<![CDATA[Jon Ander De la Hoz | Berria.eus]]> https://www.berria.eus Bere azken artikuluak eu Wed, 14 Apr 2021 01:25:21 +0200 hourly 1 <![CDATA[Jon Ander De la Hoz | Berria.eus]]> https://www.berria.eus/irudiak/berriaB.png https://www.berria.eus <![CDATA[Reala jokalari asko gabe ariko da gaur Valentzian]]> https://www.berria.eus/paperekoa/1961/030/002/2021-04-11/reala_jokalari_asko_gabe_ariko_da_gaur_valentzian.htm Sun, 11 Apr 2021 00:00:00 +0200 Jon Ander De la Hoz https://www.berria.eus/paperekoa/1961/030/002/2021-04-11/reala_jokalari_asko_gabe_ariko_da_gaur_valentzian.htm
Ez dute arerio samurra izango. Sailkapenean ondo ala gaizki moldatu, Mestallan jokatzea ez da gustukoa izaten sekula. Ezta gaurkoan ere; Javi Gracia Realeko jokalari ohiaren taldeak zail jarriko dizkie gauzak.

Kirol arloan, aste makurra izan du Imanol Alguacilek. Donostiarren teknikariak zenbait jokalariren hutsunea izango du zelai erdian. Min hartuta daude Asier Illarramendi eta David Silva, eta Mikel Merino ere deialditik kanpo geratu da. Nafarrak arazoak ditu bizkarrean, eta ez da jokatzeko moduan izango. Gauza bera gertatu zaio Jon Guridiri, eta baita joan zen neurketan bosgarren txartel horia ikusi zuten Igor Zubeldiari eta Martin Zubimendiri ere. Deialdia osatzeko, bigarren taldeko sei lagun deitu ditu Imanolek: Ayesa, Pacheco, Urko, Olasagasti, Lopez eta Turrientes.

Agerikoa da: taldea egokitu beharrean da Imanol. Teknikari oriotarrak esan du Europara sailkatzeko helburuari «erabat» lotuta daudela: «Hurrengo bederatzi neurketak oso garrantzitsuak dira klubarentzat». Haren esanetan, bide horretan behe mailetako jokalariekin aritu beharra ez da lasta txuri-urdinentzat: «Bigarren taldekoen beharra baldin badugu, gustura ariko gara haiekin, Xabik [Alonsok] egiten duen lanarekin erabateko konfiantza baitaukat».

Osasuna, Vila-realen

Realak kontrario gogorra izango du, baina Osasunak ere ez du samurragoa izango: Europarako lehian dagoen Vila-reali egingo dio bisita gaur (14:00, Movistar). Dena den, hari «beldurrik ez» diola esan du Jagoba Arrasate entrenatzaileak: «Errespetua badiegu. Talde handia da, bolada onean dagoena. Neurketa oso zaila da, baina aukera gisa hartuko dugu. Taldea ondo ari da etxetik kanpora, gainditzen zaila da, eta hori berritu nahi dugu». Halaber, gorritxoek «baloia azkar» mugitu beharra azpimarratu du.]]>
<![CDATA[Puntu premia gorria]]> https://www.berria.eus/paperekoa/1960/031/001/2021-04-11/puntu_premia_gorria.htm Sun, 11 Apr 2021 00:00:00 +0200 Jon Ander De la Hoz https://www.berria.eus/paperekoa/1960/031/001/2021-04-11/puntu_premia_gorria.htm Levante. Aitor Fernandez, Coke, Postigo, Duarte, Clerc, De Frutos (Vezo, 83. min.), Radoja (Malsa, 17. min.), Bardhi, Morales(Rochina, 67. min.), Roger (Doukure, m67.min.) eta Dani Gomez (Sergio Leon, 83. min.).
Gola.De Frutosek (47. min). Epailea. Estrada Fernandez. Txartel horiak: Eibarreko Diopi, Aleix Garciari eta Anaitz Arbillari; eta Levanteko Clerci.

Oker bidean dago Eibar. Jose Luis Mendilibarren taldeak galdu egin zuen atzo, beste behin, eta zaildu egin zaio Espainiko Lehen Mailan segitzea. Hamahiru partida daramatza irabazi ezinda. Huescak ostiralean eskuratu zuen garaipenak eta Alavesek batutako puntuak agerian utzi zuten zama.

Hasi, ondo hasi zuen partida Eibarrek, baina, minutuek aurrera egin ahala, urardotu egin zen eibartarren asmoa. Eskas ari dira, egiari zor; ez dute erasoan aukerarik sortzen, eta hori garesti ordaintzen da onenen artean.

Eibarren, oso agerikoa da taldearen egoera makurra. Marko Dimitrovic da taldearen izarretako bat, eta beroketan min hartu zuen serbiarrak. Atezainak taldearen aldartea aldatu izana bada seinale ageriko bat; eibartarrak ez dira ondo ari.

Nolanahi ere, aurrera begirako taldea zelairatu zuen Eibarrek. Hasieran, bazirudien partidari neurria hartuko ziotela armaginek. Ondo eratu zuten hamaikakoaren bizkarrezurra, eta eutsi zioten lehen zatiaren unerik gehientsuenetan. Halere, atzera begira egindako taldean beti ohi du non zulatua, eta hori probestu zuen De Frutosek: Levanteko jokalariak 47. minutuan egin zuela gola.

Partidako bakarra, eta nahikoa. Gainera, nahiko agerian utzi zituen armaginen lotsak: Clercek ezker hegalean jaso zuen baloia, eta areara gerturatzea egin zuen. Haren erdiraketa ez zuen inork geratu. Aurrelari espainiarraren jaurtiketa sarera joan zen zuzenean. Nagusitasun handiegirik gabe, aurretik jarri zen Levate.

Egoera horrek astindu egin zuen Eibar. Mendilibarren taldea kamuts ari da erasoan, eta, hasterako bazekien markagailuan atzetik aritzeak ez ziola deus onik ekarriko. Halaxe gertatu zen. Erasoak egituratua da egungo futbola; bai, behintzat, Lehendabiziko Mailan. Eibarrek horri ez erreparatzeak ekar diezaioke azken postuetan geratzea.

Armaginak saiatu ziren hurrengo minutuetan aurrera egiten, baina alferrik. Levantek, tristea da esatea, lotua zuen garaipena ia ordu erdiren faltan. Beren lana ondo egitera mugatu ziren Paco Lopezen jokalariak: garaipenak ez zien ihes egingo.

Aurrera begirako deia

Lehen Mailan segitzeko bidean harri koskor handia izan zen atzoko partida. Hala izan zen, zertarako ukatu. Galdu egin zuen Eibarrek, eta Mendilibarren asmoak kolokan utzi zituen partidak. Dena den, aho bizarrik gabe mintzatu zen teknikaria, porrota gauzatu ostean. Salbaziotik lau puntura dago Eibar: «Geurean indartsuak baldin bagara, aurrera egingo dugu. Ez baldin bagara, ordea, ez dugu lortuko. Gure esku dago».

Lau punturen tartea berreskuratu beharrean da Eibar. Horixe du egitekoa azken partidetan. Asmo horiei so, golak behar dituzte armaginek. Horren zalantzarik ez du Mendilibarrek: «Kolpea izan da [Levanteren kontrakoa], baina ez diogu horri erreparatu behar. Lau puntura gaude, baina, hori utzita, hurrengo partida jarri behar dugu gogoan». Horri begiratu behar dio Eibarrek: Mendilibarrek arrazoi du.]]>
<![CDATA[Amaieran bizitu dira]]> https://www.berria.eus/paperekoa/1962/021/003/2021-04-08/amaieran_bizitu_dira.htm Thu, 08 Apr 2021 00:00:00 +0200 Jon Ander De la Hoz https://www.berria.eus/paperekoa/1962/021/003/2021-04-08/amaieran_bizitu_dira.htm
Laurogeita bost minutuan egin gabekoa bostean egin dute Realak eta Athleticek. Kopako finalak erabat markatutako neurketa batean astun ibili ziren bi taldeak, harik eta 84. minutuan Asier Villalibrek zuri-gorriak aurreratu zituen arte. Bost minutu geroago banakoa egin zuen Roberto Lopezek, eta hala amaitu zen partida. Horren aurretik, distira gutxi.

Bi entrenatzaileek partidaren bezperan aipatu zuten joan zen larunbateko finalaz gaindiko neurketa izango zela Anoetakoa, baina, egiari zor, Sevillakoak baldintzatu zuen ligako norgehiagoka. Ordukoa une oro giroan egon zen, partidaren ataritik hasita: Athleticekoek bi lerrotan kokatuta jaso zituzten Realekoak, garaikurra lortu izanaren omen gisa.

Asteburuko partidak Realaren hamaikakoan izan zuen eraginik handiena. Zenbait jokalari deialditik kanpo geratu ziren, min hartuta. David Silvaren eta Mikel Merinoren kasua izan zen. Gainera, Imanol Alguacil teknikariak bost aldaketa egin zituen, eta erabat itxuraldatuta agertu ziren txuri-urdinak.

Athleticen, berriz, minari zukua atera nahi izan zion Marcelino Garcia Toralek. Finaleko hamaikako berbera zelairatu zuen entrenatzaileak, eta porrotak utzitako gosea agerian utzi zuten zuri-gorriek. Erasokor hasi zuten neurketa, eta lotu egin zuten Reala. Hori bai, Alex Remiroren atean arrisku gehiegirik sortu gabe.

Bien bitartean, partidari tamaina hartzen saiatu zen Reala. Aldaketek eraginda, joko sistema ere egokitu egin zuen Imanolek: 4-4-2 itxurako marrazkia prestatu zuen, erasoko erreferentzian bi lagun kokatuta: Alexander Isak, eta Carlos Fernandez. Aldiz, Martin Zubimendik atzeko lerroari arnas pixka bat emateko lan egin zuen, baloi irteeran erdiko atzelariei lagunduta.

Athletic nagusi izan zen hasieran, baina ez zituen etxekoak gehiegi estutu. Larritasun gehiago izan zuten Yerai Alvarezek eta Aihen Muñozek; lehen ordu erdia betetzerako min hartu zuten bi-biek, eta Unai Nuñezek eta Nacho Monrealek ordeztu zituzten.

Lehen minutuetako oldarraldia kareletik bota zuen Marcelinoren taldeak, eta itzaltzera egin zuen pixkanaka. Realak, berriz, aurrerako urrats bat egin zuen. Txuri-urdinak soilik izan ziren gai atera jaurtitzeko, baina alferrik: hutsean amaitu zen lehen zatia.

Bigarren zatia ere makal hasi zen. Bi taldeek zirrikiturik aurkitu ezinean segi zuten lehendabiziko minutuetan, eta, beste behin, lesioek hartu zuten protagonismoa. Yuri Bertxitxek min hartu zuen, eta Mikel Balentziagak hartu zuen haren lekua. Bigarren zatia hasi eta gutxira, Athleticeko lau atzelarietatik hiruk aldageletarako bidea hartu zuten.

Bizigarri gutxiko partida jokatu zuten bi taldeek. Astuna. Halako batean, ordea, suspertzeko itxura egin zuen partidak. Alex Berenguerrek 0-1ekoa egiteko aukera izan zuen 55. minutuan. Baloia ondo egokitu eta gero, Robin Le Normandek saihestu zuen bisitarien gola.

