<![CDATA[Iker Markinez | Berria.eus]]> https://www.berria.eus Bere azken artikuluak eu Tue, 29 Nov 2022 02:55:16 +0100 hourly 1 <![CDATA[Iker Markinez | Berria.eus]]> https://www.berria.eus/irudiak/berriaB.png https://www.berria.eus <![CDATA[Muskuiluak lurrunetan ozpin olioarekin]]> https://www.berria.eus/paperekoa/1877/037/002/2022-11-26/muskuiluak_lurrunetan_ozpin_olioarekin.htm Sat, 26 Nov 2022 00:00:00 +0100 Iker Markinez https://www.berria.eus/paperekoa/1877/037/002/2022-11-26/muskuiluak_lurrunetan_ozpin_olioarekin.htm 4 LAGUNENTZAT

Kilo bat muskuilu.
Ozpin oliorako:
Bi baratxuri.
Tipulin bat.
Piper gorri bat.
Gatza.
Oliba olioa.
Ozpina.

1. Lehenik, ozpin olioa prestatuko dugu. Horretarako, moztu hiru barazkiak karratu txikietan. Jarri ontzi batean, gehitu gatz pitin bat, lau koilarakada ozpin eta dozena bat koilarakada oliba olio. Guztia ongi nahastu eta gorde.

2. Muskuiluak ongi garbitu. Kendu dituen iletxoak.

3. Jarri lapiko bat sutan, lapikora ezer bota gabe. Jarraian, gehitu muskuiluen herena. Estali taparekin eta utzi hiru minutuan, beren lurrunetan egosten, guztiak ireki arte. Ondoren, atera lapikoko muskuiluak erretilu batera, eta lapikoa berriz sutan jarri. Muskuiluen beste heren bat gehitu eta jarraitu aurreko urrats guztiak. Horrela, muskuilu guztiak ireki arte.

4. Garrantzitsua da urrats hori ongi jarraitzea. Bestela, muskuilu guztiak batera egiten baditugu, batzuk azkar irekiko dira eta beste batzuk, berriz, geroago. Ondorioz, muskuilu batzuk oso egosiak aterako dira. Multzo txikietan eginez gero, hori saihestuko dugu.

5. Erretiluan irekita dauden muskuiluak eskuarekin guztiz ireki, eta kendu hutsik geratzen den oskola. Gainerakoak jarri erretilu zabal batean, denak errenkadan. Ozpin olioz ongi busti eta segituan prest izango ditugu dastatzeko. Hotzak ere jan ditzakegu, baina egosi berritan ozpin olioztatuz gero, izugarrizko zaporea nabarituko dugu.]]>
<![CDATA[Shiitakeak azalore, piper eta legatz frijituarekin]]> https://www.berria.eus/paperekoa/1876/045/002/2022-11-12/shiitakeak_azalore_piper_eta_legatz_frijituarekin.htm Sat, 12 Nov 2022 00:00:00 +0100 Iker Markinez https://www.berria.eus/paperekoa/1876/045/002/2022-11-12/shiitakeak_azalore_piper_eta_legatz_frijituarekin.htm 4 LAGUNENTZAT

4 shiitake.
Azalore txiki bat.
3 piper berde.
400 gramo legatz, garbituta.
50 gramo irin.
Arrautzak.
Oliba olioa.
Gatza.

1. Azalorea loretxoetan banatu (errezetaren argazkian ikusten den moduan). Jarri azalore loretxoak zartagin batean, eta bota gatz pixka bat eta olio txorrotada bat. Estali zartagina taparekin. Jarri berotzen, su ertainean, eta erregosi hamabost minutuan, betiere tapa jarrita.

2. Tarte horretan, hartu shiitakeak. Haien txapelak bakarrik erabiliko ditugu errezeta honetan. Txapelak bereizi, eta erregosi beste zartagin batean, hiru edo lau minutuan txapelaren alde bakoitza, olio txorrotada batekin eta gatz pitin batekin. Denbora pasatutakoan, atera shiitake txapelak erretilu batera.

3. Moztu piper berdeak xaflatan, eta erregosi shiitakeen zartaginean, olioarekin eta gatzarekin, bost edo sei minutuz, gehiegi bigundu gabe.

4. Hartu legatz garbia. Moztu legatza zati karratuetan. Bota gatza eta pasatu irinetatik. Ondoren, busti arrautza irabiatuarekin. Legatza ondo bustitakoan, beti egiten dugun bezala, frijitu oliotan, alde bakoitza hiru bat minutuz.

5. Azkenik, platereratzeko, jarri plateraren erdian shiitake txapelak; barazkiak, ahal den neurrian, shiitakearen gainean; eta legatz puskak inguruan. Busti oliba olio pixka batekin. Horrela, plater osasuntsu bezain koloretsua lortuko dugu.]]>
<![CDATA[Piper errea txipiroi beteekin]]> https://www.berria.eus/paperekoa/1873/037/002/2022-10-29/piper_errea_txipiroi_beteekin.htm Sat, 29 Oct 2022 00:00:00 +0200 Iker Markinez https://www.berria.eus/paperekoa/1873/037/002/2022-10-29/piper_errea_txipiroi_beteekin.htm 4 LAGUNENTZAT

4 piper morro .
Kilo bat txipiroi fresko.
3 tipula.
3 baratxuri.
Oliba olioa.
Gatza.
Kopa bat txakolin.

1. Jarri lau pipermorroak labeko erretilu batean, eta dauden moduan sartu labean. Eduki labean hogei bat minutuan, 220 graduan.

