<![CDATA[Ainhoa Larretxea Agirre | Berria.eus]]> https://www.berria.eus Bere azken artikuluak eu Wed, 23 Jun 2021 06:57:38 +0200 hourly 1 <![CDATA[Ainhoa Larretxea Agirre | Berria.eus]]> https://www.berria.eus/irudiak/berriaB.png https://www.berria.eus <![CDATA[13/13 sumarioan akordioa sinatzeko eskatu die Foro Sozialak alde guztiei]]> https://www.berria.eus/albisteak/199512/1313_sumarioan_akordioa_sinatzeko_eskatu_die_foro_sozialak_alde_guztiei.htm Tue, 22 Jun 2021 17:10:41 +0200 Ainhoa Larretxea Agirre https://www.berria.eus/albisteak/199512/1313_sumarioan_akordioa_sinatzeko_eskatu_die_foro_sozialak_alde_guztiei.htm uztailaren 12an zortzi euskal herritar epaituko dituzte 13/13 sumarioaren barruan Espainiako Auzitegi Nazionalean, 2010ean euskal presoen eskubideen alde egiten zuten lana «ETAren manupekoa» zelakoan; orotara, 77 espetxe urte eskatzen dizkie fiskaltzak. Todak kezka adierazi du uztailean hasiko den epaiketak bizikidetza demokratikoan eragin negatiboa izan dezakeelakoan. «Epaiketa honen oinarri diren akusazioek eta zigor eskaeren tamainak historian atzera egitera eraman gaituzte. Epaiketa hauek gaindituta egon beharko lukete, baina, zoritxarrez, gaurkotasunekoak izaten jarraitzen dute». Horregatik, epaiketa aitzinetik alde guztiei akordioa bilatzeko eskatu die Todak: «Akordio erabakigarrien garaia da, eta epaiketa hau ezin da testuinguru horretatik kanpo utzi». Epaiketa beraren instrukzioa zalantzan dagoela nabarmendu du Todak, hainbat akusatuk tortura salaketak egin zituztelako eta CNI Espainiako Inteligentzia Zerbitzuek abokatuen telefonoak legez kanpo kontrolatu zituelako, horien lana «kriminalizatuz». Bizikidetza demokratikoa eraikitzeko prozesuan aurrera egiteko, konpondu gabe dauden hiru arazoei irtenbidea emateko garaia da, Foro Sozialaren hitzetan: egia, justizia eta erreparazioa biktima guztientzat, bereizkeriarik gabe; presoen, iheslarien eta deportatuen auzia konpontzea, eta memoria kritiko inklusiboa, etorkizunari begira egongo dena baina gertatutakoa ahaztu gabe. «Euskal gizarteak ezin du jasan horrelako epaiketa berri bat, neurriz kanpoko zigorrak eskatzen dituena eta Euskal Herrian bizi den itxaropen testuingurutik kanpo dagoena. Eta, hain zuzen ere, presoen auzia konpontzeko urrats erabakigarriak ematen ari diren garai berean ematen dena», nabarmendu du Todak. Auzipetuek inoiz adierazi izan dute prest daudela fiskaltzarekin akordio bat egiteko «traba hau paretik kenduko» badute, baina Auzitegi Nazionaletik datozen zenbait zantzuk, adibidez Bateragune auzia berriro egiteko nahian tematzeak, ez dietela motibo askorik ematen baikorrak izateko. Eragile ugariren babesa Azken egunetan hainbat eragilerekin bildu dira 13/13 sumarioko auzipetuak, eta jaso duten iritzi orokorra izan da haien kontra abiarazitako auzibidea «iraganari» dagokiola eta «gainditutako egoera batera itzultzea» dela. Bertzeak bertze, EAJ, EH Bildu, PSE-EE eta Elkarrekin Podemos alderdiekin batzartu dira, bai eta ELA, LAB eta UGT sindikatuekin eta EAEko Arartekoarekin ere, eta eragile gehiagorekin biltzeko asmoa ere adierazi dute. Uztailaren 10ean manifestazioak egingo dituzte Donostian eta Bilbon, Saguesetik eta Jesusen Bihotza plazatik abiatuta, hurrenez hurren, 13/13 epaiketari ez. Irtenbidera lelopean. Mobilizazio biak 12:00etan hasiko dira.]]> <![CDATA[Bizikleta martxa egingo du Sarek uztailaren 22tik 24ra]]> https://www.berria.eus/albisteak/199503/bizikleta_martxa_egingo_du_sarek_uztailaren_22tik_24ra.htm Tue, 22 Jun 2021 12:41:58 +0200 Ainhoa Larretxea Agirre https://www.berria.eus/albisteak/199503/bizikleta_martxa_egingo_du_sarek_uztailaren_22tik_24ra.htm http://sare.eus/bizikleta-itzulia/ webgunean. Urruntzeak amaitzeko beharra Aurtengo bizikleta itzulia, Ibilian-Ibilian Etxerako Bidean udako kanpainaren barruan kokatu du Sarek. Hain justu, aurten izan diren aldaketa esanguratsuak oinarri hartuta, bere estrategia «etxerako bidea» gauzatzean kokatuko duela azaldu zuen mugimenduak duela gutxi. Bide horretan, Sarek nabarmendu du «positiboak» direla orain arte egindako urratsak, baina nabarmendu du urruntze politika euskal preso guztiak Euskal Herrian izatean soilik amaituko dela. Bi arrazoi nabarmendu dituzte: Espetxe legediak hala adierazten duela, eta Eusko Jaurlaritzak espetxe eskumenak eskuratu ostean iragarritako espetxe politika berria euskal preso guztiei ezarri behar diela, inolako salbuespenik egin gabe. Estrategia horren helburua da, Sareren hitzetan, urruntze politikarekin guztiz amaitzea, gradu progresioa era normalizatuan gauzatzea ahalbidetzea, eta, legedia arrunta aplikatuta, euskal presoak dagokien etxerako bidea hartu dezaten urratsak egitea. «Elkarbizitza erdigunean ezarriko duen etapa berri bat hasteko unea iritsi da. Horretarako baldintzak daude, eta, guztion ahaleginez, inor atzean utzi gabe, baldintza horiek baliatu behar ditugu, etapa luze-zahar hau atzean utzi eta berri bati bide emateko».]]> <![CDATA[Pandemiaren ondorioz %36 jaitsi dira asilo eskariak EAEn]]> https://www.berria.eus/paperekoa/1834/012/001/2021-06-19/pandemiaren_ondorioz_36_jaitsi_dira_asilo_eskariak_eaen.htm Sat, 19 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1834/012/001/2021-06-19/pandemiaren_ondorioz_36_jaitsi_dira_asilo_eskariak_eaen.htm
Migrazio fluxuari bete-betean eragin dio pandemiak, eta migratzaile gutxiago iritsi ziren iaz Arabara, Bizkaira eta Gipuzkoara. Denera, lurralde horietara iritsitako 1.184 migratzaile artatu zituen Gurutze Gorriak iaz; 2019arekin alderatuta, %5,7 gutxiago. Artaturikoen artean, hamarretik sei gizonak ziren. Bizkaian artatu zituzten gehienak, denera 547 lagun; Araban, 388 eta Gipuzkoan, 299.]]>
<![CDATA[Ia 3.000 etxegabe zenbatu dituzte Araban, Bizkaian eta Gipuzkoan]]> https://www.berria.eus/paperekoa/1872/009/001/2021-06-17/ia_3000_etxegabe_zenbatu_dituzte_araban_bizkaian_eta_gipuzkoan.htm Thu, 17 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1872/009/001/2021-06-17/ia_3000_etxegabe_zenbatu_dituzte_araban_bizkaian_eta_gipuzkoan.htm
Iazko maiatzean egin zuten kontaketa hemeretzi herritan: maiatzaren 6tik 7rako gauean, gizarte zerbitzuek kudeatutako aterpe eta guneetan, eta maiatzaren 4tik 10erako astean, karrikan. Denera, etxerik gabe dauden 2.797 pertsona detektatu zituzten; horietako 163, karrikan, eta gainontzekoak, gizarte zerbitzuek kudeaturiko baliabideetan: ohiko aterpeetan eta COVID-19agatik ezarritako zerbitzu osagarrietan.

