<![CDATA[Imanol Magro Eizmendi | Berria.eus]]> https://www.berria.eus Bere azken artikuluak eu Sat, 19 Jan 2019 07:44:45 +0100 hourly 1 <![CDATA[Imanol Magro Eizmendi | Berria.eus]]> https://www.berria.eus/irudiak/berriaB.png https://www.berria.eus <![CDATA[Xabi Alonso epaituko dute asteartean, iruzur fiskalagatik]]> https://www.berria.eus/paperekoa/2990/023/002/2019-01-19/xabi_alonso_epaituko_dute_asteartean_iruzur_fiskalagatik.htm Sat, 19 Jan 2019 00:00:00 +0100 Imanol Magro Eizmendi https://www.berria.eus/paperekoa/2990/023/002/2019-01-19/xabi_alonso_epaituko_dute_asteartean_iruzur_fiskalagatik.htm
Xabi Alonsok Real Madrileko jokalaria zenean egin zuen ustezko iruzurra. 2009an, futbolariak Madeirako enpresa bati saldu zizkion bere irudi eskubideak, hark kudea zitzan —Portugalgo uhartea izan arren, legedi ekonomiko propioa du, eta paradisu fiskaltzat joa da—. Hasieran, Madrilgo Instrukzio Epaitegiko 40. Salak ez zuen deliturik ikusi, baina epaileak onartu egin du gerora Madrilgo Fiskaltzak erabaki horren aurka jarritako helegitea, eta auzia berriz ere irekitzea erabaki du. As Espainiako kirol egunkariaren arabera, Xabi Alonsok uko egin dio negoziatzeari, eta epaiketara joko du.

Aste honetan, auzitara iritsiko da Cristiano Ronaldo Xabi Alonsoren taldekide ohiaren aurkako epaia ere. Hark, baina, negoziatu egin du, eta Espainiako Ogasunari hemezortzi milioi euro ordaintzea eta 23 hilabeteko kartzela zigorra onartu ditu. Jokalariak aurrekaririk ez duenez, ez da kartzelan sartuko. Xabi Alonsoren kasuak, dena den, Javier Mascherano Bartzelonako jokalari ohiarenaren antz handiagoa du. Hark Madeirako enpresa baten bitartez kudeatu zuen kirol arropa batekin sinaturiko kontratua. 2016an izan zen epaia, eta Mascheranok negoziatu egin zuen. Azkenean, urtebeteko kartzela zigorra eta 216.000 euroko zigorra onartu zituen.]]>
<![CDATA[Xabi Alonso epaituko dute asteartean iruzur fiskalagatik]]> https://www.berria.eus/albisteak/161707/xabi_alonso_epaituko_dute_asteartean_iruzur_fiskalagatik.htm Fri, 18 Jan 2019 16:15:00 +0100 Imanol Magro Eizmendi https://www.berria.eus/albisteak/161707/xabi_alonso_epaituko_dute_asteartean_iruzur_fiskalagatik.htm <![CDATA[Erresilientzia ariketa]]> https://www.berria.eus/paperekoa/1892/022/001/2019-01-18/erresilientzia_ariketa.htm Fri, 18 Jan 2019 00:00:00 +0100 Imanol Magro Eizmendi https://www.berria.eus/paperekoa/1892/022/001/2019-01-18/erresilientzia_ariketa.htm
Arrazoi matematikoak argiak dira garrantzia ulertzeko, baina badaude beste batzuk ere; esaterako, animikoak. Baskonia une txarrak pasatzen ari da. Jayson Grangerri atzo egin zioten ebakuntza, eta Tornike Xengeliak hiru aste daramatza min hartuta. Hori nahikoa ez, eta Johannes Voigtmannek aste osoa pasatu du gripe gogor batek jota, eta Matt Janningek orkatilako arazoak izan ditu. Biak, halere, jokatzeko moduan egongo dira gaur; hori bai, ez sasoi betean. Guztiak, baina, ez dira albiste txarrak, Patricio Garino taldera itzuliko baita. Hegalekoak bi hilabete egin ditu geldirik, belauneko lesio baten ondorioz, eta jokatzeko moduan dago, baina ez du izango erritmoa hartzeko betarik. Hain egoera makurrean irabaztea bultzada handia litzateke: beste erresilientzia erakustaldi bat.

Arrazoi matematikoak, moralak... eta aurkari zuzen bat lur jota uzteko aukera. Izan ere, Milan maldan behera doa. Giorgio Armani jostunak ahalegin ekonomiko handia egin du sasoi honetan, eta taldeak ondo ekin zion Euroligari (6-2). Azken bi hilabeteetan, baina, joera hori aldatu egin da, eta azken hamar partidetatik zortzi galdu ditu; besteak beste, min harturiko jokalariengatik: Nemanja Nedovic antolatzailea eta Kaleb Tarcewski pibota. Horrek are gehiago utzi du taldea Mike Jamesen eskuetan. Baskoniako antolatzaile ohia da taldeko eta Euroligako saskiratzaile nagusia, partidako 19,8 puntu sartuta. Zerrendako bigarrenak hamabost sartu ditu partidako. Lehen itzulian, Baskoniak 93-90 galdu zuen.

Fitxaketen zain

Asteak dira Granger eta Xengelia gabe ari dela Baskonia, Velimir Perasovicek haien ordezkoen zain daraman denbora berbera. Fitxaketak espero ziren, baina ez dituzte egin, eta entrenatzaileak atzo ezin izan zuen ezkutatu bere atsekabea: «Ez dut garbi ikusten; orain ez dugu ezer esku artean. Ezin dut ezer esan. Duela bi egun galdetu izan balidate, agian beste zerbait erantzungo nuen, baina orain... Daudenak ditut». Asko hitz egin da James Nunnallyri buruz, baina eskoltak hamar eguneko kontratu bat sinatu du NBAn.]]>
<![CDATA[Gozoki bat aldartearentzat]]> https://www.berria.eus/paperekoa/2093/025/001/2019-01-17/gozoki_bat_aldartearentzat.htm Thu, 17 Jan 2019 00:00:00 +0100 Imanol Magro Eizmendi https://www.berria.eus/paperekoa/2093/025/001/2019-01-17/gozoki_bat_aldartearentzat.htm
Inori ez dio kalte egiten gozoki batek. Aldarte oneko dagoenak ez du behar, baina gustura hartzen du; eta are irribarre handiagoa eragiten dio burumakur edo urduri dagoenari. Gaizka Garitanoaulki iritsi denetik Athletic suspertu egin da, baina jokalari zein zaleek duten albiste eta emaitza on gosea oso handia da oraindik. Horregatik egingo die mesede, guztiei, atzo Sevillan jasotako gozokiak. Kopako final-zortzirenetako itzuliko partida zen, eta San Mameseko 1-3koak erabakita utzi zuen. Baina irabazteak beti egiten du mesede, eta are gehiago ezohiko jokalariekin egiten baduzu, maila handiko aurkari baten etxean, eta golik hartu gabe.

Irabazteko golak behar dira, baina, logika inozoagorik ez dago, eta Athletic zentzu horretan lazeria gorrian bizi da. Bada, atzo beste jokalari bat gehitu zen ardura hori hartzeko prest daudenen zerrendara, Gorka Guruzeta 22 urteko harrobiko aurrelariak sartu baitzuen gola. Hirugarren partida zuen hasieratik eta oraindik atea zulatu gabea zen, eta Sevillan lortu zuen estreinakoa partida ofizial batean. Ederra izan zen gainera, 77. minutuan. Markel Susaetak erdiraketa neurtua egin, eta bigarren zutoinean jo zuen buruz, atetik urrun. Oso altu egin zuen jauzi eta norabide egokia eman zion baloiari. Sorianoren hegaldi ikusgarriak aurrelariak bere logelako paretan eskegiko duen argazkia edertu baino ez zuen egin.

Gola izan zen Athleticen jokoko gauzarik nabarmenena. Hori eta Ibai Gomez primeran egokitu dela ikustea. 90 minutu izan zituen taldekide berriekin sinbiosian sartzeko, eta bera nabarmendu zen ligan minutu gutxiago dutenen alboan. Erdilaria erritmo betean dago, trebea da bi hankekin, eta joko motela pizten saiatu zen. Esan bezala, Garitanok azken partidetan ordezko izan direnei eman zien aukera, eta haiek ere itxura ona eman zuten. Taldea sendotze prozesu betean dago, eta teknikariak, Pizjuanen, beste porlan palakada bat bota zion bere egitasmoaren paretei.