2. Txipiroiak garbitu. Bereizi txipiroiaren hegalak eta garroak. Sartu hegalak eta hankak txipiroiaren gorputzaren barnean. Txotx batekin lagunduz, itxi txipiroiak, barruko hegalak eta garroak ez daitezen atera.

3. Tipulak zuritu, eta juliana eran moztu, fin-fin. Erregosten jarri, gatz pittin batekin, lapiko batean. Eduki hamar minutuan, su bizi samarrean. Kolore pixka bat hartuko dute horrela. Nahastu tarteka.

4. Moztu baratxuriak puska txikietan, eta gehitu lapikora. Jarraian, baita txipiroiak ere. Nahastu osagai guztiak eta elkarrekin erregosi bost minutuan, su bizian.

5. Gehitu txakolina eta lapikoa sutan eduki beste bost minutuz, txakolinaren alkohol soberakina lurrundu dadin. Gero, estali guztia urarekin eta irakiten eduki 35 bat minutuz, taparik gabe, txipiroiak egin daitezen, eta saltsa guztia goxa dadin.

6. Bitartean, zuritu pipermorroak, kendu txortena eta haziak, eta moztu tira zabaletan. Jarri zartagin batean, eta berotu, hiru edo lau minutuan. Gehitu gatz pitin bat.

7. Platereratzeko, jarri pipermorroak plateraren erdian. Kendu txotxa txipiroi beteei, eta jarri piperren gainean. Azkenik, tipula goxatua zabaldu gainetik.]]>
<![CDATA[Udazken zaporeak platerean]]> https://www.berria.eus/paperekoa/1876/036/002/2022-10-15/udazken_zaporeak_platerean.htm Sat, 15 Oct 2022 00:00:00 +0200 Iker Markinez https://www.berria.eus/paperekoa/1876/036/002/2022-10-15/udazken_zaporeak_platerean.htm OSAGAIAK
4 LAGUNENTZAT

Kalabaza pusketa bat.
3 porru.
Nafarroako piper gorri errea.
5 onddo beltz.
Oliba olioa.
Gatza.

1. Udazken bete-beteko produktuak erabiliko ditugu gaurko errezetarako. Lehenik, kalabaza krema egingo dugu. Horretarako porruak garbitu, eta zati handi xamarretan moztu. Lapiko batean zatiak jarri, kalabazari ere azala kendu, eta hori ere puska handietan zatitu eta lapikora gehitu. Oliba olio txorrotada eta gatz pittin bat bota, eta urez juxtu estali. Irakiten jarri, hastean 20 minutuz mantendu, eta ondoren sua kendu. Jarraian irabiatu, eta krema goxoa lortuko dugu. Gorde.

2. Orain piper erreak -gure kasuan Beringoak dira- zuritu, eta haziak ongi kendu. Zartagin zabal batean jarri bata bestearen ondoan, baina ongi zabalduak. Gatz pittin bat bota, eta oliba olio txorrotada bat. Su motelean berotzen jarri, eta hamabost bat minutuz erregosi, poliki-poliki. Ondoren itzali, eta tapa bat jarri.

3. Onddo beltza prestatzeko, azalean duen lurra ongi kendu, eta traputxo busti batekin pixka bat garbitu. Kasu honetarako onddoak txikiak badira hobe. Horiek lau edo sei puskatan moztu, eta zartagin batean ipini onddo puskak. Gatz pittin bat gehitu, eta baita oliba olio txorrotada bat ere. Horiek su oso bizian hiru bat minutuz erregosi. Atera, eta gorde.

4. Platereratzeko, hiru osagaiak beroak izango ditugu. Lehenik, beheko aldean kalabaza krema zabaldu; gainean, ilaran, pikillo piperrak erditik moztuak jarri, eta, horien gainean, onddoak.]]>
<![CDATA[Barazki freskoak plantxan hirugihar ketuarekin]]> https://www.berria.eus/paperekoa/1876/045/002/2022-10-01/barazki_freskoak_plantxan_hirugihar_ketuarekin.htm Sat, 01 Oct 2022 00:00:00 +0200 Iker Markinez https://www.berria.eus/paperekoa/1876/045/002/2022-10-01/barazki_freskoak_plantxan_hirugihar_ketuarekin.htm 4 LAGUNENTZAT

12 gari zainzuri.
12 porru fresko.Tipulin 1.
Babak (garai honetan olio kontserbakoak).
12 xafla hirugihar ketu.
Oliba olioa.
Gatza.

1. Lehenik, porruak eta gari zainzuriak garbitu. Lapiko batean ura jarri, eta gatz pittin bat. Irakiten jarri. Irakiten hastean, bertara gari zainzuriak bota, eta hiru minutuz soilik egosi. Erretilu batean ur hotzetik pasatu, eta ondoren atera, eta gorde. Pauso berberak jarraitu porruekin, baina porruen zati zuria bakarrik erabilita. Goiko zatia edo berdea, beste baterako gordeko dugu.

2. Zartagin zabal batean, plantxa baten moduan, ongi beroa dagoenean, gari zainzuri eta porru zatiak bata besteak ukitu gabe plantxatik pasatu, pare bat minutuz gorritasun polit bat hartu arte. Zartagin berberean tipulina zati finetan moztuta gehitu, oliba olio txorrotada batekin eta gatz pittin batekin, eta bertan pare bat minutuz erregosi.

3. Jarraian, hirugihar xaflak gehitu, eta utzi lasai, duten koipea askatu arte eta bi aldeetatik gorritu arte. Orduan, aurretik erregositako bi barazkiak gehitu zartaginera, eta koilarakada pare bat baba gehitu zartaginean dugun panatxera.

