<![CDATA[Jon Eskudero | Berria.eus]]> https://www.berria.eus Bere azken artikuluak eu Sat, 04 Feb 2023 06:58:32 +0100 hourly 1 <![CDATA[Jon Eskudero | Berria.eus]]> https://www.berria.eus/irudiak/berriaB.png https://www.berria.eus <![CDATA[Titulu gabe geratu da Reala]]> https://www.berria.eus/albisteak/223451/titulu_gabe_geratu_da_reala.htm Sun, 22 Jan 2023 09:43:47 +0100 Jon Eskudero https://www.berria.eus/albisteak/223451/titulu_gabe_geratu_da_reala.htm <![CDATA[Itzulera ona izan du]]> https://www.berria.eus/paperekoa/2030/019/002/2022-12-30/itzulera_ona_izan_du.htm Fri, 30 Dec 2022 00:00:00 +0100 Jon Eskudero https://www.berria.eus/paperekoa/2030/019/002/2022-12-30/itzulera_ona_izan_du.htm
Hasierako hamaikakoan bizpahiru ezusteko zelairatu zituen Ernesto Valverdek, Iñigo Martinez, Muniain eta Berenguer aulkian geratu baitziren. Williams anaiak hegaletan eta Guruzeta aurrelari ipinita, abiadura lortzen saiatu zen entrenatzailea. Oreka, dena den, zelai erdiak eman zien zuri-gorriei. Dani Garciaren lana aipagarria izan zen, Betisen erasoko jokoa bertan behera utzi baitzuen. Oso lehiatua izan zen lehen zatia, baina etxekoek behetik gora egin zuten pixkanaka, eta, kalitatea lagun, agindu egin zuten gehienean. Fekirren oinetatik irten ziren aukerarik arriskutsuenak, baina Unai Simon dotore aritu zen atepean.

Bigarren zatiak ere lehengo lepotik izan zuen burua. Berdintasun horretan, erosoago zegoen Betis, eta Valverdek aldaketak egin zituen: Muniain, Raul Garcia eta Berenguer zelairatu zituen 70. minutuan. Aldaketek arnasa eman zioten taldeari, eta, Muniainen gidaritzapean, Betisen areara gehiago iristen hasi ziren zuri-gorriak. Yurik eta Nico Williamsek erasoko jokaldi apartak osatu zituzten, baina inork ez zuen asmatu azken errematean. Betis jokalari bat gutxiagorekin geratu zen azken minutuetan, baina Athleticek ez zuen abantaila baliatu. Dena den, puntuari esker, aurkari zuzen batek sailkapenean gaina ez hartzea lortu zuen.]]>
<![CDATA[Merezitako puntua lortu du Athleticek]]> https://www.berria.eus/albisteak/222600/merezitako_puntua_lortu_du_athleticek.htm Thu, 29 Dec 2022 09:33:43 +0100 Jon Eskudero https://www.berria.eus/albisteak/222600/merezitako_puntua_lortu_du_athleticek.htm <![CDATA[Afrikaren garaipena]]> https://www.berria.eus/paperekoa/1946/025/001/2022-12-11/afrikaren_garaipena.htm Sun, 11 Dec 2022 00:00:00 +0100 Jon Eskudero https://www.berria.eus/paperekoa/1946/025/001/2022-12-11/afrikaren_garaipena.htm
Gero eta berdinduago dago egungo futbola munduko selekzio guztien artean, eta jada ez da Europako eta Hego Amerikako taldeen kontua soilik. Berdintasunaren ispilurik garbiena da Marokoren sailkapena. Multzoen fasea lider amaitu zuen. Askok ez zioten aukera handirik ikusten final-zortzirenetan Espainiari irabazteko, baina ezustekoa eman zuten penaltietan gailenduta. Bada, hura gutxi ez, eta atzo ere erakustaldi galanta eman zuten, Portugalen aurrean. Oraindik gol bakarra sartu diete jokaturiko bost partidetan, eta fisikoki zein taktikoki oso selekzio indartsua direla azaldu dute. Gainera, eraginkorrak dira aurkariaren ate aurrean.

Ohi bezala, aurreko partidetako gidoiari eutsi zion Regragui Marokoko entrenatzaileak, eta bete-betean asmatu zuen. Lau jokalariz osaturiko bi lerro osatuta, ordena eta sendotasuna izan zituen oinarri. Hori bai, ez zuen atzean autobusa ezarri. Baloia ia gehienean Portugalek izanagatik, bururik galdu gabe jokatu zuten afrikarrek, euren arma nagusia kontraerasoa zelarik. Galtzeko beldurrez aritu ziren bi taldeak lehen zati osoan, baina Portugalek izan zituen bizpahiru aukera on, Joao Felixen bidez. Ez zuen asmatu, ordea. Bazirudien husnakoarekin helduko zirela atsedenaldira, baina 42. minutuan iritsi zen partidako gol bakarra. Erdipurdiko erdiraketa bat buruz errematatu zuen En-Nesiry aurrelariak, jauzi erraldoia egin eta baloia sareetara bidaliz.

Golak min egin zion Portugali, eta bigarren zatiari begira aldaketak egin zituen Santos entrenatzaileak. Cristiano Ronaldoren zelairatzea izan zen aipagarriena. Bada, haren ekarpenak ere ez zien balio izan. Saiakera faltan ez ziren geratu; baloi luzeen bidez zein Bruno Fernandesen kalitateari esker, Marokoren ate aurrera erraz iritsi ziren, baina ez zuten asmatu gola sartzen. Bono atezainaren lanak zerikusia izan zuen horretan; beste behin, maisuki aritu zen Sevillako atezaina. Hamar jokalarirekin amaitu zuten lehia afrikarrek, eta ondo baino hobeto jakin zuten sufritzen.

Frantzia, sufrituta

Ederki sufritu behar izan zuen Frantziak ere Ingalaterra mendean hartu eta finalerdietarako sailkatzeko. Lehen zatia goi mailakoa egin zuen Deschampsen taldeak. Erritmo bizian aritu zen atzean zein aurrean, eta Griezmannen gidaritzapean nagusi izan zen. Tchouameniren golak abantaila eman zien frantziarrei. Bigarren zatian, hori bai, gogotik aldatu ziren kontuak. Askoz oldarkorrago jokatu zuen Ingalaterrak, eta Kanek penalti puntutik ezarri zuen banakoa. Ondorengo minutuetan askoz erosoago sentitu ziren ingelesak, eta, gol aukera garbirik eduki ez arren, nagusi izan ziren jokoan.

