta berretsi zuen euskara dela euskaldunen «jokaldi, baloi eta mugimendu».

Garitano eta Aduriz «eredu»

Ekitaldian gogorarazi zuten ez zela lehen aldia kirol munduan halako zerbait gertatzen zena. Gaizka Garitanoren eta Aritz Adurizen kasuak ekarri zituzten gogora. Eibarreko entrenatzaile zela, eta Almeriaren kontrako partidaren osteko prentsaurreko batean, Garitanok alde egin zuen, kazetari bat kexu azaldu zelako ETBko Joseba Urkiola euskaraz galdetzen ari zitzaiolako. «Bere eskubideak urratuak ikusi zituen, eta, ohikoa duen argitasunarekin, joatea erabaki zuen, zuzen eta elegante. Eskerrik asko, Gaizka: eredu zara, eta hemen gaudenok badakigu».

Berriagoa da Adurizen kasua. Aurrelariak duela aste batzuk hartu zuen erretiroa, eta agur esateko hitzaldia euskara hutsean egin zuen. Kritikatua izan zen horregatik. «Zoriontzea eta eskerrak ematea besterik ez dugu, izan zuen jokabidearengatik, bai jokalari gisa, baita euskaldun gisa ere». Ekitaldia bukatzeko, «euskaraz ari diren, aritzen diren eta aritu nahi duten» kirolarien alde txalo zaparrada bat egin zuten bertaratutakoek.]]>
<![CDATA[San Jose eta Beñati babesa azaldu diete]]> https://www.berria.eus/albisteak/183769/san_jose_eta_benati_babesa_azaldu_diete.htm Fri, 03 Jul 2020 22:01:10 +0200 Ainara Arratibel Gascon https://www.berria.eus/albisteak/183769/san_jose_eta_benati_babesa_azaldu_diete.htm <![CDATA[Hautagai sendoa da]]> https://www.berria.eus/paperekoa/1936/023/001/2020-07-02/hautagai_sendoa_da.htm Thu, 02 Jul 2020 00:00:00 +0200 Ainara Arratibel Gascon https://www.berria.eus/paperekoa/1936/023/001/2020-07-02/hautagai_sendoa_da.htm
Athleticek bete-betean segitzen du Europan sartzeko borrokan. Sinesten segitzeko motiboak eman behar dizkio, gainera, atzo Mestallan jokatutako partidak. 0-2 azpiratu zuen Valentzia, Raul Garciak sartutako bi goli esker. Baina batez ere zuri-gorriek egindako jokoa nabarmendu behar da. Denboraldi honetan etxetik kanpo jokatutako partidarik osoenetakoa egin zuen Garitanoren taldeak: zelaian ondo jarrita, eta presio ona oinarri hartuta, oreka edukiz erasoko eta defentsako jokoaren artean.

Valentzia bolada txarrean heldu zen atzoko partidara. Celades entrenatzaile kargutik kendu, eta atzo zuen lehen neurketa aulkian Vorok. Etxean partidarik galdu gabe zegoen sasoi honetan Valentzia. Atzo, ordea, Athleticek hiru puntuak lortu zituen Mestallan.

Vororen taldea, hala ere, hobeto hasi zen. Unai Simonik gelditu oso ona egin zion Guedesi seigarren minutuan, eta, ondoren, Maxi Gomezek ere erremate on bat egin zuen buruz. Baloia gutxigatik joan zen kanpora. Asmatu zuena Athletic izan zen. Oker larria egin zuen Kondogbiak, eta baloia Muniainek jaso zuen. Kapitainak berehala ikusi zuen Raul Garcia bakarrik zegoela penalti puntuaren inguruan, eta pasea ederki baliatu zuen hark Cillesenen atea zulatzeko (13. min.).

Partida alde jarri zitzaien zuri-gorriei. Nahi zuten lekuan zuten, erritmoa kontrolatuta, eta presioan asmatzen. Estu zegoen Valentzia. Talde bat bolada txarrean badago, edo haren inguruan giroa gaiztotua badago, edozein kolpe gogorra izaten da, eta hala pasatu zitzaien etxekoei.

Gertu izan zuen Athleticek bigarren gola 19. minutuan. Cordobak, hainbat aurkari atzean utzi, eta area ertzetik jaurti zuen. Florenzik ozta-ozta aldendu zuen baloia, hankarekin. Zelaian ondo jarrita segitu zuen Garitanoren taldeak, hegalak baliatuz eta erdiraketen bidez arriskua sortuz.