4. Zerbitzatu eta dastatzea besterik ez zaigu gelditzen. Lehen plater moduan edo zizka-mizka moduan erabil dezakezu.]]>
<![CDATA[Tuterako kukuluak txipiekin]]> https://www.berria.eus/paperekoa/1876/045/002/2022-09-17/tuterako_kukuluak_txipiekin.htm Sat, 17 Sep 2022 00:00:00 +0200 Iker Markinez https://www.berria.eus/paperekoa/1876/045/002/2022-09-17/tuterako_kukuluak_txipiekin.htm 6 kukulu.
2 tipulin.
3 baratxuri ale.
8 txipiroi.
2 tomate.
Gatza.
Oliba olioa.
Ozpina.

1. Lehenik, tipulak zuritu, eta juliana moduan moztu. Erregosten jarri lapiko batean, oliba olio pittin batekin; gatz pittin bat ere bota.

2. Bitartean, beste lapiko bat urez bete, eta berotzen jarri. Irakiten hastean, bi tomateak bertan sartu, eta irakiten eduki, hogei bat segundoz. Ondoren, ur hotzetara pasatu, azala kendu, erditik moztu, eta hazitxo guztiak kendu. Ondoren, lauki txikietan moztu, eta gorde.

3. Baratxuri aleak puska oso txikietan moztu, eta erretilu batera bota. Ozpina eta oliba olioa gehitu. Bukaerarako gorde.

4. Txipiroiak garbitu, eta bakoitza hiru zatitan moztu. Kukuluak erditik moztu, erdian duen zuztar gogorra kendu, eta juliana finean moztu.

5. Lau plateretan kukulu zatiak banatu erdian, eta tomate puska txikiak ere kukuluen aldamenean zabaldu.

6. Jarraian, zartagin zabal batean (ondo beroa egon behar du, plantxa bat balitz bezala), txipiroiak bi aldeetatik salteatuko ditugu, olio tanta batekin eta gatz pittin batekin. Sua itzali, eta prestatu dugun baratxuri olio-ozpina gehitu: hiru koilarakada. Ondoren, txipiak kukuluen gainean jarri plateretan. Zartaginean gelditu zaigun saldarekin ongi busti kukuluak. Bukatzeko, tipula goxatua ere banatu plater guztietan.]]>
<![CDATA[Patata eta hegaluze milorria]]> https://www.berria.eus/paperekoa/1873/036/002/2022-06-18/patata_eta_hegaluze_milorria.htm Sat, 18 Jun 2022 00:00:00 +0200 Iker Markinez https://www.berria.eus/paperekoa/1873/036/002/2022-06-18/patata_eta_hegaluze_milorria.htm
Hegaluzea: 300 gramo, garbi
Lau patata berri
Bi tipula
Pikillo piperrak
Gatza
Oliba olioa
Bi baratxuri ale
Perrexil sorta bat
Ozpina

1. Lehenik, jarri patatak egosten. 30-40 minutu izango dira, gutxi gorabehera, betiere patataren tamainaren arabera. Gorde.

2. Ondoren, zuritu tipulak eta moztu xafla finetan. Erregosi zartagin batean, oliba olio txorrotada batekin eta gatz pittin batekin, 20 minutuz. Gero, gorde.

3. Moztu pikillo piperrak zerrenda luzeetan, eta erregosi bost bat minutuz zartagin batean, oliba olio pittin batekin eta gatz pixka bat gehituz.

4. Baratxuri aleak zuritu eta ahalik eta zati txikienetan moztu. Baita perrexila ere. Jarri bi osagaiak erretilu txiki batean, eta gehitu gatza, ozpina eta oliba olioa. Ondo nahastu, eta gorde.

5. Egositako patatak zuritu eta xaflatan moztu. Guztiak ongi zabaldu erretilu batean.

6. Hegaluzea zentimetro bateko lodierako xafletan moztu; gatz pittin bat bota; eta zartagin edo plantxa batean, aurrez ondo berotuta, minutu batez frijitu, oliba olio tanta baten laguntzaz.

7. Azkenik, platera osatzeko, lehenik patata ipini; gero, tipula goxatu geruza bat; gainean, hegaluze xafla; eta, azkenik, bukatzeko, berriro patata. Egin horrela hiru aldiz, eta osagai guztiekin milorria osatuko da.

8. Ondoren, guztia platereratu, eta ongi busti prestatuta dagoen baratxuri eta perrexil ozpin-olioarekin. Azken ukitua emateko eta zapore eta kolore kontrasterako, aurretik erregosi den pikillo piper puska jarri milorriaren gainean. Puntaren puntan!]]>
<![CDATA[Txekor isatsak saltsan]]> https://www.berria.eus/paperekoa/1877/037/002/2022-06-04/txekor_isatsak_saltsan.htm Sat, 04 Jun 2022 00:00:00 +0200 Iker Markinez https://www.berria.eus/paperekoa/1877/037/002/2022-06-04/txekor_isatsak_saltsan.htm
Txekorraren 2 isats, puskatan moztuak.
Porru 1.
3 tipula.
2 azenario.
4 baratxuri ale.
Piperbeltz ale batzuk.
3/4 litro ardo beltz.
Porto basokada 1.
Oliba olioa.
Gatza.