Oso talde gaztea du Ingalaterrak, eta esperientzia falta izan zitzaion azken minutuetan. Nahi eta ezin ari zen Frantzia, baina ezerezetik gola sartu zuen berriro, 78. minutuan, Giroudek. Ordu laurden eskas zuen Ingalaterrak lehia berriz berdintzeko, eta izan zuen aukerarik. Besteak beste, Kanek beste penalti bat jaurti zuen, baina zeruetara bota zuen.]]>
<![CDATA[Maroko eta Frantzia finalerdietan dira]]> https://www.berria.eus/albisteak/221831/maroko_eta_frantzia_finalerdietan_dira.htm Sat, 10 Dec 2022 22:53:06 +0100 Jon Eskudero https://www.berria.eus/albisteak/221831/maroko_eta_frantzia_finalerdietan_dira.htm Frantzia, sufrituta Ederki sufritu behar izan du Frantziak ere Ingalaterra mendean hartu, eta finalerdietarako sailkatzeko. Lehen zatia goi mailakoa egin du Didier Deschampsen taldeak. Erritmo bizian aritu da atzean zein aurrean, eta Griezmannen gidaritzapean, nagusi izan da. Tchouameniren golak abantaila eman die frantziarrei. Bigarren zatian, hori bai, gogotik aldatu dira kontuak. Askoz oldarkorrago jokatu du Ingalaterrak, eta Kanek penalti puntutik ezarri du banakoa. Ondorengo minutuetan askoz erosoago sentitu dira ingelesak, eta gol aukera garbirik eduki ez arren, nagusi izan dira jokoan. Oso talde gaztea du Ingalaterrak, eta esperientzia falta izan zaio azken minutuetan. Nahi eta ezin ari da Frantzia, baina ezerezetik gola egin du berriro, 78. minutuan, Giroudek. Ordu laurden eskas zuen Ingalaterrak lehia berriro berdintzeko, eta izan du aukerarik. Besteak beste, Kanek beste penalti bat jaurti du, baina zeruetara bota du.]]> <![CDATA[Garesti zegoen lehen puntua]]> https://www.berria.eus/paperekoa/1995/030/001/2022-11-27/garesti_zegoen_lehen_puntua.htm Sun, 27 Nov 2022 00:00:00 +0100 Jon Eskudero https://www.berria.eus/paperekoa/1995/030/001/2022-11-27/garesti_zegoen_lehen_puntua.htm
Txapelketa aurkeztu zuten egunean, inor gutxik egingo zuen apustu Jakaren eta Arangurenen alde, baina erakutsi zuten lehiatu, behintzat, egingo direla txapelketan. Arangurenek batez ere oso ongi jokatu zuen partidaren hasieran, eta 4-8 ere aurretik izan ziren urdinak. Lanean oinarriturik, berdinketa lortu zuten gorriek, eta lehen atsedenaldi luzera aurretik iritsi ziren: 12-11. Pilotak gastatuz joan ahala, gogortzen hasi zen partida, eta elkar hautsi ezinik ibili ziren gerora bi bikoteak. Hots, berdinketa ugari izan ziren bukaerara arte: 14na, 16na eta 17na. Inork errentarik lortzen bazuen, asko zuen irabazia, eta Lasok eta Imazek 21 eta 18 aurreratzea lortu zuten. Esku-eskura zuten garaipena, baina, 21nakoaren ondoren, ederki sufritu zuten lehen puntua lortzeko.

Herenegun jokatu zen txapelketako lehen partida. Ezkurdia-Martijak irabazi egin zieten Etxeberria eta Rezustari: 22-20, hain zuen. Lehen jardunaldiak gaur izango du jarraipena, Tolosako Beotibarren (17:15, ETB1). Peña-Aranguren eta Urrutikoetxea-Albisu ariko dira aurrez aurre. Lehen jardunaldia asteazkenean amaituko da, Eibarren (Gipuzkoa). Altuna III.a-Tolosak Elordi-Zabaletaren aurka neurtuko dituzte indarrak.]]>
<![CDATA[Eremu txikian handi]]> https://www.berria.eus/paperekoa/1986/027/001/2022-11-22/eremu_txikian_handi.htm Tue, 22 Nov 2022 00:00:00 +0100 Jon Eskudero https://www.berria.eus/paperekoa/1986/027/001/2022-11-22/eremu_txikian_handi.htm
Kazetari ugari bildu zen Arbizura txapeldunaren adierazpenak jasotzera, eta ordurako agertu zen protagonista. Txapel preziatua buruan zuela irten zen autotik, «euritik babesteko». Mugitzea ere kosta egiten zitzaion, bezperako lan gogorraren ondorio, baina irribarre zabala zuen ahoan. «Gorputzeko atal guztietan daukat mina, tentsioagatik oso erasana amaitu bainuen partida. 25era jarri izan balute finala, ez nukeen amaituko, argi gorri guztiak piztuta bainituen. Uste dut inoiz ez dudala hain nekatua bukatu neurketa bat». Izan ere, 394 pilotakada jo zituzten Altuna III.ak eta biek, eta oso erritmo azkarrean, gainera. «Barrutik ez nuen uste izan partida distiratsua jokatzen ari ginenik, baina gerora jendeak esan dit final historikoa izan zela. Horrek are gehiago pozten nau. Finala errepikatuta ikusteko irrikan nago».

Batez ere, erritmoa eta kalitatea izan zituen finalak. «Elkarri opari pare bat egin genizkion, baina, oro har, egindako tantoak nagusitu ziren. Akaso ni gehiago izan nintzen partidaren lehen zatian, kantxaren erdialdea nire esku zegoelako. Jokin ni baino gehiago nekatu zen fisikoki lehen atsedenaldi luzerako». Dena den, tanto bolada luzerik egiterik ez zuen lortu nafarrak, eta horrek erabat kontzentratuta egotera behartu zuen. «Alde batetik bestera korrika ibili zen Jokin, eta halere sufritzen asmatu zuen. Banekien pilotalekua egokiagoa zela harentzat, eta pilotak gastatzen joan ahala gora egingo zuela». Halaxe izan zen, eta 16-19 aurretik ere jarri zen amezketarra. «Garai horretan erabaki nuen kale edo bale jokatzea, eta ongi atera zitzaidan apustua. Azken urteotan burua landu izanak askorako balio izan zidan une zail horretan».

Emozioa besterik ez zuen falta lehiak biribila izateko, eta 21na berdindu zuten bi pilotariek. «Banekien sakea ongi eramanez gero irabazteko aukera izango nuela, eta ez zitzaidan garai bateko mamurik agertu. Mentalki oso indartsu sentitu nintzen. Neure buruarengan sinesten dut orain, konfiantza handia daukat nire jokoarekin, eta, galdu edo irabazi, azken tantoan ni neu izan behar nuela erabaki nuen. Ez zidan presioak gain hartu».

Lehenago, 21nako berdinketa gehienetan galdu egiten zuen arbizuarrak, baina ederki aldatu ditu kontuak. «Arlo horretan ere aurrerapausoa eman dut. Dena den, galdu izan banu ere konforme geratuko nintzen, nire onena eman nuelako partida osoan».

Batek galdu behar zuen, eta amezketarrari egokitu zitzaion. «Pilotari eta pertsona aparta da Jokin, umila eta langilea, eta dutxatzen ari ginen bitartean esan nion berak ere merezi zuela irabaztea».

Ordea, Arbizurako bidea hartu zuen txapelak. Lau eta erdikoa abiatu zenean ez zuen halakorik pentsatu ere egingo. Final-laurdenetako ligaxkako lehen partida galdu egin zuen Aitor Elordiren aurka, eta gerora hutsik ez egitera behartuta zegoen. «Inoiz jokatu dudan lehiaketarik zailena izan da. Aurten behetik gora egin behar izan dut, orain dela bi hilabete ez bainengoen nire onenean». Hizki larriz idazteko moduko urtea egin du: lehenbizi, binakako aparta jokatu zuen Xabi Tolosa lagun zuela; gero, buruz buruko finala jokatu zuen, eta orain lau eta erdikoaren jabe egin da. «Duela lau urte bi txapel jantzi nituen, baina, oso-osorik hartuta, inoizko urterik onena aurten osatu dut. Buruz burukoa hain erraz galdu izanagatik arantza badut, baina, balorazioa hotzean eginda, egia da urtea aparta izan dela».

Onenen pare

Ondorioz, izen handienen parean ageri da dagoeneko Ezkurdiarena. Lau eta erdian hiru txapel lortuta, Juan Martinez de Irujoren, Jorge Nagoreren, Altuna III.aren eta Patxi Eugiren datuetara iritsi da. Bi pilotari soilik ditu goitik: Julian Retegi, lau txapelekin, eta Aimar Olaizola, zazpirekin. «Ohorea da halako zerrendan sartzea, eta oso harro sentitzen naiz. Debuta egin nuenean sinatuko nukeen halako garaipen zerrenda osatzea».

