<![CDATA[Jon O. Urain | Berria.eus]]> https://www.berria.eus Bere azken artikuluak eu Thu, 29 Sep 2022 17:32:55 +0200 hourly 1 <![CDATA[Jon O. Urain | Berria.eus]]> https://www.berria.eus/irudiak/berriaB.png https://www.berria.eus <![CDATA[«Utopien funtzioa energien aktibazioa da»]]> https://www.berria.eus/paperekoa/2041/008/001/2022-08-14/utopien_funtzioa_energien_aktibazioa_da.htm Sun, 14 Aug 2022 00:00:00 +0200 Jon O. Urain https://www.berria.eus/paperekoa/2041/008/001/2022-08-14/utopien_funtzioa_energien_aktibazioa_da.htm Utopia no es una isla liburua argitaratu zuen (Utopia ez da irla bat), eta ortzi muga kolektibo hobeak irudikatzeko beharra azpimarratu zuen. BERRIAk ariketa hori egingo du datorren astean; sei gai hizpide hartuta, arloz arlo bizpahiru lagun gogoetan eta hizketan jarri ditu, etorkizuneko Euskal Herriak izan beharko lukeena irudikatzeko asmoz.

Nola definitu utopia?

Utopiaz ari naizenean, gizarte hobeez ari naiz; ez utopiaz gizarte zerutiar gisa, gatazkarik gabea, non perfekzio moduko bat lortu den, non ez den ezer gertatzen, politikarik, historiarik eta gatazkarik gabe bizi delako. Politika gatazkaren kudeaketa da, besteak beste. Ez badago gatazkarik ez dago politikarik, ezta historiarik ere. Utopia edenikoek substratu erlijiosoa daukate; gizarte perfektuak dira, denak harmonian bizi dira. Hori izan zen utopiekiko ikuskera nagusia mende askotan, Tomas Morotik utopia kolonialetara eta lehen sozialismoetara.

Beraz?

Ni ez naiz horretaz ari, gizarte hobe bati buruz baizik. Horietan, gatazkak bere hartan dirau oraindik, baina gatazka hori kudeatzen da guztientzako modu justuago batean, eta ez elite ekonomiko batzuen behar eta nahien arabera. Ari naiz gizarte erradikalki hobe bati buruz, guztiontzat, baina ez arazorik eta ikuspegi aniztasunik gabeko bati buruz. Bigarren hori teologiaren erreinua da. Interesgarria eta inportantea da, baina ez da politikaren esparrua.

Zergatik dira beharrezkoak?

Utopiarik gabe oso zaila delako mobilizazio politikoa egotea; bereziki, gauzak aldatu nahi dituen mobilizazio bat egotea. Utopiarik gabe, gauzak sakon aldatu daitezkeelako eta hori gure esku dagoelako; ideiarik gabe, ezin dituzu aldaketak egin. Lehenik, mobilizatu behar duzu aldaketa horiek gauzatu daitezkeelako sinesmena eta nahia; aldaketa sakonak eta gizarte hobeak posible direla. Hori gabe, gehienera ere, gaur egun dagoena kudea daiteke, gauza batzuk aldatuz: kasurik onenean, sozialdemokrazia moduko bat; okerrenean, paralisira edo aukera okerragoetara zaramatza.

Sinesmena aipatu duzu. Hor dago gakoa?

Gauzak benetan aldatzeko aldatu behar diren zentzuan, eta klimaren krisiak esaten digu sakon aldatu behar direla, gizarte hobe baten aldeko pasio eta sinesmen batzuk mobilizatu behar dira. Horretarako, beharrezkoa da egin dezakegula sinestea. Funtsean, gauzak aldatzeko nahia sortu behar da, eta posible dela sinestea. Utopiak balio du aldaketa sakonerako aukerak mobilizatzeko.

Utopiak mobilizatzen du. Beraz, distopiak desmobilizatzen du?

Bai, uste dut distopiak paralizatzen duela. Pentsatzen baduzu etorkizuna halabeharrez okerragoa izango dela, zauden tokian geratu nahi duzu. Uste baduzu ezin dela ezer egin hori saihesteko, ziurrenik kontserbadorea bilakatuko zara, daukazunari eutsi nahi diozulako, datorrena okerragoa delako.

Klima aipatzen duzu adibide gisa; eustea ez dela nahikoa.

Klimaren krisiak erakusten digu egungoari eustea ez dela desiragarria, ezta posible ere. Asko eta azkar aldatzen ez badugu, gure bizitza propioak konprometitzen ari gara planetan; gizakiona, baina baita jada sufritzen ari diren beste espezie askorena ere. Beraz, oso erraza da etorkizunarekiko pentsamendu distopikoak paralisia sortzea. Defentsiban kokatzen zaitu; klimaren krisiaren testuinguruan, behar dugunaren justu kontrakoan.

Utopiak: helburu edo ortzi muga?

Niri asko gustatzen zait Eduardo Galeanok egin zuen sintesia: utopia beti da beharrezkoa ortzi muga gisa. Beti da ortzi muga bat: inoiz ez zara iristen, inoiz ez gaude han, baina hara joateko egiten dugu aurrera. Hain zuzen, aurrera egite horixe behar dugu. Eta aldaketa sakonak lortzen dituzunean ere, beti egongo dira egitekoak. Dena dago mugimenduan; hori erakusten digu naturak. Egin dezagun mugimendua izan dadin onerantz; planetarekiko harremanean, gainerako izaki bizidunekiko harremanean... Niretzat, hori da utopien funtzioa: energien aktibazioa.

Liburuan erreferentzia ugari egiten dizkiozu zinemari eta literaturari.

Hori oso ondo ikusten da Mad Max 2. Fury road pelikulan. Distopikoa da; apokalipsi osteko mundu batean gertatzen da, jada hondamendian dagoen mundu batean. Utopia batek mugitzen du protagonista; espero du ura dagoen eta dena berdea den leku batera iristea, baina hara iristean konturatzen da hori ez dela existitzen; daukan aukera dela itzulerako bidea egitea, eta bere hiriaren ordena aldatzea.

Mezua?

Filmaren azpitestu politikoa liluragarria da, hain zuzen erakusten duelako utopiaren egitekoa: aldaketa nahi duena mobilizatzea, martxan jartzea. Filmak dio ezin dela helburu edo helmuga batera iritsi; ez dagoela. Aldaketak ez daudela beste leku zerutiar batean. Utopia dela itzultzea eta zerorren lekutik gauzak aldatzen saiatzea. Hor lortzen dira aldaketak.