1. Lapiko handi bat su bizian berotzen jarri. Jarraian, txekor isatsen puskak bertan jarri, eta oliba olio txorrotada bat bota, baita gatz pittin bat ere. Su bizian mantendu 4 minutuz alde batetik, eta gorritzean, bestetik beste 4 minutuz. Bitartean, barazkiak garbitu -porrua, tipula, azenarioa eta baratxuri aleak-, zuritu eta pusketatan moztu. Isats puskak ondo gorrituta dauzkagunean, barazki guztiak lapikora gehitu, sua moteldu, eta 15 minutuz erregosi. Porto basokada bat gehitu, eta ardo beltza ere bai. Horrekin batera, piperbeltz aleak gehitu, eta sua bizitu. Ardoaren alkohol soberakina guztiz lurrintzeko, gutxi gorabehera 20 bat minutuz irakiten mantendu. Lapikoko salda kantitatea erdira murriztu arte.

2. Ura gehitu lapikora, isats puskak erabat estali arte. Ondoren, 2 ordu inguruz irakiten mantendu, -isatsaren xamurtasunaren arabera, denbora gehixeago edo gutxixeago izan daiteke-. Isats puskak lapikotik erretilu batera atera. Orain, lapikoan duguna txinoaren laguntzaz pasatu, eta gatzez nola dagoen dastatu. Salda fina gelditu bada, denbora gehixeagoz irakiten mantendu, pixka bat loditu arte.

3. Bukatzeko, haragia saltsarekin plateretan banatu eta dastatzea besterik ez zaigu gelditzen.]]>
<![CDATA[Arroz saldatsua barazkiz eta hegaluzeaz ondua]]> https://www.berria.eus/paperekoa/1997/037/002/2022-05-21/arroz_saldatsua_barazkiz_eta_hegaluzeaz_ondua.htm Sat, 21 May 2022 00:00:00 +0200 Iker Markinez https://www.berria.eus/paperekoa/1997/037/002/2022-05-21/arroz_saldatsua_barazkiz_eta_hegaluzeaz_ondua.htm
200 g hegaluze, garbi.
350 g arroz.
Tomate 1.
Tipula 1.
Azenario 1.
Kuia txiki 1.
Leka sorta txiki bat.
3 baratxuri ale.
Azafrai pistiloa.
Gatza.
Oliba olioa.
Baso erdi txakolin.

1. Arroza prestatzen hasiko gara: horretarako, barazkiak garbitu, eta puska txikietan moztu; denak, tomatea izan ezik. Lapiko zabal batean, ipini barazkiak gatz pittin batekin, eta oliba olio txorrotada batekin. Taparik gabe eta su bizian erregosi, hogei bat minutuz. Barazkiak nahikoa gorritu direnean, baso erdi txakolin bota, eta pare bat minutuz sutan irakiten mantendu, alkohol soberakina kentzeko. Tomatea laukitxoetan moztu, eta lapikora gehitu; beste pare bat minutuz mantendu.

2. Orain, arroza gehitu, eta guztia ongi nahastu; gehitu ura, arroz kantitatea halako hiru, eta bota azafrai pistiloak ere, eskuarekin pixka bat txikituta. Gatz pittin bat eman, eta sua pixka bat jaitsi, eta su ertainean 18 minutuz irakiten eduki.

3. Ondoren, itzali; eta beste bost minutuz atsedenean utzi.

4. Atsedenaldia izango da hegaluzea prestatzeko memento aproposa. Horretarako, lau zatitan moztu hegaluzea, gatza bota bi aldeetatik, eta zartagin batean plantxa moduan frijitu, olio tanta batekin. Bi minutuz alde bakoitzetik.

5. Azkenik, arroza plateretan banatu, hegaluze zatia gainean jarri, eta dastatu.]]>
<![CDATA[Tuterako orburuak bakailao kokotxekin, pil-pilean]]> https://www.berria.eus/paperekoa/1877/036/002/2022-05-07/tuterako_orburuak_bakailao_kokotxekin_pil_pilean.htm Sat, 07 May 2022 00:00:00 +0200 Iker Markinez https://www.berria.eus/paperekoa/1877/036/002/2022-05-07/tuterako_orburuak_bakailao_kokotxekin_pil_pilean.htm
12 orburu.
Kilo erdi bakailao kokotxa.
Oliba olioa.
Gatza.
Baratxuria.
Irina.
Kaiena piperra.

1. Lehenik, orburu freskoak prestatuko ditugu. Lapiko handi batean, ura erdiraino bete, bi koilarakada irin gehitu, eta ondo nahastu. Gatz pittin bat bota, eta sutan jarri irakin arte. Bitartean, orburuak zuritu; txortena moztu gabe zuritu. Orburuaren punta moztu pare bat zentimetro zabal. Ondoren, ur irakinetan sartu, eta bertan irakin hogei bat minutuz. Gorde.

2. Ondoren, lapiko zabal batean, oliba-olio txorrotada bat bota, lapikoaren azalera osoa ondo estaliaz. Baratxuri aleak txiki-txiki xehatu. Lapikoa su motelean jarri, eta baratxuriak gehitu; kaiena piperra osorik gehitu. Kokotxak gatzatu, eta, baratxuria dantzan hastean, kokotxak banan-banan lapikoan jarri, azala gora begira dutela.

3. Sua ahalik eta motelen jarri, eta lau bat minutuz kokotxak erregosi; ondoren, lapikoa sutik kendu.

4. Pil-pilaren prestaketan, pazientzia dugu osagai nagusia. Izan ere, lapikoa mugitzen hasi aurretik, 15 bat minutuz, atsedenean utzi behar dugu. Atseden hori beharrezkoa da olioa tenparatura egokienera iritsi dadin. Kokotxek barruan duten gelatina askatzen laguntzen du tenperatura horrek, eta gelatina horrek erraztuko digu pil-pil on bat lortzea.

