<![CDATA[Imanol Magro Eizmendi | Berria.eus]]> https://www.berria.eus Bere azken artikuluak eu Sun, 24 Oct 2021 05:43:14 +0200 hourly 1 <![CDATA[Imanol Magro Eizmendi | Berria.eus]]> https://www.berria.eus/irudiak/berriaB.png https://www.berria.eus <![CDATA[Erantzukizuna ez delako mugan amaitzen]]> https://www.berria.eus/paperekoa/1964/010/001/2021-10-22/erantzukizuna_ez_delako_mugan_amaitzen.htm Fri, 22 Oct 2021 00:00:00 +0200 Imanol Magro Eizmendi https://www.berria.eus/paperekoa/1964/010/001/2021-10-22/erantzukizuna_ez_delako_mugan_amaitzen.htm
Euskal enpresek atzerrian duten jardunari behatuko dion zelatari bat sortzea da helburua. Kapitalari Plantok hainbat gizarte eragileren iritziak jaso ditu horretarako. Nazioarteko zuzenbidea oso motela da, eta, urraketak «sistematikoak» direnez, enpresak haien sorlekuan zaindu behar dituztela uste dute, kasu honetan Hego Euskal Herrian —Nafarroan bide bera hastea ikertzen ari dira—. «Euskal enpresa batzuek urraketak egiten dituzte, eta ez da nahikoa haien biktimak legebiltzarrera ekartzea. Aurrera egin behar da, urrunago iritsi», azaldu du Juan Hernandez Zubizarreta nazioarteko zuzenbideko EHUko irakasleak, proposamenaren egileetako batek.

Eta zeintzuk dira enpresa horiek? Bada, bultzatzaileen esanetan, salaketak egin dizkiete besteak beste CAFi, Senerri, Iberdrolari, Proserteki eta Gestampi. Era berean, asko dira antzeko salaketak jaso eta Euskal Herrian errotuta dauden atzerriko enpresak: esaterako, arropa denden kate handiak (H&M, El Corte Ingles...). Egun, desoreka juridiko handia dago legedietan, garabidean dauden hainbat herrialdetako legedia malgua delako, eta horregatik da garrantzitsua etxean eragitea. Zubizarreta: «Salaketa egiteko ahalmena izango luke zentroak, baita ofizioz ere. Auditoria hutsa baino gehiago litzateke: ikerketa publiko bat».

Nazioartean borondate oneko akordioak bultzatu dituzte, «erretorikoak gehiago zigortzaileak baino». Kontrol zentroei dagokienez, aurrekari gutxi dago, Suitzan eta Katalunian baino ez. Azken hori lege bidez sustatzea bozkatuko dute aurki, eta hango parlamentuaren %85 dago alde. David Gomez da bultzatzaileetako bat. «Urraketak kasu bakanak zirela zioten alderdiek, eta guk aurkakoa erakutsi diegu».

Legebiltzarraren esku

Kataluniako bidea duela zazpi urte hasi zuten. Oinarrizko proposamenean ahalmen zigortzailea aitortzen zaio zentroari, lehenbizi isunak jarriz, eta, urrunago iritsi behar izanez gero, Kataluniako erakundeetako lehiaketa publikoetara aurkezteko debekua ezartzeraino. Ikusi beharko da zertan gelditzen den.

Baina posible al da Eusko Legebiltzarrean halakorik onartzea? 2022ko apirilean ekingo diote bideari, legez besteko proposamen batekin edo herri ekimen legegile baten bidez. EH Bilduk eta Elkarrekin Podemos-EBk begi onez ikusi dute. Ondorioz, EAJren edo PSEren babesa beharko lukete. ]]>
<![CDATA[Parke teknologikoak handituko dituzte, 160 enpresa erakartzeko asmoz]]> https://www.berria.eus/paperekoa/1877/014/001/2021-10-21/parke_teknologikoak_handituko_dituzte_160_enpresa_erakartzeko_asmoz.htm Thu, 21 Oct 2021 00:00:00 +0200 Imanol Magro Eizmendi https://www.berria.eus/paperekoa/1877/014/001/2021-10-21/parke_teknologikoak_handituko_dituzte_160_enpresa_erakartzeko_asmoz.htm
«Behar duguna zabaldu behar dugu. Egun parkeak ez daude lepo, baina okupazio maila oso handia dute», azaldu du Arantxa Tapia Jaurlaritzako Ekonomiaren Garapeneko sailburuak planaren aurkezpenean. Datuek arrazoia ematen diote, Gipuzkoako parkeetan azpiegituren %94 okupatuta baitaude: Bizkaikoetan, %77, eta Arabakoetan, %65. Lurzoruei dagokienez, berriz, %77koa da okupazioa. Horiek hala, hiru lurraldeetako parkeak handituko dituzte. Are gehiago, parke berriak eraikitzeko ikerketa lanak egiten ari dira Zubieta industriagunean (Hondarribia, Gipuzkoa) eta Zorrotzaurre uhartean (Bilbo). Iazko urte amaieran 580 enpresa zeuden hiru parkeetan, eta 19.472 pertsonak egin dute lan. Azken hamar hilabeteetan kopuru horiek handitu egin dira.

ARABAKO PARKEA
Lur asko

Azalerari dagokionez, Miñaokoa da gehien handituko den parkea. 740.000 metro koadro handituko da -148 futbol zelai egiteko adina-, eta 10,2 milioi euro bideratuko dituzte horretarako. Besteak beste, Jaurlaritzak Europako funtsen bidez bultzatu nahi duen Basquevolt autoentzako bateria elektriko gigafaktoriari tokia egiteko da. Abuztuan zabaldu zenez, Jaurlaritzak 2,1 milioi bideratu ditu proiektuak behar dituen orubeak erosteko.

Izan ere, Arabakoa baita azken hilabeteetan okupazio maila gehien handitu duen parkea: iazko urte amaieran %27koa zen, eta egun %65ekoa da. Horren arrazoia da Epsilon Euskadi zenaren eraikina betetzen hasi dela. Egun Marie Curie eraikina deritzonak 13.000 metro koadro ditu, eta hutsik zegoen Epsilon Euskadiren likidazioa amaitu zenetik. Urrian, baina, bi enpresa hasi dira azpiegituraren zati bat erabiltzen: Alisea Esco, energiaren sektorekoa, eta AVS. Azken horrek Elgoibarren du egoitza, eta teknologia aeroespaziala lantzen du.

BIZKAIKO PARKEA
Inbertsiorik handiena

Egun enpresa gehien biltzen dituen parke teknologikoa da, 276 guztira, eta hark jasoko du inbertsiorik handiena: guztira 85 milioi euro bideratuko dituzte lanetara. Beste hiru eraikin eraikiko dituzte, eta Leioa eta Zamudioko guneei Ezkerraldea-Meatzaldeakoa gehituko zaie.