Liburuan, mundua irudikatzeko modua eta kontsumitzen diren kultur produktuak lotzen dituzu. Eta, hor, proposamen distopikoak dira nagusi. Zergatik dago hainbesteko eskaintza distopikoa, eta hain gutxi utopikoa?

Ekoizpen kulturala eta errealitatea modu konplexuan daude harremanetan. Kontua ez da gizarte jakin batek objektu kultural jakin batzuk sortzen dituela; hori horrela da, baina ez soilik norabide horretan: alegia, ekoizten diren produktu kulturalek aldatu egiten dute gizartea. Bi norabideko bidaia da. Aldatzen dira kontzientziak, gauzak ikusteko modua.

Bada, neoliberalismoak eta distopiak elkar indartzen dute, biak nahasteraino. Badugu sentipena distopietan bizi garela -abortuaren debekua eta The Handmaid's tale-.

Nola eragin du neoliberalismoak etorkizunaren ikuskeretan?

Neoliberalismoa boterean egonkortzen denean, erabat antiutopikoa da; etorkizun hobe batean ez sinesteaz gain, utopiei eraso egiten die. Interesgarria da neoliberalismoan pentsatzea Mark Fisherrek egiten zuen bezala: kontrairaultza gisa. 1960ko eta 1970eko hamarkadan talde armatuak zeuden, gerrillak Latinoamerikan, feminismoaren bigarren olatua... Eferbeszentzia politiko erradikal handia egon zen garai hartan, indarrean zegoen ordenaren zutabeak zalantzan jarri zituena.

Hori aldatu egin zen gero.

Fisherrek neoliberalismoa ulertzen du horren aurkako kontrairaultza gisa; eliteek neoliberalismoa sortu zuten hori guztia bukatzeko eta errepresio izugarri bat gauzatzeko. Arlo ideologikoan, mezu bat errepikatzen da: ez dago alternatibarik, ez dago etorkizunik. Estrategia errepresibo handia gehien mobilizaturiko militanteei zuzentzen zitzaien, baina herritar xeheentzat mezua bestelakoa zen: saiatzen den guztia gaizki bukatzen da. Giro hori ekoizpen kulturalak islatu zuen, distopien bidez. Islatu zuen, baina, aldi berean, erreproduzitu zuen.

Bada paradoxa bat: distopia batzuk sortu ziren joera autoritarioak salatzeko, baina aldi berean iruditeria bat sortzen lagundu dute: joera hori badatorrela.

Distopiak irudikatu zituzten autore guztiak ez ziren eskuin muturrekoak, eta ez zieten Tatcherren aginduei jarraitzen. Badaude. Kasu gehienetan, salatu nahi zuten egoera okerrera zihoala: Neskamearen ipuina liburuan, Margaret Atwoodek Mendebaldeko patriarkatuaren gogortzeaz ohartarazi nahi du. Kontra dago. Arazoa ez dago distopietan, salbuespenak salbuespen; arazoa da autobetetzen den profezia bat sortzen dutela: jendeari esaten diote hori dela egongo dena. Gainera, hain nagusi da olatu distopikoa, salatu nahi duzun hori sortzen laguntzen baituzu.

Utopia lortu ezinezko amets batekin lotzea oztopo dela diozu. Zertarako borrokatu inoiz iritsiko ez den zerbaiten alde?

Kritiko batzuek horixe diote: utopiak ere paralizatzaileak izan daitezkeela, lortzeko ezinezkotzat jotzen direlako. Arrisku hori saihesteko modua zera da, aldaketa sakonetan sinesten dutenek bi mailatan jardutea: bihotza ortzi muga utopikoan jarrita eta, aldi berean, momentu honetan hartu beharreko neurrien pragmatismoarekin. Biak behar dira, bakarrak ez duelako funtzionatzen.

Nola uztartu biak?

Bakarrik pragmatismoan bazaude, ez duzu aldaketa handirik lortuko. Eta begirada soilik ortzi mugan baduzu, arriskua duzu iluminatu bat izateko eta egiazko aldaketarik ez egiteko, horiek prozesu bati jarraitzen diotelako. Biak behar dira; tentsio hori oso zaila da uztartzen. Ez da hainbeste iraultza-erreforma tentsioa, baizik eta sintesi bat: zer erreforma behar ditugun iraultzarako. Uste dut erabat utopikoak izan behar dugula, eta, aldi berean, sakonki pragmatikoak. Amestu behar dugu patriarkatuaren amaiera, baina, bitartean, gauzak egin behar ditugu norabide horretan.

Aipatzen dituzu Rojava, panafrikanismoa, sozialismoa, dekolonialismoa, ekologismoa… Erreferenteak behar dira? Posible direla sinestea?

Iraganera begiratu behar dugu ikuspegi kritikoarekin; ez nostalgiaz, hori ere paralizatzailea izan daitekeelako, tresnak hartzeko baizik. Baina orainaldiari ere erreparatu behar diogu Mendebaldeko testuinguruaz harago; idealizatu edo erromantizatu gabe, baina bai erreminta kutxa gisa; erreminta gehiago behar ditugu kutxa horretan, eta erreferente asko daude. Sistemak ere jokatzen du horretara; bere burua aurkezten du aukera (desiragarri) bakar gisa. Eta hori propaganda da. Ez da egiarik pitzadurarik ez duenik, betiko iraungo duenik; kapitalismoa anekdota bat da gizateriaren historian, eta bukatuko da. Agian bukatzen ari da jada. Aukera bakarraren ideia hori apurtzeko, beharrezkoak dira erreferenteak. Asko daude, klima krisiarekin gauza asko egiten ari dira. Erreferenteak bilatzeak berak ahaldundu egiten zaitu.

Zuretzat, giltzarri da etorkizunaren eta aurrerapenaren arteko loturaren haustura. Noiz gertatu zen hori? Eta nola lotu berriro?

Frederic Jamesonek dio hori gertatzen hasi zela 1970eko hamarkadaren amaieran. Orduan hasi zela apurtzen ilustraziotik zetorren uste bat: etorkizuna hobea izango dela. Postmodernitatearen teorikoek diote hori gakoa dela ulertzeko modernitatearen amaiera; aurrerapenaren ideiaren higadura.

Nola irauli joera hori?

Ez dakit ahal den, eta egin behar den ere: aurrerapenak ere biktima asko utzi zituen. Aurrerabidearen izenean genozidioak egin dira. Baina bai sortu dezakegu ideia emantzipatzaile bat postmodernitatearen barruan. Uste dut aurrerapenaren ideia modernitatekoa dela, jada ez duela funtzionatuko, ez lukeela berriro funtzionatu beharko, baina postmodernitatean sor dezakegula beste konfiantza bat etorkizunarekiko, ez aurrerapenaren ideiari lotua.

