<![CDATA[Ainara Arratibel Gascon | Berria.eus]]> https://www.berria.eus Bere azken artikuluak eu Mon, 18 Nov 2019 17:51:01 +0100 hourly 1 <![CDATA[Ainara Arratibel Gascon | Berria.eus]]> https://www.berria.eus/irudiak/berriaB.png https://www.berria.eus <![CDATA[Greba desblokeatzeko akordioa lortu dute sindikatuek eta Kluben Elkarteak]]> https://www.berria.eus/albisteak/173915/greba_desblokeatzeko_akordioa_lortu_dute_sindikatuek_eta_kluben_elkarteak.htm Mon, 18 Nov 2019 17:22:12 +0100 Ainara Arratibel Gascon https://www.berria.eus/albisteak/173915/greba_desblokeatzeko_akordioa_lortu_dute_sindikatuek_eta_kluben_elkarteak.htm «Ezin gara urtean 8.000 eurorekin bizi». Aipatu bezala, partzialtasunean zegoen oztopoa. Jokalariek hasieran %100ekoa izatea eskatzen zuten, horrek haien kotizazio urteak eta gaixoaldian kobratzen dutena baldintzatzen baitu. Baina negoziaziorako keinu gisa %75era jaistea onartu zuen. Kluben Elkarteak zioen, ordea, ezin zela %50etik igo, txapelketak ez zuelako horretarako nahikoa diru sortzen. Aste hauetan hainbat bilera egin dituzten, Espainiako Lan Ministerioa bitartekari zutela. Bai Espainiako Federazioak, baita Mediaprok ere beren eskaintzak egin dituzte, baina orain arte ez ziren aldeak gerturatu.

T]]>
<![CDATA[Aurrerapauso erabakigarria eman dezake]]> https://www.berria.eus/paperekoa/1944/030/001/2019-11-17/aurrerapauso_erabakigarria_eman_dezake.htm Sun, 17 Nov 2019 00:00:00 +0100 Ainara Arratibel Gascon https://www.berria.eus/paperekoa/1944/030/001/2019-11-17/aurrerapauso_erabakigarria_eman_dezake.htm
Azken emaitza hori gertatzen ez bada ere, Jacobo Cuetararen taldeak eskura izango luke sailkapena. Emaitza hori konbinazio batek baino ez luke utziko kanpoan: berak ondorengo bi norgehiagokak galtzea, eta Sporting Lisboak eta Savehofek partida bana irabaztea, eta elkarren arteko norgehiagokan berdintzea.

Irundarrek gaur berdindu edo galduz gero, sailkatzeko aukera posibleak gehiago korapilatuko lirateke. Baina partida atariko agerraldian Cuetarak adierazi zuenez, ez dute horretan pentsatu nahi. «Gaurko neurketan jarri nahi dugu arreta osoa. Izan ere, irabazteak lasaitasun handia emango digu, eta eskura izango genuke sailkapena. Gero hasiko gara kontuak egiten, eta ligaxka lehen postuan amaitu dezakegula pentsatzen». Asteazkenean Tatran Presovek Sporting Lisboaren aurka galdu eta gero, dena den, hiru talde geratu dira bakarrik sailkatzeko moduan: Bidasoa, Sporting eta Savehof. Horietatik bik egingo dute aurrera.

Azken bi partidak berdindu egin ditu Bidasoak, eta gorabeheratsuak izan dira. Aurreko larunbatean, Txapeldunen Ligan bertan, 27na berdindu zuen Tatran Presoven kontra Artalekun. Txapeldunen ligan orain arteko partidarik kaskarrena jokatu zuten. Baina balentria handia egin zuten, hamar minutu falta zirela, sei golez atzetik joan eta gero, puntu bat etxean geratzea lortu zutelako. Asteazkenean, kontrakoa gertatu zitzaien Asobal ligan, Guadalajararen kontra. Sei golen aldea zuten hamasei minutu falta zirela (16-22), baina etxekoek partida iraultzea lortu zuen segundo gutxi falta zirela: 26-25. Azken-azkenean, Sergio de la Saludek sartu zuen berdinketaren gola.

Gorabehera horien inguruan galdetuta, Cuetarak onartu zuen taldea ez dagoela bere joko boladarik onenean. «Jokalariak partida pilaketaren zama antzemanez doaz, batez ere fisikoki. Horrek eragina du lehiatzeko garaian ». Dena den, berretsi egin zuen «ikasi» egin dutela asteazkenean gertatutakoarekin. «Ez genuen pozik amaitu, Partida eskura genuen, kontrolatuta. Baina behera egin genuen. Akatsak aztertu, eta ez errepikatzea espero dugu».

Cuetarak ez daki nolako Cocks topatuko duen gaur. Izan ere, Finlandiako taldearen ibilbidea gorabeheratsua izan da Txapeldunen Ligan. Artalekun 34-19 galdu zuen, itxura kaskarra emanez. Baina etxean talde indartsua da. Tatran Presov eta Sporting Lisboa esku hutsik joan ziren handik, eta solik Savehofek lortu du han irabaztea.

Hori dela eta, Cuetara zuhur mintzatu zen. «Garbi dugu irabazteko partida oso ona egin beharko dugula». Aurkariaz ondorengo indarguneak aipatu zituen: «Atezainak asko gelditzen ari dira, eta pibotearekin egiten duten jokoari etekin handia ateratzen diote. Kontu handiz ibili beharko dugu horrekin». Etxekoek min hartuak dituzte hainbat jokalari. «Horrek aldatu egin dezake apur bat haien jokoa».

Gaurko neurketari begira, Cuetarak jokatzeko moduan du Jon Azkue. Erdikoa osatua da belaunean egindako bihurrituaz. Irunen geratu da, berriz, Rodrigo Salinas. Asteazkenean, Gudalajararen aurkako norgehiagokan, bihurritua egin zuen orkatilan, eta bizpahiru aste eman beharko ditu geldirik.

Anaitasunaren porrota

Anaitasunak ezustean galdu zuen atzo Port Sagunt pistan: 37-34. Hala, bi partidetan erreskadan puntuak batu ezinik segitzen du denboraldi honetan Iñaki Anizen taldeak. Aukera ona zirudien atzokoa joera hori apurtzeko, Port Sagunt garaipen bakarra eta bi berdinketa lortuak baitzituen artean. Baina etxekoentzat izan zen garaipena.

Port Saguntek hobeto hasi zuen norgehiagoka, eta lau golen errenta lortu zuen hamargarren minuturako. Baina, pixkanaka, nafarrak neurria hartuz joan ziren lehiari, eta 16-17 ziren aurretik atsedenaldian.

Bigarren zatiari ere bide beretik ekin zion Anaitasunak, eta 21-24koarekin bazirudien partida bideratzeko moduan zirela. Baina orduan iritsi zen Sagunten susperraldia, eta azken minutuetan hobeak izan ziren. Partidako golegile nagusia Carlos Chocarro Anaitasunako kapitaina izan zen. Bederatzi gol sartu zituen, hiru penaltiz. ]]>
<![CDATA[Realak Alex Isakek jasandako irain arrazistak gaitzetsi ditu]]> https://www.berria.eus/albisteak/173853/realak_alex_isakek_jasandako_irain_arrazistak_gaitzetsi_ditu.htm Sat, 16 Nov 2019 17:28:13 +0100 Ainara Arratibel Gascon https://www.berria.eus/albisteak/173853/realak_alex_isakek_jasandako_irain_arrazistak_gaitzetsi_ditu.htm

#STOPRACISM ðÂÃ'¾ÂÃ' ÂÃ'¼ðÂÃ'¾ÂÃ'¼ @alex_isak ðÂÃ'¾ÂÃ' ÂÃ'¼ðÂÃ'¾ÂÃ'¼ pic.twitter.com/7Cfscr7qh7 - Asier Illarramendi (@illarra4) November 16, 2019

]]>
<![CDATA[Telebista, eskubideen gainetik]]> https://www.berria.eus/paperekoa/1990/021/001/2019-11-16/telebista_eskubideen_gainetik.htm Sat, 16 Nov 2019 00:00:00 +0100 Ainara Arratibel Gascon https://www.berria.eus/paperekoa/1990/021/001/2019-11-16/telebista_eskubideen_gainetik.htm
Baina futbolariek greba mugagabea egiteko deialdia egin zutenetik egoera bideratzeko egin diren mugimenduek agerian utzi dute zein den emakume futbolariek lan hitzarmenik ez izatearen arrazoia: Espainiako Futbol Federazioaren eta Mediapro ekoiztetxearen artean telebista eskubideen inguruan dagoen borroka.