5. Beraz, kokotxak zartaginean atsedenean ditugun bitartean, orburuak lapikotik atera, erditik moztu, eta labeko erretilu batean jarri; denak txukun errenkadan. Oliba-olio txorrotada bat bota, eta labean sartu, 200 gradutan. 15 bat minutuz eduki.

6. Denbora hori pasa ostean, heldu kokotxen lapikoaren bi kirtenei, eta, poliki-poliki, lapikoa mugitu, mugimendu borobilak eginez. Ikusiko dugu nola pil-pil saltsa ligatzen eta loditzen ari den. Pil-pila lortzean, eta mahaira zerbitzatu aurretik, berriro su motelean berotu lapikoa. Ondoren, labeko erretilua atera, eta plateretan banatu orburuak, bakoitzaren gainean kokotxa bat jarri. Azkenik, pil-pilaz busti.

Plater edo pintxo modura, fina eta berezia geldituko zaigu.]]>
<![CDATA[Zapoa plantxan barazki eta otarrainxkekin]]> https://www.berria.eus/paperekoa/1876/037/002/2022-04-23/zapoa_plantxan_barazki_eta_otarrainxkekin.htm Sat, 23 Apr 2022 00:00:00 +0200 Iker Markinez https://www.berria.eus/paperekoa/1876/037/002/2022-04-23/zapoa_plantxan_barazki_eta_otarrainxkekin.htm Pipermorroa.
Kuia txiki 1.
Tipula 1.
2 baratxuri ale.
8 otarrainxka.
4 puska lodi zapo arrain.
Oliba olioa.
Gatza.

1. Lehenik, labea berotzen jarriko dugu. 240 gradutan, 20 bat minutuz, eta pipermorroa erreko dugu. Ondoren, atera, eta, epeltzean, azala eta haziak kenduko dizkiogu.
2. Tipula juliana moduan moztu, eta lapiko batean erregosten jarri, oliba olio eta gatz pixka batekin. 15 bat minutuz eduki, eta kuia txikia gehitu, makila luze txikietan moztuta; erregosi dena beste 10 bat minutuz. Ondoren, gorde.
3. Zapo puskei gatz pittin bat gehitu, eta zartagin bat ondo berotzen jarri. Oso beroa dagoenean, bertan zapo puskak jarri, alde batetik oliba-olio txorrotadarekin, ongi gorritu daitezen; 4 edo 5 bat minutu utzi. Ondoren, buelta eman, eta beste olio txorrotada bat gehitu, eta beste 3 -4 bat minutu utzi. Baratxuri aleak zapoaren gainean zabaldu, txiki-txiki moztuak. Otarrainxkak ere bertara gehitu, eta beste pare bat minutu utzi. Ondoren, sua itzali.
4. Platera zerbitzatzeko garaian, pipermorroa platerean jarri, eta ondoren, tipula eta kuia gainean jarri, baita zapo puskak ere; denaren gainetik otarrainxkak jarri, eta, azkenik, zartaginean gelditu den saldarekin eta baratxuri zatitxoekin dena ongi busti.]]>
<![CDATA[Nafarroako zainzuri freskoak piper gorriekin]]> https://www.berria.eus/paperekoa/1876/044/002/2022-04-02/nafarroako_zainzuri_freskoak_piper_gorriekin.htm Sat, 02 Apr 2022 00:00:00 +0200 Iker Markinez https://www.berria.eus/paperekoa/1876/044/002/2022-04-02/nafarroako_zainzuri_freskoak_piper_gorriekin.htm
20 zainzuri.
2 pipermorro gorri.
Oliba olioa.
Gatza.
Kafe koilarakada bat azukre.

1. Garaiko produktua dugunez, gaur zainzuriak prestatuko ditugu, Nafarroakoak. Zainzuriak ipurdi aldean zentimetro inguru moztu, eta, ondoren, goitik behera zurituko ditugu. Kontuan hartu punta aldea ez dela behin ere zuritu behar.

2. Lapiko handi bat urez bete, gatza bota, eta azukre pittin bat ere bai. Irakiten hastean, zainzuriak gehitu, eta ordu laurden batez irakin; zainzurien lodieraren arabera, beharbada denbora gehixeago eduki beharko dugu. Ondoren, sua itzali, eta zainzuriak bertan utzi.

3. Labea berotzen jarri, 200 graduan. Pipermorroak erretilu batean jarri, osorik, eta labean sartu, gatzik eta oliorik gabe. 20 bat minutuz erregosi, azala ongi gorritu arte. Atera, epeltzen utzi, eta azala eta haziak ongi kendu. Ondoren, piperrak tira luze eta finetan moztu.

4. Orain, zainzuriak uretatik atera, ura ongi kendu, erditik moztu, eta plateraren erdian jarri: bakoitzean lau zainzuri oin, argazkian bezala. Ondoren, gainean, gainontzeko lau zainzurien puntak. Azkenik, piper tirak gainetik jarri, gatz pittin bat bota, eta aukeran oliba olio txorrotada batez busti, edo, nahi izanez gero, ozpin-olioa ere izan daiteke, bestela.]]>
<![CDATA[Kinoa barazki freskoekin]]> https://www.berria.eus/paperekoa/1876/036/002/2022-03-19/kinoa_barazki_freskoekin.htm Sat, 19 Mar 2022 00:00:00 +0100 Iker Markinez https://www.berria.eus/paperekoa/1876/036/002/2022-03-19/kinoa_barazki_freskoekin.htm
320 g kinoa.
Leka sorta bat.
Kalabazin 1.
Azenario 1.
Tipula 1.
200 g shitake.
3 baratxuri ale.
Oliba olioa.
Gatza.
Piper beltz hautsa.

