<![CDATA[Aitor Manterola | Berria.eus]]> https://www.berria.eus Bere azken artikuluak eu Tue, 26 Jan 2021 12:39:01 +0100 hourly 1 <![CDATA[Aitor Manterola | Berria.eus]]> https://www.berria.eus/irudiak/berriaB.png https://www.berria.eus <![CDATA[Athleticek Eivissaren zelaian ekingo dio gaur Espainiako Kopari]]> https://www.berria.eus/paperekoa/2153/021/002/2021-01-21/athleticek_eivissaren_zelaian_ekingo_dio_gaur_espainiako_kopari.htm Thu, 21 Jan 2021 00:00:00 +0100 Aitor Manterola https://www.berria.eus/paperekoa/2153/021/002/2021-01-21/athleticek_eivissaren_zelaian_ekingo_dio_gaur_espainiako_kopari.htm
Belar artifizialean jokatzeak ere beste kezka puntu bat gehitzen die zuri-gorriei. Entrenatzaileak garbi asko hitz egin zuen atzo: «Ahalik eta ondoena aritu beharko dugu irabazteko. Faborito garbiak gara, baina zelaian erakutsi behar dugu». Aldaketak iragarri zituen hamaikakoan, izenik aurreratu gabe: «Superkopan lan handia egin zuen taldeak, eta horrez gain, jokatu ez zutenak lan oso ona ari dira egiten entrenamenduetan». Aldaketetako bat atean izango dela aurreratu zuen, argitu gabe Ezkietak edo Herrerinek jokatuko duen. Ariko ez dena Iñigo Martinez izango da, gainkarga duelako eskuin izterreko soleoan. Datozen egunetako bilakaeraren arabera ikusiko da noiz itzuliko den taldekideekin batera entrenatzera. Marcelinok gaurko hogei jokalari deitu ditu, eta ez daude Kodro eta Cordoba.

Aurkariaren inguruan, ondo ezagutzen duela erakutsi zuen: «Landutako taldea da, antolaketa onarekin. Trantsizio azkarrak egiten ditu erasoan, bertikala da. Eta oso arriskutsua geldikako jokaldietan».

EIVISSA-ATHLETIC
Eivissa. Parreño; Grima, Pardo, Goldar, Gonzalez; Kike Lopez, Molina, Lara, Cirio; Castel eta Rodado.
Athletic. Ezkieta; Capa, Yeray, Nuñez, Balentziaga; Lekue, Vencedor, Vesga, Morcillo; Berenguer eta Villalibre.
Epailea. Gonzalez Fuertes.
Lekua. Camp de Misses
Ordua. 19:00 (Dazn).]]>
<![CDATA[Kartzelarik gabeko zigorra]]> https://www.berria.eus/paperekoa/1877/020/001/2021-01-20/kartzelarik_gabeko_zigorra.htm Wed, 20 Jan 2021 00:00:00 +0100 Aitor Manterola https://www.berria.eus/paperekoa/1877/020/001/2021-01-20/kartzelarik_gabeko_zigorra.htm
Bideoa zabaltzeagatik bazen beste jokalari bat ere akusatua: Eddy Silvestre, gertakariak gertatu zirenean Eibarreko kide ez zena (hiru hilabete lehenago utzi zuen taldea). Libre utzi du epaileak, ez dielako funtsik ikusi haren aurkako akusazioei.

Berez, zigor handiagoak eskatzen zituzten akusazioak eta fiskalak hiru jokalarientzat: bosna urteko kartzela zigorra Enrichentzat eta Lunarentzat, eta hirukoa Silvestrerentzat. Baina urriaren 14an, epaiketa eguneko saioaren amaieran, jaitsi egin zuten zigor eskaria bi eskatzaileek aurreneko bientzat: bina urteko eta egun bateko espetxe zigorra. Silvestreren kasuan, eskariari eustea erabaki zuten: fiskalak bi urte eta egun batekoa, eta akusazioak hiru urtekoa. Bi urtera eta egun batera jaistearen oinarrian, argudio hau jarri zuten akusazioak eta fiskalak: bideoa grabatu izana onartzea, eta damua azaltzea egindakoagatik. Biktimak 110.000 euroko kalte-ordaina jasoko du, akusazioak eskatzen zuena baino 10.000 euro gehiago Enrichek eta Lunak ahozko epaiketa hasi baino lehenago eman zioten diru hori biktimari. Horrek ere ekarri zuen zigor eskaria jaistea.

Epaia ez da behin betikoa, helegitea jartzeko aukera dutelako aldeek Gipuzkoako epaitegian. Baina ez da halakorik gertatuko. Izan ere, epaiketara erdi mamituta eraman zuten auzia akusazioak eta defentsak. Ez erabat itxita eta adostuta, baina bai elkarrekiko harremanetan josia. Azkenean, defentsak lortu du nahi zuena: bi jokalariek onartzea delitua egin zutela, damua azaltzea, eta biktimari kalte-ordaina ematea. Defentsako abokatuak ere garbi azaldu zuen epaiketaren amaieran kasuak ez zeukala helduleku handirik haren bi bezeroak (Enrich eta Luna) errugabetzeko, eta atera zezakeen bakarra zela kartzela zigorra ez betetzea.

Auziaren sorrera duela bost urteko apirilaren 18 eta 19ko gauetan dago. Lunaren etxera joateko geratu ziren Enrich, biktima eta haren lagun bat. Sententziak dio biktimak ez zituela ezagutzen bi jokalariak. Hirurek onartu zuten «borondatezko sexu harremanak» izatea. Halako batean, Lunak Enrichen sakelako telefonoa hartu zuen haren baimenarekin, eta hiruren arteko sexu harremana grabatzen hasi zen. Biktima jabetu, eta eskatu egin zion Lunari ez grabatzeko. Kasu egin zion.

Urte bereko urriaren 5a baino lehen, sententziak dioenaren arabera, Lunak eta Enrichek erabaki zuten biktimaren baimenik gabe grabatutako bideoa zabaltzea, hori ere haren baimenik gabe. Azkenean, «birala egin zen sare sozialetan, eta hainbat hedabidetan albiste ere bilakatu zen».

