<![CDATA[Edurne Elizondo - Nafarroako Hitza | Berria.eus]]> https://www.berria.eus Bere azken artikuluak eu Fri, 27 May 2022 04:16:39 +0200 hourly 1 <![CDATA[Edurne Elizondo - Nafarroako Hitza | Berria.eus]]> https://www.berria.eus/irudiak/berriaB.png https://www.berria.eus <![CDATA[Karrikiri: 25 urte Iruñeko euskaldunen arteko sarea ehuntzen]]> https://www.berria.eus/albisteak/213341/karrikiri_25_urte_iruneko_euskaldunen_arteko_sarea_ehuntzen.htm Sat, 14 May 2022 06:24:08 +0200 Edurne Elizondo - Nafarroako Hitza https://www.berria.eus/albisteak/213341/karrikiri_25_urte_iruneko_euskaldunen_arteko_sarea_ehuntzen.htm <![CDATA[«Nik ez dut batere sufritu; plazer handia izan da Argan aritzea»]]> https://www.berria.eus/albisteak/212456/nik_ez_dut_batere_sufritu_plazer_handia_izan_da_argan_aritzea.htm Sun, 24 Apr 2022 10:22:54 +0200 Edurne Elizondo - Nafarroako Hitza https://www.berria.eus/albisteak/212456/nik_ez_dut_batere_sufritu_plazer_handia_izan_da_argan_aritzea.htm MOTZEAN Gustuko duzun IruÃf±eko txoko bat? Zaila da IruÃf±eko txoko bakar bat aukeratzea. San Jose enparantza da bat, adibidez, edo Redin kalea, harresi-antz. Taberna batean jartzeko kantu bat? Badator eguna, Bide Ertzean taldearena. Sanferminak edo Arrotxapeko bestak? Arrotxapekoak! Zer da ostalaritzak duen gauzarik onena zuretzat? Ostalaritzaren onena da bitarteko bat dela jendea elkartzeko, nire ustez. Eta zer da ostalaritzak duen txarrena? Galtzen ari dela elkartzeko dugun baliabide hori. Tabernak ixten ari dira.]]> <![CDATA[Eman nahi zaion tokia da gakoa]]> https://www.berria.eus/albisteak/211971/eman_nahi_zaion_tokia_da_gakoa.htm Sun, 10 Apr 2022 09:14:15 +0200 Edurne Elizondo - Nafarroako Hitza https://www.berria.eus/albisteak/211971/eman_nahi_zaion_tokia_da_gakoa.htm “Euskarazko ikasketen eskaintza ezin da izan presazko bultzada desordenatuen ondorio". NUP Nafarroako Unibertsitate Publikoko errektore Ramon Gonzalorenak dira hitzak, eta unibertsitateak egin duen Euskarazko Ikasketen Plan Gidariaren berri emateko erran ditu. 1987. urteko apirilaren 21ean sinatu zuten Nafarroako Parlamentuan NUP sortzeko lege proiektua. 35 urte joan dira ordutik, beraz, eta, oraindik ere, Irakasletzako gradua da NUPen osorik euskaraz egin daitekeen bakarra.

2024ra bitarteko helburuak jaso ditu NUPek egin berri duen Euskarazko Ikasketen Plan Gidariak. Unibertsitate publikoko Hizkuntza Plangintzarako Batzordeko zuzendari Imanol Nuñezen hitzetan “jauzi nabarmena" ekarriko du. Datu bat jarri nahi izan du erdigunean: 2018-2019ko ikasturtean, NUPek 1.644 kreditu eskaini zituen euskaraz; 2023-2024ko ikasturterako, berriz, 2.226 eskaini nahi ditu. Kopuruan dagoen aldea onartu du NUPeko Euskara Taldeko kide Unai Irigaraik. Ontzat eman du euskarazko ikasgai gehiago izatea. Gakoa, baina, bertze bat dela nabarmendu du: euskarari zer garrantzia aitortu nahi dioten NUPeko agintariek. “Plan honek ez du konponduko euskarak egun duen egoera; euskarak behar du legezko egitura bat, egin daitezkeen planak betearazteko boterea izanen duena; euskarak egon behar du unibertsitateko arlo guztietan; euskararen errektoreordetza behar dugu", erran du Irigaraik. NUPeko Hizkuntza Plangintzarako Batzordea ez da euskarak behar duen erakunde ego egitura hori, Euskara Taldeko kidearen hitzetan. “Ez du bere planak betearazteko gaitasunik". Auzi horretaz harago, euskarazko kredituak eskaintzeko NUPek dituen irizpideak ere zalantzan jarri ditu Irigaraik. Eskaera, hurbiltasuna eta baliabideak dira Hizkuntza Plangintzarako Batzordeak zehaztutako hiru irizpideak, hain zuzen ere. NUPen euskaraz ikastea ikasleen eskubide bat dela nabarmendu du Irigaraik Nafarroatik kanpora Imanol Nuñezek “egokitzat" jo ditu NUPek euskarazko eskaintza arautzeko erabiltzen dituen irizpideak. Eskaerari buruz erran du hamar ikasle direla zehaztu duten gutxieneko kopurua. NUPen ikasleen herena dira euskaldunak. “Ikasle horietatik %80 matrikulatzen da euskaraz", azaldu du. Kontuan hartu behar da badirela zuzenean bertze unibertsitate batera joateko hautua egiten duten ikasle nafarrak, nahi duten gradua euskaraz egiteko aukerarik ez dutelako herrialdean. 2017an jasotako datuen arabera, hain zuzen, urtean, batez beste, 258 ikasle nafar matrikulatzen dira EHU Euskal Herriko Unibertsitatean, selektibitatea NUPen egin arren. Horietatik 52k NUPek eskaintzen dituen titulazio berberak hautatzen dituzte, eta kasu gehienetan (%70etik gora), euskaraz egiten dituzte. Hau da: urtean 40 bat ikasle nafar matrikulatzen dira EHUn, Nafarroan goi mailako euskarazko eskaintza nahikorik ez dagoelako. Hurbiltasuna eta baliabideak aztertu ditu Imanol Nuñezek ere. Hurbiltasuna lotuta dago ikasketek lan esparruan jendearekin duten harremanarekin. Hurbiltasun handikotzat jo ditu NUPek sektore publikoan herritarrei zerbitzu bat ematen dieten lanpostuetarako ikasketak; erizaintza edo medikuntza, adibidez. Hurbiltasun txikikoak dira, berriz, lan merkatua nazioartera begira duten graduak. Erizaintzan, hain zuzen, aspaldikoa da gradua euskaraz egin ahal izateko aldarria. Eskaera bada, Nuñezek onartu duenez. “Asmoa da urtero seihileko bat sartzea euskaraz", aipatu du. Oraingo ikasturtean 30 dira euskarazko kredituak Erizaintzako graduan; 2023-2024rako 84 eskaini nahi ditu NUPek. Medikuntzan, berriz, euskarazko krediturik ez da, oraingoz, eta planak ez du bakar bat ere eskaintzea aurreikusten. “Egun bost ikasle euskaldun bertzerik ez daude; eskaerak gora egiten badu, alda daiteke egoera". Betiere, baliabideak badaude, hori baita euskarazko kredituak eskaintzeko bete beharreko hirugarren irizpidea. Baliabideen esparruan, hain zuzen, irakasleen borondatea funtsezkoa izan da, orain arte, NUPen euskaraz ikasi ahal izateko. Izan ere, gutxi dira, oraindik, hizkuntza soslaia duten irakasle lanpostuak; zazpi, zehazki, 2021-2022ko ikasturtean. Ondorioz, irakasle elkartuen esku daude, neurri handi batean, euskarazko ikasketak.

