<![CDATA[Jon Ander De la Hoz | Berria.eus]]> https://www.berria.eus Bere azken artikuluak eu Wed, 05 Oct 2022 17:49:38 +0200 hourly 1 <![CDATA[Jon Ander De la Hoz | Berria.eus]]> https://www.berria.eus/irudiak/berriaB.png https://www.berria.eus <![CDATA[Marealdi bat sentipen]]> https://www.berria.eus/paperekoa/1918/025/002/2022-09-20/marealdi_bat_sentipen.htm Tue, 20 Sep 2022 00:00:00 +0200 Jon Ander De la Hoz https://www.berria.eus/paperekoa/1918/025/002/2022-09-20/marealdi_bat_sentipen.htm
Hargatik, zer hobe erraietan ondutako gogoetak plazaratzea baino. Sentipenek indartzen dute zerbaitenganako lotura. Horixe: lotua iruditu zait Eusko Label liga. Bizia bezain trinkoa. Hedaduraz, pentsatzen dut Euskotren ligaren kasuan ere halaxe izango dela.

Trinkotasuna halakoa da, ezen nekeza baita astez asteko hausnarketa sosegaturik egitea. Sasoi betean, esan nahi dut. Gizonezkoen beste ligekin alderatuta, exijenteagoa da Eusko Label liga. Eta hala behar du, txapelketa nagusia denez gero.

Bistakoa denez, handiagoa da oihartzuna ere. Pentsatzen dut traineru bakoitzaren udak zerikusia izango duela horretan, baina aurtengo sasoia erauntsi baten gisan igaro zait. Edo zaigu. Besteren artean, jendearen arreta trinkotasuna adinakoa dela. Aurten, alimalekoa. Zer esanik ez ezezagunena ere lehengusua den herri bat 49 urteren ostean Kontxara sailkatu eta gero.

Lerro hauek irakurrita, bakarren batek pentsa dezake esperientzia txarra izan dela, akituta gaudela, eta damuaren ezpata barruraino sartua dugula. Ezta hurrik eman ere: sentipen horiek biltzea bizi-bizi zauden seinale da.]]>
<![CDATA[Garaiz konpondu dute]]> https://www.berria.eus/paperekoa/1869/015/001/2022-09-16/garaiz_konpondu_dute.htm Fri, 16 Sep 2022 00:00:00 +0200 Jon Ander De la Hoz https://www.berria.eus/paperekoa/1869/015/001/2022-09-16/garaiz_konpondu_dute.htm
Erraz uste, eta larri ibili. Realak garaipena eskuratu zuen atzo Anoetan, Omonia Nikosiaren aurka, baina estutasun uneak bizi izan zituen minutu batzuetan. Izan ere, jokoari dagokionez, etxeko taldea nagusitu zen neurketako zatirik handienean, baina nagusitasun hori markagailuan islatu ezinak arriskuan jarri zuen Europa ligako bigarren garaipena. Azkenerako, garaiz konpondu zuen arazoa, berandu baino lehen sartu baitzuen irabazteko gola. Rijekaren eta Sturm Grazen mamuak uxatu zituen hala, eta E multzoko lidergoan kokatu zen.

Donostiako taldeak erabat itxuraldatuta ekin zion norgehiagokari. Imanol Alguacil teknikariak aldaketa asko egin zituen hasierako hamaikakoan: zazpi, joan zen osteguneko partidarekin alderatuz gero. Sarrien jokatzen ez duten zenbait jokalariren aldeko apustua egin zuen teknikari oriotarrak. Izan lesioek hala behartuta, izan futbolari horiek jokatu beharra dutelako.

Hala ziren, besteak beste, Asier Illarramendi kapitaina, Alex Sola, Diego Rico, Ander Gebara eta Jon Karrikaburu. Gehienek jarraitutasun gutxi izan dute azken boladan.

Aukera aprobetxatzea izan zen haien xedea, eta lortu zuten, hein batean. Hasi orduko lortu zuten partidaren gidaritza; Zipreko taldeak atzeko lerroa indartzea izan zuen helburu, eta itxi egin zen. Ez zuen erasorako imintziorik ere egin. Horrek baloi jabetza eman zion Realari, baina txuri-urdinei itxi egin zitzaizkien kontrarioaren aterako zirrikituak.

Harik eta Gebarak gol bikain bat sartzea lortu zuen arte. Erdilari gasteiztarrak ederki baliatu zuen Imanolek emandako aukera. Area ertzetik baloia astindu zuen 30 minutuan, eta sarean sartu zuen. Omoniako atezainak ezin izan zuen deus egin jaurtiketa geratzeko.

Realak gisa horretara lortu zuen abantaila, eta zailena egin zuen. Bideratua zuen garaipena, behin zipretarren atea zulatu eta gero. Aldea handitzea falta zen, zer gerta ere. Kosta egin zitzaion, ordea. Bisitarien mataza erabat askatu ezinda aritu ziren donostiarrak.

Gainera, partidak lehengo gidoia segitu zuen aurrerantzean. Nikosiakoak tarterik utzi gabe, defentsari erabat emanda, eta etxekoak haien ate aurrera ailegatu ezinda. Hala iragan zen lehen zatia. Aurrea hartu bai, baina errematatzea falta zitzaion Realari. Halakoetan heltzen dira arazoak.

Garesti ordaintzeko hutsa

Realak bide beretik ekin zion bigarren zatiari. Zelaiko hiru herenetara aise iritsi bai, baina baloiak oinak erretzen zizkien txuri-urdinei, behin eremu horretara ailegatuta. Iazko sasoiko mamuak azaldu ziren pixkanaka: Anoetan oinpean ibili ziren aurkari eskasagoek puntuak eraman zituztenekoak, alegia.

Mamu haiek hezurmamitu egin ziren 72. minutuan. Omoniako atzelariek luze jotako baloi bat Realeko atzelariek osatutako lerro artetik igaro zen, eta, behin arean sartuta, Aritz Elustondok ez zuen asmatu hura urruntzen. Ez hark, eta ez Alex Remiro atezainak. Bien arteko gaizki-ulertua ederki aprobetxatu zuen Bruno Felipek, markagailuan banakoa ezartzeko. 72. minutua zen.

Eskerrak Alexander Sorlothek erremedioa bazuela. Zortzi minutu geroago, lehentxeago zelairatutako norvegiarrak Takefusa Kuboren pase bat baliatu zuen, bigarren gola sartu eta garaipena lotzeko.

Azkenerako, uste baino larriago, baina Reala garaile. Partidaren joanari baino, puntuei erreparatu zien Imanol Alguacil entrenatzaileak, neurketaren amaieran: «Pozik nago, seitik sei [puntu] batu ditugulako, eta taldeak berdinketari erantzun ona eman diolako». Hurrengo jardunaldian, urriaren 6an, Realak Xeriff Tiraspolen aurka jokatuko du, etxetik kanpo, gaurko ordu berean: 18:45ean.]]>
<![CDATA[Garaiz konpondu dute]]> https://www.berria.eus/albisteak/218213/garaiz_konpondu_dute.htm Thu, 15 Sep 2022 21:10:23 +0200 Jon Ander De la Hoz https://www.berria.eus/albisteak/218213/garaiz_konpondu_dute.htm <![CDATA[Teoria utzita, praktika]]> https://www.berria.eus/paperekoa/1877/018/001/2022-09-15/teoria_utzita_praktika.htm Thu, 15 Sep 2022 00:00:00 +0200 Jon Ander De la Hoz https://www.berria.eus/paperekoa/1877/018/001/2022-09-15/teoria_utzita_praktika.htm
Zer esanik ez txapelketari hasiera bikaina eman eta gero. Donostiarrek garaipen baliotsua lortu zuten joan zen ostegunean, Old Trafforden, Manchester Uniteden aurka: 0-1. Halako distirarik ez duen aurkaria izango du etxeko estreinaldian, eta sailkapenaren goiko muturrean kokatzeko baliatu nahi du partida.

Horretarako aukerakoa da Omoniaren aurkako neurketa. Bisitariek galdu egin zuten Europa ligako lehendabiziko jardunaldian, Transnistriako Sheriff Tiraspolen aurka: 0-3. Ustez, Ziprekoak du talderik eskasenaren itxura, eta hori aprobetxatuta sei puntu eskuratu nahi dituzte txuri-urdinek. Garaipena ez den emaitza bat erdiestea kale egitea litzateke.

Teoriak dio hori guztia, baina praktikan frogatu behar da. Futbolean zelaian gertatzen denak agintzen du, eta oraindik ez da partidarik jokatu. Hori dela eta, Imanolek atzo azpimarratu zuen «oso kontuan» hartzeko aurkaria dela Omonia: «Historikoki talde indartsua da herrialde hartan: liga eta kopa asko irabazi ditu. Ez da ondo hasi, baina entrenatzaile ona du, eta jokalari batzuk ere liga onetan aritu dira».

Teknikari oriotarrak azaldu duenez, sasoi hobeetan bi sistema ezberdin erabili ditu Zipreko taldeak: «Batez ere, gehiago erabili dute bosteko lerroa, baina laukoa ere bai. Ez dakigu nola jokatuko duten. Beren ligan, batzuetan ausartak izan dira, eta presiora egin dute. Bestetan, ordea, gehiago bildu dira, eta trantsizioetan egin dute min. Nire ustez, ondo landutako taldea da».

Realak galdu egin du azken partida, Espainiako ligan: 2-1, Getaferen aurka. Hargatik, taldeak gogo biziz ekingo dio Omoniaren kontrako lehiari, Aritz Elustondo atzelariaren esanetan: «Jokatzeko desiratzen gaude. Gainera, gure etxean jokatuko dugu, gure jendearen aurrean, eta eguna iristeko irrikan gaude».

