<![CDATA[Ekhi Erremundegi Beloki | Berria.eus]]> https://www.berria.eus Bere azken artikuluak eu Mon, 25 Oct 2021 16:32:15 +0200 hourly 1 <![CDATA[Ekhi Erremundegi Beloki | Berria.eus]]> https://www.berria.eus/irudiak/berriaB.png https://www.berria.eus <![CDATA[Eragileak «baikor» dira Parisek murgiltzeaz eginiko zirkularra dela eta]]> https://www.berria.eus/paperekoa/1891/010/001/2021-10-23/eragileak_baikor_dira_parisek_murgiltzeaz_eginiko_zirkularra_dela_eta.htm Sat, 23 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1891/010/001/2021-10-23/eragileak_baikor_dira_parisek_murgiltzeaz_eginiko_zirkularra_dela_eta.htm
Peio Jorajuria Seaskako lehendakariak uste du aitzinamenduak etor daitezkeela Paristik. «Baikorra naiz murgiltzea Lehen Maila osora hedatzeari buruz». Haatik, haren ustez, badira aipatu ez diren gai batzuk. «Bigarren Maila ez da aipatu; Lehen Mailarekin ez dugu aski». Ohartarazi du azterketak euskaraz pasatzeari buruz ere ez direla mintzatu.

Zirkularra «ahula» izanen da, baina «oraingoz ez dugu besterik», Marie Andree Ouret Biga Bai guraso elkarteko lehendakariaren hitzetan. Hala ere, uste du hizkuntza gutxituen murgiltze irakaskuntza normalizatzeko aukera izan daitekeela, aurki oztopo batzuk kentzen ahal dituelako. «Zirkular horren bidez espero dut hemendik aitzina ikasgela berriak irekitzeko eskaerak izanen direlarik errazagoa izanen dela».

Antton Kurutxarri EEP Euskararen Erakunde Publikoko lehendakariak erran du Parisen izandako bilkuratik «aski kontent» atera zirela. «Baina kasu: parean genituen teknikariak ez dira erabakia hartuko dutenak», ohartarazi du. «Zirriborro bat erakutsi digute, eta eduki aldetik badira gauza interesgarriak, baina alerta gorria: zirkular bat besterik ez da! Goiz ala berant galdera egin beharko dugu ea zer egiten dugun Frantziako Konstituzioarekin».

Jorajuriak argitu zuen zirkularraren behin betiko bertsioa urte bukaera aitzin espero dutela. Ondoren, bigarren bataila abiatuko da: hizkuntza gutxituen gaia Frantziako hauteskundeen agendan sartzea, ondoko legealdian konstituzio aldaketa bati buruz joan daitezen.]]>
<![CDATA[Etxebizitza eskubidearen aldeko manifestaziora deitu dute 30 eragilek Baionan]]> https://www.berria.eus/paperekoa/1893/013/001/2021-10-21/etxebizitza_eskubidearen_aldeko_manifestaziora_deitu_dute_30_eragilek_baionan.htm Thu, 21 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1893/013/001/2021-10-21/etxebizitza_eskubidearen_aldeko_manifestaziora_deitu_dute_30_eragilek_baionan.htm Euskal Herrian bizi, eta etxebizitza ukan. Espekulazioari ez! lelopean. Aspaldi ez da ikusi Ipar Euskal Herriko hainbeste eragile biltzen dituen prentsaurreko bat; gaiak hartu duen garrantziaren erakusgarri da. «Etxebizitzaren krisiak jendarte guzia ukitzen du. Batez ere behar handienetan direnak, baina baita klase ertain-apalekoak ere. Denek pairatzen dituzte krisi honen ondorioak», adierazi du EH Baiko Gabi Arostegik, deitzaileen izenean.

Ipar Euskal Herriko aurpegi esanguratsu batzuek parte hartu dute prentsaurrekoan, hala nola Michel Larralde CFDTko idazkari nagusi ohiak, Colette Capdevielle PSko diputatu ohiak, Victor Pachon CADE elkarteko kideak eta Isabelle Capdeville Lurzaindikoak. Deialdian, Ipar Euskal Herriko ezkerreko alderdi politiko guziak batu dira, baita ia sindikatu guziak ere. Arlo anitzetako eragile andanak ere babestu du protesta.

Bost puntuko adierazpen bat irakurri dute, eta eskaera hauek egin: lurraren eta etxebizitzaren merkatuaren arautzea; lurraren eta etxebizitzaren kontrol publiko edo kolektiboa; etxebizitza ukaiteko eskubidea bi etxe ukaitekoa baino premiatsuagoa izatea; denek etxebizitza duina izateko eta arrazoizko prezioan lortzeko eskubidearen egiazko aplikazioa, eta ekologia eta klima larrialdiekin bateragarritasuna.

Herritarrei dei egin diete protestaren antolakuntzan parte har dezaten, eta tokian toki eta arloz arlo deialdiak egin ditzaten. Antolaketarako biltzar nagusi bat eginen dute Uztaritzeko (Lapurdi) Lapurdi gelan, urriaren 27an.]]>
<![CDATA[Etxebizitza eskubidearen aldeko manifestaziora deitu dute Baionan 30 eragilek]]> https://www.berria.eus/albisteak/204792/etxebizitza_eskubidearen_aldeko_manifestaziora_deitu_dute_baionan_30_eragilek.htm Wed, 20 Oct 2021 16:08:17 +0200 Ekhi Erremundegi Beloki https://www.berria.eus/albisteak/204792/etxebizitza_eskubidearen_aldeko_manifestaziora_deitu_dute_baionan_30_eragilek.htm

Herritarrei ere deia egin diete, "ehunen deiak" biderkatzeko, arloz arlo eta geografikoki.
Horrez gain, manifestaziora giltzak eskuan joatera deitu dute, eta aitzinetik ere argazki eta bideoak egitera animatu dituzte herritarrak, giltzak eskuan manifestaziora deitzeko @berria pic.twitter.com/WdsyNssyxZ - Ekhi Erremundegi (@EkhiErremundegi) October 20, 2021 Agerraldiaren ostean, eragileetako ordezkarien adierazpenak jaso ditu BERRIAk. EH Baiko Gabi Arostegik, adibidez, esan du beharrezkoa dela sindikatuak eta alderdi politikoak elkartzea etxebizitzaren egoera zein den ikusita: «Neurriak hartzeko anbiziotsuak izan behar dugu». Aski dela azpimarratu du Daniel Arotzarenek, Atherbeako ordezkariak. «Krisiari aurre egiteko, zerbait behar dugu eraiki kolektiboki», esan du. Gazte Ekintzako Aitor Servierrek, berriz, azaldu du aspaldikoa dela etxebizitzaren arazoa, baina azken urteetan areagotu egin dela: «Etxebizitzen kopuruen emendatzea, alokairuen prezioen etengabeko igoera...». Gehitu du gizartean areagotu egin dela gaiarekiko kezka, eta eztabaida politikoaren erdigunean dagoela egun: «Horregatik batu ditugu horrenbeste indar, gai honetan inoiz ere egin ez dugun moduan». Amaitzeko, deialdiaren helburua laburbildu du: «Aldarrikatzea herri honetan bizi diren guztiek izan behar dutela etxebizitzarako eskubidea». Azkenik, LAB sindikatuko Argitxu Dufauk adierazi du aterabideak badirela etxebizitzaren arazoarentzat, eta, jendeari itxaropena sortzeaz gain, presio egin behar dutela: «Momentukotz oso zail zaigu Euskal Herrian bizitzea».

]]>
<![CDATA[Prozesuen erronkak eta zailtasunak]]> https://www.berria.eus/paperekoa/1942/009/001/2021-10-17/prozesuen_erronkak_eta_zailtasunak.htm Sun, 17 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1942/009/001/2021-10-17/prozesuen_erronkak_eta_zailtasunak.htm
Justizia trantsizionalerako mekanismoak sortzea ere beharrezkotzat jo zuen, eta gatazkari buruz dauden kontakizun ezberdinak elkartzeko beharra azpimarratu zuen. Lan hori egiteko, Eusko Jaurlaritzak «lidergoa» har lezakeela erran zuen, baina iradoki zuen «interesgarria» izan litekeela Ipar Euskal Herriko bi pertsona izendatzea «istorioak eta kontakizunak biltzeko». Gisa horretara, «gibelean» dagoen guzia bildu, eta alde bakoitzekoen ideia politikoak nondik datozen aztertzeko modua ikusiko luke.

Kasik osorik bete zen, atzo goizean, Baionako Henri Grenet auditoriuma Aieteko urteurrenaren kari antolatutako azken saioan. Ipar Euskal Herriko kasik alderdi guzietako hautetsiak bildu ziren, eta hemendik aitzina ere elkarlanean aritzera engaiatu ziren. Oraindik egiteko gelditzen direnak azpimarratu zituzten, nagusiki, gainerako mahai inguruetan. Kolonbiako eta Irlandako esperientziak aipatu zituzten, besteak beste, hango prozesuetan izandako arazo eta lorpenetatik irakaspenak atera nahian.