Etzi: Burujabetza.]]>
<![CDATA[Nazioarteko larrialdia ezarri du OMEk tximino baztangarengatik]]> https://www.berria.eus/paperekoa/1920/008/002/2022-07-24/nazioarteko_larrialdia_ezarri_du_omek_tximino_baztangarengatik.htm Sun, 24 Jul 2022 00:00:00 +0200 Jon O. Urain https://www.berria.eus/paperekoa/1920/008/002/2022-07-24/nazioarteko_larrialdia_ezarri_du_omek_tximino_baztangarengatik.htm
16.000 herritar baino gehiago kutsatu dira tximino baztangarekin 75 herrialdetan, eta horietatik bost hil dira. Ekainean eginiko batzar batean —orduan mundu osoko kutsatuak 3.000 inguru zirela— adituen batzordeak aholkatu zuen eritasun horregatik ez ezartzea nazioarteko larrialdia; orain ere ez da erabateko adostasunik egon adituen artean, Adhanomen esanetan, baina hark larrialdi izendapena ematea erabaki du, aintzat hartuta mundu mailan dagoen kutsatu kopurua eta lurralde hedapena.

Adhanomen arabera, OMEk irizpide gisa erabili du birusa «azkar» hedatzen ari dela «aurrez kasurik izan ez duten herrialde askotan». Era berean, Europan kutsatzeko arrisku maila igo dute, eta orain «handia» da, kontinente horretan biltzen baitira kasuen %80. Gainerako kontinenteetan, kutsatzeko arriskuak «neurrizkoa» izaten jarraituko du.

Zazpigarren aldia da OMEk nazioarteko larrialdia ezartzen duena 2005ean eredu hori martxan jarri zuenetik. Aurrez, A gripeagatik eman zuen 2009an, ebolagatik 2014an eta 2018an, poliomielitisagatik 2014an, zika birusagatik 2017an eta koronabirusarengatik 2020an. Azken horregatik ezarritako larrialdiak indarrean jarraitzen du.

Euskal Herrian, maiatzetik

Euskal Herrian maiatz amaieran atzeman zituzten lehenbiziko tximino baztanga kasuak. Sintoma ohikoenak dira sukarra, mialgia, adenopatiak —gongoilak haztea— eta eskuetako eta aurpegiko erupzioa. Gorputzeko hainbat tokitan hedatzen da gero erupzio hori. 2-4 asteren bueltan sintomek arintzera egiten dute kasu gehienetan, baina larritzera ere egin dezake zenbait pazienterengan.]]>
<![CDATA[Langileria «alderdi iraultzaile» gisa antolatzera deitu dute GKSk eta IAk]]> https://www.berria.eus/paperekoa/1945/010/001/2022-07-24/langileria_alderdi_iraultzaile_gisa_antolatzera_deitu_dute_gksk_eta_iak.htm Sun, 24 Jul 2022 00:00:00 +0200 Jon O. Urain https://www.berria.eus/paperekoa/1945/010/001/2022-07-24/langileria_alderdi_iraultzaile_gisa_antolatzera_deitu_dute_gksk_eta_iak.htm
Atzo amaitu zen GKSk eta IAk Durangon (Bizkaia) asteazkenaz geroztik eginiko Gazte Topagune Sozialista. Hiru egunez egin dituzte hitzaldiak, tailerrak, kontzertuak eta bestelako egitasmoak, eta arratsaldean egin zuten ekitaldi politikoa, Landako gunean. Hitzaldian, nabarmendu zuten eurengandik «askoz harago doan zerbait» ari direla sortzen: «Proiektu historiko indarberritu bat, zapalkuntza guztiak gainditzea helburu duen proiektu komunista».

Helburu gisa jarri zuten «bankari, enpresari handi eta politikari profesionalen kontrolpeko estatu kapitalistaren aurrean, langileriaren kontrolpeko estatu sozialista» eraikitzea, «errekurtso eta baliabide guztiak langileriaren kontrolpean jarriko dituena». Horretarako, berriz, beharrezkotzat jo zuten «alternatiba komunista maila internazionalean gorpuztea». Izan ere, kritiko agertu ziren parlamentuetan ordezkaritza duten alderdiekin; GKSren eta IAren iritziz, «estatuek eta alderdi politikoen sistema guztiak enpresari handien aldeko maniobrak egiteko balio izan dute».

