<![CDATA[Julen Etxeberria | Berria.eus]]> https://www.berria.eus Bere azken artikuluak eu Mon, 21 Sep 2020 05:48:33 +0200 hourly 1 <![CDATA[Julen Etxeberria | Berria.eus]]> https://www.berria.eus/irudiak/berriaB.png https://www.berria.eus <![CDATA[Hesi guztien gainetik]]> https://www.berria.eus/paperekoa/1872/026/001/2020-09-18/hesi_guztien_gainetik.htm Fri, 18 Sep 2020 00:00:00 +0200 Julen Etxeberria https://www.berria.eus/paperekoa/1872/026/001/2020-09-18/hesi_guztien_gainetik.htm
Ia astebete pasatu da, eta oraindik egindakoa barneratzen ari da. «Pixkanaka ari naiz guztia barneratzen, baina oraindik ez dut guztiz sinistu. Izugarri pozik nago». «Pixka bat lotsatuta» dio jabetzen dela «zerbait garrantzitsua» egin duela. «Bakarrik nagoenean eta buruari bueltaka hasten naizenean ohartzen naiz zer-nolako garrantzia duen egin dudanak».

Lotsa puntu horrekin ere mintzatzen da oraindik komunikabideekin, nahiz eta azken egunetan makina bat elkarrizketa eman dituen. Twitter kontua ireki behar izan du. «Orlando Ortegak zoriondu egin ninduen txio batean [110 metroko hesidunetako munduko espezialista onenetako bat], eta eskertu egin behar nion keinua. Lagun baten laguntzaz sortu nuen kontua. Elkarrizketa dezente eman ditut azken egunetan, baina gustura egin ditut, garrantzitsua da atletismoak oihartzuna izan dezan. Hau ez da futbola. Behar ditugu halako aukerak ikusgarritasuna lortzeko».

Eskaera bera egin diote kazetari guztiek: eraman ditzala bi dominak, eta erakuts ditzala harro argazkietan. Horregatik, «batetik bestera» dabil haiekin. «Aurki» topatuko die «toki apropos bat». «Etxeko logelan jartzeko asmoa dut». Eta zer etortzen zaio burura haiek ikusten dituenean? «Lan eta sakrifizio handia dago horien atzean. Bilbon bizi naiz aste barruan [Politika eta Administrazio Zientzia ikasten ari da], eta Basaurin [Bizkaia] entrenatzen naiz, bakarrik, taldekiderik gabe, eta entrenatzailearengandik bananduta. Ez da erraza. Domina horien atzean ere neguko entrenamendu luzeak daude, bakarrik egindakoak, horietatik asko euripean. Ez dira batere samurrak, are gutxiago niretzat, asma baitut. Eta aurten, konfinamenduan, garajean anaiarekin egindako lan saio prekarioak ere badaude horien atzean [Aitor, hura ere lasterketa hesidunetako atleta da, Ardoi klubean]. Baita egoerak eragindako ezinegona ere. Uste genuen sasoia bukatua zela, baina, zorionez, azkenean, lehiatu ahal izan gara».

Dezentetan ikusi ditu bi lasterketak. «Ordu erdi eskaseko tartean izan ziren», zehaztu du. Lehenbizi, hesidunetakoa izan zen. Enrique Llopis zen faboritoa. Martinezek berak hala uste zuen. «Bigarren edo hirugarren izateko esperantza nuen, baina ez irabazteko». Baina ezustea eman zuen. Ohi bezala, behetik gora egin zuen. «Nire altueragatik [1,90 metro], kosta egiten zait irtetea. Lasterketaren bigarren zatian egiten dut gora, azken lauzpabost hesietan. Hor egin nuen aldea oraingoan ere».

13,75eko marka egin zuen, bere markarik onena. Ia arnasarik hartu gabe egin zuen korri. «Ez dugu ia arnasarik hartzen, eta sekulako tentsioarekin lehiatzen gara. Horregatik, helmugan, tentsio guztia askatzen dugu. Aske sentitzen gara. Oraingoan, are ederragoa izan zen sentsazioa, irabazi egin bainuen». Handik gutxira izan zen errematea, txandakakoan zilarra lortuta. «Oso polita izan zen. Gogor egin genuen lan dena ondo irten zedin, eta hala atera zen. Lantaldeak jasotako saria izan zen, eta horrek oso berezi egiten du».