Biktimari eragindako kaltea

Sententzian, gertakakarien ondorengo puntuan, horrek guztiak biktimari eragin zion kalte psikologikoa aipatzen da. Epaileak ez du hori gehiago xehatzen. Epaiketan, ordea, biktimari laguntza eman zion psikiatrak kontu askoren berri eman zuen.Tratamendu psikiatrikoa jaso behar izan zuen: «Izu-ikara zeukan, beldurtuta zegoen». Botikez gain, bestelako tratamendu hau jarri zion: «Ingurukoei esan nien ezin zutela bakarrik utzi. Telefonoa kentzeko ere agindu nien, ez zezan ezer irakurri, ikusi edota jaso bideoaz». Biktimak erabaki gordin bat hartuko ote zuen beldur zen psikiatra: «Bere buruaz beste egiteko osagai guztiak zeuzkan neskak, eta arrisku hori gainditu zuen arte jardun nuen hura zaintzen».]]>
<![CDATA[Lointek Gernikak badu aurreneko garaipena]]> https://www.berria.eus/albisteak/192485/lointek_gernikak_badu_aurreneko_garaipena.htm Tue, 19 Jan 2021 10:07:07 +0100 Aitor Manterola https://www.berria.eus/albisteak/192485/lointek_gernikak_badu_aurreneko_garaipena.htm <![CDATA[Orain gehiago nahi dute ]]> https://www.berria.eus/paperekoa/1920/022/001/2021-01-19/orain_gehiago_nahi_dute.htm Tue, 19 Jan 2021 00:00:00 +0100 Aitor Manterola https://www.berria.eus/paperekoa/1920/022/001/2021-01-19/orain_gehiago_nahi_dute.htm Garaipena ospatu, besarkadarik gabe Pandemiaren eraginez, ekitaldi xumeak eta laburrak izan ziren. Udalekoa Arabiar aretoan egin zen, eta klubetik kide hauek bakarrik egon ziren: Aitor Elizegi presidentea, Jose Angel Iribar, Marcelino entrenatzailea, eta Iker Muniain, Raul Garcia, Iñaki Williams, Mikel Balentziaga eta Oscar de Marcos kapitainak. Aretora sartu orduko, aurreskua egin zien dantzari batek, eta, ondoren, zorion hitzak etorri ziren. Aburto izan zen hitza hartzen aurrenekoa: «Zorioneko gaude, eta harro, balentria historikoa lortu duzuelako». Aipatu egin zuen Gaizka Garitano, aurreko entrenatzailea, baita Aritz Aduriz ere, taldeko jokalari ohia ere, «denen artean egindako bidea izan delako kopa hau irabaztea». Athletic hiriarentzat «ikurra» dela gaineratu zuen, eta «urre gorriko orria idatzi» zutela igande gauean Sevillan. Enkargu hau ere eman zien klubeko kideei: «Apirilean aukera duzue beste bi kopa ekartzeko (Espainiako kopa iazkoa, eta sasoi honetakoa, finala harrapatuz gero), eta zain egongo gara. Bidea ikasi duzue». Elizegik jarraitu zion hitzarekin, eta atzean zituen kapitainak goraipatzeko izan ziren lehendabizikoak, talde osoa barne: «Egunero erakusten didate zer den konpromisoa, lana eta jarraitutasuna». Muniain propio txalotu zuen. Ahaztu egin zitzaion Marcelino aipatzea, eta txaloak entzuten ari zenarekin batera oroitu zen entrenatzailearekin: «Marcelino ere familia honetako kide da. Lehen egunetik erakutsi zigun badakiela zein diren gure indarguneak eta ahuleziak». Kapitainak segitu zuen hizketan gero. Muniainek nabarmendu zuen zaleak «gertu» sentitu zituztela atzo, zelaian egoterik izan ez bazuten ere. Aurrera begira jarri zen nafarra ere: «Iritsiko da zaleekin hau dena ospatzeko unea, baina orain, zuhurtziaz eta tentuz ibiltzeko garaia da». Marcelinok ere egin zituen hitz batzuk, eta presidenteak eta Muniainek ez bezala, soilik Bilboko eta Bizkaiko zaleak izan ditu gogoan, Euskal Herrikoak aipatu gabe (beste biek ahotan hartu zituzten): «Lehen egunetik gozaturazi egin didate jokalariek. Profesionaltasun handia erakutsi dute, baita maitasuna ere. Oso handiak dira». Entrenatzaileak ere aipua egin zion etorkizunari: «Ea gai garen zale ikaragarri hauek zoriontsu egiten segitzeko. Beste arrakastaren bat lortzeko ea kapaz garen. Indar guztiarekin saiatuko gara». Esker eta zorion hitzen ondoren, Aburtok oparia egin zion klubari: Bilboko hiriaren bandera (Erkoreka plazan, klubekoa jarri zuen udalak atzo). Argazkia atera zuten kide guztiek hiriko banderarekin, eta horrela amaitu zen harrera. Foru Aldundira joan ziren gero, eta han, Rementeriaz gain, Lorea Bilbao Kultura, Kirola eta Euskara diputatua ere zain zituzten. Rementeriak hitz gutxi egin zituen: «Itzelak zarete», esan zien klubeko kideei. Superkopa irabazteko uneari egin zion aipamena: «Momentu onena da garaipena lortzeko. Bizkaiak behar ditu horrelako pozak une zail hauetan». Ondoren, Elizegik, Muniainek eta Marcelinok hartu zuten hitza. Kapitainak gogoan izan zituen pandemiak jotako herritarrak. Hitza eman zuen titulu gehiago lortzeko lan handia egiten segituko dutela. Marcelinok adierazi zuen azkar ikusi dutela zer den Athletic Bilbon eta Bizkaian, eta harro daudela horren parte izateagatik. Zaleak garaipenean egon ez izanaren pena nabarmendu zuen. Onartu zuen Superkopa titulu handia ez dela, baina Real Madrili eta Bartzelonari irabaztearen balio nabarmendu zuen. ]]> <![CDATA[Athletic txapeldun, perfekzioaren mugan jokaturiko final batean]]> https://www.berria.eus/albisteak/192405/athletic_txapeldun_perfekzioaren_mugan_jokaturiko_final_batean.htm Mon, 18 Jan 2021 14:02:36 +0100 Aitor Manterola https://www.berria.eus/albisteak/192405/athletic_txapeldun_perfekzioaren_mugan_jokaturiko_final_batean.htm Partida unez une kontatu du bart BERRIAk, eta baita argazki bilduma osatu ere. Athleticek bikain jardun duelako irabazi du finala. Futbol talde batek hartzen dituen arlo guztietan, perfekzioaren mugan ibili da. Erraldoia Marcelinoren taldea izan da gaur, eta ez Messirena. Handi ikusi zaio Athletici zelaian, eta txiki utzi du Bartzelona. Ziurrenik, partida hasi aurretik hasi da finala irabazten. Fedea eta gosea Talde batek sinesten duenean egin behar duen horretan, sekulako indarra izaten du. Athleticek finala irabaz zezakeela sinetsi du, baina lehenago sinetsi du irabaztera eramango zion bidean. Bideak eraman du garaipenera. Sinesteagatik sinestea erraza da, baina Athleticek gaur beste zerbait erakutsi du: egin behar zuen horretan eta gero egin duen horretan egundoko fedea zuela. Sinesmenak indarra eman dio. Indarrak, kontzentrazioa. Kontzentrazioak, motibazioa. Motibazioak, ia gauza guztiak ondo egitea. Ondo egiteak, konfiantza. Konfiantzak, sinesmena; sinesmenak, indarra, eta abar; behin eta berriz zirkulu osoa osatzen joan arte. Hasi eta segi. Aurkariak baino gose handiagoa izan du finala irabazteko. Hori ere ezin da aipatu gabe utzi. Talde handiak esaten zaien horien kondena horixe bera izaten da batzuetan: gutxi eginda irabazteko gai direla. Baina ez da beti ondo ateratzen. Eta eskerrak. Eredua Athleticena baita, eta ez Bartzelonak finalean edo Real Madrilek finalerdietan erakutsi zuten jarrera epela. Taktikarekin jolasean Partida hasi orduko, garbi erakutsi du Athleticek irabaztera atera dela. Eta bazuela plan bat, estrategia bat. Defentsan (Yeray Unai Nuñezen lekuan zela), aurkaria goian estutzera joan da, eta lerroak atzeratu dituenean, ez da area gainean jarri: atzelarien lerroa oso aurreratuta eduki du. Erasoan, azkar eta bizi jokatu du goian lapurtu duenean. Atzerago ostu duenean, berriz, patxada eta bertikaltasuna erabili ditu, egoeraren arabera. Ezusterik ez Athleticen estrategian. Bai, agian, atzeko lerroa oso aurreratua izatea. Denak harri eta zur Bartzelonaren planak utzi ditu: defentsan, lerroak atzeratuta jokatu du lehen zatian eta bigarrenaren zati handi batean. Ondorioa: baloia atzean lapurtu edo kendu diola Athletici, eta gero, sekulako zailtasunak izan dituela zuri-gorrien defentsako lan bikaina gainditzeko. Erasoan, betikoa egin du Ronald Koemanen taldeak: baloia soropilari josita erabili. Athleticen defentsa aurreratuak pase luzea eskatzen zuen egoerei bide eman arren, beti motzean. Athleticen mesederako. Marcelinok lotu egin du aurkaria: ohi duen eran, erdiko pasilloa erabat itxi du, eta armiarma sare horretan, jokaldi onik ehundu gabe ibili da. Taktikaren inbutuan, golak sartzeko aukerak apenas sartu dira lehen zatian. Lehendabiziko jaurtiketa Capak egin du 26. minutuan, eta Ter Stegenek urrundu du kornerrera baloia. Messik erantzun dio 37.ean, urrutitik kanpora egindako jaurtiketan. Raul Garciaren burukada gora joan da minutu bat geroago. Eta ezer gertatzen ari ez zenean, Bartzelonak egin du gola, hegaletik. Erdia ixten duenak edo albo batera asko joaten denak beste aldea uzten du libre, eta Messik ederki ikusi du Jordi Alba ezkerretik sartzen. Pasea hari, horren erdiraketa, eta Messik berak erdi huts egin arren, Griezmann azaldu da. Gola: 0-1. Baina Athleticen fedea eta gosea azaldu dira segituan. Williamsek euskarrien atzean hartu du baloia; nahi beste denbora eman diote Bartzelonakoek burua altxatu eta De Marcosen sarrera ikusteko eskuin hegaletik area barrura. Zetorkion bezala astindu baloia, eta berdinketa. Taktikari, buelta Bartzelonak ez du ezer aldatu bigarren zatian estrategiari dagokionez. Lasai asko jarri baloiaren atzean, eta zain egon, Athleticek hutsen bat noiz egingo. Aldatu duena erasoko plana izan da, baina jokaldi batean bakarrik: lehen zatian izan ez duen sakontasuna baloi luze batekin lortu nahi izan du 46. minutuan. Berriz ere Alba ezker hegaletik gora. Sustoa handik berehala hartu dute kataluniarrek: gola Raul Garciak, buruz, Muniainek ezkerretik ateratako faltan. Baina baliorik eman ez VAR-ak. Jokoz kanpo. Athleticek berean segitzen zuen sistemari dagokionez: Marcelinoren 4-4-2a totema da ia-ia. Bartzelonak ere berean: hiru erdilari eta hiru aurrelari. Baina Messi gero eta atzerago azaltzen hasita ordurako. Zuri-gorriek atzera egin dutelako, edo Bartzelonak asmatu egin duelako euskal herritarren goiko presioa gainditzen, kontua da jokoa aldatu egin dela 56. minututik aurrera. Bartzelona hasi da baloi jabetza luze eta eraginkortasunik gabeak zuri-gorrien zelaian josten, abiadurarik gabekoak zirelako. Athleticen arma: kontraerasoa. Kataluniarrek baloia gorago zerabiltenez, presioa goian egiteko aukera izan dute. Hasi dira, baina oso epel, eta taldea puskatuta bezala. Baldar eta trakets. Baina lehen zatian bezala, jokaldi bat nahikoa bigarren gola sartzeko: ezker hegalean, ukitubatean, elkarri pasa Dembelek eta Albak, eta horren erdiraketa berriz ere Griezmannek harrapatu du. Gola: 2-1. Hamalau minutu partida amaitzeko. Geldikako jokaldiak, pagotxa Lan zailak berriz ere Athleticentzat. Lehen baino zailagoak, partidaren akabera gertu zelako. Baina berean segitu du. Marcelinok aulkia dantzatu du: Vesga barrura, Dani Garcia kanpora; Capa harmailara, Berenguer zelaira. Sisteman aldaketarik ez, jakina. Estrategian bai, ezinbestean: lerroak gora berriz ere, presioari erreguka. Ondorioa: Bartzelonak zulo asko kontraerasoak ateratzeko. Bat izan du garbia Dembelek, baina erabaki okerra hartu du, eta akabo emaitza lotzeko aukera paregabea haientzat. Arnasa Athleticentzat, eta, arnas horrekin, tronpeta jo du Villalibrek. 89. minutuan, Muniainek eskuinetik ateratako falta batean (sei minutu lehenago atera du gernikarra Marcelinok, Lekuerekin batera). 2-2 eta luzapena. Gosea eta jateko gogoa elkartu dira horrelako jokaldietan: batzuek ondo egindako gauzak, eta besteek zeharo baldar egindakoak. Williamsen ginga Luzapena irabazi du Athleticek. Eta luzapenean irabazi Superkopa, Williamsekmagia egin duelako. Real Madrilen aurka saiatu zen jaurtiketa bertsua egin du; oraingoan, asmatuz. Area gainetik baloia astindu, zartako doitua Ter Stegen atearen sarera. 2-3koa. Hortik aurrera, gauza handirik ez. Zuri-gorriaklerroak atzeratuta jarri dira. Orduan hasi da Bartzelona aurrenekoz jokoari abiadura ematen, galtzen jarri denean. Sasoian pikuak. Gainera, ezertarako ere ez, aukera laurdenik ere ez baitu sortu. Williams kendu du entrenatzaileak 106. minutuan, Morcillo ateratzeko. Gazteak aukera eder bat izan du kontraerasoan. Baina ez atera jo, eta ez pasea eman Villalibreri. Bartzelona, ezinean: Araujo erdiko atzelaria aurrelari. Erantzuna Marcelinok: Vesga euskarritik erdiko atzelari izatera. Poza lehertu aurretik, Messiren ezinak egin du eztanda,txartel gorria irabazi eta jaso baitu azken minutuan. Segituan,poza eta algara Athleticentzat. Superkopa hirugarrenez lortu berri du. Ondo merezita. Arlo guztietan errepasoa eman diolako Bartzelonari. Perfekziorik ez da egongo, eta horregatik esan behar da mugan ibili dela Athletic. Irabazi egin du, eta futbolak ere bai: betikoak ez diren taldeek garaipenak lortzea polita delako.]]> <![CDATA[Bilboko Udalak eta Bizkaiko Foru Aldundiak harrera egin diote Athletici]]> https://www.berria.eus/albisteak/192424/bilboko_udalak_eta_bizkaiko_foru_aldundiak_harrera_egin_diote_athletici.htm Mon, 18 Jan 2021 09:36:11 +0100 Aitor Manterola https://www.berria.eus/albisteak/192424/bilboko_udalak_eta_bizkaiko_foru_aldundiak_harrera_egin_diote_athletici.htm <![CDATA[Baskoniak Joventut izango du aurkari Espainiako Kopan]]> https://www.berria.eus/albisteak/192417/baskoniak_joventut_izango_du_aurkari_espainiako_kopan.htm Mon, 18 Jan 2021 09:24:20 +0100 Aitor Manterola https://www.berria.eus/albisteak/192417/baskoniak_joventut_izango_du_aurkari_espainiako_kopan.htm <![CDATA[Zaharretik eta berritik]]> https://www.berria.eus/paperekoa/1902/022/001/2021-01-16/zaharretik_eta_berritik.htm Sat, 16 Jan 2021 00:00:00 +0100 Aitor Manterola https://www.berria.eus/paperekoa/1902/022/001/2021-01-16/zaharretik_eta_berritik.htm
SISTEMA