Lehen zatiko azken ordu laurdenean baino ez zuen aurrera egin Valentziak. Parejo eta Guedes baloia gehiagotan izaten hasi ziren, eta antzeman zuten etxekoek. Partidako minuturik onenak orduan egin zituzten. Baina Maxi Gomezek ez zien ginga jarri. Buruz errematatzaile petoa da, baina bigarrenez huts egin zuen. Florenzik gozo erdiratu zion baloia, eta area txikian kanpora bidali zuen, dena alde bazuen ere.

Bigarren zatia hasi eta berehala iritsi zen zuri-gorrien bigarren gola, 47. minutuan. Jaume Costak ez zuen baloia ateratzen asmatu; orduan, Raul Garciak baloia jaso, eta bitan pentsatu gabe ezkerrez jaurtiketa indartsua eta ona egin zuen sarera.

Horrek patxada eta lasaitasuna eman zien Garitanoren jokalariei. Gainera, Valentziak behera egin zuen fisikoki. Jokaldi bakanetan baino ez zen ailegatu Unai Simonen atera, eta Athleticek ondo kontrolatu zuen partida, atzean serio segituz, amaiera bitarte.]]>
<![CDATA[Europarako lehian, bete-betean]]> https://www.berria.eus/albisteak/183662/europarako_lehian_bete_betean.htm Wed, 01 Jul 2020 10:23:18 +0200 Ainara Arratibel Gascon https://www.berria.eus/albisteak/183662/europarako_lehian_bete_betean.htm Horrek patxada eta lasaitasuna eman die Garitanoren jokalariei. Gainera, Valentziak behera egin du fisikoki. Jokaldi bakanetan baino ez zen ailegatu Unai Simonen atera, eta Athleticek ondo kontrolatu du partida, atzean serio segituz, amaiera bitarte.]]> <![CDATA[«Azkenean lortu dut piraguarekin gustura eta eroso egotea»]]> https://www.berria.eus/paperekoa/1857/023/001/2020-07-01/azkenean_lortu_dut_piraguarekin_gustura_eta_eroso_egotea.htm Wed, 01 Jul 2020 00:00:00 +0200 Ainara Arratibel Gascon https://www.berria.eus/paperekoa/1857/023/001/2020-07-01/azkenean_lortu_dut_piraguarekin_gustura_eta_eroso_egotea.htm
Hilabete pasatxo da uretara bueltatu zinela. Zer moduz joan da, eta nola sentitzen zara?

Lehengo eguna oso indartsua izan zen. Gogo handiz nengoen bueltatzeko, baina sentipenak ez ziren onak izan. Izan ere, konfinamenduan ergometroarekin aritu nintzen etxeko garajean, baina teknika ez da berdina, eta zenbait momentutan piragua jo nuen palarekin. Azken batean, paladaren mugimendua galdu nuen apur bat. Berreskuratzea kostatu egingo zitzaidala pentsatu nuen, baina ez zen hala izan. Piraguista gehienoi gertatu zitzaigun hori. Orain oso gustura ari naiz: entrenamenduak primeran joan dira, eta bete-betean sartuta nago egunerokoan. Urruti ikusten ditut jada konfinamenduko egunak. Entrenatzen hasi ginenetik, bizitzak beste kolore bat dauka, eta egunak alai pasatzen ditut.

Eta nola eraman duzu egunerokoa ama eta goi mailako kirolari izanda, kontuan hartuta txikiek hilabeteak daramatzatela eskolara joan gabe?

Itxialdian umore petralagoarekin nengoenez, tentsio apur bat gehiagorekin. Baina, bestela, ondo. Are gehiago entrenatzen hasi garenetik, Ane gurekin etorri baita kanalera. Alaba gurekin lanera eramateko aukera dugu, eta zorte handia da. Ohituta dago, gainera, kanpora joaten garenean gurekin eramaten dugulako, eta oso barneratua du kanalean egotea zer den. Ederki pasatzen du, aire libreaz eta naturaz gozatzen. Gainera, errutina bat jartzen diogu etxeko lanak egiteko, eta ondo antolatzen gara. Dena den, beste haur askok bezala, berak ere ikaskideen hutsunea nabaritu du, dibertigarriagoa delako ikastolara joatea.

Pandemiagatik izan ez balitz, hilabete eskas litzateke Tokioko Olinpiar Jokoetarako. Orain, berriz, urtebete. Behin entrenatzen hasita, nola barneratu duzu hori?