Hala ere, oraindik 31 urte ditu, eta goi mailan jarraitzeko sasoi betean sentitzen da nafarra. «Hobetzeko tartea badaukat oraindik, batez ere partidak irakurtzeko garaian. Teknikoki ere beste pauso bat eman behar dut». Garaipen goserik ez zaio falta: «Gero eta gehiago irabazi, gero eta gehiago nahi izaten da, eta berriz ere halako egun polit bat bizitzeko lanean jarraituko dut. Eta zergatik ez, buruz buru txapeldun izateko».

Orain, binakakoa jokatuko du. Gaur aurkeztuko dute, eta ostiralean hasiko da.]]>
<![CDATA[Sekulako finala]]> https://www.berria.eus/albisteak/220980/sekulako_finala.htm Mon, 21 Nov 2022 09:59:49 +0100 Jon Eskudero https://www.berria.eus/albisteak/220980/sekulako_finala.htm <![CDATA[Ezkurdia, bi aldiz hobea]]> https://www.berria.eus/paperekoa/1944/026/001/2022-10-30/ezkurdia_bi_aldiz_hobea.htm Sun, 30 Oct 2022 00:00:00 +0200 Jon Eskudero https://www.berria.eus/paperekoa/1944/026/001/2022-10-30/ezkurdia_bi_aldiz_hobea.htm Iraupena. 46 minutu.
Sakez. Lasok, batere ez, eta Ezkurdiak, bost; falta bat egin zuen.
Markagailua. 0-4, 3-4, 3-5, 4-5, 4-10, 6-10, 6-11, 9-11, 9-12, 10-12, 10-21, 11-21 eta 11-22.
Bestelakoak. Bete egin zen Labrit pilotalekua: 1.200 ikusle inguru. Apustuak parean irten ziren.

Harmailak erabat gainezka zirela, ikusmin eta gogo itzela zuten pilotazaleek Unai Lasoren eta Joseba Ezkurdiaren arteko lau eta erdiko partida erabakigarria ikusteko, atzo, Iruñean, Labriten. Final-laurden klasikoa izaki, eta bi pilotari on kantxan egonik, aspaldiko girorik onenetakoa sortu zen, baina ikusleen gogoa asetzerik ez zuten lortu bi pilotariek. Ezkurdia Laso baino gehiago izan zen, jokoz eta emaitzaz, eta ongi merezita sailkatu zen finalerdietarako. Hasi eta buka, abiadura handiz eta konfiantza izugarriarekin aritu zen arbizuarra, eta Peio Etxeberriaren aurka jokatuko du datorren larunbatean, berriz Labriten. Orain arte ez bezala, pilota bihurritzen asmatu zuen, eta txapelerako hautagai sendoa dela erakutsi zuen. Hala ere, bere mailatik oso urrun jokatu zuen Lasok. Horiek hala, Baiko ordezkaririk gabe geratu da txapelketan.

Lehen tantotik erakutsi zuen Ezkurdiak bestelako gorputzaldiarekin iritsi zela. Orain arteko partidetan ez zuen lortu bere ohiko jokoa egiterik ere, baina atzo, egun erabakigarria izaki, zezen baten moduan kantxaratu zen. Sakea ongi baliatu, eta, angeluak ezin hobeki topatuz, 0-4 aurreratu zen berehala. Erasokor eta ausart jokatzeko zegoen. Bien bitartean, bere lekutik aterata suma zitekeen Laso. Hala ere, ongi erreakzionatu zuen aurkariaren erasoaldiaren aurrean, eta, defentsan oinarrituz, bere onera ekarri zuen emaitza: 3-4 eta 4-5. Tarte horretan zinez tanto gogorrak jokatu zituzten; hogei pilotakada ingurukoak izan ziren ia denak, abiadura bizian jokatuak. Hauspoak garrantzia izango zuela jakina zen. Bada, Ezkurdiak hobeki eutsi zion erritmoari, eta sei tantoko aldea lortu zuen lan erdiak egiterako: 5-11.

Aitzakia gutxi jar zekiokeen ordura arte Ezkurdiaren lanari. Pilota oso bizi ibiltzeaz gain, ezker-eskuin ederki mugitu zuen aurkaria, eta tantoa amaitzeko garaian ere inspiratuta aritu zen. Ordea, garai txarrean falta egin zuen saketik, eta horrek arnasa eman zion Lasori. Bere pilota kantxaratuta, bestelako itxura bat eskaini zuen Baikoko pilotariak hiruzpalau tantoz. Bitan pentsatu gabe airearen bila joatea erabaki zuen, eta 9-11ra arte ere hurbildu zen. Batez ere, ezker airearen bidez lortu zituen tantoak. Baina bistakoa zen ez zela haren egunik onena, eta saketik falta egin zuen 10-12koan. Tarte luze horretan elkarri opari dezente egin zizkioten bi pilotariek, kantxan zegoen tentsioa tarteko. «Egia da bizpahiru opari egin ditudala, baina, halere, oso ongi sentitzen nintzen, eta banekien pixka bat asmatuz gero oso bideratua izango nuela partida», adierazi zuen Ezkurdiak partidaren amaieran. Ez zuen arrazoirik falta. Hanka sartzeak albo batera utzi zituen orduko eskuratu zuen alde erabakigarria.

Izan ere, 10-12kotik 10-21era egin zuen jauzi Aspekoak, aparteko jokorik egin beharrik gabe. Lehenik eta behin, sakea ederki baliatu zuen, eta, gero, pilota bizi ibiltzea izan zen haren lehentasuna. «Txapelketa honetan estreinakoz, gorputzak erantzun egin dit, eta horri esker joko azkarra egin ahal izan dut. Halako partidetan gozatze hutsa ez da gutxi, eta nik asko gozatu dut. Pilota bihurritzen ere ondo ibili naiz». Neurketaren bigarren zatian oso fresko jokatu zuen fisikoki, eta burutsu aritzea aski izan zuen irabazteko. Boleaz luze jota bere tokitik ateratzen zuen aurkaria, eta ezker airearekin garairik onenetako Ezkurdia gogorarazi zuen.

Lasok asko erraztu zizkion lan horiek denak. Saiatu zen jokoa nahasten buruz buruko txapelduna, baina psikologikoki erasan samarra suma zitekeen, oso trakets aritu baitzen tanto askotan. «Ez naiz ni neu izan tanto bakar batean ere. Burumakur jokatu dut hasieratik, eta emaitzak ez, jokoak kezkatzen nau gehien. Ez dut ezer ondo egin; ea porrotak ikasteko balio didan», aitortu zuen partidaren amaieran. Ezohiko akatsak egin zituen. Besteak beste, erdiko bi sake lurrera joan zitzaizkion errestoan, eta ia eginda zituen tantoak ere ez zituen bukatu. Azken txanpan, dena galduta zuela, gutxienez jokoa hobetuko zuen itxaropena izango zuten pilotazaleek, baina horretarako gairik ere ez zuen erakutsi.

Altuna eta Dario, gaur

Kontuak hala, Ezkurdiak eta Peio Etxeberriak finalerako toki bat izango dute jokoan. Bi lagun minak elkarren aurkari izango dira beraz, beste behin. Eta gaur jakingo da beste finalerdia zein izango den, Jokin Altunak eta Dario Gomezek indarrak neurtuko baitituzte, Tolosan, (Gipuzkoa), Beotibarren (17:00, ETB1). Faborito garbia izango da Amezketakoa (Gipuzkoa), baina ezustea eman nahiko du errioxarrak. Irabazleak Aitor Elordiren aurka jokatuko du, gaur zortzi, Bilbon.]]>
<![CDATA[Noizbait behar zuen]]> https://www.berria.eus/paperekoa/1946/028/001/2022-10-23/noizbait_behar_zuen.htm Sun, 23 Oct 2022 00:00:00 +0200 Jon Eskudero https://www.berria.eus/paperekoa/1946/028/001/2022-10-23/noizbait_behar_zuen.htm
Reala. Remiro; Gorosabel, Zubeldia, Le Normand, Diego Rico; Brais Mendez (Illarramendi, 63. min.), Zubimendi, Merino (Turrientes, 80. min.), Silva (Robert Navarro, 46. min.); Kubo (Pablo Marin, 74. min.) eta Carlos Hernandez (Karrikaburu, 63. min.).