Bakoitzak bere eskaintza egin du, egoera konpontzeko erabakigarriak direla erakusteko asmoz. Baina itxura hutsa izan da. Mediaprok gutxienez ligako bi partida eman nahi ditu irekian, 1,5 milioi euro jartzearen truke. Federazioak, ordea, ez du eskaintza hori onartzen. Hala, klubei eskaini die Elite Planarekin bat egitea. Horri esker, 500.000 euro jasoko luke klub bakoitzak. Hori bai, horretarako, Mediaprorekin duten hitzarmena hautsi beharko lukete. Borroka horri esker, gainera, klubek diru faltaren aitzakiari eutsi ahal izan diote.

Hiru erakunde horietan gizonezkoak dira buruan, eta gehiengoa dira negoziazio mahaian ere. Deigarria da, emakume futbolarien lan eskubideak ari baitira negoziatzen. Lan hitzarmenik gabe eta eskubide batzuk aitortuak izan gabe segitzen duten futbolariak dira, hain zuzen, egoera horretan benetako kaltetuak.]]>
<![CDATA[«Nicola entrenatzailea gogorra eta zintzoa izango zen Nicola jokalariarekin»]]> https://www.berria.eus/paperekoa/1872/026/001/2019-11-15/nicola_entrenatzailea_gogorra_eta_zintzoa_izango_zen_nicola_jokalariarekin.htm Fri, 15 Nov 2019 00:00:00 +0100 Ainara Arratibel Gascon https://www.berria.eus/paperekoa/1872/026/001/2019-11-15/nicola_entrenatzailea_gogorra_eta_zintzoa_izango_zen_nicola_jokalariarekin.htm
Aurreko jardunaldian txapelketako talde indartsuenetako bati, Breogani, nagusitasunez irabazi zenioten. Etxean Mallorcaren aurka galdu izanaren arantza kendu ahal izan zenuten? Nola dago taldea?

Ondo. Lehia ona jokatu genuen, eta konfiantza hartzen segitzeko balio izan digu. Baina batez ere nabarmenduko nuke sasoi honetan galdu ditugun bi norgehiagoken ostean gai izan garela egoerari buelta emateko, eta ondo erantzun dugula. Taldeak ahalmen hori izatea garrantzitsua da, denboraldian zehar izango ditugulako halakoak.

Galiziako talde bat izango duzue berriro ere aurrean asteburuan: Ourense. Nola helduko diozue lehiari?

Lan ona egiten ari gara astean zehar, eta uste dut egun hauetan ere gauzak hobetu ditugula. Ourense talde arriskutsua da, batez ere jaurtitzaile oso onak dituelako. Horri esker, nahiz eta atzetik joan, gai da partidan berriz sartzeko. Beraz, kontuz ibili beharko dugu, eta oso adi egon. Uztaipean ahalmen handia duen jokalari bat ere badute, Darko Balaban. Gertutik zaindu beharko dugu.

Jada hiru hilabete daramatzazu taldea zuzentzen. Zer ari da egiten zuk espero baino hobeto? Eta zer okerrago?

Uste dut taldeak behar baino txakalaldi eta une txar gehiago izaten dituela partidetan zehar, eta momentu horiek komeni baino gehiago luzatzen direla. Halako uneak beti izaten dira, baina laburragoak izan behar dute, eta gutxiago. Joera hori aldatu behar dugu, eta ahalik eta azkarren zuzendu. Gauza onen artean, berriz, nabarmenduko nuke jokalari guztiek oso jarrera ona eta profesionala dutela lanerako. Horrek aukera ematen digu egunero hobetzen eta hazten segitzeko. Funtsezkoa iruditzen zaigu hori.

Nola lortu nahi duzu taldeak txakalaldi gutxiago izatea?

Sendoagoak izanda. Horretarako, fisikoago jokatu behar dugu defentsan, eta erasoan aurkariak baino buruargiagoak eta zinikoagoak izan. Jokalariak elkarren artean ezagutuz joan ahala, eta nik ezarri nahi ditudan sistemak barneratzen badituzte, lor dezakegula uste dut. Baina oraindik falta zaigu pixka bat. Izan ere, kontuan izan behar da taldea ia erabat berria dela.

Donald Timmer eta John Dee ari dira nabarmentzen. Haiek ondo ez badaude, taldeari kostatu egiten zaio. Zer egin horren aurrean?

Ez nuke bi jokalari horietan jarriko fokua. Uste dut guztiek egin dutela beren ekarpena: batzuek, puntuak sartuz; beste batzuek, defentsan lan handia eginda; antolatzaileak, jokoari beharrezko erritmoa eta norabidea emanda... Talde bat gara, eta, bakarkako jardunari ematen badiogu garrantzia, gaizki goaz.

Nolako saskibaloi giroa antzematen duzu hirian?

Baikorra. Taldeak bere onena ematen duenean, eta nor baino nor gehiago aritzen denean, zaleak atzetik datoz. Jokalariei horixe esan nien Gaskan jokatu genuen lehen partidan: gu ginela, joko ona eginez, zaleak erakarri behar genituenak.

Aurreko sasoian taldea LEB ligara jaitsi eta gero, zaleak erakartzea lortu duzuela uste duzu?

Zaleak saskibaloi gogoz daude, eta guk aipatutako ahalegin eta, lehia hori eskaintzen badiegu, ez digute huts egingo. Ziur nago. Ez dugu haien zain egon behar, baizik eta alderantziz. Gutxinaka ari gara horretan.

ACB ligara igotzea da helburua?

Horiek komunikabideen kontuak dira. Guk nahi dugun bakarra da ondo lehiatzea eta partida bakoitza irabazten ahalegintzea. Denboraldi amaieran ikusiko dugu horrek noraino eraman gaituen. Orain geure buruari igotzeko helburua jarrita, arreta galdu besterik ez digu egingo. Hobetu eta konpondu beharreko gauza asko ditugu, halako helburuetan pentsatzen hasteko.

Nola ikusten duzu LEB liga?

Oso lehiatua eta gogorra. Talde guztiek galdu dugu partidaren bat, eta sailkapena oso estu dago. Garaipen edo porrot batek gora edo behera eramaten zaitu. Hori dela eta, lasai egon behar dugu, eta gauzak patxadaz egin. Hobetu nahi ditugun gauzetan jarri behar dugu arreta, eta beste kontu guztiez ahaztu. Alferrik da aurkariei begira egotea.

Zer ezaugarri izan behar ditu Marcelo Nicolak zuzentzen duen talde batek?

Talde oldarkorra eta lehiakorra izan behar du defentsan, baloi bakoitza azkenera arte borrokatu, eta nortasun handia izan. Horrek ahalbidetzen dio edozein talderi bizi jokatzea eta saskiratze errazak lortzea. Gaur egungo saskibaloiaren bi ezaugarri nagusiak dira fisikoa eta abiadura. Baina, niretzat, garrantzitsuena da, batez ere, jokalariak buruargiak izatea, eta partidak ondo irakurtzen jakitea. Izan ere, horrek erabaki onak hartzera eramaten zaitu, eta partidak irabazteko dituzun aukerak handitu egiten dira.

Zeintzuk dira zure erreferenteak entrenatzaile moduan?

Txikitatik oso entrenatzaile onak edukitzeko aukera izan nuen, eta uste dut denengandik ikasi nuela zerbait. Ikasgai horiek baliatzen ahalegintzen naiz, saskibaloiaz dudan ikuspegia oinarri hartuta.

Orain hobeto ulertzen dituzu zure entrenatzaileek izandako jarreretako batzuk?

Uste dut beti ulertu izan ditudala. Izan ere, jokalari nintzela, entrenatzaileak taldearen edo nire inguruan erabaki bat hartzen bazuen, beti ahalegintzen nintzen horren arrazoia ulertzen. Bestela, galdetu egiten nien. Gustatu edo ez, inportantea iruditzen zitzaidan argibide horiek izatea. Sekula ez diot zentzurik topatu gauzak egiteagatik egiteari.

Nolakoa izango litzateke Marcelo Nicola entrenatzailea Marcelo Nicola jokalariarekin?

Gogorra eta zintzoa. Izan ere, egiten dudan guztian nire onena ematen ahalegintzen naiz, eta nirekin lan egiten dutenei ere hori eskatzen diet. Bestalde, gauzak aurrez aurre esatea gustatzen zait, eta, jokalariek galderak egiten badizkidate, edo azalpenak eskatu, ez dut arazorik haiekin hitz egiteko. Alderantziz, gauza positiboa iruditzen zait taldearen hazkunderako. Konfiantza dagoen seinale da, eta, esan bezala, nik ere egiten nuen.

Zer oroitzapen dituzu Baskonian jokatutako urteez?

Ezin hobeak. Oso gazte nintzela iritsi nintzen, eta ez zen erraza. Europan nire lehen esperientzia zen. Baina beso zabalik hartu ninduten, eta asko gozatu nuen. Ez bakarrik tituluak irabazi genituelako, baizik eta Gasteizen beti bizi izan delako modu berezian saskibaloia, eta hori gustatu egiten zait.

