<![CDATA[Edurne Begiristain | Berria.eus]]> https://www.berria.eus Bere azken artikuluak eu Fri, 22 Oct 2021 12:28:53 +0200 hourly 1 <![CDATA[Edurne Begiristain | Berria.eus]]> https://www.berria.eus/irudiak/berriaB.png https://www.berria.eus <![CDATA[Eusko Legebiltzarrak ez du lortu ETAren aurka agiri instituzional bat adostea]]> https://www.berria.eus/paperekoa/1834/005/001/2021-10-22/eusko_legebiltzarrak_ez_du_lortu_etaren_aurka_agiri_instituzional_bat_adostea.htm Fri, 22 Oct 2021 00:00:00 +0200 Edurne Begiristain https://www.berria.eus/paperekoa/1834/005/001/2021-10-22/eusko_legebiltzarrak_ez_du_lortu_etaren_aurka_agiri_instituzional_bat_adostea.htm Gauerdiko iparrorratza oroitarriaren ondoan. Bitartean, barruan, osoko bilkura hasi baino lehenago, bilera egin zuen Bozeramaileen Batzordeak, eta han, besteak beste, ETAren indarkeria gaitzesteko PP+Ciudadanos koalizioak aurkeztutako adierazpen instituzionalerako proposamen bat mahai gainean izan zuten. PP-C´s koalizioaren testuaren ordez beste agiri alternatibo bat aurkeztu zuten EAJk eta PSE-EEk, eta horren alde agertu ziren Elkarrekin Podemos-IU, PP+C's eta Vox. EH Bilduk, ordea, ez zuen sinatu, eta, erabateko adostasunik ez zenez egon, ezin izan zuten onartu ETAren aurkako adierazpen instituzionalik.

Eusko Legebiltzarreko araudian zehaztua dator adierazpen instituzional bat onartzeko ezinbestekoa dela talde politiko guzti-guztien adostasuna. Hau da, aho batez adostu behar dira agiriak Eusko Legebiltzarrak adierazpen instituzional modura onartu ahal izateko, bai eta Bakartxo Tejeria legebiltzarreko presidenteak bilkuran irakurri ahal izateko ere. Atzo ez zen halakorik gertatu: EH Bilduk ez zuen testua espresuki babestu nahi izan, eta, beste behin ere, indarkeriaren inguruko jarrera bateraturik ez zen izan legebiltzarrean.

EH Bildu ez gainerako taldeen babesa jaso zuen testuaren bidez, Eusko Legebiltzarrak «irmoki arbuiatzen» du ETAren indarkeria, babesa agertzen die biktimei, argi eta garbi dio min horrek ez zuela gertatu behar, eta azpimarratu du garai berriak eskatzen duela «erantzukizunak bere gain hartzea eta eragindako kaltea aitortzea».

Eragindako kaltea aitortu

Hiru puntu ditu Eusko Legebiltzarrak onartutako dokumentuak. Aurrenekoak dio legebiltzarrak «irmo gaitzesten» duela ETAk lau hamarkada luzetan sortutako «zentzugabekeria eta bidegabekeria», eta salatu egiten du helburu politikoak lortzeko «indarkeriaren zilegitasunik eza». ETAren biolentziaren biktima orori ere elkartasuna adierazi die: «Gure babesa eta laguntza basakeria hori jasan zuten biktima guztiei. Min horrek ez zuen inoiz gertatu behar». Halaber, idatziak dio ETAk «kalte konponezina» egin duela eta, etorkizunera begiratu nahi bada, ezin direla bazterrean utzi biktimen «oroimena eta ohorea».

«Hamar urte hauek indarkeria terroristarik gabe igaro ondoren, gizarte askeago, bidezkoago eta giza eskubideekiko errespetuzkoago batean bizi gara». Horrela dio Eusko Legebiltzarraren gehiengoak onartutako adierazpenaren bigarren puntuak. Aurrera begira, baina, oraindik «lana» egiteko badela azpimarratu dute testua babestu duten bost talde parlamentarioek. Diotenez, garai berri honek eskatzen du «erantzukizunak bere gain hartzea eta eragindako kaltea aitortzea», eta etorkizuna eraiki nahi bada «iraganeko orrialde guztiak ongi irakurri» beharko direla.

Era berean, bizikidetza «egia, oroimena eta justizia» oinarri hartuta eraikitzeko konpromisoa agertu du legebiltzarrak. Honela dio hitzez hitz puntu horrek: «Hausnarketa plurala sustatzeko lan egingo dugu, argi eta garbi adierazita gera dadin ez dagoela argudiorik —ez gatazkaren testuinguru edo teoriarik, ez aurkako bandoei buruzko tesirik, ez bestelako salaketarik, ez estatu-arrazoirik, ez etorkizunaren nagusitasunik— ETAren indarkeria minimizatu, justifikatu edo legitimatzeko, ez eta giza eskubideen beste edozein urraketa ere».

Hirugarren puntuak, berriz, etorkizunari so egiten dio, hura «guztion artean» eraikitzeko konpromisoa agertuta. Etorkizuna eraikitzeko engaiamendu hori pertsona ororen giza eskubideak, sinesmenak eta ideak errespetatuz hartu behar dela dio testuak, «inor atzean utzi gabe».

Horrez gain, ezberdinen arteko elkarrizketa eta «enpatia» sustatzeko eta elkarlana bultzatzeko prest agertu dira talde sinatzaileak: «Indarkeriaren zikloa amaituta, ahalegin guztiak egingo ditugu bizikidetza oinarri baten gainean berreraikitzeko: pertsona guztien giza duintasuna eta giza eskubideen errespetua».