Hasieran, kostatu egin zitzaidan barneratzea, plan guztiak eta lau urteko lana hankaz gora jarri zitzaizkidalako, eta beste urtebete delako Olinpiar Jokoen azken urteak dakarren exijentziarekin. Baina, orain, entrenatzen hasita, eta gauzak patxada handiagoz aztertuta, ondo etortzen zaidala uste dut. Izan ere, olinpiar ziklo hau oso zaila izan da; urte guztietan izan ditut gorabeherak eta arazoak, eta sentipena nuen denbora falta zitzaidala Tokiora konfiantzaz iristeko. Baina, orain, beste urtebete dut bilatzen nuen konfiantza eta erregulartasuna hori lortzeko, eta uste dut konfinamenduan buruari eta gorputzari emandako atsedena ondo etorri zaidala horretarako, oso gogotsu itzuli bainaiz. Aukera moduan ikusten dut, eta oso gustura nago.

Zuenaren moduko kirol batean, fisikoki eta psikologikoki zer esan nahi du urtebetek?

Denbora asko dela ematen du, baina ez da horrela. Garrantzitsuena da une bakoitzari etekina ateratzea, eta egoera bakoitzera egokitzen jakitea.

Berez, sailkatzea ziurtatua zenuen. Orain, ordea, airean dago. Horrek kezka eragiten dizu?

Ez dut horretan pentsatzen. Berriro ere sailkatzeko probak jokatzea tokatzen bada, horretara egokitu beharko dugu. Baina lasai nago, uste osoa dudalako nigan, eta arreta osoa entrenamenduetan, hobekuntza etengabe horretan. Hori da gure zutarri eta euskarri nagusia orain. Berriro ere sailkapen probak jokatzea, gainera, ez zait bidegabea iruditzen. Alderantziz, justua irudituko litzaidake, Olinpiar Jokoetara une horretan onenek joan behar dutelako. Ea ahalik eta azkarren argitzen duten zer egutegi izango dugun, eta urtebete honetako plangintza erabat zehaztu dezakegun. Baina ez dago gure esku.

Hobekuntza horretan zertan ari zarete jartzen arreta? Zer hobetu behar du olinpiar txapeldunak?

Gauza askotan. Ziklo honetan, asko kostatu zaigu piragua batekin gustura, ziur eta eroso egotea, eta oraingoarekin lortu dut: azkarrago noa, erraz mugitzen dut, ibilbidetik aterako ez naizen ziurtasuna dut... Hortik abiatzen da hobekuntza. Une honetan, erremonteak egiteko modua lantzen ari gara. Izan ere, K1eko gizonezkoak kanpoko paladarekin egiten ari dira, baita ni baino dezente gazteagoak diren neskak ere, harrobian hori lantzen ari baita. Nik, ordea, beste teknika bat nuen, eta berria automatizatu behar dut. Lerroko abiadura eta gorputzaren jarrera ere lantzen ari gara: hortik ere ehuneneko dezente irabaz daitezke. Motibazio bat da hori. Gure kirolean, jaitsiera perfekturik ez dago, eta horrek lotu egiten zaitu.

Kirolari batek, dena den, lehia ere behar du. Nahikoa proba izango dituzue Tokiora ondo iristeko, eta aurkariak nola dauden ikusteko?

Ezusterik ezean, Europako Txapelketa eta bi Munduko Kopa izango ditugu. Gainera, Jokoen aurretik bizpahiru egingo ditugu Tokion, eta hor ikusi ahalko dugu bakoitza nola dagoen, entrenamendu asko partekatzen baitira. Ez dira asko, baina bai garrantzitsuak. Etenaldira arte, eta olinpiar ziklo osoan, Ricarda Funk eta Jessica Fox izan dira onenak. Koska bat gorago egon dira, eta atzetik besteak gatoz. Baina onena da ez gaudela haiengandik oso urruti, eta haien parean egon gaitezkeela. Gainera, ikusi behar da bi hilabete etxean egon eta gero bakoitza nola dagoen. Nahiz eta denek ondo ezagutzen dugun elkar.

Mugitzen hasteak beldurra ematen dizu, kutsatzeko arriskuagatik?