Baduzu urte haietatik bereziki gogoan duzun oroitzapen edo bitxikeriaren bat?

Asko, baina batez ere Errekopa irabazi genuen egunarekin geratzen naiz. Ahaztezina izan zen. Denboraldia oso gogorra izaten ari zen guretzat. Gainera, txapelketa bereko aurreko bi finalak galtzetik gentozen, eta zaleen aurrean jokatzeko ilusioa genuen. Bagenekien ezin genuela huts egin, eta amaieran bizi izan genituen zoramena eta hunkidura ez ditut sekula ahaztuko.

Baskonian izan zenituen taldekideen artean, zeinek harritu zintuen gehien?

Taldekide handi eta oso onekin jokatzeko aukera izan nuen: Joe Arlauckas, Candido Chico Sivilio... Baina Ramon Rivasekin geratzen naiz. Asko disfrutatzen nuen harekin jokatzen, eta taldekide batekin sentipen hori izatea ederra da. Oso ondo ezagutzen genuen elkar, eta saskibaloiaren inguruan antzeko ikuspegia genuen. Biak ginen oldarkorrak, lehiakorrak eta ikuskizuna emateko zaleak.

Nola ikusten duzu orain taldea?

Aurreko denboraldia gogorra izan zen haientzat. Ahalegin handia egin zutelako Gasteizen bertan jokatzen zen Euroligako Lauko Finalera iristeko. Azkenean, ordaindu egin zuten. Pena izan zen ez sailkatzea. Denboraldi honetan, berriro ere taldea dezente aldatu behar izan dute, jokalari garrantzitsuak joan baitira. Gainera, Grangerren eta Stauskasen lesioarekin ez du zorterik izan. Baina, hala ere, denboraldi honetan ere goiko postuetan lehiatzeko gai ikusten ditut, eta hori da nik beti gehien miretsi dudana. Euroligan, adibidez, beste talde askok baino aurrekontu txikiagoa dute, baina beti daude onenen artean egoteko lehian.

Zaleek, gainera, ez dute bestela ulertzen. Zuk Bartzelonan eta Panathinaikosen jokatu zenuen. Gasteizko zaleak beste talde horietako zaleak baino exigenteagoak dira?

Ez, Bartzelonakoek eta Panathinaikosekoek ere asko eskatzen zuten. Dena den, exigentzia hori normala da, taldeak lortutakoaren araberakoa baita. Baskoniako zaleak ohituta daude taldea goian ikustera eta tituluengatik borrokatzera. Horregatik eskatzen dute hainbeste. Naturala da, eta nik uste dut jokalariek eta entrenatzaile taldeak hala sentitzen dutela. Nire garaian ere horrela gertatzen zen.

Joxean Kerejeta presidenteak ere goian jarri izan du galga...

Bai, argi dago. Hala izan behar du, gainera. Goitik horrela egiten dela ikusten bada, exigentzia handitu egiten da, bai jokalarien artean, baita zaleen artean ere. Ni iritsi nintzenean, Baskonia ACB ligako kanporaketetarako sailkatzeko ahaleginetan zegoen, eta ordutik gai izan da onenen artean egoteko eta tituluak lortzeko: Ligak, Espainiako Kopak, Errekopa bat, Euroligako Lauko Final bat... Hori lortu bada, neurri handi batean, Joxean Kerejetak eta haren taldeak klubean ezarritako exigentzia mailarengatik izan da. Horretan ez dut dudarik, eta aitortu egin behar zaio. Kirol emaitzetatik kanpo, gainera, gai izan da kluba beste esparruetan ere hazkundera eramateko.

Zeure burua ikusten duzu noizbait Baskonia entrenatzen?

Aukera izan nuen bertako harrobian lan egiteko, eta oso gustura aritu nintzen. Erabaki hori ez dago nire esku, eta ez da sekula horretarako aukera egon. Baina, egongo balitz, ohore bat izango litzateke, harro egoteko moduko zerbait. Beti daramat Baskonia nire bihotzean. Asko eman zidan, pertsona zein jokalari moduan. Beti egongo naiz zorretan alde horretatik.

Velimir Perasovic taldekide izan zenuen. Zer iritzi duzu Baskonian egiten ari den lanaz?

Velimir tipo zintzoa da, eta, hori, jokalari zenean ez ezik, orain ere erakusten du. Ez ditu aitzakiak jartzen, eta berdin esaten ditu gauza onak eta txarrak. Bestalde, saskibaloia ulertzeko duen modua taldean islatzen ari da. Joko bizia gustatzen zaio, eta defentsan, oldarkorra.

NBAra joango ote zinen zurrumurru asko egon zen. Aukerarik izan zen horretarako?

Aukera txikiren bat egon zen, Panathinaikosen egon nintzenean. Baina belauna oso gaizki nuen.]]>
<![CDATA[Raymond Poulidor: bigarren izatearen xarma]]> https://www.berria.eus/albisteak/173705/raymond_poulidor_bigarren_izatearen_xarma.htm Wed, 13 Nov 2019 16:24:01 +0100 Ainara Arratibel Gascon https://www.berria.eus/albisteak/173705/raymond_poulidor_bigarren_izatearen_xarma.htm <![CDATA[Greba deialdia, bere horretan]]> https://www.berria.eus/paperekoa/1948/032/001/2019-11-12/greba_deialdia_bere_horretan.htm Tue, 12 Nov 2019 00:00:00 +0100 Ainara Arratibel Gascon https://www.berria.eus/paperekoa/1948/032/001/2019-11-12/greba_deialdia_bere_horretan.htm
Horrenbestez, datozen lau egunetan gauzak aldatu ezean, jokalariek greba mugagabeari ekingo diote asteburuan. Berez, bederatzigarren jardunaldia jokatu behar zen. Reala eta Athletic etxean ziren aritzekoak, Bartzelonaren eta Taconen aurka, hurrenez hurren.

Atzo, berriro ere, AFE sindikatuko, Kluben Elkarteko eta Espainiako Kirol Kontseilu Nagusiko ordezkariak batzartu ziren, baina azken egunetako proposamenek ez dute balio izan egoera desblokeatu eta hitzarmena adosteko.

Jokalariek greba mugagaberako deialdia egin zuten urriaren 22an, negoziazioak ez atzera ez aurrera zeudelako. Kluben elkartearen eta jokalarien arteko desadostasun nagusia lan kontratuen partzialtasunean dago. Jokalariek %75ekoa izatea nahi dute; Kluben Elkarteak, aldiz, jardun erdian jarri du muga. Haren arabera, futbolarien eskaria txapelketak sortzen dituen diru etekinetatik gora dago. Futbolariek salatu dute partzialtasunak baldintzatu egiten duela kotizazioa eta gaixoaldian kobratzen dutena.

Espainiako Futbol Federazioak 1,15 milioi euro jartzeko asmoa azaldu du, baina baldintza batekin: Kluben Elkartetik kanpo dauden Espainiako Lehen Mailako lau klubek —Athletic, Bartzelona, Madril eta Tacone— beren partidak telebistaz ematea baimentzea. Mediapro telebista operadoreak ez du trabarik jarri. Baina akordioak urrun segitzen du.]]>
<![CDATA[Integrazio oinkadak]]> https://www.berria.eus/paperekoa/1969/037/001/2019-11-12/integrazio_oinkadak.htm Tue, 12 Nov 2019 00:00:00 +0100 Ainara Arratibel Gascon https://www.berria.eus/paperekoa/1969/037/001/2019-11-12/integrazio_oinkadak.htm
Lacgar duela hamarkada bat iritsi zen bere sorterritik Euskal Herrira, kamioi baten azpialdean. Artean Mendebaldeko Saharan aritua zen lanean. 18 urte besterik ez zuen. «Patera batean etortzeko diru gehiago behar zen. Baina nik ez nuen». Esperientzia gogorra izan zela azaldu du. «Baina ez naiz damutzen, eta berriro egingo nuke». Alemaniara iristea zuen buruan, baina Murtzian (Espainia) geratu zen, eta han zela, lagun baten deia jaso zuen. Tolosako (Gipuzkoa) adingabekoentzako etxe batean zegoen, eta harentzat lekua zuten. Kolore Guztiak elkarteak lagundu egin zion, eta gozogile eta soldatzaile ikastaroak egin zituen.

Hala iritsi zen Errenteriara. Lekuona gozotegian aritu baitzen praktiketan, eta, ondoren, lanerako hartu zuten. Baina krisiak haren ametsa zapuztu zuen, eta orduan Alemaniara joan zen, Frankfurtera. Han, korrika egiten zuen lagun bat zeukan, eta korrika egiteko zapatila batzuk jantzi gabe urteak eman eta gero, nerabezaroko ametsa etorri zitzaion: atleta izatea. «Horretarako balio nuela sentitu dut txikitatik».