«Lubakiak» sortu

Bozeramaileen Batzordea amaitu ondoren, EH Bilduk adierazi zuen ez zuela asmorik testuari buruzko «aldeko edo kontrako» jarrerarik agertzeko. Edonola ere, adierazpen instituzionala sustatu zuen PP+C's koalizioari leporatu zion haren helburua ez dela izan «adierazpena, akordioa eta zubiak eraikitzea; konfrontazioa, lubakiak eta gaiaren erabilera alderdikoia egitea baizik». Gogorarazi zuen, halaber, Voxekin batera ez duela ezer sinatuko.

Carlos Iturgaiz Eusko Legebiltzarreko PP+Cs taldeko presidentearen ustez, ordea, adierazpena babestu ez izanak agerian uzten du «faltsua» zela EH Bilduk joan den astelehenean ETAren biktimei zuzendutako mezua. Iturgaizen ustez, EH Bilduk «arkume mozorroa kendu du, eta otso mozorroa jarri».]]>
<![CDATA[Basurtuko erietxean hamazazpi kasu atzeman dituzte]]> https://www.berria.eus/paperekoa/1879/008/001/2021-10-22/basurtuko_erietxean_hamazazpi_kasu_atzeman_dituzte.htm Fri, 22 Oct 2021 00:00:00 +0200 Edurne Begiristain https://www.berria.eus/paperekoa/1879/008/001/2021-10-22/basurtuko_erietxean_hamazazpi_kasu_atzeman_dituzte.htm
Osasun Sailak jakinarazi duenez, positibo eman duten paziente guztiak gune bakar batera lekualdatu dituzte, kontaktuan izan diren pertsonekin harremanetan jarri dira, eta kontaktua izan duten profesional eta pazienteen artean asteroko baheketa egingo da. Halaber, bisitak mugatu egin dituzte Revilla eraikinean.

Atzo goizean, Bingen Zupiria Eusko Jaurlaritzako bozeramaileak adierazi zuen espero zela horrelako agerraldiak egotea, eta azpimarratu zuen «oso garrantzitsua» dela babes neurriak zorrotz betetzea aurrerantzean ere. «12 urtetik beherako gazte guztiak txertoa hartu gabe daude, eta beste muturrean adinekoak daude, arrisku taldekoak. Tartean beste guztiok gaude, eritasuna batetik bestera eraman dezakegunak».

Arta presentziala Nafarroan

Nafarroako Gobernuko Osasun kontseilari Santos Indurainek jakinarazi du Osasunbidea pixkanaka berreskuratzen ari dela aurrez aurreko arta; egun ja %50en dagoela zehaztu zuen atzo, eta urtearen amaierarako %70en egotea dela helburua.]]>
<![CDATA[Eusko Legebiltzarrak ez du lortu ETA «gaitzesteko» adierazpen instituzionala adostea]]> https://www.berria.eus/albisteak/204854/eusko_legebiltzarrak_ez_du_lortu_eta_laquogaitzestekoraquo_adierazpen_instituzionala_adostea.htm Thu, 21 Oct 2021 16:38:27 +0200 Edurne Begiristain https://www.berria.eus/albisteak/204854/eusko_legebiltzarrak_ez_du_lortu_eta_laquogaitzestekoraquo_adierazpen_instituzionala_adostea.htm Hori hala, EH Bilduk ez beste taldeek sinatutako testuak «gogor gaitzetsi» du «ETAren jarduera terroristak lau hamarkadatan baino gehiagotan izandako zentzugabekeria eta bidegabekeria». Halaber, taldeek salatu dute indarkeriak ez duela «zilegitasunik» helburu politikoak lortzeko. ETAren indarkeriaren «basakeria» jasan zuten biktimei laguntza eskaini diete, halaber. «Argi eta garbi esaten dugu min hori ez zela inoiz gertatu behar. ETAk kalte konponezina utzi zuen euskal gizarte osoan». Horrekin batera, taldeek azpimarratu dute garai berriak «erantzukizunak onartzea eta eragindako mina aitortzea» eskatzen duela bizikidetza «egiatik, memoriatik eta justiziatik» eraiki nahi bada. «Gogoeta plurala sustatzeko lan egin behar da, argi eta garbi gera dadin ezin dela argudiorik, gatazkaren teoriarik, aurrez aurreko bandorik edo alde desberdineko urraketen salaketarik argudiatu ETAren indarkeria gutxietsi, justifikatu edo legitimatzeko». Halaber, testuan taldeek konpromisoa hartu dute indarkeriaren zikloa amaituta «ahalegin guztiak» egingo dituztela bizikidetza eta pertsona guztien «giza duintasunaren eta giza eskubideen» errespetua eraikitzeko. EH Bilduk adierazi du ez dutela testuari buruzko aldeko edo kontrako jarrerarik azalduko, eta oso kritiko agertu dira adierazpen instituzionala sustatu duen PP-C's koalizioarekin; leporatu diote haren helburua ez dela izan «adierazpena, akordioa eta zubiak eraikitzea; konfrontazioa, lubakiak eta gaiaren erabilera alderdikoia egitea baizik». Gogorarazi dute, halaber, Voxekin batera ez dutela ezer sinatuko. PPren kritika Eusko Legebiltzarrean gertatutakoa EH Bilduren aurka egiteko baliatu du Carlos Iturgaitz Eusko Legebiltzarreko PP+Cs taldeko presidenteak. Haren ustez, ETA gaitzesteko adierazpena babestu ez izanak agerian uzten du koalizio abertzaleak ETAren biktimei zuzendutako mezua «faltsua» zela. Iturgaitzen ustez, EH Bilduk «arkume mozorroa kendu du, otso mozorroa jartzeko».]]> <![CDATA[Basurtuko erietxeko agerraldian kutsatu direnak hamazazpi dira jadanik]]> https://www.berria.eus/albisteak/204861/basurtuko_erietxeko_agerraldian_kutsatu_direnak_hamazazpi_dira_jadanik.htm Thu, 21 Oct 2021 14:16:57 +0200 Edurne Begiristain https://www.berria.eus/albisteak/204861/basurtuko_erietxeko_agerraldian_kutsatu_direnak_hamazazpi_dira_jadanik.htm <![CDATA[Intzidentziaren igoera «espero zena» da Nafarroan]]> https://www.berria.eus/paperekoa/1996/009/002/2021-10-21/intzidentziaren_igoera_espero_zena_da_nafarroan.htm Thu, 21 Oct 2021 00:00:00 +0200 Edurne Begiristain https://www.berria.eus/paperekoa/1996/009/002/2021-10-21/intzidentziaren_igoera_espero_zena_da_nafarroan.htm
Kasuen gorakadak, oraingoz, ez du islarik izan ospitaleratze kopuruetan —hamazazpi lagun daude erietxeetan gaitzarekin, eta beste sei larri ZIUetan—; beraz, Indurainek egoeraren neurria birusaren zirkulazioarekin eta intentsitatearekin lotu zuen. Azaldu zuen neurri murriztailerik gabe pandemia aurreko egoeran baino «interakzio sozial handiagoa» dagoela orain, herritar askok denbora luzez «galdu dutena berreskuratzeko beharra» daukatelako.