Beasaindarraren esanetan, ordea, partida bakoitza «mundu bat da», eta Realak bere estiloari eustea izaten du helburu: «Getafen gertatutakoa ahaztu behar dugu. Egunak izan ditugu gauzak zuzentzeko, eta oraingoari begira gaude jada, Omoniaren aurkako neurketari».

Zakukada bat lesio

Realari jokalari nagusi bat faltako zaio gaur iluntzeko neurketan: Sadiq Umar. Donostiarren historiako fitxaketarik garestienak min hartu du klubera heldu eta 11 egunera. Gainera, aldi luzerako egongo da jokatu ezinda: eskuin belauneko atzeko lotailu gurutzatua hautsi du, eta gutxienez urte eta erdi egongo da jokatu gabe. Mikel Sanchez doktorearen taldeak egingo dio ebakuntza, gaur, Gasteizen.

Azkenaldian, Realeko aurrelarien artean min hartutako dezente egon dira. Horren inguruan mintzatu zen Imanol, atzo, neurketaren atariko prentsa agerraldian: «Zorte txarra da, zalantzarik gabe. Azken urteetan, kirol guztietan lesioak saihesteko lan gehiago egiten da, eta, halere, gertatu egiten dira halakoak. Zorte txarra da, baina, beti esaten dudan eran, negar bi segundoan egin behar da: daudenekin egin behar da lan».

Omoniaren aurkakoa izango da Sadiq gabeko estreinako norgehiagoka, baina, haatik, beste zenbait jokalariren falta ere izango du Realak. Klub txuri-urdinak atzo eman zuen Ander Barrenetxearen egoeraren berri. Erasoko erdilari gaztea osatu ezinda dabil aurreko lesiotik, eta berriz ere Madrilera joango da bihar, Lasse Lempainen doktorearen kontsultara. Sendagile hark egin zion ebakuntza, iragan urtarrilean.

Halaber, Realak herenegun iluntzean jakinarazi zuen Ander Martinek hautsia duela ezker belauneko kanpoko meniskoa. Joan zen larunbatean hartu zuen min, Reala B-rekin jokatzen ari zela, eta ebakuntza egingo diote hari ere. Aldian-aldian talde nagusiarekin aritu izan da. Hiru horiez gain, Imanolek aurrez min hartuta zeuden hiru jokalari faltako ditu: Robin Le Normand, Mikel Oiartzabal eta Carlos Fernandez.

Diego Rico, berriz, osatu da, eta deialdian sartu du prestatzaile oriotarrak. Ezker hegaleko atzelari espainiarrak min hartu zuen denboraldiaurrean, baina prest dago gaur jokatzeko. Ikusteke dago Imanolek hasieratik zelairatuko duen ala ez.

Omoniaren aurkakoa izango da Realak zaleen aurrean jokatuko duen Europa ligako estreinako partida sasoi honetan, eta ligaxka bideratuta uzteko probestu nahi du talde txuri-urdinak.

REALA-OMONIA NIKOSIA
Reala. Remiro; Gorosabel, Aritz Elustondo, Pacheco, Diego Rico; Merino, Zubimendi, Silva; Kubo, Momo Cho eta Brais Mendez.
Omonia Nikosia. Fabiano; Lang, Yuste, Miletic; Matthews, Jan Lecjaks, Diskerud, Bachirou, Charalambous; Barker eta Bruno.
Epailea. Kristo Tohver (Estonia).
Lekua. Anoeta (39.500 ikusle).
Ordua. 18:45 (Dazn).]]>
<![CDATA[Lurrikara denean, heldulekua behar]]> https://www.berria.eus/paperekoa/1915/020/001/2022-09-14/lurrikara_denean_heldulekua_behar.htm Wed, 14 Sep 2022 00:00:00 +0200 Jon Ander De la Hoz https://www.berria.eus/paperekoa/1915/020/001/2022-09-14/lurrikara_denean_heldulekua_behar.htm
Hein batean, horixe gertatu zaio Sadiq Umar Realeko jokalariari. Aurrelari nigeriarrak eskuin belauneko atzeko lotailu gurutzatua hautsi du Donostiara heldu eta 11 egunera. Hutsetik hasitako bidea kolpetik geratu da. Halako egoerei emandako erantzuna «bakoitzaren araberakoa» izan ohi dela azaldu du Itziar Aldaburu kirol psikologoak (Zarautz, Gipuzkoa, 1998). Haren esanetan, «jokalariak nola hartzen duen» funtsezkoa da egoera kudeatzeko garaian: «Psikologikoki, modu ezberdinetara erantzun daiteke. Hor daude estresa, autoestimua, berriz maila horretara ailegatzeko beldurra... Kudeatzeko, lehenik eta behin, inguruko jendearen babesa da garrantzitsuena».

Horrez gain, helburu «txiki eta errealak» finkatzeko beharra azpimarratu du Aldaburuk. Kontrara, osatze bidean ez ei da lagungarria izango.

Aldabururen esanetan, argi dago zenbat eta autoestimu handiagoa eduki edo egoera kudeatzeko gaitasun handiagoa eduki, orduan eta errazago landuko duela egoera. Ordea, estresaren agerpena jazo daiteke bide horretan: «Azkarregi itzuli nahi bada jokatzera, estresak guztiz jan dezake. Buruak gorputza maneia dezake, eta zenbat eta lasaiago eta autoestimu hobearekin hartu, orduan eta hobea da».

Izan ere, luzerako lesioa da Sadiqena. Onenean, urte erdi egingo du jokatu gabe, eta osatze aldi batek dituen gorabeherak bizi ditzake denbora tarte horretan. Aldaburuk zehaztu duenez, ez da prozesu lineala izaten. «Gorabehera asko izaten ditu. Egun batzuetan, norberak bere burua ondo ikusten du, eta goraldia bizi daiteke. Beste egun batzuetan, ordea, gorputzak ez du berdin erantzuten, eta gauzak ez dira horren argi ikusten».

Horrez gain, aintzat hartzekoa da «minaren faktorea». Hau da, «zenbat eta min gehiago sentitu, itzulera orduan eta urrunago ikustea. Halakoetan zaila egoera linealki bizitzea».

Realeko jokalariaren kasuak, halaber, baditu beste zenbait ertz ere. Alexander Isaken salmentaren osteko itzalpean ailegatu zen Donostiara. Arrapaladan egindako mugimendu baten ostean fitxatu zuen Donostiako klubak Almeria taldetik. Realaren historiako fitxaketarik garestiena bilakatu zen aurrelariarena: klub txuri-urdinak hogei milioi euro inguru ordaindu zizkion jatorrizko klubari.

Hari askoko mataza osatu da haren inguruan. Hasi berri duen ibilbidea oztopatuta ikustea beti da kontu gaitza. Zer esanik ez Sadiquen lesioa egokitzapen prozesu betean jazo dela jakinda: «Oso garrantzitsua da osatze aldia taldekideekin egitea ahal duen heinean, [Donostiarako] egokitze garaia bukatzeko. Hamar egunean ez du egokitzapena egiteko denborarik ematen, eta horregatik da garrantzitsua. Bai entrenatzaileek eta bai jokalariek mantendu egin behar dute kontaktua».

Fokupean egotearen gaia

Aurrelariaren egoera erabat aldatu da denbora gutxian. Talde aldaketaz gain, Isak ordeztu beharra suertatu zaio, eta haren hutsunea betetzeko ardurarekin fitxatu zuen Jokin Aperribai buru duen zuzendaritzak. Ikusmin handia izan zuen haren ailegaerak, eta arretagunean zegoenean hartu du min: «Egia da jokalariak ohituta daudela [arretagunean egotera]», azpimarratu du Aldaburuk.

Halere, zera gehitu du psikologo zarauztarrak: «Jokalariak pentsa dezake: diru asko egon da tartean, eta eskaini behar dut besteak egiten zuen hori [Isakek], edo gehiago. Hamar egun eskas pasatu eta gero min hartu badut, zer esango du jendeak? Jokalari batek ohituta egon beharko luke, baina arretagunean sentitzen bada, litekeena da eragina izatea». Horrek guztiak estres mailan eta horrekin lotura duenean zerikusia izan dezakeela nabarmendu du Aldaburuk.

Hiru lesio denbora gutxian

Realak zoria etsai izan du aldi luzeko lesioei dagokienez. Erasoko hiru jokalarik tankera bertsuko kalteak bizitu dituzte azken urtean: Carlos Fernandezek —osatu ezinean dago—, Mikel Oiartzabalek, eta Sadiqek berak. Desio gabe, ohiko bilakatu da halako egoera bat Anoetan.

Horrek multzoaren aldartean eragin dezakeen galdetuta, Aldaburuk uste du faktore horiek kontuan hartzea dela haien lana. Izan ere, dioenez, lesio bat bestearen atzetik gertatuta, «edalontziak gainezka» egin dezake, eta gerta liteke jokalariek «beste lesio bat balitz bezala» hartzea. Erreakzio hori saihesten egin behar da saialdia, psikologoaren aburuz: «Kolpe latza izan daiteke, eta taldearen erreakzioa garrantzitsua da, batez ere, jokalariaren beraren oreka mantentzeko».

Sadiqek bi alderdi uztartu beharko ditu aurrerantzean. Batetik, fisikoa, belauna bere onera ahalik eta lasterrena itzultzeko. Arlo psikologikoa izango da bestea. Bien arteko oreka hori lortzean egongo da osatze aldiaren arrakastaren gakoa. Nigeriarrak bihar bertan hasiko du suspertze prozesua, ebakuntza egingo baitiote Gasteizen. Mikel Sanchez doktorea eta haren taldea arduratuko dira horretaz.