Azken hori Zierbenan dago, eta hidrogenoaren inguruko teknologiak elkartzeko diseinatu zuten. Tapia sailburuak azaldu duenez, 2022-2023 urterako martxan egotea da asmoa. Parkearen eraikin nagusia izango dena amaitzear dago, eta azalera osoaren %40 okupatuta dago. Otsailean eman zuten proiektuaren berri, eta orduan datu bera eman zuten. Besteak beste, jakina da Petronorrek hara eramango dituela bulegoak.

Bilboko Zorrotzaurreko balizko parkeari dagokionez, oraindik zehazteko dago egingo den ala ez. Bideragarritasun ikerketa egiten ari dira egun. Jaurlaritzak legegintzaldi honetan argitu nahi du zalantza hori.

GIPUZKOAKO PARKEA
Beteena

Hiruretan beteena da Gipuzkoako parkea. Egoitzak Miramonen (Donostia) eta Galarretan (Hernani) ditu -159 enpresa guztira-, eta 40.000 metro koadro handituko da 2024ra bitarteko tartean. Horien erdia bi eraikin berriren bitartez egingo dute. Aurrekontua 30,9 milioi eurokoa da.

Eraikin horietako bat gutxienez Galarretako eremuan egongo da. Iragan maiatzean zehaztu zutenez, parkearen ikur berria izango den eraikina izatea espero dute. Horri Hondarribiko aukeraren ikerketa gehitu behar zaio. Eskualdeko ospitalearen alboan dagoen lur sail batean litzateke.

Inbertsio horiekin parkeen sareak 2021-2024 tarteko fakturazioa 95 milioi euro handitzea espero du: 65 milioi Bizkaian; 24,4 Gipuzkoan, eta bost Araban. Arabako proiektuak epe luzeagokoak dira, eta hor datza datu horien arteko desoreka ren arrazoia.]]>
<![CDATA[ELAk afiliatuen galera eten du azken lau urteetan, eta 100.000tik gora ditu berriz]]> https://www.berria.eus/paperekoa/1857/015/001/2021-10-19/elak_afiliatuen_galera_eten_du_azken_lau_urteetan_eta_100000tik_gora_ditu_berriz.htm Tue, 19 Oct 2021 00:00:00 +0200 Imanol Magro Eizmendi https://www.berria.eus/paperekoa/1857/015/001/2021-10-19/elak_afiliatuen_galera_eten_du_azken_lau_urteetan_eta_100000tik_gora_ditu_berriz.htm
ELAk kongresu bakoitzaren aurretik egiten duen gardentasun ariketan eman du datuen berri. Ohitura denez, afiliatu zerrendak hainbat kazetariren esku uzten ditu, besteak beste, guztiek kuota ordaintzen dutela egiazta dezaten. Afiliazio estatistikak beste datu esanguratsu batzuk utzi ditu: esaterako, egun ELAko afiliatuen %46 emakumeak dira, duela lau urte baino hiru puntu gehiago, eta 39 urtetik beherakoen artean %50ekoa da ehunekoa.

Diru kontuen berri ere eman du ELAk, eta, haren datuen arabera, finantzaketaren %93 «iturri propioetatik» jasotzen du. Kopuru hori duela lau urteko bera da. Mitxel Lakuntza idazkari nagusiak nabarmendu du afiliatuen konpromiso pertsonalari esker lorturiko autofinantzaketa maila dela, eta horrek ematen diola indarra sindikatuari, «autonomia» bermatzen diolako.

ELAren borrokarako erreminta eraginkorrenetako bat erresistentzia kutxa izenekoa da, greban dauden langileek borrokari eusteko jasotzen duten kalte ordaina, alegia. Sindikatuak azaldu duenez, grebalariek 1.163 euroko kalte ordaina jasotzen dute hilean, eta afiliatu kuota guztien %25 erabiltzen du funts hori elikatzeko. Afiliatu bakoitzak 22,62 euroko kuota ordaintzen du hilero. Azken lau urteetan ELAk 104 milioi euroko sarrerak izan ditu, eta 87,8 milioi gastatu ditu. Horietatik, hamasei erresistentzia kutxan sartu ditu.

Greba, «eragiteko»

Lanuzteekin jarraituz, eta bili-bolo dabilen greba orokor baterako deialdi posiblearen harira, Lakuntzak onartu du bere ustez ELAk eta LABek ez dutela modu berean planteatu: «Guk aktibazio sozialerako erreminta indartsu gisa erabili nahi dugu, politika jakin batzuen gainean eragiteko». ELAko idazkari nagusiaren iritziko, lehenbizi Espainiako Gobernuak lan eta pentsioen erreformarako dituen proposamenak aztertu behar dira, eta, ondoren, beharrezkoa bada, grebara deitu.

Alde horretatik, Lakuntzak greba orokorrera deitu edo ez baldintza dezaketen bi erabaki izendatu ditu: batetik, lan hitzarmenen estatalizazioa legoke, sektore mailakoen gainetik ezarriz, eta, bestetik, kaleratze kolektiboen egungo egoera, enpresei erregulazioak egitea baimentzeko baldintzak, eta haien tramitazioa. «Zer eta nola idazten duten ikusi behar dugu lehenbizi, eta gero egin deialdia», laburbildu du. ]]>
<![CDATA[ELAk afiliatu galera eten du azken lau urteetan, eta 100.000ko langa igaro du berriz]]> https://www.berria.eus/albisteak/204669/elak_afiliatu_galera_eten_du_azken_lau_urteetan_eta_100000ko_langa_igaro_du_berriz.htm Mon, 18 Oct 2021 13:43:32 +0200 Imanol Magro Eizmendi https://www.berria.eus/albisteak/204669/elak_afiliatu_galera_eten_du_azken_lau_urteetan_eta_100000ko_langa_igaro_du_berriz.htm <![CDATA[Araban kilo bat mahats ekoizteak 70 eta 80 zentimo arteko kostua du]]> https://www.berria.eus/paperekoa/1846/016/001/2021-10-15/araban_kilo_bat_mahats_ekoizteak_70_eta_80_zentimo_arteko_kostua_du.htm Fri, 15 Oct 2021 00:00:00 +0200 Imanol Magro Eizmendi https://www.berria.eus/paperekoa/1846/016/001/2021-10-15/araban_kilo_bat_mahats_ekoizteak_70_eta_80_zentimo_arteko_kostua_du.htm
Arabako mahastizainek atzo eman zuten aurtengo kanpainaren berri. Uzta ona izan da: 80 milioi kilo mahats inguru bildu dira, iaz baino bost milioi gehiago. Kalitatez oso ona izan da, iraileko eguraldiak mesede handia egin baitzien mahastiei. «Mahats bilketaren baldintzak oso onak izan dira, eta hori ardo bikainen ataria izaten da», aurreratu zuen Gonzalezek. Uzta ona izan da, baina ez arazorik gabea, eskulan gabeziak atzeratu egin duelako. Marokotik langileak ekartzeko traba burokratikoak egon dira, eta Espainiak eta Frantziako beste lurralde batzuetako bilketek Arabako Errioxakoarekin eta Errioxakoarekin bat egin dute.