Horrek badu ondoriorik. “Lan baldintza kaskarrak dituzte, eta, anitzetan, bertze lanpostu bat ere bai. Ondorioz, ahal dutenean alde egiten dute, eta ordezkoak euskaraz ez badaki, ikasgaia gaztelaniaz eman behar dugu", kontatu du Irigaraik. Hasi bai, baina bukatu ez Euskaraz hasi, baina euskaraz ezin jarraitu. Hori ere gertatzen da. Irigarai Soziologiako gradua ari da egiten. Lehendabiziko mailan, ikasgai guztiak izan zituen euskaraz, bat izan ezik; gainerako mailetan, berriz, bakar bat ere ez. Arazo hori badagoela onartu du Imanol Nuñezek. Enpresen Administrazioa eta Zuzendaritzaren adibidea aipatu du. “Lehendabiziko bi mailetan bada aukera euskaraz egiteko; hirugarrenean ez, baina EHUrekin elkarlana bultzatu nahi dugu, gure ikasleak unibertsitate horretara mugitzeko hirugarren mailan". Ikasketak euskaraz hasi eta gaztelaniaz jarraitzen dituzten ikasleen “errendimenduak" ez duela behera egiten erantsi du Hizkuntza Plangintzarako Batzordeko zuzendariak. Irigaraik, berriz, euskaraz ikastea ikasleen eskubide bat dela berretsi du. Gaztelaniaz egiten jakin arren, euskaraz ikasi nahi duten gazteen eskubidea, alegia. Egungo planak ez duela eskubide hori bermatzen erran du Irigaraik. “Departamentuek erabakitzen dute, finean". Horri buruz, Nuñezek nabarmendu du Euskarazko Ikasketen Plan Gidarian jasotako helburuak “konpromiso" bat direla, eta fakultateekin hitzartu dituztela. Onartu du, baina, gerta daitekeela eskaeraren eta hurbiltasunaren irizpideak beteta ere, baliabiderik ezak hutsean uztea ikasgairen bat euskaraz eskaintzeko helburua. “Departamentu batek baliabiderik eza aipatzen badu euskarazko krediturik ez onartzeko, halere, azalpenak eman beharko ditu". Nuñezek berretsi du konpromisoa hartu dutela 2024rako 2.226 kreditu euskaraz eskaintzeko. “Uste dut egun garrantzitsuagoa dela gradu gehienetan oinarrizko ikasgaiak euskaraz eskaini ahal izatea, gradu oso bat euskaraz ematea baino". Hizkuntza eskubideak jarri ditu Irigaraik erdigunean: “Gizarte osoaren lana da euskarak unibertsitatean behar duen tokiaren alde egitea".]]> <![CDATA[Partekatu nahi duten bidaia]]> https://www.berria.eus/albisteak/211002/partekatu_nahi_duten_bidaia.htm Sat, 19 Mar 2022 15:52:24 +0100 Edurne Elizondo - Nafarroako Hitza https://www.berria.eus/albisteak/211002/partekatu_nahi_duten_bidaia.htm <![CDATA[Elkartasunaren indarrarekin]]> https://www.berria.eus/albisteak/209215/elkartasunaren_indarrarekin.htm Mon, 07 Mar 2022 07:49:12 +0100 Edurne Elizondo - Nafarroako Hitza https://www.berria.eus/albisteak/209215/elkartasunaren_indarrarekin.htm Tudela Comparte fundazioak 507 pertsona artatu ditu El Capacico (kapazutxoa) ekonomatuan. Erabiltzaileek dituzten beharren arabera puntuak ematen dizkiete, eta puntu horiekin erosketa egin dezakete. 779 FORMAKUNTZA JASO DUTEN ERABILTZAILEAK
779 pertsona aritu dira El Semillero (hazitegian) proiektuan formakuntza jasotzen, 2021ean. Gaztelania ikastaroak, informatikan trebatzekoak eta baratze ekologiko bat sortzen laguntzeko saioak egin dituzte, adibidez.]]>
<![CDATA[Iruindarren euskaltegia]]> https://www.berria.eus/albisteak/209781/iruindarren_euskaltegia.htm Mon, 21 Feb 2022 09:18:40 +0100 Edurne Elizondo - Nafarroako Hitza https://www.berria.eus/albisteak/209781/iruindarren_euskaltegia.htm Sagrario Aleman: «Campion nire etxea da» E. Elizondo Ez du lotura ukatu. «Nire etxea da», erran du Sagrario Aleman euskaltzainak, argi eta garbi, Iruñeko Arturo Campion euskaltegiari buruz. Izan ere, hastapeneko etapan parte hartu zuen hark, eta Erriberan eta Sakanan irakasle aritu eta gero, Nafarroako hiriburuko egoitzara itzuli zen, 1981ean. Euskaltegiko zuzendaria izan zen 2017ra arte, ardura bertzeen esku uztea erabaki zuen arte. «Euskaltegitik pasatu den jende guztia da oroitzapenik politena», erran zuen Alemanek, duela 25 urte, Arturo Campionek mende laurdena bete zuenean. Iritzi hori berretsi du orain: «Oroitzapen politak ditut, urte luzez aritu bainaiz euskaltegian; baina garaian garaikoei utzi behar zaie beren lana egiten». Jakin badaki Nafarroako gizartea anitz aldatu dela euskaltegia martxan jarri zutenetik, eta garaian garaiko erronketara moldatu behar izan dutela, aurrera egiteko. 50 urteurrenak balio du, hain zuzen, atzera begiratzeko, «bai eta aurrera begiratzeko ere», Alemanek nabarmendu duenez. Eta, batez ere, «elkarrekin egoteko». Bada, gainera, euskaltegia sortu zutenetik aldatu ez den zerbait: ikasleen gogoa. «Jendeak euskaltegira jotzen du hizkuntza ikasi nahi duelako». Gogo hori jarri du erdigunean, euskaltegiaren mami izan delako. Iruindarren erreferente «Jende gaztea mugitzen hasi zen arlo guztietan, eta euskararen arloan ere bai; ikasleak eta irakasleak, denak ziren gazteak, eta ilusioz beteak», gogoratu du Sagrario Alemanek, Arturo Campionen hasierako garaiaz. Gazte horien guztien ahalegina eskertu du, hain justu, ahalegin horrek garai hartako «erreferente» bilakatu zuelako euskaltegia. «Orain badira gehiago, baina orduan bakarrenetakoa zen». «Ahal zena» eginez hasi zuten bidea, Alemanek gogoratu duenez. «Profesionalizatzen joan zen gure jarduera gero». Erakundeen laguntzetan hasieratik egondako «gorabeherak» nabarmendu ditu euskaltzainak, baina garbi utzi du sail horiek inoiz ez direla izan sekulakoak. Zailtasunak zailtasun, euskaltegitik euskara sustatzeko egindako ahalegina ere nabarmendu du; hau da, Arturo Campion beti izan dela prest hirian garatu diren bertze egitasmoak bultzatzeko. Eta Iruñeko Alde Zaharretik, euskarari bidea ematen segitzen du. EGITARAUA