Hauek guztiak xehetasunak dira, partida bera oso motela izan zelako. Bi taldeek elkarri minik ez egiteko ituna sinatu zutela zirudien. Sevillak arrisku pixka bat gehiago izan zuen, eta gol aukera on bana izan zuen zati bakoitzaren hasieran. Aurrenekoan Ben Yedderrek egin zuen kale, eta bigarrenean Munirrek. Athleticek ere izan zituen bereak, baina partida osoan sumatu zen kanporaketa altxatzea ezinezkoa zela, eta Kopa, gaur-gaurkoz, ez dela inondik ere lehentasun bat San Mames aldean. Halako partidetan euren burua aldarrikatu nahi dutenek hausten dute gidoia, eta hori gertatu zen bi taldeetan. Aukera baliatu zuen bakarra, baina, Guruzeta izan zen. Aurrelarien izenak bili-bolo dabltzan honetan, etxekoek zeresana dute Bilbon.

Bosgarrena zerrendan

Historia gutxiko partida izan zen, eta Guruzetaz gain inork gutxik oroituko du etorkizunean. Tira, agian Markel Susaetak ere bai, eta ez bakarrik goleko pasea emateagatik. Izan ere, Eibarko erdilariak 500. partida ofiziala jokatu zuen Athleticekin, eta egun bosgarrena da taldearekin partida gehien jokatu dutenen zerrendan. Aurretik ditu Andoni Iraola, 510ekin; Joseba Etxeberria 514rekin; Txetxu Rojo, 541ekin, eta Jose Angel Iribar, 614rekin. Susaetak 31 urte ditu eta lesioek errespetatzen badute ez litzateke harritzekoa horietatik bizpahiru pasatzea. Iribar handiaren ibilbideak, baina, langa gaindiezina dirudi.]]>
<![CDATA[«Pausoa emateko garaia da»]]> https://www.berria.eus/paperekoa/1872/027/001/2019-01-17/pausoa_emateko_garaia_da.htm Thu, 17 Jan 2019 00:00:00 +0100 Imanol Magro Eizmendi https://www.berria.eus/paperekoa/1872/027/001/2019-01-17/pausoa_emateko_garaia_da.htm
Euskadi Fundazioak, Mikel Landa presidentea burua zuela, atzo aurkeztu zituen talde eta babesle berriak, Orona fundazioak Hernanin (Gipuzkoa) duen egoitzan. Gizonezkoen Kontinental mailako taldea da bizkarrezurra, AMPO-Goierriko TB afizionatu mailako taldearekin sinaturiko akordioak indartu duena. Emakumezkoetan ere lehen pausoak eman ditu —Euskalduna Torneoko eta Espainiako Kopako probak jokatuko ditu—, eta 23 urtez azpikoa mantenduko du. Babesleei dagokienez, Laboral Kutxak eginiko apustua da deigarriena, bere marka agertuko baita emakume eta 23 urtez azpiko taldeen elastikoetan. Taldea hazten ari da, eta horri eutsi nahi dio Azanzak errepidean: «Iazko helburua geure burua erakustea zen. Aurten, berriz, iaz gauza politak egin zituztenek aurrerago egon behar dute lasterketa batzuetan».

Anbizioz mintzo da, eta bere teoria errepikatu du: iaztik dauden txirrindulariak hobeak dira aurten. «Irabaztea beti da zaila, maila guztietan, baina borrokan egotea ez. Talde onenak lehian sartzen direnean, ez dira hor egongo, baina Burgosko, Asturiasko eta halako itzulietan lehen hamarren artean egon behar dute». Taldeak egonaldia egin du Calpen (Herrialde Katalanak), eta zuzendaria oso pozik dago proben emaitzekin.

Fundazioak hilaren 30ean hasiko du urtea, Mallorcako Challengean, eta, gero, Valentziako, Murtziako eta, gonbidapena jasoz gero, Andaluziako Itzuliak jokatuko ditu. Alentejora (Portugal) joko du udaberrian, Euskal Herrira gerturatu aurretik: Miguel Indurain Sari Nagusia, Errioxa eta Zornotzako Klasikoa. Gaztela eta Leongo Itzulia, Madrilgoa eta Asturiaskoa etorriko dira ondoren, maiatzean etena egin aurretik. Ekainean Portugalerantz joko du, eta uztailean hango itzulia jokatuko. «Erronka polita da, jende ona egoten da, eta prestigioa du». Azanzak 91 eguneko lehiaketa egutegia diseinatu du, eta, txirrindulari bakoitza 45-55 lehiaketa egun artean ibiliko da.

Egutegia finkatzea ez da lan zaila izan, 11 txirrindulariko multzoa duelako. «Nahiago dut hori hamalaukoa izan eta etxean lehiatu gabe egotea baino». Iaz hamabikoa zuen, eta aldaketa asko izan ditu. Sei txirrindularik utzi dute taldea, eta bost berri iritsi dira: Jokin Aranburu eta Unai Cuadrado Ampo Goierrikotik iritsitakoak, Dmitri Zhigunov eta Antonio Jesus Soto Lizartekoak, eta Sergio Higuita kolonbiarra, Education Firstek utzia ekainera arte.

Azanza pozik dago fitxaketekin. «Sotok ofizioa du. Talde hau txiki gelditzen zaiola erakutsiko du». Zhigunov, berriz, bielorrusiarra da, baina erdi nafartuta dago, eta hiru urte daramatza Euskal Herrian lehiatzen. «Hemengo tropeleko kidea da». Haren izaerak txunditua du. «Ekialdeko txirrindulariak nortasun handikoak dira, hemengoei falta zaiena du: kanpora atera, miseria pasatu eta babak eltzetik atera behar izanaren esperientzia». AMPOko biei, berriz, hori falta zaie: eskarmentua, baina badu fedea haiengan: «Cuadrado igotzailea da, eta Aranburuk gauza asko egin ditzake». Higuitarena da fitxaketa deigarriena, ez baitator bat taldearen filosofiarekin. Mikel Landak azaldu zuen haren kasua. «Baliteke filosofiarekin bat ez egitea, baina egon dira kasuak aurretik, eta ez da fitxaketa, utzita dator. Halere uste dut zerbait positiboa dela, kalitate puntua emango digu eta lagundu egingo die taldekideei».

Pausoa hitza behin eta berriz du ahoan, baina Kontinental mailako bidea mugatua da. Azanzak badaki, eta 2020rako ez du aldaketa baztertzen. «Aurten ez; txirrindulariak iaz berde samar zeuden, eta aurten lehiatzen gozatu behar dute. Baina gazteek goraka egin behar dute, eta hainbati aurki txiki geldituko zaie Kontinetal maila. Zuzendariak borrokan ari dira mailaz igo eta taldea handitzeko». Landa, dena den, tentu handiagoz mintzatu zen gaiaren inguruan.]]>
<![CDATA[Bruren parioa ondo atera da]]> https://www.berria.eus/paperekoa/1872/021/001/2019-01-16/bruren_parioa_ondo_atera_da.htm Wed, 16 Jan 2019 00:00:00 +0100 Imanol Magro Eizmendi https://www.berria.eus/paperekoa/1872/021/001/2019-01-16/bruren_parioa_ondo_atera_da.htm
Hilabete gutxi batzuetan, izan ere, Baiona gauetik egunera pasatu da. Iragan sasoian bulego anabasa eta zor pilaketa zena arrakasta bilakatu da. Izan ere, eta ligako 17 jardunaldi jokatu direnean —30 dira guztira—, xuri-urdinak sailkapeneko lehen postuan daude, Oyonnax eta Neversekin puntu baten aldearekin. Azken talde horrek dirudi aurkaririk gogorrena, eta haren etxean jokatuko du bihar (20:45). Irabaziz gero, Baionak pauso erraldoia emango luke lehen postuan bukatzeko.

Jean Daugerren egun gozoak bizitzen ari dira. Ikusle gehien biltzen duen Pro D2ko estadioa da, 8.000 inguru partidako. Zaleen ilusioa berriz piztu da, eta euforia giro berriaren arduradun nagusiak izen-abizenak ditu: Yannick Bru (Auch, Frantzia, 1973). Bru taldeko kirol zuzendaria da, eta Tayeben parioa izan zen manager posturako. Frantziako errugbian izen aski ezaguna da, eta Frantziako selekzioko aurrelarien entrenatzaile postua utzi zuen Baionaren lema hartzeko.