Karrikan gaua pasatzen ari zirenen kopurua 2012tik detektatutako txikiena izan da, baina arrazoi argi bat dago gibelean: COVID-19aren pandemia dela eta, erakundeek indartu egin zituzten etxerik ez dutenentzako zerbitzuak. 849 lagun artatu zituzten zerbitzu gehigarri horietan. Horietako %58k kalean egiten zuten lo zerbitzua ireki aitzinetik, eta %24k, berriz, aterpeetan.

Azterketa geografikoa eginez gero, Bilbo da etxegabeen igoera handiena izan duen hiriburua: txostenak etxerik ez duten 694 pertsona identifikatu ditu bertan, 2014ko lehen datuaren bikoitza baino gehiago. Igoera bereziki nabarmena da 2018tik 2020ra: 413 etxegabe izatetik 694 izatera igaro da Bizkaiko hiriburua bi urtean. Gasteizen eta Donostian ere urtez urte handitzen ari da etxerik gabekoen kopurua, baina igoera hori geldoagoa da. Donostian 279 etxegabe atzeman ditu txostenak; Gasteizen, 158.

Etxegabearen soslaiari dagokionez, berriz, atzerritarrak eta gizonezkoak dira gehienak. Etxerik ez duten hamar pertsonatik bederatzi dira gizonak, eta kanpoan jaioak dira hamarretik zazpi; azken horien artean, %80 afrikar jatorrikoak dira. Adinari dagokionez, azken urteetan nabarmen handitu da 18 eta 29 urte bitarteko etxegabe gazteen kopurua: laurdena ziren 2016an; 2020ko azken kontaketan, berriz, %37; denera, 400 pertsona.

Datu argigarri gehiago ere utzi ditu txostenak: hamar etxegabetik lauk urtebete edo gutxiago daramate egoera horretan, eta %20 adingabekoentzako zentro batean egon ziren haurtzaroan edo nerabezaroan. Etxerik gabekoen hiru laurdenak, berriz, bizi diren herrian edo hiriburuan geratu nahiko luke bizitzen. Gainera, elkarrizketatukoen %16k soldatapeko lan jardueraren bat egiten dute.

Bertze aldagai bat ere jarri du mahai gainean txostenak: harremana dagoela etxerik ez izatearen eta osasun egoera «kaxkarra» izatearen artean. Izan ere, etxegabeen %43k gaixotasun larri edo kroniko bat dute, eta horien artean bortzetik batek ez du tratamendu medikorik jasotzen. Buruko gaixotasunak dituzte hamarretik bik, eta horien atzetik daude arnas aparatuko gaitzak eta zirkulazio sistemakoak. Halaber, atzerritar jatorria duten «gehienek» ez dute osasun txartelik.]]>
<![CDATA[Etxegabeen kopuruak gora egin du Araban, Bizkaian eta Gipuzkoan]]> https://www.berria.eus/albisteak/199228/etxegabeen_kopuruak_gora_egin_du_araban_bizkaian_eta_gipuzkoan.htm Wed, 16 Jun 2021 16:04:08 +0200 Ainhoa Larretxea Agirre https://www.berria.eus/albisteak/199228/etxegabeen_kopuruak_gora_egin_du_araban_bizkaian_eta_gipuzkoan.htm <![CDATA[Zaurgarritasun egoeran dauden gazteak gidatzeko programa bateratu dute]]> https://www.berria.eus/paperekoa/1834/009/001/2021-06-16/zaurgarritasun_egoeran_dauden_gazteak_gidatzeko_programa_bateratu_dute.htm Wed, 16 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1834/009/001/2021-06-16/zaurgarritasun_egoeran_dauden_gazteak_gidatzeko_programa_bateratu_dute.htm
Programan parte hartuko duten gazteek erantzukizun kontratu bat sinatu beharko dute, eta hartan zehaztuko dira bai gazteek eta bai instituzioek hartuko dituzten konpromisoak. Funtsean, adingabeek eta gazteek «bizitza aurrera ateratzeko arduraz borrokatzeko konpromisoa» hartu beharko dute; eta erakundeek, berriz, hori posible egiteko «sostengu puntuak eskaintzeko konpromisoa» hartuko dute.

Filosofia argia du estrategia berriak: haren arabera, «gogor lan» egin behar da bizitza aurrera ateratzeko, eta, hori egin ahal izateko, beharrezkoa da sostengu puntuak izatea. Azken horiek, gainera, ezberdinak izango dira erakunde publikoen tutoretzapean daudenak adingabeak izan ala ez. 18 urtetik beherakoentzat, etxea, orientazioa eta prestakuntza izango dira sostengu puntuak. 21 urtera artekoetan, berriz, lan munduan paratuko dute arreta.