Euskal Herrira itzuli zen, eta Ricardo Jimenezen entrenatzailearen aginduetara hasi zen lanean, 2011n. Hark erakutsi zion atleta profesional izatea zer zen, eta urte hauetan horretarako zailduz joan da, lan egitearekin batera. «Orain, kamioi gidari izateko baimena ateratzen ari naiz Irunen. Gauzak zail daude, eta beti izan behar da bigarren plan bat bizimodua aurrera ateratzeko».

Dena den, haren eguneroko motorra atletismoa da, korrika egitea. «Dena eman dit: osasuna, jendea ezagutzeko aukera, herri batean integratzeko modua...». Errenterian «ezin hobeto» dago. «Oso errespetatua eta maitatua sentitzen naiz. Lasai eta gustura bizi naiz. Kanpora lehiatzera joaten naizen aldiro, beti nago etxera itzultzeko gogoz». Aizpea Otaegi alkateak berak deitu zion, Behobia-Donostian lortutako garaipenagatik zoriontzeko. «Oso eskertuta nago». Uste du proba irabaztea bere kirol ibilbideko garaipenik handiena izan dela. «Azken metroetara taldean iristen baginen, banekien aukera izan nezakeela irabazteko».

Etxekoei eskaini zien garaipena, baina baita errepide bazterrean euritan egon ziren zaleei ere. Espero du bere garaipenak Euskal Herrira datozen etorkinentzat balio izatea. «Aurreiritzi eta estereotipo asko daude, eta ez da bidezkoa denak zaku berean sartzea».]]>
<![CDATA[Xengeliak gidatuta]]> https://www.berria.eus/paperekoa/2089/024/001/2019-11-11/xengeliak_gidatuta.htm Mon, 11 Nov 2019 00:00:00 +0100 Ainara Arratibel Gascon https://www.berria.eus/paperekoa/2089/024/001/2019-11-11/xengeliak_gidatuta.htm
Baskonia. Vildoza (8), Janning (11), Shields (7), Xengelia (29), Fall (2) -hasierako bostekoa- ; Dip (4), Stauskas (6), Garino (12), Polonara (2) eta Eric (11).

Markagailua. 17-22; 36-43 -atsedenaldian- 59-71; 79-.92. Epaileak. Conde Serrano eta Zamorano. Ez dute inor kanporatu. Bestelakoak. 4.675 ikusle bildu dira Fontes do Sar pabiloian.

Real Madrilen eta Armani Milanen aurka galdu ostean, aste gogorra igaro du Kirolbet Baskoniak. Baina, gutxienez, amaiera gozoa eman zion atzo, Obradoirori hamahiru punturen aldeaz irabazi baitzion ACB ligan: 79-92. Tornike Xengeleia izan zen arabarren itsasargia. Neurketa biribila jokatu zuen, eta ligan inoiz lortutako puntu kopururik handiena erdietsi zuen: 29.

Georgiako pibota zerbaitegatik da taldeko kapitaina, eta Euroligako jokalaririk baliotsuenetan bigarrena sasoi honetan. Atzo beste behin ikusi zen Baskoniaren jokoak beste itxura bat duela hura ondo dabilenean. Ostegunean, Milanen kontra, ez zuen jokatu ahal duen bezain ondo, eta Perasovicen taldeak galdu egin zuen; atzo, ordea, oso bestelakoak izan ziren gauzak.

Lehen laurdenetik ikusi zen Xengeliak alde zituela gauzak atzo. Izan ere, lehen laurdena amaitzeko txirrina jotzear zela, zelai erditik hiruko jaurtiketa ikusgarri bat sartu zuen. 17-22 amaitu ziren lehen hamar minutu horiek.

Bi taldeek jokoan funtsezkoak duten jokalari bana falta zuten: etxekoek Kostas Vasiliedis hegalekoa, eta Baskoniak Pierria Henry joko antolatzailea. Henryk min hartu zuen orkatilan ostegunean, eta ez da erabat osatu. Bai lehen laurdenean, bai gero ere, Obradoirok antzeman egin zuen Vasiliadisen hutsunea, batez ere erasoan egiten duen puntu ekarpenarengatik.

Hala, bigarren laurdenean arabarrak tartea handituz joan ziren, bizi jokaturik. Hamar punturen aldea lortu zuten hala. Baina etxekoak ez zeuden amore emateko prest, eta, Dejan Kraviceken ekarpenari esker, aldea zertxobait gutxitu zuten aldageletara joan aurretik: 36-43.

Obradoiro jaitsiera postuetan da, eta jakitun dago etxean partidak irabaztea izango dela zulotik ateratzeko gakoetako bat. Hori dela eta, hirugarren laurdenaren hasieran azeleragailua zapaldu zuen, eta puntu bakarrera jarri zen: 48-49, hain zuen.

Baskoniak esnatu beharra zuen, eta Patricio Garinoren eskutik esnatu zen. Asmatu edo ez, argentinarrak sen lehiakorra du, eta, taldeari eman zion bizitasunari esker, 11-0eko partzial bat lortu zuen. 48-49tik 48-60ra pasatu zen neurketa. Irabazteko giltza izan zen, abantailak lasaitasuna eman baitzion Baskoniari, eta erasoan duen ahalmena erakutsi zuen. Hirugarren laurden hori Matt Janningek itxi zuen hiruko batekin.

Azken hamar minutuei hamabi puntuz aurretik ekin zien Perasovicen taldeak: 59-71, eta hamabostera ere iritsi zen: 61-76. Historia gutxi izan zuten azken minutuek, etxekoak etsita aritu baitziren, eta Baskoniak indarrak gorde zituen.

Velimir Perasovicek garrantzi handia eman zion irabazi izanari. «Behar genuen. Une erabakigarrietan pazientziaz jokatzen jakin dugu, eta jokaldiak lantzen. Hor egon da gakoetako bat». Gauza txarren artean, hirugarren laurdenaren hasieran izandako txakalaldia aipatu zuen. «Bizitasun txikiagoz aritu gara». Teknikariak, gainera, jakinarazi zuen ez dakitela Henryk ostegunean Maccabiren aurka jokatu ahal izango duen: «Oraindik herrenka dabil».]]>
<![CDATA[Lointek Gernikak garaipen handi bat lortu du Gironan (65-68)]]> https://www.berria.eus/paperekoa/2099/024/002/2019-11-11/lointek_gernikak_garaipen_handi_bat_lortu_du_gironan_65_68.htm Mon, 11 Nov 2019 00:00:00 +0100 Ainara Arratibel Gascon https://www.berria.eus/paperekoa/2099/024/002/2019-11-11/lointek_gernikak_garaipen_handi_bat_lortu_du_gironan_65_68.htm
Zerbait erakutsi badu Mario Lopezen taldeak sasoi honetan, zera erakutsi du: nor baino nor gehiago lehiatzeko gai dela partida guztietan.

Atzo ere hala izan zen, eta horrek eman zion garaipena. Izan ere, hiru minutu falta zirela bi puntu atzetik zen Gernika: 62-60. Baina azkenera arte sinetsi zuen, eta meritu handiz irabazi. Izan ere, aste honetan bi taldeek Europako partida bat izan zuten, baina Gironak talde zabalagoa du. Beraz, espero izatekoa zen lehia une erabakigarrietara indartsuago iritsiko zela etxeko taldea.

Baina ez zen hala izan. Gernikak indartsu ekin zion norgehiagokari: 0-9 aurreratuz. Baina ondoren etxeko taldea estutzen hasi zen, eta 22-21 amaitu zuen lehen laurdena. Gernikak bazekien sufritu egin beharko zuela irabazteko, eta hala gertatu zen. Girona aurretik egon zen momentuetan burua hotz eduki zuen, eta denboraldi osoan egindako talde jokoari eutsi zion.