1. Tipula zati txikietan moztu. Baratxuri aleak zuritu, eta horiek ere puska txikietan moztu. Biak lapiko batean erregosten jarri, su motelean, oliba olio tanta batekin. Hogei minutu pasatu ondoren, shitakea juliana moduan moztu, eta bertara gehitu. Baita piper hauts beltz pixka bat ere. Sua indartu, eta, bost bat minutuz, guztia erregosi. Ondoren, itzali, eta gorde.

2. Lekak, azenarioa eta kalabazina juliana moduan moztu. Lapiko batean ura jarri, gatz pittin bat bota, eta irakiten jarri. Irakitean, barazkiak bertara gehitu. Sei bat minutuz egosi ondoren, atera, eta shitakea dugun lapikora gehitu.

3. Ondoren, zartagin batean oliba olio txorrotada bat gehitu, kinoa bertara bota, eta hiru edo lau minutuz, suabe, su motelean frijitu. Ondoren, kinoaren kantitate bikoitza ur gehitu zartaginera. Gatz pittin bat bota ondoren, eta hamabost edo hogei minutuz egosten utzi. Egosi ostean, shitakea dugun lapikoa berotzen jarriko dugu.

4. Platerera ateratzeko, plateraren erdian jarriko dugun moldea kinoaz bete, koilara baten laguntzaz ondo estutuz. Gainean, barazki sorta zabaldu, eta poliki-poliki moldea kendu.

5. Azken ukiturako, oliba olio txorrotada bat bota gainetik azken momentuan, eta jateko prest izango da.]]>
<![CDATA[Sardina txikiak raf tomateekin eta ziazerbekin]]> https://www.berria.eus/paperekoa/1876/044/002/2022-03-05/sardina_txikiak_raf_tomateekin_eta_ziazerbekin.htm Sat, 05 Mar 2022 00:00:00 +0100 Iker Markinez https://www.berria.eus/paperekoa/1876/044/002/2022-03-05/sardina_txikiak_raf_tomateekin_eta_ziazerbekin.htm
800 g Kantauriko sardina.
Raf motako 12 tomate.
Ziazerba sorta bat.
3 baratxuri ale.
Oliba olio birjina.
Ozpin txorrotada bat.
Gatza.

1. Sardinei burua kendu, eta garbitu. Ondoren, erdiko hezurra ere kendu, eta saiatu osorik uzten. Gorde.
2. Labea berotzen jarri, 250 graduan. Pintzel baten laguntzaz, labeko erretilua oliba olioz igurtzi, sardinei gatza bota, eta erretiluan jarri, liburu baten antzera bi xolomoak irekita, eta azala gorantz begira. Ez ipini sardinak bata bestetik oso gertu.
3. Raf tomateei bihotza ongi kendu, eta lau pusketatan moztu bakoitza. Plateretan banatu raf tomate puskak. Platerean bertan, gatz pittin bat gehitu.
4. Orain, baratxuri aleak xehe-xehe moztu, eta zartagin batean ipini, oliba olio txorrotada batekin. Zartagina su oso motelean ipini berotzen. Segidan, sardinen erretilua labearen goialdean sartu. Eta hiru minutuz eduki.
5. Jarraian, labetik atera, zartagineko baratxuri aletxoak sardinen gainean zabaldu. Eta raf tomateen gainean gordinik ditugun ziazerba hostoak jarri; eta tomateen gainean sardinak jarri.
6. Azkenik, ozpin txorrotada txiki bat bota, eta erretiluan gelditu den oliba olioa eta baratxuri aletxo guztiak ongi zabaldu. ]]>
<![CDATA[Nafarroako orburuak hirugihar onduarekin]]> https://www.berria.eus/paperekoa/1943/037/002/2022-02-19/nafarroako_orburuak_hirugihar_onduarekin.htm Sat, 19 Feb 2022 00:00:00 +0100 Iker Markinez https://www.berria.eus/paperekoa/1943/037/002/2022-02-19/nafarroako_orburuak_hirugihar_onduarekin.htm 12 orburu.
Dozena bat xafla hirugihar ondu.
Irin koilarakada pare bat.
Gatza.
Oliba olio birjina.

1. Errezeta hau prestatzeko, lehenik orburuekin hasiko gara. Lapiko bat urez bete, eta irin koilarakada pare bat eta gatz pittin bat bota. Sutan jarri berotzen, irakin arte. Bitartean, dozena bat orburu hartu, eta horiei lehen orriak kenduko dizkiegu, beldurrik gabe kendu, kanpoko hostoak baitira gogorrenak. Zuztarrak, berriz, moztu gabe zuritu, findu arte. Garrantzitsua da ordena hori errespetatzea, bestela orburuak azkar belzten hasiko zaizkigu. Orain, ur irakinetara bota, eta hamar bat minutuz irakiten eduki. Sua itzali, eta bertan utzi, hoztu arte. Ondoren, atera, eta goitik behera luzeraka moztu orburu guztiak. Gorde.
2. Plantxa edo zartagin zabal bat berotzen jarri; ondo berotuta dagoenean, orburuak multzoka bertatik pasatu, orburuaren alde bakarra nahikoa da, alde lisoa (barrualdea). Plantxatik pasatu ahala, labeko erretilu batean jarriz joan, bata bestaren ondoan txukun-txukun.
3. Orain hirugihar ondu xaflak erditik moztu, eta horiek orburu zatien gainean ipini, banaka-banaka. Labea berotzen jarri, 200 gradutan. Beroa dagoenean, erretilua labean sartu, eta bost minutuz eduki hirugiharra txigortu eta orburuak berotu daitezen.
4. Labetik atera, platerean jarri eta gainetik oliba olio txorrotada fin batez busti.]]>
<![CDATA[Begihandi arroz krematsua]]> https://www.berria.eus/paperekoa/1873/037/002/2022-02-05/begihandi_arroz_krematsua.htm Sat, 05 Feb 2022 00:00:00 +0100 Iker Markinez https://www.berria.eus/paperekoa/1873/037/002/2022-02-05/begihandi_arroz_krematsua.htm 400 g arroz, albufera motakoa
800 gramoko begihandia.
Kalabazin 1.
2 tipulin.
2 baratxuri ale.
Gatza.
Oliba olio birjina.