Arazoak arazo, baina, mahatsa biltegietara iritsi da, eta orain dator hura saltzeko garaia. Mahastizainak kexu dira azken urteetan upategiek oso merke erosi dutelako, eta mobilizazioak egin dituzte prezio horiek salatzeko. Iragan irailean manifestazio jendetsua egin zuten Logroñon. Gonzalezek berak adierazpen ugari egin ditu prezio duinagoak eskatuz, eta ikerketarekin oinarri zientifiko bat eman nahi izan dio mahastizainen aldarriari.

Baina zenbatean saltzen da mahats kiloa? Errioxako sor-markak emaniko datuen arabera, iaz batez beste 0,63 zentimo ordaindu zen mahats beltza, eta 0,52 zuria. Prezio horrek Arabako Errioxako eta uzta Errioxako upategiei saltzen dieten Nafarroako mahastizaleei eragiten die. Azken horiek 700 inguru dira.

Pandemiak eragin zuzena izan zuen prezio merke horretan, baina 2019an 0,85 euroan saldu zen mahats beltz kiloa, eta 2018an, 0,95 euroan. 2017an, berriz, 1,19 euroan saldu zen, baina urte hura salbuespena izan zen. Aurreko hiru uztetan 91, 87 eta 84 zentimoan saldu zen, hurrenez hurren. Eta hori ez da prezio hain baxua; Nafarroa sor-markako upategiek, esaterako, mahatsa 25 eta 40 zentimo artean erosi zuten iaz.

Kalitatea ordain dadila

Prezio hori, dena den, batezbesteko bat da. Kalitate oso oneko mahastiek garestiago saltzen dute, eta horri egin zion dei Gonzalezek: «Mahatsa merezi duen bezala ordaintzeko, prezioak landaren eta mahatsaren araberakoa izan behar du. Upategi batzuek eurotik gorako prezioan erosten dute kiloa, kalitate hori aitortzen dutelako». Mahastizainen eskaera da uzta jaso aurretik finkatu dadila prezioa, eta prezio horiek legez babestu daitezela. Negoziazio marko egonkorrak bilatzen dituzte, urtetik urterako gorabeheren menpe egon gabe.]]>
<![CDATA[Araban kilo bat mahats ekoizteak 70 eta 80zentimo arteko kostua du]]> https://www.berria.eus/albisteak/204516/araban_kilo_bat_mahats_ekoizteak_70_eta_80nbspzentimo_arteko_kostua_du.htm Thu, 14 Oct 2021 21:36:26 +0200 Imanol Magro Eizmendi https://www.berria.eus/albisteak/204516/araban_kilo_bat_mahats_ekoizteak_70_eta_80nbspzentimo_arteko_kostua_du.htm p> Arabako mahastizainek atzo eman zuten aurtengo kanpainaren berri. Uzta ona izan da, 80 milioi kilo mahats inguru bildu dira, iaz baino bost milioi gehiago. Kalitatez oso ona izan da, iraileko eguraldiak mesede handia egin zielako mahastiei. «Mahats-bilketaren baldintzak oso onak izan dira, eta hori ardo bikainen ataria izaten da», aurreratu zuen Gonzalezek. Uzta ona izan da, baina ez arazorik gabea, eskulan gabeziak atzeratu egin duelako. Marokotik langileak ekartzeko traba burokratikoak egon dira, eta Espainiak eta Frantziako beste lurralde batzuetako bilketek Arabako Errioxakoarekin eta Errioxakoarekin bat egin dute.p> Arazoak arazo, baina, mahatsa biltegietara iritsi da, eta orain dator hura saltzeko garaia. Mahastizainak kexu dira azken urteetan upategiek oso merke erosi dutelako, eta mobilizazioak egin dituzte prezio horiek salatzeko. Iragan irailean manifestazio jendetsua egin zuten Logroñon. Gonzalez berak adierazpen ugari egin ditu prezio duinagoak eskatuz, eta ikerketarekin oinarri zientifiko bat eman nahi izan dio mahastizainen aldarriari.p> Baina, zenbatean saltzen da mahats kiloa? Errioxako sormarkak emaniko datuen arabera, iaz batez beste 0,63 zentimoan ordaindu zen mahats beltza eta 0,52 zuria. Prezio horrek Arabako Errioxako eta uzta Errioxako upategiei saltzen dieten Nafarroako mahastizaleei eragiten die. Azken horiek 700 inguru dira.p> Pandemiak eragin zuzena izan zuen prezio baxu horretan, baina 2019an 0,85 euroan saldu zen mahats beltz kiloa, eta 0,95 euroan 2018an. 2017an, aldiz, 1,19 euroan saldu zen, baina urte hura salbuespena izan zen. Aurreko hiru uztetan 91, 87 eta 84 zentimoan saldu zen, hurrenez hurren. Eta hori ez da prezio hain baxua; Nafarroa sor-markako upategiek, esaterako, mahatsa 25 eta 40 zentimo artean erosi zuten iaz.p> Kalitatea ordain dadilap> Prezio hori, dena den, batez besteko bat da. Kalitate oso oneko mahastiek garestiago saltzen dute, eta horri egin zion dei Gonzalezek: «Mahatsa merezi duen bezala ordaintzeko, prezioak landaren eta mahatsaren araberakoa izan behar du. Upategi batzuek eurotik gorako prezioan erosten dute kiloa, kalitate hori aitortzen dutelako». Mahastizainen eskaera da uzta jaso aurretik finkatu dadila prezioa, eta prezio horiek legez babestu daitezela. Negoziazio marko egonkorrak bilatzen dituzte, urtetik urterako gorabeheren menpe egon gabe. ]]> <![CDATA[Petronorreko langileek aparteko 20.000 ordu egin dituzte enplegu erregulazioan egon arren]]> https://www.berria.eus/albisteak/204501/petronorreko_langileek_aparteko_20000_ordu_egin_dituzte_enplegu_erregulazioan_egon_arren.htm Thu, 14 Oct 2021 12:53:15 +0200 Imanol Magro Eizmendi https://www.berria.eus/albisteak/204501/petronorreko_langileek_aparteko_20000_ordu_egin_dituzte_enplegu_erregulazioan_egon_arren.htm <![CDATA[Jaurlaritza arduratuta dago balitekeelako enpresa gehiagok etetea beren jarduna argindarraren prezioarengatik]]> https://www.berria.eus/albisteak/204453/jaurlaritza_arduratuta_dago_balitekeelako_enpresa_gehiagok_etetea_beren_jarduna_argindarraren_prezioarengatik.htm Wed, 13 Oct 2021 10:19:28 +0200 Imanol Magro Eizmendi https://www.berria.eus/albisteak/204453/jaurlaritza_arduratuta_dago_balitekeelako_enpresa_gehiagok_etetea_beren_jarduna_argindarraren_prezioarengatik.htm <![CDATA[«Borrokak merezi du» ]]> https://www.berria.eus/paperekoa/1922/018/001/2021-10-10/borrokak_merezi_du.htm Sun, 10 Oct 2021 00:00:00 +0200 Imanol Magro Eizmendi https://www.berria.eus/paperekoa/1922/018/001/2021-10-10/borrokak_merezi_du.htm <![CDATA[Auzitegi Gorenak ere indarrik gabe utzi ditu Zener Plusen 65 kaleratzeak]]> https://www.berria.eus/paperekoa/1891/011/001/2021-10-06/auzitegi_gorenak_ere_indarrik_gabe_utzi_ditu_zener_plusen_65_kaleratzeak.htm Wed, 06 Oct 2021 00:00:00 +0200 Imanol Magro Eizmendi https://www.berria.eus/paperekoa/1891/011/001/2021-10-06/auzitegi_gorenak_ere_indarrik_gabe_utzi_ditu_zener_plusen_65_kaleratzeak.htm
Tubacexeko eta PCBko lan erregulazioen kasuek jarri zuten lupa Auzitegi Gorenaren gainean. Hala ere, haiena ez zen izan EAEko Auzitegi Nagusiak indargabetu zuen pandemia garaiko lehen kaleratze kolektiboa. Aurretik, besteak beste, Zener Plusek lantaldean eginiko murrizketa epaitu zen, eta ia 11 hilabete geroago iritsi da Auzitegi Gorenaren berrespena. Zener Plusek banakako 65 kaleratze egin zituen itxialdiaren lehen bi asteetan, eta, epaileen ustez, erabaki hori «neurriz kanpokoa» eta «bitxia» da. Are gehiago, ebazpenaren arabera, kaleratze horien arrazoia frogatzen ere ez zen saiatu enpresa.