Hala, balio handiko partida bat atera zuen aurrera, eta konfiantzaz betetea joan da etenaldira. Izan ere, egutegi bete-bete baten ostean, datorren astean ez da Eurokopako eta Ligako partidarik izango. Nabarmendu beharrekoa da Margaret Roundtreek egindako partida. Min hartuta egon eta gero, sasoi bikainean itzuli da taldera. Hamazazpi puntu sartu zituen.]]>
<![CDATA[Osasunak puntu garrantzitsu bat eskuratu du]]> https://www.berria.eus/albisteak/173561/osasunak_puntu_garrantzitsu_bat_eskuratu_du.htm Sun, 10 Nov 2019 23:35:37 +0100 Ainara Arratibel Gascon https://www.berria.eus/albisteak/173561/osasunak_puntu_garrantzitsu_bat_eskuratu_du.htm Azken txanpan, ordea, berpiztu egin dira Bordalasenak, eta oldartu egin zaizkie nafarrei. Gertu izan dute gola, baina Herrerak saihestu du.]]> <![CDATA[Merezitako garaipena]]> https://www.berria.eus/albisteak/173551/merezitako_garaipena.htm Sun, 10 Nov 2019 10:34:03 +0100 Ainara Arratibel Gascon https://www.berria.eus/albisteak/173551/merezitako_garaipena.htm <![CDATA[Kalkulagailurik gabe]]> https://www.berria.eus/paperekoa/1893/020/001/2019-11-09/kalkulagailurik_gabe.htm Sat, 09 Nov 2019 00:00:00 +0100 Ainara Arratibel Gascon https://www.berria.eus/paperekoa/1893/020/001/2019-11-09/kalkulagailurik_gabe.htm
Zuhurtziaz mintzatu zen Cuetara, partida atariko agerraldian. «Gero eta jardunaldi gutxiago geratzen dira ligaxka amaitzeko, eta garaipen bakoitzak are gehiago gerturatzen zaitu helburua lortzera. Baina akatsa litzateke pentsatzea sailkatuta gaudela. Izan ere, hurrengo bi partidak galdu, eta gauzak zaildu ahal zaizkigu». Argi utzi zuen helburua: «Gure lehentasuna partida bakoitza da; gero, sailkatzea, eta, lortzen ditugun emaitzen arabera, aurreneko postuan amaitzea. Urrats horiek eginez joan behar dugu»

Orain arte taldeak Txapeldunen Ligan egindako ibilbidea goraipatu zuen: «Espero ez genituen bi gauza lortu ditugu: ez galtzea eta lehien erdiak nagusitasunez irabaztea».

Ligaxkako lehen jardunaldian 23-25 hartu zuten mendean gaurko aurkaria, Tatran Presov. Baina ordutik «bilakaera bat» izan duela uste du. «Ez ziren ondo hasi, baina orain konfiantza dute, eta ondo jokatzen ari dira. Eurofarm Rabtniken aurkako bi neurketak nagusitasunez irabazi zituzten». Gainera, uste du joanekoan ezustean harrapatu zutela aurkaria. «Guk ere ez genuen pentsatzen hain ondo jokatuko genuenik; bada, pentsa haiek»

Gaurko partidako gakoa defentsan egon daitekeela uste du. «Eta hori gure erasoko jokotik hasiko da. Ezin ditugu baloi inozoak galdu, eta ondo aukeratu behar ditugu gure jaurtiketak. Huts eginez gero, haiek oso bizkorrak dira kontraerasoan. Kanpotik ere jaurtitzaile oso indartsuak dituzte, eta zaindu egin behar ditugu». Cuetarak talde guztia du jokatzeko moduan. Izan ere, Paco Barthe osatu da ezker sorbaldan izandako hausturatik.

Asobal Ligako norgehiagoka izango du, berriz, Anaitasunak. Iñaki Anizek zuzentzen duen taldeak etxean jokatuko du, Guadalajararen kontra. Granollersen aurka bederatzi golez galdu zuten aurreko jardunaldian nafarrek, eta porrot hark utzitako aho zapore mikatza gozatu nahi dute, bi puntuak patrikaratuz. Bost punturekin sailkapenean berdinduta daude bi taldeak: «Etxean daramagun joerari eutsi nahi diogu, nahiz eta haiek oso garbi duten zertara jokatzen duten». Nafarrek atzo jakin zuten nor izango duten aurkari Espainiako Kopako hirugarren kanporaketan: Unió Esportiva Sarria. Lehiak abenduaren 18an eta 21ean jokatuko dira. Nafarren Iruñean jokatuko dute itzulerakoa.]]>
<![CDATA[Iparrorratza galdu du]]> https://www.berria.eus/paperekoa/2089/025/001/2019-11-08/iparrorratza_galdu_du.htm Fri, 08 Nov 2019 00:00:00 +0100 Ainara Arratibel Gascon https://www.berria.eus/paperekoa/2089/025/001/2019-11-08/iparrorratza_galdu_du.htm
Kirolbet Baskonia. Vildoza (6), Janning (5), Shields (2 ), Xengelia (12), Eric (6) -hasierako bosteko- Henry (13), Lautaro (), Diop, Fall (13), Stauskas (15), Garino (2) eta Polonara.

Markagailua. 14-19; 40-34 -atsedenaldian-56-53, 81-74. Epaileak. Lottermoser, Boltauzer etaThepenier. Ez dute inor kanporatu. Bestelakoak. 7.020 ikusle Mediolanum Forum pabiloian.

Mendian ez galtzeko funtsezko gailua da iparrorratza. Bide egokitik eramaten zaitu. Atzokoan, Milanen jokatzen ari zen Euroligako neurketan, Pierria Henry izaten ari zen Baskoniaren GPSa. Joko antolatzailea nahi zuen bidetik eramaten ari zen partida arabarrentzat. Baina min hartu zuen orkatilean bigarren laurdenean, Baskonia 17-26 aurretik zegoenean. Hortik aurrera argitasuna galtzen hasi zen talde arabarra, eta partida berriro komeni zitzaion lekura eramaten ahalegindu arren, ez zuen lortu, eta 81-74 galdu zuen. Horrenbestez, ligaxakako laugarren porrota pilatu zuen.

Baskonia jakitun zen ez zela neurketa erraza izango, Milan inoizko ligaxka hasiera onena egiten ari baita. Partida bakarra galdu du orain arte. Lehen hiru minutuetan italiarrek lortutako 7-0ekoaren ostean, Baskonia iratzartzen hasi zen pixkanaka. Partida berdindu egin zen orduan, eta bi taldeek elkarri zioten errespetua erakutsi zioten. Ikusgarria baino, taktikoa izan zen lehia minutu horietan.

Lehen laurdeneko amaieran bost puntuko errenta lortu zuten arabarrek: 14-19. Abantaila horrekin, eta Pierria Henryk gidatuta, bigarren laurden hasieran be deratzi puntuz aurretik jarri zen Baskonia: 17-26. Bazirudien Velimir Perasovicen taldeak nahi zuen tokian zuela partida. Baina orduan iritsi zen Henryren lesioa.

Baskoniak antzeman egin zuen haren falta, batez ere defentsan Vildoza baino jokalari fisikoagoa delako, eta artean hobeto ari zelako asmatzen taldea gidatzen. Perasovici ernegatuta ikusi zitzaion jokaldi batzuetan joko antolatzaile argentinarrarekin. Hala, etxekoak gerturatzen joan ziren, eta azken minutuan Mack Shelvinek sartutako hiru eta biko saskiratze banari esker, atsedenaldira aurretik joan ziren etxekoak: 40-34.

Gauzak aldatzen ahalegindu zen Baskonia hirugarren laurdenean. Henryk berak behartu egin zuen bere burua, eta kantxara bueltatu zen. Baina etxekoek gogortu egin zuten defentsako lana, eta hortik abiatuta garaipena lortzeko zutarriak jartzen joan ziren.

Baskonia gidaririk gabe zen bitartean, Sergio Rodriguezek partidaren aginte makila hartu zuen italiarrentzat. Horrek eta Vladimir Micoven puntuek errentarekin jarraitzea ahalbidetu zioten Milani. Baskonia ahalegindu zen kanpoko jaurtiketen bidez neurketa iraultzeko behar zuen pizgarria topatzen. Baina hor Nik Stauskas (12 puntu) bakarrik geratu zen. Shavon Shields, Patricio Garino eta Matt Janningen ekarpena txikia izan zen.

Hala ere, laurden horretako azken bi minutuetan arabarrek hiru puntura murriztu zuten aldea: 56-53. Hori zen onena, 20 minutu kaskar eta gero, Baskonia bizirik iritsi zela azken laurdenera, eta aukerak zituela garaipena lortzeko.

Adi irten behar zuten azken hamar minutuak jokatzera. Baina ziurrenik ordu arteko minuturik kaskarrenak jokatu zituen, eta ia oharkabean etxekoek hamabost puntuko errenta zuten: 70-55 (36. min). Hortik aurrera nahi eta ezin aritu zen Baskonia, Milanek, berriz, partida amaiera lasaia izan zuen.]]>
<![CDATA[Lagun zaharrari bisita]]> https://www.berria.eus/paperekoa/2043/021/001/2019-11-07/lagun_zaharrari_bisita.htm Thu, 07 Nov 2019 00:00:00 +0100 Ainara Arratibel Gascon https://www.berria.eus/paperekoa/2043/021/001/2019-11-07/lagun_zaharrari_bisita.htm
Baskoniako zaleen kutuneko bat izan da. Kirol arloan arrasto luzea utzi zuen. Bederatzi denboraldi eman zituen Gasteizko taldean, eta 450 partida jokatu zituen. Argentinarrak ACB liga bat, eta hiru Espainiako Kopa eta Superkopa irabazi zituen. Baina horregatik ez ezik, zuen nortasunagatik, konpromisoarengatik eta izaera lehiakorragatik bihurtu zen ikurretako bat. «Baskoniaren balioak eta nireak beti etorri dira bat, eta uste dut horregatik dudala lotura emozional hori taldearekin», zioen duela gutxi. Kantxan ez ezik, kanpoan ere erakutsi izan du atxikimendu hori. Izan ere, Baskoniak kapitala handitzeko kanpaina egin zuenean, akziodun egin zen.