Aiete, iraultza bat

Bake prozesua, posible den parioa? mahai inguruan ere, Jean Pierre Massias zuzenbide publikoko irakaslea, Carlos Beristain Kolonbiako Egiaren Batzordeko komisarioa eta Brandon Hamber irakaslea mintzatu ziren. Aietekoa arlo anitzetako «iraultza» izan zela baieztatu zuen Massiassek. Iraultza euskal gatazkan, «inflexio puntu bat» izan zelako, eta metodologian ere iraultza, bai nazioarteko egiaztapenean, baita aldebakartasunean ere. «Metodo ona ote zen? Seguruenik ez zegoen besterik. Hori zen bakea inposatzeko modu bakarra». Azkenik, «amaitu gabeko iraultza» izan dela erran zuen. «Egia, justizia, erreparazioa, eta ez errepikatzea», aipatu zituen erronka gisa.

Mundu osoko prozesuek aurkitu ohi dituzten hiru zailtasun izan ditu Euskal Herrikoak ere. Batetik, boterearen jarrera: «Ezin da zinezko prozesurik izan botereak ez badu parte hartzen». Haren erranetan, edozein prozesutako akordioetan, presoen gaia izan ohi da lehen elementua, baina, horretarako, estatuak inplikatu behar dira. «Lehen galdera da nola bultzatu parte hartzera. Estatua da bake prozesurako oztopo nagusia; prozesuaren garaian dauden politikariak, eta ondotik etorriko direnak».

Gizartearen onarpena ere aipatu zuen zailtasun gisa, baita gaiak sor dezakeen «indiferentzia» ere, Baionako zuzenbide fakultateko lehen urteko bere ikasleak gogoan. «Ez dut uste prozesuaren kontzientziarik dutenik». Azkenik, «pasatzen den denbora» ere aipatu zuen. Hau da, prozesua bigarren mailan emanen duten gai berriak sortzea. «Zer pisu du bake prozesuak koronabirusarekin? Zer pisu du Kataluniako prozesuarekin alderatuta?». Kontzientzia kolektiboan izan daitezkeen bilakaerak ere aipatu zituen. «Kontzientzia kolektiboan borroka armatua eta gerrillariak ez dira gehiago existitzen; terrorismoa baizik ez da».

Kolonbiakoa luzaro doan prozesu bat dela erran zuen Beristainek, eta Euskal Herrikoarekin parekatu zuen, besteak beste, sortu den polarizazio sozialari dagokionez. Azken urteetan sortu dituzten mekanismoak aipatu zituen. Bakerako justizia berezia batetik, gizateria krimenak egin dituztenak epaitzeko epaitegi berezi batekin, egiaren batzordea eta desagertuak bilatzeko batzordea... «Lan hori guzia egiten ari gara gobernuak bakerako borondaterik izan gabe». Gertatutakoa sozializatzeko beharraz ere mintzatu zen. «Badakigu zer gertatu den, arduradunek badakite; helburua da gizarteak jakitea. Memoria behar dugu, baina ez memoria defentsibo bat. Errealitate printzipio bat behar da, minaren errespetuan oinarritzen dena. Errespetu hori da elkarbizitzaren oinarria. Bestela, ez da posible».

Akordioen berrikuspena

Hamberrek 1998ko akordioetatik gaur arte Irlandan izan den bilakaera izan zuen hizpide, presoen askatzean eta biktimen laguntzan egin diren urratsak aipatuta. «Prozesuak luzeak dira. Denborarekin konfiantza arrakalatu da, erronka gehiago agertu direlako». Brexit-a da horietako bat, Ipar eta Hego Irlandaren arteko muga markatu duelako. «1998an inork ez zezakeen halakorik imajinatu. Europako Batasunari esker, mugarik ez zen, baina brexit-arekin bat-batean aldatu da. Aldaketa ikaragarria da».

Denboraren nozioa ere aipagai izan du Hamberrek, presoen eta biktimen gizarteratzea hizpide. «Hogei urte beranduago, gehienak erretiratuak dira: prestazio sozialak behar dituzte, ez lan munduan integratzea. Baina, gaur egun, prestazio sozialetan murrizketak eginak izan diren gizarte batean bizi gara». Bere ikasleen adibidea ere hartu zuen: «Ez dute iraganaren ezagutzarik, baina gure ikerketek erakusten dute haien jarrerak gurasoen berdinak direla. Alta, ez dute bortizkeria bizi izan. Nola engaia ditzakegu gaur egungo gazteak bake prozesuan hogei urte beranduago? Beste gai batzuk jarri dituzte mahai gainean: klima aldaketa, LGTBI gaiak...».

Haren iritziz, 1998ko akordioa berrikusi beharko litzateke. «Gure plan estrategikoa berrikusi behar dugu, eta, horretarako, denbora eta energia behar ditugu; baina, jendea nekatua da». Haren hitzetan, hamar urtean behin berrikusi beharko lirateke halako planak.]]>
<![CDATA[Brian Currin: «Presoen egoera barkaezina da; ez dago aitzakiarik»]]> https://www.berria.eus/albisteak/204619/brian_currin_presoen_egoera_barkaezina_da_ez_dago_aitzakiarik.htm Sat, 16 Oct 2021 14:04:13 +0200 Ekhi Erremundegi Beloki https://www.berria.eus/albisteak/204619/brian_currin_presoen_egoera_barkaezina_da_ez_dago_aitzakiarik.htm <![CDATA[Trenak harrapatu zituen migranteak polizia kontroletatik ihesi zihoazen]]> https://www.berria.eus/paperekoa/1868/011/001/2021-10-15/trenak_harrapatu_zituen_migranteak_polizia_kontroletatik_ihesi_zihoazen.htm Fri, 15 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1868/011/001/2021-10-15/trenak_harrapatu_zituen_migranteak_polizia_kontroletatik_ihesi_zihoazen.htm France Bleu Pays Basque irratiak jakinarazi duenez. Oso nekatuta zegoen, eta ez zuen anitz hitz egin, baina haren lekukotasunak gertatu zenari buruzko argibideak eman ditu.

Gizonezkoak fiskaltzari esplikatu dio polizia kontrolak saihestu nahi zituztela, eta horregatik iritsi zirela trenbidera, uste zutelako ez zituztela aurkituko argirik gabeko eremu horretan. Gainera, trenbide zati hori hutsa egon ohi da ordu horietan: azkeneko trena 22:30ean pasatzen da, eta hurrengo goizeko lehenengoa, harrapatu zituena, 6:00etan baizik ez da pasatzen. Era berean, trenbidetik joatea ez galtzeko modu bat ere bazen laukotearentzat.

Irrati publikoaren arabera, laugarren biktimak jakinarazi du haiek ere tren bat hartzeko asmoa zutela, baina ez du zehaztu zer helmugatara iristeko asmoa zuten. Ikerketa zuzentzen ari direnei emandako esplikazioen arabera, migratzaile taldea «oso nekatua» zegoen, eta horregatik erabaki zuten trenbidean etzatea.

Elkarretaratzea egin zuten herenegun arratsaldean Donibane Lohizuneko geltoki aitzinean (Lapurdi). Migranteen harreran eta haien eskubideen alde lan egiten duten talde ugarik antolatu zuten protesta, eta dozenaka herritar elkartu ziren. Hildako hiruren omenez lore eskaintza egin, eta «giza ehiza» etetea galdegin zuten.

Prefeturaren erantzuna

Peio Dufau Ziburuko hautetsi eta tren gidariak BERRIAri kontatu zion Hendaia eta Baiona arteko trenbidean «maiz» ibiltzen direla migratzaileak. «Polizia gibeletik dute toki guztietan. Bidasoa ibaian bi ito ziren; horrek frogatzen du bide guziak hartzen dituztela mugatik eskapatzeko, Baionara iristeko. Gero eta bide arriskutsuagoak hartzen dituzte kontrolen ondorioz: trenbidea horietako bat da. Trenbideko langileentzat ere zaila da», salatu zuen. «Sekulako arriskuak hartzen dituzte, sobera kontrol badelako. Zer aldatzen du oztopatzeak? Zer aldatzen du? Hain bide luzea eginda, ez dira Poliziarengatik geldituko».