Bi teknikariek taktikoki irabazi nahi izan zuten. Imanolek, esaterako, aldaketak baliatu zituen eskema aldatzeko: 4-2-3-1 amaitu zuen, Cristian Portu aurrelari bakar zela. Erasora egin zuten txuri-urdinek eta aurretik jartzeko aukera gehien izan zuten azken minutuetan. Athletic aurreratu zen, ordea. Bost minutu iraun zien pozak bilbotarrei: 84.ean aurreratu, eta 89.ean berdindu zuen Realak. Legezko emaitza izan zen.]]>
<![CDATA[Azken unean suspertu dira]]> https://www.berria.eus/albisteak/195929/azken_unean_suspertu_dira.htm Wed, 07 Apr 2021 23:23:03 +0200 Jon Ander De la Hoz https://www.berria.eus/albisteak/195929/azken_unean_suspertu_dira.htm Bi entrenatzaileek partidaren bezperan aipatu zuten joan zen larunbateko finalaz gaindiko neurketa izango zela Anoetakoa, baina, egiari zor, Sevillakoak baldintzatu du ligako norgehiagoka. Ordukoa une oro giroan egon da, partidaren ataritik hasita: Athleticekoek bi lerrotan kokatuta jaso dituzte Realekoak, garaikurra lortu izanaren omen gisa.
Realaren hamaikakoan izan du eraginik handiena. Zenbait jokalari deialditik kanpo geratu dira, min hartuta. David Silvaren eta Mikel Merinoren kasua izan da. Gainera, Imanol Alguacil teknikariak bost aldaketa egin ditu, eta erabat itxuraldatuta agertu dira txuri-urdinak. Athleticen, berriz, minari zukua atera nahi izan dio Marcelino Garcia Toralek. Finaleko hamaikako berbera zelairatu du entrenatzaileak, eta porrotak utzitako gosea agerian utzi dute zuri-gorriek. Erasokor hasi dute neurketa, eta lotu egin dute Reala. Hori bai, Alex Remiroren atean arrisku gehiegirik sortu gabe. Bien bitartean, partidari tamaina hartzen saiatu da Reala. Aldaketek eraginda, joko sistema ere egokitu egin du Imanolek: 4-4-2 itxurako marrazkia prestatu du, erasoko erreferentzian bi lagun kokatuta: Alexander Isak, eta Carlos Fernandez. Aldiz, Martin Zubimendik atzeko lerroari arnas pixka bat emateko lan egin du, baloi irteeran erdiko atzelariei lagunduta. Athletic nagusi izan da hasieran, baina ez zituen etxekoak gehiegi estutu. Larritasun gehiago izan dute Yerai Alvarezek eta Aihen Muñozek; lehen ordu erdia betetzerako min hartu dute bi-biek, eta Unai Nuñezek eta Nacho Monrealek ordeztu dituzte.Lehen minutuetako oldarraldia kareletik bota du Marcelinoren taldeak, eta itzaltzera egin du pixkanaka. Realak, berriz, aurrerako urrats bat egin du. Txuri-urdinak soilik izan dira gai atera jaurtitzeko, baina alferrik: hutsean amaitu da lehen zatia. Bigarren zatia ere makal hasi da. Bi taldeek zirrikiturik aurkitu ezinean segi dute lehendabiziko minutuetan, eta, beste behin, lesioek hartu dute protagonismoa. Yuri Bertxitxek min hartu du, eta Mikel Balentziagak hartu zuen haren lekua. Bigarren zatia hasi eta gutxira, Athleticeko lau atzelarietatik hiruk aldageletarako bidea hartu dute. Bizigarri gutxiko partida jokatu dute bi taldeek. Astuna. Halako batean, ordea, suspertzeko itxura egin du partidak. Alex Berengerrek 0-1ekoa egiteko aukera izan du 55. minutuan. Baloia ondo egokitu eta gero, Robin Le Normandek saihestu du bisitarien gola. Bi teknikariek taktikoki irabazi nahi izan dute. Imanolek, esaterako, aldaketak baliatu ditu eskema aldatzeko: 4-2-3-1 amaitu du, Cristian Portu aurrelari bakar zela. Erasora egin dute txuri-urdinek eta aurretik jartzeko aukera gehien izan dute azken minutuetan. Athletic aurreratu da, ordea, Villalibrek buruz sartutako golari esker. Bost minutu iraun die pozak bilbotarrei: 84.ean aurreratu, eta 89.ean berdindu zuen Realak, Unai Simonen akats larri baten ostean. Legezko emaitza izan da.]]>
<![CDATA[Orain, berriz, ligako lehia]]> https://www.berria.eus/paperekoa/1891/021/001/2021-04-07/orain_berriz_ligako_lehia.htm Wed, 07 Apr 2021 00:00:00 +0200 Jon Ander De la Hoz https://www.berria.eus/paperekoa/1891/021/001/2021-04-07/orain_berriz_ligako_lehia.htm
Cartujan jazotakoa da Anoetakoaren aurrekari. Horri segida ematea da Realaren xedea; Athleticek, berriz, Sevillako porrotaren soka eten nahi du. Kolpea leuntzeko modurik onena irabaztea luke.

Bi taldeak bete-betean aritu dira norgehiagoka prestatzen. Txuri-urdinen kasuan, bi jokalari gutxiagorekin aritu dira Zubietan. Asier Illarramendiren hutsuneari David Silvarena gehitu zaio: futbolari kanariarrak min hartu zuen aduktorean, eta hilabete inguru egingo du jokatu gabe. Jon Guridi ere kili-kolo dago aste hasieratik.

Jokalari garrantzitsuak izanagatik, Imanol Alguacil teknikariak argi du zein den bere taldearen xedea: «Denboraldiaren parte erabakigarria hasiko da orain, eta partida bakoitzean irabazten saiatu behar dugu. Europa ligarako sailkatzea da helburua», adierazi zuen oriotarrak prentsa agerraldian. Bide horretan, «finala erabat ahaztuta» dutela esan zuen prestatzaileak.

«Egun gogorrak izaten ari dira. Ez dugu luzaroan ahaztuko», esan du, berriz, Marcelino Garcia Toralek. Athleticeko prestatzaileak luzaz aletu zuen finala atzoko agerraldian, baina garaipenaren bidera itzuli nahi dute zuri-gorriek, ahalik eta lasterren: «Jakin behar dugu zer egin genuen oker. Hori ezinbestekoa da osatzeko, eta multzoa batuta dago. Larunbatekoa istripua izan zela erakutsi behar dugu gaur, eta partida pizgarria da horretarako».

Aurrekariak, etxekoen poz

Ligan elkarren aurka aritu diren azken aldietan Reala nagusitu da aldirik gehienetan. Sasoi honetan ere txuri-urdinak izan ziren nagusi (0-1), urte zahar egunez jokatutako derbian. Partida hura galtzeak kolokan utzi zuen Gaizka Garitanoren kargua; Aitor Elizegiren zuzendaritzak astebete geroago kaleratu zuen Deriokoa.

Ordutik hiru hilabete igaro dira, baina egoera oso bestelakoa da. Athleticek susperraldi bat izan zuen Marcelino heldu orduko. Orain, ordea, sasoiko kolpe handiena jaso berritan dira zuri-gorriak. Dena den, joan zen larunbatekoak ez du gaurko partida baldintzatuko, Imanolek azaldu zuenez: «Ligako neurketa da, eta guztiak ezberdinak izaten dira. Seguruenik, jokalari ezberdinak izango dira zelaian, eta horrek ere ezberdin egingo du biharkoa». Realeko prestatzaileak norgehigoka «parekatua» espero du.

Antzeko iritzia du Marcelinok ere. Entrenatzaile espainiarrak, Imanolek bezala, «eraginkortasuna» aipatu du gaurkorako gako gisa: «Ez diogu arerioari begiratu behar, gure lana egin behar dugu».

Finalak eragindako aldartearekin ekingo diote bi taldeek. Beste kontua amaitzean zer sentipen izango dituzten. Hiru puntuak ez ezik, etorkizun hurbila dute jokoan.

REALA-ATHLETIC
Reala. Remiro; Zaldua, Zubeldia, Le Normand, Aihen; Gebara, Merino, Zubimendi; Portu, Oiartzabal, eta Carlos Fernandez.
Athletic. Simon; Capa, Y. Alvarez, Martinez, Yuri; Berenguer, Unai Lopez, Vesga; Muniain, Williams, eta Villalibre.
Epailea. Sanchez Martinez.
Lekua. Anoeta.
Ordua. 21:00 (Gol).]]>
<![CDATA[«Oraindik ere zaila da lortu dugunaz jabetzea» ]]> https://www.berria.eus/paperekoa/1857/025/001/2021-04-06/laquooraindik_ere_zaila_da_lortu_dugunaz_jabetzearaquo.htm Tue, 06 Apr 2021 00:00:00 +0200 Jon Ander De la Hoz https://www.berria.eus/paperekoa/1857/025/001/2021-04-06/laquooraindik_ere_zaila_da_lortu_dugunaz_jabetzearaquo.htm Txuri-urdin ereserkia izan zen lehendabizikoa. Brigade Loco taldearen Bultzada izan zen bigarrena: «Haur baten ilusioa, aurpegiko irribarrea», dio zati batean. Haurra ez, baina gaztea da Martin Zubimendi jokalaria (Donostia, 1999). Partida osoa jokatu zuen harrobikoak bere lehen finalean. Aurpegiko irribarrea aipatzen du kantuak. Bi egun geroago, ezkutatu al zaizue? Ez, ez (barrez). Gainera, neuk hautatu nuen abesti hori. Iraungo digu irribarre horrek, oraindik ere. Zure lehendabiziko finala zen, eta irabazi egin zenuen. Zer sentitu zenuen? Nik neuk ez dut Reala inoiz txapeldun ikusi, eta pribilegiatu bat sentitu naiz. Sentipen onak izan nituen; saiatu nintzen gozatzen; ardura handia genuen, baina, horren gainetik gozatzera joanda, lortu nuela uste dut. Gozamena ekarri duzu hizpidera. Neurketa amaitu ordukoa zoramen eztanda bat izan zen, ez? Bada, bai. Edozein besarkatu nuen; denak oso lagunak gara, elkarrekin egoten baikara. Oso harreman estua dugu. Ez zenuten sasoiko partidarik ikusgarriena egin, baina ondo egituratu zenuten partida. Hori al da balio duena? [Barrez]. Bai, gerora lagunek esan zidaten oso pozik zeudela, baina partida astuna izan zela. Proposatutako partida bikain atera zitzaigun: baloi jabetzan, dakigun hori eginaz, eta gero oso indartsu egonda. Haiek, Athleticekoek, jokalari azkarrak dituzte erasoan, eta uste dut oso ondo moldatu ginela. Reala txapeldun egin duzue, 34 urteren buruan. Zer sentitzen da halakoetan? Zaila da azaltzen, gutxitan gertatzen baita. Ni donostiarra naiz, txikitatik Realekoa, eta klubean nago ordutik. Ametsetan bakarrik ikusten nituen momentu horiek. Inoiz ez nuen pentsatu horraino iritsiko nintzenik, eta gutxiago final bat jokatuko nuenik. Badakigu jendea dugula atzetik; lortu dugu, eta poza handia da. Festak ere askorako emango zuen, noski. Bai, bai. Egia esan, lo gutxi egin genuen. Afaria ere berandu hasi zen [02:30 aldera], eta hortik aurrerakoa... Pentsa dezakezu. Jokalari batek hala esan zuen hotelean: «Hau hasiera besterik ez da». Hala iruditzen al zaizu? Nahiko nuke! Nire lehen urtea da, eta espero dut azkena ez izatea. Uste dut ongi jokatzen ari garela, eta etorkizuna oso polita izan daitekeela. Esango nuke bide onean gaudela; bai ni, eta baita Reala ere. Partidari erreparatuta: zer pentsatu zenuen epaileak zortzi minutuko luzapena adierazi zuenean? Zortzi minutuko luzapena adierazi zuenean zera pentsatu nuen: «Ea, zortzi minutu gehiago». Baina Athleticek azkenaldian amaieretan erakutsi duena kontuan izanda, kontuz aritu behar genuen. Athletic hizpidera ekarri duzu. Zuri-gorriak dotore aritu ziren amaitu ostean, ezta? Bai, bai. Geure artean aipatu genuen. Batez ere [Iker] Muniainek, eta Iñigo Martinezek izan zituzten detaileengatik. Jokoan ere igarri genuen, derbi bat zela, baina derbi garbi bat. Ez ginen arazoetan sartu, eta alde horretatik ere pozik geratu ginen. Dena den, bihar elkarren aurka ariko zarete berriz ere. Larunbateko garaipenak bultzada emango al dio Realari? Bai. Zaila izango da orain txipa aldatzea, baina egin beharreko zerbait da. Denboraldia luzea da oraindik, eta helburu argi bat dugu: Europan jokatzeko sailkatzea. Nik uste Kopak indartuko gaituela, eta ea nola amaitzen dugun denboraldia. Azken astean kezka iturri izan zinen zaleentzat, saihetseko arazoak zirela eta. Finalean, ondo? Bai, presioa eta urduritasuna banituen, baina uste dut ondo kudeatu nituela. Batez ere, partidaren aurretik nituen urduritasunak. Gero ondo aritu nintzela esango nuke. Bai: partidatzarra jokatu zenuen. Eskerrik asko, baina taldearen lana ere ona izan zen. Realak ondo lotu zuen Athletic. Asko aztertu al zenituzten? Haiek erasoan jokalari onak dituzte, buruz burukoan ondo moldatzen direnak, eta, hor, ondo moldatu beharra geneukan. Uste dut lortu genuela; bai atzeko lerroan, bai defentsako lan osoan. Lehen esan duzu zuk hautatu zenuela Brigade Locoren abestia. Honela dio aurrerago: «Txuri-urdin koloreak, harrotasunez eramanda». Joan bai, baina noraino? Zer helburu duzue orain? Behin [Espainiako] Kopa irabazita, batek pentsa dezake edozeini egin diezaiokegula aurre, baina pixkanaka osatu behar dugu bide hori. Ez dugu helburu handiegirik jarri behar, bideak ekarriko baitizkigu, Lehengo harrotasun horri distira pinporta batzuk gehitu dizkiozue, ordea. Hala sentitzen duzue? Bai. Nire kasua aipatuko dizut: Bigarren Mailan zegoela hasi nintzen segitzen ni Reala, eta orain hor ikustea, garaikur bat irabazten, bada arrazoi bat harrotasun hori handitzeko. Egoera hala behartuta, ez zen ospakizun publikorik egin. Nola kudeatu duzu zuk? Ni oso lasaia naiz. Etxera joan nintzen, familiarekin egoteko, eta, gero lagunengana. Oso lasai eraman nuen dena. Jabetzen al zara, ordea, Realaren historian zure izena idatzi izanaz? Egia da gaur egun oraindik ez dela erraza horretaz jabetzea, baina uste dut aurrerago jabetuko garela; gutxik lortu baitute hori orain arte. ]]> <![CDATA[«Garaikur batzuk baditut, baina hau litzateke bereziena: Reala da nire taldea»]]> https://www.berria.eus/paperekoa/1928/018/001/2021-04-01/garaikur_batzuk_baditut_baina_hau_litzateke_bereziena_reala_da_nire_taldea.htm Thu, 01 Apr 2021 00:00:00 +0200 Jon Ander De la Hoz https://www.berria.eus/paperekoa/1928/018/001/2021-04-01/garaikur_batzuk_baditut_baina_hau_litzateke_bereziena_reala_da_nire_taldea.htm
Iristear da larunbateko finala, bi astez entrenatzen aritu eta gero. Etenaldi luze hori onerako ala txarrerako izan da?