Arturo Campion Iruñeko euskaltegiak hamaika ekitaldi prestatu ditu 50. urteurrena ospatzeko. Honako hauek dira horietako zenbait. Otsailaren 26a 12:30: txupinazoa. Euskaltegiko atarian, Comedias karrikan, Irati Majuelo eta Sustrai Colina bertsolariekin, eta Kinbonbo Brass Bandekin. Martxoaren 5a 19:00: kontzertua. IrunÌÂÂÂÂÂÂÂÃ'Âfeko Orfeoiko Gazte Abesbatzaren emanaldia, Hutsun txalaparta taldearekin, Ortzadar dantza taldearekin eta Teatrolari antzerki eskolako kideekin, Baluarten. Martxoaren 10a Liburu aurkezpena. Arturo Campion euskaltegiak 50 urte, 11 istorio liburua prestatu du urteurrenerako. 11 idazlek eta bertze hainbertze ilustratzailek parte hartu dute. Laban aurkeztuko dute.
]]>
<![CDATA[«Areto txikiak maite ditut; hor, bazara edo ez zara, eta ni banaiz»]]> https://www.berria.eus/albisteak/208638/areto_txikiak_maite_ditut_hor_bazara_edo_ez_zara_eta_ni_banaiz.htm Sat, 22 Jan 2022 15:31:56 +0100 Edurne Elizondo - Nafarroako Hitza https://www.berria.eus/albisteak/208638/areto_txikiak_maite_ditut_hor_bazara_edo_ez_zara_eta_ni_banaiz.htm MOTZEAN Zure abestiren bat? Azul eta Horas. Bertze artista baten abesti bat? David Bowieren ia kanta guztiak ditut gustuko. Zure kontzertu bat. Tahures Zurdosen itzulerakoa. Itzela izan zen. Entzun duzun kontzerturen bat? Neil Youngen bat, Bilboko Casillan; eta Paco de Luciaren bertze bat, 1992. urtean. Erretiroa hartzeko garaiaren beldur zara? Ez. Garbi dut nire neurria emateko gai ez naizenean oholtzatik jaitsiko naizela, damurik gabe.]]> <![CDATA[Azken minutuek duten garrantzia]]> https://www.berria.eus/albisteak/208344/azken_minutuek_duten_garrantzia.htm Sat, 15 Jan 2022 14:29:45 +0100 Edurne Elizondo - Nafarroako Hitza https://www.berria.eus/albisteak/208344/azken_minutuek_duten_garrantzia.htm Olga Patiño Ulrich Ehrecke bere senarrarekin. Patiñori eutanasia egin zioten urtarrilaren 7an, Iruñean. BERRIA San Joan Jainkoarena ospitalean inork ez ditu argitu Patiñoren senideen zalantzak. Hura handik atera eta gero erran dutenak ere ez du baretu Sordomezen ezinegona. San Joan Jainkoarena ospitaleko komunikazio zerbitzuko Silvia Etxabarrenek azaldu du Patiño zentro horretara eraman zutela Nafarroako Unibertsitate Ospitalean “oherik ez" zegoelako. “Nafarroako Unibertsitate Ospitaleak gaixoa berriz hartu nahi izan zuenean, harat mugitu genuen", erantsi du Etxabarrenek. Sordomezek erantzun du ez dela “egia" hori. “Ez da horrela gertatu. Guri azalpen hori ere ez digute eman; ez zuten San Joan Jainkoarena ospitalera eraman bertze zentroan oherik ez zegoelako: handik atera zen eutanasia egiteko aukera ukatu ziotelako. Ez genuen guk erabaki". Nafarroako Gobernuko Osasun Departamentuak ere ez ditu argitu Olga Patiñoren senideen zalantzak. “Legeak zehaztutakoari jarraitu, eta bermatu dugu eutanasia osasun sistema publikoan egitea", erran dute. 45 minutu anbulantzian Urtarrilaren 7an egin zioten eutanasia Patiñori, 18:00etan, Iruñean. Egun horretan bertan eraman zuten San Joan Jainkoarena zentrotik Nafarroako Unibertsitate Ospitalera. Tokiz aldatzeko modua salatu du Sordomezek. Izan ere, anbulantziak ez zuen zuzenean eraman ospitale batetik bertzera. “14:00etan hartu zuten, eta 40-45 minutu behar izan genituen ospitalera ailegatzeko. Dialisia egitera joan behar zuten bertze lau gaixo hartu zituen anbulantziak bidean, hiriko zenbait txokotan". Denbora horretan “minak jota" izan zen Patiño. “Anbulantzian ziren guztiek ikusi zuten izeba negarrez; oinazeak ez zion aukerarik eman ohatilan lasai egoteko. Iñigo nire bikotekidea eta biok saiatu ginen lasaitzen, baina hagitz gaizki pasatu zuen hark". Sordomezek garbi du sistemak ahalegin bat egin behar duela horrelako egoera bat berriz gerta ez dadin. “Zaindu behar dugu agurraren garaia, eta gizatasunez jokatu", eskatu du. Eskatu du bertzerik: hitz egiteko heriotzaz. “Hitz egin dezagun eutanasiari buruz, heriotzari buruz; hori baita orain dagoen estigma bazter uzteko modua". Izebak egindako bidea “eredutzat" hartu du. “Inoiz ez zuen ezkutatu zer egin nahi zuen; ospitalean ere, denei kontatzen zien eutanasia eskatu zuela", oroitu du. Legeak eutanasia egiteko ematen duen eskubidea “zaintzeko" eta “bermatzeko" eskatu dio Sordomezek administrazioari. “Horregatik erabaki dut ez isiltzea; izebari zer gertatu zaion kontatu nahi izan dut, gaizki egindakoak zuzendu ahal izateko". Olga Patiño eta Romy Sordomez, ospitalean, urte berria ospatzen. Astebete pasatu da Patiño zendu zenetik. Izebaren falta hasieratik sumatu du haren ilobak, baina lasaitzen du izebak erabakitako bidea egin izana. “Haren ondoan izan naiz prozesu osoan, hori zor niolako: errespetua eta babesa". Izebak egindako bidaiak gogoratu ditu; haren eskuzabaltasuna eta bizitzaz gozatzeko grina. “Eutanasiaren aldeko hautua garbi zuen, baina, era berean, bizitzak eskainitako minutu orori atera dio zukua", kontatu du Sordomezek. San Joan Jainkoarena erietxean Olga Patiñoren izaeraz entzun behar izan dituenak aipatu ditu. “Erraten zioten ez zela koherentea; COVID-19aren aurkako hirugarren dosia jartzeko eskatu zuenean, adibidez, zalantzan jarri zuten benetan eutanasia nahi ote zuen. Kontua da izebak ez zuela bakarrik hil nahi; ez zuen bakartuta hil nahi. Bizitza maite zuen, baina ez zuen sufritzen segitu nahi". Sordomezek nabarmendu du eutanasia legez arautua dagoela, eta, ondorioz, trabarik ez luketela izan behar eskubide hori eskatzen dutenek. “Legeak ez du inor behartzen. Berma dezatela herritarren askatasuna".]]> <![CDATA[Zortzi orri eta komunitate bat]]> https://www.berria.eus/albisteak/207114/zortzi_orri_eta_komunitate_bat.htm Mon, 13 Dec 2021 17:35:28 +0100 Edurne Elizondo - Nafarroako Hitza https://www.berria.eus/albisteak/207114/zortzi_orri_eta_komunitate_bat.htm