Horrez gain, «alderdi komunista internazionala eta euskal estatu sozialista prozesu beraren parte» direla adierazi zuten hitzaldian: «Zentzu horretan ulertzen dugu Euskal Herriaren askatasuna, sozialismoaren eraikuntza internazionalari lotuta dagoena, eta euskal estatu sozialistaren forman ulertzen duguna».]]>
<![CDATA[OMEk nazioarteko larrialdia eman du tximino baztangarengatik]]> https://www.berria.eus/albisteak/216342/omek_nazioarteko_larrialdia_eman_du_tximino_baztangarengatik.htm Sat, 23 Jul 2022 17:15:20 +0200 Jon O. Urain https://www.berria.eus/albisteak/216342/omek_nazioarteko_larrialdia_eman_du_tximino_baztangarengatik.htm maiatz amaieran antzeman zituzten lehenbiziko tximino baztanga kasuak. Sintoma ohikoenak dira sukarra, mialgia, adenopatiak -gongoilak haztea- eta eskuetako eta aurpegiko erupzioa.]]> <![CDATA['Urigoitia auzia': kontakizunaren zuloak argitara]]> https://www.berria.eus/albisteak/216293/039urigoitia_auzia039_kontakizunaren_zuloak_argitara.htm Sat, 23 Jul 2022 07:24:49 +0200 Jon O. Urain https://www.berria.eus/albisteak/216293/039urigoitia_auzia039_kontakizunaren_zuloak_argitara.htm Ondoren heldu zen peritu txostena, sei bala zorro eta lau jaurtigai topatu zituztela zioena. Hori, beraz, ez zetorren bat lehen bertsioarekin. Irailaren 11n deklaratu zuten beste hiru poliziak, eta 18an Barriga sarjentuak. Deklaratu zuten lehen bi poliziek ez zuten aipatu sarjentua bertan zenik; Iruinen hitzetan, «bitxia» da, kide bat ahazteaz harago, sarjentuaren mailako norbait zegoela ahaztu izana. Edonola ere, Barriga sarjentuaren presentziak balio du ordura arte justifikatu ezin zen hirugarren tiroa justifikatzeko eta beste polizia batek bertsio ofiziala babesteko. Izan ere, momentu horretara arte, Garcia Botana zen bertsio ofiziala sostengatzen zuen bakarra. Barrigaren deklarazioari, ordea, «ahuleziak» antzematen dizkio Iruinek: sarjentuak esan zuen bakarrik tiro bat ematera sartu zela Urigoitia zegoen egongelan, pistola ikusi zuela eta «instintiboki» egin zuela tiro. Baina, galdekatzean, sarjentuak ezin izan zuen zehaztu bera non zegoen tiro egin zuenean, zein norabidetan bota zuen, Botanaren aurretik edo ondoren eman zuen tiroa… OHARRAK CESIDen KA / 5104 barne oharrak eta 1997an agertutako ohar anonimoak argi pixka bat jarri zuten auzian. CESIDen oharrean, besteak beste, azaltzen zen balak geratzeko txaleko bat manipulatu zutela eta Jose Ramon Pindado guardia zibilak koordinatu zituela frogak manipulatzeko lanak; are, oharrak dio Pindado epailearen etxera sartu zela frogak manipulatzeko. Izan ere, oharrean bertan aitortzen zen operazio haren ondorioz «Guardia Zibilaren jardueraren legezkotasuna auzitan» geratzen zela. Bestalde, ohar anonimoa idatzi zuenak zioen Garcia Botana «oso aztoratuta, oihuka eta bere onetik irtenda» zegoela, Urigoitiarengana joan zela eta, hark eskuburdinak jarrita izanagatik, buruan tiroa eman ziola. Anonimoak oharrean eman dituen xehetasunek frogatzen dute oharraren egileak operatiboan parte hartu zuela eta, beraz, lekuko zuzena izan zela. ONDORIOAK Azkenik, Iruinek ondorio batzuk nabarmendu zituen: batetik, «Zuzenbide estatuaren eta justizia administrazioaren ezintasuna garbi» ikusten dela, iritzita Justiziak ez duela «ahalmenik egia argitzeko» horrelako kasuetan. Bestalde, garrantzia eman zion «frogak menderatu» ahal izateari: «Eszenaren kontrola gakoa da. Heriotzaren egileak dira gertaeraren tokia antolatu dutenak».]]> <![CDATA['Urigoitia auzia': kontakizunaren zuloak argitara]]> https://www.berria.eus/paperekoa/1910/002/001/2022-07-23/urigoitia_auzia_kontakizunaren_zuloak_argitara.htm Sat, 23 Jul 2022 00:00:00 +0200 Jon O. Urain https://www.berria.eus/paperekoa/1910/002/001/2022-07-23/urigoitia_auzia_kontakizunaren_zuloak_argitara.htm Lutxi. Pereira eta Muiños eraman zituzten, baina Urigoitia ez zen etxetik bizirik irten; bi tiro eman zizkioten, horietako bat buruan. Bertsio ofizialak tiroketaren teoria zabaldu zuen, eta auzia duela 22 urte itxi zuten epaitegietan, baina frogek iradokitzen dute bertsio ofizialak zulo dezente dituela eta Urigoitiarena exekuzio bat izan zela. Giza eskubideen urraketen biktima gisa aitortzeko eskatu zioten iazko urtearen amaieran Jaurlaritzari, eta oraindik erantzuteko dago.

35. urteurrenaren atarian, Iñigo Iruin abokatuak Egia itzaletik argira izenburuko hitzaldi bat eman zuen ostegunean, Otxandion (Bizkaia), Urigoitiaren sorterrian, udalak eta Egiari Zor fundazioak antolatuta, auziari buruzko hainbat elementu aztertzeko eta eginiko bide juridikoa errepasatzeko. 50 lagun inguru elkartu ziren, auziari buruzko azalpenak entzun eta «egia judiziala» jakiteko.

85/87 SUMARIOA

Donostiako 2. Instrukzio Auzitegiak ikerketa bat zabaldu zuen Urigoitiaren heriotzaren inguruabarrez: 85/87 sumarioa. «Potoloa» da, Iruinen esanetan: 2.000 orrialde ingurukoa. Eta ikergai nagusia, Urigoitiari buruan eman zioten tiroa liskar armatu batean izan zen edo guardia zibil batek odol hotzez eman ote zion. Hitzaldian, Iruinek azaldu zuen Guardia Zibila «pixkanaka» joan zela bertsio ofiziala eraikitzen:«Kontakizun ofizialean hutsuneak eta kontraesanak egon arren, egia judizialak bertsio ofizial hori onartu zuen, eta ikerketari uko egin zion». Finean, bertsio ofizial horren xedea da, Iruinen hitzetan, Urigoitiak garondoan zuen tiroa justifikatzea.

TESTUINGURUA

Bi datu gogorarazi zituen Iruinek, Urigoitiaren auzia denboran kokatzeko eta garaiko testuingurua azaltzeko: 1987ko uztailaren 23an izan zen polizia operazioa; hurrengo egunean, GALek Juan Carlos Garcia Goena hil zuen, eta, beraz, «estatu terrorismoaren bigarren belaunaldia indarrean zegoen». Gainera, 1984tik 1986ra bitartean, Poliziak 13 pertsona hil zituen bertsio ofizialean esanda «liskar armatuak» izan zirela. Beraz, Urigoitiarena ez zen lehen aldia argudio hori erabiltzen zena.

IKERKETA LUZEA, EMAITZA ESKASA

Ikerketa judiziala bi fasetan bereizi zuen Iruinek. Lehena 1987ko uztailetik 1990eko urrira bitartekoa da: gertakariak izan ziren etxebizitzan aurkitutakoak eta epaitegiko deklarazioak jasota daude hor. Deklaratzera deitu zituzten 33 lekuko, hamar guardia zibil, CESID Espainiako orduko zerbitzu sekretuetako hiru kide eta bi ministro; etxea lau aldiz ikuskatu zuten, zortzi balistika txosten prestatu zituzten, egitateak berreraiki, autopsia... Iruinen esanetan, «diligentzia asko egin ziren, baina ez zuten aukerarik eman garondoko tiroa nola egin zen zehazteko». 1990eko urrian behin-behinean artxibatu zuten auzia; hor amaitu zen lehen fasea.

Bigarren aroa 1995etik 2000ra bitartekoa da. 1995ean, zerbitzu sekretuetako paper batekin zabaldu zen berriro sumarioa: El Mundo-k zabaldutako barne ohar batekin. 1997an, berriz, ohar anonimo bat agertu zen. Bi horiek ikertu zituzten aldi horretan, baina auzia itxi zuten 2000n.