Urte hauetan AEBetatik jarraitu du Arabako taldearen egunerokoa. Houston Rockets, Phoenix Suns, Indiana Pacers, Toronto Raptors, Brooklyn Nets... NBAn ere zenbaki ikusgarriak lortu zituen; 791 neurketa jokatu zituen, eta 533 puntu sartu. Azken bi sasoiak Txinan egin zituen. Buruan zuen jada saskibaloia uztea.

Aurten Txinan jokatutako Munduko Kopa izatekoa zen bere azken txapelketa. Kontzientziaz prestatu zuen. Hamalau astez Argentinako Casteli herrian duen etxaldean itxi zen, eta entrenamendu eta elikadura plangintza zorrotza jarraitu zuen. Goizeko seietan esnatzen zen, eta korrika egitera irteten zen. Ondoren, jaurtiketa eta prestaketa fisiko saio luzeak egiten zituen. Horietako asko baraurik egiten zituen. Arraina, barazkiak eta arrautzak baino ez zituen jaten.

39 urte, eta sasoi betean

Argentina txapeldunorde izan zen, eta bera txapelketako jokalaririk onenetakoa: 17,9 puntu eta 8,1 errebote lortu zituen partidako. Gogoangarria izan zen Frantziaren aurkako finalerdia. 28 puntu sartu zituen, eta hamahiru errebote jaso. 39 urterekin, inoizko maila onenetakoan aritu zen, eta aho zabalik utzi zituen zaleak eta selekzioko gainerako kideak. «Scola estralurtar bat da», adierazi zuen Manu Ginobillik, urteetan Argentinako izarra izandakoak. Berak, ordea, naturaltasunez hartu zuen. «Maite dudana egiten dut: saskibaloian jokatu».

Txapeldunorde izanda, 2020ko Tokioko Olinpiar Jokoetarako sailkapena ziurtatua du Argentinak, eta hori izan da gutxienez beste denboraldi batez jokatzen jarraitzeko Scolak izan duen pizgarrietako bat: «Ametsa litzateke han egotea». Horretarako, argi zuen Europara itzuli behar zuela, eta goi mailan lehiatu. Real Madril, Baskonia... zurrumurru asko izan ziren, baina Milanek fitxatu zuen. «Ettore Messina aginduetara aritzea, berriro Euroliga jokatzea... Desafio polita da niretzat».

Bikain ari da. Euroligako lehen partidan taldeko onena izan zen. Hamazazpi puntu sartu zituen, eta zazpi errebote jaso. Gainera, Baskonian jokatutako urteetan lortu ez zuen marka ezarri zuen: Euroligako partida batean hiruko bat baino gehiago sartzea. Orain arte 24 minutuz jokatu du partidako, 13,2 puntu sartu eta hiru errebote jaso.

Taldea ere bikain ari da. Inoizko hasiera onena egin du, sei partidetatik bakarra galduz. Scolak berak, Sergio Rodriguezek eta Vladimir Micovek onenen artean egoteko falta zitzaion urratsa egitea ahalbidetu diete italiarrei. Itxuraz, Baskoniak ez du neurketa erraza izango gaur iluntzean.]]>
<![CDATA[Ezustean sinesten du]]> https://www.berria.eus/paperekoa/1893/020/001/2019-11-06/ezustean_sinesten_du.htm Wed, 06 Nov 2019 00:00:00 +0100 Ainara Arratibel Gascon https://www.berria.eus/paperekoa/1893/020/001/2019-11-06/ezustean_sinesten_du.htm
Gaurko norgehiagokarekin multzoko bigarren itzuliari emango diote hasiera, eta, irabaziz gero, bizkaitarrek urrats garrantzitsua egingo dute sailkatzeko. Lehen postua lortzeko borrokan sartuko lirateke, gainera. Aurreneko leku horrek zuzenean final-hamaseirenetarako sailkatzea ahalbidetuko lieke. Bigarren izanez gero, berriz, kanporaketa bat jokatu beharko lukete. Hain zuzen ere, iaz kanporaketa horretan gelditu zen txapelketatik kanpo Gernika.

Mario Lopezek nabarmendu du gaurkoa ez dela neurketa «erraza» izango, Espainiako taldea delako multzoko talderik indartsuena. «Haien pabiloian bezala, ondo lehiatzea izango da gure helburua. Etxean jokatuta, gainera, edozer gauza gerta daiteke. Espero dugu zaleek egunik erabakigarrienetan bezala erantzutea. Haien laguntza ezinbestekoa izango da neurketako une zailetan».

Julie Wojta, Belen Arrojo eta Nikolina Milic izaten ari dira taldearen bizkarrezurra, baina jokalari guztiak ikusten ditu sasoi onean: «Konfiantza handiz jokatzen ari gara, eta gero eta jokalari gehiago sartzen ari dira txandakatzeetan. Hori oso seinale ona da, eta hala jarraitu nahi dugu hurrengo partidetan ere».

Joanekoan, une erabakigarrietan izaera lehiakorrari eutsi zion taldeak, eta defentsan hortzak estutu zituen. Horri esker lortu zuen azken jokaldira arte partida irabazteko aukera izatea, eta hala segitu nahi dute: «Irabazteko aukera izateko gure onena eman beharko dugu, eta denboraldi osoan erakutsitako itxura serioari eutsi. Haiek, berriz, ez dute egunik onena izan behar».

Izan ere, defentsan talde indartsua da Perfumerias. 49 puntu baino ez ditu jaso batez beste Eurokopan jokatutako hiru partidetan; erasoan, berriz, 83,7 puntu sartu ditu batez beste. Jokalari erabakigarriak ditu arlo horretan: Karlie Samuelson Tiffany Hayes, Evelyn Akhator... Gainera, eskuan min hartuta egon eta gero, Jewell Loyd osatu da.

Dena den, une aproposa izan daiteke bizkaitarrek ustekabea emateko, Perfumerias Avenidak kolpea jaso baitzuen asteburuan ligan, etxean Gironaren aurka galdu baitzuen (55-68). Sasoiko lehen porrota izan zen Miguel Angel Ortegok zuzentzen duen taldearentzat, eta hala Girona da partida guztiak irabazi dituen talde bakarra.]]>
<![CDATA[Bi norabideko hazkundea]]> https://www.berria.eus/paperekoa/1909/018/001/2019-11-05/bi_norabideko_hazkundea.htm Tue, 05 Nov 2019 00:00:00 +0100 Ainara Arratibel Gascon https://www.berria.eus/paperekoa/1909/018/001/2019-11-05/bi_norabideko_hazkundea.htm
Baina hazkunde hori mantsoago islatzen ari da futbolarien lan eskubideetan eta baldintzetan. Soldatak, kontratuen partzialtasuna, haurdunaldi kasuetarako protokoloa... Espainiako Ligakoen greba mugagaberako deialdia da horren isla. Azaroaren 16tik aurrera ekingo diote, nahiz eta Espainiako Federazioa eta Mediapro ekoiztetxea ahaleginak egiten ari diren hala ez izateko. Mediapro, adibidez, prest azaldu da Kluben Elkarteari 1,5 milioi euro emateko, greba egiten ez bada eta jardunaldi oro bi partida zuzenean eskaintzeko aukera ematen badio. «Guk ez dugu oztopo izan nahi». Bestalde, Federazioa jokalarien ordezkaritza batekin bilduko da bihar.

Espainiako ligakoa adibide bat besterik ez da. Herbeheeretan jokatzen du Eli Sarasolak (Donostia, 1991), PSV Eindhovenen; Frantzian, berriz, Irene Paredesek (Legazpia, Gipuzkoa, 1991), Paris Saint Germainen. Bien ustez, «une erabakigarria» da eskubide horiek lortzeko. «Orain arte, emakumeen futbolak ikuskizunik sortzen ez zuen aitzakiarekin, isilarazi egin gaituzte. Baina jada ikusi da hori ez dela horrela, eta aprobetxatu egin behar dugu inflexio puntu hau», dio Sarasolak. Bat dator horrekin Paredes. «Bidezkoa den zerbait baino ez da eskatzen, eta ez ematea errespetu falta da futbolarientzat».