Entrenatzen hasi ginenean, testak egin zizkiguten, eta alde horretatik lasai nago. Behin eta berriz errepikatu dituzten segurtasun neurriak betetzea da garrantzitsuena: distantziak errespetatu, higiene neurriak bete, beharrezkoa denean maskara jarri... Gure kasuan, adibidez, entrenatzaileek erabiltzen dute. Egoera honek eragiten dituen zalantzekin bizitzen ikasi behar dugu, eta elkar zaindu.]]>
<![CDATA[Zelaitik ikasgelara]]> https://www.berria.eus/paperekoa/1969/029/001/2020-06-23/zelaitik_ikasgelara.htm Tue, 23 Jun 2020 00:00:00 +0200 Ainara Arratibel Gascon https://www.berria.eus/paperekoa/1969/029/001/2020-06-23/zelaitik_ikasgelara.htm
Aurreko sasoi amaieran erabaki zuen Alvarezek honetan hartuko zuela erretiroa: «Jakitun nintzen zein rol izango nuen taldean, azken denboraldietan gutxi jokatu baitut. Hori barneratua nuen, baina azken denboraldia zela jakinda, beste filosofia batekin hartu nuen, eta asko disfrutatu dut entrenamendu bakoitza, baita taldekideez ere. Gainera, ez nuen neure burua 35-40 urterekin futbolean jokatzen ikusten». Taldekideei, konfinamenduan lan saio fisikoak egiteko izaten zituzten bideo deietako batean eman zien bere erabakiaren berri. «Ez nekien lehiara edo entrenatzera itzuliko ginen, eta horregatik erabaki nuen esatea. Bueltatuko ginela jakin izan banu, orain esango nien, nahiago nuelako aurrez aurre esan. Espero zuten, askok bazekitelako aspalditik zer zebilkidan buruan». Azken hiru asteetan entrenatzera joatea «oso berezia»izan dela nabarmendu du. «Zamudion entrenatu gara, eta Galdakaotik Zamudiora autoz egindako joan-etorri bakoitzean asko pentsatu dut. Uste dut urte hauetako momentu bakoitza gogoratu dudala. Oso berezia izan da». Materialeko arduradunak takillan zituen gauzak eman zizkionean itxi zuen zirkulua. «Guztia etxean gordeko dut. Txoko bat jarri dut horretarako. Nire ibilbideko museo txikia izango da. Taldekideei, gainera, elastiko bat eman diet guztiek sinatzeko, eta han jartzeko asmoa dut». Aste hauetan asko hitz egin du taldekideekin, baina batez ere taldekide ohi batek egin ditu konfidente lanak: Alazne Gomezek. «Bera ere Galdakaokoa da, txikitatik jokatu dugu elkarrekin. Lesioengatik utzi behar izan zuen futbola, eta oso ondo ulertzen nau, antzera pentsatzen baitugu. Asko animatu nau, eta pozik dago ondo ikusten nauelako».

Asebeteta doa: «Gazte noa, baina ametsa beteta: nire bihotzeko taldean jokatzeko aukera izan dut 15 urte nituenetik, eta harekin liga bat irabaztekoa. Ezin dut askoz gehiago eskatu». Izugarri gozatu du. «Ez nuke ezer aldatuko, ezta izan ditudan lesio larriak ere. Momentu bakoitzak pertsona zein futbolari moduan hazten lagundu dit». Izan ere, bi aldiz apurtu du lotailu gurutzea. Lehenik, Athleticera iritsi berritan, eta bestea 2016-2017ko denboraldi hasieran. «Aurrenekoa oso gaztetxotan, eta, larria zela esaten zidaten arren, ez nintzen jabetzen zer zetorkidan. Bigarrena, ziurrenik, kolpe gogorragoa izan zen, banekielako zeri egin behar nion aurre. Bi kasuetan, futbolean segitzeko nuen ilusioa funtsezkoa izan zen aurrera egiteko».

Baina nahiago du gauza onekin geratu. Kirol ikuspegitik irabazitako liga aukeratu du. «Pertsonalki, gainera, nire sasoirik onena izan zen». Baina hortik harago, urte hauetan guztietan izandako taldekide, entrenatzaile eta klubeko langileekin geratu da. «Ez naiz beste talde batean egon, baina esango nuke oso zaila dela beste batean halako giro eta eguneroko bat egotea. Denak etxekoak gara, klubak filosofia berezia du, eta hori antzeman egiten da. Futbol talde bat baino gehiago, lagun talde bat gara».