BERTSIO OFIZIALA

00:15 dira. Hiru polizia sartu dira Urigoitia, Muiños eta Pereira dauden egongelan. Bik Muiños eta Pereira logela batera daramatzate; Urigoitia leihoaren eta altzariaren artean dago, eta gela berean, bi guardia zibil: Urigoitiaren bila joandako bat eta granada baten ondorioz piztu den sua itzaltzera doan beste bat. Bertsio ofizialak dio «liskar bikoitza» gertatu zela: lehenean, Urigoitia leiho ondoan dagoela, Garcia Botana abizeneko guardia zibilari tiro egin dio; hark erantzun. Emaitza: Urigoitiak zauri larriak ditu urdailean, giltzurrunetan eta birikan, balak ezker-eskuin zeharkatu duelako; Garcia Botanak, berriz, balen aurkako txalekoa darama, eta horrek gelditu du.

Bada bigarren tiroketa bat, polizien arabera: Botanak arrastaka darama Urigoitia, leiho ondotik egongela kanpoaldera, ahoz gora. Tiroarekin minduta, Botanak ezin du Urigoitia gehiago arrastaka eraman. Urigoitiak, ahoz gora eta pistola eskuan, bigarrenez egin dio tiro, eta Botanak erantzun. Emaitza: Botanak ez du lesiorik, baina Urigoitiak garondoan du tiroa. Urigoitia lehen tiroarekin zaurituta, zergatik ez zioten pistola kendu? Garcia Botanak dio uste zuela lehen tiroa jasotzean erori zitzaiola.

Garondoko tiroan dago gakoa: azterketa forentsearen arabera, lepoaldetik sartu zitzaion bala, eta belarri gainetik irten. Auzitegi medikuek orban beltz bat topatu zuten bala lepoan sartzen zen azalaren inguruan, Iruinek gogora dakarrenez: «Horri bolboraren tatuajea deitzen zaio auzitegi medikuntzan: tiro batek oso gertutik egitean uzten duen arrastoa. Erakusten du oso gertutik egindako tiroa zela, ia azala ukituz». Tiroak zorua jo zuen; alegia, goitik behera eginikoa izan zen, Urigoitia lurrean zela.

ESZENAREN BABESA

Zenbait elementuri arreta jarri zien Iruinek. Batetik, nork babesten zuen gertakarien eszena. Pereirak ikusi zuen gertakariak 00:15ean izan zirela, baina Guardia Zibilak Urigoitia tirokatu eta ordu erdira eman zuen abisua epaitegian, eta batzorde judiziala iristerako beste ordu erdi igaro zen. Guztira, ordubete. «Bitartean, zer gertatu zen? Salan zeuden objektuak, aztarnak, nortzuek babestu zituzten? Tiro egin zuenaren unitatekideek».

BALA ARRASTOAK

Etxebizitza berriro aztertzean, zera aurkitu zuten: lurzoruan sei bala zorro, oholtza azpian hiru jaurtigai eta beste jaurtigai bat Garcia Botanaren txalekoan. Poliziaren lehen bertsioa zen Urigoitiak eta Garcia Botanak elkarri bina tiro eman zizkiotela, bi unetan: guztira lau, beraz. Nondik sortzen dira beste bi tiroak?

Abuztuaren 20an, operaziotik ia hilabetera, bala zorroen azterketa balistikoaren txostena aurkeztu zuten: hiru tiro Urigoitiaren pistolatik eginak ziren, eta beste hiru, pistola ez ziren arma batetik edo bitatik eginak. Beraz, itaun gehiago: noiz egin zuen hirugarren tiroa Urigoitiak? Eta, batez ere: leiho ondoan bazegoen lehen tiroa egitean, zergatik ez da ageri bala zorrorik leiho ondoan, eta bai Urigoitia ez zegoen gela batean?

Azterketa balistikorako, beraz, sei bala zorro eta lau jaurtigai zeuden. Bi jaurtigai falta dira. Lau aldiz ikuskatu zuten etxea, baina ez zituzten aurkitu. Epaileak jaso zuenez, «egongelan eta inguruko geletan bilatu bazen ere, ez zen jaurtigai gehiago aurkitu, ezta horiek utzitako aztarnarik ere». Gainera, hiru peritu txosten egin zituzten, baina Guardia Zibilak ondorioztatu zuen balen deformazioaren ondorioz ezin zela jakin zein armatatik bota zen.

BERTSIOA MOLDATZEN

Arian-arian bertsioa aldatuz joan zen Guardia Zibila. Lehena atestatukoa da, gertakarietatik hiru egunetara eginikoa. Kontakizun laburra da, zehaztugabea: lerro gutxi batzuetan diote Urigoitiak tiro egin zuela eta poliziek erantzutean Urigoitia hil zela. Uztailaren 28an, ordea, epaileak deklaratzera deitu zituen bi guardia zibil, eta horiek epaileari esan zioten, batetik, lau guardia zibil sartu zirela etxebizitzan eta, Garcia Botanaren bi tiroez aparte, ez zutela beste tirorik entzun edo ikusi.

Gero heldu zen peritu txostena, sei bala zorro eta lau jaurtigai topatu zituztela zioena. Hori, beraz, ez zetorren bat lehen bertsioarekin. Irailaren 11n deklaratu zuten beste hiru poliziak, eta 18an Barriga sarjentuak. Deklaratu zuten lehen bi poliziek ez zuten aipatu sarjentua bertan zenik; Iruinen hitzetan, «bitxia» da, kide bat ahazteaz harago, sarjentuaren mailako norbait zegoela ahaztu izana.

Edonola ere, Barriga sarjentuaren presentziak balio du ordura arte justifikatu ezin zen hirugarren tiroa justifikatzeko eta beste polizia batek bertsio ofiziala babesteko. Izan ere, ordura arte, Garcia Botana zen bertsio ofiziala sostengatzen zuen bakarra.

Barrigaren deklarazioari, ordea, «ahuleziak» antzematen dizkio Iruinek: sarjentuak esan zuen bakarrik tiro bat ematera sartu zela Urigoitia zegoen egongelan, pistola ikusi zuela eta «instintiboki» egin zuela tiro. Baina, galdekatzean, sarjentuak ez zuen zehaztu bera non zegoen tiro egin zuenean, zein norabidetan bota zuen, Botanaren aurretik edo ondoren eman zuen tiroa...