Golak. 1-0. Sergio Leonek (16. min.).

Epailea. Figueroa Vazquez. Txartel horiak: Valladolideko Javi Sanchezi eta Oscar Planori; eta Realeko Zubimendiri, Robert Navarrori eta Brais Mendezi.

Bestelakoak. 21.175 ikusle Jose Zorrillan.

Gaizki ohituta ziren Realeko jarraitzaileak aspaldian, eta atzo jaitsi behar izan zuten olatutik. Azken zortzi partidetan garaipena erdietsi ondotik, errekorrak eta bestelakoak hausteko itxaropena bazuten txuri-urdinek, baina erarik txarrenean amaitu zuten bolada ona. Izan ere, oso partida kaskarra jokatuta galdu zuten Valladoliden (Espainia). Azken ordu laurdenean salbu, freskotasunik eta erritmorik gabe jokatu zuten; hori gutxi ez, eta defentsan ere bigun aritu ziren. Era horretan iritsi zen etxekoen gola, Sergio Leonen eskutik. Oro har, azken partidetako jokorik ez zuen egin Imanol Alguacilek entrenatutako taldeak. Epaileak ere ez zion gehiegi lagundu, zalantzaz jositako gol bat bertan behera utzi baitzion Kubori.

Aurrez esana zuen Imanolek partida trabatua izango zela, eta bete-betean asmatu zuen. Aurreko jardunaldian Celtari 4-1 irabazi zion etxeko taldeak, eta jakina zen konfiantzaz izango zirela haren jokalariak. Hortaz, lehen minutuetan eustea gakoa zen txuri-urdinentzat. Ordea, ez zen halakorik gertatu. Lehia hasi orduko, falta ugari egon ziren, nahiz eta epaileak erdiak adierazi ez. Horixe gertatu zen Valladoliden lehen abisuan. Kontraeraso batean gola sartu zuen, baina epaileak, VARak hala agindu ziolako, bertan behera utzi zuen, aurrez Brais Mendezi egindako falta batengatik. Dena den, hurrengo minutuan iritsi zen 1-0ekoa. Ezerezetik, gainera. Baloi luze bat aski izan zuen Sergio Leonek gola sartzeko; Le Normand eta Remiro ez ziren batere fin aritu.

Golaren ondoren, behetik gora egin zuen Realak, eta, pazientzia lagun, baloia ongi mugitzen hasi zen batera eta bestera. Sakontasunik topatu ez arren, bazirudien jokoa kontrolpean zuela. Baina egoera horretan eroso sentitu ziren etxekoak, kontraerasoan min egiteko aukerak sortu baitzituzten. Weismannek bere oinetan izan zuen bigarren gola, baina Remirok geldiketa aparta egin zion. Bien bitartean, beste arean gol aukerak sortu ezinda zebilen Reala, eta areaz kanpotik ahalegindu ziren Kubo, Brais Mendez eta Merino. Ematen zuen atsedenaldira bere horretan helduko zirela bi taldeak, baina Kubok gola sartu zuen. Alferrik, baina. Jokaldi berean aurrez egondako falta bat adierazi zuen epaileak, eta gola bertan behera utzi. Zalantzaz jositako erabakia izan zen.

Gazteekin, hobeto

Bigarren zatiari begira, emaitza bera zen gauzarik onena txuri-urdinentzat, oraindik ere partidan sartuta baitziren. Silvaren tokian Robert Navarro zelairatu zuen entrenatzaile oriotarrak, baina jokoan aukerak sortu ezinda zebilen taldea. Horregatik, baloi geldian min egiten saiatu ziren, eta 52. minutuan aukera ederra izan zuen Carlos Fernandezek. Ez zuen asmatu buruz baloia jotzen ere. Odolkiak ordainetan azkar ekarri zituen Valladolidek, ia korner batean bigarren gola sartu baitzuen. Atepean kanpora bidali zuen baloia Feddalek. Panorama ilunaren ondorioz, aldaketa gehiago egin zituen Imanolek, eta, Illarramendirekin batera, bi gazte sartu ziren zelaira: Karrikaburu eta Pablo Marin. Batez ere, azken horren mugimenduekin minuturik onenak izan zituzten donostiarrek.

Harrobiko gaztea ezin hobeto mugitu zen etxekoen lerro artean, eta norgehiagoka gehiago ireki zen. Atzean arriskuak hartu zituen Realak, baina beste erremediorik ez zuelako. Turrientes ere sartu zen zelaian, eta, jokoaren agintea hark hartuta, bestelako Reala ikusi ahal izan zen amaierara arte. Gola ere sartu zuen Zubimendik 84. minutuan, baina bertan behera geratu zen, Karrikabururen jokoz kanpoko batengatik. Hamar minutu on ez ziren aski izan puntu bat lortzeko. Hortaz, atzokoa ahaztu eta Europara begira jartzea tokatzen zaio orain Realari: ostegunean jokatuko du Zipren, Omoniaren aurka.

«Halakoa da futbola: aurkaria baino gehiago asmatu beharra dago. Valladolid zoriondu besterik ez dago», esan zuen Imanol Alguacilek partida amaieran.]]>
<![CDATA[Bolada eten zaie txuri-urdinei]]> https://www.berria.eus/albisteak/219819/bolada_eten_zaie_txuri_urdinei.htm Sat, 22 Oct 2022 19:39:23 +0200 Jon Eskudero https://www.berria.eus/albisteak/219819/bolada_eten_zaie_txuri_urdinei.htm <![CDATA[Estreinakoz eta nagusitasunez]]> https://www.berria.eus/paperekoa/1909/024/002/2022-06-29/estreinakoz_eta_nagusitasunez.htm Wed, 29 Jun 2022 00:00:00 +0200 Jon Eskudero https://www.berria.eus/paperekoa/1909/024/002/2022-06-29/estreinakoz_eta_nagusitasunez.htm
Hain justu, pilota afizionatuaren egutegian «gehien» maite duten txapelketa da BERRIArena, Jabi Gelbentzu LAPKEko koordinatzailearen esanetan. «Ilusio handia genuen txapelketa hau irabazteko, eta oso pozik gaude. Kluba bere osoan hartuta, lehiaketa honek adierazten du elkarte bakoitza non kokatuta dagoen Euskal Herrian, eta onenak gu garela ikusteak sekulako poza ematen du». Orain urte batzuk, ez zuen pentsatuko halako zerbait lortuko zutenik. «1997an hasi nintzen elkartean lanean, eta 2010ean urrats sendoagoa egin genuen: profesionalizatu egin genuen kluba, eta eguneroko lanak ekarri gaitu onenak izatera».

Orduak eta orduak daude txapelaren atzean. Astelehenetik igandera bitarteko lana eskatzen du pilotak, eta Gelbentzu langile aritu da, Asier Mintegi entrenatzailearekin batera. «Garbi genuen entrenamendu onak egitea zela gakoa, eta horretan saiatu gara. Lan saio bikainak antolatuz gero, eta kudeaketa egoki bat izanez gero, funtzionatu egiten du elkarteak, eta guk lortu dugu pilotariak erakartzea».

Pilotari gehienak goierritarrak dituzte, baina kanpotik ere hurbiltzen zaizkie. «Guztien jarrera oso ona da, eta eskertuta gaude. Adibidez, Beñat Garmendiak, nagusien mailako pilotariak, bazituen konpromiso gehiago, baina finala jokatu nahi izan du, klubarentzat oso garrantzitsua zelako».