Bingen Zupiria Eusko Jaurlaritzako bozeramaileak nabarmendu du COVID-19ak areagotu egin dituela zaurgarritasun egoerak, eta ezinbertzekoa dela laguntzea.]]>
<![CDATA[Guardia Zibilak hildako Jose Miguel Andueza oroitu dute hilketaren 51. urteurrenean]]> https://www.berria.eus/albisteak/199174/guardia_zibilak_hildako_jose_miguel_andueza_oroitu_dute_hilketaren_51_urteurrenean.htm Tue, 15 Jun 2021 09:10:52 +0200 Ainhoa Larretxea Agirre https://www.berria.eus/albisteak/199174/guardia_zibilak_hildako_jose_miguel_andueza_oroitu_dute_hilketaren_51_urteurrenean.htm plaka bat paratu zuten Beran bertan iazko abenduan, etaAnduezaren aldeko omenaldi bat ere egiteko asmotan da udala.]]> <![CDATA[Errefuxiatuen alderik humanoenaren bila]]> https://www.berria.eus/paperekoa/2147/004/001/2021-06-13/errefuxiatuen_alderik_humanoenaren_bila.htm Sun, 13 Jun 2021 00:00:00 +0200 Ainhoa Larretxea Agirre https://www.berria.eus/paperekoa/2147/004/001/2021-06-13/errefuxiatuen_alderik_humanoenaren_bila.htm Kaxa Hutsak ikus-entzunezko webdokak. Bo5tok Photo kooperatibaren ekoizpena da, eta asmo argia du: euskal iheslarien inguruan hitz egitea.

Errefuxiatuak diren edo izan diren sei pertsonaren testigantzek osatuko dute webdoka. Egun, ordea, bakarra dago sarean ikusgai: Josu Larizen errefuxiatu ibilbidea kontatzen duen Oroiminak loretan dokumentala. Pixkanaka gainontzekoak sareratuz joatea da bultzatzaileen asmoa, harik eta denek puzzle oso bat egin arte. Historia pertsonalez gain, kronograma batean bildu dituzte euskal iheslarien historiako garairik aipagarrienak, dena testuinguruan kokatzeko.

Errefuxiatu izatearen izaeran paratu du arreta proiektuak, errefuxiatu izateak zer erran nahi duen eta errefuxiatuek beraiek hori nola bizi izan duten. Horretarako, pertsonaien alde humanora jo dute, bakoitzak bere esperientzia luze kontatuz eta pertsonarengan fokua paratuz. «Askotan, pertsonaia diferenteak hartu, eta planteamendu orokor bat egin izan da. Baina horrekin gauza asko galtzen zirela iruditzen zitzaigun», nabarmendu du Gari Garaialde proiektuko kideak.

Horregatik erabaki dute errefuxiatu jakin batzuk hartu eta horien bizipenak ahalik eta «osoen»kontatzea, denen zirkunstantziak ez direlako berdinak. «Oso garai ezberdinean ihes egin duen jendea dago, toki ezberdinetara ihes egin duena eta arrazoi ezberdinengatik joan dena», nabarmendu du Garaialdek. Errefuxiatu hitzaren itzalean dagoena erakutsi nahi dute.]]>
<![CDATA[Macroni eskatu diote 'Molac legea' aldaketarik gabe aplikatzeko]]> https://www.berria.eus/paperekoa/1965/007/002/2021-06-12/macroni_eskatu_diote_molac_legea_aldaketarik_gabe_aplikatzeko.htm Sat, 12 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1965/007/002/2021-06-12/macroni_eskatu_diote_molac_legea_aldaketarik_gabe_aplikatzeko.htm Molac legean bertan behera utzitako artikuluak indarrean sartzeko, Frantziako Konstituzio Kontseiluak horien aurka emandako ebazpenak murgiltze eredua kolokan uzten duela iritzita. Vilaretek igorritako gutunean nabarmendu duenez, murgiltze ereduak tokiko hizkuntzen garapena bultzatzen du hezkuntzan, eta horrekin batera frantsesaren ezagutza bermatzen du. Irakaskuntza sistema hori nazioarteko hainbat adituk eta Europako beste zenbait eragilek babesten dutela aldarrikatu du, tartean Hizkuntza Gutxituen Europako Itunak, baita Gutxiengoen Auzietarako Nazio Batuen Erakundeko kontalariak ere.

Hala, Molac legea parlamentuan onartu bezala ezartzeko eskatu dio Vilaretek presidenteari. Halaber, Frantziako Estatuko hizkuntza gutxituekin errespetuz jokatzea galdegin dio. Egun, Europako 41 hizkuntza daude sarean ordezkatuta, eta horien artean da euskara.

Murgiltze eredua kolokan

Murgiltze eredua Frantziako Hezkuntza Kodean sartzea konstituzioaren 2. artikuluaren kontrakoa dela ebatzi zuen Frantziako Konstituzio Kontseiluak maiatzaren 21ean. Asaldura eragin zuen albisteak, eta «gerla deklaraziotzat» jo zuten Ipar Euskal Herriko euskalgintzak eta zenbait ordezkari politikok. Kalean ere, 10.000 lagunetik goiti eta hautetsi andana bildu ziren maiatzaren 29an Baionan egindako protestara.

Egun, zalantzan dago, beraz, murgiltze ereduaren etorkizuna. Konstituzio Kontseiluak ebazpena eman eta egun gutxira, hizkuntza aniztasuna bermatzeko bitartekoak eskatu zituen Macron presidenteak. Ez zuen zehaztu, ordea, zein izan beharko liratekeen bitarteko horiek.]]>
<![CDATA[«Bertako basoen eta espezieen hedapena bultzatu behar da»]]> https://www.berria.eus/paperekoa/1855/008/001/2021-06-11/bertako_basoen_eta_espezieen_hedapena_bultzatu_behar_da.htm Fri, 11 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1855/008/001/2021-06-11/bertako_basoen_eta_espezieen_hedapena_bultzatu_behar_da.htm
Orain arte herriz herriko jarduna egin duzue. Orain, ordea, indarrak batu dituzue plataforma bakarrean. Zergatik egin duzue elkartzeko urratsa?

Bizkaia aldetik etorri zen biltzeko asmoa. Ikusi zuten hainbat herritan sortu zirela plataformak, eta elkartuta beti dago gehiago egitea. Asmoa eraginkorragoa izatea da.

Lehen egitasmoa duzue martxan: Baso bizien alde, eukaliptorik ez kanpaina. Zer bultzatu nahi duzue?

Denok garbi dugu eukalipto landaketa horiek bertan behera geratu behar direla behin betiko. Badaudelako aurrekariak estatu espainiarreko bertze leku batzuetan, eta baita mundu osoan ere. Horrez gain, oinarrira joango bagina, arazo nagusia da zein basogintza ikuspegi dugun luzera begira, basoa nola ulertzen dugun. Eukaliptoaren edo pinuaren aurrean zerbait landatzea hobea da, baina bertako basoen eta bertako espezie autoktonoen hedapena bultzatu beharko genuke.

Zergatik?