Hasieratik, seriotasun irudia eman du Bruk, eta presidenteak ez du sartu eskurik haren erabakietan. Hori gauza berria da Baiona aldean, eta egonkortasun giroa bizi da. Tira, betiko galdera da: egonkortasunak ekarri ditu emaitzak, edo emaitzek ekarri dute egonkortasuna? Bata edo bestea izan, argi dago Bruk tekla egokia sakatu duela. Bruren eskua sasoi-aurrean hasi sen sumatzen, lan fisikoko saio oso gogorrak agindu baitzituen. Lan fisikoak itsutzen du, prestatzaile fisiko berria ekarri zuen Baionara, eta defentsarako teknikari bat.

Horiek baitira Baiona egiten ari den sasoiaren bi gakoak: defentsako lana eta txandakatzeak. Baionak mailako defentsa onena dauka. Estatistikak argi erakusten du hori: puntu eta entsegu gutxien jaso duen taldea da. Huts gutxi egiten ditu atzean. Defentsa on hori ahal fisikoaren ondorio da, Baiona baita jokalari gehien erabili duen taldea. 35 ditu guztira, eta ia guztiek izan dute jokatzeko aukera. Txandakatzeak ere ohikoak dira, eta ez da arraroa 23ko deialdian aste batetik bestera zazpi edo zortzi aldaketa ikustea. Bruk zango freskoak nahi ditu beti, eta, orain arte, ia beti ondo atera zaio.

Baionak etxeko partida guztiak irabazi ditu. Pro D2an ohikoa da faborito handiek etxean ez galtzea; beraz, kanpoko partidak dira arrakastaren langa ezartzen dutenak, eta Baionak hiru irabazi ditu —beste bat puntu bakarragatik galdu zuen—. Hor ikusten da txandakatzeen eraginkortasuna, balizko ordezkoek batez ere kanpoan jokatzen dutelako. Txandakatzeak, gainera, postu garrantzitsuetan egin ditu: harroinak, uztartze erdilariak, joko irekitzaileak, gibelekoak... Eta irteten direnak ongi aritzen dira. «Multzo bat gara, hori zen nire helburua hasieratik». Bruk behin baino gehiagotan errepikatu duen mantra da.

Dena, baina, ez da patxada, Vincent Etxeto gibelekoen entrenatzaileak Gabonetan aurreratu baitu ekainean taldea utziko duela. Lau urte zeramatzan taldean, eta ikurretako bat zen, baina harekin talka teknikoa izan du. Horrez gain, bi hegalekok luzerako lesioak dituzte, Remy Basetek eta Arthu Duhauk, eta Baionak merkatura jo beharko du. Horiek, baina, oztopo txikiegiak dirudite Baionak hartu duen abiadura gelditzeko, are handiagoa izango dena bihar Neversen etxean irabazten badu. Pro D2an lehen sei sailkatuek jokatzen dituzte igoera kanporaketak, baina lehen biak finalerdietan hasten dira, eta etxean jokatzen dituzte. Aurrenekoak finala etxean jokatzeko eskubidea du. Txapelduna igo egiten da, eta txapeldunordeak kanporaketa jokatzen du Top 14ko azken-aurreko sailkatuaren aurka.

Miarritze, krisian

Baionan poza da nagusi, eta Miarritzen, etsipena. Kezka ez, jaitsiera urrun dago, baina etsipena bai, oso zaila baitirudi lehen seien artean bukatzeak. Xuri-gorriek ere presidente berriak dituzte, baina haien parioa gaizki irten zen, eta Jack Isaac managerra egotzi zuten azaroan. Matthew Clarkin ingelesak ordezkatu du. Emaitzak,izan ere, ez dira onak: kanporaketak zortzi puntura ditu, eta, etxean bi urtez galdu gabe egon ondoren, porrot bat jaso zuen Agileran.

Dena, baina, ez zen Isaacen errua, Miarritzek zorte txarra izan baitu lesioekin. Dozenatik gora izan dira min hartu duten jokalariak. Kirol eremutik kanpoko arazoek ere giroa gaiztotu dute, baita hurrengo urterako etorriko diren jokalarien inguruko etengabeko zurrumurruak ere. Horrek ulertarazten du askok ez dutela jarraituko. Horietako bat Maxime Luku uztartze erdilaria da. 25 urteko senpertarra da harrobiko jokalarien ikurra, eta Bordelera doa, Top 14ra.]]>
<![CDATA[Helen Obiri eta Rhonex Kipruto Kenya, gaur eta bihar]]> https://www.berria.eus/paperekoa/1961/029/001/2019-01-15/helen_obiri_eta_rhonex_kipruto_kenya_gaur_eta_bihar.htm Tue, 15 Jan 2019 00:00:00 +0100 Imanol Magro Eizmendi https://www.berria.eus/paperekoa/1961/029/001/2019-01-15/helen_obiri_eta_rhonex_kipruto_kenya_gaur_eta_bihar.htm
«Lasterketak oso onak izan ziren, oso pozik nago ikuskizunarekin», azaldu du Zigor Diez Elgoibarko krosaren antolatzaileak. Egun, Elgoibarkoa da Euskal Herrian jokatzen den krosik garrantzitsuena, IAAFen Lehen Mailako bakarra, eta ia 5.000 pertsona bildu zituen Mintxetako harmailetan. «Oso pozik nago jendeak erantzun duelako; 4.000 pertsonatik gora bildu ginen, iaz baino %25 gehiago. Horiek dira gure helburuak: batetik, Elgoibar munduan ezagun egitea, eta, bestetik, ahalik eta jende gehien gerturatzea krosarekin gozatzera».

Eta gozatu zuten, bai, bi erakustaldi ikusi baitzituzten. Emakumezkoetan, Obiriren eta Beatrice Chepcoechen arteko duelua espero zen. Chepcoech 3.000 metroko oztopoduneko munduko markaren jabea da, eta iaz Diamantezko Liga irabazi zuen. Duelua erraz laburbil zitekeen: 5.000 metroko onena 3.000 metroko onenaren aurka. Eta 5.000koak irabazi zuen. Diezek gustura hartu zuen. «Obirik jende pila bat mugitzen du, mundu mailako izar bat da atletismoan. Obiri Lionel Messi da, onena bere distantzian. Pistako izar handiak ekartzean, baina, askotan ez dakizu nola jokatuko duten, eta Obirik irabazteko gogoa zuela erakutsi zuen». Obirik iltze txikiko zapatilak jantzi zituen, eta bidean lokatz gutxi egoteak lagundu egin zion. 24.39ko markarekin osatu zituen 7.621 metro aldapatsuak. Oso bizi.

Stella Chesang ugandarra izan zen bigarren —4. sailkatua Afrikako Kros Txapelketan—, 20 segundora; Chepcoech hirugarren, 38ra; eta Yasmine Can laugarren, 55era. Can Europako kros txapeldun izan da azken hiru urteetan. Lau izen handi dira: Mugerza krosak aurten diru gehiago inbertitu du emakumezkoen lasterketan gizonezkoenean baino. Euskal atletei dagokienez, Elena Loyo izan zen onena, bederatzigarren, irabazlearengandik 2.45era.

Obiri orainaldia da Kenyako atletismoan; Kipruto, berriz, etorkizuna. Gizonezkoetan, Selemon Barega iazko irabazlea zen faborito nagusia. Baregak 18 urte baino ez ditu, eta jada 10.000 metrokoan inoiz egin diren marka onenen artean laugarrenaren jabea da. Herenegun, baina, ezin izan zion Kiprutoren erritmoari eutsi. Diezek, dena den, bazekien zer egiteko gai zen. «Kenyan ari da lehiatzen eta entrenatzen, eta Europarako bidaia espresuki egin du Elgoibarren lehiatzeko. Martxoan munduko txapelketak daude, eta zirkuitua antzekoa delako etorri da. Kenyan parte hartu duen proba guztietan irabazi du». 2018an nagusitasun handiz izan zen junior mailako munduko txapeldun, eta Elgoibarren ere nabarmendu zen. 32.05ean bukatu zituen 10.796 metroak, Baregaren (32.27) eta Stanley Wathaka Zornotzako kroseko irabazlearen aurretik (32.54).