Aurrez pentsatua zuten gidoia ezin hobeto bete zen finalean. Kadeteen mailan, Izagirre-Ibarluzeak 22-4 irabazi zieten Tolosa-Castrori. Gazte mailan, 22-19 nagusitu ziren Zubizarreta-Telleria Amondarain-Gabirondoren aurka. Eta, nagusietan, Senar-Garmendiak 22-5 menderatu zituzten Elola-Aizpuru. Argi dute helburua: «Aurrera begira, txapelari eustea izango da gure erronka».]]>
<![CDATA[Derbi baten traza izango du finalak]]> https://www.berria.eus/paperekoa/1876/021/001/2022-06-25/derbi_baten_traza_izango_du_finalak.htm Sat, 25 Jun 2022 00:00:00 +0200 Jon Eskudero https://www.berria.eus/paperekoa/1876/021/001/2022-06-25/derbi_baten_traza_izango_du_finalak.htm
Oreka eta emozioa aurreikus daitezke finalaren atarian, eta pilotariak ilusioz gainezka dituztela nabarmendu dute bi klubetako ordezkariek: Mikel Olaetxea Tolosakoak eta Jabi Gelbentzu lazkaotarrak. Haien esanetan, bi elkarteentzat ere egun garrantzitsua izango da, urte osoan egiten duten lana saritzen baitu Berria Txapelketak.

Gelbentzuren hitzetan, motibazioz beteta daude finala jokatzeko, lortu baitute aspalditik jomugan zuten helburua. «Urte asko daramatzagu pilotaren harrobiarekin lanean, eta azken urteotan gorakada izan dugu. Urte osoko lanean sinesten dugu, eta, txapelketa honetan hiru finalerdi galduak izan ondotik, aurten jokatuko dugu estreinakoz finala. Hitz handiak dira guretzat».

Tolosaren izena ohikoagoa da txapelketaren historian, baina Olaetxeak aitortu du gero eta zailagoa zaiela bi onenen artean sartzea. «Pilota elkarteek boladaka funtzionatzen dute askotan, eta aurten urte polita tokatu zaigu. Batez ere garrantzia ematen diogu behe mailetako gazteekin lan egiteari. Gogotsu joango gara».

Tolosako entrenatzailearen iritziz, Berria Txapelketak sortzen du zerbait berezia elkarteen barruan. «Guri izugarri interesatzen zaigu lehiaketa; pentsa, barne araudian idatzita daukagu txapelketa honi prestigioa eman behar zaiola». Izan ere, afizionatu mailako pilotari asko eta asko txapelketa pribatuei begira bizi dira, eta lehiaketa honek beste zerbait sustatzeko modua ematen du. «Batetik, kadete, gazte eta nagusi mailetako pilotarien harremana bultzatzen du, denek bat eginda jokatzen dutelako. Eta, bestetik, klubaren benetako osasuna adierazten du».

Iritzi berekoa da Gelbentzu ere. «Elkarteka joka daitekeen txapelketa bakarra da, eta izugarrizko garrantzia ematen diogu parte hartze hutsari. 2010ean kluba profesionalizatu genuenetik, maila txukuna lortzen ari gara adin guztietan, eta halako final batean jokatzeko aukera izateak lanean segitzeko gogoa bultzatzen du».

Tolosari dagokionez, hiru kanporaketa gainditu behar izan ditu finalerako bidea egiteko. Kanpoan utzi ditu, hurrenez hurren, Galdakaoko Adiskide, Andoaingo Gazteleku eta Ultzamako Buruzgain. «Zalantza askorekin ekin genion lehiaketari, garai hartan pilotari dezente genituelako lesionatuak. Lehen kanporaketan estu samar ibili ginen. Gerora, ia pilotari berekin jarraitu dut, eta oso pozik nago haien lanarekin. Sasoi onean iritsiko gara finalera», esan du Olaetxeak. Lazkaotarrek ere hiru jaialdi izan dituzte finalera bitarte: Markina, Doneztebeko Erreka eta Iruñeko Oberenari irabazi diete. Finalerdietan sufritu behar izan zuten gogotik. «Oberenaren aurka gorriak ikusi genituen, nagusien mailan zazpi tanto egin behar eta ezinean ibili baikinen. Horregatik, finalerako badakigu tanto bakoitzak izango duela garrantzia».

Finala, 'Berria.eus'-en

Finalari begira, estu izango dira pronostikoak, baina baliteke lazkaotarrak apur bat faborito izatea. Izan ere, kadeteen mailan baliteke Goierrira egitea puntuak, eta nagusietan Tolosara. Ondorioz, gazteen arteko lehia erabakigarria gerta daitekeela uste dute biek. Kadeteetan, Izagirre eta Karregal lazkaotarrak ariko dira Tolosa eta Castro tolosarren aurka. Gazteetan, Zubizarreta-Telleriak eta Amondarain-Gabirondok neurtuko dituzte indarrak. Azkenik, nagusietan esperientzia handiko lau pilotari ariko dira: Senar-Garmendia Lazkaotik eta Elola-Aizpuru Tolosatik. Hain zuzen, Elolak bertan behera utzi zuen finalerdietako partida, ukalondoan lau puntu eman zizkiotelako. Antza denez, prest izango da biharko. Finala Berria.eus webgunean ikusi ahal izango da zuzenean.]]>
<![CDATA[Usteak ez dira usteldu]]> https://www.berria.eus/paperekoa/1879/022/001/2022-06-22/usteak_ez_dira_usteldu.htm Wed, 22 Jun 2022 00:00:00 +0200 Jon Eskudero https://www.berria.eus/paperekoa/1879/022/001/2022-06-22/usteak_ez_dira_usteldu.htm
HERNANIN
Oberena (Iruñea) 1
LAPKE (Lazkao) 2

Azken hamarkadan gehien hazi den elkartea da LAPKE, eta estreinakoz ariko da finalean. Ondo merezita, gainera, Oberenari ere nagusitasunez irabazi baitzion finalerdia. Jaialdiko lehen partidan, Lazkaoko Izagirre-Ibarluzeak 22-11 irabazi zieten Oberenako Sanchez-Santestebani. Kadeteen mailan Euskal Herriko lau pilotari onenetakoak kantxan izaki, lehia gogorra aurreikus zitekeen, eta usteek ez zuten hutsik egin. Lehen zati orekatua eta nekagarria izan zuen partidak (12-10), baina hortik aurrera sendoago agertu ziren gipuzkoarrak.

Gazte mailako norgehiagoka izan zen jaialdiko onena. Nor baino nor gehiago aritu ziren Zubizarreta-Telleria lazkaotarrak eta Sarasibar-Balerdi Oberenakoak. Atzeko koadroetan agindu egin zuen Balerdik, eta haren aginteari etekina atera zion Sarasibarrek. Parekotasuna izan zen nagusi azken txanpara arte (18-18). Baina Zubizarreta agertu zen une erabakigarrian. Ordura arte apur bat itzalita egon bazen ere, behar zenean bere mailaren berri eman zuen aurrelariak, eta haren lan onari esker 22-18 irabazi zuten gipuzkoarrek. Hala, nagusien mailan zazpi tanto egitea aski zuten LAPKEko Senar-Garmendiak Oberenako Mata-Aldaberen aurka. Ordea, latz kosta zitzaien. 15-6 atzetik ere joan ziren. Azkenerako 22-18 irabazi zuten nafarrek.

HERNANIN
Buruzgain (Ultzama) 1
Tolosa 2

Tolosak, berriz, ez zuen askorik sufritu finalerako sailkatzeko, lehen bi partidetan erabakita utzi baitzuen kanporaketa, Buruzgainen aurrean. Txapelketa honetan urrezko lerroetan ageri da Tolosaren izena, eta aurten ere badu motiborik koska gorenera igotzeko. Kadeteen mailan, Tolosako Tolosa-Castrok 22-12 irabazi zieten Burzgaineko Barberena-Gaskueri. Behetik gora nabarmen egin du azken hilabetean bikote gipuzkoarrak, eta finalerdiko tentsioak ez zion askorik eragin. Hasi eta buka, oso sendo jokatu zuten, eta aurkariak baino gehiago izan ziren. Nafarrak saiatu ziren tanto gehiago egiten, baina opari gehitxo egin zituzten.