Landaketa baten atzean beti dago produkzio bat eta etekin bat, eta, etekin bat duzun aldetik, intentsifikazio bat dator. Luze gabeko politikak egiten hasten zara, eta bioaniztasuna eta onura soziala alboratzen dira. Insignisarekin monolaborantza bat gertatu da; baliteke eukaliptoarekin ere gauza bera gertatzea, eta landaketa bat planteatzen den momentutik arriskua hor dago. Eukaliptoa edo insignisa baino hobeak direla beste landaketa batzuk? Bada, noski! Baina monolaborantzara joaten bagara, bioaniztasunaren galera ikaragarria dator.

Azken urteetan pinudiak izan dira nagusi Arabako, Bizkaiko eta Gipuzkoako lur pribatuetan, eta, egun, horiek eukaliptoarekin ordezkatzen ari dira. Eukaliptoa landatzeak zer kalte sortzen ditu luzera begira?

Eukaliptoa landatzeak lurra pobretzea dakar: lurra lehortu egiten du, eta ez du ura filtratzen uzten. Arazo nagusia da berehala mozten dela eta arraseko mozketa egiten dela. Botatzeko modua oso zakarra da: pistak egiten dituzte eta lur guztia erortzen da. Lurraren sekulako galera dakar. Eta horren arazo nagusia da ez dagoela lurzoru legerik; lur galerak ez dauka atzetik kontu hartze bat: ez da galera gisa hartzen. Baina lurra galtzeak basamortutzea dakar zuzenean.

Azkenaldian, hainbat udaletan lur publikoak erosteko mozioak aurkeztu dituzue. Nola erantzun dute instituzioek orain arte?

Lurgaia Fundazioarena izan da egitasmoa. Hemen, lur publikoetan ere pinua landatzen da. Gure ustez, erakunde publiko batek ez luke dirua irabazi behar natur baliabideen bidez, baina uste dugu erakundeetatik bultzatu beharko lituzketela lur publiko eta pribatu horietan bertako basoa hedatzeko diru laguntzak. Orain arte laguntzak beste norabidean eman dira. Hor atzean daude egur enpresak, eta horiek agintzen dute. Instituzioek politika berezituak onartuko balituzte, lur publikoa berreskuratzea ekarri beharko luke, eta horrek, beste basogintza eredu bat.

Gipuzkoako eta Bizkaiko aldundiek planak aurkeztu dituzte eukaliptoaren landaketa eteteko. Zer iruditzen zaizue?

Bai, eta oraingoz albiste ona dirudi. Baina ez gara asko fidatzen. Uste dugu ez dela diputazioen ekimen propioz izan. Gainera, zalantza dugu ea bertako basoa biziberritzeko apustua egingo duten, edo beste monolaborantza baten landaketaren alde egingo duten.

Erakundeekin elkarlana sustatu nahi duzue?

Gure asmoa bada. Proposamenak hainbat herritan egin dira, eta egia da herri batzuetan, alderdi ezberdinak egon arren, proposamenak onartu egin direla. Udalekin errazagoa da. Pauso logikoena litzateke eukaliptoa behintzat espezie inbaditzaileen zerrendan sartzea, horrek modua egingo lukeelako debekurako lege bat sortzeko. Oraingoz ikusi dugunez, egur zaleei eta sindikatu handiei askoz toki gehiago ematen diete.

Herritarren inplikazioa lortzeko, sinadura bilketa bat paratu zenuten martxan. Nola doa hori?

Deskonexio ikaragarria dago, batez ere naturarekiko, beste eredu batean bizi garelako eta biziarazi nahi gaituztelako. Gaur egun, Change.org-eko eskaera bat sinatzea oso gauza tipikoa da. Badirudi ingurumenaren arloko gaiak neutralak izan behar direla, denok egon behar garela alde, baina oraindik ingurumen arazoen ondorioz jendea hil egiten dute munduan. Gizarte gisa inplikazio bat eta hausnarketa bat falta da: basoa zer da? Nondik dator mundua? Pentsatzen al dugu noizbait mundua itsasoa eta basoa bakarrik izan zela? Gure helburu nagusia sentsibilizatzea eta pedagogia pixka bat egitea da.

Bihar aurkeztuko duzue plataforma, Diman, eta bertan baserri batean landatutako eukaliptoak moztuko dituzue. Zer irudikatu nahi duzue?

Eukaliptorik eta monolaborantzarik ez dela landatu behar. Horrek dena laburbiltzen du. Jendea ez da eukaliptodi batera joaten paseatzera; jendea Bertizera joaten da, edo Iratira. Eukaliptoarena izugarrikeria handia da. Berriz ekarriko dugu hamabost urteko zikloa daukan landare bat, hemendik hamabost urtera berriz dena mozteko, horrek dakarren makineriarekin? Urarekin zer geratzen ari da? Zuk baso oso bat botatzen duzunean, horko ura nora doa? Zenbat luizi daude? Lurra ez da berriz sortzen den elementu bat; ehun urtean zentimetro bat sortzen da. Muinean dagoen auzia da bertako basoak ehun urte behar dituela, eta eukaliptoarekin hamabost urtera etekin ekonomikoa duzula. Irabazi ekonomikoa, batzuentzat.

Larunbatekoaz gain, baduzue bertze egitasmorik martxan?

Oraingoz, helburu nagusia da instituzioetan eragitea eukaliptoa espezie inbaditzaileen zerrendan sar dezaten. Udaletan, lur publikoetatik hasi, eta gero lur pribatuetan ere pedagogia falta ikusten dugu. Egun, bertako basoa bultzatu nahi baduzu, ez duzu diru laguntzarik. Diru laguntza bat jasotzeko, landaketa bat egin behar duzu; ezin diozu bere prozesu naturala egiten utzi. Zergatik ez bultzatu beren jabegoetan bertako baso naturala uzten duten herritarrei diru laguntzak ematea? Horrelakorik ez da gertatzen. Eusko Jaurlaritzak baditu programak bertako basoa biziberritzearen alde, baina ez dira ezagunak.

Zer jarrera dute alderdi politikoek?

Alderdi bat edo beste izan, jarrera berbera da. Garbi ikusten da alderdiek oinarrietan ez daukatela ezer adostuta gai honetaz, ez dela lehen lerroko gaia. Eta hori arazo bat da. Urteen poderioz, bertze gai edo lehentasun batzuk gailendu dira gobernua hartzeko borroka horretan.]]>
<![CDATA[Joxe Mari Auzmendi beka aurkeztu du Hik Hasi egitasmo pedagogikoak]]> https://www.berria.eus/paperekoa/1893/011/001/2021-06-11/joxe_mari_auzmendi_beka_aurkeztu_du_hik_hasi_egitasmo_pedagogikoak.htm Fri, 11 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1893/011/001/2021-06-11/joxe_mari_auzmendi_beka_aurkeztu_du_hik_hasi_egitasmo_pedagogikoak.htm
Bekak, egun indarrean dagoen proiektu bat bultzatzeko, edo proiektu berri bat sortzeko 12.000 euroko diru laguntza emanen du, bi ikasturtetan banatuta. Hezkuntza komunitateko kide orok aurkezten ahalko du proposamena, eta askotariko eragileen arteko elkarlana hobetsiko da. Urriaren 1ean bukatuko da proposamenak aurkezteko epea.