Ikasgelan hasteko gogoz

Ilusioz ekingo dio aro berriari. «Futbolak asko eman dit, eta izugarri gozatu dut. Baina gauza ugari ere kendu dizkit: familiarekin eta lagunekin igarotzeko denbora, adibidez. Hori gero eta pisu handiagoa hartzen ari zen. Gainera, asko jokatzen ez nuela ikusita, nire etorkizunean ere pentsatzen hasteko beharra sentitzen hasi nintzen. Alde horretatik, erabakia ez zen zaila izan. Gehiago jokatu izan banu, agian, gehiago kostatuko zitzaidan». Emakume futbolarien patua ere badela uste du. «Nahiz eta gure baldintza eta eskubideetan aurrerapausoak eman diren, gizonezkoen kasuan ez bezala, futbola uztean gu ezin gara urte hauetan irabazitakoaz bizi. Lehenago hasi behar dugu gure lan etorkizunean pentsatzen, eta hori prestatzen».

Izan ere, lan mundura eskarmenturik gabe iristen dira. «Curriculumean futbolari izan garela baino ez du jartzen, eta horrek, adibidez, eskola batean lanean hasteko ez du askorako balio». Bere helburua, hala ere, ahalik eta azkarrena lanean hastea da. Irailetik ari zen prestatzen irakasleentzako lan eskaintza publikoa. Berez, hil honetan zen egitekoa, baina koronabirusaren pandemiak bertan behar utzi du.Irakasle moduan lehen eguna nola izango den galdetuta, argi du. «Egon ziur, berdegunera atera baino urduriago egongo naiz, baina ilusio handia dut». ]]>
<![CDATA[Mendoza, Palacios, Lareo eta Torre, beste urtebete Realean]]> https://www.berria.eus/albisteak/183201/mendoza_palacios_lareo_eta_torre_beste_urtebete_realean.htm Mon, 22 Jun 2020 13:41:39 +0200 Ainara Arratibel Gascon https://www.berria.eus/albisteak/183201/mendoza_palacios_lareo_eta_torre_beste_urtebete_realean.htm <![CDATA[Serio eta eroso]]> https://www.berria.eus/albisteak/183093/serio_eta_eroso.htm Fri, 19 Jun 2020 23:48:53 +0200 Ainara Arratibel Gascon https://www.berria.eus/albisteak/183093/serio_eta_eroso.htm <![CDATA[Udak itxura hobea du]]> https://www.berria.eus/paperekoa/1986/023/001/2020-06-19/udak_itxura_hobea_du.htm Fri, 19 Jun 2020 00:00:00 +0200 Ainara Arratibel Gascon https://www.berria.eus/paperekoa/1986/023/001/2020-06-19/udak_itxura_hobea_du.htm
Gisasolak nabarmendu du «pozik» daudela. «Behintzat, udan aukera dugu zerbait egiteko». Txapelketa «berezia» izango dela uste du. Finol eta Gisasola 63 kiloko harri zilindriko, kubiko eta esferikoekin ariko dira, eta Ostolazarenak, 14 urte dituela kontuan hartuta, pisu gutxiagokoak izango dira: 50 kilokoak, hain zuzen. «Uste dut garrantzitsua dela pisu baxuagoko halako txapelketak antolatzea. Ikusleentzat erakargarriak dira, eta balio dezakete neska gehiago animatzeko harriak jasotzen hastera. Erakusteko pisu gutxiago jasota ere aritu zaitezkeela». Nahiz eta halako harriak altxatzea ere ez den erraza. «Indarraz eta teknikaz gain, hauspoa ere eskatzen dute harri hauek. Ez da txapelketa erraza izango».

Txandak bi minutukoak izango dira, eta harri jasotzaile bakoitza birritan ariko da: Ostolaza, ekainaren 27an eta uztailaren 25 edo 26an; Gisasola, uztailaren 4an eta uztailaren 22, 23 edo 24an; eta Finol, uztailaren 11n eta uztailaren 16, 17 eta 18an. Finalerako hirurak sailkatu dira. Baina markarik onena duenak abantaila bat izango du: hirugarren tokian lehiatuko da finalean. «Ikusiko dugu ateak irekita edo itxita jokatuko den. Nik nahiago dut ikusleekin aritu. Gehiago urduritzen zaitu, baina beste motibazio bat izaten da».

Gisasolak garbi du zein den faborito: Finol. «Plaza gutxi egin ditu, eta esan dit konfinamendua tarteko ez dela hainbeste entrenatu. Baina crossfit irakaslea izanda, berez da indartsua, eta oso ondo menderatzen du harria». Gisasolak uste du zilindroarekin eta bolarekin «oso lan ona» egin beharko duela Finol mendean hartzeko aukeraren bat izateko.