Indurainek nabarmendu zuen Nafarroa dela mila biztanleko diagnostiko proba gehien egiten duen Espainiako erkidegoa, eta aurrerantzean ere kutsatu berrien «detekzio, monitorizazio eta bakartze» prozedurarekin jarraitzeko asmoa duela Nafarroako Gobernuak, ez dutela aldatzeko asmorik.

Birusa ikastetxeetan izaten ari den intzidentziari buruzko datuei dagokienez, Maria Angeles Nuin Nafarroako Lan eta Osasun Publikoko Institutuko zuzendariak jakinarazi zuen urri hasieratik 34 positibo atzeman dituztela Nafarroako ikasleen artean, eta, horiekin loturik, ikasleen %29 bakartu behar izan dituztela. Ikasturte berrirako protokoloari buruzko azalpenak emateko agerraldia egin zuen atzo Nuinek Nafarroako Parlamentuan, eta hor eman zituen datuok. Azaldu zuenez, joan den ikasturtean egiaztatu ahal izan zuten hezkuntza ez dela «arrisku handiko gune» bat transmisioari dagokionez. Joan den ikasturtean, batez beste, 92 positibo atzeman zituzten mila ikasleko, eta ikasgelen %24 eta ikasleen %26 bakartu zituzten Haur eta Lehen Hezkuntzan.

«Kezkatzeko egoera»

Gotzone Sagardui Eusko Jaurlaritzako Osasun sailburuak berretsi zuen atzo Arabako, Bizkaiko eta Gipuzkoako bilakaera ez doala bide onetik. Besteak beste, birsorkuntza tasa 1,25ekoa da orain. Haren hitzetan, «kezkatzekoa da egoera», eta «zuhurtziaz» jokatu behar da.]]>
<![CDATA[Sanchezek ziurtatu du ez dituela presoak askatuko EH Bilduk aurrekontuak babestearen truke]]> https://www.berria.eus/albisteak/204788/sanchezek_ziurtatu_du_ez_dituela_presoak_askatuko_eh_bilduk_aurrekontuak_babestearen_truke.htm Wed, 20 Oct 2021 11:19:45 +0200 Edurne Begiristain https://www.berria.eus/albisteak/204788/sanchezek_ziurtatu_du_ez_dituela_presoak_askatuko_eh_bilduk_aurrekontuak_babestearen_truke.htm
Kongresuaren kontrol saioan, PPko buruzagiak EH Bildu «zuritzea» leporatu dio Espainiako Gobernuari. Sanchezek, berriz, erantzun dio ez dituztela presoak askatuko EH Bilduk aurrekontuak onartzearen truke: «Ezezko borobila» eman dio Sanchezek aukera horri. Halaber, deitoratu egin du PPk ETAren amaieraren hamargarren urteurrenaren egunean akusazio horiek egitea eta «demokraziaren garaipena ez ospatzea». Sanchezek esan du PSOEk ez duela inoiz «terrorismoa» erabili helburu politikoekin, ez ETA zegoenean, ez orain. «Indarkeriaren amaieraren hamargarren urteurrena ospatzen dugu, eta hori demokraziaren arrakasta da», azpimarratu du.