Ajaxekoak izan ziren udan klubarekin lan hitzarmen bat adostu zuten Herbeheeretako lehen jokalariak. «Horrek ahalbidetu die lanaldi osoko kontratu bat izatea, eta gutxieneko soldata gordin bat hilean», azaldu du Sarasolak. Berrogei orduko kontratuak dituzte, eta 21 urtetik gorako futbolarientzako gutxieneko soldata 1.600 euro da.

Orain ari dira hori negoziatzen PSVko jokalariak zuzendaritzarekin. Haien eskari nagusia partzialtasunarena da; izan ere, lanaldi erdiko kontratuak dituzte. «Soldata jardun erdiko kontratuetarako ezarrita dagoen gutxienekotik gora dago, 800 eurotik gora. Baina guk jardun osokoak behar ditugu. Ez diru kontuagatik bakarrik, baita eskubide kontuagatik ere. Kotizazio urteei begira, lanaldi erdiko kontratuek kalte egiten digute, baita gaixoaldi bat hartzerakoan ere, oso soldata txikiarekin geratzen baikara min hartuta gauden bitartean».

Haurdun geratzen diren jokalarien kasuetarako protokolo bat ere ezarri du Ajaxek. Horren arabera, haurdun geratzen den jokalariari beste urtebetez luzatuko diote kontratua. Horrenbestez, jada praktikan egiten zutena hitzarmen batean jaso dute. Izan ere, 2018an Chantal de Ridder jokalaria haurdun geratu zen, eta berritu egin zioten kontratua. «Zuzendaritzarekin hitz egin nahi dugun gai garrantzitsuenetako bat da, ez baita bidezkoa amatasunak gure kirol ibilbidea baldintzatzea, eta alderantziz. Ezin gara beldurrez egon haurdun geratu eta kanporatuak izateko».

Gutxieneko soldata bat, lanaldi osoko kontratuak eta haurdunaldi kasuetarako protokolo bat lortuz gero, «aurrerapauso handia» emango litzatekeela uste du. «Abiapuntu sendoa litzateke gure lan eskubideen aitortza garatuz joateko». Izan ere, gainontzean baldintzak onak direla nabarmendu du. «Azpiegiturak, bidaiak... Arlo horretan ondo zainduta gaude».

AEBetan ere jokatu zuen Sarasolak, unibertsitateen arteko ligan. Hain zuzen ere, 2013 eta 2015 artean Carolina Rush taldeko jokalaria izan zen. «Bitxia bada ere, baldintzak hobeak dira bertan, unibertsitateetan diru asko jartzen delako kirolerako. Askoz profesionalizatuago dago liga nagusia baino. Azken horretan, orain gutxi arte taldeetako askok ez zuten ezta entrenatzeko zelai propiorik ere».

Liga nagusian, sasoi honetan klubek soldatetarako izan dezaketen gehienezko aurrekontua 421.500 dolar da (377.889 euro), eta jokalarien hilabeteko batez besteko soldata, 2.000 dolar (1.793,23 euro). «Kopuru oso txikia da, AEBetan dagoen bizi maila kontuan hartuta. Izarrek askotan gehiago jasotzen dute AEBetako selekzioarekin jokatzeagatik edo kirol marka jakin bat eramateagatik». Alex Morgan, Hope Solo eta Megan Rapinoe dira horren adibide. Gainera, nabarmendu du jokalariek ez dutela «lan ziurtasunik». «NBAn gertatu bezala, zu ados egon arren, klubak agente libre izendatu eta beste edozein taldera bidal zaitzake».

Kluben arteko aldea

Frantzian ere borroka horretan daudela nabarmendu du Paredesek. «Baina ez da erraza: batetik, klub batetik bestera alde handia dagoelako, eta, bestetik, hemengo ligan atzerritar asko gaudelako. Ondorioz, klub bakoitzak bere baldintzak adosten ditu jokalariekin. Futbolarien sindikatuak, gainera, ez du indar handirik».

Bera, PSGn egonda, «toki pribilejiatu batean» dagoela onartu du. «Gure klubean diru asko inbertitzen da emakumeen futbolean, eta ondo egiten da, gainera». Dirutik harago doa kontua. «Lanaldi osoko kontratuak ditugu, eta ni iritsi nintzenetik beste urrats bat egin da azpiegituretan, gu zaintzen gaituzten osasun profesionaletan... Are profesionalizatuago dago dena. Adibidez, otorduak kirol hirian egiten ditugu, eta masaje emaile eta errekuperatzaile gehiago dauzkagu. Hori prestakuntzan antzeman egiten da». Hala, argi du. «Baliabideak jartzen hasi diren momentutik urratsak egin dira, baina arazoa da jartzen diren baliabideak oraindik gutxienekotik urruti daudela klub gehienetan».

Horri lotuta, zera azaldu du. «Frantziako ligako sailkapen erdialdetik behera dauden taldeak amaeturrak dira. Lyon, Montpellier eta Girondins gara ondoen gauden klubak». Gainerako taldeetako jokalari gehienek ez dute gutxieneko soldata bat, eta dituzten kontratuak lanaldi partzialekoak dira.

Italian ere oihartzuna izaten ari dira emakume futbolarien aldarrikapenak. Han, emakume futbolariak amateurrak dira. 1981etik indarrean dagoen lege batean jasotzen da hori, eta araudia aldatzeko borrokari ekin diote jokalariek. Izan ere, liga profesionala ez izateak hainbat muga dakartza. Esanguratsuena da jokalariek ezin dutela izan urteko 30.000 euroko soldata gordina baino handiagoa: «Gure helburua ez da gizonek adina kobratzea, baizik eta gure jardunaren arabera baldintzak eta eskubideak izatea», aldarrikatu zuen Barbara Bonansea jokalariak.

Horrekin batera, futbolariek jasaten duten sexismoa eta homofobia eragozteko neurriak hartzea da haien beste lan ildo nagusia. Hizkuntzatik hasi, eta ikusgaitasunera eman nahi dituzte pausoak. «Guk izan behar dugu eredu horretan». Duela egun batzuk Elena Linari Italiako lehen emakume futbolaria izan zen lesbiana zela aitortzen. Egun, Atletico Madrilen jokatzen du: «Nire amona poztu egin zen, baina baita beldurtu ere, zaleek nirekin izan zezaketen jarrerarengatik. Baina bada garaia beldurrak alde batera uzteko. Etorkizuneko emakume futbolariei zor diegu».

Lan baldintzen borroka horretan aitzindari izan ziren Danimarka eta Norvegia. 2017an, Danimarkako selekzioko jokalariek uko egin zioten aurtengo Munduko Koparako sailkatzeko Suediaren aurkako norgehiagoka jokatzeari. Kontraktu profesionalik ez zuten selekzioko jokalarientzat hilean 1.000 euroko soldata gordina eskatzen zuten, egonaldiak, partidak eta bidaiak tarteko urtean ia 100 egun igarotzen baitzituzten selekzioarekin. Gizonen selekzioko jokalariak prest agertu ziren 75.000 euroko diru sari bati uko egiteko hori lortzeko, eta azkenean akordio bat lortu zuten.

Norvegiaren kasuan, selekzioko izarrak, Ada Hegerbergek, uko egin zion aurtengo Munduko Kopan egoteari, nahiz eta federazioak berdindu egin zuen gizonenen eta emakumeen selekzioetarako diru saria: 640.000 euro. «Baldintzez ere ari gara: entrenamendu orduak, osasun arreta...».]]>
<![CDATA[Eibarrek luzapenean irabazi du, eta Osasunak berdindu egin du Mallorcan]]> https://www.berria.eus/albisteak/173171/eibarrek_luzapenean_irabazi_du_eta_osasunak_berdindu_egin_du_mallorcan.htm Thu, 31 Oct 2019 15:37:15 +0100 Ainara Arratibel Gascon https://www.berria.eus/albisteak/173171/eibarrek_luzapenean_irabazi_du_eta_osasunak_berdindu_egin_du_mallorcan.htm <![CDATA[Ikasgaia ahaztu zaio]]> https://www.berria.eus/paperekoa/2089/028/001/2019-10-30/ikasgaia_ahaztu_zaio.htm Wed, 30 Oct 2019 00:00:00 +0100 Ainara Arratibel Gascon https://www.berria.eus/paperekoa/2089/028/001/2019-10-30/ikasgaia_ahaztu_zaio.htm
Kirolbet Baskonia. Henry (3), Stauskas (5), Shields (2), Xengelia (17), Eric (4) -hasierako bostekoa -; Vildoza (9), Gonzalez (), Janning(3), Diop (2), Fall (11), Garino (6) eta Polonara (1) eta .

Markagailua. 16-23, 30-36 (atsedenaldian); 48-49 eta 66-63.