Atzo egin zuten bekaren aurkezpena, Hernaniko udaletxean. Bertan izan ziren Hernaniko Udaleko ordezkariak, Auzmendiren senitartekoak eta baita Hik Hasiko kideak ere. Auzmendiren «kemena» eta «argitasuna» nabarmendu zituen Mikel Agirrezabala Hik Hasiko kideak. Bekaren bidez, Auzmendik bere lanean defendaturiko balioei segida eman nahi izan dietela azpimarratu zuen. Gainera, eskerrak eman zizkien bai Hernaniko Udalari, baita Auzmendiren senitartekoei ere beka antolatzeko emandako laguntzagatik.

Parte hartzeko, hamabortz orritan laburbildu beharko da proiektuaren nondik norakoa. Epaimahaia Hernaniko Udaleko kide batek eta Hik Hasi egitasmo pedagogikoko hiru hezkuntza adituk osatuko dute.]]>
<![CDATA[Independentziaren alde %21 leudeke, Jaurlaritzaren inkestaren arabera ]]> https://www.berria.eus/paperekoa/1992/007/002/2021-06-10/independentziaren_alde_21_leudeke_jaurlaritzaren_inkestaren_arabera.htm Thu, 10 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1992/007/002/2021-06-10/independentziaren_alde_21_leudeke_jaurlaritzaren_inkestaren_arabera.htm <![CDATA[Nieblaren kasuan genero astungarria atzera bota du EAEko Auzitegi Nagusiak]]> https://www.berria.eus/paperekoa/1893/013/001/2021-06-09/nieblaren_kasuan_genero_astungarria_atzera_bota_du_eaeko_auzitegi_nagusiak.htm Wed, 09 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1893/013/001/2021-06-09/nieblaren_kasuan_genero_astungarria_atzera_bota_du_eaeko_auzitegi_nagusiak.htm
2018an izan ziren gertakariak, Donostiako Perujuantxo kalean. Andre batekin hizketan ari zela, gizonezko batek kolpe bat eman zion Nieblari buruan; erori, eta konorterik gabe gelditu zen. Bi hilabete koman eman ondotik zendu zen ospitalean. Erasotzailearen bikotekide ohia zen emakumea, eta akusatuak epaiketan deklaratu zuen bikotekide ohia Nieblarekin ikusi eta «inpotentziagatik» eraso egin ziola.

Auzitegiak zehaztu du ezin dela frogatu Zigor Kodeko 22. artikuluak aurreikusten duen genero astungarriaren aplikazioa. Epaiaren arabera, artikulu hori aplikatzeko, akusatuak emakumearen aurkako erasoa hura emakume izate hutsagatik egin beharko luke, eta haren aurrean nagusitasun sentimendua agerian erakusteko asmoz. Nieblaren kasuan, ordea, epaiak dio ez direla baldintza horiek betetzen, eta ondorioz ezin dela genero astungarria aintzat hartu.

Familiaren abokatuak eta Urnietako Udalak —epaiketan akusazio partikular gisa aurkeztu zen— hasieratik nabarmendu zuten Nieblaren hilketaren atzean oinarri «matxista» bat zegoela. Epaiketan biek ala biek nabarmendu zuten emakume batekin solastatzen ari zelako jo zuela akusatuak Niebla, eta, beraz, genero indarkeria zegoela auziaren muinean. Bortz egun daude orain errekurtsoa aurkezteko.]]>
<![CDATA[Hiru kilometrotik beherako joan-etorriak oinez zein bizikletaz egitea nahi du Bizik]]> https://www.berria.eus/paperekoa/1942/017/001/2021-06-06/hiru_kilometrotik_beherako_joan_etorriak_oinez_zein_bizikletaz_egitea_nahi_du_bizik.htm Sun, 06 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1942/017/001/2021-06-06/hiru_kilometrotik_beherako_joan_etorriak_oinez_zein_bizikletaz_egitea_nahi_du_bizik.htm
Herritarrak ibilbide laburretan oinez zein bizikletaz ibiltzera bultzatzea da mugimenduaren nahia, eta, horretarako, engaiamendu kanpaina bat abiatu du. Asmoa da herritarrek hiru kilometrotik beherako joan-etorrietan oinez zein bizikletaz ibiltzeko konpromisoa hartzea. Horretarako manifestua kaleratu du mugimenduak, eta herritarrei beren atxikimendua emateko eskatu die. Biziren webgunean dago bat egiteko aukera.

Manifestuan nabarmentzen dutenez, oinez zein bizikletaz ibiltzeak onurak ditu osasunerako:«Eguneroko joan-etorriak oinez edo bizikletaz egiteak arrisku kardiobaskularrak ttipitzen ditu, eta muskuluak bizkortzen; autoa gutiago erabiltzeak asma, biriketako zenbait minbizi edo gisa horretako arnas eritasunak ekartzen dituzten partikula finen kutsadura murrizten du».

Halaber, mugimenduaren hitzetan, oinez zein bizikletaz ibiltzeak herritarren gastu ekonomikoa murrizten du, eta garraioei lotuak zaizkien eta klima aldaketa sortzen duten berotegiko gasen isurketen murriztea ere ekartzen du. Autoak errepidetik ahalik eta gehien kenduta, ingurune «lasaiago, sanoago eta seguruagoa» sortuko litzatekeela dio mugimenduak, eta horrek mesede eginen liekeela datozen belaunaldiei.

Mugimenduaren hitzetan, egun, ibilbide motzetan azkarragoa da oinez zein bizikletaz ibiltzea. Hala, Baiona, Miarritze eta Angelu arteko hirigunea aztertuta, kilometro bat baino gutiago duten ibibideetan oinez ibiltzea da modurik azkarrena. Kilometro bat eta bortz kilometro artean, berriz, bizikleta da garraiobiderik azkarrena. Bortz eta hamar kilometro arteko ibilbidetan, berriz, autoa litzake azkarrena; bizikletarekin paretsu hala ere. Hori hala dela adierazten duten denbora mapak kaleratu ditu Bizik. Horien bidez, herritarrei erakutsi nahi diete, bizikleta zein oinez ibiltzea autoz ibiltzea baino osasuntsuagoa izateaz gain, azkarragoa ere badela.