Nafarkariaren lehen zenbakiko azala. Maketak, faxez Oraingoa baino garai analogikoagoa zen ordukoa; Egunkaria-ren egoitza nagusian faxez jasotzen zituen Xabin Makazagak Barandiaranek eskuz egindako maketak. Tiraderan gordetzen zen kolaboratzaileen zerrenda, eta haietako batzuek Egunkaria-ren Iruñeko Irrintzi dorreko egoitzaraino eramaten zituzten beren testuak. “Diskete batekin etortzen ohi zen Joxemiel Bidador; solasalditxo baterako aukera ematen zigun horrek". Horixe nabarmendu du Asier Azpilikueta kazetariak. Hura izan zen gehigarriko azken arduraduna; 1999ko irailetik aritu zen, desagertu zen arte. “Itxi zuten arte; erabaki politiko bat izan zen", berretsi du. Euskararentzat “arnasgune txiki bat" izan zen Nafarkaria, Azpilikuetaren hitzetan. Nafarroako euskaldunen eta euskaltzaleen arteko “sarea" ehuntzen lagundu zuela uste du Barandiaranek ere; Irene Arrizurieta kazetariak gehigarriak egindako lan hori nabarmendu nahi izan du, hain zuzen ere: “Ez zen bakarrik kazetariontzako foro bat izan; kolaboratzaile asko pasatu ziren Nafarkaria-tik, eta askorentzat lehen erakusleihoa izan zen". Barandiaranek kontatu du “erraza" izan zela jendea proiektura batzea. “Euskaltzaleek pozik hartu zuten, eta berehala esaten zuten baietz laguntza eske haiengana jotzen genuenean". Bingen Amadoz izan zen Nafarkaria-ko azaleko lehen zutabea idatzi zuena. Amadozekin batera, Felipe Riusek, Aingeru Epaltzak eta Josetxo Azkonak osatu zuten hasierako laukotea. Laster batu ziren bertze anitz, eta 11 urteko bidean, Nafarkaria-ko zutabegile izan ziren Pili Ioldi, Estitxu Fernandez, Maite Urkia, Jojo Bidart, Josetxo Azkona, Juanjo Olasagarre, Xanti Begiristain eta Mikel Taberna, bertzeak bertze. Patziku Perurenak ere idatzi zuen gehigarrian. “Leitzako Maimur liburu dendatik faxez bidaltzen zituen testuak; ez dakit erdi hondatua ote zegoen edo zer gertatzen zen, baina hizkiak falta ziren beti, eta telefonoz aritu behar izaten genuen testua osatzen", gogoratu du Azpilikuetak, ordukoaz. Kazetariak Arrizurietaren eskutik jaso zuen gehigarriaren arduraren lekukoa. Arrizurieta bi urtez izan zen Nafarroako gehigarriko koordinatzailea, 1997eko irailetik 1999ko irailera. Azpilikuetarekin eta Barandiaranekin bat egin du, eta Nafarkaria “kazetaritza eskola" bat izan zela erran du. Hiru kazetariei, gainera, herrialdea txokoz txoko ezagutzeko aukera eman zien aldizkariak. Barandiaranek, adibidez, Joxe Lacalle argazkilariarekin Aezkoara edo Erriberara egindako bidaien oroitzapena du fresko, bereziki. “Nafarroa ezagutu genuen Nafarkaria-ri esker". Gehigarriko lehen arduradunak beti izan zuen garbi aldizkariak “nafar guztientzat" izan behar zuela, eta herrialde osoari egin behar ziola so. “Ezagutzen ez genuen Nafarroa bat deskubritu genuen, eta ikasi genuen herrialdea zeinen askotarikoa den", azaldu du.

Nafarkariaren hamargarren urteurreneko zenbakiaren azala.