Egia esan, ez dakit onerako ala txarrerako izan den prestatzeko horrenbeste denbora eduki izana. Baina gogotsu gaude finala jokatzeko. Horren zain egon gara azken urte osoan, eta kalean ez da besterik entzuten. Gogotsu gaude jokatzeko eta irabazteko.

Finalaren aurreko azken partidan jipoia jaso zenuten Bartzelonaren kontra (1-6). Dagoeneko ahaztuta izango duzue hori, ezta?

Bai, noski. Ez zen gure neurketarik onena izan, eta Bartzelona ere bere garairik onenean zegoen. Ez genuen jipoia espero, baina horrek ez digu konfiantzarik gutxitu, eta zalantzarik ez digu sortu. Dakiguna egiten badugu, aukera asko izango ditugu irabazteko.

Hiru hamarkadatik gora igaro dira gizonezkoetan Realak halako neurketarik jokatu ez duela. Zein aldartetan dago taldea?

Gogotsu. Bizitzan, halako momentu gutxi izan ohi dira, horren garrantzitsuak direnak. Realak urte asko itxaron behar izan ditu halako ezaugarriak dituen final bat jokatzeko, titulu bat lortzeko lehian izateko, eta horren jakitun gara. Halere, partida bat gehiago da; garrantzitsua bai, baina jakinda zertarako gai garen. Horrela, hobeto ariko gara.

Aurreikusitakoa baino ia urtebete geroago jokatuko duzue. Itxaronaldi horrek ere luze jo du?

Bai. Jendeak gogoan duen partida da, eta ezin izan dugu deskonektatu. Badakigu zaleentzat garrantzitsua dela, guretzat bezala, eta azken boladan beste gairik ez zegoen. Jokatu nahi dugu.

Zaleak partidan egoteko modua emateko asmoz atzeratu da orain arte, baina ez da posible izan. Talde bakoitzaren bilakaera kontuan hartuta, zer zen hobe: orain jokatzea, ala iaz, berez zegokionean?

Denbora asko igaro bada, jendeak gozatu zezan izan da. Horrelakoak, zoritxarrez, ez ditugu sarri izan orain artean, eta bagenuen zaleek ere gozatzeko esperantza. Ezin izan da. Orain ikusita, hobe bere garaian jokatu izan bagenu, baldintzak berberak liratekeelako.

Marka da, gero, estreinakoz finalera iritsi eta halako egoera batean egokitu izana...

Bai, finalak beti dira bereziak, eta jakinda hau Athleticen kontra dela, pena da. Giro ederra egongo litzateke, eta pozgarria litzateke. Ea beste batera ere heltzen garen, eta zaleak estadioan diren.

Zaleen faltak urardotuko al du etziko finala?

Haiek ere gurekin egotea nahiko genuke, baina, komatxo artean, ohitu gara haiek gabe jokatzen: estadiora sartu eta zaratarik ez entzute hori... Azken urte honetan ikasi dugu hori. Pena da, Anoetan kristoren giroa sortzen zelako, eta zaleak taldearekin bat eginda daudelako. Halako une on batean egoera hau heldu izana ez da inorentzat ona izan, eta espero dugu aurki lehengora itzultzea.

Azken partida garrantzitsuetan, ez dituzue nahi bezain emaitza onak lortu: Superkopan, Betisen kontrako kanporaketan, Europa ligan... Finalari begirako ondoriorik atera duzue?

Ez. Superkopan oso partida ona egin genuen, baina ez genuen gure unea aprobetxatu. Badakigu oraingoan zer dugun jokoan.

Aurkeztu ezazu hautagaitza: Reala zergatik izango da txapeldun?

Merezi dugulako. Azken urte eta erdian aurrerapauso garrantzitsua egin du taldeak. Lehen ez genuen erregulartasuna lortu dugu joko aldetik, baina baita emaitza aldetik ere. Egindako ibilbidea kontuan hartuta, uste dut merezi dugula sari handi bat jasotzea.

Finala da, eta derbia. Lehen ere lehiakorrak izaten dira Realaren eta Athleticen artekoak.

Oraingoan ere bai, seguru. Beti esaten dut derbietan ez dela faboritorik izaten; bi taldeek intentsitate handia ezartzen diete jokoari. Finala ere halakoa espero dut; halere, gu orain artean indartu gaituen hori egiten saiatuko gara.

Athleticek asmatu du azken partida erabakigarrietan. Kezkarik sortzen al dizue horrek?

Ezta bat ere. Konfiantza osoa dut talde honengan. Erakutsi dugu partida garrantzitsutan ondo ibili garela. Athletic talde gaitza izango da, baina gu prestatuta gaude kopa irabazteko.

Elkarren aurkako azken partida gehienak Realak irabazi ditu. Finalari begira lagungarri da hori?

Lagun dezake, baina horrek ez du esan nahi abantaila dugunik.

Nola irabazi behar zaio Marcelino Garcia Toralen taldeari?

Gu geu izanda. Orain arte erakutsi dugu zertarako gai garen, eta horrela eginda asko dugu irabazita. Badakigu haiek saiatuko direla gure jokoa oztopatzen, baina horren gainetik egon behar dugu.

Zertan sakondu beharko duzue zelaian nahi duzuen hori lortzeko?

Intentsitate mailak egin gaitu indartsu. Baloia edukitzeak eta hura galdu orduko azkar berreskuratzeak. Presioa zelaiaren goialdean egin behar da horretarako, eta horretan saiatu behar dugu. Athleticek ondo jotzen du kontraerasora, eta adi egon beharko dugu orduan ere. Jokoaren pisua izan beharko dugu, eta, hala bada, aukera asko izango ditugu.

Lehen minutuak gako izango al dira partidari neurria hartzeko?

Lehen minututik azkeneraino konfiantza osoarekin aritu behar dugu, eta hori egingo dugu. Partidak 90 minutu ditu, eta ondo aprobetxatu behar da bakoitza, balantza gure aldera eraman ahal izateko.

Osatu zinen lesiotik, eta etzi jokatzeko moduan zaude. Oro har, nola zaude partida honen atarian?

Ondo. Horrenbeste denbora igaro eta gero, banituen nire zalantzak, taldera nola itzuliko nintzen. Gustura nago, egunero taldearekin entrenatzen, eta kide bat gehiago izaten. Guztiz osatuta nago.

Imanolek Alguacil entrenatzailea konfiantza handia ezarri du zugan. Pozik?

Bai. Imanolek badaki: urte eta erdiz taldetik kanpo egon eta gero, fisikoki ez nago nire garairik onenean. Halere, hark apustu egin du, eta partida batzuk eman dizkit. Gero arazo fisiko batzuk izan ditut, eta urrundu nintzen, baina berriz ondo nago, eta taldeari gehitzeko amorratzen.

Realeko kapitaina zara. Azken egunetan zenbat aldiz irudikatu duzu zeure burua Kopako garaikurra jasotzen?

Irudikatu dut, bai. Uste dut halakoak errealitate bihurtzeko lehen pausoa hori izaten dela. Geroz eta gertuago dago eguna, eta halakoak gutxi bizi ditugu, eta ea aprobetxatzen dugun.

Oso gazterik heldu zinen Zubietara, eta Realean hezi zintuzten. Zer esan nahi du final honek zuretzat?

Niretzat, dena esan nahi du. Txikitatik ametsa izan dut Realean aritzea: debuta egin, gero taldean mantendu... Zorionez, lehen amets hori aspaldi bete zen. Bigarrena garaikur bat lortzea izan da: kazetariok galdetu izan didazuen bakoitzean erantzun dut hori. Urruti ikusi izan dugu orain arte, eta orain ia-ia ukitzen ari gara. Ez dugu zalantzarik egin behar, eta haren bila jo behar dugu.

Halere, zuk sona handiko txapelketak irabazi dituzu Real Madrilekin, Txapeldunen liga kasurako. Realarekin final hau jokatzea bereziagoa al da?

Bai, guztiz. Nik lortu ditut garaikur batzuk, baina bereziena hau izango litzateke: nire taldea Reala da, amestu izan dudana da, eta bereziena izango litzateke, dudarik gabe.

Heltzear da finaleko eguna. Aldagelan asko hitz egin al duzue Realaren garaipenen historian zuen izenak idazteaz?

Bai, bai! Denbora asko igaro da partida honen zain, eta deseatzen gaude, zeuk esan duzun moduan, Realaren historian gure izenak idazteko.

Betisen Kopako kanporaketa kaleratu egin zintuzten, eta zain egon behar izan zenuen, Athleticen kontra jokatzerik izango zenuen jakiteko. Zer pentsatu zenuen orduan?

Ez nuen dudarik: pentsatu ere ez nuen egiten finala jokatuko ez nuenik. Argi nuen justizia egiten baldin bazen jokatuko nuela, eta hala izan da. Horixe izan da logikoena. Bestela, bai, asko amorratuko ninduen erabakiak.

Txakurra paseatzen duzun bitartean erantzun dituzu BERRIAren galderak. Jendeak geratu al zaitu kalean? Zer esan dizute?

Finala irabazi egin behar dugula, nahitaez. Guk ere sentipen hori bera dugu. Realeko jendeak momentu pozgarriak bizi izan ditu, baina baita sufritzekoak ere. Garai horietan ere gure alboan egon dira zaleak, eta eman nahi diegu irabaztearen poztasun hori. Beti laguntzen gaituzte, eta asko sufritzen dutelako.

Athleticen zenbait jokalarirekin baduzu harremana. Azken egunetan hitz egin al duzu haietakoren batekin?