Jende askori eskertuta

Ez da kasualitatea taldea nabarmendu izana. «Nik oso argi dut domina hauek beste jende askorena ere badirela: etxekoena, lagunena, Jon Seriola, Ander Iriarte eta Iker Alfonso entrenamendukideena, eta, batez ere, nire entrenatzailearena, François Beoringyanena. Bikain moldatu gara, nahiz eta egoera oso zaila izan den».

Bi lehiaketa falta zaizkio denboraldia amaitzeko: asteburu honetan, Espainiako federazioen arteko txapelketa, Ciudad Realen (Espainia), eta bi aste barru 23 urtez azpiko Espainiako Txapelketa, Sevillan (Espainia). Aitortu duenez, «lasaiago» hartuko ditu. «Ahal dudan lanik onena egiten saiatuko naiz, baina helburua bete dut jada, ondo bete ere». Hala ere, badu erronka bat begiz joa: Javier Colomo iruindarraren marka ontzea. Hark du denborarik onena euskal atleten artean: 13,58. Martinezek hamazazpi ehunen hobetu beharko luke bere markarik onena. «Saiatuko» dela dio, baina horrekin «itsutu gabe».

Martinezen lorpenarekin argi geratu da soka ez dela eten Nafarroako hesietako atleten artean. Iñigo Monreal eta Txema Romera nabarmendu ziren aurretik, eta Sergio Fernandez azken urteetan. «Deigarria da horren eremu txikian horrenbeste atleta on irten izana». Etxean du horren beste adibide bat: ama, Elena Etxarte, 100 metroko hesidunetan nabarmendu baitzen. «Geneetatik datorkidan? Zerbait bai, ziur. Baina lana ere badago. Halakoetan, bietatik egon behar da».

«Sakratua» da atletismoa euren etxean. «Sekulako zaletasuna dugu». Bestela, ezin da ulertu 4 urterekin jada Ardoin hasi izana. Gorako jauzian nabarmendu zen gero —2,04 metroko marka du—, baina Beoringyanek konbentzitu zuen hesietan hasteko, duela lau urte pasatxo. Eta katigatuta geratu da. «Arnasten den tentsioak erakartzen nau, baita egin behar den lan fisiko eta teknikoak ere. Argi dut: hau da nire proba». ]]>
<![CDATA[«Egoera jasanezina da»]]> https://www.berria.eus/paperekoa/2109/019/001/2020-09-16/egoera_jasanezina_da.htm Wed, 16 Sep 2020 00:00:00 +0200 Julen Etxeberria https://www.berria.eus/paperekoa/2109/019/001/2020-09-16/egoera_jasanezina_da.htm
Hamasei pilotarik hartu zuten parte agerraldian. Joanes Bakaikoa eta Jon Erasun egotekoak ziren, baina Bakaikoari, enpresak entrenamendua jarri zion ordu berean, eta Erasun, bakartuta dago etxean, COVID-19a dela eta. Iosu Eskirozek eta Victor Estebanek bete zituzten haien tokiak. Hain zuzen ere, ez bati ez besteari ez dio berritu kontratua Baikok. Ez ziren egon Aimar Olaizola, Mikel Urrutikoetxea eta Ander Imaz.

Mikel Larunbe ere zen egon, baina hark bere erabakia zehaztu nahi izan zuen ohar batean. «Nire lankideei, guztiei, hasieratik, eta, errespetu osoz euren erabakiarekin, azaldu nizkien nik prentsaurrekoan parte ez hartzearen arrazoiak. Nahiz eta taldeko kide gisa —hasieratik eta orain bezala—, taldearen helburu nagusia, kezkak eta gauzak aldatzeko nahia erabat partekatu, nire iritziz, planteatu den bezalako prentsaurrekoa oraintxe kaltegarria gerta daiteke daukagun egoera behar bezala irtenbide bidean abiatzeko. Prentsaurrekoan parte ez hartzea prozedura desadostasun puntual bat baino ez da. Benetan garrantzitsua dena da taldeko pilotariok dagozkigun gairik funtsezkoenetan gure langile kontzientzia eta praktika kolektiboa egoki mantentzea eta garatzea».