Bartzelonaren aurka ligako partidan, eta Real Madrilen kontra Superkopakoan, sistema, marrazki edo irudi bera hautatu du Marcelinok: 1-4-4-2 delakoa; atezaina, lau atzelari, lau erdilari eta bi aurrelari. Aurretik egona den talde ia guztietan gauza bera egin izan du. Garitanok nahiago zuen 1-4-2-3-1 erabiltzea: atezaina, lau atzelari, bi euskarri, hiru punta-erdi eta aurrelari bakarra.

ESTILOA

Marcelinok garbi esan zuen aurkezpen egunean: «Sistema ez da garrantzitsua; estiloa da oinarria». Bi partida hauetan, estilo aldetik talde kamaleoniko samarra ikusi da zelaian. Ez du erakutsi eredu jakin bat eta bakarra; hasi eta buka horrekin. Ez. Erasoan, paseen bidezko jokoa egin du; baita joko zuzenagoa (azkarragoa) ere, kontraeraso zitalen bitartez; biak uztartu ere egin ditu baloiaren jabetza berean. Defentsan ere, antzeko: oraintxe goian egin du presioa, eta hurrengoan, lerroak ahalik eta gehien atzeratu ditu. Oro har, ezaugarri bat dauka taldeak: erraz saiatzen da jokatzen. Garitanoren aldean, ez da aldaketa handirik izan estiloan, oraingoz.

ERASOAN

Azkar jokatzen du baloia. Azkarrago ematen diote baloia jokalariek taldekideari; ukitu gutxiago ematen dizkiote, baina ñabardura honekin: aurkariari min emateko edota aurkariaren lerroak gainditzeko aukera dagoenean gertatzen da hori. Kontraerasoan ere, jakina, ezinbestean izan behar da bizia eta azkarra. Bestelakoan, pausatuago saiatu izan da taldea baloia gordetzen; batez ere, atzelariek baloia izan dutenean, eta segurtasun lekuetan: jokoaren hasieran. Oparirik ez.

Atzelariek baloia elkarri pasatzean, helburu bat izaten ari da aurkaria presiora erakartzea, atzelarien bizkarrean zuloak utz ditzan kontrarioak. Williamsen abiadura altxorra da halakoetan, eta luze jo izan diote aurrelariari aurkaria presioan hasitakoan. Garitanorekin ere erabiltzen zuten aukera hori. Bestelakoan, paseen bidezko jokoan, ikusi dira hiruzpalau mugimendu bikoteen artean: hegaletan, atzelaria eta zelai-erdikoaren artean (aurrenekoa kanpotik ari bada, bigarrengoa barrura sartzen da), euskarrien eta punta-erdiaren artean (euskarrietako bat zabaltzen bada, punta-erdiak egiten ditu lotura lanak, behera jaitsiz. Horrela, taldea ez da hausten, ez erasoan, ez defentsan gero). Ez puskatu nahi horretan, baliteke eragina izatea Muniainek ezker hegalean jokatzeak, edo hortik hastea jokatzen. Bere erara mugitzen denez, erdian arituta baino kalte gutxiago egin liezaioke gero defentsako lanari hegal inguruan mugituta.