Hortik aurrera, bide luze eta malkartsu bat abiatuko du, berriz ere zelaian aritzeko xedez. Lurrikara bat bizi izatea egokitu zaio Donostiara iritsi orduko. Haren ondorioak gainditzeko lanean aritu beharko du aurrerantzean]]>
<![CDATA[Trapu bat omen da]]> https://www.berria.eus/paperekoa/1937/022/001/2022-09-13/trapu_bat_omen_da.htm Tue, 13 Sep 2022 00:00:00 +0200 Jon Ander De la Hoz https://www.berria.eus/paperekoa/1937/022/001/2022-09-13/trapu_bat_omen_da.htm tsasoa hitza indartsua da, baina beregan tonu asko biltzen ditu. Askorentzat saminaren sinonimo da, gehiegirentzat agian, baina beste askok poz iturri bezala hartzen du. Izan ogibide duelako, edo jairako arrazoi. Kontxako Banderak hori guztia biltzen du azken batean. Arrauna pasio piztaile denez gero, bandera nagusiak ezin du hortik aparte egon. Jarri pentsatzen une batean. Garaikurra bandera bat da, besteetan bezalaxe, baina sortzen duen irrikak ongi aski laburbiltzen du arrauna zer den.

Badira Kontxan makina bider nagusitutakoak. Askok ez dute sailkatze estropadako langa sekula igaroko. Horretara erabat bilduta dagoenak, ordea, izan dezake aukeraren bat. Horixe etorri zitzaidan gogora igande eguerdian, Unai Rementeria Bizkaiko ahaldun nagusia Donostian ikusi nuenean.

Orain hamabi urte, artean Mundakako alkatea zela, hark eman zigun herriko bandera. KAE 2 ligan jokatzen genuen orduan. Urruti zegoen Kontxa, eta are urrutiago Getaria.

Urrats hori egin da, ordea, askoren saialdiak kateatuz. Horixe izango da gakoa: saiatzea. Bada ezaugarri bat Kontxa irabazi duten guztien artean errepikatzen dena: «Kostatzen da». Halere, hura aipatu orduko irribarre bat marrazten dute begietan.

Kontxakoa gutxi batzuek marraztu ahal duten irribarrea da, baina benetakoa. Hala esan zidan behin batean jada arraunean ari ez den estropadalari on batek, Donostian bertan: «Bost bider irabazi dut trapua». Trapu horrek sikatzen dituen izerdiak bai benetakoak.]]>
<![CDATA[Reala koroatu duen egun historiko bat]]> https://www.berria.eus/paperekoa/1869/018/001/2022-09-09/reala_koroatu_duen_egun_historiko_bat.htm Fri, 09 Sep 2022 00:00:00 +0200 Jon Ander De la Hoz https://www.berria.eus/paperekoa/1869/018/001/2022-09-09/reala_koroatu_duen_egun_historiko_bat.htm
Realaren espedizioak nekez aurreikusi zezakeen atzo jazotako egoera. Ez garaipenarengatik soilik: historian lehen aldiz menderatu zuen Manchester United partida ofizial batean, baina hori gerta zitekeen. Zelaiz kanpokoa izan zen ez sinestekoa: Manchesterren (Ingalaterra) jokatu behar zuen egunean nor hilko, eta Elizabeth II.a, Erresuma Batuko erregina. Ingalaterran eta haren mendeko lurraldeetan ez-ezik, mundu guztian esangura handia izan duen agintaria.

Hargatik, zurrumurru hutsa baino gehiago izan zen Manchester Uniteden eta Realaren arteko partida bertan behera uzteko aukera. Erresuma Batuaren mendeko lurraldeek dolu aldia abiatu zuten albistearen berri jakin orduko -Euskal Herrian 19:30ak zirela izan zen hori-, eta ordu eta erdi geroago jokatzekoa zen neurketa.

Etxeko klubak mezua bidali zien bazkideei, 11 minutu geroago: «Partida iragarri moduan jokatuko da. Aurrez, minutuko isilunea egingo dugu, errespetua adierazteko». Realeko iturriek mezu hori berretsi zuten sei minutu geroago, 19:47ean.

Gisa horretara amaitu ziren esamesak. Aurrez, zalantza bete zaku izan zen norgehiagokaren inguruan, eta ez da harritzekoa: Elizabeth II.aren heriotza aro baten amaiera da.

Atzokoa egun historikoa izan zen Windsor etxekoen manupekoentzat. Eta, kontuak zer diren, Realari egokitu zitzaion egun hartan non eta Old Trafforden aritzea. Bestela esanda, futbolaren sehaskako zelairik loriatsuenetako batean. Errespetuan bildutako minutuko isilunearen ostean abiatu zuten neurketa, eta, luzamenduz, aurtengo Europa liga -txapelketako ereserkia ez zuten eman, zendutako erreginaren miraz-.

Gola egin, eta eutsi

Buckingham jauregian koroaduna aldatu zuten atzo. Realak ere badu koroa armarrian, 1910az geroztik, baina beste bitxi bat gehitu zion. Izan ere, Old Trafforden irabaztea ez da ahuntzaren gauerdiko eztula. Manchester United munduko talde indartsuenetako bat da, Europako txapelketei dagokienez loriatsuenetako bat -hiru Txapeldunen liga, Europa liga bat, eta Errekopa nahiz Supekopa bana ditu bilduak-. Garai hobeak edo kaskarragoak gora-behera, eta haiei irabaztea beti da lorpen gozoa. Zer esanik ez haien etxean egiten bada.

Brais Mendezek egin zuen txuri-urdinen gola, 57. minutuan, penaltiz. Ez zen kasualitatea izan. Lehen zati orekatu baten ostean, bigarrenari indarrez ekin zion Imanol Alguacilen taldeak, eta gutxika-gutxika nagusitu egin zen zelaian. Erasora egin zuen sarri, eta jokaldi haietako batean baloia besoarekin aldendu zuen Lisandro Martinez argentinarrak, eta penaltia adierazi zuen Marco Di Bello epaileak.

Realeko jokalari galiziarrak ez zuen hutsik egin, eta bere lehendabiziko gola egin zuen donostiarren elastikoarekin. Hortik aurrera, Imanol Alguacilen taldeak minutu onak jokatu zituen, baina azken saialdiak ere egin zituen Unitedek.