Oinatz Bengoetxeak irakurri zuen sinatzaileen agiria. Jon Ander Albisu eta Ibai Zabala izan zituen alboetan. Atzean, berriz, beste hamahiru pilotari. Irudi oso indartsua zen, inoiz ikusi gabekoa.

Hasteko, «argi» utzi nahi izan zuten «beti» izan dutela enpresarekiko «jarrera irekia eta elkarlanekoa» hitz egiteko, eta «prest» direla «era guztietako erabakiak negoziatzeko, «jakitun» baitira zer «une zailak» bizitzen ari diren, eta bai baitakite «egoera zaila» bilakatu dela mundu osoarentzat. Hala ere, azpimarratu zuten «atsekabez» bizitzen ari direla «aspaldian» enpresak haiekiko hartu dituen hainbat jokabide, eta jokabide horiek zuzendu beharrean, «ugaritu» egin direla azken hilabeteetan. Horrek guztiak eraman ditu «beti ezkutuan egon den egoera publikoki azaltzera».

Azaldu zutenez, 2018ko urte amaieran Asegarce «desagertu» eta Baiko sortu zenean «hasi zen dena». Haien ustez, enpresa batek izena aldatzen badu edo kudeatzaile berriak baditu, langileei aldez aurretik jakinarazi behar zaie. Haiei, aldiz, ez zieten ezer azaldu. Hain zuzen ere, nabarmendu zutenez, izen aldaketatik eta Jose Ramon Garai zuzendari nagusi berriaren izendapenetik aurrera hasi ziren «aurretik bizi edo ezagutu gabeko egoerak jasaten».

Jarraian, enpresaren aldetik «jasan» behar izan dituzten hainbat jokabide azaldu zituzten. Entrenamenduei dagokienez, salatu zuten «inoiz ez» dela kontuan hartu «pilotari bakoitzaren egoera», eta lan saioak Bilbon eta Beasainen (Gipuzkoa) eta prestatzaile fisiko berarekin ezarrita, pilotari askok «alde batean utzi» behar izan dituztela haiekin lan egin eta haiek ordaintzen zituzten prestatzaile, dietista eta fisioterapeutak. Haien ustez, «mesfidantza eta kontrola» dago horren atzean.

Diru kontuez ere hitz egin zuten. Batetik, salatu zuten enpresak ez duela bete agindutakoa: etxetik 50 kilometrora entrenatzeagatik diru-ordain bat pagatzea. Bestetik, aurrekontratuak dituzten pilotari gazteen lan baldintza eskasak salatu zituzten. Halaber, jakinarazi zuten badirela 23.000 euro gordinetik beherako kontratuak dituzten pilotariak, eta haiei esklusibotasun osoa eskatzen dietela, nahiz eta 10.000 euroko gastuak izan, eta ezin direla ibili beste zereginetan. Azkenik, enpresari ere egotzi zioten lehia berezietako osagarriak «nahierara manipulatzea», eta «giza hutsengatik» eta materialaz hitz egiteagatik isunak jartzea —soldataren %20a jokatzeko elastiko bat ahazteagatik—.

Horiez gain, salatu zuten haiekin hitz egin gabe enpresak «pilotarien eta kirol prentsaren arteko harremanak debekatu» dituela, eta aldi baterako erregulaziotik atera zirenetik ez dituztela gonbidapenak jasotzen lehietara haiek laguntzera joaten direnentzako.

Baina inork kritikak jaso izan bazituen, Garai izan zen. Pilotarien arabera, harekin izandako elkarrizketak «oso zailak» izan dira, «errespetu falta garbiak tarteko». Horrez gain, azaldu zuten pilotari batzuek aholkulari kualifikatu baten bidez negoziatzeko aukera erabili dutenean enpresak beti erakutsi diela horiek ez hartzeko erabakia.