Laguntzaile eske

Aurtengoa Mugerza krosaren 76. aldia izan da, eta 77.a ere abian da. Diezen ustez, eutsiko diote kirol mailari. «IAAFen badakite nortzuk garen, eta proben lehen maila horretan jarraituko dugu, ziur». Arazoa, dena dena, betikoan ez ezik, dirua lortzea alegia, antolakuntzan dute, laguntzaileak falta zaizkie. Diezek azaldu du: «Boluntarioak behar ditugu: krosean egun batez lan egiteko, astebururako eta baita urte osorako ere. Gogorra da urtero dena azaldu behar izatea». Eliteko atletismoari lagundu nahi dionak Mintxeta atletismo taldera jo dezala. ]]>
<![CDATA[Azala aldatu du Asegarcek]]> https://www.berria.eus/paperekoa/1876/023/001/2019-01-12/azala_aldatu_du_asegarcek.htm Sat, 12 Jan 2019 00:00:00 +0100 Imanol Magro Eizmendi https://www.berria.eus/paperekoa/1876/023/001/2019-01-12/azala_aldatu_du_asegarcek.htm
Garaik hartu zuen hitza aurkezpen ekitaldian; orain arte Bizkaia pilotalekuko kudeatzailea zena izango da Baikoren burua. Joxean Artze zenaren olerki bat erabili zuen metafora moduan, Baiko pilota «iturri zaharretik irteten den ur berriarekin» alderatuz. Izan ere, enpresa aldetik aldaketa handia izango da, baina jarduera gehienetan ez da aldaketa izugarririk izango. Hori bai, orain jarduera bakoitzak izen berria izango du: Baiko Pilotak hartuko du Asegarceren lekua, Baiko Eraginek Bizkaia pilotalekua eta beste kirol azpiegitura batzuen kudeaketa, Baiko Racing Teamek motoziklismo taldearena, Baiko Indarra fitness zentroen kudeaketan egongo da eta Baiko Fundazioa azkenik.

Asegarce da kirol arloan oihartzun handiena duen enpresa, eta, Garaik aurreratu zuenez, ez da iraultzarik egongo. «Unai Iglesias kudeatzaile berriaren sarrera izan da azken aldaketa. Ez da aldaketa handirik egongo; guztiak berdin jarraituko du. Pilotariei dagokienez, kontratuak subrogatu egingo dira, eta enpresa berriaren izenean egongo dira». Pilotazaleak ez du aldaketa sumatuko, asteroko jardun eta programazioan ez baita aldaketarik egongo. Dena den, egia da enpresak aldaketa deigarri batzuk egin dituela azkenaldian: sarrerak Internet bidez bakarrik erosteko aukera, pilotariak aldagela ezberdinetan aldatzera behartzea, teknikariek pilotarien entrenamendu errutinen berri emateko duten telefono aplikazio bat, pilotari guztiek prestatzaile fisiko berarekin lan egitea; hain zuzen, Etor Mendiaren aginduetara. Enpresatik diotenez, horiek ez dute Baikoren sorrerarekin harreman zuzenik. Pilotari taldean ere ez da aldaketarik izango, 25 izango dira, eta kirol prestaketaren ardura teknikari berberek eramango dute: Ruben Belokik, Jose Angel Balanzak eta Pablo Berasaluzek.

Baikoren aurkezpena Bizkaia Bilboko pilotalekuan egin zen, eta pilotariek bertan estreinatu zituzten elastiko berriak. Bizkaiko pilotalekua publikoa da, eta Bizkaiko Aldundiak Custom Sporten esku utzi zuen kudeaketa 2011n, eta orain Bainet Eraginek hartuko du. Bide batez, Garaik jakinarazi zuenez, kudeaketa kontratua 2022ra arte luzatu dute, 2024ra arte luzatzeko aukerarekin. «Asmoa beste kirol azpiegitura batzuen kudeaketa hartzea da, baina oraindik goiz da esateko zeintzuk». Bizkaia pilotalekua kudeatzeko baldintzak antzekoak dira, dena den: urtean esku-huskako hamalau jaialdi profesional eta torneo bat antolatu behar izatea -tartean final bat--, palako berrogei, eta trinketa eta emakume hainbat jaialdi. Baikok trukean 1,7 milioi euro jasoko ditu, eta leihatilako dirua aldundiarekin banatzen du. Aparkalekua ere Customek kudeatzen du.

Fundazioa, berrikuntza

Baiko Fundazioa da enpresa azpiegituraren berritasun handietako bat. «Gizartearekin genuen zor bat da, eta gizarteak eman diguna itzuli nahi diogu. Pilota modalitate txikiagoak bultzatu nahi ditugu, emakumeen pilota... eta harreman estuagoa izan afizionatu munduarekin eta herrietako klubekin. Eskatzen ziguten gauza bat zen. Orain arte harreman hori informala zen, eta orain egituratu egin nahi dugu». Garaik behin baino gehiagotan nabarmendu zuen emakumezkoen pilota jaialdiak antolatzeko asmoa. «Goiz da emakumezko talde bat izango dugun esateko. Emakumezkoen pilota bultzatu nahi dugu, eta asmo hori nola lortu artikulatu behar dugu. Iaz Bizkaia torneoa antolatu genuen, Custom Sporten bitartez, eta hori izan daiteke bidea». Pala profesionala oraingoz Innpalaren barnean jarraituko du, baina antolaketa aurki sartuko da fundazioaren barnean. «pala irabazteko asmoa duen jardun bat ez delako sartuko dugu fundazioan; ez du irabazirik. Helburua da palak bizirik irautea». Gaur egun Innpalan dauden hamar palistek jarraituko dute.

Beste bi adarrak Baiko Racing Team eta Baiko Indarra dira. Baiko Racing Teamekin, besteak beste, eta zuzendari nagusiak esan zuenez, «Euskal Herriko motoziklismo pilotu eta mekanikariei bultzada ematea da». Oraingoz, Europako Txapelketan lehiatzen da taldea, Moto 2 eta Moto 3 txapelketan. Moto 2n, taldearen pilotuak Edgar Pons eta Benny Solis dira, eta, Moto 3n, Gerard Riu eta Iñigo Iglesias errenteriarra. Azkenik, Baiko Indarrak fitness zentroen kudeaketan jarriko du arreta.]]>
<![CDATA[Maldizioak hor dirau]]> https://www.berria.eus/paperekoa/2174/021/001/2019-01-09/maldizioak_hor_dirau.htm Wed, 09 Jan 2019 00:00:00 +0100 Imanol Magro Eizmendi https://www.berria.eus/paperekoa/2174/021/001/2019-01-09/maldizioak_hor_dirau.htm
Kirolbet Baskonia. Huertas (17), Janning (8), Shields (3), Voigtmann (10), Poirier (17) -hasierako bostekoa- Vildoza (19), Hilliard (13) eta Diop.

Markagailua. 20-22, 43-47; 55-62, 80-80; 91-87. Epaileak. Belosevic,Latisevs eta Peerandi. Poirier Baskoniako kanporatu zuten faltengatik. Bestelakoak. 7.000 ikusle Bakearen eta Adiskidetasunaren pabilioian.

Kirol ankerra da saskibaloia. Eta are ankerragoa bilakatzen da Grezian. Eta Baskonia baldin bazara, eta Olympiakosen pistara bazoaz, hainbeste maite duzun kirol hori tortura bihurtzen da ia beti. Pireokoa izango da Gasteizko taldeak gehien gorrotatzen duen pabilioia, eta atzo beste atal krudel bat gehitu zitzaion Atenasko portuko maldizioari. Partida osoan atzetik joan ondoren, Olympiakosek harrikada itxurako hiruko batekin behartu zuen luzapena azken segundoan, eta gero ez zuen gupidarik izan. Hamahiru urte dira han irabazi gabe, baina oraina da balio duena, eta Baskoniari, atzo, garaipen oso baliotsu batek egin zion ihes.

Ezinezkoa zirudien balentria hatz puntekin ukitu zuen Baskoniak. Zortzi jokalari bakarrik eduki arren, partida bikaina jokatu zuen, baina patuak bizkarra eman zion. Kolpe handia hartu zuten jokalariek, eta ikusteko dago nola altxatzen diren. Emaitzen arabera, kanporaketa postuak bi garaipenera gelditu daitezke berriz. Fenerbahceren pistan egin bezala, eta Xengelia, Granger eta Garino egon ez arren, adorea soberan dutela erakutsi zuten, baina hauspo pixka bat falta izan zitzaien azken laurdeneko errenta behar bezala gordetzeko.