Epaileak. Christodoulou, Rocha eta Kartal. Ez dute inor kanporatu,

Bestelakoak. 5.560 ikusle Astroballe pabiloian.

Ligaxka hasieran Buducnosten eta Bayer Munichen pabiloietan galdu izanak zamatu egin zuen aurreko sasoian Baskoniaren ibilia Euroligan. Ustez ahulagoak izan arren, Baskonia ez zen gai izan haiek mendean hartzeko. Denboraldi honetan halakorik ez gertatzea nahi zuten arabarrek. Baina atzokoa ikusita, ikasgaia ahaztuta zuten. Izan ere, arabarrek 66-63 galdu zuten Villerbaunneren pistan, eta ligaxkako hirugarren partida galdu zuten. Perasovicen taldeak ez zuen partida hausten jakin lehen bi laurdenetan, eta pixkanaka etxekoen joko geldo eta grisaz kutsatu ziren. Laugarren laurdenean, urduritasunak iritsi zitzaizkien, eta etxekoak nagusi izan ziren, defentesako lan onari esker.

Perasovicen taldeak bazekien partida ez zela erraza izango, Villeurbannek irabaziak baitzituen artean etxean jokatutako bi neurketak, Olympiakosen eta Panathinaikosen kontra. Bazekien lan isila egin beharko zuela irabazi nahi bazuen.

Eta hala hasi zuen partida. Joko ikusgarririk egin gabe, baina serio eta eraginkor arituz. Horrekin nahikoa izan zitzaion hasieratik bost-sei puntuko abantaila lortu eta hori ondo kudeatzeko. Lehen laurdeneko azken segundoetan izan zuen partidako alderik handiena: bederatzi puntukoa:14-24 (9. min.)

Baina une batzuetan etxekoen joko geldo eta grisaz kutsatu ziren arabarrak, eta Henry eta Vildoza ez ziren gai izan Baskoniari komeni zitzaion erritmoa ezartzeko. Bigarren laurdenean nabaritu zen hori batez ere. Gainera, Perasovicen taldeak, lehen bi laurdenen artean bederatzi baloi galdu zituen.

Hirugarren laurdena bide beretik hasi zen, eta pixkanaka korapilatzen joan zitzaion neurketa Perasovicen taldeari. Puntu gutxiko neurketa komeni zitzaien etxekoei, eta nahi zuten lekuan zuten partida. Are gehiago neurketa 39na berdindu zutenean (25. min).

Sinesteko behar zuten hauspoa izan zen, eta Baskoniarentzat zalantzak areagotzeko unea. Hortik aurrera nahi eta ezin ibili ziren Baskoniakoak. Erasoan partidan zehar izan zuten argitasun apurra galdu zuten, eta azken laurdenera puntu bateko errentaz baino ez ziren iritsi:48-49.

Laurden hori oso kaskar hasi zuen Baskoniak, eta etxekoak gora egiten joan ziren defentsan egindako lan onari esker. Sei puntuko errenta izatera ere iritsi ziren. Azken jokaldian Vildozak eskura izan zuen berdinketa. Baina hirukon ez zuen asmatu.]]>
<![CDATA[Azaroaren 16an hasiko da emakume futbolarien greba]]> https://www.berria.eus/paperekoa/1893/024/001/2019-10-29/azaroaren_16an_hasiko_da_emakume_futbolarien_greba.htm Tue, 29 Oct 2019 00:00:00 +0100 Ainara Arratibel Gascon https://www.berria.eus/paperekoa/1893/024/001/2019-10-29/azaroaren_16an_hasiko_da_emakume_futbolarien_greba.htm
Duela astebete iragarri zuten futbolariek greba mugagabera jotzeko asmoa, AFE futbolarien sindikatuak Madrilen egindako bileran. 200 futbolari inguru bildu ziren, eta %93k bozkatu zuten grebaren alde. Hala, tramitazioa hasi aurretik, ados jartzeko azken saioa egin zuten atzo: adiskidantzazko ekitaldia. Espainiako Lan Bitartekaritzarako Zerbitzuaren egoitzan batzartu ziren bi aldeak.

Lau ordu inguruko bilera egin eta gero, bakoitzak bereari eutsi zion, eta grebarako izapideek, beraz, aurrera segitzen dute. Tramitazioa gutxienez bost eguneko aurrerapenarekin egin behar denez, jardunaldi honetarako ez die denborarik ematen, eta, hurrengoan etenaldia dagoenez, futbolarien greba azaroaren 16-17an hasiko da. Athleticek Taconen aurka jokatu beharko luke, Lezaman, eta Realak Bartzelonaren kontra, Zubietan.

Bilera amaieran, AFE sindikatuko ordezkariek nabarmendu zuten Kluben Elkarteak ez zuela «inolako interesik» eduki egoera desblokeatzeko. «Alderantziz, argudio hutsalak baino ez dituzte eman, negoziazioa luzatzeko helburu bakarrarekin». Futbolariei babes osoa azaldu zieten. «Langile gisa dituzten eskubideak defendatzen ari dira, bai oraingoak, bai etorkizunekoak. Eskatzen dutena gutxieneko bat da, eta gure babes osoa dute».

Kluben Elkarteko presidente Ruben Alcainek ez zituen ontzat eman sindikatuen eskariak. «Emakumeen futbola hazten ari da, eta ez da garai egokia halako eskariak egiteko. Sindikatuak sartu aurretik, gu eta jokalariak izan ginen emakumeen futbolaren alde egin genuenak. Beraz, ez dugu ulertzen zergatik egiten dituzten klub askok bere gain hartu ezin dituzten eskariak». Alcainek argi du: «Txapelketak sortzen dituen diru sarrerak kontuan hartuta, egiten dituzten eskariak gehiegizkoak dira».

Partzialtasuna, oztopo

Athleticeko jokalari Ainhoa Tirapu «triste» mintzatu zen egoerarekin. «Sentipena da hilabete hauetan aitzakia bat bestearen atzetik jarri digutela». Baikor izan ohi da Tirapu. «Uste dut aldeak ez daudela horren urruti, egoera hau denboran luzatzeko». Dena den, zuhurtziaz ere mintzatu da. «Nik ere uste nuen hitzarmena sinatzea hilabete gutxiko kontua izango zela, eta begira non gauden».

Partzialtasuna da muga nagusia. Jokalariek hasieran lanaldia %100ekoa izatea eskatzen zuten. Baina, kontuan hartuta Kluben Elkarteak ez zuela onartzen, eta akordioa lortzeko keinu moduan, eskaria %75era jaitsi zuten. Izan ere, lan hitzarmena izatea da haientzat lehentasuna. Kluben Elkarteak, ordea, muga %50ean mantendu du. «Guretzat partzialtasuna marra gorri bat da, ez bakarrik egunerokoari begira, baita etorkizunari begira ere. Izan ere, horren arabera daude gure kotizazioak, gaixoaldian kobratuko genukeena...», dio Tirapuk.

Jokalarien eskaria onartuko balitz, jardun partzialeko kontratua duten jokalarien urteko soldata gordina 12.000 eurokoa izango litzateke, hain zuzen. Kluben elkartearen proposamena onartuko balitz, berriz, 8.000 eurokoa.

Hain zuzen ere, futbolarien eskaria da urte osoko soldata gordina 16.000 eurokoa izatea, eta klub berean emandako bi sasoiero %5eko gehigarri bat izatea. Horretan, badirudi aldeak ez daudela horren urrun. Bestalde, ondorengo hau ere proposatzen dute: klub batean sei denboraldi baino gehiago emanez gero eta kontratua etengo balitz, 10.000 euro jasotzea.

Badira jokalariek «funtsezkotzat» jotzen dituzten beste eskari batzuk. Horietako bat da gaixoaldian %100 kobratzea. Bestea haurdunaldi kasuetarako protokoloa da. Horrek futbolariak babestuko lituzke, haurdun geratuz gero klubak kontratua ez eteteko. Izan ere, egun, lan hitzarmenik gabe, hori ez dute arautua. 600 euroko laguntzak ere jaso nahi dituzte haurdunaldi kasuetarako. Lan jazarpenaren inguruko protokolo bat ere ezarri nahi dute

Opor egunak ere arautu gabe dituzte. Hitzarmena onartuko balitz, 30 egun natural izango lirateke, horietatik 21 udan, eta jarraian. Gizonezkoen lan hitzarmenean jasotzen den bezala, Gabonetan opor egun batzuk izango lituzkete.

Bestalde, beharrezkoa iruditzen zaie harrobiko jokalarien babes gida lan hitzarmenean sartuta egotea, baldin eta lehen taldearen lau deialditan sartzen badira erreskadan edo zazpitan tartekatuta. «Jokalari horiek baldintza onak izan behar dituzte; bestela, beste herrialde batzuetara joango dira, edo futbola utziko dute».]]>