DEFENTSAN

Presioa goian egin du Athleticek Marcelinoren lehen bi partidetan; aurkariaren atezainari motzean ateratzea galarazi ere bai. Garitanorekin, berdin. Behin aurkariak presioa gainditu dionean, taldeak azkar atzeratu ditu lerroak, azkar eta asko: ia-ia area gaineraino. Hor bereizi da Marcelinoren oso gustuko ezaugarria: zonakako defentsa, barruak itxiz. Garitanorekin ere atzeratzen zituen lerroak taldeak. Bada ezberdintasunik, baina: lehen, baloia zeukan aurkaria gehiago estutzen zen, eta orain, gutxiago. Hegaletan leku gehiago utzita aurkariari, ezinbestean jakin behar du taldeak erdiraketak defendatzen. Horretan, lan bete-betekoa egin zuen Garitanok, eta baliatu behar luke Marcelinok.

DEFENTSATIK ERASORA

Bizi eta azkar egiten du aldaketa taldeak. Goian baloia lapurtu, edo atzerago ostu. Raul Garciaren lana nabarmentzekoa izaten ari da zeregin horretan, atzean lapurtzean: aurrelari lekutik behera etorri, eta bizkarrez azkar ematen die baloia aurpegiz dituen taldekideei, horiek Williamsen abiadura bilatzeko edota jokoa beste norabait aldatzeko, aurkariaren presioa gaindituz. Kontraerasoan ateratzen denean, jokalari asko joaten dira gora. Badu azalpena.

ERASOTIK DEFENTSARA

Baloia goian galdu, eta ahalik eta azkarren galdutako lekuan lapurtu. Presioarekin. Lan horrek zentzua dauka, eta egingarria da jokalari askorekin egonez gero goian; alferrik da bat edo bi beren kasa presionatzen hastea atzekoen laguntzarik eta gertutasunik gabe. Horregatik, erasora jokalari asko doaz bizi, eta gero, presioa egiteko ere asko dauzka. Presioarenak kale egiten badu, lerroak atzeratzen zituen lehen taldeak; baita orain ere.

JOKALARIEN LEKUAK

Raul Garciaren lana aldatu egin da orain. Azkenaldian, aulkian egoten zen, eta zeregin jakin batzuk zeuzkan jokatzean; orain ere baditu, jakina, baina taldearen jokoari ekarpen handiagoa egiten dio osotasunean. Hegaletan, Muniainez gain, De Marcos jarri du Marcelinok eskuinean. Garitanok Williams ere erabiltzen zuen hor. Kontuan izan behar da ez dela gauza bera oraingo sisteman hegalekoa izan edo lehengoan izan: betebeharrak ezberdinak dira. Euskarrian, Garitano bukaeran hasi zen Vencedor eta Vesga batera erabiltzen: teknika aldetik abilenak direnak. Marcelinok ere jarri zuen bikote hori lehen egunean, baina bigarrengoan, Dani Garcia jarri zuen Vesgaren ordez.]]>
<![CDATA[Irekitako leihotik, finalera ]]> https://www.berria.eus/paperekoa/2174/020/001/2021-01-15/irekitako_leihotik_finalera.htm Fri, 15 Jan 2021 00:00:00 +0100 Aitor Manterola https://www.berria.eus/paperekoa/2174/020/001/2021-01-15/irekitako_leihotik_finalera.htm Athletic. Unai Simon; Capa (Lekue, 68. min.) Unai Nuñez, Iñigo Martinez, Balenziaga (Morcillo, 78. min.); De Marcos, Dani Garcia, Vencedor (Vesga, 68. min.), Muniain (Berenguer, 71. min.); Raul Garcia (Villalibre, 78. min.) eta Williams.
Golak. 0-1. Raul Garciak (18. min.); 0-2. Raul Garciak, penaltiz (37. min.). 1-2. Benzemak (73. min.)
Epailea. Martinez Munuera. Txartel horiak: Real Madrileko Lucas Vazquez eta Krossi; eta Athleticeko Capa, Dani Garcia eta Unai Simoni.   Athletic Espainiako Superkopako finalean izango da etzi gauean. Bartzelonak du zain, 2015ean bezala, haren kontra jokatzeko aukeraren jabe egin zelako atzo, Malagako Rosaleda zelaian. Real Madrilek arrosez bete zion partida handirako bidea, eta harmaila hutsei begira, bueltaxka lasaia emateko modua izan zuen Marcelinoren taldeak, ez zeuden ikusleei eskuarekin agur egiteko lasaitasun guztiarekin. Lehen zatian partida erabakita uzteraino. Raul Garciak sartu zituen bi gol aurreneko zatian, espainiarrek egindako opari nabarmenetan. Bi aurkari zelaian, eta bi jarrera: euskal herritarrak lanerako eta irabazteko gosearekin; espainiarrak, pausoan irabaziko zutelako ustean. Hemengoak, behar den bezalako jarrerarekin; hangoak, ez. Bakoitzak jakingo du nola gobernatzen duen bere etxea. Marcelino hasi da berea eraikitzen. Hasi bainoago, ari da. Aurreko astean ipini zuen taldearen jabe zuzendaritzak, eta Bartzelonaren kontrako estreinakoan bezala, entrenatzailearen bereizgarri batzuk erakutsi zituen taldeak. Beste gauza bat da atzokoagatik loreak neurririk gabe botatzen haste Marcelinori eta taldeari. Aurkariak izena baino ez zuelako atera zelaira, izana alde batera utzita. Baten batek esango du, edo esan dezake: «Real Madrilek lehen golean oparia egin zion Athletici, baina zuri-gorriak gora joan zirelako presio egitera». Eta hala izan zen jokaldia. Minutu horretan, eta Zinedine Zidaneren taldeak baloia atzetik atera zuen bakoitzean. Motzean nahi izan zuten jokatu, Marcelinorenak ondo joaten ziren presiora. Real Madrilek gaia badu horrelako oztopoak gainditzeko, baina atzo ez zuen ezer erakutsi. Kontua da zortzigarren minutuan, Lucas Vazquez eskuineko atzelaria pasea ematen hasi zela kanpotik barrura. Dani Garciari ema zion, baina. Horren pasea Raul Garciak jaso, eta area barrutik ondo gainditu zuen Courtois atezaina. Golak ez zion estrategia aldarazi Marcelinori: aukera zuenean, goian estutu, eta ezin zenean, hamaika jokalariak arearen gainean jarri, ia-ia. Egoera horretan aritu zen gaizkien Athletic. Hegaletatik sartzen hasi zelako Real Madril. Baina aukeratxo horiek ez zituen ezertarako baliatu. Halako batean, Athleticek zelai erdia gainditu zuen batean, bigarren goleko jokaldia etorri zen. 36. minutua zen, eta geldikako jokaldia eragin zuen. Bigarren jokaldian, baloia Iñigo Martinezek hartu zuen area barruan, Lucas Vazquezen ingurura. Zaintza zuenik ere ez zen konturatu atzelaria, eta ondarroarrak hartu zuen baloia. Atzetik egin zion penaltia Vazquezek. Gola Raul Garciak 37. minutuan. 0-2 partidaren erdian. Finala oso gertu. Real Madrilen piztualdia Bigarren zatiko lehendabiziko hamabost minutuetan, lehengo lepotik izan zuen burua partidak. Aiseegi zebilen Athletic, finalerdia izateko. Baina erabaki zuen lanean hastea Real Madrilek, eta estutzen hasi zen Athletic. Asensiok bi jaurtiketa zutoinera eta langara bota zituen. Gola ere sartu zuen Benzemak, 73. minutuan, VAR-ak balioa emandako golean. Beste bat ere sartu zuen, baina ez zen balekoa izan. Villalibrek 1-3koa sartzeko sekulako aukera izan zuen zelairatu eta berehala. Beharrik ere ez sartzeko. Azkenean, langile finarentzat saria: finala. Merezitakoa. ]]>
<![CDATA[Arraunean, berriz itsasora]]> https://www.berria.eus/paperekoa/2295/021/001/2021-01-15/arraunean_berriz_itsasora.htm Fri, 15 Jan 2021 00:00:00 +0100 Aitor Manterola https://www.berria.eus/paperekoa/2295/021/001/2021-01-15/arraunean_berriz_itsasora.htm Lugañene traineruaren ababor aldera, aurreko denboraldian bete gabe utzi zuen horretara.