Gazteen mailan ere 22-12 irabazi zioten Tolosako Amundarain- Gabirondok Ultzamako Mikelarena-Garañori. Lehia gogorra aurreikus zitekeen, baina, atzean ez zenez alderik egon, aurrean erabaki zen. Era guztietako tantoak egin zituen Amundarainek; hura izan zen onena. Beraz, nagusietan hiru tanto egin behar zituzten gipuzkoarrek finalean izateko, eta azkar lortu zuten helburua Elola- Aizpuruk Iriarte-Landiribarren kontra. Baina nafarrak 11-14 aurretik zirela, min hartu zuen Elola Tolosako aurrelariak, eta bertan behera utzi zuten partida.]]>
<![CDATA[Bi nafar eta bi gipuzkoar]]> https://www.berria.eus/paperekoa/1840/021/001/2022-06-15/bi_nafar_eta_bi_gipuzkoar.htm Wed, 15 Jun 2022 00:00:00 +0200 Jon Eskudero https://www.berria.eus/paperekoa/1840/021/001/2022-06-15/bi_nafar_eta_bi_gipuzkoar.htm
TOLOSA
Tolosa 0
Gazteleku (Andoain) 3

Txapelketa hasterako, faboritoen zerrendan indartsu ageri zen Tolosa, eta ez alferrik. Izan ere, finalerdietarako bidean ez dute inolako oztoporik izan orain arte. Tolosako Beotibarren bertan jaso zuten Andoaingo Gaztelekuren bisita, igande goizez, eta lehen partidatik nagusitu ziren etxekoak. Kanporaketako partidarik ederrena eskaini zuten kadeteek, eta, gorabehera ugariren ondoren, 22-19 irabazi zuten Tolosak eta Castrok Gaztelekuko Zestau eta Segurolaren kontra. Ondo aritu ziren lau gazteak: piloteoan nor baino nor gehiago jokatu zuten bi atzelariek, eta aurrean ere izan ziren tanto onak. Hots, 12-18 aurretik joan ziren bisitariak, baina ez zuten asmatu aldeari eusten, eta azkenean, kastari esker, irabazi egin zuten tolosarrek.

Lehen puntua galduta, burumakur geratu ziren andoaindarrak, eta garesti atera zitzaien hurrengo bi partidetan. Gazte mailan, Tolosako Amundarain eta Gabirondok 22-6 menderatu zituzten Gaztelekuko Gaztañaga eta Beloki. Ezeren gainetik, Amundarainen jokoa nagusitu zen. Hark ipini zuen erritmoa, eta aurka egin ezinda ibili ziren andoaindarrak. Beloki ahalegindu zen eskuin eskuko kolpea baliatzen, baina ezin izan zuen. Galtzaileen borondatea ez zen aski izan tanto gehiago egiteko. Hala, nagusien mailan hiru tanto egitea aski zuten tolosarrek, baina ez ziren horrekin bakarrik konformatu. Txukun jokatzea aski izan zuten Elolak eta Aizpuruk Gaztelekuko Eskudero eta Usandizagari 22-9 irabazteko.

HERNANIN
Buruzgain (Ultzama) 3
Ilunpe (Azpeitia) 0

Tolosaren antzeko gidoia erabili zuen Ultzamako Buruzgainek Azpeitiko Ilunperi irabazteko, igande arratsaldez, Hernaniko pilotalekuan. Kadeteen arteko puntua ozta-ozta eskuratu ostean, hurrengo bi partidetan errazago nagusitu ziren nafarrak. Kadeteen mailan 22-20 irabazi zuten Buruzgaineko Barberenak eta Gaskuek Ilunpeko Bidezabal-Larrañagaren aurka. Neurketa aparta jokatu zuten lau pilotariek: ia lehia osoan aurretik joan ziren gipuzkoarrak (8-15), baina nekea sumatu zuten azken txanpan. Fisiko onari esker garaipen bikaina lortu zuten ultzamarrek.

Gazte mailan ez zen sorpresarik izan, eta Mikelarena eta Garaño nafarrek 22-12 irabazi zieten Ilunpeko Odriozola eta Egigureni. Atzeko koadroetan, bere mailako atzelaririk onenetakoa izaki, aise nagusitu zen Garaño, eta haren agintea ez zuen alferrik galdu Mikelarenak. Tanto ederrak lortu zituen, eta sakez min handia egin zuen. Oraindik ez zegoen guztia erabakita nagusien partidaren hasieran, baina ez zen batere emoziorik izan. Hamar tanto egin beharra zuten nafarrek, eta aitaren batean lortu zituzten, 10-2 aurreratu baitziren. Sendo jokatu zuten, eta Iriartek eta Oskozek 22-12 irabazi zieten Ilunpeko Larrañagari eta Labakari. Iriarteren inspirazioa aipagarria izan zen.]]>
<![CDATA[Kontuak argituz doaz]]> https://www.berria.eus/paperekoa/1873/022/001/2022-06-08/kontuak_argituz_doaz.htm Wed, 08 Jun 2022 00:00:00 +0200 Jon Eskudero https://www.berria.eus/paperekoa/1873/022/001/2022-06-08/kontuak_argituz_doaz.htm
HERNANIN
Hernani 0
Oberena (Iruñea) 3

Faborito nabarmena zen Oberena Hernaniren aurkako kanporaketan, eta aurreikuspenak ondo baino hobeto bete zituzten nafarrek, joan den igande goizez, Hernaniko pilotalekuan (Gipuzkoa). Historikoki emaitza bikainak lortu izan ditu Oberenak Berria Txapelketan, eta igandean ere erakutsi zuen kontuak oso serio hartzen dituela, elkarteko pilotari onenekin lehiatu baitzen. Kadeteetan, Sanchez eta Santesteban nafarrek 22-3 irabazi zieten Hernaniko Iturbe-Azpeitiari. Ez zuen kolorerik izan partidak. Bikote lehiakorra osatzen dute hernaniarrek, baina koska bat gorago daudela erakutsi zuten Oberenakoek.

Gazte mailan ere Oberenako Sarasibar-Balerdi ziren faboritoak Hernaniko Jara-Etxarriren aurka, eta ez zuten barkatu. Hasieratik beste abiadura batean ibili zuten pilota, eta 22-7 nagusitu ziren. Batez ere, atzean egon zen aldea, eta, Etxarrik nahikoa egin bazuen ere defentsan, Jarak erabat salduta jokatu behar izan zuen. Saiatu zen kontraerasoan min egiten, baina nafarren joko erauntsiak ez zuen etenik izan. Hala, guztia erabakita zegoen nagusien partida jokatzerako, eta horretan ere erraz irabazi zuten bisitariek. Oberenako Mata-Aldabe 22-9 nagusitu ziren Hernaniko Ojuel-Lizeagaren kontra. Hura izan zen jaialdiko partidarik onena. Tanto polit ugari egon ziren, baina nafarrek aise irabazi zuten.

HERNANIN
Erreka (Doneztebe) 0
LAPKE (Lazkao) 3

Bigarren final-laurdena igande arratsaldez jokatu zen, Hernanin bertan, eta kasu honetan Gipuzkoako elkartea nagusitu zen. Izan ere, Lazkaoko LAPKE arazorik gabe nagusitu zitzaion Doneztebeko Errekari. Nafarrak lan bikainak egindakoak dira Berria Txapelketan, baina aurten bidean geratu beharko dute. Izan ere, pilotari interesgarriak dituzte lazkaotarrek, eta txapela janzteko hautagai sendoenetako bat dira. Euskal Herriko bikote onenetakoa dute kadeteen mailan, eta joan den igandean ere erakutsi zuten euren maila. Izagirre-Ibarluzeak 22-1 irabazi zieten Errekako Oiartzabal-Barbarini. Alde nabarmena nabaritu zen bi bikoteen artean.