Baskoniak, izan ere, bederatzi puntuko aldearekin ekin zion azken laurdenari (55-64, 31.min.). Poirierrek, hamazazpi puntu eta hamabi errebote, eta Huertasek, beste hainbeste puntu eta bost asistentzia, lan handia egin zuten. Milutinov pibota, Olympiakosen izar gaztea, gaixo zegoen, eta Gasteizko taldeak haren hutsunea baliatu zuen behin eta berriz saskipean min egiteko.Velimir Perasovicek amesturiko lekuan zuen partida, baina oraindik azken laurden osoa jokatu behar zen.

Olympiakosek ez zuen distirarik egin. Defentsa gogorra egin zuen epaileen baimenarekin, gorputza asko erabiliz, eta Baskoniak ondo egin zion aurre. Joko horrek, baina, asko higatzen du aurkaria, eta Gasteizko taldeak azken laurdenean nozitu zuen. Zach Leday pibota izan zen Baskoniaren ilusioaren borrero. Izar finez beteriko talde batean, morroi batek egin zuen zuloa. Erasoko errebotearen bila itsu-itsuan jo zuen, eta bost harrapatu zituen, laurdenean 11 puntu sartzeko. Gehienak Voigtmannen muturren aurrean hartu zituen. 35. minuturako Baskoniak etxekoaen hatsa zuen garondoan (67-68).

Ausartentzako unea zen, eta Janning eta Shields ez ziren agertu. Ez batak ez besteak ez zuten beraien eguna izan. Janningek izan zuen bereziki iluna. Hiruko bederatzi jaurtiketa egin eta bakarra sartu zuen. Olympiakosek ondo zainduta zituen pibotak, eta Perasovicek heroi bat behar zuen azken jabetzetarako. Bada Luca Vildozak jantzi zuen kapa. 22 urteko antolatzaile argentinarrak bederatzi puntu sartu zituen jarraian, bi gehi bateko jokaldi bat eta hiru hiruko urrun (73-77, 39.min). Vildoza ez da bildotsa.

Azken minutuan ere bi jaurtiketa libre izan zituen eta biak sartu zituen, ez ordea Hilliardek, bat huts egin zuelako. Baskonia 80-77 zen aurretik eta hamahiru segundo falta ziren bukatzeko. Gasteizko taldeak ondo defendatu zuen, eta azken jaurtiketa hiruko urrun bat izan zen. Papanikolauk hala moduz jaurti zuen, harrikada bat, eta taulan jo ondoren sartu zen. Jota utzi zituen Baskoniako jokalariak. Ahalegin guztia fruiturik gabe gelditzeko zorian.

Saskibaloian, normalean, luzapenak inertzia kontua izaten dira, eta behetik gora datorrenak irabazten ditu. Atzo hori gertatu zen, azken bost minutuetan ikusi zen etxekoek hanka freskoagoak zituztela, eta Leday, Papanikolau eta Printezisen artean bukatu zituzten lanak. Baskoniak ez zuen horrelakorik merezi.]]>
<![CDATA[Williamsek piztu du argia]]> https://www.berria.eus/paperekoa/1936/024/001/2019-01-08/williamsek_piztu_du_argia.htm Tue, 08 Jan 2019 00:00:00 +0100 Imanol Magro Eizmendi https://www.berria.eus/paperekoa/1936/024/001/2019-01-08/williamsek_piztu_du_argia.htm
Ilunpetan zegoen Athletic. Zuloan sartuta eta irtenbidea aurkitu ezinda. Egoera larrian dagoenarentzat gainera zailagoa da atea aurkitzea, hala larrialditik irteteko balio duena, nola gola sartzekoa. Futbolean, izan ere, bera dira. Norbaitek argia piztu ezean ia ezinezkoa da, eta zuri-gorriek hori behar zuten, norbaitek piztu zezala, eta atzo Iñaki Williams izan zen ardura hori hartu zuena. Aurrelariari garrantzitsu izateko eskatzen diote zaleek, eta atzo ardura hartu zuen bere gain. Bere bertute nagusia erabili zuen taldearen itsasargi izateko: abiadura. Hiru distira kolpe izan zituen eta bi golean bukatu ziren. Horri esker jaitsiera postuetatik irten da Bilboko taldea, eta zaleek aste lasaia pasa ahal izango dute.

Gaizka Garitano dagoenetik ohiko denez, Athleticek oldarkor ekin zion partidari, goian estutuz. Celta baino gehiago zen zelai gainean, eta arriskuz iritsi zen area ertzera. Arrisku hori aukera garbi bilakatu zen Nuñezek area txikitik jotako burukadan, Ruben sekulako geldiketa egitera behartu zuena (11. min.). Zuri-gorrien musikak doinu ona zuen, konfiantza hartzeko modukoa. Celtak, baina, kalitatea baduela gogoratu zion Athletici Maxi Gomezek zutoinera bidalitako falta jaurtiketan.

Sustoak ez zuen Athletic uzkurtu, eta kontraeraso batean sartu zuen lehen gola. De Marcosek luze jo zuen pasea Williamsek korrika egin zezan, eta hark, aske, gozatu egin zuen. Buruz buruko duelua eskaini zion Cabrali, eta mundu bateko tartea atera ondoren iskin egin zion. Erdiraketa ona Muniainek baliatu zuen.

Golak, baina, kalte egin zion Athletici. Bi, edo hiru, pauso eman zituen atzera, eta Celtari eman zion baloia. Etxekoek ez zuten arrisku handirik sortu, baina areara gerturatzearen inertziagatik korner bat lortu zuten. Lehen zatiko arauzko denbora bukatuta zegoen eta Athleticek ez zuen ondo zaindu. Celtak futbolaren historiako jokaldirik zaharrena egin zuen: aurrelariak, Gomezek, buruz atzera jo zuen lehen zutoinean, eta Beltran agertu zen bigarrenean baloia sarera bidaltzeko.

Psikologiko esaten zaien gol horietako bat izan zen, baina Athelticek ez zuen kolpea sumatu. Lehen zatian bezala irten zen, oso oldarkor. Gola, baina, Herreriren oinetan jaio zen. Atezainak Celtaren atzelariak aurreratuta ikusi, eta 50 metroko pasea eman zion Williamsi. Aurrelariak, berriz ere, korrika egiteko aukera ikusi zuen atzelarien bizkarraldean. Ezin izan zuten harrapatu, atzo ezinezkoa zen, eta Rubenen aurrean burua hotz izan zuen errematatzeko (54. min). Bost minutu geroago beste jokaldi bikain bat egin zuen Williamsek, baina horretan atezainak, orduan bai, urrundu egin zuen jaurtiketa.

Williamsek min hartu zuen 66. minutuan, eta Celtak arnasa hartu zuen. Aduriz irten zen haren ordez eta Rubenek gelditu zuen haren jaurtiketa bortiza. Hortik aurrerakoak sufrikario hutsa izan ziren Athleticentzat, eta Celtak azken minutuan eman zion sustorik handiena. Aitor Elizegi presidente berriak gizonezkoen lehen taldearen estraineko partida gozoa izan zuen karguan.]]>
<![CDATA[Williamsek piztu du argia (1-2)]]> https://www.berria.eus/albisteak/161222/williamsek_piztu_du_argia_1_2.htm Mon, 07 Jan 2019 23:17:06 +0100 Imanol Magro Eizmendi https://www.berria.eus/albisteak/161222/williamsek_piztu_du_argia_1_2.htm <![CDATA[Athleticek ezin du huts egin Celtaren aurka]]> https://www.berria.eus/paperekoa/2026/027/002/2019-01-06/athleticek_ezin_du_huts_egin_celtaren_aurka.htm Sun, 06 Jan 2019 00:00:00 +0100 Imanol Magro Eizmendi https://www.berria.eus/paperekoa/2026/027/002/2019-01-06/athleticek_ezin_du_huts_egin_celtaren_aurka.htm
Athletic jaitsiera postuetara itzuli da, eta Vila-realek gaur egiten duenaren arabera irten ahalko da. Rayok, gainera, irabazi egin zuen atzo, eta azpikoak ere estutzen ari dira. Yerayk eta Raul Garciak, zigortuta, ezingo dute jokatu, eta litekeena da Nuñezek eta Cordobak haien tokia hartzea hasierako hamaikakoan. Aitor Elizegi presidente berriaren lehen partida izango da San Mamesen.]]>
<![CDATA[Iparra aurkitu du berriz]]> https://www.berria.eus/paperekoa/1944/028/001/2019-01-06/iparra_aurkitu_du_berriz.htm Sun, 06 Jan 2019 00:00:00 +0100 Imanol Magro Eizmendi https://www.berria.eus/paperekoa/1944/028/001/2019-01-06/iparra_aurkitu_du_berriz.htm
Reala ahazten hasia da lehen itzuliko azken txanpako bolada txarra, eta, liga hasieran bezala, oso ondo jokatuz ekin dio bigarren itzuliari. Bi bloke oso ezberdineko egutegia egokitu zitzaion, eta ondo baliatu du. Atzo goizean Logroño hartu zuen Zubietan, eta nagusitasunez gailendu zitzaion. Nagusitasunez bai, baina ez lanik egin gabe, 67 minutu behar izan baitzituen 1-0ekoa sartzeko. Sartu ere penaltiz sartu zuen Nahikarik, berari arean egindako falta argia baliatuz.