Hala ere, bide beretik segitzeko asmoa erakutsi du Pirinio Atlantikoetako prefeturak. Hedabideei bidalitako ohar batean jakinarazi zuten atzo gauean polizia kontrola ezarriko zutela Urruñan (Lapurdi), 23:00etatik 2:00etara. Operazio mediatiko bat. «Pertsonen eta ondasunen zirkulazio askearen ondorioz, ondasunen eta pertsonen joan-etorriak etengabe handitu dira, horien artean legez kanpoko immigrazioarekin lotutakoak». Polizia kontrolean parte hartu zuten, besteak beste, Philippe Le Moing-Surzur Baionako suprefetak eta Jerome Bourrier Baionako prokuradoreak. Frantziako segurtasun indarretako 115 agentek eta Guardia Zibilak ere parte hartu zuten.]]>
<![CDATA[Powell: «Espainia ez zegoen prest negoziatzeko; hegal bakarrarekin hegan egitea bezala zen»]]> https://www.berria.eus/albisteak/204443/powell_espainia_ez_zegoen_prest_negoziatzeko_hegal_bakarrarekin_hegan_egitea_bezala_zen.htm Thu, 14 Oct 2021 12:01:18 +0200 Ekhi Erremundegi Beloki https://www.berria.eus/albisteak/204443/powell_espainia_ez_zegoen_prest_negoziatzeko_hegal_bakarrarekin_hegan_egitea_bezala_zen.htm Igandean, urriak 17, hamar urte beteko dira Donostiako Aieteko jauregian Euskal Herriko Gatazka Konpontzeko Nazioarteko Konferentzia egin zutenetik, eta, urteurren «borobila» baliatuta, jardunaldiak antolatu dituzte Donostian eta Baionan. Gaur, Aieteko jauregian; etzi, Kursaal jauregian; eta larunbatean, Baionako Henri Grenet auditoriumean. Foro Sozial Iraunkorrak, Conciliation Resources erakundeak, Berghof fundazioak eta Bake Bideak elkarlanean antolatu dituzte ekitaldiak, eta Euskal Herriko alderdi eta sindikatu ia guziek parte hartuko dute. «Aieteko espiritua berreskuratzea» zen jardunaldien helburuetako bat, Foro Sozialaren hitzetan; «izan ere, duela hamar urte, hain aktore ezberdinak bildu zituen, norabide berean arraunean». «Goi mailako protagonistek» parte hartuko dute solasaldietan. Gaur arituko diren hizlariak ez ezik, jardunaldietan arituko dira, besteak beste, Andy Carl, Veronique Dudouet, eta Caroline Guibet Lafaye ere, guztiak ere nazioarteko gatazketan aditu eta arituak. Horien ondoan arituko dira Euskal Herriko eragile eta hautetsi andana, haien ikuspegia emateko eta ekarpenak egiteko. Ondoko egunetarako ere egitarau zabala prestatu dute antolatzaileek. Hitzaldiak luze eta zabal jorratuko ditu BERRIAk, papereko eta Interneteko edizioen bidez.]]> <![CDATA[Polizia kontroletatik ihesi zihoazen asteartean Ziburun trenak harrapatu zituen migranteak]]> https://www.berria.eus/albisteak/204494/polizia_kontroletatik_ihesi_zihoazen_asteartean_ziburun_trenak_harrapatu_zituen_migranteak.htm Thu, 14 Oct 2021 11:53:39 +0200 Ekhi Erremundegi Beloki https://www.berria.eus/albisteak/204494/polizia_kontroletatik_ihesi_zihoazen_asteartean_ziburun_trenak_harrapatu_zituen_migranteak.htm tren batek harrapatuta Aljeriako hiru gizonezko hil ziren lekuan. Laugarrena Baionako ospitalera eraman zuten, larri, eta ebakuntza egin zioten. Atzo mintzatu zen Baionako prokuradorearen aitzinean, France Bleu Pays Basque irratiak jakinarazi duenez. Oso nekatuta zegoen, eta ez zuen anitz hitz egin, baina haren lekukotasunak gertatu zenari buruzko argibideak eman ditu. Gizonezkoak fiskaltzari esplikatu dio polizia kontrolak saihestu nahi zituztela, eta horregatik iritsi zirela trenbidera, uste zutelako ez zituztela aurkituko argirik gabeko eremu horretan. Gainera, trenbide zati hori hutsa egon ohi da ordu horietan: azkeneko trena 22:30ean pasatzen da, eta hurrengo goizeko lehenengoa, harrapatu zituena, 6:00etan baizik ez da pasatzen. Era berean, trenbideetatik joatea ez galtzeko modu bat ere bazen laukotearentzat. Irrati publikoaren arabera, laugarren biktimak jakinarazi du haiek ere tren bat hartzeko asmoa zutela, baina ez du zehaztu zer helmugatara iristeko asmoa zuten. Ikerketa zuzentzen ari direnei emandako esplikazioen arabera, migratzaile taldea «oso nekatua» zegoen, eta horregatik erabaki zuten trenbidean etzatea. Elkarretaratzea egin zuten atzo arratsaldean Donibane Lohizuneko geltoki aitzinean (Lapurdi). Migranteen harreran eta haien eskubideen alde lan egiten duten talde ugarik antolatu zuten protesta, eta dozenaka herritar elkartu ziren. Ziburun hildako hiru gizonen omenez lore eskaintza egin zuten, eta «giza ehiza» etetea galdegin zuten. Prefeturaren erantzuna: polizia kontrola Istripua Donibane Lohizuneko (Lapurdi) tren geltokitik hurbil gertatu zen, «batere argiztatua ez den» leku batean. Peio Dufau Ziburuko hautetsi eta tren gidariak BERRIAri kontatu zion Hendaia eta Baiona arteko trenbideetan «maiz» ibiltzen direla migratzaileak. «Polizia gibeletik dute toki guztietan. Bidasoa ibaian bi ito ziren; horrek frogatzen du bide guziak hartzen dituztela mugatik eskapatzeko, Baionara iristeko. Geroz eta bide arriskutsuagoak hartzen dituzte kontrolen ondorioz: trenbidea horietako bat da. Trenbideetako langileentzat ere zaila da», salatu zuen. «Sekulako arriskuak hartzen dituzte, sobera kontrol badelako. Zer aldatzen du oztopatzeak? Zer aldatzen du? Hain bide luzea eginda, ez dira Poliziarengatik geldituko». Hala ere, bide beretik segitzeko asmoa erakutsi du Pirinio Atlantikoetako prefeturak. Hedabideei bidalitako ohar batean, gaur gauean, Urruñan (Lapurdi), 23:00ak eta 2:00ak artean polizia kontrola ezarriko dutela iragarri dute. «Pertsonen eta ondasunen zirkulazio askearen ondorioz, ondasunen eta pertsonen joan-etorriak etengabe handitu dira, horien artean legez kanpoko immigrazioarekin lotutakoak», diote lehen esalditik. Polizia kontrolean parte hartuko dute, besteak beste, Philippe Le Moing-Surzur Baionako suprefetak eta Jerome Bourrier Baionako prokuradoreak. Operazioan Frantziako segurtasun indarretako 115 agentek parte hartuko dutela jakinarazi dute.]]> <![CDATA[Salatu dute Kanboko laborantza lur batean ehun etxebizitza eraikitzekotan direla]]> https://www.berria.eus/albisteak/204458/salatu_dute_kanboko_laborantza_lur_batean_ehun_etxebizitza_eraikitzekotan_direla.htm Thu, 14 Oct 2021 09:40:13 +0200 Ekhi Erremundegi Beloki https://www.berria.eus/albisteak/204458/salatu_dute_kanboko_laborantza_lur_batean_ehun_etxebizitza_eraikitzekotan_direla.htm Urriaren 24an ehun egun beteko ditu Arbonako (Lapurdi) lurren eta etxebizitzaren okupazioak. ELBk eta Lurzaindiak deituta, ehunka herritarrek parte hartu du laborantza lurren salmenta espekulatiboaren kontrako ekintzan, eta inoiz baino gehiago mediatizatu da Ipar Euskal Herrian lurra eta etxebizitzaren inguruan batek baino gehiagok ikusten duen arazoa. Azaroaren 20an, etxebizitza eskubidearen aldeko manifestazioa eginen dute Baionan, eragile andanak deituta. Testuinguru horretan, oihartzun berezia du gaur Kanbon egin duten agerraldiak. Eragileekin batera, dozenaka herritar agertu da egoera salatzera. «Kanboko sarreran den lur hau laborantzarako erabilia da gaur egun. Paisaia erabat andeatua izanen da», esplikatu du Maryse Cachenault Lurzaindiako bozeramaileak. «Kasik laua da pentzea; interes agronomikoa ukaezina da». Laborantza lurren «sakrifikatzea» salatu du, eta «lurren artifizializazioa» deitoratu. «Bestela eraiki behar dugu; hobeki kudeatu behar ditugu herrietako erdiguneak». Bouyguesen presioak Oraingoz, etxebizitza proiektua salatu duten eragileek bide legalak abiatu dituzte. Euskal Elkargoak onartutako hirigintza planaren kontrako helegitea ezarri zuten Paueko Administrazio Auzitegian, eta berriki jakin dute instrukzioa bukatu dela. Epaiketa ahal bezain fite iraganen dela espero dute. Anartean, Bouyguesek eraikitze baimena eskatu du, eta herriko etxeak onartu egin dio. Hor ere badago arazorik: enpresaren proiektuan, 28 metroko eraikin bat egiteko asmoa dute, baina hori ez doa bat hirigintza planeko irizpideekin. Ondorioz, baimenaren kontrako helegitea ere eman dute herriko etxean, eta, bi hilabeteko epean erantzunik jaso ez dutenez, auzitegira joko dute aurki. Anartean, herriko etxeak hirigintza plana moldatzeari ekin dio, eraikitze baimena baliozkoa bilakatu dadin. Bouygues enpresaren webgunean ikus daiteke Kanbon egin nahi duten proiektuak zer forma hartuko lukeen. Baina Bouygues enpresak ere mugitu ditu fitxak. Salaketa eman duten elkarteetako kideek salatu dute horietako batzuek uxer baten bisita jaso dutela etxean, helegitea kendu ezean «gehiegizko helegiteagatik» salaketa eman, eta «alimaleko diru zamak» ordaindu beharko dituztela mehatxatuta. «Ez diegu intimidazioei men eginen», adierazi du Martine Bouchet CADEko kideak. Hautetsiei deia Egoera salatzeko prentsaurrekoa egin duten eragileek herritarrei eta hautetsiei dei egin diete; zehazki, Euskal Elkargoko batzorde eragileko 35 hautetsiei. Gutun bana bidali diete egoera esplikatu eta esku hartzea eskatzeko. Izan ere, Kanboko hirigintza planaren moldatzea aztertuko dute laster. Edukiarekin «erne» ibiltzeko eskatu diete, herriko etxearen proposamenean eraikitze baimena baliozko bilakatzeko moldaketak egonen direla aurreikusita. Eragileek zehaztu dute «abiatzen» duten mugimendu bat dela, eta oraingoz bide legaletan eta herritarren eta hautetsien «sentsibilizazioan» ezarri nahi dituztela indarrak. Eraikuntza abiatzeko Arbonakoaren gisako ekintza bat abiatzeko prest liratekeen galdetuta, zalantzarik gabe erantzun dute: «ez gara deusi hetsiak».]]> <![CDATA[PP-UPN ez beste guztiak izango dira Aieteren urteurreneko jardunaldietan]]> https://www.berria.eus/paperekoa/2010/008/002/2021-10-13/pp_upn_ez_beste_guztiak_izango_dira_aieteren_urteurreneko_jardunaldietan.htm Wed, 13 Oct 2021 00:00:00 +0200 Ekhi Erremundegi Beloki https://www.berria.eus/paperekoa/2010/008/002/2021-10-13/pp_upn_ez_beste_guztiak_izango_dira_aieteren_urteurreneko_jardunaldietan.htm <![CDATA[Aieteko Konferentziaren urteurrenean izanen diren eragileen aniztasuna nabarmendu du Foro Sozialak]]> https://www.berria.eus/albisteak/204415/aieteko_konferentziaren_urteurrenean_izanen_diren_eragileen_aniztasuna_nabarmendu_du_foro_sozialak.htm Tue, 12 Oct 2021 09:16:29 +0200 Ekhi Erremundegi Beloki https://www.berria.eus/albisteak/204415/aieteko_konferentziaren_urteurrenean_izanen_diren_eragileen_aniztasuna_nabarmendu_du_foro_sozialak.htm <![CDATA[«Argiki erran dezatela eskualde hizkuntzak hil nahi dituztela»]]> https://www.berria.eus/paperekoa/1857/010/001/2021-10-10/argiki_erran_dezatela_eskualde_hizkuntzak_hil_nahi_dituztela.htm Sun, 10 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1857/010/001/2021-10-10/argiki_erran_dezatela_eskualde_hizkuntzak_hil_nahi_dituztela.htm L'Express astekariko kazetaria (1965, Le Raincy, Frantzia) ama zendu zenean hasi zen haren hizkuntza ikasten, duela hamabost urte, Parisen. Ordutik, hizkuntza gutxituei buruzko gogoeta garatu du, Frantziak historikoki haien kontra izan duen jarrera deitoratuta. «Ikusi nuen hizkuntzen gainbeherak Frantzian arrazoi politikoak zituela , erabaki genuelako gure nazio lurraldean erabilitako hizkuntzetako bati bakarrik ematea prestigio estatutu guziak». Zorrotz aztertzen du hizkuntza gutxituen gaia astero idazten duen Sur le bout des languesgutunean.