Duela bi urteko udazkenean esan zien adio taldekideei. Edo gero arte. Ikasketak zituen lehentasun. Itsasoarekin lotutakoak horiek ere: «Itsasoko kapitain ikasketak egiten nabil». Alderdi teorikoa amaitu, eta praktikoari ekiteko utzi zuen arrauna. Ezin biak bateratu: «Itsasora denbora luzerako joatea nuen asmoa praktikak egiteko, eta ezin nuen arraunean jarraitu».

Asmoak asmo, azkenean. Azaldu baitzen mundu osoa hankaz gora jarrita dabilen pandemia. Ezin praktikak egin Dukek. Ez da, baina, geldirik egotekoa, eta umetatik ezagun zuen mendizaletasunari heltzea erabaki zuen: «Mendiko lasterketei ekin nien». Oraintxe urtebete beteko da lehenengoa egin zuenetik. Zestoan (Gipuzkoa) izan zen, Kobaz Koba proba, eta «ezustea» haren hitzetan: hirugarren egin zuen. Pandemia berriz ere parean jarri, ordea. Bost lasterketa baino ez zituen egin ahal izan. Baina gustatzeko nahikoa: «Oso giro herrikoia dago hor ere, arraunean bezala». Urtea aurrera, eta erabakiak hartu behar aurtengorako. Mendian gustura, baina itsasoa falta. Arraun Lagunak buruan. Ikasketak. Eta mendia. Pandemia ere bai, nola ez: «Ziurgabetasun egoera honetan, nola ez dakidan zer bilakaera izango duen gizarteko egoerak, mendia eta arrauna uztartzea erabaki dut». Bi egutegiak uztargarriak dira.

Eta ikasketak? «Praktikak lehorrean egingo ditut, porturen batean, aukera dugulako horrela egiteko ere». Arrazoiak, arrauna eta Arraun: «Hitza eman diet denboraldia osatuko dudala, eta bete egingo dut». Itsasoarekin lotuta da berriz ere, traineruaren uberari segika.

Hasi da entrenatzen. Uretan, duela aste gutxitik. «Asteazken, larunbat eta igandetan joten naiz Donostiara, uretako entrenamendu egunetan». Joan-etorrian ibili behar. Udan ez da hala izango: «Traineru denboraldiko lehiaketa aldia Donostian igaroko dut».

Pozik itzuli da: «Iruditzen zait ez dela urtebete pasatu azkena egon nintzenetik». Taldean ikusi du aldaketa bat: «Urtetik urtera, psikologikoki indartsuagoa da Arraun, oztopo guztien gainetik. Ea emaitzetan islatzen dugun».]]>
<![CDATA[Irekitako leihotik, finalera]]> https://www.berria.eus/albisteak/192268/irekitako_leihotik_finalera.htm Thu, 14 Jan 2021 23:24:58 +0100 Aitor Manterola https://www.berria.eus/albisteak/192268/irekitako_leihotik_finalera.htm <![CDATA[Abelardoren alde bigarrenez]]> https://www.berria.eus/paperekoa/1879/020/001/2021-01-13/abelardoren_alde_bigarrenez.htm Wed, 13 Jan 2021 00:00:00 +0100 Aitor Manterola https://www.berria.eus/paperekoa/1879/020/001/2021-01-13/abelardoren_alde_bigarrenez.htm
Entrenatzaile dantza ez da kontu zaharra Alavesen azkenaldian. Izan ere, Josean Kerejetak eta haren taldeak klubaren ardura hartu zutenetik 2011ko udan, hamahiru entrenatzaile izan ditu: Luis de la Fuente, Juan Carlos Granero, Natxo Gonzalez, Juan Carlos Mandia, Alberto Lopez, Jose Bordalas, Mauricio Pellegrino, Luis Zubeldia, Gianni de Biasi, Abelardo, Asier Garitano, Juan Ramon Lopez Muñiz eta Machin. Hamalaugarrena Abelardo da, lehen egondakoa bada ere.

Lehen aroan 69 partida zuzendu zituen teknikari espainiarrak, eta 28 garaipen, 14 berdinketa eta 27 porrot bildu. 2017ko abenduaren 1ean hartu zuen taldearen ardura. Artean Alaves azken postuan zegoen sailkapenean, sei punturekin. Askok izango dute gogoan haren debuta. Gironaren zelaian izan zen, eta 2-0 galduz joan eta gero, arabarrek 2-3 irabazi zuten. Ibai Gomezek sartu zituen hiru golak, azkena 93. minutuan. Machin zen orduan Gironaren entrenatzailea.

Handik aurrera gora egin zuen Alavesek sailkapenean, eta mailari eusteko helburua aise lortu. Hamalaugarren amaitu zuen, 47 punturekin. Hurrengo sasoian entrenatzaile jarraitu zuen Abelardok, eta Europara sailkatzeko postuetatik gertu egon zen azken partidetara arte. Baina emaitza bolada txar batean sartu zen orduan, eta kontratu luzatzearen elkarrizketen harira, korapilatu egin zen Abelardoren eta Kerejetaren arteko harremana. «Taldearen bigarren itzulia ez da batere ona izan, eta Abelardok kobratzen zuen bikoitza eskatu du. Gainera, berak edo haren ordezkariak zabaldu dute ez jarraitzeko erabakiaren berria», esan zuen Kerejetak. Abelardok ukatu egin zuen, eta ez zuen jarraitu.

Alaveseko lehendabiziko esperientzia haren ondotik, Espanyolen aulkian eseri zen aurreko denboraldian, 2019ko abendutik. Machin ordezkatu zuen, orain Alavesen bezala. Ez zuen asko iraun, sei hilabete baino ez. Azkenean, Kataluniako taldeak egoera txarra iraultzea lortu ez, eta maila galdu zuen, Rufete aulkian zela.

Machinen ibilbide laburra

Iazko abuztuan iritsi zen Machin kargura. Eta hainbat gauzak kondenatu dute. Ligako sailkapenean, hamaseigarren taldea da Alaves, 18 punturekin, eta bi puntura dauka jaitsiera. Espainiako Kopan, hirugarren kanporaketa jokatuko du datorren larunbatean Almerian. Lau partida irabazi ditu ligan, sei berdindu eta zortzi galdu. Hamasei gol dauzka alde, eta 23 kontra. Azkeneko partidetan, behin baino gehiagotan tokatu izan zaio jokalari bat gutxiagorekin jokatzea, epaileek Alaveseko jokalariren bat kaleratzeagatik.

Alavesen helburua mailari eustea baldin bada, Machin hori betetzen ari zen. Emaitzak bakarrik hartuta, beste alderdi bat ere egon da, ordea, haren jardunaren barruan: adibidez, Osasunaren aurka Sadarren gertatu zitzaiona taldeari. Jokalari bat gehiagorekin aritu, eta berdinketa baino ez lortzea galduz joan eta gero.

Emaitzez harago, talde landua edo lantzen ari delako itxura eman du Machinenak. Gustukoa du espainiarrak bosteko atzelari lerroa erabiltzea, eta horrela hasi zen. Baina ikusita ez zeuzkala jokalari egokiak horretarako, batez ere hegaleko atzelarietan, lauko lerroa lantzen hasi zen. Erasoan, agerikoa izan da Joselu eta Lucas Perezen lanarekiko mendekotasuna, eta hala behar du izan, bi aurrelari horiek direlako kalitate teknikorik handiena duten jokalariak. Azkenaldian, gainera, erasoko jokoan, baloia zelaira jaitsiz lehen baino aiseago zebilen taldea. Bazela lan bat, azken batean. Lan hori errotik moztu du zuzendaritzak, mendeurrena ospatzeko egun gutxi falta direnean.

Saskibaloian Dusko Ivanovicekin egin bezala, aurretik taldean arrakasta izan zuen teknikari baten talde egin du Kerejetak. Ikusteko dago apustua Ivanovicekin bezain ondo ateratzen zaion.]]>
<![CDATA[Abelardo da berriz ere Alaveseko entrenatzailea]]> https://www.berria.eus/albisteak/192149/abelardo_da_berriz_ere_alaveseko_entrenatzailea.htm Tue, 12 Jan 2021 15:54:21 +0100 Aitor Manterola https://www.berria.eus/albisteak/192149/abelardo_da_berriz_ere_alaveseko_entrenatzailea.htm <![CDATA[«Erremontean hasi nintzenean, ez nuen uste txapelik irabaziko nuenik»]]> https://www.berria.eus/paperekoa/1913/024/001/2021-01-12/erremontean_hasi_nintzenean_ez_nuen_uste_txapelik_irabaziko_nuenik.htm Tue, 12 Jan 2021 00:00:00 +0100 Aitor Manterola https://www.berria.eus/paperekoa/1913/024/001/2021-01-12/erremontean_hasi_nintzenean_ez_nuen_uste_txapelik_irabaziko_nuenik.htm
Esan nahi duzu gertu duzula erremontea uzteko eguna?