OHARRAK

CESIDen KA / 5104 barne oharrak eta 1997an agertutako ohar anonimoak argi pixka bat jarri zuten auzian. CESIDen oharrean, besteak beste, azaltzen zen balak geratzeko txaleko bat manipulatu zutela eta Jose Ramon Pindado guardia zibilak koordinatu zituela frogak manipulatzeko lanak; are, oharrak dio Pindado epailearen etxera sartu zela frogak manipulatzeko. Izan ere, oharrean bertan aitortzen zen operazio haren ondorioz «Guardia Zibilaren jardueraren legezkotasuna auzitan» geratzen zela.

Bestalde, ohar anonimoa idatzi zuenak zioen Garcia Botana «oso aztoratuta, oihuka eta bere onetik irtenda» zegoela, Urigoitiarengana joan zela eta, hark eskuburdinak jarrita izanagatik, buruan tiroa eman ziola. Anonimoak oharrean eman zituen xehetasunek frogatzen dute oharraren egileak operatiboan parte hartu zuela eta, beraz, lekuko zuzena izan zela.

ONDORIOAK

Azkenik, Iruinek ondorio batzuk nabarmendu zituen: batetik, «zuzenbide estatuaren eta justizia administrazioaren ezintasuna garbi» ikusten dela, iritzita Justiziak ez duela «ahalmenik egia argitzeko» horrelako kasuetan. Bestetik, garrantzia eman zion «frogak menderatu» ahal izateari: «Eszenaren kontrola gakoa da. Heriotzaren egileak dira gertaeraren tokia antolatu dutenak».]]>
<![CDATA[Abiatu da Sareren bizikleta martxa, presoen eskubideen alde]]> https://www.berria.eus/albisteak/216284/abiatu_da_sareren_bizikleta_martxa_presoen_eskubideen_alde.htm Fri, 22 Jul 2022 10:51:08 +0200 Jon O. Urain https://www.berria.eus/albisteak/216284/abiatu_da_sareren_bizikleta_martxa_presoen_eskubideen_alde.htm <![CDATA[EHU munduko berrehun unibertsitate onenen artean dago zazpi diziplinatan]]> https://www.berria.eus/albisteak/216283/ehu_munduko_berrehun_unibertsitate_onenen_artean_dago_zazpi_diziplinatan.htm Fri, 22 Jul 2022 10:49:36 +0200 Jon O. Urain https://www.berria.eus/albisteak/216283/ehu_munduko_berrehun_unibertsitate_onenen_artean_dago_zazpi_diziplinatan.htm <![CDATA[Iparragirrek eta Albisuk uko egin diote epailearen aurrean deklaratzeari]]> https://www.berria.eus/albisteak/216237/iparragirrek_eta_albisuk_uko_egin_diote_epailearen_aurrean_deklaratzeari.htm Thu, 21 Jul 2022 14:34:26 +0200 Jon O. Urain https://www.berria.eus/albisteak/216237/iparragirrek_eta_albisuk_uko_egin_diote_epailearen_aurrean_deklaratzeari.htm Gisasola, Abad eta Martinez euskal preso ohiak berriz epaitzeko agindu du Gorenak Abokatuaren arabera, Auzitegi Nazionalaren jarduerak gogora dakar «ingeniaritza juridikoa delakoaren garairik okerrena, non frogak artifizialki asmatzen, inputazioak artifizialki sortzen eta lege guztiak bihurritzen ziren, eta, ondorioz, eskubideak birrintzen». Garai horretan «ETAren aurkako borrokaren aitzakian» egiten zen hori, baina orain «larriagoa» dela uste du Izkok: «Bakarrik izan daitekeelako mendekuagatik edo Auzitegi Nazionalean irabazteagatik kontakizunaren bataila, sozialki eta politikoki irabazi ezin dutena». Akusazioek -Dignidad y Justicia eta AVT elkarteek eta PPk- Albisurentzat badaezpadako neurriak hartzeko eskatu dute; pasaportea kentzeko eta Espainiako Estatutik irtetea debekatzeko. Neurri horiek jada ezarriak dizkiote Albisuri, ordea. Iparragirre, berriz, preso dago, eta bideokonferentzia bidez deklaratu du. ]]> <![CDATA[Espainiako Espetxe Erakundeek Iruñeko kartzelako zuzendaria kargutik kendu dute]]> https://www.berria.eus/albisteak/216156/espainiako_espetxe_erakundeek_iruneko_kartzelako_zuzendaria_kargutik_kendu_dute.htm Tue, 19 Jul 2022 16:04:21 +0200 Jon O. Urain https://www.berria.eus/albisteak/216156/espainiako_espetxe_erakundeek_iruneko_kartzelako_zuzendaria_kargutik_kendu_dute.htm bide itsua bilakatua zela presoentzat: «Ez du espetxe tratamendua kontuan hartzen, motibazio politikoko presoak ez atzera ez aurrera uzten ditu, eta, gainera, Espetxe Zaintzako Epaitegi Zentralaren babesa du», azaldu zuen Juanje Soria abokatuak.]]> <![CDATA[Txus Martin presoa aske geratu da]]> https://www.berria.eus/albisteak/216152/txus_martin_presoa_aske_geratu_da.htm Tue, 19 Jul 2022 13:37:20 +0200 Jon O. Urain https://www.berria.eus/albisteak/216152/txus_martin_presoa_aske_geratu_da.htm <![CDATA[Aske utziko dute Curia kaleko istiluengatik espetxeratutakoa]]> https://www.berria.eus/albisteak/216147/aske_utziko_dute_curia_kaleko_istiluengatik_espetxeratutakoa.htm Tue, 19 Jul 2022 12:28:37 +0200 Jon O. Urain https://www.berria.eus/albisteak/216147/aske_utziko_dute_curia_kaleko_istiluengatik_espetxeratutakoa.htm <![CDATA[Jaurlaritzaren hiru legetik bi onetsi ditu oposizioak 2020tik]]> https://www.berria.eus/paperekoa/1877/002/001/2022-07-19/jaurlaritzaren_hiru_legetik_bi_onetsi_ditu_oposizioak_2020tik.htm Tue, 19 Jul 2022 00:00:00 +0200 Jon O. Urain https://www.berria.eus/paperekoa/1877/002/001/2022-07-19/jaurlaritzaren_hiru_legetik_bi_onetsi_ditu_oposizioak_2020tik.htm
Jaurlaritzak ezker-eskuin topatu ditu botoak; batez ere, ezkerreko alderdietan. Elkarrekin Podemos-IUk Jaurlaritzaren zazpi lege proiektu babestu ditu, eta beste hainbeste EH Bilduk, aurtengo aurrekontuak kontuan hartuta. PP+C's koalizioak, berriz, bost arauri eman die aldeko botoa. Itun bakarrean egon da Vox, xedapen orokorrak egiteko prozeduraren legean, eta testu horrek legebiltzarreko talde guztien oniritziarekin egin zuen aurrera.