Behin zailena eginda, beste bi gol sartu zituzten txuri-urdinek. Emaitza aurka zuela, Logroñok kobazulotik atera behar izan zuen, eta Mendozak (74.min,), faltaz, eta Bautistak (81.min), egoera baliatu zuten min egiteko.

Hasi eta berehala, galtzen

Lan zailagoak zituen Athleticek Atletico Madrilen zelaian, eta liderrak bere sendotasuna erakutsi zuen. Etxekoek hasi eta berehala sartu zuten 1-0ekoa, Tounkararen bitartez (3.min), eta, hogei minutu geroago, 2-0ekoa egin zuen Sosak (22. min.). Emaitza alde, Atleticok ondo kontrolatu du partida, eta Athleticen ahaleginek ez zuten fruiturik izan. Golik ez hartzeko asmoz zelairatu zen, eta lehen kolpea hasieran hartzea oso gogorra izan zen. Hala ere, bigarren zatian itsuan egin zuen erasora, eta hori baliatu zuen Atleticeko hirugarrena sartzeko. Ainhoa Alvarezek sartu zuen, bere atean (85. min.) erdiraketa bat urruntzen saiatu zenean. Athleticek hutsuneak nabaritu zituen, eta nekea sumatu zuen amaieran.

Bilboko taldea laugarren dago sailkapenean, baina, gaur-gaurkoz, liga irabazteko lehian dauden taldeak baino koska bat edo bi beherago dago. Atletico Madrilek eta Bartzelonak pilaturiko zenbakiak begiratu besterik ez dago. Zuri-gorrien helburua, orain, berriz liga hasierako bolada bera ez izatea da. Egutegi oso makurra egokitu zitzaion, eta sailkapeneko zuloan egin zituen hainbat jardunaldi. Hurrengo astean Huelva hartuko du Lezaman, eta ezin du hutsik egin, bi aste barru Bartzelonaren zelaian ariko baita, eta gero Rayo hartuko baitu. ]]>
<![CDATA[Balio bikoitza dute]]> https://www.berria.eus/paperekoa/1834/029/001/2019-01-06/balio_bikoitza_dute.htm Sun, 06 Jan 2019 00:00:00 +0100 Imanol Magro Eizmendi https://www.berria.eus/paperekoa/1834/029/001/2019-01-06/balio_bikoitza_dute.htm
Tolosan bi aurrelariek ondo jokatu zuten; aldea, baina, atzean egon zen. Mariezkurrenak agindu zuen; Galarzak, aldiz, sei huts egin zituen, gehienak hasieran. Hala ere, oreka egon zen lehen tantoetan (3-3, 5-5, 9-9 eta 11-11). Orduan ireki zuen tartea Artolak (14-11 eta 17-13). Ezkurdia esnatu, eta 16-18ra hurreratu zen, baina polemikak kalte egin zion. Ezkurdiak lehen botean jasotako pilota bat txartzat eman zuen epaileak, eta Arbizukoa partidatik irten zen.

Irabazleek bi puntura utzi dituzte galtzaileak, eta, orain, Bengoetxea-Imaz dira haien aurkariak laugarren posturako. Leitzarrak magia egin zuen Labriten, hamalau tanto, eta berak erabaki zuen partida. Altuna eta Martija, berriz, oso ilun aritu ziren. Azken bost partidak jarraian galdu dituzte, eta maldan behera doaz. Zazpigarren jardunaldiko azken partida gaur jokatuko da, Eibarren. ]]>
<![CDATA[Realak olatua hartu du berriz]]> https://www.berria.eus/albisteak/161174/realak_olatua_hartu_du_berriz.htm Sat, 05 Jan 2019 08:32:02 +0100 Imanol Magro Eizmendi https://www.berria.eus/albisteak/161174/realak_olatua_hartu_du_berriz.htm <![CDATA[Dena da zoriona Mendizorrotzan (2-1)]]> https://www.berria.eus/albisteak/161176/dena_da_zoriona_mendizorrotzan_2_1.htm Sat, 05 Jan 2019 08:31:30 +0100 Imanol Magro Eizmendi https://www.berria.eus/albisteak/161176/dena_da_zoriona_mendizorrotzan_2_1.htm <![CDATA[Handiena joan da]]> https://www.berria.eus/paperekoa/1920/020/001/2019-01-05/handiena_joan_da.htm Sat, 05 Jan 2019 00:00:00 +0100 Imanol Magro Eizmendi https://www.berria.eus/paperekoa/1920/020/001/2019-01-05/handiena_joan_da.htm ito hitza neurrira egina balitz bezala eramango du Miguel Gallastegik aurrerantzean (Eibar, 1918-Donostia, 2019). Milimetrora egindako jaka eta alkandora dotoreak bezain neurrira eramango du adjektibo ponposoa. Planta bikaineko kirolari, eta pertsona atsegin eta irekia zena atzo goizean hil zen, 100 urterekin, oroimenerako makina bat partida eta pasadizo utzita. «Behin Cannesko zinema jaialdira joan zen Miguel. Maria Jesus Danborenea bere emaztea Donostiako SADE filmetako buruetako bat zen, eta filma asko erosteagatik-edo, hara gonbidatu zuten. Biak, dotore asko, alfonbra gorritik sartu ziren, eta, bat-batean, han zeuden guztiak autografo eske hasi zitzaizkion Migueli. 'Baina hemen ba al dakite pilota txapeldun naizela?', galdetu zion emazteari. Ezinezkoa. Ikertzen hasi, eta Johnny Weissmulerrekin nahastu zuten! Tarzanen rola egiten zuen igeriketa olinpiar txapeldunarena! Hura zen planta izango zuena!». Gertakariak, eta gero kontatzeak, asko dio Gallastegiren nortasunaren inguruan, pasadizoa txapeldun ohiak berak kontatu baitzion Ander Letamendia zirujau, idazle, eta hari buruzko dokumentazio lan handikoa eginikoari. «Artista zen, jatorra... Hura ezagutu eta harekin konfiantza izatea bizitzak egin didan opari handi bat izan da».

Zinema izarrekin izandako pasadizo bakarra ez zen izan, Gallastegik berak baitzioen Charlton Heston Espainia aldera El Cid filma grabatzera joan zenean, 1961ean, harekin oilasko errea afaldu zuela Madrilgo pilotaleku batean. Ordurako 43 urteak beteak zituen Gallastegik, eta urtebete zen erretiroa hartu zuela, baina oso ezaguna zen, eta izarren tratua jaso zuen pilotalekuan. «Txapeldun handia izan zen zentzu guztietan, txapeldun pilotalekuan eta txapeldun bizitzan. Gizon lerdena, atsegina... Printze baten antzera bizi izan zen, pilotako printzea. Familian asko maite izan dugu», gogoratu du Isabel Bidarte kazetariak. Bidarte pilotari enpresen sendikoa da hura. Fernando Bidarte Aspeko egungo buruaren arreba.

Otsailean 101 urte beteko zituen Gallastegik, eta, askorentzat, inoizko pilotaririk handiena izan da. 1940ko eta 1950eko hamarkadetako, pilotaren garairik oparoeneko, txapeldunik handiena, buruz buruko txapela hirutan irabazitakoa (1948, 1950 eta 1951). Eibarko Asolaigartza baserrian jaio zen 1918an, egun existitzen ez den eraikinean, eta genetikak 1,86 metro eta gihardura ikusgarria oparitu zizkion. Astelenan egin zen pilotari, eta hantxe ezagutu zituen Espainiako Gerran ariko ziren gudariak. Amuategi batailoiarekin ibili zen maniobratan, eta etxean ezkutatu zen. Soldadu eraman zuten Gasteizera orduan, eta baimenak baliatzen zituen jokatzeko.