Martxotik, «okerrera»

Pilotariek mugarri bat ezarri dute: martxo amaieran enpresak aldi baterako erregulazioa eskatu zuenean. Onartu egin zuten, baina azaldu zutenez, enpresak ez zien erakutsi txostena, nahiz eta legez, ikusteko eskubidea zuten. Hilabeteak pasatu ziren, eta Aspek akordioa lortu zuen aldi baterako erregulazioa bertan behera uzteko. Baikon, ordea, «ziurgabetasun» egoeran jarraitu zuten. Sinatzaileek kontatu zutenez, abokatu bat kontratatu eta idazki bat bidali zioten enpresari, haren asmoak azal ziezaien. Baina ez zuten erantzunik jaso, eta enpresa banan-banan hasi zen deitzen pilotariak, negoziatzeko. Sinatzaileek esan zieten kolektibo gisa eta abokatu baten babesarekin negoziatuko zutela, baina betiere akordioak lortzeko asmoari eutsita. Enpresak ez zuen onartu, eta %100ean atera zituen aldi baterako erregulaziotik. «Enpresak saldu zuen bere apustua izan zela hori egitea, baina egia da kolektibo gisa eta abokatu batek ordezkatuta joan ginenean gurekin gehiago ez hitz egitea erabaki zuela. Gure bertsioa kontatu ez genezan, Olaizola II.a edo Urrutikoetxea ez zen beste edozein pilotari elkarrizketatzea debekatu zien enpresak kazetariei. Legez kanpokoa zen hori egitea, langabezian geundenez, ez ginen enpresako langileak, eta enpresak ezin zigun betorik jarri», azaldu zuten.

Horrez gain, salatu zuten Garai saiatu zela «batasuna hausten», eta «mehatxuak» egin zizkiela zenbait pilotariri. «Argi utzi zien kontratua berehala sinatzen ez zuenak etorkizuna izan zezakeela jokoan enpresan. Bi pilotarik sinatu zuten; beste batzuek, aldiz, nahiz eta proposamen ezberdinak izan, batasuna mantendu eta taldearekin zuten konpromisoari eustea erabaki zuten».

Arretxe, Eskiroz, Victor...

Hain zuzen ere, kontratu berritzeekin egin du gainezka egoerak. Sinatzaileek kontatu zutenez, Iñaki Etxegoienek ez zuen berritu nahi izan, eta, ondoren, enpresak erabaki zuen Iker Arretxeri kontratua ez luzatzea. «Kirol arloari dagokionez, denok uler genezakeen erabakia. Ulertu ezin duguna da hamabost urte baino gehiagoko lan nekaezina egin duen Iker Arretxeri partida bat amaitu ondoren, frontoiko atean bertan jakinaraztea ez diotela kontratua berrituko. Hori al da pilotan horrenbeste urte daramatzan pilotari batek merezi duen tratua?», salatu zuten. Halaber, azaldu zutenez, azken partidako omenaldia Aspek antolatu zuen, eta ez zen Baikoko ordezkari bakar bat ere egon. Argi dute: «Arretxek agur duin bat merezi zuen, omenaldi bat, pilotari guztiek merezi duten bezala. Langile borrokatua eta lankide bikaina izan da».

Arretxeri ez ezik, Baikok ere ez zion kontratua berritu Iosu Eskizori ere, nahiz eta Bigarren Mailako binakakoaren txapela irabazi berri zuen. «Zur eta lur» geratu ziren sinatzaileak, eta «bidegabekeria» horri aurre egiteko, haietako bi ordezkari Garairekin bildu ziren, eta prest azaldu ziren soldata jaisteko, horrela Eskiroz eta berritzeko zain zeuden pilotarien gaietan akordio bat lortzeko. «Baina enpresaren erantzuna izan zen bilera egin eta sei ordura Victor Estebani kontratua ez berritzea. Sinestezina. Amoragarria da. Inolako azalpen sendorik gabe geratu dira kalean, beti enpresaren alde aurpegia emateko prest egon diren profesional handi bi izan direnean. Enpresak enpresaren ustezko egoera ekonomiko zaila argudio gisa erabili duen arren, uste dugu Eskirozen eta Victorri ez berritzeak kirolaz kanpoko arrazoiengatik hartu direla. Izan ere, garai berean diru kopuru handiko kontratuak sinatu dira, bi kontratu profesional gehiago egongo dira, eta enpresari eskatu diogunean bere egoera ekonomikoa erakusteko, beti ezezkoa jaso dugu. Eskirozek eta Victorrek maila handia dute, eta uste dugu enpresak ez badie berritu izan dela taldearen alde egin zutelako. Hori guztia enpresaren mendekua izan da, aldi baterako erregulazioaren negoziazioan gertatu zen guztia dela eta».