Agenda politikoan sartu da hizkuntza gutxituen gaia. Zer irakurketa egiten duzu gertatutakoaz? Zeren erakusle da?

Batetik, Paris eta gainerako lurraldeen arteko deskonexioa. Eskualdeko hizkuntzak ez direnez erabiliak Parisen, nire lankideetako anitzek uste dute hizkuntza horiek ez direla gehiago mintzatuak. Anitz harritu dira hiztunak eta atxikimendua deskubritzean.

Bestetik, hizkuntzen inguruko kultura falta erakusten du. Eskolan kultura literario bat lantzen da, baina ez dute deus irakasten Frantziaren hizkuntza ondareaz. Nahitara egina da: zerbait ezagutzen ez dugularik, ez gatzaizkio atxikiak. Hizkuntzak suntsitzea edo hiltzen uztea -funtsean, gauza bera da- ez zaigu jenagarri.

Azkenik, oposizio batzuen izaera ideologikoa erakusten du. Eskola horiei aurre egin behar zaie, separatismoaren kabi batzuk direlako. Ez dute ulertzen nortasun bat baino gehiago izan ditzakegula. Ni biarnesa sentitzen naiz, gaskoia, frantsesa, europarra eta munduko herritarra. Hemen, balio unibertsalak defendatzen dituztenak hizkuntza gutxituen defendatzaileak dira; giza eskubideak defendatzen dituzte. Frantzia bere balioen kontra doa.

Badirudi Frantziako Gobernuak gaiari heldu nahi diola.

Frantziako Gobernua ez da ahobatezkoa gaiari buruz. Blanquer [Hezkuntza ministroa] hizkuntza gutxituen etsaia da, eta behin baino gehiagotan erakutsi du. Jean Castex [lehen ministroa] aldekoa da; auzapez zenean, Bressola laguntzen zuen, eta hizkuntza eta kultura katalanari atxikia da. Emmanuel Macronek ez du ideiarik ere. Nire analisia da hauteskunde interesak lehenesten dituztela. Badakigu konstituzioa aldatzea dela murgiltze eskolak salbatzeko modu bakarra. Ez dago beste biderik. Zirkular bat aipatzen ari dira, baina ez da jurista izan behar ohartzeko zirkular batek ez duela Konstituzio Kontseiluaren pisu bera. Malguki jokatzea da gobernuaren jarrera; errektoreei agindu hori eman zaie, eta Ipar Euskal Herrian murgiltze esperimentazioak ireki dira. Jakin dudanez, Matignoni esker; Blanquer kontra zen.

Frantziako Gobernuak bere konstituzioa desobeditu du.

Inprobisazioa erabatekoa da. Baina konstituzioa aldatzeari uko egiten diote. Zer pasatuko da orain? Murgiltze eskola baten eta Hezkuntza ministerioaren artean izenpetutako hitzarmen bat salatzen badut administrazio auzitegi aitzinean... irabaziko dut. Eskola guziak mehatxatuak dira. Gobernuak denbora irabazi nahi du bozetara arte, jendea ez kexatzeko eta Macronen berrautatzea ez baldintzatzeko; gero, bada ikusiko. Baina gero beranduegi izanen da. Bat egiten dut Paul Molacekin: presidentetzako hauteskundeak aitzin presio egin behar da.

Frantziak hizkuntza gutxituekiko izan duen jarrera deitoratu duzu maiz. Zergatik?

Frantziako Estatuak bi gauza egin ditu mendeetan zehar: transmisioa etsiarazi du familietan, eta eskolak hiztun berriak trebatzea ere etsiarazi du. Hezkuntzako hizkuntza bakar gisa frantsesa hautatu zuen, bereziki XIX. mende bukaeran. Familiei ulertarazi zitzaien etxean ere frantsesez jardun behar zutela haurren eskola eta bizitzako lorpena faboratzeko. Zenbait metodo erabili izan dituzte eskolan: eskualdetako hizkuntzak lotsa sentimenduarekin eta salaketarekin lotu zituzten.

Zigor fisikoak ere izan ziren.

Hala da. Haur batzuek xaboia eman behar zuten ahoan haien hizkuntzan mintzatzeagatik. Bistan dena, heldu bilakatzean ez zieten haien haurrei transmititu. Ez zuen deusetarako balio, ikasketak huts egin zitzaketen... hori errana zitzaien; eta zigortuak eta umiliatuak izateko arriskua zuten. Nik ez diet ezer leporatzen. Erantzukizuna hori antolatu zutenek dute: eskolak eta estatuak. Gurasoak biktimak izan ziren.

Oraingo egoerara gakartza.

Eskola da hiztun berriak prestatzeko modu bakarra, eta debekatzea erabaki dute. Hizkuntza horiek ama hizkuntza gisa zituzten belaunaldiak desagertuko dira; ez da kalitatezko hiztunik izanen. Zintzoak izan daitezela, eta argiki erran dezatela hizkuntza horiek hil nahi dituztela. Bestela, inkonpetentzia da, edo hipokrisia.

Zer ikuspegi dute zure astekarian idazten duzunari buruz?

Askatasun osoa ematen didate. Haatik, badakit irakurlerik ez badut ez dudala segitzen ahalko. Horregatik zabaldu dut deia: asteroko gutunak harpidedunak behar ditu. Eta nahiko nuke beste hedabideak ere lotzea, gobernuak presio handiagoa senti dezan. Adituek diote politika aldatu ezean hamarkada batzuetara metropoliko hizkuntza guziak desagertuko direla. Orain jokatzen da.

Zure idatzietatik ondoriozta daiteke posible ikusten duzula Frantziak bestelako jarrera bat hartzea.

Bai, errealista da, estatu demokratiko orok politikaz alda dezakeelako. Arlo anitzetan aldatu da: abortua eta homosexualitatea delituak ziren lehen. Separatismoa aipatzen da kontrako argudio gisa, baina jendea errespetatua sentitzen denean, ez du herrialdetik ateratzeko gogorik. Atxiki dezagun frantsesa hizkuntza komun gisa, baimendu diezaiogun jendeari bere eskualdeko hizkuntza historikoa ukaitea, eta, zergatik ez, nazioarteko hizkuntza bat. Eleanitzak izan behar ginateke.

Hiztunek jasandako tratu txarrak eta hizkuntzak suntsitzeko borondatea aipatu dituzu. Estatu bortizkeria baten kontakizuna da.

Triste jartzen nau. Ez nago harro, Frantziako armadak Aljerian torturatu zuela jakitean bezala. Frantziako historiaren orrialde beltzak dira. Nik Frantziaren ondarea babesten dut; Frantzia bere ondarea suntsitzen ari da.

Uste duzu erreparazio politika bat beharrezkoa dela egindako kaltea konpontzeko?