Herritarren konpromisoa bultzatzea ezinbertzeko da Biziren ustez: «Jendarteak joan-etorrientzat motordun ibilgailuen alternatibak erabiltzeko gogo gehiago erakusten badu, tokiko politiken eta kolektibitateen gaineko presioa handiagoa izanen da eta, horren ondorioz, tokiko kolektibitateek autoaz aparte diren garraiobide alternatiboen aldeko antolaketen alde ekiten ahalko dute».

Kanpainaren bidez, herritarrak kontzientziatu nahi ditu Bizik, beren ustez beharrezkoa baita bizikleta bezalako garraio moldeen, garraio publikoaren edo oinez ibiltzearen aldeko gizarte eraldaketa bat ematea. Herritarrez gaindi, ordea, erakundeengana ere zuzendu zuen begirada: Euskal Elkargoari eta herriko etxeei eskatu zien neurriak hartzeko oinez zein bizikletaz ibiltzea sustatzeko.

Bioaniztasunaren alde

Ingurumenaren Nazioarteko Eguna kari, Bioaniztasunik gabe, bizitzarik ez lelopean protesta egin zuen atzo Ekologistak Martxan elkarteak, Bilboko Arriaga plazaren aitzinean. Atzo egindako protestan gizakiak kaltetutako lurrak lehenbailehen leheneratzeko eta lur basatiak eta bioaniztasuna errespetatzeko eskatu zuen talde ekologistak. Gainera, ekosistemak neurriz kanpo ustiatzeko jarduerak bertan behera uzteko eskatu zuten, eta natura errespetatzen duten eredu ekonomikoetara bideratzeko. Hain zuzen ere, irmo salatu zuten egungo eredu ekonomikoa dela natura eta hainbat espezieren suntsiketa eragiten duena.

Donostian, berriz, Eguzki talde ekologistak antolatuta, Gladys del Estal militante ekologistari omenaldia egin zioten atzo hiriko Gladys Enea parkean. Ortzegunean bete ziren 42 urte Guardia Zibilak del Estal hil zuela Tuteran (Nafarroa) nuklearren kontrako manifestazio batean parte hartzen ari zela. Del Estal gogoan, lehenik, bizikletaz itzulia egin zuten Donostiako Egia auzoan zehar, eta, ondotik, kantuz, eta dantzaz oroitu zuten militante ekologista. Salatu zuten hilketatik 42 urte pasa ondotik ere, del Estalek ez duela aitortza ofizialik izan oraindik, eta udalari arduragabekeria egotzi zioten haren omenezko murala ezabatzen uztegatik.]]>
<![CDATA[Mugak deuseztatzeko eskatu dute dozenaka herritarrek Bilbon]]> https://www.berria.eus/paperekoa/1958/018/001/2021-06-06/mugak_deuseztatzeko_eskatu_dute_dozenaka_herritarrek_bilbon.htm Sun, 06 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1958/018/001/2021-06-06/mugak_deuseztatzeko_eskatu_dute_dozenaka_herritarrek_bilbon.htm
Emakumeengan paratu zuten fokua; izan ere, Europako migratzaileen %54 dira andreak. Nabarmendu zuten Europak 2015ean mugak «itxi» zituenetik andreek pairatzen dituztela politika «mafioso» eta indarkeria eta abusu gehien. «Bazterkeriaren mugak» gainditzeko eskatu zuten: «Gizon armatuek zaindutako alanbre arantzadunez betetzen direnak, emakumeen gorputzekin eta lanekin trafikatzen dutenak, egunero hiltzen diren itsasoen mugak, giza eskubideak defendatzen dituztenen aurkako jazarpena egiten duten mugak».

Kometak aireratu zituzten. «Kometak mugarik ez dagoela aldarrikatzeko, kometak mugitzen, askatzen, asmatzen eta sortzen diren emakumeen hegaldia eta zeharkaldiak irudikatzeko». Aireratutako kometetan mezuak sartu zituzten, bidearen zailtasunei, oztopoei, baina, batez ere, bizitza duin bat eraikitzeko nahiari buruzkoak.«Mundu asko sartzen diren mundu bat nahi dugu. Mundua aldatu nahi dugu geure burua askatuz», aldarrikatu zuten, eta «esplotatzen, zatitzen eta kanporatzen» dituzten mugak deuseztatzeko eskatu zuten.]]>
<![CDATA[Musika izango da protagonista Hamaika Gara egitasmoak uztailaren 3an egingo duen mobilizazioan]]> https://www.berria.eus/albisteak/198670/musika_izango_da_protagonista_hamaika_gara_egitasmoak_uztailaren_3an_egingo_duen_mobilizazioan.htm Fri, 04 Jun 2021 14:37:52 +0200 Ainhoa Larretxea Agirre https://www.berria.eus/albisteak/198670/musika_izango_da_protagonista_hamaika_gara_egitasmoak_uztailaren_3an_egingo_duen_mobilizazioan.htm <![CDATA[«Kutxan sartutako amets horiek betetzera goaz»]]> https://www.berria.eus/paperekoa/1857/011/001/2021-06-01/kutxan_sartutako_amets_horiek_betetzera_goaz.htm Tue, 01 Jun 2021 00:00:00 +0200 Ainhoa Larretxea Agirre https://www.berria.eus/paperekoa/1857/011/001/2021-06-01/kutxan_sartutako_amets_horiek_betetzera_goaz.htm
Bukatu da Kutxa Bira. Zein da egindako balorazioa?

Oso baikorra. Hastapenean, gai honekin hasi ginenean, 20-25 herri pasatu nahi genituen: hori zen gure helburua. Azkenean, 80tik gora izan dira. Momentu batean kutxak bizitza propioa hartu du.

Euskararen aldeko ekitaldi batzuk bertan behera geratzearen «galera emozionalak» konpentsatzeko sortu zenuten. Lortu al duzue helburua?

Bai, urte gris honi kolorea eman dio. Ikusi dugu egarri bat badela eta horrelako aldarriak kalera ateratzearen behar hori badela. Horretarako sortu genuen, eta zerbait ekarri die galera sentimental horiei. Igaro herrietatik eskertza mezuak jaso ditugu. Hori da bilatzen genuena, nahiz eta guztiz ez diren asetzen galera horiek; baina pixka bat goxatu digu zauria.

Kutxa Birak gurutzatutako herri horietan ametsak sartu dituzte herritarrek. Zein izan dira amets horiek?

Mezu gehienak euskarari loturiko aldarriak dira. Herrigintzan dabiltzan elkarte pila batek ere sartu dituzte beren aldarriak: laborantzari lotutakoak, ekologiari, feminismoari, langileei, gazteei... Nolabaiteko abaniko zabal bat dugu.

Orain, lana amets horiek betetzea izango da, ezta?