Realak asmatu egin zuen emaitzari eusten, eta egun historiko batean garaipen baliotsua lortuta itzuliko da Donostiara.]]>
<![CDATA[Reala koroatu duen egun historikoa]]> https://www.berria.eus/albisteak/217960/reala_koroatu_duen_egun_historikoa.htm Thu, 08 Sep 2022 23:23:42 +0200 Jon Ander De la Hoz https://www.berria.eus/albisteak/217960/reala_koroatu_duen_egun_historikoa.htm Buckingham jauregian koroaduna aldatu dute gaur. Realak ere badu koroa armarrian, 1910az geroztik, baina beste bitxi bat gehitu dio. Izan ere, Old Trafforden irabaztea ez da ahuntzaren gauerdiko eztula. Manchester United munduko talde indartsuenetako bat da, Europako txapelketei dagokienez loriatsuenetako bat-hiru Txapeldunen liga, Europa liga bat, eta Errekopa nahiz Supekopa bana ditu bilduak-. Garai hobeak edo kaskarragoak gora-behera, eta haiei irabaztea beti da lorpen gozoa. Zer esanik ez haien etxean egiten bada. Brais Mendezek egin du txuri-urdinen gola, 57. minutuan, penaltiz. Ez da kasualitatea izan. Lehen zati orekatu baten ostean, bigarrenari indarrez ekin dio Imanol Alguacilen taldeak, eta gutxika-gutxika nagusitu egin da zelaian. Erasora egin du sarri, eta jokaldi haietako batean baloia besoarekin aldendu du Lisandro Martinez argentinarrak, eta penaltia adierazi du Marco Di Bello epaileak. Realeko jokalari galiziarrak ez du hutsik egin, eta bere lehendabiziko gola egin du donostiarren elastikoarekin. Hortik aurrera, Imanol Alguacilen taldeak minutu onak jokatu ditu, baina azken saialdiak ere egin ditu Unitedek. Ezerezean geratu dira haiek guztiak. Realak asmatu egin du emaitzari eusten, eta egun historiko batean garaipen baliotsua lortuta, ezin hobeto ekin dio Europa ligari.]]> <![CDATA[Lehen saioa, antzokian]]> https://www.berria.eus/paperekoa/1877/016/001/2022-09-08/lehen_saioa_antzokian.htm Thu, 08 Sep 2022 00:00:00 +0200 Jon Ander De la Hoz https://www.berria.eus/paperekoa/1877/016/001/2022-09-08/lehen_saioa_antzokian.htm Ametsen Antzokia Manchester Uniteden estadioari. Izarrik distiratsuenak bildu dituen zelaian jokatuko du gaur Realak. Donostiarrek han abiatuko dute 2022-2023 sasoiko Europa liga. Urrun ailegatu nahi dute, eta estreinaldia egokia izango da txapelketari neurria hartzeko. Erresuma Batuko erregina Elizabeth II.a zendu da gaur. Balmoralgo jauregian hil da, Eskozian, 96 urterekin. Erresuma Batuan protokolo mardula zuten aspaldi zehazturik erregina hiltzen zenerako, eta, horiek horrela, heriotza jakinarazi aurreko orduetan zurrumurru ugari izan dira Realak jokatu beharreko partidaren gainean. Dudak ziren jokatuko zen ala ez. Bada, baietz erabaki da azkenean. Besoko beltzarekin eginen dute, dena dela; doluminak azaltzeko. Realak zortzi urtean hirugarren aldiz jokatuko du Uniteden zelaian. Onenengandik gertu dagoen seinalea da hori, Ingalaterrakoa baita Europako talde loriatsuenetako bat. Baina orain arteko bi aldietan ez du irabazi; galdu egin zuen 2013-2014ko estreinaldian (1-0), Txapeldunen Ligan. Orain bi denboraldi, hutsean berdindu zuen, Europa ligan. Txapelketa hori garaipen batekin abiatu nahi du gaur iluntzean. Ordea, Manchester Uniteden bolada ona gehitu behar zaio berezkoa duen mailari. Izan ere, liga hasiera eskas baten ondotik, suspertu egin dira azken jardunaldietan, azken lau partidetan gailenduta. Besteak beste, Liverpoolen eta Arsenalen aurka. Joan zen igandean menderatu zuten Arsenal, Mikel Arteta donostiarrak zuzendutako taldea (3-1). Arsenalek irabaziak zituen ordura arteko neurketa guztiak -Premier ligako liderra da-. Horren jakitun, Imanol Alguacil Realeko teknikariak partida gogorra aurreikusi du gaur iluntzerako: «Europako talde onenetako baten aurka ariko gara, baina zer garen erakutsi nahi dugu. Nortasunez aritu beharko dugu, eta zelaian erakutsi, lehiatuz». Manchester Uniteden jiran tirabira handiak egon dira azken hilabeteetan, klubaren balizko salmenta dela eta. Bien bitartean, Glazer familiak -haiena da jabetza- dirutza ordaindu du proiektu berri bat abiatzeko: 247,2 milioi euro. Erik Ten Hag da aldi berrirako hautatutako entrenatzailea. Herbehereetako prestatzailea bikain aritu zen bere herrialdeko Ajax taldearen gidaritzan, eta horrek bidea emango dio dio Ingalaterrako talde historikorako urratsa egiteko. Hain justu, Ajaxen urte onen giltzarri izandako bi jokalari fitxatu ditu Manchesterrek: Antony Matheus Dos Santos brasildarra eta Lisandro Martinez argentinarra. Haiez gain, Real Madrileko Carlos Casemiro eta Brentfordeko Christian Eriksen dira proiektu eraberrituaren ezaugarri nagusiak, besteren artean. Ten Hag bere makineria berria olioztatzen ari da oraindik, baina azken asteetan erakutsi du hezur gogorra izango dela. Manchester da E multzoko talde indartsuena, hasieran bederen. Transnistriako Sheriff Tiraspol eta Zipreko Omonia dira beste biak. Hargatik, Manchester Uniteden aurkako neurketak garrantzi handia du, txapelketa ondo abiatzeak markatuko baitu ligaxkaren norabidea. Hala uste du Mikel Merino txuri-urdinen erdilariak: «Horretarako, ausardiaz jokatu beharko dugu, beti egiten dugun moduan, eta irabaztera aterako gara, ohiko moduan. Lehiatzeko leku paregabea da». Hamaikakoaren egitura Sasoi hasiera bete-betea da aurtengoa, eta, hori horrela, ikusteko dago Imanolek zer-nola kudeatuko dituen taldearen indarrak. Jakina denez, entrenatzaileak aldaketa bat egin beharko du nahitaez. Robin Le Normand min hartuta dago, eta ez du jokatuko. Atzelari bretoia da txuri-urdinen eskemako giltzarrietako bat, taldearen bizkarrezurra osatzen duten jokalarietan gehien jokatzen duena. Jon Pachecok edo Aritz Elustondok ordezkatuko dute Le Normand. Gainontzean, Imanolek prest ditu futbolari gehientsuenak. Mohammed Ali Cho eta Brais Mendez prest daude lehiaketa kontinentalean estreinatzeko, Sadiq Umar bezalaxe. Haiek hautatu ala ez, Realak eskema ezberdina marraztuko du soropilean. Imanolek 24 laguneko deialdia prestatu du gaur iluntzerako. Le Normanden hutsuneaz gain, aurrez min hartutako Mikel Oiartzabalek, Carlos Fernandezek eta Diego Ricok ez dute bidaiatu. Kontrara, Jon Karrikaburu, Urko Gonzalez de Zarate eta Unai Marrero atezainak talde nagusiarekin bidaiatu dute. Realak 2.000 zale baino gehiagoren babesa izango du Old Trafforden: Ametsen Antzokian amets egin nahi dute. MANCHESTER UNITED-REALA
Man. United. Dubravka, Dalot, Varane, Maguire, Shaw; Casemiro, Fred, Antony, Fernandes, Elanga, eta Cristiano Ronaldo.
Reala. Remiro; Gorosabel, Zubeldia, Pacheco, Aihen; Merino, Silva, Kubo; Brais Mendez, Cho, eta Sadiq.
Epailea. Marco Di Bello (Italia).
Ordua. 21:00 (Movistar).
Lekua. Old Trafford (74.879 ikusle) ]]>
<![CDATA[Realak poparean jarri nahi du]]> https://www.berria.eus/paperekoa/1877/020/001/2022-09-03/realak_poparean_jarri_nahi_du.htm Sat, 03 Sep 2022 00:00:00 +0200 Jon Ander De la Hoz https://www.berria.eus/paperekoa/1877/020/001/2022-09-03/realak_poparean_jarri_nahi_du.htm
Izan ere, futboleko sasoi hasierak denboraldi osoa baldintzatu dezake. Espainiako Ligak hilabeteko etena egingo du azaroan, Qatarko Munduko Kopa dela eta, eta ordura arteko lanak ezarriko du sasoiaren norabidea.

Hasi, ondo hasi da Reala. Garaipenaren olatuan da berriz ere Elxen irabazita, eta Atletico Madril menderatu nahi du gaur, baga bati bestea lotzeko. Lau jardunaldietatik hirutan irabazita, poparean jarri, eta abailan ailegatu nahi du Europa ligako estreinaldira: Old Trafforden jokatuko du ostegunean, Manchester Uniteden aurka. Bi aurkari indartsu izango ditu aurrean, egun gutxian.

Pandemiak behartutako etenaren osteko lehen partidetan, klubak olana bat jarri zuen Anoetako harmailetan. Imanol patroi agertzen zen, eta haren jokalariak, berriz, arraunean. Bat eginda aritzearen metafora, huraxe. Jokalari batzuk badira kirol horren zale. Esaterako, Asier Illarramendi kapitainak Eusko Label ligako estropadak ikusi ditu aurten -Getarian (Gipuzkoa), lagun baten itsasontzitik-.

Oraingoan, ordea, Toshacken esanei entzungor egin, eta futbolean dute arreta osoa. Ez alferrik, erronka handia baitute: Atletico Madril beti da talde makurra, eta aurkaria mugaraino eramaten du.

Zer esanik ez beharra duenean. Diego Pablo Simeoneren taldeak gorengo koskan egotea du xede, baina Realak adina puntu ditu sailkapenean. Bederatzi puntuetatik sei bilduta, olatu zulotik ihes egin nahi du. Hargatik, neurketa zaila izango dela uste du Imanolek, txuri-urdinen entrenatzaileak: «Lehia gogorra izango da, beti bezala. Halako arerioarekin, erraza ez da izango, baina betikoa esango dut: zaleen aurrean ariko gara, Anoetan, eta irabazi egin nahi dugu. Hori izango da gure helburua: ondo jokatzea, irabazteko».

Prestatzaile oriotarraren esanetan, Atletico Madrilen aurkakoa «ohiko partida bat» izango da. Dena den, entrenatzaileak zalantzan jarri du lau edo bost atzelarirekin ariko diren: «Partidan zehar ere aldatzen dira gauzak, jokoak agintzen baitu sarri».

Daudenak eta ez daudenak

Merkatuko gorabeherek bizitu dute Realaren uda. Azken egunera arte izan da jokalarien joan-etorria, eta Alexander Isaken salmenta izan da jiraren baliza. Suediarra Newcastlera joan izanak birarazi du egoera. Txuri-urdinak Anoetan aritu ziren azken aldian, orain bi aste, Isakek sartu zuen etxekoen gola. Hura gabe ariko da gaur Reala, estreinakoz.

Realak Sadiq Umar eta Alexander Sorloth fitxatu ditu haren ordez -norvegiarra, utzita ariko da berriro-. Arrapaladan batu dira multzora: Imanolek deialdian sartu ditu biak. Aurrelari nigeriarra, Donostiara ailegatu eta bi egunera: «Izugarrizko sakontasuna emango digu, lehiakortasuna eta areako gosea. Gol sena ere badu, eta abiadura ere bai. Azkenaldian falta zaizkigun gauza asko ditu», esan du Imanolek.

Udan harrabotsa sortu du Antoine Griezmann fitxatzeko aukerak, baina ez da halakorik izan. Realeko harrobiko jokalaria espainiarrekin ariko da gaur arratsaldean. Ikusteko dago jokatuko duen: «Bat edo beste aritu, talde izugarria du Atletico Madrilek».

REALA-ATLETICO MADRIL

Reala. Remiro; Sola, Aritz Elustondo, Le Normand, Aihen; Merino, Zubimendi, Silva; Brais, Kubo eta Cho.

Atletico Madril. Oblak; Gimenez, Witsel, Reinildo; Marco Llorente, Kondogbia, Koke, De Paul, Carrasco; Joao Felix eta Morata.

Epailea. Soto Grado.

Lekua. Anoeta (39.500 ikusle).