Sinatzaileek kezka dute gertatzen ari den guztia ikusita. «Zein guraso egongo da horrenbeste ahalegin egiteko prest, bere semeari edo alabari pilotak eskaintzen dion etorkizuna hori dela ikusita? Txapela irabazteak ere profesionaletan jarraituko duzula ziurtatzen ez dizunean, merezi al du norberaren etorkizuna jokoan jartzeak?».

Pilotaria zaindu

Pilotarien arabera, «jasanezina da egoera, eta pilotaren onerako, aldatu egin behar da». Horregatik, eskaera zehatzak egin dituzte: Garaik jarrera aldatzeko, eta enpresak azkenaldian hartutako zenbait erabaki berriro planteatzeko. Eskaera horiei «entzungor» eginez gero eta «tratu bera» jasotzen jarraituz gero, «neurri zorrotzagoak» hartu beharko dituztela diote, hala nola mobilizazio bat egitea. Pilotariek diotenez, «garai nahasi honek eta tratu iraingarri horiek pilotariek jasaten duten babesgabetasunari buruzko hausnarketa bat» eragin diete. Horren aurrean, «euren bidea egin eta hori jarraitzea» erabaki dute. Horretarako, pilotari profesionalen elkarte bat sortuko dute, «egungo pilotariak eta datozen urteetan etorriko direnak babesteko». Haien ustez, «funtzionatzeko modua aldatu behar da, elkartu, eta pilota profesionalaren munduko subjekturik ahulena, eta, aldi berean, garrantzitsuena babestu: pilotaria».]]>
<![CDATA[«Egoera jasanezina da»]]> https://www.berria.eus/albisteak/186946/egoera_jasanezina_da.htm Tue, 15 Sep 2020 22:16:17 +0200 Julen Etxeberria https://www.berria.eus/albisteak/186946/egoera_jasanezina_da.htm <![CDATA[Akordioari eutsi diote]]> https://www.berria.eus/paperekoa/2214/025/002/2020-09-15/akordioari_eutsi_diote.htm Tue, 15 Sep 2020 00:00:00 +0200 Julen Etxeberria https://www.berria.eus/paperekoa/2214/025/002/2020-09-15/akordioari_eutsi_diote.htm
Osasunak eta fiskaltzak eginiko tratuaren arabera, klubak 1,4 milioi euroko isuna ordainduko du, eta onartu egin du 45 hilabetean ez jasotzea ez diru laguntzarik, ezta pizgarri fiskalik ere. Zigor txikia da, 11 eta 22 milioi euro arteko isuna jasotzeko arriskua baitzuen. Fiskaltzak kontuan hartu du klubak delitua aitortu duela, kolaboratu egin duela, mina arintzeko nahia erakutsi duela eta berriz halakoak ez gertatzeko neurriak hartu dituela. Aurretik, gainera, Osasunak 6,8 milioi euro ordaindu zizkion Nafarroako Ogasunari, zorraren atzerapenagatik eta interesengatik. «Pozik» azaldu da Luis Sabalza klubeko presidentea.