Zener Plus 180 langileko enpresa bat da, eta Masmovil eta Vodafone komunikazio enpresei ematen die zerbitzua: haien sareen instalazioa eta mantenua egiten du. Iaz, martxoaren 16a eta apirilaren 3a bitartean, 65 langile kaleratu zituen, eta banaka-banaka eman zuen haien berri. Gogoratzekoa da Espainiako Gobernuak ezarritako itxialdia martxoaren 15ean hasi zela, eta ekainaren 21era arte iraun zuela. Bada, itxialdiko lehen bi asteetan, kontratu mugagabedun 34 langile kaleratu zituen diziplina arrazoiengatik, froga garaian zeuden 25 langileren kontratua ez zuen berritu, eta behin-behinean zeuden sei langileren kontratua behar baino goizago eten zuen.

Iturri sindikalen ustez, ezkutuko erregulazio bat egin zuen, eta data haietan ezin zen halakorik egin. Are gehiago, iazko apirilaren 2an Zenerrek aldi baterako erregulazio bat jarri zuen indarrean, eta langileak kaleratzen jarraitu zuen. CCOOk apirilean izan zuen banakako kaleratze andanaren berri, eta salaketa jarri zuen kaleratze kolektibo gisa tratatu behar zelakoan. Hasieran akordio bat lortu zuen enpresarekin, hala nahi zuten kaleratuak itzul zitezela adostuz, baina, hori betetzen ez zela ikusita, CCOOk aurrera jarraitu zuen auzibidearekin.

Eta orain zer?

65 kaleratuek, orain, beren eskubideak aldarrikatu ditzakete. 30 inguru azaroan itzuli ziren lanera, EAEko Auzitegi Nagusiaren ebazpenaren ondoren, eta, ondo bidean, beren lanpostua ziurtatuta izan beharko lukete. Besteek ez zuten itzuli nahi izan, hainbat arrazoirengatik. Iturri sindikalen arabera, guztiek tramitazio garaiko soldatak eta langabezia ordainsariak erreklamatu ahal izango lituzkete, bai behintzat azarora artekoak. Espainiako Gobernuak ere gauza bera egin dezake, SEPEk ordaindu baitzuen kaleratuen langabezia saria. ]]>
<![CDATA[Auzitegi Gorenak ere indargabe utzi ditu Zener Plusen 65 kaleratzeak]]> https://www.berria.eus/albisteak/204140/auzitegi_gorenak_ere_indargabe_utzi_ditu_zener_plusen_65_kaleratzeak.htm Tue, 05 Oct 2021 18:52:32 +0200 Imanol Magro Eizmendi https://www.berria.eus/albisteak/204140/auzitegi_gorenak_ere_indargabe_utzi_ditu_zener_plusen_65_kaleratzeak.htm Eta orain zer?
65 kaleratuek, orain, haien eskubideak aldarrikatu ditzakete. 30 inguru azaroan itzuli ziren lanera, EAEko Auzitegi Nagusiaren ebazpenaren ondoren, eta ondo bidean haien lanpostua ziurtatuta izan beharko lukete. Besteek ez zuten itzuli nahi izan, arrazoi ezberdinengatik. Iturri sindikalen arabera, guztiek tramitazio garaiko soldatak eta langabezi ordainsariak erreklamatu ahal izango lituzkete, bai behintzat azarora artekoak. Espainiako Gobernuak ere berdina egin dezake, SEPEk ordaindu baitzuen kaleratuen langabezia saria.]]>
<![CDATA[Tubacexeko langileak gaur itzuli dira plantetara, akordioa sinatu ondoren ]]> https://www.berria.eus/paperekoa/1955/010/001/2021-10-05/tubacexeko_langileak_gaur_itzuli_dira_plantetara_akordioa_sinatu_ondoren.htm Tue, 05 Oct 2021 00:00:00 +0200 Imanol Magro Eizmendi https://www.berria.eus/paperekoa/1955/010/001/2021-10-05/tubacexeko_langileak_gaur_itzuli_dira_plantetara_akordioa_sinatu_ondoren.htm <![CDATA[Tubacexeko batzordeak aurreakordioa berretsi du, baina CCOOk bozketa nahi du]]> https://www.berria.eus/paperekoa/1877/011/001/2021-10-02/tubacexeko_batzordeak_aurreakordioa_berretsi_du_baina_ccook_bozketa_nahi_du.htm Sat, 02 Oct 2021 00:00:00 +0200 Imanol Magro Eizmendi https://www.berria.eus/paperekoa/1877/011/001/2021-10-02/tubacexeko_batzordeak_aurreakordioa_berretsi_du_baina_ccook_bozketa_nahi_du.htm
Bozketa estuak ezustekoa izan ziren, eta orain ikusi beharko da Jaurlaritzaren Lan Sailak nola kudeatzen duen emaitza, hark egin baitu artekaritza enpresarekin. Ezustekoaren seinale, Idoia Mendia sailburuak atzo goizean goiz eginiko adierazpen baikorrak: esan zuen alde guztien akordioa «albiste bikaina» zela, eta «negoziazioaren fruitua». Legebiltzarrean hartu zuen hitza, haren sailaren artekaritza erabakigarria izan baita azken asteetan.