Ordua. 18:30 (Movistar La Liga).]]>
<![CDATA[Ikusmina eta lehia, bat]]> https://www.berria.eus/paperekoa/2047/022/001/2022-09-03/ikusmina_eta_lehia_bat.htm Sat, 03 Sep 2022 00:00:00 +0200 Jon Ander De la Hoz https://www.berria.eus/paperekoa/2047/022/001/2022-09-03/ikusmina_eta_lehia_bat.htm
Finaleko lanen erdiak egin beharko dituzte gaur, eta lehia estutuko du horrek. Lan arinagoa izateak, ordea, badu bere kontrapuntua: huts egiteko tartea txikiagoa da. Huts ñimiño bat garesti ordain daiteke. Hala, hilabeteetako prestaketa fisikoak ez ezik, garrantzi handia izango dute kirol batetik besterako jauziek, detailerik txikiena zaintzeko beharrak.

Finalaurrekoan ariko diren kirolariek hilabeteak eman dituzte gaurkoa prestatzen. Hamabitik zortzi zuzenean sailkatu dira, iazko emaitzak tarteko: Andoni Iruretagoiena Izeta VI.a —egungo txapelduna da—, Joseba Otaegi, Julen Gabirondo, Iñaki Errazkin, Aritz Irazabal, Julen Kañamares, Jon Gisasola Zelai V.a eta Beñat Amade.

Gainontzeko laurek maiatzaren 28ko kanporaketa gaindituta egin dute aurrera: Aitzol Atutxa II.a, Ioritz Gisasola Zelai IV.a, Jokin Urretabizkaia Basozabal eta Xabier Zaldua dira. Azken horrek irabazi zituen aro berriko lehen hiru txapelak: 2018an, 2019an eta 2020an. Iaz ez zuen izenik eman, eta aurten itzuli da.

Guztira, 23 lagun aritu dira txapelketan. Haietatik 11k lehen kanporaketan amaitu zuten bidea. Aldiz, hura gainditu, eta gaurko finalaurrekoan ariko da Atutxa. Dimakoa aurten estreinatu da pentatloian, baina ibilbide oparoa osatu du herri kiroletan. Bost aldiz izan da Euskal Herriko txapeldun aizkoran. Dena den, Atutxak berak astearteko aurkezpen ekitaldian esan zuenez, bestelako kontua da kirol bakarra egiteari utzi eta bost uztartzea: «Aizkolari gisa lan handiak egindakoak gara, baina, txirrindularitzan oso ona baldin bazara ere, triatloira joandakoan gauzak asko aldatzen dira. Etxean lana ondo egin arren, hemen pentatloilari oso handiak daude, eta lanak oso gogorrak egiten dira».

Hori dela eta, Atutxak esan du finalerako sailkatzea «tontorra zapaltzea» izango litzatekeela.

Kanporaketako markari adi

Izeta VI.a dago aurtengo aldia irabazteko hautagai nagusien zerrendan. Iazko txapelaren irabazleak aurtengoa lortzea du xede. Ordea, gaurko kanporaketa gainditu behar du aurrez: «Nire ustez, lana ondo eginez gero lortuko dut». Ez hori bakarrik; kanporaketako marka hobetzeko ahalegina egingo du aiarrak. Jose Ignazio Orbegozo Arria II.a-k du marka hori (12.07), 1983an eskuratutakoa: «Hitz handiak dira, baina saialdia egingo dugu. Egurrak onak badira, lor dezakegu. Iaz 12.29 egin nuen, eta saiatuko gara hogei segundo horiek alde batetik ez bada bestetik jaisten». Finala irailaren 24an jokatuko dute, berriro Azpeitian.]]>
<![CDATA[Hamaika arrazoi]]> https://www.berria.eus/paperekoa/1932/018/001/2022-08-31/hamaika_arrazoi.htm Wed, 31 Aug 2022 00:00:00 +0200 Jon Ander De la Hoz https://www.berria.eus/paperekoa/1932/018/001/2022-08-31/hamaika_arrazoi.htm
Aurten tostartetik kanpo geratu den kuadrillakoaren keinu konplizeak. Akordatu zara lortuz gero gurpil aulkitik jaikiko den mandatari ohiaz. Kasu horretan gertutik zaindu beharko den egungo mandatariaz, gehiago. Zuri-beltzeko argazkiak tindatu nahi dituen agureaz. Gurasoen begien dirdiraz.

Ilusioak hartu du Getaria. Nork bere arrazoiak ditu Kontxako Banderarekin pizteko. Askok jaia soilik dute gogoan. Kluba atea ixtekotan zegoenean bizitakoak dituzte eutsi ziotenek. Behinola loriatsu izandako garaituaren lasta arindu nahia, bakarren batek. Bada lokalismorik merkeena ezker-eskuin haizatu nahi duenik ere. Gehienek, ordea, herriko elkartearekiko abegia eta txera dute supiztaile.

Getariako gizonezkoak 2001ean aritu ziren Kontxan azkenekoz. Zumaiarrekin, gustura. Halere, bestelako grazia du bakarka egiteak. 1973an jazo zen hori azkeneko aldiz. Hain justu, Getariak irabazi zuen urte hartako sailkatze estropada. Aurten, zazpigarrenetik gorako edozein postuk lehertuko luke aurrez aipatutakoen poza.

Ikusi gehiago: Guztiak arraunlari]]>
<![CDATA[Isakek Reala utziko du, eta Newcastlek fitxatuko du]]> https://www.berria.eus/albisteak/217424/isakek_reala_utziko_du_eta_newcastlek_fitxatuko_du.htm Wed, 24 Aug 2022 17:10:34 +0200 Jon Ander De la Hoz https://www.berria.eus/albisteak/217424/isakek_reala_utziko_du_eta_newcastlek_fitxatuko_du.htm <![CDATA[Marka guztiak urratzen ari da]]> https://www.berria.eus/paperekoa/1895/017/002/2022-08-24/marka_guztiak_urratzen_ari_da.htm Wed, 24 Aug 2022 00:00:00 +0200 Jon Ander De la Hoz https://www.berria.eus/paperekoa/1895/017/002/2022-08-24/marka_guztiak_urratzen_ari_da.htm Urra-k (Zarautz, Gipuzkoa, 1997) txapela jantzita atera ditu azkenaldiko argazki guztiak. Lehen zuen garaipen sortari beste zenbait gehitu dizkio azken asteetan. Bereganatu egin ditu azken hilabetean lehiatu den txapelketa guztiak. Tartean, Euskadiko Harri Txikiena irabazi zuen joan zen ostegunean, Gernika-Lumon (Bizkaia).

Zarauztarra errekor berria eginda gailendu zen Gernikan. Urrak jaso du proba horretan sekula jasotako pisu gehien. Lorpenak bere egiten ari da, marka guztiak urratzen.

Lopetegik 14.100 kilo jaso zituen guztira, eta ia 600 kilotan hobetu zuen ordura arteko marka. Aurrez, 13.512 kilotan zegoen langa, Urrak berak 2018an ezarritakoa: «Espero genuen marka hobetzeko borrokan aritzea, baina ez sei jasoaldirekin hobetzea». Zarauztarrak bosgarren aldiz irabazi du txapelketa.

«Nire ibilbideko unerik onena da, eta aprobetxatzen saiatuko naiz», esan du Urrak. Ez alferrik, garaipenak bata bestearen atzetik kateatu baititu. Harri txikietakoaz gain, beste hiru erdietsi ditu lau astean. Era guztietakoak, gainera, harri baldarrekin nahiz araututakoekin. Etxean eskuratu zuen lehen garaipena, joan zen uztailaren 24an jokatutako Bi Harri sariketan: Mollarri eta Jai Txiki harriekin 28 jasoaldi egin zituen orotara.

Baina Lopetegik abuztuaren 13aren eta 18aren artean egin zuen distirarik handiena. Lehenik eta behin, Donostiako Igeldoko Harriaren txapelketa irabazi zuen. Hamazazpi jasoaldi egin zizkion 134 kiloko harri irregularri, eta Juan Jose Unanue Goenatxo II.a-ren errekorretik bi altxaldira geratu zen. Hilaren 15ean, berriz, aise gailendu zen Mallabiko harri txikien lehian (Bizkaia), eta Gernikan eskuratu zuen asteko hirugarren garaipena, Euskal Herriko txapelketan.

Sasoi bikaina osatzen

Aise ari da, baina, kirolariak berak azaldu duenez, oraindik badu ertzak leuntzeko aukera: «Beti izaten dira detaile txikiak. Hori bai, ondo egindakoak berriro egitea zaila izaten da».

Bien bitartean, lanean segitzea da xedea. Esne mamitan dago, eta horrek pizten du kirolaria. Gernikako errekorra da horren ageriko: «Poz handia hartu nuen. Data hauetan halako lana eginda, oso gustura geratu nintzen. Lehen harritik eroso aritu nintzen, eta horregatik lortu nuen marka».

Sasoi bikaina osatzen ari da, bestelako zenbait garaipen ere batu baititu aurten. Besteak beste, Gipuzkoako Harri Txikietakoa, Iraetako Errota Harrikoa, Zortzi Arroako Hiru Harrietakoa eta Ergobiko Harri Beltzarena. Marka propio bat ere ezarri zuen, uztailaren 13an, jaioterrian: 125 kiloko zilindroari 42 jasoaldi egin zizkion hiru minutuan. Zazpi altxalditan hobetu zuen aurreko markarik onena.]]>
<![CDATA[Gai dela berretsi du]]> https://www.berria.eus/paperekoa/1994/018/001/2022-08-17/gai_dela_berretsi_du.htm Wed, 17 Aug 2022 00:00:00 +0200 Jon Ander De la Hoz https://www.berria.eus/paperekoa/1994/018/001/2022-08-17/gai_dela_berretsi_du.htm Txikia IV.a (Azkoitia, Gipuzkoa, 1991) da aurtengo txapelduna.