Akusatuen artean, berriz, Miguel Artxanko presidente ohiak, Angel Bizkai kudeatzaile ohiak eta Jose Manuel Puros zuzendaritzako kide ohiak 28 hilabeteko espetxe zigorra onartu dute. Haietako bakar bat ere ez da joango kartzelara. Patxi Izko presidente ohiak, berriz, 22 hilabeteko espetxe zigorra onartu du; eta Sancho Bandres, Txuma Peralta eta Manolo Ganuza agintari ohiek hamasei hilabetekoa. Guztiei aplikatu zaie mina arindu nahi izanaren aringarria, baita epaiketa hasteko denbora luzez itxaron egon behar izatea ere. Halaber, bertan behera geratu dira Jose Gomez eta Tomas Lopez langileen aurkako karguak. Akusatuek arriskua zuten zortzi eta hamazazpi urte bitarteko zigorrak jasotzeko. Zigorra jaso duten guztiek, hala ere, isunak ordaindu beharko dituzte.]]>
<![CDATA[«Kostata», baina ari da barneratzen]]> https://www.berria.eus/paperekoa/1992/029/001/2020-09-15/kostata_baina_ari_da_barneratzen.htm Tue, 15 Sep 2020 00:00:00 +0200 Julen Etxeberria https://www.berria.eus/paperekoa/1992/029/001/2020-09-15/kostata_baina_ari_da_barneratzen.htm
Hilabete pasatu da, eta Eskirozek oraindik ez du kolpea erabat barneratu. «Saiatzen» ari da, baina «kosta» egiten ari zaio. «Hobeto nago, jota egon naiz eta. Baina oraindik ez diot erabat eman buelta. Denbora behar dut oraindik. Espero dut aste batzuetan berriro bete-betean egotea».

«Oso minduta eta dezepzionatuta» dago Baikorekin. «Nik nire eskuetan zegoen guztia egin dut: partida bakar bat utzi dut jokatu gabe profesionaletan aritu naizen bi urteetan; lan pila egin dut, beti gogotsu; asko zaindu naiz; eta txapeldun izan naiz titular gisa jokatu dudan txapelketa bakarrean. Nik egin dut nire lana, ondo egin ere. Ezin didate gehiago eskatu. Nirekin pozik zeudela esaten zidaten, eta horrela ordaintzea guztiz bidegabea da».

Argi du: «gezurra» esan diote. «COVID-19aren pandemiak eragindako egoera ekonomikoak behartutako erabakia dela esan zidaten, jendea sobran zegoela, eta niretzat tokirik ez zutela. Baina gerora jakin dut bi pilotarik debuta egingo dutela. Beraz, gezurra da ez dagoela tokirik. Argi dut: enpresak erabili egin nau egoera honetan, zeinetan diru kontuak dauden negoziatzeko, bere boterea erakusteko, eta beste pilotariei beldurra sartzeko».

Hain zuzen ere, Baikoko zenbait pilotarik agerraldia egingo dute gaur arratsaldean Tolosako Beotibar pilotalekuan (Gipuzkoa) iritzia emateko. «Kezkatuta» daude: Eskirozi ez ezik, Baikok ez die kontratua berritu Iker Arretxeri, Victor Estebani eta Iñaki Etxegoini, eta Unai Laso, Jon Mariezkurrena eta Agirre enpresak zer erabaki zain daude. Eskirozen ustez, «garrantzitsua eta kontuan hartu beharrekoa» da egindakoa. Baita «ezohikoa» ere. «Enpresan egon izan dira iritzia emateagatik isuna jaso duten pilotariak. Zentsura moduko bat zegoen. Oso tristea da». Halere, Mikel Larunbe Baioko atzelariak telebistan esan zuen «bidegabea» zela Eskirozi egindakoa. «Asko eskertzen diot Mikeli egindakoa, ausarta izan baitzen. Halere, tristea da esatea norbait ausarta dela egia esateagatik».

Baina ez dago erabateko batasuna Baikon. Hala, gaurko agerraldian ez dira pilotari guztiak izango. Aimar Olaizolak, adibidez, esana du ez duela jardunaldian parte hartuko. Eskirozen iritziz, «Baikon badirudi bakoitzak bereari begiratzen diola besteenari baino gehiago. Gero, enpresak ez gaitu aintzat hartzen. Adibidez, prentsaren bidez jakin genuen aldi baterako erregulazioa bertan behera utziko zuela. Baiko enpresa hutsa da. Aspen, ordea, gehiago hartzen dituzte kontuan pilotariak, eta elkarrekin hartzen dituzte erabakiak. Hala egin beharko litzateke, pilotariok ematen baitiogu jaten enpresari. Merezi dugu hobeto tratatuak izatea».