Nafarkaria-k lortu zuen irakurle talde fidel bat. Ez hori bakarrik. “Jendea identifikatu zen proiektuarekin; Nafarkaria-k balio erantsi bat eman zion Egunkaria-ri Nafarroan ostiraletan", aipatu du Barandiaranek. Sortu zen harremana, ondorioz, gehigarriaz harago joan zen. Barandiaranek kolaboratzaileekin eta lagunekin egindako urteroko afariak gogoratu ditu. “Zaldiko Maldiko elkartean egiten genituen; Luzia Goñik prestatzen zituen". Irene Arrizurietak ere gogoan ditu afari horiek; batez ere, gogoan du ongi “aukeratu" behar zela tokia. “Martxelo Otamendiren ondoan eseriz gero, bazenekien ez zela gau osoan isilduko", oroitu du, barrez. «Utzi du arrastoa» “Eskola" bat izan zela, eta “ilusio handiz" egin zutela. Horixe nabarmendu dute Barandiaranek, Arrizurietak eta Azpilikuetak Nafarkaria-ri buruz. Barandiaranek garbi du arduradun bakoitzak “berea" eman ziola gehigarriari, egindako bidean. “Utzi du arrastoa", erantsi du. Zortzi orriko astekari bat zen Nafarkaria, baina bere txikitasunean handi izan zen, haien ustez. “Ederki pasatu genuen egiten", erran du Azpilikuetak, baina ez du lana idealizatu nahi izan; ez gehiegi, behintzat. “Nafarrentzat euskarazko gauzak eskaini genituen, baina tokiko informazioaren esparruan urratsa eskas gelditu zen". UPNren esku zen Nafarroako Gobernuarentzat, baina, urrats hori ere gehiegi omen zen. Euskara erabiltzen zuten hedabideak diruz laguntzeko deialdian esku hutsik utzi zuen Nafarkaria, 2001ean. “Pedro Pegenaute zen Hizkuntza Politikarako arduraduna. Egin zuen lehen gauza izan zen elebitan zegoen bere bulegoko plaka gaztelania hutsean jartzea. Deialdia moldatu zuten, Nafarkaria kanpo uzteko", kontatu du Azpilikuetak. 2002ko uztailera arte eutsi zion gehigarriak. Hilabete hartako 26an atera zuen azken zenbakia. 11 urtez, Nafarroaren kronika berezi bat idatzi zuen Egunkaria-ko astekariak Nafarroan eta nafarrentzat. Bai eta nafarrekin ere: Nafarkaria-k komunitate oso bat lotu baitzuen aste oroko bere zortzi orrietara.]]>
<![CDATA[Izua betikotzeko zigor erantsia]]> https://www.berria.eus/albisteak/206501/izua_betikotzeko_zigor_erantsia.htm Sun, 28 Nov 2021 10:01:48 +0100 Edurne Elizondo - Nafarroako Hitza https://www.berria.eus/albisteak/206501/izua_betikotzeko_zigor_erantsia.htm <![CDATA[Zangozako anarkista, argitara]]> https://www.berria.eus/albisteak/205837/zangozako_anarkista_argitara.htm Sat, 13 Nov 2021 07:59:06 +0100 Edurne Elizondo - Nafarroako Hitza https://www.berria.eus/albisteak/205837/zangozako_anarkista_argitara.htm <![CDATA[Matalaz, «umil eta pragmatiko»]]> https://www.berria.eus/albisteak/204562/matalaz_umil_eta_pragmatiko.htm Mon, 18 Oct 2021 09:54:47 +0200 Edurne Elizondo - Nafarroako Hitza https://www.berria.eus/albisteak/204562/matalaz_umil_eta_pragmatiko.htm <![CDATA[Mintegi bat, haziak loratzeko]]> https://www.berria.eus/albisteak/203651/mintegi_bat_haziak_loratzeko.htm Sat, 25 Sep 2021 11:26:03 +0200 Edurne Elizondo - Nafarroako Hitza https://www.berria.eus/albisteak/203651/mintegi_bat_haziak_loratzeko.htm <![CDATA[Norbanakoak enpresen tokian]]> https://www.berria.eus/albisteak/202995/norbanakoak_enpresen_tokian.htm Sat, 11 Sep 2021 08:14:42 +0200 Edurne Elizondo - Nafarroako Hitza https://www.berria.eus/albisteak/202995/norbanakoak_enpresen_tokian.htm <![CDATA[Itxuraldatzea prestatzen]]> https://www.berria.eus/albisteak/202751/itxuraldatzea_prestatzen.htm Sat, 04 Sep 2021 10:32:37 +0200 Edurne Elizondo - Nafarroako Hitza https://www.berria.eus/albisteak/202751/itxuraldatzea_prestatzen.htm <![CDATA[«Epaile gisa ariko den kirolari bat izanen naiz Tokioko jokoetan»]]> https://www.berria.eus/albisteak/201051/epaile_gisa_ariko_den_kirolari_bat_izanen_naiz_tokioko_jokoetan.htm Mon, 26 Jul 2021 12:00:01 +0200 Edurne Elizondo - Nafarroako Hitza https://www.berria.eus/albisteak/201051/epaile_gisa_ariko_den_kirolari_bat_izanen_naiz_tokioko_jokoetan.htm <![CDATA[Zaintzaren hariak ahaldundu ditu]]> https://www.berria.eus/albisteak/201000/zaintzaren_hariak_ahaldundu_ditu.htm Sat, 24 Jul 2021 14:37:13 +0200 Edurne Elizondo - Nafarroako Hitza https://www.berria.eus/albisteak/201000/zaintzaren_hariak_ahaldundu_ditu.htm <![CDATA[Gizartea eraldatu nahi duen kluba]]> https://www.berria.eus/albisteak/200285/gizartea_eraldatu_nahi_duen_kluba.htm Sun, 11 Jul 2021 08:45:36 +0200 Edurne Elizondo - Nafarroako Hitza https://www.berria.eus/albisteak/200285/gizartea_eraldatu_nahi_duen_kluba.htm <![CDATA[Biktimak «umiliatzen» dituen ikur frankista]]> https://www.berria.eus/albisteak/200277/biktimak_umiliatzen_dituen_ikur_frankista.htm Sun, 11 Jul 2021 07:42:56 +0200 Edurne Elizondo - Nafarroako Hitza https://www.berria.eus/albisteak/200277/biktimak_umiliatzen_dituen_ikur_frankista.htm Areka elkarteko kidea «Biktimak umiliatzen ditu; etengabe umiliatzen gaituen toki bat da» «Deus ez egitea ere bada zerbait egitea". Horixe erran du Areka elkarteko kide Orreaga Oskotzek, Erorien Monumentuaren auziari buruz. Zehazki, azken sei urteotan «galdutako aukeraz» ari da Orreaga. «Aurreko legegintzaldian Emilioa Mola eta Jose Sanjurjo atera zituzten monumentutik; urrats garrantzitsua izan zen, baina erakunde publikoek ez zuten harago jo; ustez aurrerakoiak ziren gobernuek [Nafarroako eta Iruñeko Udaleko lauko gobernuak] ez zuten gehiago egin. Oraingo legegintzaldian ere ustez gobernu aurrerakoia dugu Nafarroan; bi urte joan dira jada, eta zain segitzen dugu». Deus ez egiteak Erorien Monumentuari eutsi dieten «eskuinei» ematen die indarra, Oskotzek salatu duenez. «Guretzat, monumentua dagoen espazio hori eremu arrotz bat da". Nabarmendu du Arekan bat egin duten guztiak 1936ko altxamendu militarraren ondorioz fusilatutakoen senideak direla: «Ilobak, bilobak, eta seme-alabaren bat ere bada». Oskotzek azaldu du denek ez dutela iritzi «monolitiko» bat, baina garbi erran du elkarteko kide gehien-gehienek monumentua behera botatzea nahi dutela. «Hagitz gogorra da eraikin horri so egitea guretzat. Biktimak umiliatzen dituen toki bat da, etengabe umiliatzen gaituen toki bat; ezinezkoa da eraikin horren esanahia aldatzea», erran du, irmo, Orreaga Oskotzek. Gakoa da, Areka elkarteko kidearen hitzetan, Erorien Monumentua ez dela «memoriaren toki» bat: «Frankismoa goraipatzeko toki bat besterik ez da; alda dezatela benetako memoriaren tokien esanahia: badugu zer ikasi Ezkabako gotorlekuan, bai eta eskolapioen eskolan ere. Hor desagertu ziren nire aitatxi eta haren bi anaia; hor jendea torturatu zuten. Bilaka dezatela hori memoriaren toki». AMAIA LERGA
Affna elkarteko kidea «Ez da erraza eraikina eraistea, borondate politikorik ez dagoelako» Arekako kide Orreaga Oskotzekin bat egin du Affna Nafarroako Fusilatuen Senideen Elkarteko kide Amaia Lergak: «Memoriarako tokiak dira Ezkaba eta fusilatuak hartu zituzten hobiak; Erorien Monumentua ikur frankista huts bat da, biktimarioen omenezko eraikin bat». Affnako kideentzat ere monumentua behera botatzea da lehenetsitako aukera. «Ez dugu uste erraza denik hori gertatzea, baina ez berez zaila delako eraikina eraistea, baizik eta ez dagoelako hori egiteko borondate politikorik», azaldu du Lergak. Borondaterik eza hori abiapuntu hartuta, Affnako kideak nabarmendu du «ezinbertzekoa" dela auziaren inguruko eztabaida bultzatzea. «Ez bakarrik Iruñean, aferak herrialde osoari eragiten baitio. Kontuan hartu behar da memoriaren arloko elkarteon eta herritarren iritzia», erran du Lergak. Gizartearen iritziaren gainetik, Legak garbi dauka Erorien Monumentua ez datorrela bat Memoria Historikoaren legearekin. Ondorioz, eraikinari buruzko erabakia Iruñeko Udalari dagokion arren, Nafarroako Gobernuak zer erran baduela erantsi du. «Guk laneak jarraituko dugu auzi hau behingoz konpon dezaten», nabarmendu du Affna elkarteko kideak. JOSEBA ASIRON
Iruñeko alkatea 2015-2019an