1. Begihandia ongi garbitu, eta lauki txikietan moztu.
2. Tipulina, kalabazina eta baratxuri aleak ere laukitxoetan moztu.
3. Lehenik, zartagin edo lapiko zabala sutan jarri, oliba olio txorrotada batekin. Ongi beroa dagoenean, begihandi zatiak gehitu. Gatz pittin bat bota. Bost bat minutu pasatu ondoren, tipulina eta baratxuri puskak gehitu. Guztia ongi erregosi, 15 minutuz, su ertainean.
4. Ondoren, basokada bat ur gehitu, tapaz estali, eta beste ordu laurden batez erregosi, ura erabat lurrindu arte. Noizbehinka pixka bat nahastu.
5. Ondoren, tapa kendu; bertara kalabazina gehitu, eta baita arroza ere. Ura gehitu, arrozaren kantitatea halako hiru. Gatz pittin bat bota, eta hogei minutuz egosi, su ertainean. Denbora hori pasatu ondoren, oraindik ere beste 3 edo 4 minutuz pausaturik mantendu.
6. Ikusiko dugu, denbora pasatu ostean, oraindik ere arroza saldatsua dagoela. Hori da errezeta honetan lortu nahi duguna, arroz krematsua, saldatsua izatea.
7. Probatu nahi izanez gero, ideia polita da begihandien tinta errezeta honetan erabiltzea; horrela, arroz krematsu beltza lortuko dugu.]]>
<![CDATA[Txekor masailak saltsan]]> https://www.berria.eus/paperekoa/1877/037/002/2022-01-22/txekor_masailak_saltsan.htm Sat, 22 Jan 2022 00:00:00 +0100 Iker Markinez https://www.berria.eus/paperekoa/1877/037/002/2022-01-22/txekor_masailak_saltsan.htm Kilo bat txekor masail.
200 g txanpiñoi.
3 tipula.
2 azenario.
3 baratxuri ale.
Litro erdi ardo beltz.
Gatza.
Oliba olioa.
Piper hauts beltza.
Kremarako:
Kuia zati bat.
Basokada erdi esne gain.

1. Lapiko zabal bat sutan ipini, eta ongi berotzen denean, bertan txekor masailak frijitu, olio txorrotada batekin. Gatza eta piper hautsa gehitu.

2. Bitartean, barazki guztiak zuritu eta garbitu. Pusketa txikitan moztu. Txekor masailak ongi gorrituak daudenean, barazki guztiak lapiko horretara gehitu, eta su ertainean barazkiak ere gorritu arte mantendu. 15 bat minutuz gutxi gorabehera.

3. Ardo beltza gehitu. Beste ordu erdiz irakiten eduki, eta ura gehitu, masailak estali arte. Beste 50 bat minutuz irakin, oraingoan su motelean. Epeltzen utzi, eta txekor masailak beste lapiko batera pasatu. Irabiagailu eta txinoaren laguntzaz, barazkiak pasatu, eta masailen lapikora bota.

4. Zartagin batean, txanpiñoiak bost bat minutuz oliba olio txorrotada batekin erregosi, eta txekor masailen lapikora gehitu. Poliki, su motelean, guztia mantendu, txekor masailak erabat bigunak daudela ikusi arte.

5. Kremarako, kuiari azala ongi kendu, puskatan moztu, eta lapiko txiki batean esne gain basokada erdia gehitu, beste basokada erdi bat ur, gatza eta piper hautsa. Irakiten hastean, kuia gehitu eta 20 bat minutuz irakiten mantendu. Ondoren, irabiagailuarekin krema lortu.

6. Platereratzeko, haragi xafla pare bat plater erdian jarri, saltsa eta txanpiñoiekin, eta inguruan lagungarri bezala kuia krema pixka bat.]]>
<![CDATA[Eskarola eta raf tomatezko entsalada urdina]]> https://www.berria.eus/paperekoa/1876/029/002/2022-01-08/eskarola_eta_raf_tomatezko_entsalada_urdina.htm Sat, 08 Jan 2022 00:00:00 +0100 Iker Markinez https://www.berria.eus/paperekoa/1876/029/002/2022-01-08/eskarola_eta_raf_tomatezko_entsalada_urdina.htm 4 raf tomate.
Eskarola 1.
12 intxaur.
Tipulin gorria.
Gazta urdin laurden 1.
Txakolin ozpina.
Oliba olioa.
Gatza.

1. Lehenik, ozpin olioa egingo dugu; horretarako, tipula gorria puska txikitan moztu, eta ontzi batean jarri. Gatza, txakolin ozpina eta oliba olio txorrotada batekin ongi busti. Guztia ongi nahastu, eta gorde.