Palmares ikaragarri ona daukat. Debuta egin nuenean, ez nuen pentsatu ere egiten horrelako zerbait lortuko nukeenik. Lan duina egitea zen nire asmoa, eta ez nuen uste txapelik irabaziko nuenik ere. Are gutxiago, buruz burukoan. Hainbeste garaipen lortu izanak adierazten du urte asko daramatzadala jokatzen, eta bukaera gero eta gertuago daukadala. Hala ere, gozatzen ari naiz gertatzen ari zaidan guztiarekin, eta izango dut denbora garaipenen zerrenda begiratzeko azkeneko partida jokatu eta etxera iristen naizenean.

Bukaeraren asmoa edo ideia bueltaka hasita dagoenean, gehiago ari zara gozatzen egunerokoaz? Entrenamenduak, partidak...

Balio gehiago ematen ari naiz. Gehiago bizitzen ari naiz orain hori guztia. Final garrantzitsu batera heltzen naizen bakoitzean, azkena izan daitekeela pentsatzen dut, oso zaila delako finaletara heltzea.

Zer egiten gozatzen duzu gehien erremontean?

Lehiakorra sentitzearekin, jokoa menderatzearekin, eta, batez ere, oraindik dena irabazteko gauza naizela jabetzearekin.

Handienetako bat zara. Horrek zer pentsarazten dizu?

Ez diot buelta handirik ematen horri. Zenbakiak oso politak dira, baina uste dut jokatzeari uzten diodanean emango diedala balio handiagoa, ez dudalako beste ezer izango. Asko eskatzen diot neure buruari, eta, adibidez, datorren asteko partida batean ez badut ondo jokatzen, hobetzen saiatuko naiz, aztertu eta gero zergatik ez naizen ondo aritu. Ez diot begiratzen irabazitako guztiari edota erremontearen historian besteek lorturikoari. Oso lehiakorra naiz neure buruarekin.

Exijentzia hori ezinbestekoa da onena izateko?

Baiezkoan nago. Beharrezkoa da hobetzeko gogoa izatea, onena emateko grina ateratzea, eta egunero lan ona egitea. Baina beste alde batetik, geure buruari pisu handia jartzea ere bada, exijentzia handia jartzea den neurri berean. Zaila da partida biribila jokatu dudala pentsatzea; beti ari naiz zertan hobetu behar dudan pentsatzen. Batzuetan, gustatuko litzaidake neure buruarekiko exijentzia maila txikiagoa izatea, gehiago gozatzeko.

Gertatu izan zaizu finalen bat irabazi, eta hala ere, zure lanarekin gustura ez zaudelako, txapeldun izatearekin ez gozatzea?

Gertatu izan zait batzuetan. Baina halakoetan, erlatibizatu egin behar da. Izan ere, finala jokatu eta urtebetera, ez naiz oroituko ondo edo gaizki jokatu nuen partida horretan. Kontrakoa ere gertatzen zait: galdu, eta hala ere, etxera gustura joan, lan ona egiteagatik.

Exijentziarena erlatibizatzea zailagoa egiten zitzaizun hasi zinenean?

Antzekoa nintzen, baina jokoaren ezagutza txikiagoarekin. Orain bezain metodikoa ere ez nintzen. Fisikoan eta gogoan oinarritzen nintzen gehienbat. Gogoan dut asko eskatzen niola neure buruari. Palan afizionatuetan jokatzetik nentorren, eta ia partida guztiak irabazten nituen modalitate horretan. Erremontean profesionaletara heldu, eta zaplaztekoak alde guztietatik jasotzen hasi nintzen. Oso lan ona eginda ere, zaila zen partiden erdiak irabaztea, intendenteak estutu egiten ninduelako, apustuen eraginez partidak berdintzera jotzen zuelako. Partidak galduz ikastea tokatu zitzaidan , eta ez nuen batere ondo pasatzen, nire lehiakortasunagatik.

Palan ere ona izan zu.

Umetan hasi nintzen, eta pixkanaka gora egin nuen. Munduko txapeldun ere izan nintzen, eta 2006an, pala motzeko Mexikoko Munduko Txapelketaren ondoren, erremontean urtebeteko proba egitea proposatu zidaten. Pala profesionala egoera txarrean zegoen. Uste zuten gai nintzela. Berandu hasi nintzen adinez, eta urtebeteko proba izan behar zuena begira noraino heldu den: hamahiru urte daramatzat.

Nork proposatu zizun?

Miguel Angel Errea zen orduan Euskal Jai Berriko intendentea, eta nire berri eman zien Juan Antonio Ercilla enpresako kudeatzaileari eta Kike Elizalde intendenteari. Pilotari berrien bila ari ziren. Seve Arcelus botilero, fisioterapeuta eta lagunak lagundu zidan baiezkoa ematen. Kikek proba batzuk egin zizkidan, eta ikusi zuen maila ona eman nezakeela. Pazientzia eta konfiantza handia izan zituen nirekin. Epeak azkartuz, partida onak jarriz, eta ordu asko sartuz, maila emateko moduan jarri nintzen. Hortik aurrera, neuk atera ditut babak heltzetik.

Palan jokatzen zenuenean, erremontea ikusten zenuen?

Ez. Garai hartan, La 2 telebista kateak astearte arratsaldero ematen zituen partidak, eta eskolatik etxera joan eta ikusi egiten nituen. Baina gehiago ez. Egunkarietan, gainetik irakurtzen nituen albisteak. Zuzenean ez nuen partida bat bera ere ikusi. Baina erremontea probatzea nahikoa izan nuen erabat kateatzeko. Pilota otarretik ateratzen den abiadurak harrapatu egin ninduen, eta gustura asko pasatzen nituen orduak entrenatzen eta ikasten.

Nola zegoen erremontea zu hasi zinenean?

Astean lau partida jokatzen genituen: astearte, ostegun, larunbat eta igande. Profesional bezala egin nuen aurreneko hilabetean, hamalau partida jokatu nituen. Galarretan eta Euskal Jai Berrin aritzen ginen, eta pilotari gehiago geunden oraingo aldean: 45 bat edo. Lau maila zeuden, eta ondo bereizten ziren. Maila batetik bestera igotzeko bidea ondo zehaztuta zegoen, partida asko irabazi behar ziren. Lehia handia zegoen. Ikusle asko izaten zen, ni hasi nintzenean gutxitzen hasita bazegoen ere. Oraingo aldean, harrigarria da zenbat apustu izaten zen. Beste mundu bat zen, eta pena ematen dit berandu iritsi izana erremontera, gainbehera ezagutu nuelako. Orain, hala ere, ematen du gorantz goazela, eta interesa hazten ari da, ikusleena, telebistarena, prentsa idatziarena eta abar.

Beste filosofia bat da oraingoa?

Bai, kirol profesionala ari da aldatzen. Telebistan azaltzen denak bakarrik lor dezake ikusgarritasuna. Lehen, gazteak herrietako pilotalekuetara joaten ziren orduak sartzera, eta orain, berriz, hutsik daude. Futbola bakarrik dagoela ematen du. Lehen, diruz, beste lasaitasun bat zeukan jendeak: adibidez, etxe bat erostea merkeagoa zen, eta jendea pilotalekuetara joaten zen, ikustera, apustuak egitera. Gizartea aldatu egin da.

Ezkurra, Zeberio... horiek denak ezagutu zenituen.

Koteto zen onena orduan. Gero, Zeberio zetorren. Atzelarien artean, Lizaso zen onena, eta bazetorren Urrutia. Fenomeno asko zeuden orduan: Eizagirre, Altunatarrak, Juaristi... Horien guztien kontra jokatzea eta borrokan egitea tokatu zitzaidan; baita beste askorekin ere. Lehen urtean asko ikasi nuen. Gogo handiarekin nentorren, teknikoki mugatua banintzen ere.

Nola hartu zintuzten pilotari handi horiek?