Jaialdiko partidarik interesgarriena gazteen mailan espero zen, maila horretako bi aurrelari onenek jokatzen zutelako, baina uste baino errazago irabazi zuten gipuzkoarrek: 22-8 nagusitu ziren Zubizarreta-Telleria, Apezetxea-Agestaren aurka. Bestelako sendotasun batekin jokatu zuten gipuzkoarrek. Oso opari gutxi egin zituzten, eta Zubizarreta jokoan sartu zen bakoitzean min egin zuen. Nahi eta ezin aritu ziren nafarrak.

Hala, ez zuten ezer izan jokoan nagusiek, baina haiek eskaini zuten jaialdiko partidarik onena. Gogortasuna eta kalitatea nagusitu ziren, eta azkenerako 22-20 irabazi zuten LAPKEko Irribarria-Olidenek Oberenako Barandiaran-Cuairanen aurka.]]>
<![CDATA[Zortzi onenek jarraituko dute txapelketan]]> https://www.berria.eus/paperekoa/1879/021/001/2022-06-01/zortzi_onenek_jarraituko_dute_txapelketan.htm Wed, 01 Jun 2022 00:00:00 +0200 Jon Eskudero https://www.berria.eus/paperekoa/1879/021/001/2022-06-01/zortzi_onenek_jarraituko_dute_txapelketan.htm
ANDOAIN
Gazteleku 2
Oteiza 1

Kanporaketa orekatuagoa espero zen Andoaingo Gaztelekuren eta Azkoitiko Oteizaren artean, baina azkoitiarren huts pare batek lanak asko erraztu zizkieten andoaindarrei. Etxean jokatzearen abantaila ederki baliatu zuten azken horiek. Kadeteetan, goi mailako partida ikusi ahal izan zuten pilotazaleek, eta Gaztelekuko Zestau eta Segurolak 22-14 irabazi zieten Oteizako Aldazabali eta Egañari. Lau pilotari onek jokatu zuten, baina Segurola izan zen onena. Gazte mailan ere Gaztelekuk eskuratu zuen garaipena, Gaztañagak eta Belokik 22-8 menderatu baitzituzten Etxaniz eta Juaristi. Maila horretako atzelaririk onenetakoa da Beloki. Epelak eman zizkion pilotari, eta haren agintea ongi baliatu zuen Gaztañagak aurreko koadroetan.

Dena erabakita zegoen nagusien partida jokatzerako, baina, halere, jaialdiko partida onena eskaini zuten Eskudero-Usandizaga andoaindarrek eta Oteiza-Juaristi azkoitiarrek. Tentsiorik ez, eta errematera bideratu zuten jokoa, eta tanto onak ikusi ahal izan ziren aurrean. Lehia berdinduaren ostean, tanto batengatik eskuratu zuten garaipena azkoitiarrek.

HERNANI
Tolosa 2
Adiskide 1

Andoaindarrek egin bezala, tolosarrek ere lehen bi partidetan erabaki zuten kanporaketa, Galdakaoko Adiskideren aurrean. Kadeteetan ez zen lehia handirik izan, eta Tolosak eta Castrok 22-5 irabazi zieten Ereño eta Gomezi. Pronostikoak bete ziren partida horretan, baina ez zen espero gazte mailan bide bera hartuko zuenik gidoiak. Neurketa gogorra eta orekatua aurreikusten zen Tolosako Amundarain-Gabirondo eta Adiskideko Ariznabarreta-Arroitaren artean. Ordea, bizkaitarrek euren mailatik oso behera jokatu zuten, eta 22-3 nagusitu ziren gipuzkoarrak. Amundarainek aurrean eginiko erremateak apartak izan ziren.

Horiek horrela, nagusiek ez zuten ezer izan jokoan, eta Adiskidek ohorezko puntua eskuratu ahal izan zuen. Nahiz eta bi aurrelarirekin kantxaratu, Legorburuk eta Karregalek goi mailako partida jokatu zuten, eta merezita irabazi zieten Tolosako Labaka eta Albenizi (14-22).

ANDOAIN
Garai-Gaminde 22
Arraiza-Agirre 10

Emakumezkoen bigarren finalerdia ere jokatu zen igandean, Andoaingo pilotalekuan, eta Leire Garaik eta Enara Gamindek 22-10 irabazi zieten Miriam Arraiza eta Naroa Agirreri. Faborito ziren irabazleak, eta ez zuten huts egin. Berdintsu joan ziren lehen tantoak, baina Garaik motorrak berotu zituenean erabakigarri gertatu zen haren jokoa. Gaminde gazteak ongi lagundurik, sendo eta inspiratuta jokatu zuen Garaik, eta aurkariek ezin izan zuten ezer egin. Hala, Garaik eta Gamindek aurkari izango dituzte finalean Olatz Arrizabalaga eta Nora Mendizabal, hilaren 24an, Hernanin.]]>
<![CDATA[Etxean uso, kanpoan otso]]> https://www.berria.eus/paperekoa/1912/021/002/2022-05-25/etxean_uso_kanpoan_otso.htm Wed, 25 May 2022 00:00:00 +0200 Jon Eskudero https://www.berria.eus/paperekoa/1912/021/002/2022-05-25/etxean_uso_kanpoan_otso.htm
BURLATAN
Buruzgain (Ultzama) 2
Zugarralde (Burlata) 1

Etxean jokatzeari ez zion inolako etekinik atera Burlatako Zugarraldek, igande goizez, Askatasuna pilotalekuan. Izan ere, lehen bi partidetan galdu zuen kanporaketa. Kadeteen mailan, Buruzgaineko Barberenak eta Gaskuek 22-10 irabazi zieten Zugarraldeko Urmenetari eta Hualderi. Partida estua aurreikus zitekeen, eta lehiaren hasierak ez zuen bestelakorik adierazi. Bosnakora arte estu joan ziren kontuak, baina, hortik aurrera, Gaskueren sendotasunak agindu zuen. Barberenak ongi lagunduta, garaipen erosoa lortu zuten bisitariek.

Gazteen arteko partidan ez zen kolorerik egon, Ultzamako Mikelarenak eta Garañok 22-2 menderatu baitzituzten Zugarraldeko Rebole eta Salcedo. Maila horretan dagoen atzelaririk onenetakoa da Garaño, eta haren joari aurre egin ezinda aritu ziren etxekoak. Mikelarenak ere min handia egin zuen sakearen bidez. Horiek hala, guztia erabakita zegoen nagusien partida jokatzerako, eta, akaso horren ondorioz, ez zen partida ona izan. Oso maila oneko lau pilotari kantxaratu ziren, baina Zugarraldeko Elizaldek eta Alduntzinek oso erraz irabazi zieten Ultzamako Iriarteri eta Sarasari: 22-10. Sarasa kantxari neurria hartu ezinda ibili zen, eta Elizaldek hori baliatu zuen mota guztietako tantoak egiteko.

IURRETAN
Ilunpe (Azpeitia) 2
Olaburu (Iurreta) 1

Buruzgainek egin bezala, Ilunpek ere garaipen bikaina lortu zuen etxetik urrun, igande arratsaldez. Triste samar joan zen kanporaketa, hiru partidetan ezer handirik ikusi gabe geratu baitziren pilotazaleak. Lehen bi partidetan oso nagusi izan ziren azpeitiarrak, eta azkenekoan ohorezko puntua lortu zuten etxekoek. Hain zuzen, kadeteen mailan 22-10 irabazi zieten Ilunpeko Otaegik eta Larrañagak Olaburuko Zarateri eta Aldeari. Hasiera berdindua izan zuen lehiak, zortzinakora arte behintzat, baina, hortik aurrera, Otaegiren joak agindu zuen neurketan. Haren eskuin indartsuak abantaila eman zien.