Baikortasun giroa, baina, apurka deseginez joan zen. Zazpi hilabeteko greban mantenduriko batasuna desagertu egin baitzen. Ezezkoak goizeko lehen bileretan agertu ziren. LABek herenegun ez zuen aurreakordioa sinatu, eta atzo ez zen espero afiliatuek ordezkarien jarrera aldarazterik. San Anton ermitan elkartu ziren (Laudio). Bere jarrera ohar bidez azaldu zuten. LABen iritziz, akordioak «bidesari» bat ordaintzera behartzen ditu, «onartezina» dena. Hiru puntu nabarmendu zituen: soldatak ia lau urterako izoztuko direla, lanaldia 40 orduz handituko dela, eta enplegu bermeak langile kopuruez hitz egiten duela, baina ez pertsonei buruz.

STAT izan zen aurka bozkatzen hurrengoa, eta eguneko ezusteko handienetakoa. Enpresa sindikatua da. 114 afiliatu bildu ziren, eta 67k aurka bozkatu zuten eta 47k alde. Sindikatuak herenegun aurreakordioa sinatu zuen, baina afiliatuek bizkarra eman zioten ordezkariek sinaturikoari. STATek pisu handia du Laudio eta Amurrioko plantetako bulegoetan, baita arduradunen artean ere. Horietako batzuk lanera joan dira grebak iraun bitartean, lanuzteak ekoizpena eten baitu, baina bulegoetako jardun osoa ez.

ELA izan zen baiezkoa ematen aurrenekoa. Hark lau ordezkari ditu, batzordeko presidentea barne. 178 afiliatu elkartu ziren Laudioko futbol zelaian, eta 125ek aldeko boza eman zuten. 50ek ezezko boza eman zuten, bi boto zuri egon ziren, eta bat baliogabea. ELAk bere azalpenean nabarmendu zuen akordio honekin enpresak egin asmo zituen kaleratzeak bertan behera gelditu direla, eta lan itun berriko baldintzak «behin-behinekoak» direla.

CCOOren zain

ATAL sindikatu independenteak eta CCOOk arratsaldean eman zuten beren jarreraren berri. ATALek ordezkari bakarra du, eta ez zuen bozketarik egin. Herenegun aurreakordioa sinatu zuen, baina, bere jardun sindikalean ez du onartzen langile guztien arteko bozketa batean berresten ez den neurririk. Batzorde barruko aritmetikarako baiezko bozek balio dute bakarrik; beraz, ezin da babes moduan zenbatu.

CCOO izan zen erabakitzen azkena. Afiliatuen %67k begi onez ikusi zuten lan ituna (50 boz alde eta 25 aurka). Batezbesteko hori, baina, bere garaian greban sartzearen alde egin zuen baino gutxiago da -%80 inguru- eta horregatik iritzi dio bozketa bat beharrezko dela. Dena den, xehatu zuen batzordeak egin nahiko ez balu ez duela bere jarrera aldatuko. Beraz, ondo bidean, bozketa horrek jarriko dio amaiera auziari, atzoko barne bozak ikusita gehiengoa alde baitago.]]>
<![CDATA[Tubacex, salbatzeko zorian]]> https://www.berria.eus/paperekoa/1877/010/001/2021-09-30/tubacex_salbatzeko_zorian.htm Thu, 30 Sep 2021 00:00:00 +0200 Imanol Magro Eizmendi https://www.berria.eus/paperekoa/1877/010/001/2021-09-30/tubacex_salbatzeko_zorian.htm
Baikortasun giroa zabaldu zen atzo Laudio eta Amurrio artean (Araba). Azken asteetan diskrezioa eta sukalde lana gailendu dira negoziazioetan, eta Lan Sailaren artekaritza, enpresak hala eskatuta, erabakigarria izan da prozesuan. Iragan asteko bileraren ondoren, zubiek hautsiak ziruditen, baina langile batzordea (ELA, CCOO, STAT, LAB eta ATAL) izan zen ostiralean telefonoa altxatu eta konponbide berri bat iradoki zuena. Elena Perez Barredo Lan sailburuordeari azaldu zioten, hark enpresari helarazi ziezaion, eta zuzendaritza ñabardura hori onartzeko prest agertu zen atzo. Sindikatuak, halere, zuhurrak dira, iragan astean egoera zuritik beltzera igaro baitzen egun batean. Oraingoan, baina, baldintzak hobeto zehaztuta daudela dirudi.

Baina zer aldatu da iragan astetik hona? Korapilo nagusia lan erregulazioaren hasieran egin ziren borondatezko 22 kaleratzeren tratamendua zen. Sindikatuen ustez, langile horiek egoerak behartuta onartu zuten kaleratzea, enpresak esan zielako beren lanpostuak desagertu egingo zirela. Baina, batzordearen ustez, EAEko Auzitegi Nagusiak erregulazio espedienteko 129 kaleratzeak indargabetu zituenean, 22 kaleratze horiek borondatezko izateari utzi zioten, eta behartuak bihurtu ziren. Eta sindikatu guztiek aho batez esana zuten ez zutela onartuko jarraitzeko prest dagoen langile bakar baten kaleratzerik. Orain kalkulua berriz egin dute, hemendik aurrera borondatezko kaleratzea onartzeko prest dauden langileekin eta 22 horietatik itzultzeko asmoa dutenekin. Datu hori eskuan hartuta, akordioko paragrafo hori aldatuko dute, eta horrek nahikoa beharko luke zazpi hilabeteko grebarekin amaitzeko.