Casadok, berriz, gogor jo du Sanchezen aurka. ETAren biktimak «atzean» utzi dituela aurpegiratu dio, gogoratuta «odol delituak dituzten ehun bat preso» Euskal Herriko espetxeetara hurbildu dituela. «Otegi ez da bake gizona, terrorista bat baizik». Casadoren ustez, EH Bilduk ETAren indarkeria gaitzetsi, presoen omenaldiak amaitu eta justiziari lagundu beharko lioke «ETAren 300 hilketa argitzeko». EH Bildurekin akordiorik ez egiteko ohartarazi dio, halaber, Sanchezi: «Gaur bertan hautsi behar duzu Bildurekin. Ez diegu ezer zor. Biktimei, ordea, dena zor diegu: memoria, duintasuna, egia eta justizia».]]>
<![CDATA[Loiolako santutegian 22 pertsona kutsatu dira, eta lau pertsona hil dira, jesuitak laurak]]> https://www.berria.eus/albisteak/204801/loiolako_santutegian_22_pertsona_kutsatu_dira_eta_lau_pertsona_hil_dira_jesuitak_laurak.htm Wed, 20 Oct 2021 09:09:11 +0200 Edurne Begiristain https://www.berria.eus/albisteak/204801/loiolako_santutegian_22_pertsona_kutsatu_dira_eta_lau_pertsona_hil_dira_jesuitak_laurak.htm
Albiste agentziek zabaldu dutenez, koronabirusaren agerraldia irailaren 28an gertatu zen, santutegiko erizaindegian. Positibo eman zuten 22 pertsonetatik hamabi jesuitak dira, eta beste hamar, bertako langileak; guztiek hartua zuten COVID-19aren aurkako txertoa, santutegiko iturriek azaldu dutenez. Langileek etxean pasatu zuten gaixotasuna, eta zentro erlijiosoko zazpi pertsona ospitaleratu behar izan zituzten.

Orain ez dago positiborik, eta aurreikusi dute Loiolako Santutegiko elizkizunak normaltasunera itzultzea larunbatean. Kutsatuak Basurtoko ospitalean Birusaren beste agerraldi baten berri eman dute gaur: hainbat kutsatu atzeman dituzte Basurtoko ospitalean. Eusko Jaurlaritzako Osasun Sailak jakinarazi duenez, Revilla eraikinean detektatu dituzte kasuok. Ez dute zehaztu zenbat pertsonak eman duten positibo, baina argitu dute PCR probak egiten hasi direla, kutsatze katea etete aldera.]]>
<![CDATA[Jaurlaritza «kezkatuta» dago kutsatzeek goranzko joera hartu dutelako]]> https://www.berria.eus/paperekoa/1879/013/001/2021-10-20/jaurlaritza_kezkatuta_dago_kutsatzeek_goranzko_joera_hartu_dutelako.htm Wed, 20 Oct 2021 00:00:00 +0200 Edurne Begiristain https://www.berria.eus/paperekoa/1879/013/001/2021-10-20/jaurlaritza_kezkatuta_dago_kutsatzeek_goranzko_joera_hartu_dutelako.htm
Gobernuko bozeramailearen esanetan, herritarrak «lasaitu» egin dira neurri murriztailerik gabe «ia normaltasunera» itzultzeko era izan dutenetik. Haatik, birusa ez da oraindik desagertu, eta prebentzio neurriei eustea ezinbestekoa da, ohartarazi zuenez. Zupiriaren hitzetan, intzidentziaren eta kutsatzeen gorakadak agerian uzten dute oinarrizko neurri batzuk «nabarmen urratzen» ari direla, besteak beste, jende pilaketetan maskara ez delako behar bezala erabiltzen ari: «Oinarrizko osasun arauak ez dira betetzen ari. Jende pilaketak gertatzen dira, eta horietan ez da maskara erabiltzen».

Soziometroa

Euskal Soziometroaren azken inkestak ere azaleratu du azken hilabeteotan birusarekiko kezka apaldu dela Arabako, Bizkaiko eta Gipuzkoako herritarren artean. Hain justu, inkesta horren arabera, azken bost hilabeteotan erdira jaitsi da hiru lurraldeetako herritarren artean izurriak eragiten duen ezinegona. Maiatzean, hamar herritarretik lauk arazo «oso larritzat» zuten pandemia, eta orain %16k baino ez dute arazotzat jotzen.

Gizartearen lasaitze horren «arriskuaz» ohartarazi zuen Zupiriak, eta kirol ikuskizunetan gertatzen dena adibidetzat jarri zuen. Horietan debekatuta dago elikagaiak kontsumitzea, baina «ohikoa da harmailetan hamarnaka pertsona ogitartekoak jaten egotea». Ez zuen argitu Jaurlaritzak osasun arauak betearazteko asmorik ote duen, baina ohartarazi zuen arauak betearazteko eta betetzeko erantzukizuna ekitaldien antolatzaileek eta ikusleek dutela. Gobernu kontseiluaren atzoko bileran gaia hizpide izan zuten, baina Jaurlaritzak oraingoz ez dauka neurriok aldatzeko asmorik: «Momentu honetan ez dira betetzen indarrean dauden neurriak aldatzeko baldintzak». Halaber, hezkuntza protokoloa ez dutela gehiago malgutuko berretsi zuen bozeramaileak.]]>
<![CDATA[Biktimen memoriaren erradiografia bat, etorkizuna eraikitzeko]]> https://www.berria.eus/paperekoa/1847/005/001/2021-10-19/biktimen_memoriaren_erradiografia_bat_etorkizuna_eraikitzeko.htm Tue, 19 Oct 2021 00:00:00 +0200 Edurne Begiristain https://www.berria.eus/paperekoa/1847/005/001/2021-10-19/biktimen_memoriaren_erradiografia_bat_etorkizuna_eraikitzeko.htm Hamar urte ETArik gabe. Bizikidetza eraikitzen solasaldian. Dani Alvarez kazetariak gidatuta, mahai inguruan izan ziren Maria Jauregi eta Marta Buesa ETAk hildako biktimen senideak, Joseba Ezeolaza Memoria Digna Gogoan taldeko kidea, Paul Rios Lokarriko koordinatzaile ohia, Joseba Urrusolo ETAko kide ohia eta Iciar Bollain Maixabel filmaren zuzendaria.