Bada, ez. Nik uste dut bakoitza bere egitekoan buru-belarri dagoela, eta lanean ari direla. Egongo dira elkarrekin egoteko beste momentuak. Ondo moldatzen gara, baina halako partidetan bakoitzak bere lana ahalik eta ondoena egin nahi du, irabazteko.

Azken egunetan giroa berotzeko zenbait ekitaldi egin ditu Realak: bandera trukea dela, ereserkiaren moldaketa dela. Heldu zaizue zerbait?

Bai. Azkenean, horrela berotu behar giroa. Zaleak ez dira harmailetan egongo, eta horrek final hau hoztuko du. Baina tira, saiatzen ari dira giroa berotzen, eta sentitzen dugu. Sevillan ez dira gurekin izango, baina aste honetako animoak eta mezu horiek guztiak heldu zaizkigu.

Zer giro Mutrikun?

Esan didate irabazi egin behar dela partida, baita gainontzeko guztiak galtzen baldin badira ere. Badakigu guk ere hori irabazi behar dela, baina baita besteak ere: oraingoz finala dugu hurrena, eta hura irabaztea beste asmorik ez dugu oraintxe bertan. Gero gerokoak.

Zure gertukoek bazuten Sevillara joateko asmoa, baina, azkenerako, etxean ikusi beharko dute partida. Nola biziko duten esan al dizute?

Ez dakit, egia esan. Lagun guztiek bazuten asmoa elkarrekin ikusteko, baina orain indarrean dauden arauekin ez dute posible izango. Familiak ere etxean ikusiko du, lasai-lasai. Haiek lehen ere nahiko urduri jartzen dira halakoetan, eta nahiago dugu etxean lasai ikusi, edo akaso, ikusi ez [barrez].

Zein da igande goizean Sevillan esnatu eta irakurriko nahiko zenukeen lehen titulua?

Nahiago nuke lorik egin gabe irakurriko banu! Ez, ez: irakurri nahiko nuke txapeldunak garela, merezimendu osoz. Egunkarietako azaletan gure argazkia ikustea litzateke politena.

Ikusi gehiago: Kopako finalari buruzko artikulu bilduma.]]>
<![CDATA[Derbietako lehia, bere gorenera]]> https://www.berria.eus/paperekoa/1907/022/001/2021-03-30/derbietako_lehia_bere_gorenera.htm Tue, 30 Mar 2021 00:00:00 +0200 Jon Ander De la Hoz https://www.berria.eus/paperekoa/1907/022/001/2021-03-30/derbietako_lehia_bere_gorenera.htm
Ikusi gehiago: artikulu bilduma.

Bestela ere lehiakorrak izaten dira Realaren eta Athleticen arteko norgehiagokak, baina borroka hori bere gorenera helduko da larunbatean. Bi taldeak lehen aldiz ariko dira elkarren aurka gisa horretako partida batean. Derbien mazedoniari garaikurraren osagaia gehituko zaio.

Aitor Larrazabal (Bilbo, 1971) Athleticeko jokalari ohiak eta Aitor Lopez Rekarte (Arrasate, Gipuzkoa, 1975) Realekoak ondotxo dakite zer diren derbiak jokatzea. Lehendabizikoak hamalau sasoitan jantzi zuen bilbotarren elastikoa, eta bigarrenak, hamarretan donostiarrena. Urte horietan guztietan elkarren aurka aritu ziren: «Partida bat jokatzeak beti du presioa, gauzak ondo egin nahi izaten direlako», esan du Larrazabalek. Irabazi nahiak lehiakortasuna ekarri ohi du segidan: «Derbiak neurketa lehiakorrak dira, eta oraingoan ere hala izango da. Gainera, final bat da, ez du atzera-bueltarik, eta gehienentzat orain artean jokatu duten neurketa garrantzitsuena izango da», argudiatu du zuri-gorri izandakoak.

Rekartek makina bat bider jokatu du Athleticen aurka, baina oraingo aldiaren berezitasunei erreparatu die: «Nik jokatutakoekin alderatuta, aldea dago final batean ez direla hiru puntu jokatzen, eta ikuspegi hori ezin da ahaztu». Arlo fisikoari ere egin dio erreferentzia. Arrasatearrak azaldu duenez, finalek izan ohi dute hartatik, eta baita mentaletik ere. «Finaletan, ez da ohikoa talde bat bestearen oso gainetik geratzea. Alde horretatik, fisikoak dira, baina finalak eta derbiak mentalki irabazten dira. Jokatzeko eraz gain, ardatza da nola prestatzen den arlo hori».

Arlo psikologikoa hizpide hartuta, Larrazabalek uste du «partida galtzeko beldurrik ez izatea» izango dela gakoetako bat: «Alderdi garrantzitsua izango da psikologikoa; akats bat izateak partida ez irabaztea ekar lezake, eta presio hori izugarria izan daiteke». Halaber, gogoak eragindako antsietateari ere erreferentzia egin dio bilbotarrak: «Talde bietan jokalari gazteak egonda, eragina izan dezake».

Hasiera batean, Athletic bolada onean helduko da finalera, Larrazabalen ustez, eta zuri-gorriek bere jokatzeko erari eutsiko diotela azpimarratu du. «Planteamendua ez du askorik aldatuko», Baina zein izango da planteamendu hori? «Marcelinori [Garcia Toral, entrenatzailea] gustatzen zaio presioa goian egitea, baloiak lapurtzeko. Realak ondo jokatzen du, eta baloia ondo mugitzen du. Zein taldek akats gutxiago egin, hor egongo da aldea».

Aldiz, erasoko jokoa da txuri-urdinen indargune nagusia, eta donostiarrak hori baliatzen saiatuko dira Espainiako Kopa etxeratzeko. Alde horretatik, Lopez Rekartek azaldu du Reala sendo ikusi nahi duela finalean: «Ikusmina sortu duen partida bat da, eta testuingurua ere kontuan hartu behar da. Partaidetza handia sortu da Gipuzkoan, Gurekin egitasmoarekin. Horiek garrantzitsuak dira».

Athleticek jadanik jokatu du final bat aurten, eta apirilaren 17an Bartzelonaren kontra ariko da beste batean. Aldiz, Realak larunbatekoa du begi bistako bakarra. Alde horretatik, Lopez Rekartek dio azken partida garrantzitsuetan «maila ona» erakutsi dutela zuri-gorriek, aurrera egitea lortu dutenez gero: «Erakutsi dute indartsu daudela halako lehiaketetan, eta jakin-mina dago Realak zer maila emango duen ikusteko. Ilusio hori badago, eta taldeak ondo prestatuko duen konfiantza ere bai».

Lana goratzeko arrazoiak

Hain justu, gizartean sortutako ilusioa azpimarratu du Lopez Rekartek: «Euskal taldeen arteko finala izateak sortzen duen lehiakortasun hori badu, adiskidetasunetik. Uste dut bai Realeko zaleak, baita Athleticekoak ere, harro gaudela gure taldeak egiten ari direna ikusita, emaitzaz harago: jokalariez, entrenatzaileez... Horrekin geratu behar dugu».

Realak eta Athleticek elkarren aurka jokatuko duten 180. norgehiagoka ofiziala izango da larunbatekoa. Aldi horietan guztietan ez dute finalik jokatu elkarren aurka. Sevillakoa izango da estreinako aldia: «Zoriontzekoa da», azpimarratu du Aitor Lopez Rekartek: «Bakoitzak bere taldeak irabaztea nahi du, baina taldeen mailari ere erreparatu behar zaio".

Halako une batean zalerik ez egotea da finaleko gauzarik «tristeena», Larrazabalen esanetan. Hark zehaztu duenez, ordea: «Garaia halakoa da, eta horrela da». Izan ere, derbietako giro hura gogoan du: «Partiden aurretik zaleek izaten zuten hura izaten dut gogoan, eta zelai barruan ere harreman ona izan dugu beti, errespetuzkoa. Gure artean ondo moldatu gara kasurik gehienetan».

Bi taldeetako jokalarien arteko tratua goraipatu du Lopez Rekartek ere: «Gaur egun kanpotik ikusten dut, eta antzeman dezaket hala izan daitekeela. Gure garaian harreman oso ona geneukan». Horrek egiten du euskal derbia berezi, eskuin hegalean aritzen zenak azpimarratu duenez: «Batzuk forofoagoak dira, eta ezin dute bestea irabazten ikusi. Baina uste dut beti izan duela harreman onaren ezaugarria. Gure derbiaren ezberdintasuna hori da».

Oraingoan, La Cartuja hutsik dagoela jokatuko dute partida. Ohiko derbiekin alderatuta oso ezberdina izango da hori, nahiz eta elkarren aurkako azken partida ere ikuslerik gabe jokatu zuten. Finalari distira kenduko dio horrek, Larrazabalen esanetan. Antzeko ustea du Lopez Rekartek ere: «Horrela, jokalariak bere nortasunean oinarritu beharko du, eta talde bakoitzak bere ereduari segitu beharko dio. Saiatuko dira partidari hori gehitzen».

Dena dela, zaleen falta hori Realak eta Athleticek nabarituko dutela azaldu du Lopez Rekartek. Txuri-urdinen jokalari ohiak ondorengoa azaldu du: «Laguntasun eta gertutasun horren falta asko sumatzen da, eta, alde horretatik, berezia izango da, edozein talderi gertatuko zaion arren. Testuingurua halakoa da, ordea, eta mentalki garrantzitsua jokalariak eta motibatzea. Zaleak parte hartzen ari diren jarduerak horregatik egiten ari dira, gertutasun hori ondo finkatzeko».

Jokatuko luketen partida

Bai Larrazabalek eta bai Rekartek aitortu dute «gustura» jokatuko luketela final hau. Athleticeko jokalari izandakoak final bat ez jokatu izanaren pena du: «Galtzea edo irabaztea beste kontu bat da, baina jokatzeko aukerarik ez dut izan. Hamalau denboralditan horrenbeste partida jokatu, eta finalik ez izatea lastima da. Gainera, ikusita oraingoa Realaren kontra dela... Oso polita iruditzen zait».

Ez da harritzekoa. Euskal futbolaren historian iltzatuta geratuko den data izango da apirilaren 3a. Galdu ezinezko ekitaldi bat, bi kluben jirakoek, zaleek eta jokatuko dutenek sekula ahaztuko ez dutena. «Inbidia handia dut, geroz eta handiagoa», aitortu du Lopez Rekartek ere. «Oso bizipen berezia da. Gure garaian gauza esanguratsua izango zen, baina orain kanpoko esparru honetatik saiatuko gara Reala bultzatzen».

Egoerak hala behartuta, zaleek etxetik ikusi beharko dute neurketa. Lopez Rekartek ere hala egingo du, familia giroan: «Bakoitzak bere erara biziko du. Saiatuko gara gozatzen; ezjakintasuna badago, eta horrek beldur pixka bat sortzen du, baina saiatuko gara egun polita izan dadin».

Realaren garaipen batek borobilduko luke eguna Rekarterentzat. «Exijentea» dela esan du, eta txuri-urdinak «irmo» aritzea gustatuko litzaiokeela: «Final batean ez da erraza emaitza estranbotikoak mahaiaren gainean jartzea, baina 3 eta 1 esango dut». Aldiz, zuri-gorrien garaipena iragarri du Larrazabalek. Hark dio San Mamesekoek 2-1 irabaztea gustatuko litzaiokeela: «Ni Athleticeko jokalari ohia naiz, eta klubeko bazkidea. Haiek irabaztea nahi dut, jakina».

Bi-biak adi egongo dira neurketaren egunean. Bakoitzak bere aldera egin du, eta gustatuko litzaieke behinola jantzitako elastikoaren koloreak soinean dituztenak igoko balira garaikur bila. Garaikur bat jokoan, eta zientoka bizipen haren inguruan. Denak, Lopez Rekarte eta Larrazabal barne, larunbatean zer gerta zain daude jada. Derbiek biltzen duten lehia bere gorenera helduko da aurki, eta bakarrak dastatuko du loria. Txuri-urdin ala zuri-gorri, euskal futbolaren historian iltzatuta geratuko den eguna izango da zalantzarik gabe larunbatekoa, garaileen koloreez landa.]]>
<![CDATA[Zubieta, grinaren gotorlekua]]> https://www.berria.eus/paperekoa/1872/022/001/2021-03-25/zubieta_grinaren_gotorlekua.htm Thu, 25 Mar 2021 00:00:00 +0100 Jon Ander De la Hoz https://www.berria.eus/paperekoa/1872/022/001/2021-03-25/zubieta_grinaren_gotorlekua.htm
Multzoaren zatirik handiena du lagun egiteko horretan; aldiz, zenbait jokalari osatze bidean dira, eta beren selekzioekin bilduta daude beste batzuk. Haiek gabe landu beharko ditu zenbait aldagai. Tartean, jokoa eta arlo psikologikoa.