Bai, igandean Segurara bildutakoek galdetu ziguten ea zer egingo ote dugun amets horiekin. Gu amets horiek betetzera goaz: ez dira kutxa barruan gelditzeko edo liburu batean sartzeko ametsak. Guk kutxa zabaldu dugu, eta amets horiek askatu ditugu, gu ere horiekin batera askatzeko.

80 herritan baino gehiagotan ibili da Kutxa Bira. Nolakoa izan da koordinazio lan hori?

Konplikatua, oso konplikatua. Baina herriek eduki duten jarrera txalogarria izan da. Ia bi hilabete eta erdi izan dira, eta ikaragarria izan da nola moldatu diren. Beren artean koordinatu dira, eta guk espero ez genuen herrietara ere eraman dute kutxa. Guretzat oso pozgarria izan da, eta une batzuetan beldurgarria ere bai [barreak].

Diasporak ere garrantzia izan du ekimenean. Nola jaso zuten haiek Kutxa Bira?

Haientzat ikaragarria izan da. Hasieran, pentsatu genuenean diasporarekin zerbait egitea, ez genuen asmorik kutxa hara bidaltzeko. Haiek erran ziguten indarra egiteko, eta hain determinatuak ikusi genituen, ezen erabaki genuen arriskua hartu eta kutxa bidaltzea. Kutxa han egotea gauza oso handia izan da haientzat, bazekitelako hori bera Euskal Herrian ibiliko zela. Balio sinboliko handia izan du.

Zubiak gurutzatzeko sortu zenuten Iparra Hegoa duela 26 urte. Nola daude zubi horiek?

Pandemia honek ekarri duena izan da Iparraldeko eta Hegoaldeko muga luzaz itxita egotea. Guk, herri gisa, umiliazio bat bezala bizi dugu hau. Zentzugabekeria galantak ikusi ditugu. Pandemiak estatuen indar erakustaldi bat ekarri du, eta herri txiki zapalduen zapalketan sakontzea. Beti dute aitzakiaren bat: pandemia, terrorismoa... Espero dugu egoera hobetzea. Horrelako ekimen nazionalak bultzatu behar dira, Euskal Herria bere osotasunean hartzen dutenak ez dira-eta horrenbeste. Gogoeta bat dugu egiteko herri gisa.

Pandemia alde batera utzita, elkartea sortu zenetik nabaritu duzue Segura eta Urruña gertuago daudela?

Laguntasun harremanek asko egiten dute, eta elkartea bera lagun harreman batetik sortu zen. Hori izan da bere lan ildoa. Hurbiltzen ari gara. Lan asko dago egiteko, baina bidea egiten ari gara.

Bertze pauso bat emango da bide horretan?

Asteburuko ekitaldien ondotik, Urruñako auzapezak aurreratu du bi herrien arteko senidetza ofiziala eginen dela. Orain arte jendearen arteko harremana izan da, eta orain instituzioen artekoa ere izanen da.

Aurkezpenean esan zenuten Kutxa Bira behin bakarrik egingo duzuela. Ez da bigarrenik izango?

Ezker-eskuin aditu ditugu mezuak hau egoera «normal» batean errepikatzeko. Penaz, baina guk diogu ez dugula errepikatuko. Guk nahi dugu Korrika, Herri Urrats, Nafarroaren Eguna... bueltatzea, eta Iparra Hegoa bere ohiko formatura itzultzea. Elkarte txikia gara, eta ezingo genioke aurre egin horrelako ekimen bati urtero edo bi urterik behin. Egoera berezi baterako sortu da Kutxa Bira, eta, behin helburuak beteta, hil egingo da.]]>
<![CDATA[Asteburuan bukatuko da Kutxa Bira]]> https://www.berria.eus/albisteak/198378/asteburuan_bukatuko_da_kutxa_bira.htm Fri, 28 May 2021 16:56:25 +0200 Ainhoa Larretxea Agirre https://www.berria.eus/albisteak/198378/asteburuan_bukatuko_da_kutxa_bira.htm

Horra Andosillan #kutxabira k egin duen ibilbidea. Arbasoen arkaitzan ð¾Â'½ pic.twitter.com/KnQlJJjldo - Bizi gira... Kutxa bira! (@kutxabira) May 23, 2021 Igarotako herri denetan harrera beroa egin diote Kutxa Bira ekimenari. Tokian tokiko euskaltzale eta eragileekantolatu dituzte ongi etorri ekitaldiaketa ondotik herritarrek dituzten ametsak sartu dituzte bertan.]]> <![CDATA[Euskarazko 150 ikerketa lan aurkeztuko dituzte aurten Ikergazteren III. kongresuan]]> https://www.berria.eus/paperekoa/1942/005/001/2021-05-27/euskarazko_150_ikerketa_lan_aurkeztuko_dituzte_aurten_ikergazteren_iii_kongresuan.htm Thu, 27 May 2021 00:00:00 +0200 Ainhoa Larretxea Agirre https://www.berria.eus/paperekoa/1942/005/001/2021-05-27/euskarazko_150_ikerketa_lan_aurkeztuko_dituzte_aurten_ikergazteren_iii_kongresuan.htm
Inoiz baino ekarpen gehiago jaso dituzte kongresuan, eta gainbegiratze prozesua gainditu duten 150 lan aurkeztuko dituzte: 58 ahozko aurkezpen eta 92 poster. Giza zientzien eta artearen ingurukoak dira hemezortzi lan; gizarte zientzien eta zuzenbidearen arlokoak 39; zientzia zehatzen eta natur zientzien eremukoak bertze 42; ingeniaritzaren eta arkitekturaren ingurukoak 24, eta osasun zientzietakoak 27.

Ikertzaileei dagokienez, EHU Euskal Herriko Unibertsitatekoak dira partaide gehienak, baina Mondragon Unibertsitateko, Nafarroako Unibertsitate Publikoko, Deustuko Unibertsitateko eta Nafarroako Unibertsitateko ikertzaileek ere parte hartuko dute. Gainera, horiez gain, atzerriko hainbat unibertsitatetatik etorritakoak ere izanen dira: Bartzelonako Unibertsitate Autonomokoak, Bordeleko Unibertsitatekoak, University of Illinois at Urbana-Chamapaign-ekoak, Vic-eko Unibertsitatekoak eta Granadako Unibertsitatekoak.

Gasteizko Udalak sari bat emango dio jakintza alor bakoitzeko lanik onenari, kongresuaren azken egunean. Halaber, Udalbiltzak bertze sari bat emanen dio Euskal Herriko garapenean eraginik handiena izango duen ikerketari.