«Atsekabea», «samina» eta «sufrimendua». Sentimendu berdintsuak azaleratu zituzten Buesak eta Jauregik ETAk haien bizitzetan utzitako arrastoaz galdetu zietenean. «Beldurra, isiltasuna eta iluntasuna izan zen ETA», gogoratu zuen Buesak. «Ideia politiko jakin batzuk defendatzeko biolentzia erabili zuen erakundea izan zen. Sufrimendu handia eragin zuen erakunde bat», azaldu zuen Jauregik. Riosek erantsi zuen «akats handi bat» izan zela eta «pairamendu izugarria» eragin zuela. «Akatsa bai, baina batez ere izugarrikeria bat», zehaztu zuen Ezeolazak. Urrusolok ere eman zuen bere ikuspuntua: «Denborarekin azukre koskor baten moduan urtu den erakundea».

ETAk jardun armatua eten zuenetik hamar urtera, eraldatu egin da gizartea, eta elkarbizitzarako urratsak egin dituzte hainbat eragilek. Azkena atzo bertan egin zuen ezker independentistak, ETAren biktimei mezua zuzenduta. Solaskide guztientzat urrats «positiboa» izan da hori, baina gehienentzat ez da aski. Buesa: «Mezu berria da, baina faltan dut ETAren indarkeria bidegabea izan zela aitortzea eta emandako babesari buruz autokritika egitea». Atzokoa «aurrerapausoa» dela nabarmendu zuen Jauregik, baina erantsi zuen, ETArenak ez ezik, «indarkeriaren biktima guztiek ere» aitortza merezi dutela. «Estatuak ere urratsak egin behar ditu beste biktimekin».

Jasandako samina ahaztu gabe, etorkizunari itxaropenez begiratzeko beharra nabarmendu zuten hizlariek mahai inguruan. «Baikorra» dela esan zuen Riosek, eta elkarbizitza eraikitzeko hitzetatik ekintzetara pasatzeko deia egin zuen. Urrusolorentzat ezker independentistak egindako adierazpena «pauso garrantzitsua» da, baina eraginkorra izan dadin beharrezkoa da gogoeta hori «ezker abertzalearen oinarrien artean zabaltzea». Bollainen ustez, berriz, ezinbestekoa da ETAk eta ezker abertzaleak autokritika egitea, eta «mezu argiak» bidaltzea.]]>
<![CDATA[HBko kideei bidalitako bonben auzia ikertzea galdegin du Artolazabalek]]> https://www.berria.eus/paperekoa/1891/006/001/2021-10-16/hbko_kideei_bidalitako_bonben_auzia_ikertzea_galdegin_du_artolazabalek.htm Sat, 16 Oct 2021 00:00:00 +0200 Edurne Begiristain https://www.berria.eus/paperekoa/1891/006/001/2021-10-16/hbko_kideei_bidalitako_bonben_auzia_ikertzea_galdegin_du_artolazabalek.htm Abc egunkarian Antoni Asuncion Barne ministro ohiak, eta, atzo, EH Bilduk Eusko Legebiltzarreko kontrol saiora eraman zuen gaia. Gertatutakoa argitzeko Eusko Jaurlaritzak zer urrats egin asmo duen galdetu zion Julen Arzuaga EH Bilduko legebiltzarkideak Beatriz Artolazabal Jaurlaritzako Berdintasun, Justizia eta Gizarte Politiketarako sailburuari. «Estatuko egituretatik» bidalitako bonben kasua argitzea ezinbestekoa dela erantzun zion Artolazabalek, eta horretarako ikerketa bat abiatzeko eskatu zuen: «Demokrazia sendotu nahi badugu, horrelako kasuak ikertu beharra dago». Are, Justizia sailburuak erantsi zuen ikerketa posible egiteko funtsezkoa dela gertaera horien inguruan ezarrita dagoen sekretu ofiziala kentzea: «Ausardia behar da».

Gertakariak «giza eskubideen urraketa larria» izan ziren, eta horiek estaltzen saiatzea «oker oso larria» da, Artolazabalen aburuz. Izan ere, azpimarratu zuen biktima guztiek «memoria, justizia eta aitortza» merezi dutela, eta, alde horretatik, Sekretu Ofizialen Legea aldatzea ezinbestekoa dela «egia osoa» jakiteko.

Dokumentu horiek desklasifikatzea ez dago Eusko Jaurlaritzaren esku, baina sailburuak ohartarazi zuen gobernuak «urrats politiko eta instituzional oro» egingo dituela egia jakiteko, eta beharrezkoa balitz, bonba horien hartzaileak biktima gisa aitortzeko. Zehazki, polizien gehiegikerien biktimen legearen barruan kabida izango lukete pertsona horiek, Artolazabalek azpimarratu zuenez.

Jaurlaritzak auziarekin erakutsi duen jarrera gaitzetsi zuen Arzuagak hitza hartu zuenean. Azken egunotan auziaren inguruan «isilik» egotea eta ezagutu diren gertaeren aurrean jarrera «epela» erakustea aurpegiratu zion Jaurlaritzari. Halaber, gogora ekarri zuen gertaera haietan PSOEko ministroak inplikatuta egon zirela, eta alderdi horrekin osatzen zuela orduan EAJk gobernua, baita gaur egun ere. «PSOEren siglen azpian jardun zuten Barrionuevok, Corcuerak, Verak eta Gonzalezek. Eta nik galdetu nahi dizut ea ez zaren inplikatuta sentitzen, zeharka ez bada ere».