1936ko ekainean egin zuen debuta, Astelena maitean. «Pilotan jokatzeko dagoen munduko tokirik onenean». 2014az geroztik, haren argazki erraldoia dago han, frontisaren alboan. «Enrique nire aitonak eman zion aukera, hark bazekien Gallastegi pilotari ona baino gehiago izango zela, txapelduna. Tratu gehiago, dena den, Alberto nire aitarekin izan zuen. Hura izan zen Gallastegiren enpresaria. Izan zituzten euren tirabirak, baina lagun handiak izan ziren, eta bada zerbait, enpresari eta pilotari zirela kontuan hartuta», gogoratu du Bidartek.

Gallastegi, izan ere, odol berokoa zen. 1948an eta 1953an buruz burukoa jokatzeari uko egin zion enpresariekin izandako desadostasunengatik. «Merezi nuenik ez zidaten ordaindu nahi», esango zuen gero. 1953ko finalari uko egin zionean, Gipuzkoako gobernadore zibilak berak deitu zion, zurrumurrua zabaldu zelako Franco diktadorea finalera joatekoa zelako ez zuela jokatu nahi. Uko hark sei hilabeteko zigorra eragin zion, eta tarte hura baliatu zuen Ipar Euskal Herrian jokatu, eta, besteak beste, Jose Antonio Agirre lehendakaria ezagutzeko. Zigorrak, baina, ez zuen apaldu Gallastegik zaleak erakartzeko zuen ahalmena. Orduko kronikek diote 1953an 17.500 pezeta irabaztera iritsi zela partida bategatik. Garai haietan, irakasle baten hilabeteko soldata 1.200 pezeta inguru zen (7,2 euro).

Gallastegi, ordurako, hiru aldiz izana zen buruz buruko txapeldun. Historikoena 1944ko finala izan zen, Atano III.ari 22-6 irabazi zionekoa, Bergaran. Atanok 22 urte zeramatzan txapeldun, eta belaunaldi aldaketa izan zen. «Ondoren, elkarrekin bazkaltzera joan ziren, Gallastegik gonbidatuta. Atanotarrek jende asko mugitzen zuten, eta Gallastegik ere bai. Zaleen artean lehia zegoen, baina pilotarien artean harreman oso ona». Alberto Juaristi Atano X.a-k kontatu du hori. Albertok 17 urte zituela, 1967 edo 1968an, erakustaldi desafioa jokatu zuen Gallastegiren aurka Errioxan, eta harrituta gelditu zuen 50 urterekin txapeldun ohiak zuen indarrarekin. Berak behin, baina askotan jokatu zuena Jose Mari bere aita izan zen, Atano VII.a. «Gallastegik zioen nire aita zela estuen hartzen zuen aurkaria, hark ere indarra zuelako. 1942an, buruz buruko finalerdia irabazi zion. Lagun onak ziren, eta errespetu handia zioten elkarri. Nire aitak zioen Gallastegi pilotari beldurgarria zela: ezker, eskuin... eta beti ondo prestatuta». Izan ere, Gallastegi izan zen lan fisikoa serio hartu zuen lehen pilotaria, eta pilota, nolabait, modernizatu zuena. Bere prestaketan, besteak beste, egunero aizkorarekin egurra hogei minutuz mozten zuen, eskuak lazteko. Mendi buelta eta korrika saioak ere egiten zituen.

Atanori irabazi ondoren beste bitan izan zen buruz buruko txapeldun, bietan Jose Luis Akarregi lagun minaren aurka. 1950ean, 22-15 irabazi zion, eta 1951n, 22-14 —1948an, finalerdia jokatu zuten eta Gallastegik 22-20 irabazi zuen 97 minutuko partida batean, haren ustez bere ibilbideko partidarik gogorrena izandakoan—. 1951ko finala jokatzeagatik, 1.000 pezeta jaso zituen Gallastegik, eta ondoren Eibarko bandari kalejirarik ez egiteko eskatu zion. «Jose Luis lekeitiarra zen, baina Eibarren bizi zen, eta lagun onak ginen. Ez nuen nahi harentzat iraingarria izan zitekeen ezer gertatzerik».

Ongintza jaialdi asko

Baina nolakoa zen Gallastegi? Hainbestekoa al zen haren agintea? Gutxi dira harekin profesionaletan jokatu eta bizirik dirauten pilotariak, eta horietako bat da Jesus Garcia Ariño, 1957ko eta 1963ko buruz buruko txapelduna. «Bederatzi edo hamar partida jokatu nituen, eta haren aurkari izan nintzen agurrean. Lehen aldiz harekin jokatu nuenean, 18 urte nituen, eta zabalean jarri ninduen, pilotari eskasei egiten zaien bezala. Eskuan esparatrapu zinta bat jartzen zuen bakarrik, eta pilota zakarrarekin garaiezina zen. Gogoan ditu bere txapa gainekoak zabalera, bueltatu ezinak ziren». Luciano Juaristik du orain bizirik dagoen buruz buruko txapeldun ohi zaharrena izatearen ohorea.

Enpresariekin izandako tirabirek diruzale ospe pixka bat eman zioten, baina guztiz aurkakoa zen, makina bat ongintza pilota jaialdi jokatu baitzituen: 1955ean Ondarroan hondoratu zen Maitane Arriola itsasontziko marinelen alde, hainbatetan Eibarko ospitalearentzat... 1951eko buruz buruko finala dohainik jokatzeko prest agertu zen enpresariek sarrern dirua behartsuei ematen bazieten. Eta erretiroa hartuta, 1960an, besteak beste, hainbat antzokitako enpresari izan zen. Eibarren ezagunak dira Amaia antzokian antolatu zituen bertso jaialdiak. Gallastegi euskaltzalea baitzen, eta oso gustuko zituen bertsoak.

Txapeldun handia oso ohikoa izan da pilotalekuetan azken urtera arte, eta gustuko zuen pilotari gazteekin tratua izatea. Ez zuen barkatzen urteroko buruz buruko txapeldun ohien bazkaria. Osasun onekoa ia beti, 90 urterekin oraindik autoa betaurrekorik gabe gidatzeko gai izan zen. Donostian bizi zen, eta astelehenean izango dira haren omenezko hileta elizkizunak San Vicente parrokian. Kristau fededuna, Arrateko Ama zuen kuttun. Jaungoikoak, nonbaiten existizten bada, bere tamainako aurkari bat du aurrerantzean pilotan aritzeko.]]>
<![CDATA[Adorea ez du galdu]]> https://www.berria.eus/paperekoa/2089/022/001/2019-01-05/adorea_ez_du_galdu.htm Sat, 05 Jan 2019 00:00:00 +0100 Imanol Magro Eizmendi https://www.berria.eus/paperekoa/2089/022/001/2019-01-05/adorea_ez_du_galdu.htm
Green (2), Datome (13), Melli (19), Vesely (15) -hasierako bostekoa-,Kalinic (5), Sloukas (13), Guduric (14), Duverioglu (6) eta Lauvergne (3).

Kirolbet Baskonia. Huertas (6), Janning (10),

Shields (22), Voigtmann (7), Poirier (15) -hasierako bostekoa-, Vildoza (11), Gonzalez, Diop (5) eta Hilliard (11).

Markagailua. 27-25, 48-41; 75-65 eta 96-87. Epaileak. Lamonica, Ryzhyk (Ucrania) Gytis

Vilius. Mellli (40. min.) Fenerbahcekoa eta Poirier (40.min.) Baskoniakoa kanporatu dituzte faltengatik. Bestelakoak. 11.230 ikusle, Ulker Sports Istanbulgo pabiloian.

Velimir Perasovicek partidaren amaieran ez zuen oso argi izango jokalariei errieta egin behar zien edo zoriontzea komeni zen. Porrotek, berez, entrenatzaileak sutzen dituzte, eta kroaziarra odol berokoa da. Atzo, baina, Istanbulen, jokalariek euren onena eman zuten, eta Xengelia, Garino eta Grangerren hutsuneak izan arren, hortzak erakutsi zizkieten Fenerbahceri. Hirugarren laurdenean 21 puntugatik galtzen joan ondoren, bakarrera gerturatu ziren azkenekoan, eta, etxekoek berriz ere azeleragailua zapaldu zutenean, erregairik gabe gelditu ziren haiei jarraitzeko.