Ez da lehentasuna: pragmatikoa izan behar da. Lehentasuna hizkuntzak salbatzea da, eta, beraz, hiztunak behar dira belaunaldi berrietan. Eskola da lehentasuna: murgiltze eredua garatzea. Gero, koofizialtasuna. Haurrek hizkuntza ikasi eta erabiltzeko parada izan behar dute. Erreparazioa, zergatik ez; baina ez ditu hizkuntzak salbatuko. Hilobi batean loreak jartzea hizkuntzak hil izanaz dolu izanez, ezer baino hobeki da; baina oraindik aukera badugu hizkuntza horiek salbatzeko.]]>
<![CDATA[Egoitz Urrutikoetxea kartzelan ez sartzeko eskatu du prokuradoreak]]> https://www.berria.eus/paperekoa/2054/006/001/2021-10-09/egoitz_urrutikoetxea_kartzelan_ez_sartzeko_eskatu_du_prokuradoreak.htm Sat, 09 Oct 2021 00:00:00 +0200 Ekhi Erremundegi Beloki https://www.berria.eus/paperekoa/2054/006/001/2021-10-09/egoitz_urrutikoetxea_kartzelan_ez_sartzeko_eskatu_du_prokuradoreak.htm
Auzipetuari galdeketa luzea egin zioten herenegun. Atzo, lekukoen txanda izan zen: Josu Urrutikoetxea —auzipetuaren aita—, Jean Rene Etxegarai Euskal Hirigune Elkargoko lehendakaria, Monique Elgoihen Lexantzüko auzapeza (Zuberoa), eta Alain Tellier polizia ohia deitu zituen defentsak. Akusazioak ez zuen inor aurkeztu.

Saioa hasi aurretik, Urrutikoetxeari sostengua agertu zion EH Baiko Xabi Larraldek. Halako auziak «guztiz jokoz kanpo» ikusten dituztela adierazi zuen, eta Aieteko Konferentziaren hamargarren urteurrena dela gogoratu. Urrutikoetxea aske uzteko eskatu zuen, eta Parisi eta Madrili galdegin zien Euskal Herrian zabalduriko fasearekin bat datozen neurriak hartzea.

Euskal Herriko egoeraz

Saioa hasi eta berehala, Alain Tellier polizia ohiak hartu zuen hitza, bideokonferentziaz. 1989tik 2015era arte Baionako Polizia judizialeko burua izan zen; «euskal arazoaz» arduratzen zen. Hark 2005eko irailean idatziriko dokumentu bati buruz galdetu zion epaileak, non idatzi baitzuen auzipetua 2003ko udazkenetik sartu zela klandestinitatean. Urrutikoetxeak manifestazio publikoetan parte hartzeari utzi ziola erran zuen, eta ez zegoela «ezagutzen» zizkioten etxebizitzetan: «Garai hartan, klandestinitatean sartzea erran nahi zuen horrek; edo, gutxienez, bizitza publikotik erretiratzeko borondate bat». Prokuradorearen galderei erantzunez, berretsi zuen ez zutela inolako ideiarik ere non zegoen: «Asko harritu ginen desagertu zela ikustean».

Urrutikoetxearen defentsak estu hartu zuen polizia ohia, gutxienez 2005 hasierara arte auzipetuak jarduera publikoa zuela frogatua dagoela erranez. «Nola idatzi dezakezu 2003tik aitzina klandestinitatean zela?». Polizia ohia: «Harritua naiz». Abokatua: «Ni ere bai. Nola idatzi dezakezu halakorik?». Gogor ekin zion: «Ez da seriosa egin duzuna, eta jakin nahi dugu zer helbururekin egin duzun». Hainbat aldiz galdetu zion inork eskatu ote zion hura idazteko. Poliziak ezetz esan zuen, dar-dar bat ahotsean.

Jean Rene Etxegaraik 1960tik aitzina «bere belaunaldiak» bizitakoa azaldu zuen. «Herri honen historiaren bilakaeraren lekuko izan naiz. Sufrimenduarena ere bai. Bi aldeetako biktimena, presoena, edo bilatuak izan direnena». Gizarte zibilari esker gatazka hori bukaerara iritsi dela erran zuen. «Horren parte naiz. Ez naiz engaiamendu nazionalista batean». Zentro-eskuineko politikari frantses gisa aurkeztu zuen bere burua. Duela hamar urteko Aieteko Konferentziatik gertatua aipatu zuen: jarduera armatuaren bukaera, Espainiako eta Frantziako Estatuek prozesuan parte hartzeari uko egin izana, armagabetzea... Eta konponbide prozesua bururaino eramateko beharra nabarmendu zuen. «Zauri horiek txikitatik ezagutu ditut. ETAren bortizkeria, GALena ere bai... Noski, justiziak bere bidea egin behar du. Erabaki bat hartuko duzue, eta erabaki egokia izanen da. Baina justizia ezin da desegin lurraldeen errealitatetik». Haren hitzetan, egoera «bakean» dago orain : «Baina bakea ez da sekula behin betikoa». Erradikaltasun formak itzul daitezkeela iradoki zuen. «Belarria luzatu dezagun gertatu denari buruz. Prozesu judizialak berretsi dezala Euskal Herrian gertatzen ari dena».

Kanala Espainiarekin

Josu Urrutikoetxea auzipetuaren aitak kontatu du 2000ko hamarkadan Espainiako justiziatik ihes egitea erabaki ondotik negoziazioaren bidez gatazkatik ateratzeko lan egin zuela, ETAko kide gisa: «Arnasa luzeko lana izan zen niretzat. Lehenik, mugimendu barruan; Euskal Herriko gizarteko eragileekin; baita nazioarteko eragileekin ere». Horren bidez iritsi zen 2005eko ekainean Genevan (Suitza) osatu zen mahaia.

Semearengan «konfiantza itsua» duela erran zuen. Espainiako Gobernura PSOE iristean, zuzeneko mezu trukea izateko kanal bat irekitzen saiatzeko eskatu zion. Nafarroa Behereko apez batekin egin zuen kontaktua Egoitz Urrutikoetxeak, eta, haren bidez, Frantziako Alderdi Sozialistako hautetsi batekin. «Nik bezala, uste osoa zuen aterabide negoziatu bat behar zela».

Herrian eragile

Monique Elgoihen Lexantzüko auzapezak Egoitz Urrutikoetxeak herriko jardueretan duen parte hartzea azpimarratu zuen, bai hautetsi gisa, bai kulturalki, baina baita herriko eguneroko bizian ere. Urrutikoetxearen alabak aipatuz bukatu zuen: «Elkartasun eta tolerantzia balioekin heziak izan diren bi neskato».

Egoitz Urrutikoetxeak hartu zuen hitza azkenik, bezperan erranak berretsiz. «Euskal arazoaren konplexutasuna aipatu du lehen Tellierek; dosier osoan hori ez da ageri», salatu zuen. «Garaia da kontuan hartzeko. Eta ez hori bakarrik: bi aldeetako sufrimendua ere bai. Euskal gizartea zauritu du, Espainiako eta Frantziakoa ere bai». Euskal Herriaren «aspirazio zilegiak» aipatu zituen. «Espainia eta Frantzia ezpata kolpez eraiki ziren. Agian akatsa izan da pentsatzea aspirazio zilegi horiek indar harreman batean eraikitzen ahal zirela». Helburua eta bidea aipatu zituen. «Anitzetan, bideak helburuak ezkutatzen ditu. Estatuek hori erabili dute, dena terrorismoaren atzean gordetzeko». Euskal Herria «emantzipazio bidean» dela erran zuen. «Gure apustua da bide horretan segitzea, bortizkeriarik gabe. Eta uste dut lortzen ari garela».]]>
<![CDATA[ETAko kide izan zela ukatu du Egoitz Urrutikoetxeak]]> https://www.berria.eus/paperekoa/1954/005/001/2021-10-08/etako_kide_izan_zela_ukatu_du_egoitz_urrutikoetxeak.htm Fri, 08 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1954/005/001/2021-10-08/etako_kide_izan_zela_ukatu_du_egoitz_urrutikoetxeak.htm
2015eko urriaren 7an atxilotu zuten Urrutikoetxea, Parisen. ETAren «aparatu politikoko arduradun garrantzitsutzat» jo zuten, baina, «ikerketa iturriak» aipatuta, ordurako ETArekin loturarik ez zuela erran zuen Ser irratiak. Poliziaren arabera, 2003tik zegoen ihes eginda. Parisko Fresnes presondegian egon ondoren, azaroaren 13an utzi zuten aske. BERRIAri orduan azaldu zion 2009tik gutxienez publikoki eta bere izen-abizenekin bizi zela.

2003an eta 2005ean ETAko kideen kontra izandako bi atxiloketatan oinarritzen dira Urrutikoetxearen kontrako bi prozedurak. Haren hatz markak aurkitu zituzten egunkari batean eta astekari batean. Josu Urrutikoetxearen zaku bat ere aurkitu zuten aita-semeen DNA aztarnekin.

Horrez gain, Frantziako Poliziak egindako txosten batean, 2003ko udatik sasian zegoela zioten txosten hura idatzi zuen polizia gaur deklaratzekoa da, defentsak deituta. Elementu horietan oinarritzen dira garai hartan ETAko kidea zela errateko.

Epailearen galderei erantzunez, azalpenak eman ditu, behin eta berriz azpimarratuz ez dela «sekula» egon etxe horietan, eta aipatutako etakideak ez dituela ezagutzen. Josu Urrutikoetxearen semea dela oroitarazi du, eta garai hartan anitzetan elkartu zela harekin. Hitzorduetara beste pertsona batzuek eraman izan zutela eta bidaia horietako batean utzitako aztarnak izan daitezkeela erran du.