Auzibidearen amaiera

Korapiloa ñabardura bat zen, baina akordioaren bizkarrezurra osatzen duten baldintzak iragan astetik dira ezagunak. Garrantzitsuena da enpresak kendu egingo duela Espainiako Auzitegi Gorenean jarritako helegitea. EAEko Auzitegi Nagusiak indargabetu egin zuen zuzendaritzak egin asmo zuen lan erregulazioa, eta berriz onartu behar izan zituen neurriaren barruan sarturiko 129 langileak. Erabakiarekin ados ez zegoenez, enpresak helegitea jarri zion, eta hori marra gorri bat zen sindikatuentzat.

Akordio honekin, 129 langile horiek bermatua dute 2024ra arteko lana, enpresak konpromisoa hartu baitu hiru urtean kaleratze beharturik ez egiteko. Borondatezko kaleratzeak egongo dira bakarrik, enpresa utzi nahi duten langileenak alegia. Kontratu etete horiek kaleratze bidegabe moduan kudeatuko dira, eta kalte ordainaz gain 3.000 euroko ordainsari bat jasoko dute. Era berean, hamasei langilek erretiro aurreratua hartuko dute.

Langileek, bestalde, eta logikoa denez, greba utziko dute. Arrazoizko epeak betetzen badira, litekeena da astelehenean bertan sartzea lantegietan. Hiru urterako lan hitzarmen berria sinatuko dute, eta baldintzak gogortu egingo dira. Besteak beste, KPIaren araberako soldata igoerak izoztu egingo dira, enpresak BGAEan egiten duen ekarpena %4tik %1era igaroko da, eta langileek urtean beste 40 ordu egin beharko dute lan: 1.696 guztira.

Azken baldintza hori deigarria da. Kaleratzeen epaiketan, enpresak esan zuen ez zuela lantalde guztiarentzako lanik; orain, berriz, ordu gehiago sartzeko eskatu die. Negoziaziotik gertuko iturriek uste dute Tubacexek eskariak espero dituela hurrengo asteetan. Gaur-gaurkoz, Araban egiteko moduko enkargu batzuk bideratu ditu Austriako plantara.]]>
<![CDATA[Jaurlaritzak «ezohiko» beste inbertsio plan bat onartu du, 250 milioikoa]]> https://www.berria.eus/paperekoa/1846/011/001/2021-09-29/jaurlaritzak_ezohiko_beste_inbertsio_plan_bat_onartu_du_250_milioikoa.htm Wed, 29 Sep 2021 00:00:00 +0200 Imanol Magro Eizmendi https://www.berria.eus/paperekoa/1846/011/001/2021-09-29/jaurlaritzak_ezohiko_beste_inbertsio_plan_bat_onartu_du_250_milioikoa.htm
Jaurlaritzak, eskuak patriketan sartu, eta diruzaintza eta erkidego autonomoetako traspasoetako geldikinak aurkitu ditu, eta sos hori gizarteratzea erabaki du. Bingen Zupiria Jaurlaritzako bozeramaileak azaldu du gobernuaren asmoa inbertsio publikoa ahalik eta gehiena handitzea dela, «baimenduriko mugak errespetatuz». Muga horiek, baina, aurreko urteetan baino lasagoak dira aurten. Jaurlaritzak BPGaren %2,2rainoko defizita adostu zuen Espainiako Gobernuarekin, eta malgutasun horrek ahalbidetu du inbertsio programa berezi berria onartzea.

2021erako aurrekontuak egitean, Jaurlaritzak 1.000 milioi euro jarri zituen inbertsioetarako, eta, orain, 250 milioi gehituko dizkio, «plan gehigarri eta ezohikoan». Besteak beste, gastatu gabeko diru sortekin eta aurreikuspenen gainetik bildutakoarekin hornitu dute funtsa. Araba, Bizkai eta Gipuzkoako ogasunek espero baino 537 milioi euro gehiago bildu zituzten iaz, eta 375 milioi Jaurlaritzarentzat izan dira.

Eta zertan inbertituko du diru hori? Erdia «gizarte azpiegituretarako» izango da, eta beste erdia industriaren eraldaketarako, azpiegitura energetikoetarako eta portu zein trenbideen egitasmoetarako. Gizarte azpiegituretarako sortarik handiena epaitegiak berritzeko izango da: 41 milioi euro guztira. 26 milioi Alokabiderentzako etxeak erosteko izango dira; 29 milioi Osakidetza ekipamendu berriekin hornitzeko; lau milioi Visesak etxebizitzak eraikitzeko lur berriak lor ditzan; eta 3,3 milioi EITBko azpiegitura batzuk berritu eta euskal artisten artelanak erosteko.

Zupiriak azaldu duenez, 101 milioi euro «eraldaketa digitalarekin harremana» duten proiektuetarako dira. Horietatik 70 milioi industria eremuko egitasmoetan erabiliko dituzte —hori da planeko sailik handiena—, eta beste 35 milioiak hezkuntza arlokoetan. Enplegua sor dezaketen inbertsioak lehenetsi dituzte.

Plana ez da Eusko Jaurlaritzak 2021ean indarrean dauden aurrekontu orokorren inguruan egin duen inbertsio publikoen arloko lehen esku-hartze gehigarria. Iragan maiatzean, 180 milioi euroko beste sorta bat onartu zuen Enkarterri, Ezkerraldea, Meatzaldea, Oiartzualdea eta Aiaraldea eskualdeetan inbertitzeko.

Elikadura eta egurra

Plan oparoa ez da izan Gobernu Kontseiluak onarturiko laguntza bakarra, milioi bat euroko beste bat bideratu baitu berrikuntza sustatzeko elikaduraren eta egurraren sektorean. 800.000 euro sektore horietako enpresetan ikerketa departamentuak bultzatzeko dira, eta beste 200.000 Araba, Bizkai eta Gipuzkoatik kanpoko enpresak erakartzeko.