Beti izan dut harreman oso ona kide guztiekin, eta haietako askorekin harremana daukat oraindik. Horixe da kirolaren alderdirik onena, lagunak egitea, pasio bera dugunok. Orduko hartan, hala ere, ikusten ninduten beste modalitate batetik zetorren bat bezala, eta gainera, enpresak erraztasunak ematen zizkidan partidetan. Horrek tentsioa eragiten zuen, baina normala zen. Haiek urte asko zeramaten lanean, eta heldu berri bati erraztasun gehiago ematea ez da gustagarria izaten. Txinparta batzuk sortu ziren nire hasiera hartan, baina ez zeuden nire kontra; enpresaren aurkako txinpartak ziren.

Orain, zu zaude beteranoaren lekuan. Ez al da polita gazteei laguntzea?

Pozgarria da. Ilusio handiarekin etortzen dira, ikasteko gogoarekin, eta beteranoek esandako guztia jasotzen dute. Nire partetik, umiltasunez, saiatzen naiz ekarpena egiten, eta txapelketetan ikusten ditudanean hazten ari direla, eta txapela irabaziz gainera, oso polita da. Haientzat Binakakoa da txapelketarik garrantzitsuena, eta niretzat haiekin hori dena bizi ahal izatea gozamena da. Ia-ia gehiago pozten naiz haiengatik.

Erremontea eta lana uztartzen dituzu, ingeniari elektronikoa baitzara. Erraza al da biak batera egitea?

Pribilegiatua naiz, gustuko lanean jarduteagatik eta erremontetik ere diru sarrera interesgarria jasotzen dudalako. Gustatuko litzaidake kiroletik bakarrik bizitzea, futbolariak bezala, egun osoa prestatzeko edukitzeko. Baina bi esparru osagarriak dira, eta bietan ari naiz emaitza onak jasotzen. Nola bateratzen ditudan? Sakrifizio handia eginez, eta bi jardunak pasio handiz eginez. Konstantzia ere behar da. Badakit egunen batean buruak edota gorputzak nahikoa dela esango didatela, baina oraingoz, ase egiten nau bietan aritzeak. Nahiz eta badiren egunak eta hilabete bat edo beste estu samarrak.

Nolakoa da hilabete txar bat?

Lanean erantzukizun handia izatea, asko bidaiatzea, nekatuta egotea, eta etxera iristean entrenatzeko gogorik ez edukitzea. Halaber, entrenatzen ari naizela gauzak ondo ez ateratzea nekatuta nagoelako. Gainera, beste pilotariek ez dute barkatzen. Halakoetan, borrokan jarraitu behar izaten da, pentsatuz iritsiko direla garai hobeak.

Gertatu izan zaizu lan bidaia bat izan, eta handik bueltan jokoa galduta izatea?

Bai. Eta pentsatu ere bai ez dudala berriz lehengo joko ona berreskuratuko. Lesionatzea bezalakoa da, azkenean. Baina, tira, huskeriak dira.

Nola lortzen duzu entrenatzea atzerrian zabiltzanean?

Lan fisikoa egiten dut. Teknikoa ezin dut, Alemanian adibidez, ezin dudalako pilotalekuko lana egin, ez daudelako. Itzultzean, pilotalekuan orduak sartzen ditut, kantxan lekua ahalik eta ondoen hartzeko partida egunean. Baina ez da erraza. Orain, pandemiaren eraginez, gutxiago ari naiz bidaiatzen, eta ondo ari zait etortzen pilotalekuan orduak sartzeko.

Txapela irabazten duzun bakoitzean, burua lasaitu egiten zaizu?

Nahi ez dudala ere, pixka bat bai. Lehenengo entrenamenduetan eta partidetan, irabazten didatenean, berriz ateratzen zait lehiarako grina, eta kontu txiki guztiak ondo zaintzen hasten naiz, edota teknika gehiago lantzen. Kirola gorabeheratsua da azkenean, emaitzetan eta arlo psikologikoan.

Kontu txikiak dira, adibidez, prestakuntza fisiko egokia eta elikadura zaintzea. Adinean aurrera joan ahala, garrantzi handiagoa hartzen dute?

Bai, dudarik gabe. Orain, denbora gehiago pasa behar dut arlo fisikoa lantzen ondo prestatuta egoteko. Gaztetan, aldiz, azkar ematen nion buelta gorputzari, indarra nuelako. Orain, indar lan hori gehiago egin behar izaten dut. Atsedena ere zaindu egin behar da, behar bezalako atsedenik gabe zaila delako ondo lehiatzea. Gaztetan, berriz, ez da hain beharrezkoa. Dena da garrantzitsua.

Esana duzu txapelketa guztietan lehiatuko zarela, utzi artean. Ez duzula aukeratuko bat bai, eta bestea ez.

Hasieran, bai. Lehiakor sentitzen naizen bitartean, dena irabazteko borrokan segitu nahi dut. Hurrengo txapelketa ahalik eta ondoen prestatuko dut, eta joango gara ikusten nola nabilen.]]>
<![CDATA[Altxor txikien bila]]> https://www.berria.eus/paperekoa/1920/029/001/2021-01-10/altxor_txikien_bila.htm Sun, 10 Jan 2021 00:00:00 +0100 Aitor Manterola https://www.berria.eus/paperekoa/1920/029/001/2021-01-10/altxor_txikien_bila.htm
Partidak bata bestearen atzetik jokatzen ari dira taldeak, eta aste barruan Espainiako Kopan aurrera egin ondoren zelairatuko dira Eibar eta Alaves. Armaginen kasuan, Jose Luis Mendilibarrek badauka jokalari garrantzitsu baten zuloa gaurko: Bryan Gil ez dago jokatzeko moduan, min txiki bat tarteko. Gainontzean, Jose Angel eta Correa ere faltako ditu, baina bi horiena aspaldiko kontua da. Eibarrentzat ez da gustuko zelaia Levanterena, Lehen Mailan denetik hiru berdinketa baino ez dituelako atera han.

Bestalde, Alavesek berreskuratu egin behar ditu aurreko asteburuan Mendizorrotzatik Atletico Madrilek kendu zizkion puntuak, eta komeni ahalik eta lasterren lortzea emaitza ona. Aukera ona izan dezake gaur Cadizen, behera egiten ari baita etxeko taldea: azkeneko hiru partidak erreskadan galdu ditu. Keller Kamerungo erdiko atzelari gaztea deialdian da.

Athleticena, bertan behera

Elurtea eragiten ari den zailtasun andana tarteko, Athleticek atzo Atletico Madrilen zelaian jokatu behar zuen partida bertan behera geratu zen. Zuri-gorriak heldu ziren Madrilera, baina ezin izan zuten lur hartu Barajasen, itxita zegoelako, eta Bilbora itzuli ziren.]]>
<![CDATA[Ia zailtasunik gabe]]> https://www.berria.eus/paperekoa/1958/031/001/2021-01-10/ia_zailtasunik_gabe.htm Sun, 10 Jan 2021 00:00:00 +0100 Aitor Manterola https://www.berria.eus/paperekoa/1958/031/001/2021-01-10/ia_zailtasunik_gabe.htm
Bergarako pilotalekuan hotza zen giroa, eta ez ikuslerik ez zelako. Tenperatura baxuan ekin zioten partidari, eta halakoetan, ez da erraza izaten hasieratik sartuta jardutea. Hobeto moldatu ziren Altuna eta Mariezkurrena: 1-4 aurreratu ziren, Amezketako aurrelariak trebeziaz bukatu zituelako tantoak —denera, 11 egin zituen—. Beste alde batetik, datu hau oso deigarria da gorriz aritu zirenen jardun aldrebesa azaltzeko: lehen hiru tantoetatik bi Galarzari ihes egindako bi pilotakadei esker lortu zituzten.

Altunak berehala usaindu zuen harrapakina non zegoen. Azkar ikusi ere Galartza zalantzekin zebilela, eta atzean jokatzea erabaki zuten urdinek. Nahi bestetan jarri zion Ezkurdiaren atzelariak pilota ahoko zuloan zeini eta Altunari. Ezin kenduz ibili zen, eta jakina, Lau eta erdiko txapeldunak ez zuen barkatu. Aurretik hasi eta horrela segitzen zuten partidaren erdian ere: 5-11.

Ezkurdia jabetu zen berak egin behar zuela dena: tantoak bukatu, atzelariari lagundu atzerago jarriz, defentsako lana... Bat biren aurka aritzea bezalakoa izan zen. Partidaren ondoren, autokritika gordina egin zuen: «Ni neu ez nago puntu-puntuan, eta gainera, ez gara ari bikotea osatzen. Lehiakorragoak izan behar dugu, eta aurkariei askoz ere aukera gutxiago eman». Partidaren bigarren erdiak lehenengoaren bide beretik segitu zuen. Gainera, Mariezkurrena gero eta hobeto aritu zen, eta azkeneko aldea, 11 tantorena, oso zehatza da partidan gertatu zena azaltzeko.