LIGAKO GURMARIK GABE

Imanolek sarri-sarri errepikatu du Kopa bazter utzi behar zuela Realak harik eta apirila hurreratu arte. Kontu bat nahia da, eta ahala beste bat. Azken bizpahiru asteetan, txuri-urdinen jiran egon da finalaren aura moduko bat ezarria. Helburu nagusira heldu nahi bat. Bide horretan, gurma izan da txapelketa erregularra. Realak galdu egin ditu ligako azken bi partidak, Granadaren eta Bartzelonaren kontra. Azken neurketan jipoia hartu zuen, gainera (1-6); joan zen jardunaldiak egin zuen onena iragatea izan zen. Orain, bete-betean prestatu dezake finala.

ERAGINKORTASUNA XEDE

Realak erasoko joko bizia egiten du, eta emaitza kaskarrak izan dituen boladan ere nahi ezta ere izan ditu gol aukerak. Horixe izan du bere lasta, ordea; abaguneak ez aprobetxatzea. Donostiarrek eraginkortasunean sakondu behar dute finalaren atarian. Aukerak sortzeaz gain, baloiak sarean sartzea.

Bi interpretazio egin daitezke horren inguruan. Baikorrena, aurkariaren arearen inguruan ibili zaleak direla txuri-urdinak. Hala, errenta lortzeko aukera handiagoa da; probabilitate kontua da. Aldiz, beste aldea agerian uzten du interpretazio ezkorrak. Ate aurrean sarri egon eta ez asmatzeak presa sor dezake aurrelariengan.

Behinola izandako erraztasuna berreskuratzea da joko zelairako duen helburu nagusia. Onena, badakiela hori nola egiten den: Alexander Isakek eta Mikel Oiartzabalek hamarna goletik gora sartu dituzte sasoian zehar.

UNEAREN KUDEAKETA

Talde gaztea da txuri-urdina. Epainiako ligan ari diren taldeak kontuan hartuta, batezbestekorik txikienetan hirugarrena du adinari dagokionez (25,7), Bartzelonaren eta Valentziaren atzetik. 25,6koa dute haiek. Datu horrek erabateko lotura du finaletarako eta halakoetarako esperientzia faltarekin. Horri gehitu behar zaio harrobiko jokalariek Realean duten presentzia handia, eta klubarekiko duten lotura sendoa.

Horrenbestez, unea egoki kudeatzea ezinbestekoa bilakatu da partida honetarako. Jokalaririk beteranoenek garrantzi berezia dute; Asier Illarramendiren, Nacho Monrealen eta David Silvaren garaia da. Hirurek zenbait garaikur lortu dituzte beren ibilbidean, eta badute esperientzia atzera-bueltarik gabeko neurketak jokatzen. Hori irakatsi behar diete gazteenei.

Alde horretatik, agerikoa da aurkariaren jardute handiagoa. Athleticek final bat jokatua du aurten, eta, halakoetan gehiago aritutako jokalariak izateaz gain, multzo esperimentatuagoa du. Dena den, horrek ez du zertan kalterako izan. Berritasunari zor zaion freskotasuna aldeko izan daiteke Realarentzat, eta alderdi hori baliatzen saiatuko da Imanol. Historia dute zain.

'FIFA BIRUSA', ATAIZEAN

Zenbait jokalari Zubietatik urrun ariko dira finalaren atarian. Selekzioek 2022ko Munduko Txapelketarako sailkatzeko partidak jokatuko dituzte datozen egunetan, eta Realak Europan barreiaturik izango ditu zenbait jokalari garrantzitsu. Espainiako selekzio nagusian ari da Mikel Oiartzabal, eta 21 urtez azpikoan Ander Barrenetxea eta Martin Zubimendi. Adnan Januzajek Belgikako taldearekin jokatuko du, eta Alexander Isakek, Suediakoarekin.

Halako egoera batean, kideekin aritu ezina buruhauste bat da Realekoentzat. FIFA birusa da beste bat. Hala deitzen zaio beren selekzioekin joan ostean min hartuta itzultzeari. Betiere, norbere klubarekin lan saioak egitea seguruagoa da sailkapen fase batean lehian jardutea baino. Horrek ere izan dezake indargunea, ordea: egunerokoaren zurrunbilotik urrun egoteak, finalaren matraka gertu ez izateak, lagun dezake buruz fresko egoten.

ERIZAINDEGIA HUSTEN ARI DA

Sasoiaren lehen zatian partida asko jokatu du Realak, eta horrek arazo fisikoak sortu dizkie zenbait jokalariri. Pixkanaka-pixkana, osatzen ari dira gehienak. Joseba Zaldua eta David Silva taldekideekin entrenatu ziren atzo, eta aurki egingo du beste hainbeste Monrealek. Mikel Merinok eta Robin Le Normandek atseden hartu zuten atzo, baina ez dute arazo fisikorik. Aritz Elustondo eta Aihen Muñoz osatzeko bidean dira. Zailago du Jon Guridik.

IMANOL, DENEN ZAINDARIA

Norbait partidaren zain baldin badago, Imanol Alguacil da hori. Txuri-urdinen teknikariak bere bizkar hartu du partidaren zama, eta jokalariei presioa kentzea du xede. Oriotarra izan da finaleko txinparta piztearen arduraduna, eta ez du garaikurra lortu arteko bakerik izango. Zehatz-mehatz osatu du finalera arteko plangintza; horri begirako mezuak helarazi ditu igandeaz geroztik. Zubieta da Realaren grinaren gotorlekua, eta Imanol, hango zaindaria.]]>
<![CDATA[Hiru puntuak eta aldartea ditu jokoan]]> https://www.berria.eus/paperekoa/1946/029/001/2021-03-21/hiru_puntuak_eta_aldartea_ditu_jokoan.htm Sun, 21 Mar 2021 00:00:00 +0100 Jon Ander De la Hoz https://www.berria.eus/paperekoa/1946/029/001/2021-03-21/hiru_puntuak_eta_aldartea_ditu_jokoan.htm
Bartzelona hezur gogorra baita, eta haren kontra hiru puntuak zakuratzeak edonor suspertzen baitu. Egun, sailkapenean bosgarren dira Donostiakoak, baina gainean dute Betis seigarrena, puntu kopuru berarekin (45). Atzetik dituenek ere ez dute arnaserako tarterik uzten. Vila-real da horren adibide. Kontuak horrela, Donostiakoentzat urre lirateke Kataluniakoen kontrako hiru puntuak. Joan zen astean Granadaren zelaian galdu ondotik, garaipenaren bidera itzuli nahian dira txuri-urdinak.

Imanol Alguacil prestatzaileak aurkariaren une ona zehaztu du partidaren atariko prentsa agerraldian. Teknikari oriotarraren esanetan, «martxa hartuta» dago Bartzelona. Sailkapenean egin duen gorako jauzia da horren lekuko; lehendabiziko postua eskuratzeko borrokan sartu da azken asteetan: «Zalantzarik gabe, Bartzelona une onean dago. Beti esaten dudan eran, ordea, erronka polita da guretzat. Etxean jokatuko dugu, eta iaz bina berdindu genuen. [Espainiako] Superkopan ere partida polita egin genuen haien aurka. Lehiakor aritu behar dugu orain, eta gol aukeretan asmatuta, ea partida aurrera ateratzen dugun».

Izan ere, Bartzelonaren aurka jokatutako azken neurketetan, oztopo handi bat izan du aurrean Realak: Marc Andre Ter Stegen. Atezain alemaniarrari gola egiteko zailtasunak izaten dituzte talde gehienek, eta Imanolenak ez dira salbuespen: «Asmatu egin beharko dugu, jakinda munduko atezainik onenetakoa dela. Halere, guk erakutsi dugu gosez eta fin gaudenean golak egiten ditugula, eta asmatzea izango da gakoa».

Atezainari eta Leo Messiri egin zion erreferentzia Orioko prestatzaileak. Argentinarrak ere gainditu du sasoi hasieran izandako bolada iluna, eta azken aldietan agerian utzi du edozein unetan min egiteko gai dela. Haren bolada urardotuta, Imanolek azaldu zuen «talde osoa» ari dela ondo, eta arerioa bere osotasunean zaindu behar dutela tentuz.

Oroz gainetik, baina, bere taldearen indarguneak azpimarratu ditu teknikariak. Bartzelonaren kontrako partida da garrantzitsuena, eta hari heltzea du xede, kopakoa oraingoz bazter utzita: «Ezagutzen nauzue, eta asmoa haien bila joatea izango da. Beste kontu bat da gai izango garen, maila onean baitaude. Ahal badugu, saiatuko gara».

Prentsaren aurrera agertzen den aldiro, taldeko erizaindegiari errepasoa egiten dio Imanolek. Ez da lan hutsala izaten. Realak gorabehera asko izan ditu lesioekin, eta tankera horretan da orain ere. Martin Zubimendi eta Carlos Fernandez jokatzeko moduan dira, baina David Silva, ez: «Haiek eta Mikel Merino ondo aritu dira astean zehar, eta okerrik ezean prest izango ditugu partidarako». Ez, ordea, Natxo Monreal eta Jon Guridi. Iruindarra «osatze bidean da», Imanolen arabera. Azpeitiarrak, berriz, haustura bat du aduktorean: «Probak egingo dizkiote, eta orduan jakingo dugu noiz arte egongo den jokatu ezinik».

Historiari erreparatu nahian

Bartzelonak 63 aldiz jokatu du Donostian, eta etxekoen aldekoa da balantze orokorra. Elkarren aurka jokatutako partida guztiak kontuan hartzen badira, Realak irabazi ditu 29, eta 25 aldiz berdindu dute. Halaber, 19 aldiz gailendu da Kataluniako taldea. Azken urteetan, baina, eten egin da txuri-urdinen garai ona. Hamarkada batez galdu gabe egon ostean, 2017-2018 denboraldian 2-4 nagusitu zen Bartzelona. Orduz geroztiko hiru partidetan, puntu bakarra bildu du Realak zaleen aurrean.

REALA-BARTZELONA
Reala. Remiro; Gorosabel, Zubeldia, Le Normand, Aihen; Merino, Illarramendi, Gebara; Oiartzabal, Januzaj, eta Isak.
Bartzelona. Ter Stegen; Dest, Mingueza, De Jong, Lenglet, Alba; Pedri, Busquets; Dembele, Griezmann, eta Messi.
Epailea. Munuera Montero.
Lekua. Anoeta.
Ordua. 21:00 (La Liga).]]>
<![CDATA[Harria lepora, txapela burura]]> https://www.berria.eus/paperekoa/2102/023/001/2021-03-18/harria_lepora_txapela_burura.htm Thu, 18 Mar 2021 00:00:00 +0100 Jon Ander De la Hoz https://www.berria.eus/paperekoa/2102/023/001/2021-03-18/harria_lepora_txapela_burura.htm Urra (Zarautz, Gipuzkoa, 1997). Plazetako estreinaldia egin zuenetik ondo aritu da harri jasotzeko molde horretan, eta parte hartu duen txapelketa askotan lortu du gailentzea.

Iragan igandean lortu zuen azken aldiz irabaztea, Azpeitian (Gipuzkoa) jokatutako Zortzi Arroako Hiru Harri txapelketako finalean. Orduan, 10.200 kilo jaso zituen guztira, 100 kiloko kopari, kubikoari eta bolari guztira 102 jasoaldi eginda. 9.500 kilo jaso zituen Beñat Telleria bigarren sailkatuak —95 jasoaldi denera—, eta 8.900 Inhar Urruzuno hirugarrenak —89 jasoaldi—.