Jaurlaritzak aurkeztutakoak dira lege proiektuak, baina bestelako jarrera sumatzen da lege proposamenekin; alegia, talde parlamentarioek aurkeztutako egitasmoekiko. 23 erregistratu dituzte 2020tik, eta bost baino ez dira lege jada; beste bitan, berriz, parlamentuak oniritzia eman die tramitatzeari, eta batek jaso du Jaurlaritzaren aldeko irizpena, gero legebiltzarrak aintzat hartu edo baztertzeari buruzko bozketa egin dezan. Denera: oposizioaren hemeretzi proposamenetatik hiru daude bidean. Gainerako hamabostetan, nahikoa izan da jeltzaleen eta sozialisten gehiengoa horiek baztertzeko, eta, kasu gehienetan, PP batu zaie ezkerreko taldeen proposamenei bidea mozteko.

Bada beste aldagai bat: onartu diren bost lege proposamenetatik bakarra izan da oposizioko talderen baten ekimenez sortua; Herri Kontuen Auzitegia sortzeari buruzko proposamena aurkeztu zuen PP+C's-ek, eta koalizio horren eta gobernukideen babesarekin egin zuen aurrera. Gainerako lau lege proposamenak EAJren eta PSE-EEren talde parlamentarioek proposatutako arauak izan dira. Orain arte, ezkerreko indarren egitasmo bat ere ez da iritsi arau izatera.

Aitzitik, orain tramitazio fasean dauden bi proposamenek ezkerreko talderen baten babesa daukate: trans legea berritzeko testua EAJk, PSE-EEk eta Elkarrekin Podemos-IUk aurkeztu zuten —EH Bilduk ere babestu zuen—, eta indar subiranistak aurkeztutako gurasoen banantze edo haustura kasuetako familia harremanei buruzko legearen erreformak lau indar horiexen oniritzia jaso zuen tramiterako onartzeko bozketan. Gainera, EH Bilduk erregistratua du Autokontsumoaren tramitazioa errazteko eta Lurzoruari eta Hirigintzari buruzko ekainaren 30eko 2/2006 Legea aldatzeko proposamena, eta, oraindik hura aintzatesteko edo baztertzeko bozketarik egin ez bada ere, jada jasoa du Jaurlaritzaren aldeko irizpena.

Horiez gain, legealdian herri ekimen legegile bat ere aurkeztu zuten, baldintzarik gabeko oinarrizko errenta baten aldekoa, baina, EAJk, PSE-EEk, PP+C's-ek eta Voxek kontrako botoa emanda, egitasmoa tramitatzea baztertu zuen legebiltzarrak.

«Borondatea»

Atzo, urte politikoaren bilanaz hitz egin zuen Iñigo Iturrate EAJko legebiltzarkideak Onda Vascan: «Legealdiaren hasieran oposizioak ez zuen atsedenik ematen, eta pandemia erabili zuen; orain, berriz, zentratuago dago, eta lankidetzaren aldekoagoa da». Datuek erakusten dute «elkarlanerako borondatea» dagoela eta EAJk eta PSE-EEk ez dutela gehiengo absolutuaz «abusatu», Iturrateren hitzetan: «Espero dugu taldeek jarrera horri eustea eta hauteskunde haizeek ez bultzatzea». Miren Gorrotxategi Elkarrekin Podemos-IUko bozeramailea, aldiz, kexu azaldu zen asteazkenean, urte politikoaren errepasoa egiteko zabaldu zuen bideo batean: «Gure lege eta proposamenak tramitatzeari uko egin dio gobernuak; baita eztabaidatzeari ere».]]>
<![CDATA[EH Bilduk «ongizate itunari buruzko» proposamen bat aurkeztuko du irailean]]> https://www.berria.eus/paperekoa/1846/006/001/2022-07-19/eh_bilduk_ongizate_itunari_buruzko_proposamen_bat_aurkeztuko_du_irailean.htm Tue, 19 Jul 2022 00:00:00 +0200 Jon O. Urain https://www.berria.eus/paperekoa/1846/006/001/2022-07-19/eh_bilduk_ongizate_itunari_buruzko_proposamen_bat_aurkeztuko_du_irailean.htm
Irailean aurkeztuko duten planteamenduaren testuingurua azaldu du Otxandianok Donostian eginiko agerraldi batean. «Pandemia piztu zenetik eta aparteko testuinguru ekonomikoan sartu ginenetik, EH Bildu ahalik eta erantzukizun handienarekin jokatzen saiatu da». Testuinguru horretan, nabarmendu du indar subiranistak «krisiaren aurkako neurriak proposatu eta babestu» dituela «erakunde nagusi guztietan»: «Sektore sozial eta ekonomiko zaurgarrienak babesteko premiazko neurriak hartu behar zirela ulertu dugu hasieratik, eta koherentziaz jarduten saiatu gara». Otxandianoren hitzetan, nabarmendu dute neurri «aringarriak» behar zirela: «Baina, era berean, hasieratik esan dugu ez zela nahikoa neurri aringarri horiekin».

«Azterketa bat jarri genuen mahai gainean, eta uste dugu, azken asteetako gertakarien argitan eta udazkenerako dauden proiekzio ekonomikoak ikusita, azterketa hori zuzena zela». Azterketa horren ondorioetako bat zera da, Otxandianoren iritziz: «Ez gaude krisi koiuntural batean: aro historiko honi ezin zaio aurre egin aldi baterako egoera bat balitz bezala. Konbultsio ekonomiko handiko garai batean sartu gara, eta ezin diogu garai honi aurre egin errezeta ekonomiko konbentzionalekin».