2. Intxaurrak zuritu, eta ale garbietan banatu.

3. Eskarola garbitu, eta ongi lehortu. Eskarola ez dugu osorik erabiliko errezeta honetarako.

4. Orain, raf tomateei bihotza kendu, eta xafletan moztu. Plater batean ipini, eta erdian eskarola orriak jarriko ditugu.

5. Gazta xafletan moztu, eta plater batean ipini. Mikrouhin labean sartu, eta hamar bat segundoz berotu. Pixka bat berotzea da gure asmoa, baina formarik galdu gabe.

6. Entsalada osatzeko, tomate eta eskarola platerari ozpin olioa botako diogu, bakoitzaren gustura. Gazta xaflak entsaladaren bueltan ipini, eta, azkenik, intxaur aletxoak gainetik banandu.

Tomate barietate horri neguko tomatea ere esaten zaio. Beraz, sasoiko platera da, eta urtea ondo hasteko aproposa.]]>
<![CDATA[Lupia plantxan muskuilu eta orburuekin]]> https://www.berria.eus/paperekoa/1877/037/002/2021-12-11/lupia_plantxan_muskuilu_eta_orburuekin.htm Sat, 11 Dec 2021 00:00:00 +0100 Iker Markinez https://www.berria.eus/paperekoa/1877/037/002/2021-12-11/lupia_plantxan_muskuilu_eta_orburuekin.htm
Kilo inguruko itsas lupia.
8 orburu.
400 g muskuilu fresko.
2 baratxuri ale.
Perrexila.
Oliba olio birjina.
Gatza.
2 koilarakada irin, orburuak prestatzeko.

1. Lehen pausoan orburuak prestatuko ditugu. Horretarako, lapiko handi batean ura erdiraino bete, bi koilarakada irin gehitu, eta ondo nahastu. Gatz pittin bat bota, eta sutan jarri irakin arte. Bitartean, orburuak zuritu, txortena moztu gabe zuritu. Orburuaren punta moztu, pare bat zentimetro zabal. Ondoren, ur irakinetan sartu, eta bertan irakin hogei bat minutuz. Orburuak atera, eta salda pixka bat gorde gerorako.

2. Beste lapiko batean, muskuiluak ipini, urik gabe. Taparekin estali. Eta berotzen jarri, muskuiluak ireki arte. Orduan, sua itzali, muskuiluak erretilu batera atera, eta bertan utzi duten salda edalontzi batean gorde.

3. Baratxuriak puska oso txikietan moztu. Zartagin zabal batean ipini, olio txorrotada gehitu, eta su ertainean jarri. Baratxuri aleak dantzan hastean, orburuen egosketa saldaren kazokada bat gehitu, bai eta edalontziko muskuilu salda guztia ere. Orburuak lapikora gehitu, eta su ertainean mantendu.

4. Itsas lupia ondo garbitu, eta bi xerratan irekita jarri, burua kendu, eta xerra bakoitza erditik moztu. Zartagin edo plantxa bat ondo berotzen jarri, eta azalaren aldetik lupi puskak zartaginetik pasatu, azala txigortu arte (bost bat minutuz gutxi gorabehera), gatz pittin batekin eta oliba-olio txorrotada batekin. Jarraian, buelta eman, eta 2 edo 3 bat minutuz mantendu. Sua itzali.

5. Jarraian, muskuiluak orburuak ditugun lapikora gehitu, eta dena berotu.

6. Bukatzeko, zerbitzatzeko garaian, plater bakoitzean lupi puska jarri, orburuz eta muskuiluz inguraturik.]]>
<![CDATA[Bakailao konfitatua piper kremarekin]]> https://www.berria.eus/paperekoa/1877/036/002/2021-11-27/bakailao_konfitatua_piper_kremarekin.htm Sat, 27 Nov 2021 00:00:00 +0100 Iker Markinez https://www.berria.eus/paperekoa/1877/036/002/2021-11-27/bakailao_konfitatua_piper_kremarekin.htm
200 g bakailao gezatu (4 tako).
4 baratxuri ale.
Ziazerba orri freskoak.
2 piper morroi.
Basokada bat esne gain.
Gatza.
Piper hautsa.
Oliba olio birjina.

1. Baratxuriak zuritu, eta xafletan moztu. Lapiko batean olio txorrotada bat ipini. Berotzen jarri, baratxuri aleak gehitu, eta gorritu arte eduki. Ondoren, baratxuriak atera. Errezeta honetarako ez ditugu erabiliko, olioari gustua emateko bakarrik. Orain, zartaginean bakailao puskak sartu, azala gora begira dutela. Sua itzali, eta zartaginak duen beroarekin hamabost minutuz konfitatuko ditugu bakailao puskak hor mantendu, ukitu gabe.

2. Labea berotzen jarri 200 graduan, eta labeko erretiluan piperrak ipini, bata bestearen ondoan, osorik. Labera sartu, eta 25 minutuz erre. Labetik atera, eta, epeltzen direnean, azala kendu, eta lapiko batera pasatu piper morroak. Ez itzali labea. Esne gaina gehitu, eta guztia bost minutuz egosi. Ondoren, sutik atera, eta irabiagailuarekin xehatu, krema lortu arte; gatz pittin bat bota, eta gorde.

3. Azkenik, bakailaoa labeko erretiluan jarri, eta ziazerba hostoekin estali. Lau minutuz labean sartu erretilua, eta, ondoren, atera.

4. Zerbitzatzeko, plater bakoitzean piper krema zabaldu, eta bakailao puska gainean jarri, ziazerbarekin batera.]]>