Harri jasotzen gustura

Apirilean hasi zen harriarekin entrenatzen. «Hasieran, Euskal Herriko Txapelketa ez zegoenez bertan behera utzita, 88 kilokoarekin egin nuen. Baina behin jakinda ez zela jokatuko, 63 kilokoarekin aritu naiz. Indar ariketak ere egin ditut. Entrenatzen segitu dut». Izan ere, «barrenak» esaten zion, nahiz eta herri askotan jaiak bertan behera utzi, zerbait egiteko aukera izango zutela, eta hala gertatu da. «Bizkaiko Federazioak ere badu asmoa txapelketak antolatzen hasteko, baina ikusi beharko da zer udalek zer aukera ematen duten horretarako, une honetan beste lehentasun batzuk baitituzte. Pena da, adibidez, aizkorako neskek txapelketarik ez edukitzea».Ez dio beldurrik itzulerari. «Azken batean, bakarkako kirola da, eta laguntzen egongo direnak anaia eta aita dira, eta nirekin bizi dira. Alde horretatik, ez dago arazorik. Gainera, uste dut guk ahalegina egin behar dugula udan herri kirola plazetan egon dadin».

Txingekin eta ingudearekin aritu da Gisasola, baina harri jasotzeak «harrapatu» egin duela dio. «Ezustean hasi nintzen, Idoia Etxeberriak eskatuta. Haren agurra txapelketa batean izatea nahi zuen, eta eskatu zidan parte hartzeko. Asko pentsatu gabe, baietz esan nion. Bola txikiekin hasi nintzen, 40 kilo ingurukoekin. Orain, espezialista izan ez arren, gustura eta gozatzen nabil; ondo sentitzen naiz. Nahiz eta harri jasotzeak txingek edo ingudeak baino prestakuntza gogorragoa eta handiagoa eskatu». Izan ere, harri mota desberdinak jaso behar dituzte, eta bakoitzak bere teknika eskatzen du. «Hor bai, gehiago kostatzen zait, batez ere kubikoarekin. Gutxien gustatzen zaidana da». Hobetzen segitzeko borondatea dauka.]]>
<![CDATA[Alboko esklerosi amiotrofikoa duela jakinarazi du Juan Carlos Unzuek]]> https://www.berria.eus/albisteak/183024/alboko_esklerosi_amiotrofikoa_duela_jakinarazi_du_juan_carlos_unzuek.htm Thu, 18 Jun 2020 19:14:38 +0200 Ainara Arratibel Gascon https://www.berria.eus/albisteak/183024/alboko_esklerosi_amiotrofikoa_duela_jakinarazi_du_juan_carlos_unzuek.htm <![CDATA[Bakarrarekin ez da nahikoa]]> https://www.berria.eus/paperekoa/2187/022/001/2020-06-18/bakarrarekin_ez_da_nahikoa.htm Thu, 18 Jun 2020 00:00:00 +0200 Ainara Arratibel Gascon https://www.berria.eus/paperekoa/2187/022/001/2020-06-18/bakarrarekin_ez_da_nahikoa.htm
11 partidako maratoi hau helburu desberdinekin abiatu zuten Eibarrek eta Athleticek. Gipuzkoarrek jaitsiera postuak aldendu, eta mailari eustea; bizkaitarrek, Europarako sailkatzea. Baina helburu horiei begira, ezer gutxirako balio die atzo, Ipuruan jokatutako derbian, batutako puntuak. Emaitzak aho zapore txarragoa uzten dio Eibarri. Izan ere, bigarren zatian hobea izan zen Jose Luis Mendilibarren taldea, eta partida amaitzeko hamabost minutu falta zirenean, 2-1 aurreratzea lortu zuen, Orellanak penaltiz sartutako golari esker. Baina hurrengo jokaldian berdinketa lortu zuen Villalibrek, zelairatu eta berahala, ukitutako lehen baloian. Quiquek eskura izan zuen Eibarren garaipenaren gola, norgehiagokako azken aukeran. Baina errematea kanpora joan zen gutxigatik. Bina amaitu zen lehia.

Partida hasiera hobea egin zuen Athleticek, eta berehala sortu zuen arriskua Dimitrovicen ate aurrean. Lehen aukera argia Yurik izan zuen, 5. minutuan. Capak erdiraketa ona egin zuen, eta ezker hegalekoa ondo iritsi zen bigarren zutoinera. Errematea egin, baina gelditu ona egin zuen Dimitrovicek. Ia erreskadan Muniainek jaurtiketa egin zuen, eta Escalanteren eskuan jo zuen baloiak. VARean kontsultatu ostean, Prieto Iglesias epaileak penaltia adierazi zuen. Raul Garciak ez zuen huts egin: 0-1. Nafarraren sasoiko seigarren gola izan zen.