Gaur, txapelketakoa, Bilbon

Bigarren jardunaldiko hirugarren partida Bilbon izango da gaur. Aurrez aurre ariko dira Urrutikoetxea-Imaz eta Artola-Aranguren. Jaialdia 17:00etan hasiko da, eta bigarren partida izango da. Jardunaldia ixteko partida bihar izango dute Jaka-Martija eta Elezkano-Zabaleta bikoteek, Zallako pilotalekuan (22:30).]]>
<![CDATA[Puntuak bat balio du; jokoak, hiru]]> https://www.berria.eus/albisteak/192049/puntuak_bat_balio_du_jokoak_hiru.htm Sat, 09 Jan 2021 23:23:06 +0100 Aitor Manterola https://www.berria.eus/albisteak/192049/puntuak_bat_balio_du_jokoak_hiru.htm <![CDATA[Lehen zertzeladak]]> https://www.berria.eus/paperekoa/1936/021/001/2021-01-07/lehen_zertzeladak.htm Thu, 07 Jan 2021 00:00:00 +0100 Aitor Manterola https://www.berria.eus/paperekoa/1936/021/001/2021-01-07/lehen_zertzeladak.htm
Entrenatzaile berriaren aurreneko partida ez da zehatza izaten bere biziko analisi sakonak egiteko. Aldaketek gauza berriak ikusteko gogoa pizten dute, berrikuntzarekin ados egon edo ez, eta lehen ikusi gabeko gauzak egiten baditu taldeak harridura eta euforia ere eragiten dute. Berritasun handirik ikusten ez bada, aldiz, entrenatzaile berriak denborarik izan ez duela pentsatzen da. Marcelino Garcia Toralek atzo zuen estrainekoa Athleticen aulkian, San Mamesen, eta horren kasuan ere, ezin analisi sakonik egin.

Emaitzaz harago begira jarri behar dira begiak betiere, eta entrenatzaile berriaren lehen egunean, are gehiago. Atzo Bartzelonaren aurka 1-3 galdu izanak ez du zertan aldatu zelaian taldeak erakutsitakoaren argazkia. Aurreneko begi kolpea hamaikakoak jaso zuen. Berrikuntzak, hasteko, sisteman: 4 atzelari, lau erdilari eta bi aurrelari; horietako bat Iñaki Williams. Euskarriak Unai Vencedor eta Mikel Vesga, eta eskuin hegalean, Oscar de Marcos. Marrazkiak marrazki, Marcelinok bezperan esandakoari tiraka, estiloa denez «garrantzitsuena», hautu nabarmena: kontraerasoan jokatzea. Zital eta azkar. Hirugarren minutuko jokaldia, eredugarria. Lapurtu baloia bere zelaian, eta bi pasetan Williamsentzat baloia, abiaduran Ter Stegenen arearaino sartzeko. Atzelaria atzean utzi, eta 1-0. Hasiera ezin hobea Marcelinoren aroan. Estiloa eta emaitza. Bide batez esanda, antzera hasi zen Gaizka Garitano ere.

Estiloaren beste katebegi bat, defentsan oraingoa: goian ezin bazen presionatu, lerroak atzeratu. Lau jokalariko bi lerro egin, eta zonakako defentsa. Erdiko gunea itxiz Bartzelonari atzo. Arazo bat: aurkariak aukera izatea pasea lasai emateko lauko bi lerroak gaindituta. Horrela egin zizkion lehen bi aukerak, Unai Simonek urrundu zituenak. Hirugarrenean, Messik baloia gurutzatu zuen atzelarien bizkarrera, Simonek zalantza egin zuen atera, ez atera; De Jongek atzera egin zuen, eta Pedrik buruz gola egin zuen. Hamalaugarren minutua zen.

Bizi zihoan partida, ikusgarri. Ordutik aurrera, baina, itzali egin zen. Edo Bartzelonak defentsan lan egiteko argia piztu zuen. Besteak beste, Athletici goian estutzen hasi zitzaion, eta akabo etxekoen erraztasunak baloia atzetik jokatuta ateratzeko. Horrekin lotuta, estiloaren bueltan, beste ondorio bat: baloia zelaira jaistean, erraz jokatzen saiatu zen etxeko taldea, mugimendu orekatuekin eta lekua gehiegi galdu gabe.

Lehen zatiko azkeneko hamabost minutuetan, Yurik zelaia utzi zuen giharretako arazo bat tarteko. Bartzelona nagusi zen, eta Messik bigarren gola egin zuen 38. minutuan. Beste pase bat atzeko lerro estatikoaren bizkarrera.

Sortzea, orain ere arazo

Bigarren zatiaren hasiera biziagoa izan zen, eta Williamsek berdinketa sartzeko aukera izan zuen, azkar landutako eraso batean. Berehala erantzun zuen Bartzelonak, emaitza ixteko: Messik 62. minutuan egin zuen hirugarren gola kataluniarrentzat. Hortik aurrera, lerroak atzeratu zituen, eta Athleticen gabezietako bat azaldu zen, entrenatzailea aldatuta ere: jokoa sortzea. Bartzelonak gol gehiago sartzeko aukerak egin arren, Muniain izan zen asmatu zuena, 90. minutuan. Berandu.]]>
<![CDATA[Estreinakoan, Marcelino galtzaile]]> https://www.berria.eus/albisteak/191906/estreinakoan_marcelino_galtzaile.htm Wed, 06 Jan 2021 23:16:47 +0100 Aitor Manterola https://www.berria.eus/albisteak/191906/estreinakoan_marcelino_galtzaile.htm <![CDATA[Marcelino: «Athleticen betiko balioekin bat dator nire estiloa]]> https://www.berria.eus/paperekoa/1891/020/001/2021-01-06/marcelino_athleticen_betiko_balioekin_bat_dator_nire_estiloa.htm Wed, 06 Jan 2021 00:00:00 +0100 Aitor Manterola https://www.berria.eus/paperekoa/1891/020/001/2021-01-06/marcelino_athleticen_betiko_balioekin_bat_dator_nire_estiloa.htm
Entrenatzaile berriak eskaintza zergatik onartu zuen azaldu zuen: «Ez dugu beste aukerarik izango talde handi eta historiko hau entrenatzeko. Oso egitasmo polita da, esperientzia ederra».

Taldearen inguruan, hitz onak baino ez zituen izan, errespetuzkoak: «Itxura ona hartzen diot». Orain, haiekin egin beharko du lan, eta zer estilo eta bidetatik joko duen galdetuta, hauxe erantzuna: «Athleticek badu betiko estilo bat. Intentsitatea, azkar jokatzea, dinamismoa, irabazteko grina... Nire balioak ere horiexek dira». Estiloa hizpide hartuta, haren defentsa egin zuen: «Sistema baino estiloa da funtsezkoa». Gehiago ere sakondu zuen: «Lau atzelarirekin eta bi euskarrirekin jokatzea asko gustatzen zait. Beste lau jokalariekin oreka eta sakontasuna lortu nahi izaten dut aldi berean». Baina jokalarien ezaugarriak funtsezkoak direla gehitu zuen: «Haiek zehazten dute azkenean sistema 4-4-2 den(bere gustukoena), edo 4-2-3-1 edo 4-4-1-1. Azkenean, jokalariak eroso badaude, ondo jokatuko dute». Hori bai, garbi utzi zuen bere ñabardurak sartuko dituela jokatzeko moduan, eta entrenatzeko denbora gehiago ez edukitzea kalterako dela hori lortzeko: «Baina badakigu zein den egoera, eta eskaintza onartzerako bagenekien partida asko ditugula oso denbora gutxian. Horren berri bagenuen».

Harrobia erabiliko du

Buruan duen hori eta beste taldeetan ezarri duena Athleticen erabili ahalko ote duen... Balizko fitxaketekin lotu zuen: «Gaurkoa da garrantzitsua. Biharkoak ez du balio. Taldea ezagutu nahi dut». Horrekin lotu zuen klubaren filosofian euskarri den harrobiko lana, eta garbi esan zuen gazteen aldeko hautua egingo duela, baina neurrian: «Oso emankorra da hemengo harrobia, eta baliatu nahi dugu. Baina ez gazte guztiak batera eta kolpetik sartuz, pauso sendoak emanez baizik»]]>