«Agerikoa da Navarra Sumak gobernu akordio bat duela PSNrekin» Navarra Sumaren jarrerak ez du harritu Iruñeko EH Bilduko egungo zinegotzi eta alkate ohi Joseba Asiron. PSNrenak, ordea, ezustean harrapatu duela onartu du. «Agerian gelditu da PSNk eta Navarra Sumak aurrekontuez harago doan gobernu akordio bat dutela», erran du. Fusilatuen senideek eta memoriaren arloko gainerako elkarteek egindako presioak eragin du sozialistek atzera egin izana, Asironen ustez. Elkarteon lana nabarmendu du, hain zuzen, eta erantsi du erakundeek kontuan hartu behar dutela. Asironen ustez, bada garaia Erorien Monumentuaren auziari konponbidea emateko, eta konponbide horrek bi arlo ukitu behar dituela azaldu du: «Memoriarena eta hirigintzarena». Aurreko legegintzaldian Iruñeko Udaleko alkate izan zen Asiron (2015-2019), eta bere agindupean egindako urratsak oroitu ditu oraingo EH Bilduko zinegotziak: «Lehenbizi, plazaren izena aldatu genuen, eta Askatasunaren enparantza da orain; Mola eta Sanjurjo ere hobitik atera genituen, modu eredugarri batean; nazioarteko ideia lehiaketa antolatu genuen, gainera, monumentuarekin zer egin erabakitzeko». Lehiaketa horri segida eman diezaion eskatu dio Asironek oraingo udal gobernu taldeari, hain zuzen ere -Affnak eta Arekak ez dute begi onez ikusten; Arekak uste du lehiaketa horrek hirigintzaren auziari egiten diola so, bereziki; Affnak erran du, bertzalde, senideen iritzia kontuan hartu gabe egin zela-. «Aurkeztutako 48 proiektuetatik zazpi aukeratu zituzten adituek», dio Asironek; «bide egoki bat izan daiteke zazpi horietatik hiru aukeratzea eta horien inguruan galdetzea herritarrei». Udaleko indar guztien eta herritarren iritzia kontuan hartu behar dela berretsi du Iruñeko zinegotziak. «Eraikina botatzea eta deus ez egitea alde banatan jarrita, aukera asko dago erdian». FERNAN MENDIOLA
Memoriaren Bideak elkarteko kidea