]]>
<![CDATA[Jaurlaritzak «ezohiko» beste inbertsio plan bat onartu du: 250 milioi eurokoa]]> https://www.berria.eus/albisteak/203842/jaurlaritzak_ezohiko_beste_inbertsio_plan_bat_onartu_du_250_milioi_eurokoa.htm Tue, 28 Sep 2021 19:14:01 +0200 Imanol Magro Eizmendi https://www.berria.eus/albisteak/203842/jaurlaritzak_ezohiko_beste_inbertsio_plan_bat_onartu_du_250_milioi_eurokoa.htm Plan oparoa ez da izan Gobernu Kontseiluak onarturiko laguntza bakarra, milioi bat euroko beste bat bideratu baitu berrikuntza sustatzeko elikaduraren eta egurraren sektorean. 800.000 euro sektore horietako enpresetan ikerketa departamentuak bultzatzeko dira, eta beste 200.000 Araba, Bizkai eta Gipuzkoatik kanpoko enpresak erakartzeko.]]> <![CDATA[Uber ordu erdi lehenago eskatu behar izatea indargabetu du epaitegiak]]> https://www.berria.eus/paperekoa/1891/013/001/2021-09-28/uber_ordu_erdi_lehenago_eskatu_behar_izatea_indargabetu_du_epaitegiak.htm Tue, 28 Sep 2021 00:00:00 +0200 Imanol Magro Eizmendi https://www.berria.eus/paperekoa/1891/013/001/2021-09-28/uber_ordu_erdi_lehenago_eskatu_behar_izatea_indargabetu_du_epaitegiak.htm
Duela bi urteko taxiaren gatazka berriro piztea nahiko zaila dirudi, baina ez sektorearen haserrea. Duela hamarkada bat hasi ziren ugaritzen IG lizentziak Hego Euskal Herrian, 2015era arte liberalizatuta zegoen jardun bat baitzen. Gerora ezarri zuen Espainiako Gobernuak IG lizentzien ratioa: bat 30 taxiko, eta horrek giroa lasaitu zuen. Hala ere, 2018an tentsio une handiak egon ziren IGetako gidarien eta taxilari lizentziadunen artean. Taxi gidariek mobilizazioak egin zituzten, eta grebara ere jo zuten.

Jaurlaritzak 2019an arautu zuen IGen jarduna, dekretu bidez. Oinarrian lau muga ezarri zizkien: ordu erdiko epearekin kontratatu behar dira telefonoz; ezin dute geolokalizazioa piztu -aplikazio bidezko sistemaren oinarrietako bat da-; kalean dabiltzala ezin dira gelditu; eta ezin dira kaleko toki finko batean geldirik egon. Ordukoan LEAk ohartarazi zuen arauen legezkotasunaren inguruko zalantzak zituela.

Orain, baina, EAEko Auzitegi Nagusiak arau horietako bi indargabetu ditu. Epaitegiaren arabera, zerbitzua ordu erdi lehenago kontratatu behar izateak «modu oso larrian» kalte egiten dio IGek merkatuan sartzeko duten aukerari, haien lan gehienak hiri barnekoak eta motzak direlako, eta horiek «bat-batean» kontratatzen dira. Geolokalizazioa erabili ahal izatea ere abantaila handia da IGentzat; bezeroak, telefono aplikazio baten bidez, ibilgailua non dagoen ikusi ahal izango duelako, eta horrela hobeto jakin ahalko du hari deitzea komeni zaion ala ez.

Ebazpena Luis Garrido epaileak idatzi du, besteak beste, Uberri arrazoia eman ziona, eta pandemia garaiko ostalaritzaren inguruko dekretuak indargabetu zituena. Orain ikusi beharko da zein den taxilarien erantzuna. Egun 174 IG baimen daude Araban (108), Bizkaian (39) eta Gipuzkoan (27), eta beste 185 eskaera dauden zain -Nafarroan 37 baimen daude-. Gehienak liberalizatuta zegoen garaikoak dira, baina, hala ere, aldundiek beste 79 eskaera onartu dituzte azken bi urteetan.

1/30 ratioa, auzibidean

IG baimenen kopurua handitzea oso zaila da. Egun 1.229 taxi lizentzia daude Bizkaian, 654 Gipuzkoan eta 238 Araban, eta 1/30 ratioak ez du gehiagorako ematen. Dena den, Cabify plataforma digitala ratio hori berriz aztertu dadila eskatu zuen uztailean, Europako legea urratzen duelakoan. Espainiako Auzitegi Gorenak eskaera onartu zuen, eta horretan dihardu. Aldatuko balu, orduan bai: gatazka berpiztuko litzateke.]]>
<![CDATA[Uber eta beste IGak ez dira ordu erdi lehenago eskatu beharko]]> https://www.berria.eus/albisteak/203786/uber_eta_beste_igak_ez_dira_ordu_erdi_lehenago_eskatu_beharko.htm Mon, 27 Sep 2021 18:53:26 +0200 Imanol Magro Eizmendi https://www.berria.eus/albisteak/203786/uber_eta_beste_igak_ez_dira_ordu_erdi_lehenago_eskatu_beharko.htm
Duela bi urteko taxiaren gatazka berriz ere piztea nahiko zaila dirudi, baina ez sektorearen haserrea. Duela hamarkada bat hasi ziren ugaritzen IG lizentziak Hego Euskal Herrian, 2015era arte liberalizatuta zegoen jardun bat baitzen. Gerora ezarri zuen Espainiako Gobernuak IG lizentzien ratioa: bat 30 taxiko, eta horrek giroa lasaitu zuen. Hala ere, 2018an tentsio une handiak egon ziren IGetako gidarien eta lizentziadun taxilarien artean. Taxi gidariek hainbat mobilizazio egin zituzten eta grebara ere jo zuten.

Jaurlaritzak 2019an arautu zuen IGen jarduna, dekretu bidez. Oinarrian lau muga ezarri zizkien: ordu erdiko epearekin kontratatu behar dira telefonoz; ezin dute geolokalizazioa piztu -aplikazio bidezko sistemaren oinarrietako bat da-; kalean dabiltzala ezin dira gelditu; eta ezin dira kaleko toki finko batean geldirik egon. Ordukoan LEAk ohartarazi zuen arauen legezkotasunaren inguruko zalantzak zituela.

Orain, baina, Auzitegi Nagusiak arau horietako bi indargabetu ditu. Epaitegiaren arabera, zerbitzua ordu erdi lehenago kontratatu behar izateak «modu oso larrian» kaltetzen du IGek merkatuansartzeko duten aukera, haien lan gehienak hiri barnekoak eta motzak direlako, eta horiek «bat-batean» kontratatzen dira. Geolokalizazioa erabili ahal izatea ere abantaila handia da IGentzat; bezeroak, telefono aplikazio baten bitartez, ibilgailua non dagoen ikusi ahal izango duelako, eta horrela hobeto jakin ahalko du hari deitzea komeni zaion ala ez.