EH Bilduren ustez, «neurri estrukturalak» hartu behar dira, «aringarriak hartzearekin batera; etorkizuna prestatu behar da». Horretarako, beharrezkotzat jo du «herri erresilientzia handitzen duten eraldaketa prozesuak» martxan jartzea. Eta eraldaketa prozesu horren gutxieneko baldintza gisa jarri du aberastasuna «sakon» banatzea: «2008ko krisiaz geroztik, mugimendu bat gertatzen ari da lan errentetatik kapital errentetara. Aberastasuna metatzeko prozesu bat gertatzen ari da, eta prozesu hori eten egin behar da; leheneratu egin behar da, euskal gizarte osoari ongizate oinarriak bermatzeko».]]>
<![CDATA[Bi sexu eraso salatu dituzte Donostian]]> https://www.berria.eus/albisteak/216104/bi_sexu_eraso_salatu_dituzte_donostian.htm Mon, 18 Jul 2022 13:31:31 +0200 Jon O. Urain https://www.berria.eus/albisteak/216104/bi_sexu_eraso_salatu_dituzte_donostian.htm bi sexu eraso egin zituztela bertan. Gaur, udalak «irmotasunez gaitzetsi» ditu erasoak, eta «babesa eta elkartasuna» adierazi dizkie biktimei eta haien gertukoei: «Udalak indarkeria egoerak pairatzen dituzten edo pairatu dituzten emakume guztiei jakinarazten die laguntza behar eta nahi izanez gero udalak dituen zerbitzu eta baliabideetara jo dezaketela». Udalak «ezinbestekotzat» jo du lanean jarraitzea, «gizarte, mugimendu feminista eta hiriko giza eragileekin batera, balioetan oinarritutako heziketaren eta gizonen eta emakumeen arteko berdintasunaren alde». Horrekin batera, udalak elkarretaratzera deitu du biharko: udaletxe atarian mobilizatuko dira, eta bat egin du horrez gain antolatzen diren protestekin.]]> <![CDATA[EH Bilduk «ongizate itunaren inguruko oinarrizko proposamen bat» aurkeztuko du irailean]]> https://www.berria.eus/albisteak/216094/eh_bilduk_ongizate_itunaren_inguruko_oinarrizko_proposamen_bat_aurkeztuko_du_irailean.htm Mon, 18 Jul 2022 11:43:23 +0200 Jon O. Urain https://www.berria.eus/albisteak/216094/eh_bilduk_ongizate_itunaren_inguruko_oinarrizko_proposamen_bat_aurkeztuko_du_irailean.htm <![CDATA[Adriana Lastrak utzi egin du PSOEko idazkariorde nagusiaren kargua]]> https://www.berria.eus/albisteak/216093/adriana_lastrak_utzi_egin_du_psoeko_idazkariorde_nagusiaren_kargua.htm Mon, 18 Jul 2022 11:33:44 +0200 Jon O. Urain https://www.berria.eus/albisteak/216093/adriana_lastrak_utzi_egin_du_psoeko_idazkariorde_nagusiaren_kargua.htm iazko urrian eutsi zion Antolakuntza idazkariaren postuari, eta haren kokapen organikoak eragina dauka euskal politikan ere. Izan ere, nafarrak zeresan handia izan du urteotan EH Bildurekin izandako negoziazioetan eta bultzaturiko ildo politikoan.]]> <![CDATA[Baliteke Araban, Bizkaian eta Gipuzkoan 85.000 biztanle gehiago egotea 2036an, Eustaten arabera]]> https://www.berria.eus/albisteak/215945/baliteke_araban_bizkaian_eta_gipuzkoan_85000_biztanle_gehiago_egotea_2036an_eustaten_arabera.htm Thu, 14 Jul 2022 14:27:05 +0200 Jon O. Urain https://www.berria.eus/albisteak/215945/baliteke_araban_bizkaian_eta_gipuzkoan_85000_biztanle_gehiago_egotea_2036an_eustaten_arabera.htm <![CDATA[GHK-k dio Arkaitzerrekako isuriaren iturria ez dela Zubietako erraustegia]]> https://www.berria.eus/albisteak/215947/ghk_k_dio_arkaitzerrekako_isuriaren_iturria_ez_dela_zubietako_erraustegia.htm Thu, 14 Jul 2022 12:53:35 +0200 Jon O. Urain https://www.berria.eus/albisteak/215947/ghk_k_dio_arkaitzerrekako_isuriaren_iturria_ez_dela_zubietako_erraustegia.htm

Isuriak darrai bigarren egunez!! pic.twitter.com/aiy0pVtYFT - Erraustegiaren A.M. (@ErrausAurkMugi) July 14, 2022 Arkaitzerrekan isuriak egon izan dira aurretik ere. Esaterako, 2020ko maiatzean amoniakoa isuri zuten ibaira, eta, Guardia Zibilak auzia ikertuta, ondorioztatu zuen arrainetan kloroalkanoen kantitate handiak aurkitu zituztela, eta horiek oso osagai toxikoak direla. Horren harira, Cesar Gimeno Gipuzkoako Hondakinen Kontsortzioko zuzendaria inputatu zuen Donostiako 5. Instrukzio Epaitegiak.]]> <![CDATA[Donostiako Udalak ezingo du Loiolako kuartela eraitsi]]> https://www.berria.eus/paperekoa/1874/010/001/2022-07-14/donostiako_udalak_ezingo_du_loiolako_kuartela_eraitsi.htm Thu, 14 Jul 2022 00:00:00 +0200 Jon O. Urain https://www.berria.eus/paperekoa/1874/010/001/2022-07-14/donostiako_udalak_ezingo_du_loiolako_kuartela_eraitsi.htm
Donostiako Udalak 2021eko martxoaren 25ean erabaki zuen plan berezia moldatzea, eta hor ez ziren kuarteleko eraikinak jaso. Erabaki hori auzitara eraman zuen Voxek, eta orain auzitegiak ebatzi du kuartelak bete egiten dituela «babestua izateko planak jartzen dituen baldintzak, baina ez helegitean jasotako forman». Izan ere, Voxek eskatu zuen kuartelari babes maila gorena emateko.

Magistratuek argudiatu dute oinarri hartu dituztela Jaurlaritzaren eta Gipuzkoako Foru Aldundiaren txostenak, eta horiek idatzi dituzten teknikariek kuartelak babestearen alde egin zutela.

Kolpea udalarentzat

Donostiako Udalarentzat kolpea da erabakia. Udaleko iturriek Efe agentziari esan diote «harrigarria» iruditu zaiela epaia, auzitegiak zehazten duelako hirian zein elementu diren babestu beharrekoak. Baina aitortu dute erabakiak Loiolan egin asmo zuen hirigintza proiektua gauzatzea galarazten duela. Udalaren esanetan, haien asmoa zen bizileku premiei erantzutea, «eremu berri bat prestatuz etxebizitzekin, ekipamenduekin eta espazio publikoekin». Eneko Goia alkateak gaur emango ditu xehetasun gehiago.

Maiatzean, Goiak azaldu zuen Espainiako Defentsa Ministerioarekin negoziatzen ari zirela kuartelaren lurrak udalaren esku uzteko, eta espero zutela ados jartzea «uda baino lehen».]]>