«Esku hartze artistiko eta arkitektoniko ausarta behar da» Historialaria da Fernan Mendiola, eta Memoriaren Bideak elkarteko kide. Caidos Irauli ekimenean ere parte hartu izan du, eta, horren barruan egindako lanaren ondorioz, garbi erran du Erorien Monumentuak hirian duen «nagusitasuna» hutsean utzi behar dela, baina horrek ez duela erran nahi eraikina eraistea: «Eraikinaren eraldaketa sakona eskatu genuen ekimen horren bidez; errotikoa; esku hartze artistiko eta arkitektoniko ausarta behar da, gerraren eta diktaduraren balioei aurre egiteko». Iruñeko Udalak egindako ideien lehiaketak ez zuen hori lortu. Hori erran du Mendiolak: «Aukeratutako proiektuek ez dute faxismoaren memoria kritikoa egiten». Mendiola are kritikoago agertu da Iruñeko Udalaren oraingo urratsekin. Eraikina erakusketa areto bilakatzeko eta barruan ostatu bat egiteko asmoa salatu du, eta nabarmendu du saio bat izan dela Erorien Monumentua bere horretan uzteko. «Larria da hori». PSNk bete duen rola «negargarritzat» jo du historialariak. «Hasieran Navarra Sumaren laguntzaile gisa agertu zen». Atzera egin izana azaltzeko «zenbait faktore» badirela uste du Mendiolak; memoriaren arloko elkarteen presioa izan da bat, haren ustez; bertze bat, berriz, Navarra Sumarekin bat egin izanak talka eragin izanen lukeela Nafarroako Gobernuak egun indarrean dituen politikekin. «Eraikinak berak talka egiten du Memoria Historikoaren legearekin Nafarroan; hori bada arrazoi nahikoa Nafarroako Gobernuak auzian esku har dezan», erantsi du Memoriaren Bideak elkarteko historialariak. Gobernuak esku hartu ez izanak, hain zuzen, «gabezia bat» uzten du agerian, Fernan Mendiolaren ustez. «Erorien monumentua da nabarmenenetako bat faxismoaren apologia egiten duten eraikinen artean. Auzi horri heltzeko garaia da, eta Nafarroako Gobernuak ezin du beste alde batera begiratu», azaldu du Memoriaren Bideak elkarteko kideak. FERNANDO MIKELARENA
Historialaria «Ez da eztabaida seriorik egin eraikinari buruz, eta hori behar da» Fernando Mikelarenak La (des)memoria de los vencedores liburua (Pamiela) aurkeztu zuen 2020ko urtarrilean. «Irabazleena da kontakizun hegemoniko», erran zuen orduan, eta hegemonia horren adibide aipatu zuen Iruñeko Erorien Monumentua: «Bada garaia dauden tabuak gainditzeko eta ausardiaz jokatzeko. Eraikina eraitsi beharko lukete», erran zuen. Iritzi horri eutsi dio historialariak. Aukerarik «egokiena» Erorien Monumentua behera botatzea litzatekeela erran du. «Ezin bada bota, alda dezatela guztiz eraikinaren esanahia", erantsi du. Aukera hori ere ez dela erraza garbi du Mikelarenak, uste duelako eraikinaren esanahia guztiz aldatzeko ez dela nahikoa biktimak aipatzea: «Biktimarioak ere aipatu behar dira; ezin dugu ahaztu frankismoaren biktimak umiliatzeko eraikina dela Erorien Monumentua». Iruñeko Udalak azken urteotan egindako urratsei buruz kritiko da Mikelarena. Aurreko legegintzaldian egindako ideien lehiaketa ere ez du egokitzat jo, eta, funtsean, monumentuaren etorkizunari buruzko «eztabaida serio bat» falta dela nabarmendu du. «Ez da horrelakorik egin; jendeari ez zaio ongi azaldu Erorien Monumentua zer den». Hori eskatu du Mikelarenak, hain zuzen, auzia behingoz konpontzeko behar den eztabaida egin dezala Iruñeko Udalak.]]>
<![CDATA[Bide erdia, pandemia batek jota]]> https://www.berria.eus/albisteak/199003/bide_erdia_pandemia_batek_jota.htm Sun, 13 Jun 2021 16:08:40 +0200 Edurne Elizondo - Nafarroako Hitza https://www.berria.eus/albisteak/199003/bide_erdia_pandemia_batek_jota.htm

Zangozako alkate Lucia Etxegoien Ojer.

“Herritarren segurtasuna da nire ardura nagusia"
Gorabehera handiko urteak izan dira lehendabiziko biak". Horixe nabarmandu du Zangozako alkate Lucia Etxegoien Ojerrek (Zangoza, 1978), legegintzaldiaren erdia joan denean. 2019ko ekainean hartu zuen kargua (Zangozako Talde Progresista), aurreko lau urteetan zinegotzi aritu eta gero. “Koronabirusaren pandemiak dena baldintzatu du", onartu du, argi eta garbi, orain arte egindako bideari buruz. COVID-19aren osasun krisiaren jokalekuan, bere “ardura nagusia herritarren segurtasuna" izan dela erran du alkateak. Kezka hori, halere, ez du oraingoa, Esako urtegia handitzeko lanek ere eragin nabarmena izan baitute, azken hamarkadetan, Zangozako herritarren egunerokoan, eta gertatu diren lur mugimenduek bizilagunen segurtasuna “ezbaian" jarri dute. 2015ean zinegotzi izendatu zutenean, Zangozako Mankomunitateko presidente ere aritu zen Etxegoien Ojer. “Beti naiz lehena parte hartzeko eskua altxatzen". Grina horrek eraman zuen alkategai izateko aukerari baiezkoa ematera. Bide horrek muga non duen badaki Zangozako alkateak. “Legegintzaldiaren amaieran kargua uztea da nire asmoa; lan gogorra delako, batetik; eta jende berriari bidea eman behar zaiolako, bertzetik". Lanean segitzeko bi urte ditu Etxegoien Ojerrek, oraindik ere. Pandemia hasi zenean sentitu zuen “bakardadea" bazter utzi du jada, eta nabarmendu du, krisiaren gainetik, udala gai izan dela zenbait proiektu garatzeko: herria husteko plana zehaztu, komun publikoak jarri, hainbat ordenantza berritu, zahar etxeko zuzendaria izendatu… “Parte hartzeari eta komunikazioari ere garrantzia eman diegu", erantsi du alkateak. Bi urteotan anitz ikasi duela erran du Etxegoien Ojerrek. “Badakit dena ez dugula ongi egin; hutsak ere badirela. Baina horiek ere ematen dute ikasteko aukera. Helburuak beti behar du izan herriaren alde aritzea". Ez da damutu Angel Navallas aurreko alkateak egindako proposamenari baiezkoa eman izanaz. Baina onartu du gogorra dela lana. Atzean duen talde osoaren babesa eskertu du. Datozen bi urteak ditu buruan. FALTZES Sara Fernandez Allo (PSN). Zuhurtasunez mintzo da Faltzesko alkatea, baina herria “berriz pizten" ari dela uste du Fernandez Allok. Oraingo legegintzaldia lehen esperientzia du politikan.

Faltzesko alkate Sara Fernandez. Iñigo Uriz /Foku

“Zaila izan da krisia, baina ikasteko ere balio izan du"
Zaila izan da. Gogoan dut hasierako estutasuna. Udaletxeko ateak itxi behar izan genituen, zer gertatuko zen jakin gabe. Halere, pandemiak ikasteko ere balio izan du, herriaren aldeko erabakiak hartzen". Horixe nabarmen du Faltsezko PSNko alkate Sara Fernandez Allok (Faltzes, 1988) duela urtebeteko egoerari buruz. Aurrenekoz ari da politikagintzan, eta lanarekin eta amatasunarekin uztartu ditu udaleko eginbeharrak. “PSNren proiektuarekin bat egiten nuelako erabaki nuen hautagai izateko proposamenari baiezkoa ematea", azaldu du. Lehen emakumea da Faltzesko alkatetzan. “Bazen garaia". Taldeko bertze kideen babesa eskertu du, bai eta udaletxeko langileena eta bertze taldeena ere. nabarmendu du “elkarrekin" egin dietela aurre legegintzaldiko lehen erdiko urteei. “Gogorra izan da, udalaren martxa ikasi orduko egin zuelako eztanda osasun krisiak". Lehendabiziko olatuan hogeitik gora herritar hil zirela gogoratu du. “Gehiago zendu ziren gero, zoritxarrez. Gogorra izan zen militarrak zahar etxea desinfektatzen ikustea", azaldu du Faltzesko alkateak. “Zuhurtasunez" jokatzeko beharra nabarmendu du Fernandez Allok, baina garbi erran du herriko giroa jada ez dela pandemiaren hasierako bera. “Herria berriz pizten ari da". Kulturaren arloko ekinaldiak itzuliko dira Faltzesera datozen egunotan, adibidez, eta ontzat jo du alkateak. Pandemia izanagatik ere, udala ez dela geldirik egon erantsi du Fernandez Allok, gainera, eta erdigunean jarri ditu gauzatu dituzten proiektu nagusiak: “Herri lurretako laurogei hektarea ureztatzeko lur bilakatu ditugu; gizarte zentroaren ondoan kontzertuak eta bertze egiteko azpiegitura bat eraiki dugu, eta 0-3 zikloa laguntzeko bideak garatzen ari gara", erran du alkateak. Haur eskola pribatua da, baina diru laguntzen bidez familia guztiek erabili ahal izatea bermatu nahi du udalak. Lana ez dela erraza berretsi du Fernandez Allok. “Herritar orok egin beharko luke denbora bat udalean hemengo martxaz jabetzeko". Kargua hartzeaz ez da damutu, halere. TAFALLA Jesus Arrizubieta Astiz (EH Bildu). Legegintzaldiko lehenengo bi urteak lan handikoak izan dira Tafallako Udalean: uholdeen ondorioz, 2019an; eta pandemiagatik, berriz, azken urtean.