Alberdik urteak daramatza onenen multzoan, baina haren jarduna beste zenbaitenaren itzalean geratu izan da azken txapelketa garrantzitsuetan. Urrezko Kopa lortuta, bere ahalak erakutsi, eta irabazteko gai dela berretsi du aizkolari gipuzkoarrak.

Ez alferrik, Iker Vicente eta Mikel Larrañaga menderatu baititu oraingoan. Azken txapelketetan goiko postuetan aritu direnak, alegia. Haiek izan ziren bigarren eta hirugarren, hurrenez hurren. Txikia IV.ak 33 minutu eta lau segundo behar izan zituen hamalau kana-erdikoak ebakitzeko; Vicentek 48 segundo gehiago baliatu zituen lanak osatzeko, eta Larrañagak, berriz, minutu bat eta 21 segundo gehiago. Hodei Ezpeletak eta Aitzol Atutxak osatu zuten sailkapena.

«Niretzat, gauza handia da. Urrezko Kopara aizkolaririk onenak joaten dira, eta, gainera, garai honetan eta egin duen beroarekin egurra ona zen, baina apur bat sikatua zegoen. Lan exijentea zen, eta uste dut horrek balioa ematen diola, eta baita aurkari horiei irabazteak ere. Gustura egoteko moduan nago», esan du azkoitiarrak.

Alberdik pixkanaka askatu zuen segundoen soka. Hasieran parekatuta ibili ostean, borrokari eutsi eta lan-erdietan zabaldu zuen tartea, harik eta garaipena eskuratu zuen arte: «Hasieran, uste nuen lehenago edo geroago aurrea hartuko zidatela. Asko eusten diote, eta nik luzera gehixeago huts egin izan dut».

Oraingoan, ordea, egindako saialdiak fruituak eman zizkion: «Nire lanean kontzentratu nintzen, eta hor egon zen gakoa. Ikusi nuen tarterik ez zidatela kentzen, eta hala jarraitzea pentsatu nuen. Burua hotz izan nuen, gutxitan bezala».

Ontzat jo du txapelketa. Ez gailendu delako soilik; baita txapelketan izandako mailak «aizkora osasuntsu dagoela» erakutsi duelako ere. Pozik egoteko bi arrazoi ditu Alberdik, beraz. Batetik, sariketa garrantzitsu hori estreinakoz irabazi izana. Bestetik, horren maitea duen kirola sasoian egotea.]]>
<![CDATA[Kanpotik eta barrutik, ezberdin]]> https://www.berria.eus/paperekoa/2126/017/002/2022-08-16/kanpotik_eta_barrutik_ezberdin.htm Tue, 16 Aug 2022 00:00:00 +0200 Jon Ander De la Hoz https://www.berria.eus/paperekoa/2126/017/002/2022-08-16/kanpotik_eta_barrutik_ezberdin.htm
Kontu berarekin joan nintzen biharamunean Castrora. Zer da barruan egotea, zer kanpoan? Gauza jakina da tostartetik kanpora geratzen den arraunlariak ez duela estropada gisa berera bizi. Liturgia ezberdina dela, alegia.

Ez hobea, ez okerragoa: diferentea izan ohi da haren tentsioa, eta normala da hori. Gauza jakina den moduan lehorrean sarriago dagoenak beste era batera kudeatzen duela egoera. Etsimenduz askotan, eta gizalegez beti.

Ideia hori berretsi nuen Castroko arraun elkarteko eskaileretan Orioko estropalariak gurutzatzerakoan. «Zorionak» neuk, agur modura. Kanpotik ikusita dotorea baita egin dutena. Ez da erraza izaten proiektu berri bati hasieratik etekina ateratzea. Haiek lortu egin dute. Txapeldunak dira, liga amaitzeko bi estropadaren faltan.

Haatik, eskaileretan ikusitako horrek ematen dio distira berezia munta handiko lorpenari. Kanpotik begiratuta, jabetu nintzen kanpoan -hau da, lehorrean- gehien geratzen direnen poz benetakoaz. Asko balio du horrek.

Baita Ondarroak eginikoak ere. Goikoak irabazten ikusten ohituta gaude, eta bejondeiela, kirolari bikainak baitira. Ohitura horretatik kanpokoak erakusten du, ordea, kirol honen berezitasuna. Kai muturrekoaren negarrak ageriko.

Asteburuak aurrera eginiko hausnarketak lagunaren mezua izan zuen abiapuntu. Estropada berrikusten hasitakoan jasotako mezu hark. Emankizunaren amaieran Iñaki Errasti ikus-entzuteak indartu zidan, halere, pentsamenduaren trontzoa. Bere taldeari buruz esandakoen indarrak. Esanguratsua zen haren aurpegikera. Benetakoa. Kanpotik ikusi arren, barruan banengo bezala bizitu eta ulertu nuen.]]>
<![CDATA[«Tximeletak ditugu sabelean; lehiaketa hasi aurrekoak izaten dira horiek»]]> https://www.berria.eus/paperekoa/1906/016/001/2022-08-13/tximeletak_ditugu_sabelean_lehiaketa_hasi_aurrekoak_izaten_dira_horiek.htm Sat, 13 Aug 2022 00:00:00 +0200 Jon Ander De la Hoz https://www.berria.eus/paperekoa/1906/016/001/2022-08-13/tximeletak_ditugu_sabelean_lehiaketa_hasi_aurrekoak_izaten_dira_horiek.htm
Nola dago taldea?

Taldea ondo ikusten dut, abiatzeko gogoz. Lehen hiru puntuak eskuratzeko ilusioa igartzen da. Lan ona egin dugu denboraldiaurrean, eta ondo prestatu garela uste dut. Aste honetan tximeletak ditugu sabelean; lehiaketa hasi aurrekoak izaten dira horiek. Ondo hasteko eta lehen puntuak eskuratzeko prestatuta gaude.

Cadizen zelaian jokatuko duzue estreinako neurketa. Nolako partida espero duzu?

Partida zaila izango da. Liga geroz eta maila handiagoa izaten ari da aldian-aldian; hala da exijentziari dagokionez. Etxetik kanpo hasiko dugu, eta Cadizek talde gogorra du, zaila. Jokalari onak ditu, jokoaren alderdi ezberdinak menderatzen baitituzte. Ziur naiz gauzak oso zail jarriko dizkigutela. Hezur gogorra da hasteko.

Cadizen hasi, gero Bartzelona etxean, Elx ondoren... Zer itxura hartzen diozu egutegiaren lehen zatiari?

Talde exijenteak dira, baina ilusio piztaileak ere bai. Zerbait egiaztatu badugu, hori da edozein talde gainditu dezakegula. Egia da maila izugarria dagoela: guk edozein talde menderatu dezakegu, baina edozein taldek mendera gaitzake gu. Hasteko, gure mailarik onena ematen saiatu behar dugu; hortik aurrera, futbolean edozer gerta daiteke. Baita kontrarioa baino hobea izan eta galtzea ere. Hargatik, funtsezkoa da ahalik eta ondoena prestatzea, eta aldiro ahalik eta ondoena jokatzen saiatzea.

Denboraldiak etena izango du udazkenean, Munduko Kopa dela eta. Ondo hastea sekula baino garrantzitsuagoa izango al da?

Bai, denboraldi ezberdina izango da. Hasiera estuagoa izango da, partida askorekin. Jokalari guztien beharra egongo da; eta, bai, etena egon arteko hilabeteak garrantzitsuak izango dira, bai guretzat, baita besteentzat ere. Ligan ahalik eta punturik gehien bildu beharko ditugu azarora artean; Europan, ligaxka ona egin nahi dugu, eta [Espainiako] kopan, lehen kanporaketa gainditu. Prest gaude, eta ahalik eta emaitzarik onena biltzea da gure xedea, baita zaleena ere.

Denboraldiaren ezohiko egiturak aldatu egin al du denboraldiaurreko planteamendua?

Ez bereziki. Antzekoa izan da. Ima-ren [Imanol Alguacil, entrenatzailea] proposamena antzekoa izan da ailegatu zenetik. Beti eredu berari segitu diogu, eta uste dut taldeak ondo erantzun izan diola horri, eta ondo abiatu dituela txapelketak. Aurten ere berdin aritu gara: lan saio bat egin dugu eguneko, intentsitate handikoa, eta kontzeptuak lantzen aritu gara. Taldeak aurrez zituen ideiak landu, eta ñabardura berriak gehitu dizkiogu, taldea aberasteko. Horrela, gure taldearen jokoari eta egiteko moduari aldagai gehiago gehitu ahal izan dizkiogu.

Zuretzat ere sasoiaurre berezia izango zen, urtebete jokatu gabe egon eta gero.

Bai, noski. Urte luzea izan da, eta zaila. Bideko koskak gainditu behar izan ditut. Baina ilusioa dut; agian, urte bat amaitu eta bestea hastean baino gehiago, ez baitut jarraitutasunik izan. Klubak nire aldeko apustua egin zuen, eta konfiantza hori zelaian itzuli nahi dut; baita zaleei ere, etxeko partidetan. Futbolak ematen digun horren guztiaren falta izan dut: taldekideekin momentuak partekatzea, zaleekin konexio hori izatea... Urte polita dugu aurretik, eta horretaz guztiaz gozatu nahi dut.

Nola bizi izan duzu lesiotik osatzeko aldia, eta zer egin zaizu zailena?