Irabazteko hautagai nagusia zen Lopetegi, eta ez zuen hutsik egin: «Faborito izateak ez du ezertarako balio, baina ondo moldatu nintzen. Gustura nago», esan du zarauztarrak. Lopetegik eta Telleriak 50na jasoaldi egin zituzten lehendabiziko harriarekin. Koparekin, alegia: «Beñat [Telleria] indartsu heldu zen, eta topera hasi ginen biok. Bigarren harrian pixka bat jaitsi zen hura, eta hor egon zen garaipena. Bestela, lehia oso estua izan zen».

Kubikoa izan zen harri hori. Lanabes exijentea da harri jasotzaileentzat, teknikoki zailagoa baita hura maneiatzea. Lopetegiren esanetan, gainera, koparekin egindako lanak erasan egin zien bi-biei: «Ni hobeto indarberritu nintzen harri batetik bestera». Kubikoan 27 jasoaldi egin zituen Urrak. Gainerako biek, hemeretzina.

Txapeldunak orduan zurkaiztu zuen garaipena. Azken harriarekin, bolarekin, pareko aritu ziren hiru finalistak; Telleriak 26 aldiz jaso zuen, eta besteek, 25 bider. «Txapelketa polita izan da, hasieratik bukaerara», azpimarratu du Lopetegik. Egur Sport enpresak antolatutako lehiaketek txapelketetan aritzeko aukera eman diete herri kirolariei, eta «eskertzekoa» da hori, Lopetegiren esanetan.

Hain justu, Egur Sporten beste sariketa batean ariko da Urra, hurrena. Hamar arroako harrien lehiaketa izango da; 125 kiloko lanabesak dira haiek. Zortzi arroakoekin alderatuta, pisu diferentzia nabaritu egingo duelakoan dago: «Antzematen dut aldaketa; 25 kilo gehiago dira, eta bai kubikoan, baita bolan ere, harri exijenteak dira».

Hargatik, prestakuntzan zenbait aldaketa egingo ditu. Datozen lan saioetan indar ariketei emango die garrantzia, saio aerobikoagoak bazter utzita. «Indar gehiago behar da», azaldu du Lopetegik.

Aldatzeko asmorik ez

Azken urteetan, Lopetegik lortu ditu harri txikietako saririk esanguratsuenak. Hura izan da Euskal Herriko txapeldun azken hiru aldietan (2018, 2019, 2020), eta harena da lehia horretan sekula egin den markarik onena ere: 13. 512 kilo jaso zituen 2018an, Aimar Irigoienek 2009an baino 150 kilo gehiago. Bide horretan sakontzen segi nahi du aurten: «Laugarren aldiz irabaztea da asmoa. Hori eta, udaran txapelketak jartzen badizkigute, haiek ondo prestatzea eta txapel batzuk lortzen saiatzea».

Euskal Herriko laugarrena eskuratuko balu, Joxe Ramon Iruretagoiena Izeta II.aren marka berdinduko luke. Lopetegiren prestatzailea da Iruretagoiena: «Saiatuko naiz berdintzen; polita izango litzateke». Aldiz, urrunago du Irigoienek irabazitako bederatzi aldietara heltzea, eta esan du gaur-gaurkoz ez diola horri erreparatzen.

Ezta harri handietarako jauzia egiteari ere: «Harri txikietan aritzea gustatzen zait, eta oraingoz horretan segituko dut». Helburuak finkatuta, plazetan aritzeko modua egitea da Lopetegiren desioa: «Gustatzen zaiguna hori da». Ez du horretarako arrazoi faltarik, harria leporatzen duen gehienetan txapel bat etxeratzen baitu Izetatarren eskolako azken harribitxiak.]]>
<![CDATA[Hamaika metrotan, mundu bat]]> https://www.berria.eus/paperekoa/1925/019/001/2021-03-17/hamaika_metrotan_mundu_bat.htm Wed, 17 Mar 2021 00:00:00 +0100 Jon Ander De la Hoz https://www.berria.eus/paperekoa/1925/019/001/2021-03-17/hamaika_metrotan_mundu_bat.htm
Azkenaldian, Reala eta Eibar makal antzean aritu dira penaltietan. Txuri-urdinek Mikel Oiartzabalen figuran bizitu dute zorte txarra. Eibartarren kasuan, handiagoa da arrakala. Jose Luis Mendilibarrenak kamuts aritu dira penalti puntutik. Sasoi honetan zortzi jaurti dituzte: hiru soilik sartu dituzte, eta bost huts egin; %37 soilik asmatu dituzte.

«Realarena eta Eibarrena bi kasu ezberdin dira. Reala egoera onean dago, eta apur bat huts egiten hasteak urduritasun pertsonala sor dezake. Eibarren, taldearen egoeran dago arazoa, eta bi arloak batu egiten dira». Jose Manuel Luluagaren (Lizartza, Gipuzkoa, 1962) hitzak dira. Eibarko futbolari ohiak badu penaltien berri; makina bat jaurtitakoa da Eibarren elastikoa soinean zuela.

Ipuruako taldea jaitsiera postuetatik ihes egin nahian ari da, eta, bide horretan, zenbait penalti huts egin ditu azken asteetan. Azkena, joan den igandean, Vila-realen kontra. Esteban Burgosek kale egin zuen, baina ez da bakarra izan: sasoi honetan lau lagunek jaurti dituzte Eibarren —Marko Dimitrovic, Sergi Enrich eta Edu Exposito dira beste hirurak—, eta denek huts egin dute aldiren batean: «Buruak asko eragiten du. Sailkapena tarteko, presioa baldin badago, pentsa zer esan nahi duen penalti batek. Oso gol aukera argiak dira, eta tentsio handiko uneak dira. Ez da erraza».

Reala, berriz, hobeto ari da, eta nabari da hori penalti jaurtiketetan ere. Oiartzabal izan da arduradun nagusia denboraldi osoan. Bederatzi jaurti ditu, eta gola egin du haietatik zazpitan —%78 da hori—. Adnan Januzajek eta Willian Josek bana bota dute: belgikarrak asmatu zuen, eta brasildarrak, ez. Guztira, penaltien %73 sartu ditu Realak.

Batezbestekotik gora dago Oiartzabal. Luluagak beste testuinguru batean kokatu ditu hark azken boladan huts egindako hiru penaltiak: «Lehenago sartuko ditu beste hamabi, berriz bi huts egin baino». Gainera, «Imanolen [Alguacil, teknikaria] konfiantza guztia» du Oiartzabalek, eta futbolari ohiak iradoki du hori onbidera itzultzeko berme bat dela.

Luluagak Eibarren garai zailetan penaltiak jaurtitzeko ardura izan du, eta halako egoerak kudeatzeko prestakuntzari eman dio garrantzia: «Nire esperientziaren arabera, ostiraletan prestatzen saiatzea da onena; bai garai onetan, baita txarretan ere».

Izan ere, jaurtiketa aurrez irudikatzeak «ziurtatu» egiten du jokalaria. «Nik prestatzeko ohitura nuen; beti jakiten nuen hurrengo partidan nora botako nuen, eta ziurtatzen nuen ondo joango zela, ez atezainak egingo zuenean pentsatuz. Entrenamenduan bospasei jaurtitzen nituen, modu berean, eta partidan ere, hala. Gero, beste kontu bat da atezainak asmatzea. Hori ere gerta daiteke». Aurrez jakite horrek neurketan tentsioa kentzen laguntzen ei zion.

Urduritasuna etsai

Eibar hemeretzigarrena da Espainiako ligan, eta azken hamar partidetan ez du garaipenik eskuratu. Gainera, penaltietan huts egiteak kalte egin dio, eta Mendilibarrek jaurtitzaileak aldatu ditu kale egin orduko: «Norbaitek penaltia huts egiten duenean, norberak eduki behar du hurrengoa jaurtitzeko konfiantza. Bestela, hobe da beste bati uztea. Baina galdera sortzen da: Nork sartu behar du penaltia? Azkenean, batek eta besteak eta besteak huts egiten badute, urduritasuna sortzen da».

Penaltia huts egin duen jokalariak konfiantza du lagunik onena, Luluagaren ustez: «Denei gertatzen zaie huts egitea, eta hurrena ere konfiantza guztiz jo behar da». Oiartzabalen modua ekarri du hizpidera: «Oso ohitura berezia du jaurtitzean, eta uste dut horrek konfiantza ematen diola. Agian, orain Eibarren ez dago penaltiak jaurti behar dituen jokalari bat. Realean, ez dute dudarik nork izan behar den. Oiartzabal Xabi Prietoren estilokoa da: ohituta dago; berezitasun bat du, eta hori ez du galduko». Mundu bat da penaltiena, 11 metro eskasetan biltzen dena, baina zelaiaren eta aldartearen txoko guztietan eragin dezakeena.]]>
<![CDATA[Irabaztea xede, Europa asmo, unea berme]]> https://www.berria.eus/paperekoa/1946/035/001/2021-03-14/irabaztea_xede_europa_asmo_unea_berme.htm Sun, 14 Mar 2021 00:00:00 +0100 Jon Ander De la Hoz https://www.berria.eus/paperekoa/1946/035/001/2021-03-14/irabaztea_xede_europa_asmo_unea_berme.htm
Izan ere, talde ona da Granada. Urrutira joan gabe, Europa ligan final-laurdenetarako urratsa egin zuen joan zen ostegunean, Molde mendean hartuta. Egiaz, itzulerako partida falta da kanporaketa hori erabakitzeko, eta datorren ostegunean jokatuko du norgehiagoka erabakigarria, baina agerian utzi du aurkariak utzitako tarte guztiak aprobetxatzen badakiela.

Horixe eragotzi nahiko du Realak. Gipuzkoarrak bolada onean dira, baina kontrarioari arnasa hartzeko modua eman diote azken partidetan. Neurketak bukatzen asmatu behar dute txuri-urdinek, Imanol Alguacil teknikariak partidaren atarikoan azaldu zuenez. Halakorik ezin denean, ordea, atzeko lerroak duen garrantzia nabarmendu zuen oriotarrak: «Oso gustura nago atzelariak egiten ari diren lanarekin. Kontrako aukera gutxi sortu dizkigute», esan zuen.

Defentsako arloari erreferentzia egin bazion, ez zen izan kasualitate hutsez. Granadak erasora sarri jotzen du, eta ondotxo daki hori Imanolek. Diego Martinezen taldeak alderdi horretan duen indargunea zaindu behar du Realak, prestatzaileak zehaztu zuenez: «Granada izugarrizko sasoia osatzen ari da, eta ez da edozein kontrario». Are gehiago, jokoaren zenbait arlotan onentsuenen artean daude espainiarrak, Imanolen iritziz: «Oso ondo aritzen dira geldikako jokaldietan, eta talde heldua da».

Deialdia, prest daudenekin

Realak 22 jokalari eraman ditu Granadara. Haien artean da Carlos Fernandez. Sevillako harrobiko jokalaria osatu da Getaferen kontrako partidaren ostean izandako arazo fisikoetatik, eta jokatzeko moduan da. Hain justu, aurrelaria Granadan utzita aritu zen joan zen sasoian.

Gainerakoan, Imanolek nola-ahala osatu du deialdia. Zelai erdiko postuetan aritzen diren zenbait jokalariren hutsunea du entrenatzaileak. Martin Zubimendi da horren adibide. Futbolari donostiarrak ez du jokatuko. Atzean, Monreal ez da osatu, aurreko partidan ere jokatu ezinda geratu ostean.

Azkenaldian, ondo

Reala eta Granada sarri aritu dira elkarren aurka azken boladan. Urrutira joan gabe, joan zen azaroan Anoetan neurtu zituzten indarrak, eta txuri-urdinak izan ziren nagusi. Baita espainiarren etxean aritutako azken hiru aldietan ere. Reala aise aritu da han azken urteetan; hiruna puntu eskuratu baititu han jokatu duen azken hiru aldietan. Imanol Agirretxek hat trick bat egin zuen 2015-2016ko denboraldian. Aldiz, Jon Bautistaren eta Juanmi Jimenezen golak nahikoa izan zituzten donostiarrek 2017-2018ko sasoian Los Carmenesen gailentzeko, eta gauza bera egin zuten iaz, Cristian Porturen gol bati esker.