Tafallako alkate Jesus Arrizubieta Astiz.

“Ziurgabetasunak zorrotzago bilakatu gaitu"
Gorabehera handikoak izan dira urteok; 2019ko uztaileko uholdeek sekulako hondamendia eragin zuten herrian, eta iazko abendura arte egon gara izandako kalteen ingurukoak kudeatzen". Tafallako EH Bilduko alkate Jesus Arrizubieta Astizenak (Donostia, 1958) dira hitzak. Kargua hartu eta handik 24 egunera gertatu ziren herriko duela bi urteko uholdeak, hain zuzen. Atseden hartzeko unerik ez du izan, iazko martxoan zaila zen egoera are zailago bilakatu baitzuen osasun krisiak. “Ziurgabetasunak hartu gintuen". Hilabetez egon behar izan zuen Arrizubieta Astizek udaletxetik kanpo, COVID-19ak jo baitzuen. Bi egunez egon zen ospitalean. Egoera zail horretan, halere, onak bilatzen ahalegindu da alkatea: “Ziurgarbetasunak zorrotzago bilakatu gaitu", erran du. Ondorioz, 2020a milioi bat euroren superabitarekin amaitu zuen Tafallako Udalak, agintariak nabarmendu duenez. “Gainera, egin nahi genituen inbertsio gehienak gauzatu ahal izan genituen", erantsi du Arrizubieta Astizek. Arlo pribatutik iritsi zen Tafallako alkatetzara. Erretiro aurreratua hartu eta gero, garbi zuen “zerbait" egin behar zuela, “gizartearentzat baliagarri" izaten segitu nahi zuelako. “EH Bilduk hautagai izatea proposatu zidanean, garbi erran nien nire soslaia ez zela politikoa". Fagor-Ederlan etxean aritu da 42 urtez, eta azken hamarrak kooperatibako presidente izan da. Administrazioan aurkitu duen malgutasunik ezak harritu du gehien. “Hiru hilabete behar dira norbait kontratatzeko; dena doa mantso". Mantso, baina gelditu gabe. Azken bi urteotan egindakoak eta garatu nahi dituenak nabarmendu ditu alkateak: “Kulturguneko sarrera hobetu nahi dugu; Errekoleten eraikina berritu, eskualdeko zerbitzuak hartzeko; eta energiaren esparruan eraginkorrago izateko urratsak egin, bertzeak bertze". Abiadura handiko trenarekin ere badu kezka udalak: “Geltokirik gabe utziko gintuzke; horrek despopulazioa lagundu bertzerik ez luke eginen". Ez du garbi bi urte barru berriz ere hautagai izanen den, baina bai, ordea, “ohore handia" dela alkate izatea. ZIZUR NAGUSIA Jon Gondan Cabrera (Geroa Bai). Oposizioan izan zen lehenbizi, eta alkate, berriz, azken sei urteotan. Krisiaren gainetik, udalak lanerako izan duen gaitasuna nabarmendu du.

Jon Gondan Zizur Nagusiko alkatea.

“Ari gara aldaketarako politikak finkatzen"
Bigarrena du oraingo legegintzaldia Zizur Nagusiko Geroa Baiko alkate Jon Gondan Cabrerak (Iruñea, 1991) kargu horretan. Aurreko legegintzaldian, EH Bildurekin eta Ezkerrarekin osatu zuen hiruko udal gobernua Geroa Baiko agintariak; eta 2019ko ekainaren 15eko osoko bilkuran, berriz, EH Bilduren eta AS Zizur taldearen babesa jaso zuen Gondan Cabrerak alkate bilakatzeko. Aurretik, 2011. urtetik 2015. urtera, oposizioko zinegotzia izan zen. Zizur Nagusian ere ezin izan diote ihes egin koronabirusaren pandemiaren eraginari, eta osasun krisiari aurre egiteko beharrak markatu ditu, neurri handi batean, herri horretako udaletxeko agintarien urratsak, azken urtean. Alkateak, halere, “aurrera egiteko ahalegina" nabarmendu nahi izan du: “Ontzat jotzen dut azken bi urteotan udaletxean egin dugun lana, 2015. urtean agindu genuen aldaketarako politikak finkatzen ari garelako; lanean jarraitzen dugu, gobernu akordioa betetzeko prest", erran du Gondanek. Bertzeak bertze, pandemiak markatutako azken urtean, Zizur Nagusiko Udalak bi milioi euroren inbertsioak egin ditu argiteria berritzeko, karrikak asfaltatzeko, eta Patxi Morentin guneko lanak amaitzeko, alkateak nabarmendu duenez. “Datozen bi urteotan, berriz, gaztetxe berriko lanak jarriko ditugu martxan, eta pentsiodunen elkartea berrituko dugu, besteak beste", erantsi du. Nafarroako Gobernuarekin elkarlanean egin beharrekoak ere aipatu ditu Zizur Nagusiko alkateak; herriko irteera hobetzeko proiektu bat dute, adibidez, bai eta Ardoi urbanizazioan osasun etxe berri bat egitekoa ere. Azken bi legegintzaldien arteko aldea jarri du alkateak erdigunean, bertzalde: lehenak ikasteko aukera eman diola nabarmendu du, batez ere; eta bigarrenak proiektuak gauzatzeko aukera emanen diola garbi du. Halere, zortzi urte ere gutxi direla erran du Zizur Nagusiko alkateak: “Bi legegintzaldi motz gelditzen dira zure herriarentzat nahi duzun proiektua osatu eta garatu ahal izateko". Lanean segitzea du asmo.
]]>