«Gure belaunaldia»

Gatazkaren «ikuspegi manikeotik» atera beharra aipatu du Urrutikoetxeak. «Gure belaunaldiak bortizkeria handiz bizi izan du gatazka». Hunkituta kontatu du txikia zela Espainiako zerbitzuek saiakera egin zutela aitaren autoan lehergai bat ezartzeko. «Biharamunean, aitak pediatrarenera lagundu behar gintuen, arreba, ama, osaba eta ni. Mertzenarioak autoa manipulatzen ari zirela, autoa lehertu zen. Bat hil zen; besteak atxilotuak izan ziren», azaldu du. «Kolpea huts egin izan ez balute, ez nintzen hemen egongo», ohartarazi dio gerora epaileari. «Testuinguru horretan handitu gara. Ez dugu hautatu: pairatu dugu». Azaldu du eskolara joan aitzin auto azpian begiratzen zutela. «Ez zen Beirut: Euskal Herria zen». Frantziako Gobernuak izan zuen parte hartzea argitu beharko litzatekeela iradoki du. «Gure belaunaldiak egoera hori bizi izan du. Eta gure ardura eta betebeharra zen mendeku eta gorroto logika horretatik ateratzea».

2000ko urteetatik aitzina borroka armatuaz zuen iritziaz galdetuta, behin eta berriz errepikatu du ez duela zalantzan jartzen ETAk eragindako mina, baina «bi aldeetan» galdua zela sufrimenduarekiko sentsibilitatea. «Nik ere izan nituen heriotza mehatxuak 2001ean». Mugimenduan eta inguruan zeuden jende anitzek zuten ikuspegia zen, haren ustez, «ezin zela horrela jarraitu». Bortizkeriaren espirala bukatzea beharrezkoa zela erran du. «Ezagutzen duzu gatazka bat egun batetik bestera mundu guziak beste zerbaitetara pasatzea erabakitzen duena? Ez da existitzen. Denbora eskatzen du, lana; erakundean eta erakundetik kanpo. Nik horretan parte hartu dut». Parte guziak konbentzitzeko lan egin behar zela erran du; «baita parean zeuden autoritateak ondorio beretara iristeko ere». Batasunako arduradun zelarik aitaren eskariz, lan horretan aritu zen, 2005eko negoziazioen aukera sortzeko.

Alpeetara bizitzera

2003ko udatik ETAko kide gisa sasian sartu zela dio garai batean egindako polizia txostenak, eta hori publikatu izan dute prentsan ere. Elementu hori erabat ukatu du Urrutikoetxeak auzitegian, eta Koldo Gorostiaga eurodiputatuaren idazkari gisa eta 2005eko udazkenera arte Batasunan egiten zuen lan publikoa aipatu du. «Garai hartan, Euskal Herriarekin distantzia hartzea erabaki nuen». Azaldu duenez, «desadostasunak» zituen negoziazioei buruzko erabakiekin. Era berean, abokatuen bidez jakin zuen Frantziako justizia bera ikertzen ari zela. «Alpeetara bizitzera joatea erabaki nuen, eta han bizi izan nintzen urte batzuez».

2009tik aitzina bere emaztea batu zitzaion, eta haren izenean alokatu zuten etxea. Haurrak izan zituzten, eta bere izenean erregistratu zituen Egoitz Urrutikoetxeak. Goi mendietako aterpetxe batean lan egiten zuen, eta jendarmeekin harremanean zen erregularki, nahiz eta haiek ez jakin bera nor zen. «Horregatik aipatzen nuen kontakizun manikeoa. Garai hartan ez nuen konfiantzarik Frantziako justizian, baina ez nintzen klandestinitatean. Filiazio bat leporatzen zitzaidala iruditzen zitzaidan». 2014tik aitzina Parisera joatea erabaki zuen, erabat publikoki, ihesean zegoela erranez eraikitzen ari ziren kontakizunari aurre egiteko.

Epaiketa atxilotu eta sei urtera egiteak dakarren «itxarote luzea» azpimarratu du: «Kartzela zigor bat gogorra da, baina Damoklesen ezpata batekin bizitzea, familia bat duzularik...»]]>
<![CDATA[Negoziazioekin lotuta epaituko dute gaur Egoitz Urrutikoetxea]]> https://www.berria.eus/paperekoa/1879/013/001/2021-10-07/negoziazioekin_lotuta_epaituko_dute_gaur_egoitz_urrutikoetxea.htm Thu, 07 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1879/013/001/2021-10-07/negoziazioekin_lotuta_epaituko_dute_gaur_egoitz_urrutikoetxea.htm
2015eko urriaren 7an atxilotu zuten Urrutikoetxea, Parisen. ETAren «aparatu politikoko arduradun garrantzitsutzat» jo zuen Espainiako Barne Ministerioak, baina, «ikerketa iturriak» aipatuta, ordurako ETArekin loturarik ez zuela erran zuen Ser irratiak. Poliziaren arabera, 2003tik zegoen ihes eginda Urrutikoetxea. Parisko Fresnes presondegian aste batzuk pasatu ondoren, azaroaren 13an utzi zuten aske, eta Euskal Herrira itzuli zen. BERRIAri orduan azaldu zion 2009tik gutxienez publikoki eta bere izen-abizenekin bizi zela. Gaur eta bihar iraganen den auzi saioan, aitzineko urteei buruzko argipenak ere emanen ditu.

Laure Heinich eta Laurent Pasquet-Marinacce abokatuek defendatuko dute. Lekukoak ere izanen dira, hala nola Monique Elgoihen Lexantzüko (Zuberoa) auzapeza bertako hautetsi da Egoitz Urrutikoetxea, Sophie Wahnich Urrutikoetxea prestatzen ari den doktoretza tesiaren zuzendaria eta Josu Urrutikoetxea, auzipetuaren aita. Haren kontra diren «froga elementu arinak» deseraikitzeaz gain, testuinguruaz ere aritzeko asmoa dute, Egoitz Urrutikoetxeak BERRIAri azaldu dionez. Josu Urrutikoetxearen kasuan bezala, 2005eko negoziazioen harira leporatzen diote hari ere ETAko kide izatea.

Hatz markak egunkarian

2003an eta 2005ean ETAko kideen kontra izandako bi atxiloketatan oinarritzen dira bi prozedurak. Lehenengoan, Egoitz Urrutikoetxearen hatz markak aurkitu zituzten Gara egunkari batean; bigarrenean, gauza bera, Pyrenees Magazine astekari batean. Josu Urrutikoetxearen zaku bat ere aurkitu zuten bigarren operazioan; familiako argazkiak, dokumentu politikoak eta gatazkaren konponbideari lotutako dokumentuak zeuden bertan, eta, oihal batean, Urrutikoetxea aita-semeen DNA aztarnak ere bai.

Horrez gain, bere garaian Frantziako Poliziak egindako txosten bat ere sartu dute prozeduran, 2003ko udatik Egoitz Urrutikoetxea sasian zegoela zioena. Bi elementu horietan oinarritzen dira garai hartan ETAko kidea zela errateko. Alta, Koldo Gorostiaga Euskal Herritarrok-eko eurodiputatuaren idazkari gisa jardun zuen 2004ko urtearen bukaera arte, eta Herritarren Zerrenda hautagaitzaren hauteskunde kanpainako Ipar Euskal Herriko koordinatzailea izan zen, erabat jardun publikoa eginez. Txostena idatzi zuen poliziarekin konfrontazioa eskatu zuten Urrutikoetxearen abokatuek, baina instrukzio epaileak ez zuen onartu.

Elementu horietatik ateratzen duten ondorioa da 2005ean hasiko ziren Genevako (Suitza) negoziazioen prestaketan ari zirela. Josu Urrutikoetxea ere epaitu beharra dute afera beragatik, baina haren kontrako prozedura instrukzio fasera itzultzea erabaki zuen Parisko Dei Auzitegiko epaileak joan den irailaren 13an.

Sagarzazuren aurrekaria

Egoitz Urrutikoetxea ETAko kide izan zela frogatu beharko du epaiketan Terrorismoaren Aurkako Frantziako Ministerio publikoak. Garai hartan Josu Urrutikoetxearekin harremana izan zuela frogatua dago, baina horrek erakundeko kidetza frogatzen ote du? Bestalde, ETAko kideekin harremana izan zuela frogatzera iritsiko balira ere, hori ETAko kide izatea ote da?