Deia, oporretan

Eta tratua aipatuta, Eskirozi «barruak mugitzen» zaizkio Joserra Garai kudeatzailearen telefono deiarekin gogoratuta. «Agirrek eta biok opor egun berberak genituen, eta Mulhacen mendira [Granada, Espainia] elkarrekin joatera erabaki genuen. Hara joateko autobusean ginela jaso nuen Joserra Garairen deia. Hiru egun lehenago hitz egin nuen harekin, eta esan zidan egoera oso txarra zela, eta jendea sobran zegoela. Baina aurrerago hitz egiteko geratu ginen, oporretatik bueltan Bilbora joango nintzela eta lasai hitz egingo genuela. Bada, hiru egun geroago deitu zidan esateko ez zidatela kontratua berrituko».

«Tentsio handiko» elkarrizketa izan zuten. «Bera oso hotz egon zen denbora guztian, eta ia ez zidan hitz egiten utzi. Ni ahalegindu nintzen azaltzen ez zela justua, nik nire esku zegoen guztia egin nuela, ondo entrenatu, ondo zaindu eta ondo jokatu, eta ezin zidatela hori horrela ordaindu. Baina berak etengabe mozten zidan, eta bereari eusten zion: egoera ekonomikoa oso txarra zela, eta nirekin oso pozik egon arren, ezin zidatela ezer eskaini. Eta halaxe amaitu zen solasaldia. Jota utzi ninduen. Ezin nuen sinetsi».

Sakelakoa eskegi, eta isiltasuna egin zen. Hantxe ziren bera eta Agirre Mulhacengo magalean. Eta igotzen hasi ziren, isil-isilik. «Asier berehala konturatu zen jota nengoela, eta momentu oro saiatu zen ni animatzen. Oso eskertuta nago. Harentzat ere egoera ez zen batere samurra, are gehiago kontuan hartuta berak oraindik ez duela berritu».

Sakelakoa itzalita izan zuen denbora luzez, eta gauean, lo egiteko tokira iristerakoan piztu zuen. Sutan zegoen sakelakoa. Ordurako, jakina zen Baikok ez ziola kontratua berrituko. «Mezu pila bat nituen, pilota mundukoak, baina baita frontoietatik kanpokoak ere». Etxekoen deiak ere zituen, eta haiekin hitz egin zuen lehenbizi. Orduan askatu zuen barruen zuen amorru eta min guztia. «Erabat apurtu nintzen, eta negarrez hasi. Haiek ere jota zeuden. Zerbait baldin banaiz, langilea naiz, ez dut talentu berezirik. Profesionaletara iritsi baldin banaiz, gogor lan egin izanari esker izan da. Etxekoek badakite zenbat kostatu zaidan, zenbat sakrifizio egin ditudan, eta horregatik, haiek ere jota geratu ziren».

Sakrifizioak aipatu ditu; adibidez, lana uztea, Volkswagenen lantegi batean egiten baitzuen lan, Landabenen. «Baina ez naiz damutzen utzi izanaz. Duela bi urte egin nuen apustua izan zen: lana utzi, pilotari profesionala izateko. Eta lortu dut, eta oso gustura aritu naiz bi urte hauetan. Baina bai, pena da horrela amaitzea».

Etxekoekin ez ezik, Abel Barriola pilotari ohiarekin ere hitz egin zuen gau hartan. «Mezu bat bidali zidan esanez nirekin hitz egin nahi zuela. Nire idoloa da, eta mesede handia egin zidan harekin hitz egiteak. Asko eskertu nuen dei hori». Baita ordutik jaso dituen animo, babes eta elkartasun mezu guztiak ere. «Oso eskertuta nago guztiei. Polita da ohartzea jendeak maite zaituela eta zurekin dagoela».