Ebazpena Luis Garrido epaileak idatzi du, besteak beste, Uberri arrazoia eman ziona, edo pandemia garaiko ostalaritzaren inguruko dekretuak indargabetu zituen bera da. Orain ikusi beharko da zein den taxilarien erantzuna. Egun 174 IG baimen daude Araba (108), Bizkaia (39) eta Gipuzkoan (27), eta beste 185 eskaera dauden zain -Nafarroan 37 baimen daude-. Gehienak liberalizatuta zegoen garaikoak dira, baina hala ere aldundiek beste 79 eskaera onartu dituzte azken bi urteetan. 1/30 ratioa, auzibidean
IG baimenen kopurua handitzea oso zaila da. Egun 1.229 taxi lizentzia daude Bizkaian, 654 Gipuzkoan eta 238 Araban, eta 1/30 ratioak ez du gehiagorako ematen. Dena den, Cabify plataforma digitala ratio hori berriz aztertu dadin eskatu zuen uztailean, Europako legea urratzen duelakoan. Espainiako Auzitegi Gorenak eskaera onartu zuen eta horretan dihardu. Aldatuko balu, orduan bai berpiztuko litzakeela gatazka.]]>
<![CDATA[Pentsiodunak Bruselara abiatu dira sistema publikoa «blinda dezatela» eskatzera]]> https://www.berria.eus/albisteak/203777/pentsiodunak_bruselara_abiatu_dira_sistema_publikoa_blinda_dezatela_eskatzera.htm Mon, 27 Sep 2021 14:40:10 +0200 Imanol Magro Eizmendi https://www.berria.eus/albisteak/203777/pentsiodunak_bruselara_abiatu_dira_sistema_publikoa_blinda_dezatela_eskatzera.htm <![CDATA[Tubacexeko langileek ez dute onartu Lan Sailaren eskaintza, enpresari «men egin» diolako]]> https://www.berria.eus/paperekoa/1877/011/001/2021-09-24/tubacexeko_langileek_ez_dute_onartu_lan_sailaren_eskaintza_enpresari_men_egin_diolako.htm Fri, 24 Sep 2021 00:00:00 +0200 Imanol Magro Eizmendi https://www.berria.eus/paperekoa/1877/011/001/2021-09-24/tubacexeko_langileek_ez_dute_onartu_lan_sailaren_eskaintza_enpresari_men_egin_diolako.htm
Negoziazioa gertutik jarraitu duten iturrien arabera, aldaketa handiena prozesuaren hasieran egin ziren borondatezko 22 kaleratzeren trataeran dago. Sindikatuen arabera, langile horiek egoerak behartuta onartu zuten kaleratzea, enpresak haien lanpostuak desagertuko zirela esan zielako. Batzordearen ustez, EAEko Auzitegi Nagusiak erregulazio espedienteko 129 kaleratzeak indargabetu zituenean, 22 kaleratze borondatezko horiek kaleratze behartuak bilakatu ziren. Sindikatuek esana zuten ez dutela onartuko kaleratze beharturik, eta ez dituzte atzean utzi nahi 22 kide horiek.

Tubacexeko zuzendaritzaren, langile batzordearen (ELA, CCOO, STAT, LAB eta ATAL) eta Lan Sailaren arteko bileren arteko giro ona hautsi egin da. Jaurlaritza enpresak hala eskatuta sartu zen, eta sindikatuek haren artekaritza onartu zuten. Iragan astean egoera azaltzeko bi bilera egin zituzten Elena Perez lan sailburuordearekin. Bi aldeak entzun ondoren, astelehenean, Jaurlaritzak sintesi proposamen bat jarri zuen mahai gainean ordezkariek eta zuzendaritzak azter zezaten. Langileen ordezkariek nahiko begi onez ikusi zuten.

Atzoko bileran, baina, sindikatuaren arabera, proposamena aldatu egin zen. Enpresak beharturiko kaleratzerik ez egitea onartu zuen, borondatezkoak bakarrik, baina 2022tik aurrera. Ondorioz, ez luke izango obligaziorik prozesuaren hasieran, aurten alegia, kaleraturiko 22 langileak berriz hartzeko. Sindikatuentzat hori marra gorri bat da. Berez ñabardura txikia da, baina egoera gaiztotzeko modukoa.

Lan Sailak, berriz, «diskrezioa» ezinbestekoa dela nabarmendu du. Ondorioz, ez du baloraziorik egin nahi izan enpresa eta zuzendaritzaren jarrerari dagokionez, ezta lehen eskaintzaren inguruan haiek eginiko«interpretazioei» eta azken hiru egunetan sarturiko «elementuei» buruz ere. Sailak gatazkarentzako konponbide adostu bat aurkitzeko asmoarekin jarraitzen du, baina egun ez dago bilera berrietarako datarik.

Lan Sailak interpretazio arazoak aipatu ditu, eta hala dirudi, bai behintzat enpresak atzo eginiko oharra irakurriz gero. Tubacexek Jaurlaritzaren eskaintza onartu zuen, eta «harriduraz» hartu zuen langile batzordearen ezezkoa. Enpresaren arabera, azken eskaintzak konponbidea ematen zien gatazkaren bi puntu «erabakigarriri». Batetik, beharturiko kaleratzeak egoteko arriskua alboratzen zuen, eta, bestetik, neurri batzuk ezartzen zituen kostuak murriztu eta Laudio eta Amurrioko (Araba) plantak bideragarri bihurtzeko.

Zein zen lehen eskaintza?

Baina zein zen lehen eskaintza? Zer zioen? Sindikatuek herenegun azaldu zizkieten baldintzak langileei, eta BERRIAk hainbaten berri izan du. Lehenbiziko biak, oinarrizkoenak: enpresak 129 kaleratzeen indargabetzeari Auzitegi Gorenean jarritako helegitea kendu behar du, eta langileek greba bertan behera utzi behar dute. Sindikatuentzat berebiziko garrantzia zuen helegitea kentzeak, epaitegiak ebatzi zuelako enpresak ez duela «erabaki traumatikoak» hartzeko arrazoirik.

Enpresak ezingo du egin beharturiko kaleratzerik, baina bai borondatezkoak. Lana nahita utzi nahiko lukeen langileak bidegabeko kaleratze trataera jasoko luke, eta haren araberako kalte ordaina. Kaleratzerik ez egiteko konpromisoa 2024ra artekoa da, baina hasiera ez dago zehaztua. Hor katramilatzen da prozesu hasierako 22 kaleratzeen egoera.

Hortik aurrerakoak hiru urterako lan hitzarmen berri batean oinarritzen dira. Langileek soldata hiru urtez izoztea onartu beharko lukete —2021ean ere izoztea erantsi zuen atzo Lan Sailak—, eta urtean berrogei ordu gehiago lan egitea. Jarduna astebetez luzatzea litzateke hori. Baldintza orokorren okertze hori hiru urtez emango litzateke bakarrik, 2025ean lan itun berria negoziatzeko garaia iritsiko litzakeelako.]]>