Hain zuzen ere, Ramuntxo Sagarzazu ezker abertzaleko militantearen aurrekaria dago hor. 2015eko irailean atxilotu zuten, Baigorrin (Nafarroa Behera), Iratxe Sorzabal eta David Pla ETA zeneko kideekin batera. Baina instrukzio epaileak hura kargugabetzea erabaki zuen, erakunde armatuko kideekin konponbide prozesuaz mintzatzea delitu ez zela ebatzita. Armak zigilatzeko prozesuan ari zen garai hartan ETA erakundea. Urrutikoetxea aita-semeen kasuan galdera berdintsuari erantzun beharko dio Frantziako justiziak. Delitu ote da gatazka armatuaren bukaerara iristeko helburuarekin ETAko kideekin harremanean egotea?]]>
<![CDATA['Molac legeari' buruz eginen dituzte Jagon jardunaldiak, Euskaltzaindiak eta Euskal Konfederazioak antolatuta]]> https://www.berria.eus/albisteak/204177/039molac_legeari039_buruz_eginen_dituzte_jagon_jardunaldiak_euskaltzaindiak_eta_euskal_konfederazioak_antolatuta.htm Wed, 06 Oct 2021 20:41:14 +0200 Ekhi Erremundegi Beloki https://www.berria.eus/albisteak/204177/039molac_legeari039_buruz_eginen_dituzte_jagon_jardunaldiak_euskaltzaindiak_eta_euskal_konfederazioak_antolatuta.htm

âÂÃ'€¼Molac legeari buruzko jardunaldia antolatu dugu @Konfederazioa -rekin elkarlanean.
ðÂÃ'¾ÂÃ'¨Urriaren 22an izanen da, Baionako Herriko Etxean.
ðÂÃ'¾ÂÃ'Â'ÂÃ'Â^Izen-ematea zabalik, urriaren 20ra arte: info@euskaltzaindia.eus / 05 59256426#ekinetajarrai @topagunea @euskaragenda @kulturklik @Kanaldude pic.twitter.com/TLdijeN5Q5 - Euskaltzaindia (@plazaberri) October 6, 2021 Lau aldi izanen dituzte urriko jardunaldiek. Legea eta haren helmena eta Frantziako Kontseilu Konstituzionalaren helegitearen ondorengo egoera aztertuko dituzte, lehenik, Paul Molac Bretainiako diputatuak eta Eneritz Zabaleta zuzenbide doktoreak. Ondoren, arlokako eragileen ikuspegia jasoko dute. Hezkuntza arloko eragileena lehenik: Peio Jorajuria Seaskako lehendakaria, Aña Mari Irungarai Euskal Haziak guraso elkarteko kidea, Marie Andree Ouret Baga Biga gurasko elkarteko kidea eta Maddi Bordagarai Uda Lekuko koordinatzailea arituko dira mahai inguruan. Hautetsien ikuspegia jasoko dute ondotik. Max Brisson Errepublikanoetako senataria, Mathieu Berge Akitania Berria eskualdeko hautetsia, eta Antton Kurutxarri EEP Euskararen Erakunde Publikoko lehendakariak hartuko dute hitza. Azkenik, hizkuntza akademietako ordezkariak mintzatuko dira, Okzitania, Bretainia eta Kataluniako akademietakoak eta Euskaltzaindikoa. Luxi Detxart Euskal Konfederazioko kideak eta Sagrario Aleman euskaltzainak emanen diete bukaera jardunaldiei, ondorioen aurkezpenarekin.]]> <![CDATA[2005eko negoziazioekin lotuta epaituko dute Egoitz Urrutikoetxea Parisen]]> https://www.berria.eus/albisteak/204173/2005eko_negoziazioekin_lotuta_epaituko_dute_egoitz_urrutikoetxea_parisen.htm Wed, 06 Oct 2021 09:38:49 +0200 Ekhi Erremundegi Beloki https://www.berria.eus/albisteak/204173/2005eko_negoziazioekin_lotuta_epaituko_dute_egoitz_urrutikoetxea_parisen.htm 2015eko urriaren 7an atxilotu zuten Urrutikoetxea Parisen, beste bi lagunekin. ETAren «aparatu politikoko arduradun garrantzitsutzat» jo zuen Espainiako Barne ministerioak, baina, «ikerketa iturriak» aipatuta, ordurako ETArekin loturarik ez zuela erran zuen Ser irratiak. Parisen unibertsitate ikasketak egiten ari zela ere aipatu zuen, eta han bizi izan zela azken urtebetean. Poliziaren arabera, 2003tik zegoen ihes eginda Urrutikoetxea. Espainiako eta Frantziako barne ministerioek nabarmendu zuten «hainbat urtetan» bilatu zutela, eta lehenago, bi aldiz zabaldu zuten atzeman zutela, hala izan gabe. 2015eko martxoan, lagun bat atxilotu zuten Berrogainen (Zuberoa), ETAk agiria atera -egiaztatzaileekin armagabetzeko metodoa hitzartu zuela esan zuen- eta Baionako Bake Foruma ospatu zen egun berean. Ez zen Urrutikoetxea, ordea. 2015eko irailaren 22an ere haren izena zabaldu zuten, Baigorrin (Nafarroa Beherea) egindako operazioaren harira. Baita Egoitzen aita eta ezker abertzaleko militante historiko Josu Urrutikoetxearena ere. David Pla, Iratxe Sorzabal, Ramon Sagarzazu eta Patxo Flores atxilotu zituzten orduan. Parisko Fresnes presondegian aste batzuk pasatu ondoren, azaroaren 13an utzi zuten aske Egoitz Urrutikoetxea, komando jihadista batek Frantziako hiriburuan dozenaka hildako eragin zituen gau berean. Biharamunean zegoen lehen trena hartu eta Euskal Herrira itzuli zen. «Fresnesko presondegitik atera, eta lagun batzuekin Parisera nindoan, askatasuna ospatzera. Orduan helarazi ziguten atentatuen berria. Etxean sartu ginen. Ez zen giro Parisen. Astakeria latza izan da», azaldu zion BERRIAri egun batzuk geroago. Azkenaldian izandako ibilbideari buruzko azalpenak ere eman zituen: «Bada urte eta erdi bat Parisen bizi naizela, iazko uda hasieratik, neure izenean bizi ere. Diderot Paris 7 unibertsitatean ari naiz ikasten duela urtebete pasatik. Historia master baterako izena eman nuen, eta bigarren ikasturtean nago. Lanean ere aritu naiz: ekainean hilabete batez; irailean, langabezian izena emateaz gain, lan batzuetarako aurkeztu nintzen, eta aurkitu nuen bat, luzarorako. Atxilotu ninduten garaian lanean ari nintzen, eta ikasten ere bai. Kontu korronte bat ere zabaldu nuen. Beraz, bizimodu arrunta egiten nuen Parisen. Ni gehien harritu nauena da horrenbeste denbora utzi izana horrela». 2009tik gutxienez publikoki eta bere izenean bizi zela erran zuen elkarrizketa hartan. «Bi haur izan genituen orduan, eta Grenoble [Frantzia] ondoko udalerri bateko herriko etxe batean erregistratu genituen, neure izena erabilita. Neu joan nintzen herriko etxera, eta paperak egin nituen», esplikatu zuen. Bihar eta etzi iraganen den auzi saioan, aitzineko urteei buruzko argipenak ere emanen ditu. Laure Heinich eta Laurent Pasquet-Marinacce abokatuen laguntza izanen du Urrutikoetxeak Parisko Zigor Auzitegian. Lekukoak ere izanen dira, hala nola Monique Elgoihen Lexantzüko (Zuberoa) auzapeza -horko hautetsi da Egoitz Urrutikoetxea-, Sophie Wahnich Urrutikoetxea prestatzen ari den doktoretza tesiaren zuzendaria, eta Josu Urrutikoetxea, auziperatuaren aita. Haren kontra diren «froga elementu arinak» deseraikitzeaz gain, testuinguruaz ere aritzeko asmoa dute, «erabat anakronikoa» dela erakusteko, Egoitz Urrutikoetxeak BERRIAri azaldu dionez. Josu Urrutikoetxearen kasuan bezala, 2005eko negoziazioen harira leporatzen diote hari ere ETAko kide izatea. Hatz markak egunkarian 2003an kokatua da bi prozeduretako bat. ETAko kide batzuk atxilotu zituzten Bordelen (Okzitania), eta, ikerketaren harira, haiekin lotutako auto bat eta etxebizitza bat aurkitu zituzten. Horietan, zaku bat zegoen, Gara egunkariaren ale batekin, eta egunkarian, Egoitz Urrutikoetxearen hatz markak. Ez etxean, ez autoan ez zuten Urrutikoetxearen beste aztarnarik aurkitu. Horrez gain, garaia hartan Frantziako Poliziak egindako txosten bat ere sartu dute prozeduran, 2003ko udatik Egoitz Urrutikoetxea sasian zegoela zioena. Bi elementu horietan oinarritzen dira garai hartan Egoitz Urrutikoetxea ETAko kidea zela errateko. Alta, Koldo Gorostiaga Euskal Herritarrok-eko eurodiputatuaren idazkari gisa jardun zuen 2004ko urte bukaera arte, eta Herritarren Zerrenda hautagaitzaren hauteskunde kanpainako Ipar Euskal Herriko koordinatzailea izan zen, erabat jardun publikoa eginez. Txostena idatzi zuen poliziarekin konfrontazioa eskatu zuten Urrutikoetxearen abokatuek, baina instrukzio epaileak ez zuen onartu. Egoitz Urrutikoetxea, 2004ko udan, Corteko (Korsika) nazioarteko topaketetan Bigarren prozedura ETAko beste bi kideren atxiloketan oinarritzen da. Villeneuve-sur-Lotte (Okzitania) herrian zeuzkaten etxe bat eta garaje bat aurkitu zituen Frantziako Poliziak, eta horietan Pyrenees Magazine astekariaren ale bat, Egoitz Urrutikoetxearen hatz markekin; ez zegoen haren beste aztarnarik. Garajean, Josu Urrutikoetxearen zaku bat, familiako argazkiak, dokumentu politikoak eta gatazkaren konponbideari lotutako dokumentuak. Zaku barneko oihal batean, Urrutikoetxea aita-semeen DNA aztarnak ere bazeuden. Elementu horietatik ateratzen duten ondorioa da 2005ean hasiko ziren Genevako (Suitza) negoziazioen prestaketan ari zirela. Josu Urrutikoetxea ere epaitu beharra dute afera beragatik, baina haren kontrako prozedura instrukzio fasera itzultzea erabaki zuen Parisko Dei Auzitegiko epaileak joan den irailaren 13an. Egoitz Urrutikoetxearen hitzetan, haren kontrako prozeduran ez dute aurkeztu ikerketa txosten edo froga elementu argirik hura ETArekin lotzeko. «Kontakizun bat dago, besterik ez». Sagarzazu aurrekaria Egoitz Urrutikoetxea ETAko kide izan zela frogatu beharko du epaiketan terrorismoaren aurkako Frantziako ministerio publikoak. Garai hartan Josu Urrutikoetxearekin harremana izan zuela frogatua dago, baina horrek erakundeko kidetza frogatzen ote du? Bestetik, ETAko kideekin harremana izan zuela frogatzea lortuko balute ere, horrek ETAko kide izatea esan nahi ote du? Hain zuzen ere, Ramon Sagarzazu ezker abertzaleko militantearen aurrekaria dago hor. 2015eko irailean atxilotu zuten, Baigorrin (Nafarroa Behera), Iratxe Sorzabal eta David Pla ETA zeneko kideekin batera. Baina instrukzio epaileak erabaki zuen hura kargutik kentzea, erakunde armatuko kideekin konponbide prozesuaz mintzatzea delitu ez zela ebatzita. Armak zigilatzeko prozesuan ari zen garai hartan ETA erakundea. Urrutikoetxea aita-semeen kasuan, galdera berdintsuari erantzun beharko dio Frantziako justiziak. Delitu ote da gatazka armatuaren bukaerara iristeko helburuz ETAko kideekin harremanean egotea?]]> <![CDATA[Hautetsi nagusiak bilduko ditu Baionan Aieteren urteurrenak]]> https://www.berria.eus/paperekoa/1879/006/001/2021-10-06/hautetsi_nagusiak_bilduko_ditu_baionan_aieteren_urteurrenak.htm Wed, 06 Oct 2021 00:00:00 +0200 Ekhi Erremundegi Beloki https://www.berria.eus/paperekoa/1879/006/001/2021-10-06/hautetsi_nagusiak_bilduko_ditu_baionan_aieteren_urteurrenak.htm
Joan den larunbatean zendu zen Michel Tubiana bakegilea oroituz hasi zuen aurkezpena Anaiz Funosas Bake Bideko presidenteak. LDH giza eskubideen ligako ohorezko presidente zena Euskal Herriko gatazkaren konponbidean aktiboki esku hartu dutenen bidelagun izan da azken urteetan. Agus Hernan Foro Sozialeko bozeramaileak jardunaldiak antolatu dituzten lau erakundeek adostu duten adierazpena irakurri zuen: «Gure ustez, urteurren hau abagune egokia da azken hamarkadan Euskal Herriko gatazkaren eraldaketan lortutako aurrerapenak gogoratzeko eta ospatzeko —nahiz eta oraindik ere hainbat oztopo eta erronka dauden—, eta, horrekin batera, pandemiaren osteko mundu berri honetan bakearen arloan ditugun erronkak aztertzeko eta eztabaidatzeko, eta euskal prozesuaren irakaspen eta erronken inguruan hausnartzeko».