Gauza bera egin nahiko du Portuk gaur arratsaldean ere. Realak erasoko jokalari saldo handia eraman du Granadara, eta aurrealdeko jokoaren txinparta baliatu nahiko du hiru puntuak eskuratu eta Europarako lehian segitzeko. Irabaztea du xede, sasoi amaieran bosgarren postuaren jabe egitea xede duenez gero. Horretarako, taldearen bolada ona du berme; donostiarrak fin ari dira erasoan. Gol aukerak sortzeaz gain, baina, sartu egin behar dituzte. Lortzekotan, gertu izango dituzte hiru puntuak.

GRANADA-REALA
Granada. Rui Silva; Foulquier, Vallejo, German, Quini; Yangel Herrera, Quina; Puertas Fede Vico, Kenedy, eta Soldado.
Reala. Remiro; Gorosabel, Zubeldia, Le Normand, Aihen; Gebara, Merino , Silva; Oiartzabal, Portu, eta Isak.
Epailea. Gonzalez Fuertes.
Lekua. Los Carmenes.
Ordua. 16:15 (La Liga).]]>
<![CDATA[Berdinketa hausteko, Athleticek irabazi beharra du]]> https://www.berria.eus/paperekoa/1966/035/002/2021-03-14/berdinketa_hausteko_athleticek_irabazi_beharra_du.htm Sun, 14 Mar 2021 00:00:00 +0100 Jon Ander De la Hoz https://www.berria.eus/paperekoa/1966/035/002/2021-03-14/berdinketa_hausteko_athleticek_irabazi_beharra_du.htm
Gaur galduz gero, bere horretan segituko dute bi-biek, elkarren kontra ariko baitira. Hori bai, gailentzea izango dute asmoa, aurkari zuzen bat atzean utzi eta gora begira jartzeko. Berdinduko balute, sari txikia jasoko lukete bi taldeek.

Izan ere, Athletic itxura ona eskaintzen ari da azken jardunaldietan. Erreparatzea besterik ez dago joan zen asteazkenean Wanda Metropolitanon egindako jokoari. Liderrari hortzak erakutsi zizkion Marcelino Garcia Toralen taldeak, eta zuri-gorriak nagusi izan ziren zelaian lehendabiziko zatian.

Zelaian barkatu egin zuten, ordea, eta huraxe izan zen bilbotarren lasta. Beste behin, etxetik urrun ariko dira zuri-gorriak. Aurrez aurre izango duen taldea gorabeheratsu ari da. Azken partida irabazi egin zuen, eta galdu gabe iragan ditu azken bost neurketetatik lau. Hori bai, sailkapenaren atzeko zulotik ihes egin ondotik, gorago kosketan dauden taldeei arrimatu ezinik geratu dira galiziarrak.

Ohiko jokalariei deituta

Asteazkeneko partida bazter utzita, gorabide betean zen Athletic, eta aldaketa horri bide eman dioten jokalariei aukerak emanez segitzen du Marcelinok. Celtaren aurkako neurketari erreparatu besterik ez dago horretaz jabetzeko: jokalari gehientsuenak Madrilera bidaiatu zuten berberak dira.

Horren adibide da beste behin Peru Nolaskoain zerrendatik kanpo utzi izana. Baita Ander Capa ere; arazoak ditu eskuin zangoaren atzealdean, eta teknikariak atseden eman dio.

Iñigo Martinez ere ez da ariko. Ondarroako atzelariak zigortuta segitzen du, eta haren hutsunea bete beharko du, beste behin, Athleticeko entrenatzaileak. Lau neurketako zigorra betetzen ari da Martinez.

Marcelinok honela aztertu du partida. «Exijentzia handiko aurkaria da, eta Coudet aulkian dagoenetik, oso sendoa. Jokalari oso abilak ditu zelai erditik aurrera, erraztasun handia dutenak jokaldiak lotzeko. Oso adi aritu beharko dugu defentsako lanean. Berriro ere garaipena lortu nahi dugu ligan. Beste behin esango dut: Kopako finalak urruti daude oraindik».

CELTA-ATHLETIC
Celta. Ivan Villar; Kevin , Araujo, Jeison Murillo, Aaro; Tapia, Denis Suarez, Brais Mendez, Nolito; Iago Aspas, eta Santi Mina.
Athletic. Simon; Lekue, Alvarez, Nuñez, Berchiche; Garcia, Lopez, Vesga, Berenguer. Muniain; Garcia, Iñaki Williams
Epailea. Jaime Latre.
Lekua. San Mames.
Ordua. 14:00 (Gol).]]>
<![CDATA[Enbor zaharren ezpal berriak]]> https://www.berria.eus/paperekoa/1994/024/001/2021-03-13/enbor_zaharren_ezpal_berriak.htm Sat, 13 Mar 2021 00:00:00 +0100 Jon Ander De la Hoz https://www.berria.eus/paperekoa/1994/024/001/2021-03-13/enbor_zaharren_ezpal_berriak.htm
Hain justu, iazko binakako txapelketan 23 urtez azpikoen mailako finalean aritu ziren igandean parte hartuko duten hiru aizkolari. Hodei Ezpeleta, Suharri Rodriguez eta Jokin Urretabizkaia Basozabal dira. Oraingoan, Rodriguezek eta Urretabizkaiak osatuko dute finaleko bikoteetako bat; Beltza eta Ezpeleta ere elkarrekin ariko dira, eta Txomin Amundarainek eta Ibai Soroak osatuko dute finala.

Guztiek ere helburu bera izango dute Azpeitian: Egur Sportek lehian jarritako txapela janztea. Urtarrilaz geroztik osatu dute finalerako bidea. Lehendabizi ligaxkan aritu ondoren, finalaurrekoan gailenduta lortu dute azken lehiarako jauzia egitea. Urretabizkaiaren esanetan, «txapela irabaztea» da haren eta Rodriguezen helburua: «Egindako lanari etekina ateratzeko asmoz joango gara. Finala ondo prestatu dugulakoan nago, eta ahalik eta lanik politena egin nahi dugu». Guztira, bederatzi enbor ebaki beharko dituzte, lau modutan.

Sei aizkolariek estreinako aldia dute maila nagusiko binakako lehiako finalean. Aurten 22. aldia izango du Egur Sporten txapelketak: «[Gerardo] Bengoak-eta lan asko egiten dute, eta eskertzekoa da. Jende asko mugitu behar da, eta ez da erraza izaten».

Aizkoran, beste bi final

Aitzitik, ez da jokatuko den aizkorako final bakarra izango. Izarraitzen jokatuko dira emakumezkoen eta 23 urtez azpiko gizonezkoen txapelak ere. Kasu horietan, zuzenean osatu da finala, kanporaketa aurrekorik egin gabe. Nerea Sorondo iazko txapeldunak hiru kontrario izango ditu: Maika Ariztegi beteranoa, Uxue Ansorregi eta Claudia Muñoz. Bakarka ariko dira, eta 36 ontzako lau enbor azkarren ebakitzen dituena izango da garaile.

Aldiz, gizonezkoen 23 urtez azpiko lehian hiru bikote ariko dira nor baino nor gehiago: Axel Larrañaga-Markel Zapiain, Oier Larretxea-Endika Goia, eta Hodei Kañamares-Ibon Garaiburu.

Harrian, eskolen topaketa

Azpeitiko jaialdian jokatuko da Zortzi Arroako Hiru Harrien txapelketa ere. Izenak ematen dio izana lehia horri: 100 kiloko zilindroarekin, kubikoarekin eta bolarekin aritu beharko dute finalistek, hiruna minutuko txandatan.

Hiru lagun sailkatu dira: Mikel Lopetegi Urra, Inhar Urruzuno eta Beñat Telleria. Lopetegi da gailentzeko hautagai nagusia. Euskal Herriko harri txikietako txapelduna da. Urruzunok eta Telleriak ezustekoa ematea dute xede; fin aritu dira txapelketa osoan zehar. Hiru harriekin egindako altxaldi kopurua kontuan hartuta, saio amaieran kilo gehien jasotzen dituena izango da txapeldun.

Bada datu deigarri bat: harri jasotzaile bakoitza eskola batekoa da. Jose Antonio Gisasola Zelai-ren eskolakoa da Urruzuno, eta Urrak Joxe Ramon Iruretagoiena Izeta II.a du entrenatzaile. Aldiz, etxeko abaroan ondutakoa da Telleria; Luis Mari aita —harri jasotzaile ohia— du erakusle.

Saririk ez jokoan, baina emakumeek ere egingo dituzte harri lanak. Karmele Gisasola Zelai III.a, Udane Ostolaza eta Aroa Sanchez jalgiko dira plazara. Eskarmentu handiko kirolaria da Gisasola. Ostolaza, aldiz, etorkizunekoa, nahiz 15 urterekin zenbait plaza egindakoa den. Baita Sanchez oriotarra ere; iazko azaroan egin zuen estreinaldia harri jasotzen, 18 urterekin. Bide urratzaileak batuko dira Azpeitian.]]>
<![CDATA[Gora begira daude biak]]> https://www.berria.eus/paperekoa/1917/030/001/2021-03-07/gora_begira_daude_biak.htm Sun, 07 Mar 2021 00:00:00 +0100 Jon Ander De la Hoz https://www.berria.eus/paperekoa/1917/030/001/2021-03-07/gora_begira_daude_biak.htm
Levantek Espainiako Kopako finalerdietan esan berri du agur, Athleticen aurka. «Oso ondo dabiltza. Gauza da ez dakidala nola egongo diren Kopakoaren ostean». Gakoetako bat izan daiteke.

Paco Lopezen taldea egiten duen jokoarengatik da ezagun. Baita Reala ere. Biek dituzte aurrelaririk golegileenak. Hamar gol edo gehiago sartu dituzten bi jokalari dituzten talde bakarrak dira ligan: Realean, hamabi lortu ditu Isakek, eta beste hamabi Oiarzabalek. Levanten, berriz, hamar sartu ditu Rogerrek, eta hamar Moralesek.

Aurrera begirako jokoa egiten dute. Barkeroren iritzia da: «Berez, Realak orain dela urte batzuk estilo hori hartu zuen, eta ondo etorri zaio. Levantek ere estilo hori hartu du azken bi urteetan. Oso bertikalak dira biak, eta gol asko egon daitezke. Ea nola moldatzen diren eta nork eramaten dituen hiru puntuak. Levanteren jokalariak oso sartuak daude. Zelai erditik aurrera talde ona du, eta nabari da hori. Golak sartzen ditu, eta gauzak errazagoak dira horrela. Morales oso ondo dabil, eta Rogerrek 10-15 gol sartzenen ditu. Hori ona da taldearentzat».

Atzeko lerroa ere «ona» duela dio Barkerok: «Atzean sendo dabil, eta atezaina ere ona du [Aitor Fernandez arrasatearra]. Kontuz ibili behar du Realak: Han irabazten hasi zen, eta galdu egin zuen gero. Talde gogorra da Levante, eta ez du partida bat galdutzat ematen, galtzen arituta ere».

Reala, goian egoteko taldea

Reala eskas aritu zen 2020. urtearen amaieran eta 2021.aren hasieran. Orain, «ondo» ikusten du Barkerok: «Jokoan oso ondo ari da. Behera egin zuten, baina berriz goian daude. Nabaritzen da Silva itzuli dela, Isak golak sartzen ari dela... Lehen, ondo jokatzen zuten, baina gola falta zitzaien. Baloiarekin oso intentsoak dira. Eta emaitzak ere laguntzen diete. Goian egoteko taldea da».

2020ko Kopa bazter utzita, Realak lehia bakarra du jokoan gaur egun: liga. Horrek txapelketa horretan zentratzeko aukera emango dio taldeari, Bakeroren ustez: «Ez da berdin hiru lehiaketa edo bakarra edukitzea. Azkenean, astean partida bakarra daukazu, eta asko igartzen da. Imanolek txandakatze gutxi egin ditu, eta lesio asko izan ditu. Tarte txar horretan igarri egin zen. Ligan zentratzea ere garrantzitsua da. Bosgarren postuan dago sailkapenean, eta, Sevilla urruti dagoen arren, ikusi egin behar da bolada txarrik duen, eta Realak lehian sartzeko aukera duen. Borroka polita da hori ere».