Batez ere, lehiatu aurreko tentsioaz ez gozatzea, bidaiarik ez egitea... horren falta sumatu dut gehien. Errota horretatik ateratzea da zailena. Hasieran, ez zara gertatutakoaren jabe —nahiz eta Sevillan ere lotailu gurutzatua hautsi nuen —, eta, lehen-lehenik, norberak hauspotzen ditu gertukoak. Gero, denbora igarota, denak aurrera segitzen du, baina zu errota horretatik kanpo zaude. Futbolari batentzat hori da zailena: zelaian ezin gozatzea. Ahal duzunean, sortzen dira bestelako kezkak: gehiago edo gutxiago jokatzea, esaterako, baina, egiaz, zelaian egoteko aukera hori ez duzunean, askoz gehiago baloratzen da guztia. Horrez gain, urte normaletan sortzen diren arazotxoak ere gutxiago dira. Beraz, urte gogorra izan da, zaila, baina asko irakatsi dit. Arlo mentalean, gerarazi egiten nau, eta ikusmira zabaltzen lagundu. Gauza askoren inguruan hausnartu dut. Urte honek kendu egin dit, baina eman ere bai.

Eta orain, hozkada egitera? Gosea izango duzu, noski.

Orain, hozkada egitera. Lanean segitu behar dut, iaz bezala, baina beste era batera. Prozesu batean segitzen dut, erritmoa bilatzen-eta. Arlo fisikoan ere arazotxoak ere agertzen dira, baina normala da, geldirik egoteagatik. Urte honetan adi egon beharko dut gertatukoarekin, gorputzak hala behar duelako, baita hala eskatzen didalako ere. Halere, iruditzen zait urte polita dudala aurretik, eta guztiontzat ere zoragarria izan daitekeela.

Zeuk zer eskain diezaiokezu taldeari?

Nire ustez, gaur egungo futbolariak prest egon behar du erregistro ezberdinetan aritzeko. Futbolak hori exijitzen du, eta uste dut entrenatzaileek ere hori bilatzen dutela: postu batean soilik ariko ez dena, ezaugarri jakin bat soilik ez duen jokalaria. Iruditzen zait Realean jokalari asko gaudela profil kameleoikara hori dugunak; hau da, egoera eta postu ezberdinetara egokitzeko gai garenak. Horrela, arriskuko aukera gehiago sor daitezke, arean aritzeko eta. Uste dut taldean horrelako ezaugarriak dituzten jokalari asko daudela, eta horrek on egin diezagukeela, bai talde gisa, baita niri neuri ere.

Zer esaten dizu Imanolek? Zer eskatzen dio taldeari?

Beti bezala ari da. Asko estutzen gaitu, eta exijitu, kontziente baita urtetik urtera lehia handiagoa dagoela. Bai lehiaren arloan, baita jendearen itxaropenetan ere. Horri erantzuteko lan egin behar da, eta Imanolek bide horri segitzen dio. Azkenean, hori izan da azken urteetako lorpenen arrazoia. Nik uste dut, zalantzarik gabe, bide horri jarraitu behar zaiola.

Taldeak zein helburu ezarri ditu hurrengo denboraldirako? Zertaz hitz egin daiteke?

Txapelketa hasi aurretik, dena da ilusioa. Denboraldiaurre ona egin dugu, exijentzia handikoa, eta gustura gaude. Etorri diren taldekide berriak ere kalitate handikoak dira, eta hori dena hoberako da. Baina ez dut postuez hitz egingo, baizik eta ahalik eta partidarik gehien irabazteaz, taldeak joko ona egiteaz, eta jendea horri lotzeaz. Realeko zaleek taldearekin bat egiteaz eta gozatzeaz. Partida asko irabaztean jarri behar da arreta, eta, hala eginez gero, gauza politak lortuko ditugu, ziur.

Beraz, zelaian lehiakorrak izatea da negoziatu ezin den baldintza, eta hortik etorriko dira garaipenak?

Zalantzarik gabe. Partida bakoitzak eskatzen duenaren neurrira aritu behar dugu. Gaur egun, xehetasun asko daude, aldaketa asko, eta garrantzitsuena horri egokitzea da, erantzun on bat emateko.

Zaleentzat ilusio piztailea da heltzear den sasoia, jokatuko dituzuen txapelketengatik. Sentipen bera al duzue jokalarien artean ere?

Bai. Aurrez esan dizudana: nik uste dut taldeak transmititzen duena ikusita, talde barruan ere badakigula zer-nolako denboraldia dugun aurrean. Sasoi polita dugu zain, eta guztiak ere horri begira prestatzen ari gara buru-belarri. Ziur naiz guztiok dugun onena emango dugula beti. Horrek ez du esan nahi beti asmatuko dugunik: batzuetan gehiago, eta bestetan gutxiago. Baina talde honek larrua utziko du zelaian, ahalik eta emaitzarik onenak eskuratu eta ahalik eta gauzarik garrantzitsuenak lortzeko.

Zuk zer eskatzen diozu bihartik aurrerako sasoiari?

Lehenik eta behin, sasoi berriari eskatzen diodana da partida asko irabaztea [barrez]. Ez, txantxarik gabe: ilusio handiko denboraldia izatea nahi dut, zaleentzat batez ere, baina baita guretzat ere. Denok gozatzea gustatuko litzaidake, eta, horretarako, gure lana da ahalik eta gehien saiatzea, eta ilusioa piztea. Uste dut ilusioa sasoi osoan zehar mantentzea funtsezkoa dela. Argi eduki behar dugu bolada zailagoak eta hobeagoak izango ditugula: partida kopuru handia dagoelako, nekatuta gaudelako, eta beste hainbat arrazoirengatik. Baina horrek ezin du ilusioa zapuztu; uste dut horrek ezin digula alde egin, eta gure egitekoa da hori horrela mantentzea.]]>
<![CDATA[Izenekoa baino gehiago]]> https://www.berria.eus/paperekoa/1917/019/001/2022-08-06/izenekoa_baino_gehiago.htm Sat, 06 Aug 2022 00:00:00 +0200 Jon Ander De la Hoz https://www.berria.eus/paperekoa/1917/019/001/2022-08-06/izenekoa_baino_gehiago.htm
Haatik, askoz handiagoa da Antonio Elorza belodromoko jarduna, kirolez haragoko makina bat ekitaldi egin baitituzte leku horretan. Kultur arlokoak asko; bertsolari txapelketetako saioak, zine emanaldiak, maila handiko kontzertuak eta abar. Kolore ezberdinetako alderdi politikoen mitinak ere, dozenaka.

Belodromoak, ordea, txirrindularitzan du sorburua. 1965ean eraiki zuten, artean estalkirik gabe, pistako txirrindularitzako Munduko Txapelketarako, eta 2005ean jarri zioten Elorza bultzatzailearen izena.

Sorreratik, makina bat pedalkada eman dituzte belodromoan. Tartean, Leire Olaberria txirrindulari ohia (Ikaztegieta, Gipuzkoa, 1977). Olinpiar medailadunak ondo gogoan ditu pedalkada haiek: «Oroitzapen onak ditut, eta txarrak ere asko. Anoetako belodromoari esker hasi nintzen pistako txirrindularitzan, baina egia da nahiko belodromo berezia dela».

Olaberriaren esanetan, zementuzkoa izateak eta dituen neurriek ohiz kanpokoa bihurtzen dute Donostiako txirrindularitza gune nagusia: «Teknikoki, Anoetan ondo moldatuz gero, ondo moldatu zaitezke munduko edozein belodromotan. Esaterako, peralte bortitzak ditu, eta neguko baldintza gogorrak oroitzen ditut, hotza eta».

Ikaztegietakoak azaldu du leku «egokia» dela euritik babesteko eta lehendabiziko entrenamenduak egiteko, baina goi mailarako ez du balekotzat jo: «Horrexegatik, lehiatu behar nintzen tokien antzekoak bilatzen nituen: egurrezkoak eta distantzia ofizialekoak».

Txirrindularitzarako ez, baina atletismorako leku «homologatua» da Donostiako belodromoa. Hala esan du Ramon Cid atleta eta entrenatzaileak (Donostia, 1954). Cidek adierazi du, lehenik eta behin, kirolarientzat «luxua» dela halako kirolgune bat eskura edukitzea.

Atletismorako pista berria du, eta goi mailarako egokia dela adierazi du prestatzaile donostiarrak: «Nazioarteko edozein txapelketa har dezake. Pistak 200 metro ditu, sei kale, eta trazatu ona. Tartan berria du, erortzeko guneak, koltxonetak... Europako Txapelketa antolatzeko adinako edukiera ere badu, lasai asko. Lehiarako ezaugarri onak ditu».

Ordea, bestelako gaiei ere erreparatu die Cidek. Gimnasio egoki bat behar du «perfektua izateko», goi mailako kirolarien beharretara egokitutakoa, eta gaineratu du kirolaz gaindiko zenbait ekitalditarako ixteak oztopatu egiten duela kirolarien jarduna: «Batzuetan ulergarria da, beste batzuetan ez horrenbeste, baina abisatu gabe ixteak, edo kirolarekin zerikusirik ez duten gauzak antolatzeak kalte egin izan digu batzuetan. Baina, tira, atletismo instalazio bikaina da».

Goi mailako topaketak

Anoetako belodromoak Munduko Txapelketa bat izan zuen abiapuntu. Orain 57 urteko txapelketa hartatik, baina, goi mailako zenbait topaketa egin dituzte han. Cidek ere «bizitza osoa» eman du eraikin horren jiran: «Ikusi nuen txapelketa hura, aire zabalean egin zena, eta gerora izan duen bilakaera. Donostiaren bihotzetako bat da, hiria hari esker pilpiratu baita: kirolarekin, kontzertuekin, mitin politikoekin...».