Hausnarketa horri eginen diote lekua, hain zuzen, urriaren 16ko jardunaldietan. «Goiz osoa izanen da, tentsoa, edukiz betetakoa», laburbildu du Funosasek, «egindako bideaz jasotako irakaspenak, alde guzietatik jasotako ekarpenak, munduan antolatzen diren beste bake prozesuei buruzko begirada...».

Jean Daniel Elixiri Bake Bideko kideak emanen dio hasiera egunari, eta Veronique Dudouet Berghof fundazioko zuzendariak segituko du ondoren «bake prozesuaren irakasgaiak» aipatzeko. Ondoren, Ipar Euskal Herriko hautetsi eta aktore politikoen begirada eskainiko dute. Parte hartzaileen artean izanen dira Jean-Jacques Lasserre Pirinio Atlantikoetako Departamenduko presidentea; Jean-Rene Etxegarai Euskal Hirigune Elkargoko lehendakari eta Baionako auzapeza; Frederique Espagnac PSko senatari eta Akitania Berriko hautetsia; Max Brisson LRko senataria eta departamenduko hautetsia; Vincent Bru Modemeko diputatua; Alain Iriart Hiriburuko auzapez eta Euskal Elkargoko hautetsia, EH Baiko kidea; eta Alice Leiziagezahar Akitania Berriko hautetsi ohia eta EELVko kidea.

Ondotik, Aietetik hona egin dena eta etorkizuneko erronkak aipatuko dituzte Caroline Guibet Lafaye soziologoak, Funosasek eta Hernanek, eta orain arteko prozesuari buruzko «kanpo begirada» ere landuko dute Bake prozesua, posible den parioa? izenburua dakarren mahai inguruan. Adiskidetze prozesuetan aditua den Brandon Hamber irakasleak, Carlos Beristain Kolonbiako egiaren lantaldeko komisarioak eta Jean-Pierre Massias zuzenbide publikoko irakasleak hartuko dute hitza. Azkenik, Brian Currin abokatuak itxiko du hitzaldi sorta, Euskal Herriarentzat diren desafioak aipatuz.

Pauso perspektibarik ez

Azken urteetako «lorpenak eta mugimenduak» oroitarazi zituen Funosasek, baina onartu zuen azkenaldian ez dagoela aurrerapenik. «Frantziako Justizia Ministerioarekin kontaktuek segitzen dute, baina ez da perspektibarik pauso gehiagorako». Mobilizazio gehiago antolatuko dituztela iragarri du, besteak beste Jakes Esnal eta Unai eta Jon Kepa Paroten kasuak konpon daitezen.]]>
<![CDATA[Ipar Euskal Herriko hautetsi nagusiak bilduko ditu Aieteko Konferentziaren urteurrenak]]> https://www.berria.eus/albisteak/204133/ipar_euskal_herriko_hautetsi_nagusiak_bilduko_ditu_aieteko_konferentziaren_urteurrenak.htm Tue, 05 Oct 2021 13:37:49 +0200 Ekhi Erremundegi Beloki https://www.berria.eus/albisteak/204133/ipar_euskal_herriko_hautetsi_nagusiak_bilduko_ditu_aieteko_konferentziaren_urteurrenak.htm <![CDATA[Hendaiako atxikitze zentroa ez ixtea erabaki du Paueko Administrazio Auzitegiak]]> https://www.berria.eus/albisteak/203843/hendaiako_atxikitze_zentroa_ez_ixtea_erabaki_du_paueko_administrazio_auzitegiak.htm Wed, 29 Sep 2021 12:26:59 +0200 Ekhi Erremundegi Beloki https://www.berria.eus/albisteak/203843/hendaiako_atxikitze_zentroa_ez_ixtea_erabaki_du_paueko_administrazio_auzitegiak.htm Bezperan iragan zen auzi saioa, Atzerritarren Defentsarako Abokatuen Kolektiboak jarritako eskaeraren harira. Abokatuek argudiatu zuten Hendaiako atxikitze zentroak segurtasun neurriak ez dituela betetzen. Auzitegiaren berri izan bezain laster, Frantziako Estatu Kontseilura joko dutela iragarri dute, oinarrizko eskubideak babesteko berehalako prozedura bat abiatzeko. «Errefuxiatuak administrazioaren kondenatuak dira», deitoratu du Francisco Sanchez abokatuak. Abokatu kolektiboaren iritziz, gaur egun Hendaiako zentroak ez ditu baldintzak betetzen. Batetik, iragan irailaren 19an gertatutako sute denboran, alarmak ez zuen jo, eta larrialdi ateek ez zuten funtzionatu. Bestetik, higiene neurriak betetzeko protokolo nahikorik ez dela salatu zuten. Hortaz, obrak egitea ezinbestekotzat jo zuten abokatuek, eta, anartean, zentroa ixteko eskatu zioten Paueko Auzitegi Administratiboari. Suteen aditu batek azaldu zuen, gainera, iragan igandeko sutearen ondorioz, kea oraindik ere toxikoa dela bertan dauden atxikientzat eta langileentzat. Horregatik, hain zuzen, behin-behinean ixteko eskaria egin zuen abokatuen kolektiboak. CIMADE laguntza juridikorako elkarteko langileak, bestalde, iragan astetik ez dira atxikitze zentroan egon. Egoera ikusirik, bertatik lekutzea erabaki zuten, eta zentroa ixteko eskatu. «Bertan atxikiak diren pertsonen segurtasuna bermatua ez deino, ez gara bertara hurbilduko», adierazi zuten orduan. Erabakiaren harira, ez dakite oraino zer segida izanen duen aferak. Frantziako administrazioaren jarrera salatu zuen BERRIAn Maud Steuperaert, atxikitze zentroen CIMADE elkarteko eskualdeko arduradunak. Hendaiako atxikitze zentroan 30 egun pasatu zituen Kadiri E.-k. Zentroan izandako sutearen ondorioz, Nimesera lekualdatu dute, eta beste 28 egun pasatuko ditu han. Handik lekukotasuna eman nahi izan dio BERRIAri, nahi baitu jendeak «egia» jakin dezan: «Zer eskubidez ari gara? Administrazio arazoengatik gauzkate preso hemen».]]>