Halaber, biktimen artean mailaketak egitea egotzi zion Jaurlaritzari. «Errealitateak erakusten du biktima batzuk lehen mailakoak direla, instituzioen aitortza eta babesa jasota, eta beste batzuk kanpoan uzten direla, zokoratuta, areketan». Jaurlaritzak bonben auzia ikertzeko agertutako konpromisoa zalantzan jarri zuen, halaber: «Zer neurri jarriko dituzue abian ikerketa egiteko? Nola kenduko duzue dokumentuen sekretu ofiziala?».]]>
<![CDATA[Urkullu: «AHTaren lanen kudeaketa guk hartzea hoberena da Euskadirentzat»]]> https://www.berria.eus/albisteak/204558/urkullu_laquoahtaren_lanen_kudeaketa_guk_hartzea_hoberena_da_euskadirentzatraquo.htm Fri, 15 Oct 2021 16:11:13 +0200 Edurne Begiristain https://www.berria.eus/albisteak/204558/urkullu_laquoahtaren_lanen_kudeaketa_guk_hartzea_hoberena_da_euskadirentzatraquo.htm ]]> <![CDATA[Osakidetza astelehenean hasiko da jartzen gripearen txertoa]]> https://www.berria.eus/paperekoa/1879/012/001/2021-10-15/osakidetza_astelehenean_hasiko_da_jartzen_gripearen_txertoa.htm Fri, 15 Oct 2021 00:00:00 +0200 Edurne Begiristain https://www.berria.eus/paperekoa/1879/012/001/2021-10-15/osakidetza_astelehenean_hasiko_da_jartzen_gripearen_txertoa.htm
Gotzone Sagardui Eusko Jaurlaritzako Osasun sailburuak atzo jakinarazi zuenez, aurten gripearen aurkako txerto tetrabalente bat jarriko da, helburua baita birusaren aldaeretatik gehiago babestea. Osakidetzak 651.333 dosi eskuratu ditu guztira, eta, behar izanez gero, %20 dosi gehiago har ditzake.

Eta orain gripeak ez gaitzala banandu. Jarri txertoa leloa izango du aurtengo kanpainak. Osasun sailburuak azaldu zuenez, lelo horrekin gogora ekarri nahi dute koronabirusari aurre egiteko azken urte eta erdi luzean «gizarteak zer-nolako ahalegina egin duen». Kanpainaren helburua da «pertsona zaurgarrienen osasun indibiduala zaintzea», baita «osasun kolektiboa» zaintzea ere.

Aurten ere koronabirusaren pandemiak baldintzatuko du gripearen txertaketa, nahiz eta orain askoz ere apalagoa den birusaren intzidentzia iazko udazkenarekin alderatuta. Nolanahi ere, izurriak izango du eraginik gripearen txertaketan. Izan ere, gripearen txertoarekin batera, COVID-19aren txertoaren hirugarren dosia hartzeko aukera izango dute 70 urte edo gehiago dituzten eta koronabirusaren aurkako txertoa duela sei hilabete baino gehiago hartua dutenek. Aldi berean jarriko zaizkie bi txertoak, beso banatan.

Bestalde, Sagarduik esan zuen garrantzitsua dela gripeari aurre egiteko prebentzio neurriak betetzea; besteak beste, gune itxiak aireztatzea eta maskara erabiltzea. Hala, herritarrei eskatu zien maskara janzteko, bereziki leku itxietan eta gripearen sintomarik izanez gero.]]>
<![CDATA[Osakidetza astelehenean hasiko da gripearen txertoa jartzen]]> https://www.berria.eus/albisteak/204506/osakidetza_astelehenean_hasiko_da_gripearen_txertoa_jartzen.htm Thu, 14 Oct 2021 13:30:34 +0200 Edurne Begiristain https://www.berria.eus/albisteak/204506/osakidetza_astelehenean_hasiko_da_gripearen_txertoa_jartzen.htm
Sagarduik azaldu duenez, aurten gripearen aurkako txerto tetrabalente bat jarriko da, helburua baita birusaren aldaeretatik gehiago babestea. Osakidetzak 651.333 dosi eskuratu ditu guztira, eta, behar izanez gero, %20 dosi gehiago hartu ditzake. Gripearen aurkako kanpainaren aurtengo leloa hauxe da: Eta orain gripeak ez gaitzala banandu. Jarri txertoa. Osasun sailburuak azaldu duenez, lelo horrekin gogora ekarri nahi dute koronabirusari aurre egiteko azken urte eta erdi luzean gizarteak egin duen ahalegina. «Kanpainaren helburua da pertsona zaurgarrienen osasun indibiduala zaintzea, baina baita osasun kolektiboa zaintzea ere». Hori dela eta, iaz egin zen bezala, arrisku kolektibo batekoak ez diren biztanleek ere hartu ahal izango dute txertoa, betiere dosiak eskuragarri badaude. Berritasun bat izango du aurtengo kanpainak, Sagarduik jakinarazi duenez: gripearen txertoarekin batera, COVID-19aren txertoaren hirugarren dosia jasotzeko aukera izango dute 70 urte edo gehiago duten eta COVID-19aren aurkako txertoa duela sei hilabete baino gehiago hartua dutenek. Gripeari aurre egiteko prebentzio neurriak betetzea garrantzitsua dela azpimarratu du, halaber, Sagarduik. Besteak beste, eskuak garbitzea, jendetza saihestea, espazio itxiak aireztatzea eta maskara erabiltzea aipatu ditu. Azken horri dagokionez, Osasun sailburuak nabarmendu du maskara iaz «giltzarria» izan zela gripearen birusa ez hedatzeko, eta, horregatik, herritarrei eskatu die erabiltzeko, bereziki leku itxietan eta gripearen sintomarik izanez gero.]]>
<![CDATA[Aldarrikatu dute ez dagoela «zer ospatu» Hispanitatearen Egunean]]> https://www.berria.eus/paperekoa/2038/005/001/2021-10-13/aldarrikatu_dute_ez_dagoela_zer_ospatu_hispanitatearen_egunean.htm Wed, 13 Oct 2021 00:00:00 +0200 Edurne Begiristain https://www.berria.eus/paperekoa/2038/005/001/2021-10-13/aldarrikatu_dute_ez_dagoela_zer_ospatu_hispanitatearen_egunean.htm
Hispanitatearen Egunaren aurkako arbuioa manifestazioetan eta elkarretaratzeetan azaleratu zuen gazte antolakundeak. Ohar bidez azaldu zuen protesten zioa: «Gazte independentistok ez dugu ezer ospatzeko. Kontrara: 1978ko erregimenari arrakalak bideratzeko eguna da gaurkoa, erregimena eta bere zutabe guztiak eraistekoa». Ernairen ustez, bestelako Euskal Herri bat eraikitzeko «aukera zabalik dago», «euskal errepublika sozialista, feminista eta euskaldunerako bidea» egitea izan behar da erronka. Gazte independentistek «etorkizun justu bat eskainiko duen herri askea eraikitzen hasteko» parada dutela nabarmendu zuen, halaber.