Zientzia euskaraz

Atzo aurkeztu zuten kongresua, eta zientzia euskaraz egiteak duen balioa aldarrikatu zuten Iñaki Gurtubai Gasteizko Udaleko alkateorde eta Euskara zinegotziak eta Lexuri Ugarte Arabako Foru Aldundiko Euskara zuzendariak: «Euskarazko ikerkuntza eta hezkuntza ekimenak babestea pozgarria da oso Gasteiz bezalako hiri batentzat. Euskararen hiriburua ere izan nahi dugu, eta, horretarako, Ikergazte bezalako kongresu erreferenteak gurean egiteak garrantzi handia du».

COVID-19aren pandemiak kongresua bete-betean harrapatu badu ere, aurrez aurre egiteko hautua egin du UEUk. Olatz Arbelaitz koordinatzaileak ezinbertzekotzat jo du kongresua leku fisiko batean egitea: «Beste helburu batzuen artean ikertzaile gazteek elkar ezagutzea duen kongresua ezin imajina genezakeen urruneko moduan eginda». Aitzineko bi aldien moduan, ikertzaileen elkar ezagutze horrek elkarlan berriak sortuko dituela nabarmendu zuen Arbelaitzek. Izan ere, hori da kongresuaren funtsetako bat: euskaraz aritzen diren ikertzaileek elkar ezagutzea. Hori azpimarratu du Kepa Sarasola UEUko Zuzendariak ere: «UEUren helburu garrantzitsuenetako bat betidanik izan da euskal komunitate zientifiko intelektuala trinkotzea. Elkarren berri izatea ezinbestekoa da ezagutzak aurrera egin dezan, are gehiago gure kasuan, euskaraz lanean dihardugun ikertzaileak hain sakabanatuta egonda». Erantsi du Ikergazte «erreferentzia» bihurtu dela ikertzaile gazteentzat, eta aldarrikatu horren atzean unibertsitate eta erakundeekin «elkarlana» dagoela.

Hain zuzen ere, EHUrekin elkarlanean antolatzen du kongresua UEUk, eta, Inma Arostegi EHUko Ikerketa errektoreordearen esanetan, euskarak terminologia zientifikoa, bibliografia eta material didaktikoak behar ditu, baina, batez ere, euskara lanean erabiliko duten ikertzaileen premian dabil. Azpimarratu du bi erakundeek egindako elkarlanak bere fruituak eman dituela: «Poliki-poliki baina etengabe doa gure hizkuntza ikerketan ere bidea egiten».]]>
<![CDATA[Ia 200 ikertzaile gaztek hartuko dute parte Ikergazte kongresuan]]> https://www.berria.eus/albisteak/198273/ia_200_ikertzaile_gaztek_hartuko_dute_parte_ikergazte_kongresuan.htm Wed, 26 May 2021 15:32:27 +0200 Ainhoa Larretxea Agirre https://www.berria.eus/albisteak/198273/ia_200_ikertzaile_gaztek_hartuko_dute_parte_ikergazte_kongresuan.htm
Inoiz baino ekarpen gehiago jaso dituzte kongresuan, 163 denera, eta gainbegiratzeprozesua gainditu duten 150 lan aurkeztuko dituzte: 58 ahozko aurkezpen eta 92 poster. Giza zientzieneta artearen ingurukoak dira hemezortzi lan, gizarte zientzieneta zuzenbidearen ingurukoak 39, zientzia zehatzeneta natur zientzien ingurukoak 42, ingeniaritzaren eta arkitekturaren ingurukoak 24, eta osasun zientzien ingurukoak 27. EHUko ikertzaileak dira kongresuan parte hartuko duten ikertzaile gehienak, baina Mondragon Unibertsitateko, Nafarroako Unibertsitate Publikoko, Deustuko Unibertsitateko eta Nafarroako Unibertsitateko ikertzaileek ere parte hartuko dute. Gainera, horiez gain, atzerriko hainbat unibertsitatetik etorritako ikertzaileak ere izanen dira:Bartzelonako Unibertsitate Autonomokoak, Bordeleko Unibertsitatekoak, University of Illinois at Urbana-Chamapaign-ekoak, Vic-eko Unibertsitatekoaketa Granadako Unibertsitatekoak. Jakintzaalor bakoitzeko lanik onenari saria emango zaio kongresuaren azken egunean, Gasteizko Udalaren eskutik. Halaber, Udalbiltzak Euskal Herriko garapenean eraginikhandiena izango duen ikerketari bertze sari bat emanen dio. Zientzia euskaraz egiteko beharra Zientzia euskaraz egiteak duen balioa aldarrikatu dute gaurko aurkezpenean Iñaki Gurtubaik Gasteizko Udaleko alkateorde eta Euskara zinegotziak eta Lexuri Ugartek Arabako Foru Aldundiko Euskara zuzendariak. «Euskarazko ikerkuntza eta hezkuntza ekimenak babestea Gasteiz bezalako hiri batentzat pozgarria da oso. Euskararen hiriburua ere izan nahi dugu. Eta horretarako, Ikergaztebezalako kongresu erreferenteak gurean egiteak garrantzi handia du», nabarmendu du Gurtubaik. Kepa Sarasola UEUko Zuzendariak azpimarratu du UEUrentzat ere kongresua ezinbestekoa dela: «UEUren helburu garrantzitsuenetako bat betidanik izan da euskal komunitate zientifikointelektuala trinkotzea. Elkarren berri izatea ezinbestekoa da ezagutzak aurrera egin dezan, are gehiago gure kasuan, euskaraz lanean dihardugun ikerlariak hain sakabanatuta egonda». Ikergazte ikertzaile gazteentzat «erreferentzia»bihurtu dela erran du Sarasolak, eta horren atzean unibertsitate eta erakundeekin «elkarlana»dagoela aldarrikatu du. Hain zuzen ere, EHU Euskal Herriko Unibertsitatearekin elkarlanean antolatzen du kongresua UEUk, eta Inma ArostegiEHUko Ikerketa errektoreordearen esanetan, euskarak terminologia zientifikoa, bibliografia, material didaktikoa, eta, batez ere, euskara lanean erabiliko duten ikertzaileak behar ditu. Bi erakundeek azken urteetan egindako elkarlana nabarmendu du, eta bere fruituak eman dituela azpimarratu du: «Poliki-poliki baina eten gabe doa gure hizkuntza ikerketan ere bere bidea egiten». Elkar ezagutzearen garrantzia COVID-19aren pandemiak bete-betean harrapatu du kongresuaren bigarrenaldia. Hala ere, presentzialtasuna mantentzea ezinbertzekoa dela adierazi du Olatz Arbelaitz kongresuaren koordinatzaileak: «Beste helburu batzuen artean ikertzaile gazteek elkar ezagutzea duen kongresua ezin imajina genezakeen urruneko moduan eginda». Aitzineko bi kongresuen moduan,ikerlarien elkar ezagutze horrek elkarlan berriak sortuko dituela nabarmendu du Arbelaitzek.]]>