Levante sasoi urte ona egiten ari da. Ados dago Barkero: «Azken bolada honetan ez dut taldeko inorekin hitz egin, baina egoera aproposean daude. Rogerrekin hitz egin dudanean esan izan dit hori, ondo daudela. Kopak ilusioa egiten zien, baina Ligan ere emaitza onak lortu dituzte, batez ere etxean. Moldatzen ari dira, eta ez dira sufritzen ari».]]>
<![CDATA[Hiru ezin direnean, baleko da bat]]> https://www.berria.eus/paperekoa/1885/025/001/2021-03-02/hiru_ezin_direnean_baleko_da_bat.htm Tue, 02 Mar 2021 00:00:00 +0100 Jon Ander De la Hoz https://www.berria.eus/paperekoa/1885/025/001/2021-03-02/hiru_ezin_direnean_baleko_da_bat.htm
Badira aurkari batzuk distira berezia dutenak. Haien aurka ondo aritzea jardun onaren berrespen izaten da. Haietako bat lortzear izan zen atzo Reala, Real Madrili haren etxean irabaztea gertu izan baitzuen.

Bana berdindu zuen azkenerako, baina agerian utzi du azken jardunaldietako lan ona ez dela kasualitatea izan. Europa begiz jota dute txuri-urdinek, eta helburu hori duenak maila guztietako taldeak estutu behar ditu. Lortu zuen hori, 88. minutura arte. Orduan berdindu zuen Real Madrilek; puntu ona izan zen Realarentzat, baina mingostasun arrasto bat utzi zion, garaipena horren gertu izanda.

Dena den, berdinketa landua izan zen. Bi taldeek elkarrekiko errespetu handia erakutsi zuten hasieran. Lehendabiziko minutuetan neurketa orekatua jokatua zuten Real Madrilek eta Realak, arerioari neurria hartu nahian. Atzeko lerroan sendo, eta erasora modu antolatuan jotzea hobetsi zuten.

Hala, banatu egin zuten baloiaren jabetza, zelaian presentzia irabazi nahian aritu ziren. Lehen hogei minutuak igarota, ordea, aurrerako urratsa egin zuen etxeko taldeak. Espainiarrek Isco Alarconen jiran antolatu zuten jokoa; zelai erdiaren eta erasoaren arteko lotura egiteaz arduratu zen, eta atzera egin zuen Realak. Haiek izan ziren Real Madrilen lehen zatiko unerik onenak; gol aukerak izan zituzten, baina langak eta Alex Remirok saihestu zuten Zidanerenak markagailuan aurreratzea.

Behin madrildarren lehen erauntsiari eutsita, erasoan zirrikituak aurkitzeari ekin zioten donostiarrek. Kontraerasoa baliatu zuten horretarako; atsedenaldira heldu aurretik era horretara saiatu zen Reala, baina eraginkortasun gutxirekin. Bi taldeek izan zituzten atsedenaldiaren aurretik gola egiteko aukerak, nahiz eta Real Madrilek nagusitasun handiagoa izan, eta une askotan Reala deseroso aritu.

Atsedenalditik bueltan erabat aldatu zen hori. Realak konfiantzaz beteta ekin zion bigarren zatiari, presiora egin zuen, eta berandu baino lehen jaso zuen saria: Portuk 0-1ekoa egin zuen 54. minutuan.

Real Madrilen eskema aldaketak ahalbidetu zuen hori. Zidanek hiru atzelariko marrazkia ezarri zuen atsedenaldiaren ostean, Casemiro haiei laguntzera jaitsita, eta aurreratu egin zituen atzeko lerroko hegalekoak, erasora begira jarriz. Hortik heldu zen Realaren gola; Martin Zubimendik zelai erdian berreskuratutako baloi baten ostean hegaletik erasora egin zuten txuri-urdinek, Lucas Vazquez aurreratuta zegoela probestu baitzuen Natxo Monrealek hondoko marraraino heltzeko. Bigarren zutoinean ere aurreratua zegoen beste hegalekoa, eta Ferland Mendy. Cristian Portuk buruz egindako errematea sarera joan zen zuzenean.

Hortik aurrera, Real Madrilek ero moduan egin zuen erasora. Realak, berriz, emaitzari nola-ahala heltzea izan zuen xede. Ez zuen lortu; Viniciusek banakoa egin zuen 88. minutuan. Pena izan zen, baina, hotzean, balio handiko puntua lortu zuen, sasoi amaieran oroitzen direnetakoa.]]>
<![CDATA[Hiru ezin direnean, baleko da puntu bat]]> https://www.berria.eus/albisteak/194365/hiru_ezin_direnean_baleko_da_puntu_bat.htm Mon, 01 Mar 2021 09:21:44 +0100 Jon Ander De la Hoz https://www.berria.eus/albisteak/194365/hiru_ezin_direnean_baleko_da_puntu_bat.htm <![CDATA[Agurrerako itxuratu du]]> https://www.berria.eus/paperekoa/2093/026/001/2021-02-26/agurrerako_itxuratu_du.htm Fri, 26 Feb 2021 00:00:00 +0100 Jon Ander De la Hoz https://www.berria.eus/paperekoa/2093/026/001/2021-02-26/agurrerako_itxuratu_du.htm
Realak amaitu du Europa ligako ibilia. Manchester Uniteden aurkako final-hamaseirenetako kanporaketan nagusi izan da talde ingelesa, eta agerian geratu da egun koska bat gorago dagoen taldea dela Ole Gunnar Solksjaerrek prestatzen duena. Joanekoan jasotako astinduak gutxi utzi zuen jakinkizun, baina Turingo hondamendia apur bat itxuratu zuen atzo, eta Old Trafforden ez galtzea beti da seinale ona: 0-0 berdindu zuen Realak.

Imanol Alguacil entrenatzaileak Manchesterren lehiatzea eskatu zien bere jokalariei, eta bezperako dei hori bere egin zuten txuri-urdinek. Teknikari oriotarrak zenbait aldaketa egin zituen hamaikakoan; bihotzari kasu egin zion, eta saiatu zen aurkaria estu hartuko zuen hamaikakoa zelairatzen. Buru argi ere jokatu zuen, halaber: jokoan deus gutxi zegoela jakitun, aulkian utzi zituen normalean aritu ohi diren zenbait jokalari. Guztira, Zubietan hezitako hamar lagun aritu ziren partidan zehar. Bada zerbait.

Talde eraberrituak halakoxe hasiera eman zion Old Traffordeko partidari. Realak oso hasiera ona egin zuen; pase egokiak bata bestearen atzetik lotuz indartsu egin zen zelai erdian, eta une oro Manchester Uniteden arearen inguruan aritu zen Donostiako taldea.

Mikel Oiartzabalek eta Mikel Merinok gidatu zituzten txuri-urdinak; konbinazio onak egin zituzten hiru laurdenen eremuan, eta hegaleko jokalariak hondoko marraraino iritsita lortu zuten Dean Hendersonen ate ingurura gerturatzea. Zeregin horretan, garrantzi berezia izan zuten Aihen Muñoz eta Andoni Gorosabel atzeko lerrokoek, erasoko jokalariengana batu baitziren sarri.

Horrek ito egin zuen etxekoen defentsa, eta Manchesterrek nola edo ahala geratu behar izan zituen Realekoak. Partida hasieran gol bat jasotzeak soilik bizitu zezakeen bisitarien ametsa. Markagailuan aurreratzea gertu izan zuen Imanolen taldeak; 13. minutuan aldeko penaltia izan zuten, baina Oiartzabalek kanpora bota zuen. Manchester aztoratzeko aukera galdu zuen eibartarrak.

Hutsaren ondotik Realak erasoan segitu zuen, baina minutuek aurrera egin ahala orekatzera egin zuten indarrek. Unitedek urrats bat egin zuen aurrera, eta zelai erdian indartsuago aritu zen. Hortik aurrera, partida fisikoago bat jokatu zuten bi taldeek, eta halakoetan ondo moldatzen diren jokalariek protagonismo gehiago izan zuten: Ander Gebararen kasua izan zen. Baita atzeko lerroarena ere; joaneko partidan hutsune asko utzi zizkion Manchesterri, eta hori saihestu zuten.

Halere, Manchester zenbait aldiz gerturatu zen Alex Remiroren atera. Atezainak bi geldiketa on egin zituen, ateak hutsean segi zezan. Haietako bat, Daniel Jamesi. Bi areatako aukerekin eta zelai erdiko orekarekin, hutsean amaitu zen lehen zatia.

Bigarrenari ere antzeko ekin zion neurketak. Zirrikitua non, abagunea han. Modibo Sagnanek langara bota zuen baloia, eta etxekoek gola ere egin zuten, nahiz epaileak ontzat eman ez. Ordurako, bi teknikariak aldaketa sorta eginda ziren. Jada kanporaketa erabakita zegoen. Realarentzat lasta handia izan da Turingo partida. Atzo, agurrerako itxuratu zuen jokoa. Izan bekio etorkizunerako lezio.]]>
<![CDATA[Agurrerako itxuratu du]]> https://www.berria.eus/albisteak/194188/agurrerako_itxuratu_du.htm Thu, 25 Feb 2021 22:57:11 +0100 Jon Ander De la Hoz https://www.berria.eus/albisteak/194188/agurrerako_itxuratu_du.htm
Imanol Alguacil entrenatzaileak Manchesterren lehiatzea eskatu zien bere jokalariei, eta bezperako dei hori bere egin dutetxuri-urdinek. Teknikari oriotarrak zenbait aldaketa egin ditu hamaikakoan; bihotzari kasu egin dio, eta saiatu daaurkaria estu hartuko zuen hamaikakoa zelairatzen. Buru argi ere jokatu du, halaber: jokoan deus gutxi zegoenaren jakitun, aulkian utzi ditunormalean aritu ohi diren zenbait jokalari. Guztira, Zubietan hezitako hamar lagun aritu dira partidan zehar. Bada zerbait.

Talde eraberrituak halakoxe hasiera eman dio Old Traffordeko partidari. Realak oso hasiera ona egin du; pase egokiak bata bestearen atzetik lotuz indartsu egin da zelai erdian, eta une oro Manchester Uniteden arearen inguruan aritu da talde donostiarra.

Mikel Oiartzabalek eta Mikel Merinok gidatu dituztetxuri-urdinak; konbinazio onak egin dituzte hiru laurdenen eremuan, eta hegaleko jokalariak hondoko marraraino iritsita lortu dute Dean Hendersonen ate ingurura gerturatzea. Zeregin horretan, garrantzi berezia izan dute Aihen Muñoz eta Andoni Gorosabel atzeko lerrokoek, erasoko jokalariengana batu baitira sarri.

Horrek ito egin du etxekoen defentsa, eta Manchesterrek nola edo ahala geratu behar izan ditu Realekoak. Partida hasieran gol bat jasotzeak soilik bizitu zezakeen bisitarien ametsa. Markagailuan aurreratzea gertu izan duImanolen taldeak; 13. minutuan aldeko penaltia izan dute, baina Oiartzabalek kanpora bota du. Manchester aztoratzeko aukera galdu du eibartarrak. Hutsaren ondotik Realak erasoan segitu du, baina minutuek aurrera egin ahala orekatzera egin dute indarrek. Unitedek urrats bat egin du aurrera, eta zelai erdian indartsuago aritu da. Hortik aurrera, partida fisikoago bat jokatu dute bi taldeek, eta halakoetan ondo moldatzen diren jokalariek protagonismo gehiago izan dute: Ander Gebararen kasua izan da. Baita atzeko lerroarena ere; joaneko partidan hutsune asko utzi zizkion Manchesterri, eta hori saihestu dute.

Halere, Manchester zenbait aldiz gerturatu da Alex Remiroren atera. Atezainak bi geldiketa on egin zituen, ateak hutsean segi zezan. Haietako bat, Daniel Jamesi. Bi areatako aukerekin eta zelai erdiko orekarekin, hutsean amaitu da lehen zatia. Bigarrenari ere antzeko ekin dio neurketak. Zirrikitua non, abagunea han. Modibo Sagnanek langara bota du baloia, eta etxekoek gola ere egin dute, nahiz epaileak ontzat eman ez. Ordurako, bi teknikariak aldaketa sorta eginda ziren. Jada kanporaketa erabakita zegoen. Realarentzat lasta handia izan da Turingo partida. Old Trafforden,agurrerako itxuratu du jokoa. Izan bekio etorkizunerako lezio.]]>