Bestalde, Bilbon protesta jendetsua eta ikusgarria egin zuten zenbait talde antifaxistak deituta. Urtero legez, 36ko gerran errepublikaren alde borrokatu ziren batailoien antzezpena egin zuten, Jesusen Bihotza plazatik Arriaga Antzokirainoko bidea eginez. Atzoko eta biharko erresistentzia antifaxistaren alde lelopean antolatu zuten protesta.

Hispanitatearen Eguna ospatzearen aurka agertu zen EH Bildu, halaber. «Subiranistok eta independentistok ez dugu ezer ospatzeko», adierazi zuen Bakartxo Ruiz EH Bilduko Nafarroako parlamentariak, Iruñean egindako agerraldian. Salatu zuen Hispanitatearen Egunak «Espainiako inposizioaren eredua» islatzen duela: «Uniformizazioarena, inperialismoarena eta zentralismoarena». Marko horren bitartez, «hizkuntza eta identitate bakarraren eredua ere» inposatu nahi dutela salatu zuen, eta horren adibide jarri zituen azkenaldian Nafarroan euskararen aurka izandako erasoak.

Atzoko egunari beste deialdi batekin erantzun nahi dio EH Bilduk: datorren azaroaren 20an Bilbon deitutako manifestazio nazionalarekin, hain justu. Egun horretan Santi Brouard eta Josu Muguruza omenduko dituzte, eta izurriaren ostean jendea «berriz elkartzeko» topalekua izatea nahi dute. Manifestazioak «herri burujabe, euskaldun, feminista eta justua nahi duten guztiak» interpelatzen dituela esan zuen Ruizek, baita «atzoko eta gaurko antifaxismoarekin» engaiatutako guztiak ere.

Bestalde, Egiari Zor fundazioak ohar batean salatu zuen atzoko eguna «mingarria» izan zela estatu indarkeriaren biktimentzat, ospakizunetan indarkeriaren «apologia argia» egin zelako.

Guardia Zibilari gorazarre

Hispanitatearen Eguneko ospakizun nagusia Madrilen egin zuten atzo. Espainiako errege-erreginak buru, Espainiako Gobernuko ministroak eta erkidegoetako presidente ugari izan ziren desfile militarra ikusten. Besteak beste, Nafarroako Gobernuko presidente Maria Txibite han izan zen. Iñigo Urkullu Eusko Jaurlaritzako lehendakaria, ordea, ez zen joan Madrilgo ospakizunetara.