Askoz errazago nagusitu ziren gipuzkoarrak gazteen arteko partidan: Labakak eta Egigurenek 22-2 hartu zituzten mendean Olaburuko Rementeria eta Romero. Aurrean zein atzean askoz gehiago izan ziren irabazleak. Kontuak hala, ez zegoen ezer jokoan nagusien partidan, baina, gutxienez, puntu bat eskuratzeko baliatu zuten aukera bizkaitarrek. 22-6 irabazi zuten Bereikuak eta Diezek Elosegiren eta Larrañagaren kontra. Hutsune garrantzitsuak zituen Ilunpek maila horretan, baina bizkaitarren garaipena ez dago ezbaian jartzerik, maila dotorean jokatu baitzuten.]]>
<![CDATA[Ez daude barkatzeko]]> https://www.berria.eus/paperekoa/1879/020/001/2022-05-18/ez_daude_barkatzeko.htm Wed, 18 May 2022 00:00:00 +0200 Jon Eskudero https://www.berria.eus/paperekoa/1879/020/001/2022-05-18/ez_daude_barkatzeko.htm
ZARATAMO
Erreka (Doneztebe) 2
Upo Mendi (Zaratamo) 1

Izerdia latz bota behar izan zuen Errekak Upo Mendi mendean hartzeko, igande goizez, Zaratamoko pilotalekuan (Bizkaia). Etxekoek ezin izan zuten nagusitu, nahiz eta jaialdiko lehen partida aise irabazi. Kadeteen mailan 22-1 irabazi zuten Upo Mendiko Elorzak eta Gomezek Errekako Oiartzabal eta Jimenezen aurka. Partidak ez zuen kolorerik izan, eta batez ere sakearekin min egin zuen aurrelari bizkaitarrak. Askoz estuagoa eta hobea izan zen gazteena. Erabakigarria izan zen, gainera. Faborito atera ziren Errekako Apezetxea eta Agesta, baina oso justu irabazi zieten Upo Mendiko Iglesias eta Elortzari: 22-19. Hobeto hasi ziren bizkaitarrak, eta hamazazpinako berdinketara arte irekita mantendu zuten lehia. Baina Apezetxeak hartu zuen aginte makila, eta, haren lanari esker, nafarrek irabazi zuten.

Horiek hala, nagusien esku geratu zen guztia, eta Errekako Barandiaranek eta Cuairanek ez zuten hutsik egin. Presioarekin jokatzen badakitela erakutsi, eta 22-12 irabazi zieten Upo Mendiko Iglesias eta Gartziari. Hasieratik oso nagusi izan ziren nafarrak, eta Cuairanen joa eta Barandiaranen abilezia nagusitu ziren.

HERNANI
Lapke (Lazkao) 3
Markina 0

Errazago lortu zuen hurrengo faserako sailkapena Lazkaoko Lapke elkarteak, hiru partidatik hiru irabazi baitzizkion Markinari, igande arratsaldez, Hernanin (Gipuzkoa). Kadeteetan, Izagirrek eta Ibarluzeak 22 eta 11 menderatu zituzten Egurrola eta Calvo. Emaitzak adierazi baino askoz partida gogorragoa izan zen, ordubete baino gehiagoz aritu baitziren jo eta ke lau pilotariak. Baina gipuzkoarren sendotasunak ez zuen pitzadurarik izan. Opari oso gutxi egin zituzten. Gazteen arteko lehiak ez zuen kolorerik izan, Lazkaoko Zubizarretak eta Telleriak 22 eta 2 irabazi baitzieten Markinako Ibarloza eta Alvarezi. Maila horretan dagoen aurrelaririk onenetakoa da Zubizarreta, eta haren jokoari aurre egin ezinda ibili ziren bizkaitarrak.

Dena erabakita zegoela jokatu zuten nagusiek, eta lazkaotarrek irabazi egin zuten hirugarren partida ere. Senar eta Garmendia 22 eta 11 nagusitu ziren Agirreamalloa eta Ibarlozaren kontra. Txapelerako hautagai sendoa dela erakutsi zuen Lapke elkarteak.]]>
<![CDATA[Nagusitasunez sailkatu dira]]> https://www.berria.eus/paperekoa/1879/024/001/2022-05-11/nagusitasunez_sailkatu_dira.htm Wed, 11 May 2022 00:00:00 +0200 Jon Eskudero https://www.berria.eus/paperekoa/1879/024/001/2022-05-11/nagusitasunez_sailkatu_dira.htm
HERNANI
Oberena (Iruñea) 3
Zazpi Iturri (Amezketa) 0

Berria txapelketako ezagun zahar bi aritu ziren igande goizez Hernanin: Oberena eta Zazpi Iturri. Garbi geratu zen gaur-gaurkoz nafarrek harrobi hobea dutela. Trantsizio moduko zerbait igarotzen ari dira amezketarrak azken urteotan, eta, gauzak ondo egiten ari izanagatik ere, ezin izan zuten ezer egin Oberena mendean hartzeko.

Kadeteen partidan, esaterako, Oberenako Sanchez-Santestebanek 22-1 irabazi zieten Zazpi Iturriko Ruiz-Karrerari. Sanchezen sakea bueltatu ezinda aritu ziren gipuzkoarrak. Emaitza berarekin nagusitu ziren nafarrak bigarren partidan ere. Sarasibar-Balerdik tanto bakarrean utzi zituzten Armaolea-Plazaola. Balerdik errebotean sarturiko pilotakada bat izan zen partidako onena.

Nagusien partida jokatzerako guztiz erabakita zegoen kanporaketa, baina, gutxienez, piloteo gehiago ikusi ahal izan zen partidan. Canabal-Aldabek ordezkatu zuten Oberena, eta Zabala-Belokik Zazpi Iturri. Aldabek agindu egin zuen atzean, baina defentsan sendo jokatu zuen Belokik, eta tanto politak egon ziren aurrean. Canabalek jaso zuen txalo gehien. 22-6 nagusitu zen Oberenako bikotea.

HERNANI
Hernani 3
Behar Zana (Amasa-Villabona) 0

Emaitza berarekin gainditu zuen Hernanik Behar Zana, baina lan gehixeago egin behar izan zuen, emaitzak ez baitziren hain nabarmenak izan. Kadeteetan, Hernaniko Iturbe-Azpeitiak 22- 11 irabazi zieten Aranburu-Otaegiri. Hasieratik hobeto jokatu zuten etxekoek, eta, horri esker, alde ederrarekin ibili ziren. Azpeitia atzelaria nagusi zen piloteoan, eta Iturbek ez zituen alferrik galdu aukerak. Behar Zanako bikoteak azken txanpan lortu zuen emaitza itxuratzea.

Gazte mailan ere etxeko bikotea nagusitu zen: Jara-Etxarrik 22-13 menderatu zituzten Aranburu anaiak. Lehen erdia parekatua joan zen, batez ere bi atzelarietako inork ez zuelako agintzen, baina erditik aurrera Jararen inspirazioak erabaki zuen norgehiagoka. Bikain aritu zen tantoa bukatzen.

Nagusien arteko partida aurreikus zitekeen kanporaketako parekatuena, baina Behar Zanak lesionatuta zituen pilotaririk onenak. Hala, bi gaztek jokatu zuten, Iraola-Jauregik, eta ezin izan zuten ezer egin Ojuel-Ortiz de Urbina beteranoen aurrean. 22-6 irabazi zuen etxeko bikoteak. Ojuel nabarmendu zen.]]>