Porrotak kanporaketa postuetatik atera du Baskonia. Garaipen batera ditu orain, baina Euroligari nola ekin zion ikusita, ezin da dramatzat hartu. Atzo, gainera, liga hasieran ilun samar aritu diren jokalari batzuek pausoa eman zuten aurrera, hiruk bereziki: Hilliardek, 11 puntu; Voigtmannek, zazpi puntu, 11 errebote eta bost asistentzia; eta Shieldsek, 22 puntu. Lesioek duten gauza on bakarra hori da, beste jokalariak aukera berriak baliatu ditzaketela. Eta Baskoniak hori behar du, kostata fitxatuko baititu punta-puntako ordezkoak.

Istanbulen, nabaritu zituen hutsuneak, baina batez ere aurkariaren maila pairatu zuen. Fenerbahce titulurako hautagai da, eta erritmo oso bizia ezarri zuen. Lehen bi laurdenetan, hainbestean eutsi zion Gasteizko taldeak (27-25 eta 48-41), baina, hirugarrenean, etxekoek ihes egin zuten. Egun oso ona izan zuten jaurtiketan, eta hamabost hiruko sartu zituzten (%57). Eskumutur finei esker, 21 punturen tartea ireki zuten lau minutuan (69-48, 24.min.).

Partidak erabakita zirudien, baina Baskoniak jokalariak galdu ditu lesioekin, ez adorea. Aldapa gorako bideari ekin zion, fede handiz, eta apurka tartea murriztu zuen. Laurdenaren amaieran 75-64 ziren, eta 34. minutuan puntu bateraino hurreratu zen Shieldsen hiruko batekin (80-79). Fenerbahcek, dena den, susperraldia elikatu zuen defentsarako jarrera eskasarekin.

Miraria zilegi zen, baina oso zaila. Fenerbahceri oraindik beste abiada bat gelditzen zitzaion, eta Baskonia arnasestuka zegoen. Krisi une horretan, Marco Guduric agertu zen, eta jokalariek Zeljko Obradovicek aurpegiko kolore gorria argitu zuten 8-0eko partzial batekin. Baskoniaren ahaleginak, gutxienez, konfiantza hartzeko balioko dio taldeari.]]>
<![CDATA[Altxorra lortu du Gernikak]]> https://www.berria.eus/paperekoa/2174/018/001/2019-01-04/altxorra_lortu_du_gernikak.htm Fri, 04 Jan 2019 00:00:00 +0100 Imanol Magro Eizmendi https://www.berria.eus/paperekoa/2174/018/001/2019-01-04/altxorra_lortu_du_gernikak.htm
Galatasaray. Alben (13), Jefferson (13), Atas (3), Adbi (13), Macaulay (19) -hasierako bostekoa-Onar, Topuz, Gokdemir eta Grigalauskyte (18).

Markagailua. 24-25, 53-36; 65-57 eta 84-69.

Epaileak. Somos, Bisuel eta Ortis. Macaulay kanporatu zuten faltengatik. Bestelakoak. 800 ikusle Maloste kiroldegian. Harmailak bete egin ziren.

Posible da, Lointek Gernika Bizkaiak Eurokopan aurrera egiteko aukerak ditu. Tira, aukerak baino gehiago dira, orain eskura baitu Galatasaray iazko txapelduna kanporatzea, eta pauso historikoa ematea final-hamaseirenetarantz. Izan ere, atzo, Malosteko berotasunean hamabost puntuko aldea lortu zuen, eta hori altxorra da heldu den ostegunean, Istanbulen, itzuliko partidan, izango duen giro oldarkorrari eta testuinguruari aurre egiteko.

Malostek dantzaleku bihurtuta bukatu zuen partida, gorabeheraz beteriko partidaren azken atala etxekoen aldekoa izan zelako. Gehien sufritzen ari zenean Gernikak adore erakustaldia eman, eta 13-0eko partzialarekin amaitu zuen partida. Hiru minutuko apoteosia izan zen, eta aldea handiagoa zatekeen azken bi jaurtiketa libreak huts egin izan ez balitu. Baina hori baino garrantzitsuagoa da emaniko itxura, izen gutxiago izan arren, Gernikak garbi utzi zuelako Galatasarayren mailan dagoela.

Etxekoek, izan ere, hasieratik erakutsi zizkioten hortzak aurkariari. Mario Lopezek erritmo oso bizia agindu zuen, hala atzean nola erasoan. Lehen laurdena 24-25 bukatu zen, eta bigarrenean Gernikak erakustaldia eman zuen. 29-11ko partziala kateatu eta 53-36 iritsi zen aurretik atsedenaldira. Herio batean jokatu zuen, eta zortzi hiruko sartu. Lau jokalarik zortzi puntu edo gehiago zeramatzaten ordurako, eta Galatasarayk ez zekien nola gelditu etxekoen olatua.

Atsedenaldia une egokian iritsi zitzaion Turkiako taldeari, eta hirugarren laurdenean jokoa aldatu zuen. Asko moteldu zuen erritmoa eta Dietrick eta Vanderwalen faltak eragin zituen. Gernika nekea sumatzen joan zen apurka -zortzi jokalarirekin aritu zen, Roundtreek AEBetara joan behar izan zuen arazo burokratikoengatik, eta Nacickaite fitxaketa herenegun iritsi zen Gernikara-. Galatasarayk, bere aldetik, tantaka murriztu zuen aldea, eta hirugarren laurdenaren amaieran 11 puntura zegoen (65-57).

Azken laurdenean Galatasarayk berdin jarraitu zuen, baina Dietrick eta Vanderwalekin Gernikak hobeto eutsi zion orekari. Urduritasunaren zama, baina, hor zen, eta kanpokoak bi puntura jarri ziren (71-69, 37. min.). Taldea okerren zegoenean, baina, Gernika suspertu egin zen, eta Galatasaray izan zen arnasarik gabe gelditu zena. Etxekoek korrika egitea lortu zuten, errebote eta lapurturiko baloien bitartez, eta azken txanpa historikoa jo zuten.

Eta gaur, liga

Hala da bai, Espainiako ligako eta Europako txapelketen arteko egutegien koordinazio falta ageria geldituko da gaur, atzoko jipoiaren ondoren Lointek Gernikak ligako 14. jardunaldiko partida jokatuko baitu etxean Sant Adriaren aurka (20:00). Ondo bidean partida erosoa beharko luke. Nacickaitek lehen minutuak jokatuko ditu. Araskik eta IDK-k bihar jokatuko dute.]]>
<![CDATA[Baskonia balentria handiaren bila ariko da gaur Istanbulen]]> https://www.berria.eus/paperekoa/2194/018/002/2019-01-04/baskonia_balentria_handiaren_bila_ariko_da_gaur_istanbulen.htm Fri, 04 Jan 2019 00:00:00 +0100 Imanol Magro Eizmendi https://www.berria.eus/paperekoa/2194/018/002/2019-01-04/baskonia_balentria_handiaren_bila_ariko_da_gaur_istanbulen.htm
Baskoniaren kirol egoera asko okertu da azken asteetan. Jayson Granger eta Tornike Xengeliaren lesioak ez dira txikikeria, eta haiek gabe oso zail dirudi Euroligan lehiatzea. Taldeak Xengeliaren belauneko lesioaren inguruko nahiko ohar kriptikoa atera zuen, eta Perasovic izan zen, Istanbulerako hegazkinera igo aurretik, argi pixka bat jarri zuena: «Agian hiru hilabete barru jokatzeko moduan izango da, eta ez da erraza maila horretako jokalari bat ordezkatzea». Taldearen altxortegia gainera ez dago borborka. Aurki espero da ordezkoa, eta Kekin Jonez Baskoniako jokalari ohiaren izena agertu da Manresa aldean. Akordioa itxita zuen bertako taldearekin eta atzera egin du.

Xengeliaren lesioari Grangerrena gehitu behar zaio. Hark ezkerreko orkatila du minduta eta ikusteko dago ebakuntzarik behar duen. Hala bada, beste ordezko bat bilatu behar du taldeak, eta aurki bukatuko da Euroligako beste talde batean aritutako jokalariak fitxatzeko epea.

Testuinguru horrekin, Lauko Finalak ia utopia dirudi, eta, harekin amets egiteko, balentriak beharko ditu Baskoniak, gaur Istanbulen irabaztea bezalakoak. Zeljko Obradovicek zuzentzen duen taldea Euroligako liderra da 14-1eko balantzearekin; Baskonia, aldiz, hamargarren da, zortzigarrenarekin berdinduta, eta zazpi partida irabazi ditu. Lehen itzuliko partidan, Gasteizen, Fenerbahcek 72-74 irabazi zuen.]]>