Cidek ondo gogoan du 1977ko Europako Atletismo Txapelketa ere. Ez alferrik, parte hartzaile izan zen. Jauzi hirukoitzean aritu zen, eta esan du «garai hartako atletarik onenak» bildu zirela Anoetan. Orduan, eta geroago ere, makina bat izar aritu dira Donostian: Sebastian Coe, Irina Privalova, Sergei Bubka, Carl Lewis...

Bizikletako txapelketen artean, Euskadiko Sei Orduek itzal luzea utzi dute belodromoan. Pistako txirrindulari onentsuenak batu dituen proba hori 1979. eta 2008. urteen artean jokatu zen, eta goi mailako ziklista andana aritu zen urte haietan: Urs Freuler eta Joop Zoetemelk, Gianni Bugno, Mario Cipollini, Abraham Olano eta beste asko.

Herri kiroletan ere sonatua izan zen jaialdi hori. Belodromoan lortu zituzten garai hartako zenbait marka; Iñaki Perurenak lortu zituen, batik bat. Leitzarrak 300 kiloko harria jaso zuen 1987an egitarau horren barruan; urtebete geroago, 305ekoa Sei Orduetan kale eginda, bi aste geroago itzuli zen belodromora-; 2003an, berriz, maila aldiz altxa zuen 100 kiloko zilindroa -zortzi arroakoa- bost ordu eta lau minutuan.

Aldian aldiko lorpen horiek distira gehitu diote belodromoari. Ordea, eguneroko jardunak ematen dio bizia eraikinari. Eraberritu baten beharrean dago belodromoa,Olaberriaren esanetan: «Errendimendu handia atera zaio, baina zerbait hobea merezi delakoan nago. Ez dut informazio askorik, baina, dirutza izugarririk gastatu gabe, eredu txukunak badaude munduan».

Bihar: Euskal Herriko kirolguneak (VI): Mendizorrotza kiroldegia.]]>
<![CDATA[Loriaren gotorlekua da]]> https://www.berria.eus/paperekoa/1917/017/001/2022-08-04/loriaren_gotorlekua_da.htm Thu, 04 Aug 2022 00:00:00 +0200 Jon Ander De la Hoz https://www.berria.eus/paperekoa/1917/017/001/2022-08-04/loriaren_gotorlekua_da.htm
Kolore batzuekiko grinak berotzen du porlanaren hotza. Irungo (Gipuzkoa) bihotzean egonik, sentipenak arte bilakatzen diren lekua da Artaleku: «Espiritua du toki honek». Ernesto Ezamak egin ditu adierazpen horiek, eta badaki zerbait gaiaz. Hura da Bidasoa Eskubaloi Klubaren etxea zaintzen duten kideetako bat; 1988az geroztik ari da lantegi horretan, eta era guztietako bizipenak bildu ditu han. Hain justu, Bidasoak sasoi bat lehenago egin zuen Uranzu frontoitik Artalekurako bidea, eta Ezamak esan du aldaketa hori «funtsezkoa» izan zela kluba biziberritzeko: «Jauzi ikaragarria izan zen. Lortu duten guztia hemen lortu dute».

Eraikin bizia da Artaleku, koloretsua. Baditu aulki laranja batzuk, baina horiak eta urdinak dira gehienak. Haietxek dira klubaren koloreak, eta haiek bizitzen dituzte harmailak. Zaleen sentimendua orro bidez azaleratzen da Irunen, eta jarraitzaileen eta jokalarien arteko loturatik ailegatu dira irundarren lorpenik sonatuenak.

Batik bat, bidasotarrek Artalekun dastatu dute loria: «Garaiak aldatzen ari ziren, eta Uranzu zaharkituta geratu zen. Ligako lehen garaikurra eta lekualdatzea garai berekoak dira. Kluba kirolaren exijentziara egokitzeko hautua izan zen, eta oso ondo egin zen». Juantxo Villarrealen (Errenteria, Gipuzkoa, 1947) esanak oso kontuan hartzekoak dira Bidasoaz aritzean. Ez alferrik, bera izan baitzen hori-urdinen garaikur guztiak bildu zituen entrenatzailea.

Villarrealek 22 urte egin zituen Artalekuko etxekoen aulkian -1975 eta 1997 artean-, eta ondo ezagutzen ditu jokalekuaren zirrikitu guztiak: «Kantxa egokia da jokatzeko, etxekoentzat bereziki. Izan ere, zaleak gain-gainean daude, harmaila bertikalak dituelako. Gainontzean ere egokia da, baina ez du bereizgarri nabarmenik». 40 metro luze da, 20 zabal, eta bi ate ditu. Gainontzeko guztiak bezalakoxea da, alegia.

Villarrealen eta Ezamaren arabera, jokalekua biltzen duenak ematen dio zentzua Bidasoaren gotorlekuari, eta elkar elikatzen dute bi arloek. Hala zehaztu du teknikari izandakoak: «Taldeak prestasuna erakusten badu, ikusleak berehala erantzun ohi du. Elkarreragin horretan du sorburua; taldeak beti jardun izan du oso leial, eta publikoak eskertu egin du».

Villarrealek orain urte batzuk Artalekun bizi izandako pasarte bat ekarri du hizpidera. Beñardo Garcia presidente ohiak galdetu zion ea zer iruditu zitzaion amaitu berri zen partida bat: «Erantzun nion: 'Ikusi besterik ez duzu jendea zer gustura dagoen, nolako irribarrea duten. Hor behean [pistan] egiten ari direnak esanahi handia duelako da'. Ondo gogoan dut sentipen hori».

Artaleku «historiaren zati» dela gaineratu du Ezamak. Bidasoak egun gogoangarriak izan ditu han. Lehendabiziko aldietatik, gainera. Estreinako denboraldian, modu epikoan eskuratu zuten ligako garaikurra. Irungo partida amaituta, Bartzelonaren emaitzaren zain geratu ziren zaleak, jokalariak eta klubeko ordezkariak, zirkinik ere egin gabe. Harik eta, aldeko emaitza tarteko, festa piztu zen arte. Villarrealek ondo gogoan ditu ordukoak: «Ordukoa dut oroitzapenik onena. Gehiena aztoratzen nauen sentipena da».

Entrenatzaile ohiak Europako Kopako lorpena ere azpimarratu du. Ordukoan ere, zeresan berezia izan zuen Irungo giroak. Han jokatu zen Zagreben aurkako finaleko joaneko neurketa, eta, hasieran, kosta egin zitzaion etxeko taldeari. Atsedenaldiko berdinketaren ondotik (12-12), bigarren zatian zaleek izugarri hauspotu zuten multzoa, 30-20 irabazteraino. Artalekuko giroa funtsezkoa izan zen garaikurra Kroaziatik etxera ekartzeko.

«Gaur egun, lan gehiago»

Urrezko aroa izan zen hura bidasotarrentzat. Orduz geroztik «era guztietakoak» izan dituztela oroitu du Ezamak: «Onak gehienak, baina bestelakoak ere bai. Guk, geure lanarengatik, neutralak izan beharko genuke, baina ezinezkoa da, egiten dituzun harremanengatik». Mantentze teknikariak mailari eusteko faseak, Errege eguneko nazioarteko txapelketak eta lorpen handiak azpimarratu ditu.

Egun, esne mamitan dago Bidasoa. Asobal ligan aise, eta Europan bidaiari, horrek lana gehitzen die Ernestori eta haren lankideei: «Lehen errazagoa zen. Orain, dena profesionalizatua dago: EHFko delegatuak, telebistak, publizitatea, aurkaria.... Horrenbeste urtean aritzeak lagundu egiten du, baina zaildu egiten da. Pentsa, pistako tapaki urdina jarri eta kendu aritzen gara».

Dena den, «lanak merezi du» Ezamaren esanetan, «bizi osoa» egin baitu horretan: «Kanpotik datozenek argazki pila bat ateratzen dizkiote. Badu zerbait: Artakeluko izpiritua deitzen dioten hori».

Bihar: Euskal Herriko kirolguneak (IV): Jean Dauger]]>
<![CDATA[Lehen bezala orain]]> https://www.berria.eus/paperekoa/2088/017/001/2022-08-02/lehen_bezala_orain.htm Tue, 02 Aug 2022 00:00:00 +0200 Jon Ander De la Hoz https://www.berria.eus/paperekoa/2088/017/001/2022-08-02/lehen_bezala_orain.htm
Esan eta egin. Oso lantzean behingo zenbait iruzkin, libreta zahar batean bilduta. Santoñako kale txarrak batetik, Donibane Lohizuneko transatlantikoa bestetik. Azaleko anekdotak gehienak. Denborarekin, ahanzturan jausi ziren kaiera eta idazle sena.

Harik eta aurrekoan, zokomiran, koadernoa topatu nuen arte. Lehen begi kolpean jabetu nintzen: Lekeitioko estropadei buruzkoak ziren hainbat komentario.

Bezperetakoak, marmartiak. Kuadrillakoak sanignazioetara zihoazela eta zer nezesidade nuen nik arraunerako. Parrandari sekulako garrantzia emanaz; aukerak bakanak direla, eta halako txatxukeriak. Txatxukeriak, orain, denboraren talaiatik begiratuta.

Iruzkin onberagoak ziren itzulerako gehienak, emaitza ona eskuratu izanaren seinale. Olatu gaineko gozamenak bigarren mailan uzten duela beste guztia, eta abar. Mistikoegia akaso, baina idazteari berrekin beharko banio, halako zerbait jarriko nuke oraingoan ere. Nahiz eta aitortu behar dudan kuadrillakoek larunbatean egin zuten parranda ederrak sekulako inbidia eman zidala. Orduan bezalaxe.]]>