Gasteizko Sansomendi auzoko Guardia Zibilaren kuartelean ere ekitaldia egin zuten, eta han izan zen Denis Itxaso Espainiako Gobernuak EAEn duen ordezkaria. Adierazi zuen Espainia «kontzeptu kultural irekia eta barneratzailea» dela, eta «pluralismoa eta pertenentzia sentimendu ugari» bere baitan hartzen dituela. Guardia Zibila ere zoriondu zuen, «egiten duen lanagatik» eta «leialtasunez» jokatzeagatik.]]>
<![CDATA[EH Bildu: «Hispanitatearen Egunak Espainiako estatuaren inposizio eredua islatzen du»]]> https://www.berria.eus/albisteak/204412/eh_bildu_hispanitatearen_egunak_espainiako_estatuaren_inposizio_eredua_islatzen_du.htm Tue, 12 Oct 2021 17:36:43 +0200 Edurne Begiristain https://www.berria.eus/albisteak/204412/eh_bildu_hispanitatearen_egunak_espainiako_estatuaren_inposizio_eredua_islatzen_du.htm <![CDATA[Portugaleteko egoitza batean 50 egoiliar eta 11 langile kutsatu dira]]> https://www.berria.eus/albisteak/204414/portugaleteko_egoitza_batean_50_egoiliar_eta_11_langile_kutsatu_dira.htm Tue, 12 Oct 2021 14:16:01 +0200 Edurne Begiristain https://www.berria.eus/albisteak/204414/portugaleteko_egoitza_batean_50_egoiliar_eta_11_langile_kutsatu_dira.htm <![CDATA[OMEk ofizialki definitu du gaixotasun gisa COVID-19 iraunkorra]]> https://www.berria.eus/albisteak/204381/omek_ofizialki_definitu_du_gaixotasun_gisa_covid_19_iraunkorra.htm Mon, 11 Oct 2021 15:35:06 +0200 Edurne Begiristain https://www.berria.eus/albisteak/204381/omek_ofizialki_definitu_du_gaixotasun_gisa_covid_19_iraunkorra.htm
COVID-19 iraunkorra COVID-19 osteko gaixotasun moduan definitu du OMEk: «COVID-19 osteko eragina SARS-CoV-2 birusarekin kutsatutako gizabanakoetan gertatzen da, normalean COVID-19a agertu eta hiru hilabetera; sintomek gutxienez bi hilabete irauten dute, eta ezin azaldu ahal dira diagnostiko alternatibo baten bidez. Sintoma ohikoenak nekea, arnasa hartzeko zailtasuna eta disfuntzio kognitiboa dira, baina gaixoaren eguneroko funtzionamenduan eragina izan dezaketen beste sintoma batzuk ere gerta daitezke». Sintomak modu askotan ager daitezke: berriak izan daitezke, COVID-19 kasu akutu batetik osatu ondoren ager daitezke, edo gaixotasuna hasi zenetik iraun dezakete, OMEk zehaztu duenez. Orain arte, osasun arloko profesionalen artean gaixotasunari buruz egon den argitasun eta irizpide komunik ezak zaildu egin du COVID-19 iraunkorraren ikerketan eta tratamenduan aurrera egin ahal izatea; hori dela eta, OMEk definizio estandarra ezartzea erabaki du. Definizio berria «aurrerapauso garrantzitsutzat» jo du Diezek, gaixotasuna dutenen aitortzan lagungarri izango delako, eta haien tratamendua erraztuko duelako.]]>
<![CDATA[Salatu dute Jaurlaritzak infekziosoen sei anbulantziak kendu dituela eta 60 langile kaleratu]]> https://www.berria.eus/albisteak/204368/salatu_dute_jaurlaritzak_infekziosoen_sei_anbulantziak_kendu_dituela_eta_60_langile_kaleratu.htm Mon, 11 Oct 2021 14:14:34 +0200 Edurne Begiristain https://www.berria.eus/albisteak/204368/salatu_dute_jaurlaritzak_infekziosoen_sei_anbulantziak_kendu_dituela_eta_60_langile_kaleratu.htm
Infekziosoetan aritu diren langile horiek COVID-19ari aurre egiteko «lehen lerroan» aritu direla gogoratu dute sindikatuek, eta zeregin horretan egon direnean, haiek eta haien senideak askotan kutsatu direla, eta «antsietate» eta «estresarekin» egin behar izan dutela lan. Horrez gain, azpimarratu dute izurria baino lehen agerian geratu zela larrialdiak eta anbulantzien larrialdiko zerbitzuak «gainezka» zeudela, «lan karga izugarriarekin»: «Pandemian, politikariek esaten ziguten zerbitzua babestu eta indartu behar zela, baina hori guztia zaku batean erori da». Anbulantzien kudeaketa esku pribatuetan uztea leporatu diote sindikatuek Jaurlaritzari, eta eskatu diote berriro kontratu ditzala langile horiek, COVID-19rako edo griperako beharrezkoak izango direlako, eta haien bitartez bermatuko delako hitzartutako garraio sareak behar bezala funtzionatzea.]]>
<![CDATA[62 kasu positibo detektatu dituzte Hego Euskal Herrian]]> https://www.berria.eus/albisteak/204374/62_kasu_positibo_detektatu_dituzte_hego_euskal_herrian.htm Mon, 11 Oct 2021 11:22:11 +0200 Edurne Begiristain https://www.berria.eus/albisteak/204374/62_kasu_positibo_detektatu_dituzte_hego_euskal_herrian.htm
Eusko Jaurlaritzako Osasun Sailak gaur eguneratu ditu pandemiari eta txertaketari lotutako datu guztiak, eta, hemendik aurrera, astelehenetan baino ez du zabalduko informazio hori. Gaur emandako datuen arabera, atzo hamar lagun ospitaleratu zituzten Osakidetzaren menpeko osasun zentroetan gaitzarekin, eta une honetan 29 eri daude larri ZIUetan. Nafarroan, berriz, pertsona bat ospitaleratu zuten, eta hura zuzenean ZIUetara eraman zuten. Hori horrela, bi gobernuetako osasun agintariek emandako datuak kontuan harturik, une honetan guztira 33 lagun daude ZIU zainketa intentsiboetako unitateetan, larri. Azken egunetan birusarekin zendutakoen kopurua ere eman dute bi gobernuek. Eusko Jaurlaritzako Osasun Sailak jakinarazi duenez, joan den astelehenetik ostegunera bitarte zazpi pertsona hil ziren gaitzarekin. Nafarroan, berriz, pertsona bat hil da gaitzarekin epe horretan. Orotara, beraz, zortzi lagun hil ziren Hego Euskal Herrian joan den astelehenetik ostegunera gaitzak jota.]]>
<![CDATA[Iturgaitzek «hiltzat» jo du PPren eta Ciudadanosen arteko koalizioa]]> https://www.berria.eus/albisteak/204319/iturgaitzek_hiltzat_jo_du_ppren_eta_ciudadanosen_arteko_koalizioa.htm Sat, 09 Oct 2021 08:55:47 +0200 Edurne Begiristain https://www.berria.eus/albisteak/204319/iturgaitzek_hiltzat_jo_du_ppren_eta_ciudadanosen_arteko_koalizioa.htm