Eibarrek ohikoak ditu hegaletatik egindako jokaldi zuzenak. Horiek gabe, kosta egiten zaio Mendilibarren taldeari aukerak sortzea, eta atzo ez zen salbuespena izan. Lehen zatian horri esker sortu zituen aukerak, eta horietako batean ailegatu zen gola. Orellana bigarren zutoinera erdiratu zuen, eta Pedro Leoni iritsi zitzaion, baloia. Hark arean jarri, eta gol arrastoan zegoen Kike Gaciak buruz egin zuen gola.

Hamazazpigarren minutua zen, eta horrek patxada eta konfiantza apur bat eman behar zion Eibarri. Duen puntu beharra kontuan hartuta, hori funtsezkoa izan beharko luke. Baina ez zen horrela izan. Urduri antzeman zitzaien jokalariei, eta paseak lotu ezinik. Athletici, berriz, tentsioa faltatu izan zitzaion, eta paseetan ere ez zuen asmatu.

Kaskar joan zen, beraz, neurketa. Atsedenaldi atariko minutuetan baino ez ziren gauzak aldatu. Eibarrek apur bat gehiago estutu zuen, eta hainbat korner eta erdiraketen bidez, Unai Simonen atera gerturatu zen. Baina asmatu gabe.

Bigarren zatia, aurrenekoa amaitu zenaren antzera hasi zen: Eibar aginduz. Jokaldi batean. Yerayk besotik heldu zion Enrichi. Epaileak ez zuen penaltia adierazi, eta Jose Luis Mendilibarrek protesta egin zuen. Prieto Iglesiasek, laugarren epailearen aginduz, txartel gorria atera zion.

Etxekoak hobeto

Eibarrek berdin jokatzen segitu zuen, Orellanaren eta Pedro Leonen bideaz erasoko jokaldiak sortuz hegaletatik, eta bigarren baloiak baliatuz. Presioan ere asmatu zuen. Athletic, berriz, apenas agertu zen bigarren zati horretako lehen minutuetan. Deseroso aritu zen, eta ez zuen jokorik sortu. Zelai erdiko jokalariei ez zitzaien baloirik ailegatu.

Eibarrek atzean erabat sartuta zuen Athletic, eta aprobetxatu beharra zuen txanpa ona. Baina ez zuen lortu. Zuri-gorriek 23 minutu behar izan zituzten, bigarren zatian Dimitrovicen atera gerturatzeko. Williamsena izan zen abagunea. Baina baloiak Arbillan jo, eta kornerrera joan zen.

Ia segidan Dani Garciak Escalanteri bultzakada inozoa eman zion, eta VARean ikusi ostean, oraingoan penaltia adierazi zuen epaileak. Athleticeko jokalariek protesta egin zuten. Orellanak sasoiko zortzigarren gola egin zuen, baloia erdi erdira jaurtiz.

Hiru puntuak batuz jaitsiera postuak gehiago aldendu, eta arnas apur bat hartzeko. Baina hurrengo jokaldian iritsi zen Villalibreren gola, eta bi taldeek puntu bakarra poltsikoratu zuten.]]>
<![CDATA[Txapeldunen Ligako finala Anoetan jokatu da]]> https://www.berria.eus/paperekoa/1990/023/002/2020-06-18/txapeldunen_ligako_finala_anoetan_jokatu_da.htm Thu, 18 Jun 2020 00:00:00 +0200 Ainara Arratibel Gascon https://www.berria.eus/paperekoa/1990/023/002/2020-06-18/txapeldunen_ligako_finala_anoetan_jokatu_da.htm
COVID-19aren pandemiak lehiaketa eten zuenean, final-laurdenak jokatzear ziren, eta hauek ziren kanporaketak: Bayern-Lyon, Wolfsburg-Glasgow, PSG-Arsenal eta Bartzelona-Atletico Madril.

Final-laurdenak abuztuaren 21ean eta 22an jokatuko dira; finalerdiak, 25 eta 26an, eta finala, 30ean, 20:00etan. Partidak ateak itxita jokatuko dira, Espainiako Gobernuak futbol zelaietan zaleak sartzeko baimena ematen ez badu, behintzat.

Lyon da txapelketa irabazteko hautagai nagusia. Sei aldiz irabazi du orain arte, azken lauak erreskadan. Izarrez beteko taldea da: Ada Hegerberg, Eugenie Le Sommer, Wendie Renard... Aurreko sasoiko finalean nagusitasunez hartu zuen mendean Bartzelona: 4-1. Hegerberg izan zen finaleko izarra, hiru gol sartu baitzituen.

Dena den, denboraldi honetan, ligan, Paris Saint Germainek estu hartu du Lyon. Liga eten zen biharamunean ziren bi taldeak elkarren aurka jokatzekoak, Parisen, eta Lyonek hiru punturen aldea baino ez zuen.

PSGn jokatzen du, hain zuzen ere, Irene Paredesek. Hura izango da Zortziko Finalean izango den euskal jokalari bakarra, eta aukera edukiko du Europako kluben arteko txapelketa etxean jokatzeko. Parisko taldearen atzealdeko zutarrietako bat da.

Beste taldeen artean, Bartzelona izan daiteke Lyonen nagusitasuna ezbaian jartzeko hautagai nagusia. Sasoi osoan erabat nagusi izan da Espainiako Ligan, eta denboraldi hasieratik Txapeldunen Liga irabaztea du begiz joa, aurreko sasoiko kolpearen ondoren. Lyonen antzera, jokalari erabakigarriak ditu, batez ere zelai erditik aurrera: Lieke Martens, Asisat Oshoala, Jenni Hermoso...

Wolfsburgek eta Bayernek, aldiz, abantaila txiki bat izan dezakete, Alemaniako liga itzuli egin baita. Ingalaterrako, Frantziako eta Espainiako ligak, berriz, etenda daude, eta Eskoziak ez du oraindik erabaki zer egingo duen txapelketarekin.

Gizonezkoena, Lisboan

Gizonezkoen Zortziko Finalari buruzko xehetasunak ere eman zituen UEFAk. Kasu honetan, Lisboan jokatuko da. Lehia abuztuaren 7an itzuliko da. Koronabirusaren krisia agertu aurretik erabakitzeke geratu ziren final-zortzirenetako kanporaketak jokatuko dituzte aurrena. Itzulerako partidak izango dira: Manchester City-Real Madril (2-1), Juventus-Lyon (0-1) Bayern-Chelsea (3-0), eta Bartzelona-Napoli (1-1). Printzipioz, etxean jokatzea egokitzen zaien taldeen zelaian jokatuko lirateke neurketak, eta, ezingo balitz, Guimaraeseko Alfonos Henriques zelaian edo Portoko Do Dragaon jokatzea proposatu du UEFAk. Final-laurdenetako lehiak abuztuaren 12tik 15era jokatuko dira; finalerdiak, 18tik 19, eta finala 23an. Norgehiagoka guztiak 21:00etan izango dira.

Datorren sasoiko Txapeldunen Liga urriaren 20an hasiko da. UEFAk berretsi zuen, halaber, Bilbo datorren urteko Eurokopako egoitza izango dela. Lau lehia jokatuko dira bertan, tartean Espainiako selekzioaren hiru.]]>
<![CDATA[Txapeldunen Ligako finala, Anoetan]]> https://www.berria.eus/albisteak/182970/txapeldunen_ligako_finala_anoetan.htm Wed, 17 Jun 2020 09:56:49 +0200 Ainara Arratibel Gascon https://www.berria.eus/albisteak/182970/txapeldunen_ligako_finala_anoetan.htm Irene Paredesek. Legazpikoak, aukera izango du Europako kluben arteko txapelketa etxean jokatzeko. Gizonezkoen txapelketari dagokionez, Zortziko Finala Lisboan jokatuko da. Lehia abuztuaren 7an itzuliko da. Koronabirusaren krisia agertu aurretik erabakitzeke geratu ziren final-zortzirenetako kanporaketak jokatuko dituzte aurrena. Itzulerako partidak jokatuko dituzte Manchester City-Real Madril (2-1), Juventus-Lyon (0-1) eta Bayern-Chelsea (3-0), eta Bartzelona-Napoles (1-1) taldeek. Printzipioz, etxean jokatzea egokitzen zaien taldeen zelaian jokatuko lirateke neurketak, eta, ezingo balira jokatu, Guimaraeseko Alfonos Heriques zelaian edo Portoko Dragaon jokatzea proposatu du UEFAk. Zortziko Finaleko partidak abuztuaren 12an hasiko lirateke. Final-laurdenetako lehiak abuztuaren 12tik 15era jokatuko lirateke, finalerdiak 18tik 19, eta finala 23an. Norgehiagokak 21:00etan izango dira. ]]>