Orain, «atseden hartu» nahi du. «Gero pentsatuko dut zer egin: ikasi edo lan egin. Pilotan jokatzen jarraituko dut. Burlatako Zugarralde klubean hasi naiz [Nafarroa], afizionatuetan. Pilotan jokatzea da gehien gustatzen zaidana, eta ez didate kendu eta ez didate kenduko horretan aritzeko gogoa». ]]>
<![CDATA[Akordioa berretsita, ez da egingo 'Osasuna auziko' epaiketa]]> https://www.berria.eus/albisteak/186875/akordioa_berretsita_ez_da_egingo_039osasuna_auziko039_epaiketa.htm Mon, 14 Sep 2020 12:33:49 +0200 Julen Etxeberria https://www.berria.eus/albisteak/186875/akordioa_berretsita_ez_da_egingo_039osasuna_auziko039_epaiketa.htm <![CDATA[Osasunak ezin hobeto ekin dio sasoiari, Cadizen 0-2 irabazita]]> https://www.berria.eus/paperekoa/2040/022/002/2020-09-13/osasunak_ezin_hobeto_ekin_dio_sasoiari_cadizen_0_2_irabazita.htm Sun, 13 Sep 2020 00:00:00 +0200 Julen Etxeberria https://www.berria.eus/paperekoa/2040/022/002/2020-09-13/osasunak_ezin_hobeto_ekin_dio_sasoiari_cadizen_0_2_irabazita.htm
Jagoba Arrasatek entrenatutako taldeak partida serioa jokatu zuen atzo, eta merezita eskuratu zituen hiru puntuak. Hamar minutu eskas behar izan zituen garaipena bideratzen hasteko. Cadizek baloi bat galdu zuen zelai erdian, Oierrek jaso zuen, pase neurtua eman zion Adriani, eta hark bikain bukatu zuen jokaldia.

Minutu asko falta ziren, eta Cadiz saiatu zen berdintzen. Baina hortxe azaldu zen Sergio Herrera. Eta etxekoak gehien estutzen ari zirenean sartu zuen bigarren gola Osasunak, Ruben Garciak, 79. minutuan, area barruan modu ikusgarrian errematatuta. Kito partida. Garaipena gorritxoentzat, Chimy Avilari eskainia.]]>
<![CDATA[Apustu errentagarria]]> https://www.berria.eus/paperekoa/1958/024/001/2020-09-13/apustu_errentagarria.htm Sun, 13 Sep 2020 00:00:00 +0200 Julen Etxeberria https://www.berria.eus/paperekoa/1958/024/001/2020-09-13/apustu_errentagarria.htm
Danimarkarrak helmugarako hiru kilometro falta zirela jo zuen erasoa. Julian Alaphillipek (Deceruninck-Quick Step) ahalegin bat egin berri zuen, baina ez zuen lortu aurkariak atzean uztea. Eta une nahasi hori baliatu zuen Kragh Andersenek aurrera egiteko. Esprinterren taldeak ez ziren ados jarri, eta horrek erraztu egin zuen haren lana. Azkenean, hamabost segundoren aldearekin helmugaratu zen. Luka Mezgec (Mitchelton) izan zen azkarrena tropelaren esprintean.

Sailkapen nagusian, ez dago aldaketarik, eta Primoz Roglicek (Jumbo) jarraitzen du lider, gaurko etapa gogorraren zain. Hiru mendate igoko dituzte: aurreneko biak, lehen mailakoak, eta azkenekoa, Grand Colombier, maila berezikoa. Ez da ikuslerik izango azken bi mendateetan.

Van Vleutenen erakustaldia

Italiako Giroan, berriz, Annemiek van Vleutenek (Mitchelton) lehen urratsa egin zuen atzo hirugarrenez jarraian lasterketa irabazteko. Herbeheretarrak erakustaldia eman zuen bigarren etapan. Sterrato-ko hiru kilometroko aldapa gogorra zegoen helmugatik hamalau kilometrora, eta hantxe jo zuen erasoa. Berehala egin zuen aldea, eta arazo mekanikoak izan zituen arren, abantaila handiarekin helmugaratu zen: 1.16ra atera zien Anna van der Breggeni (Boels) eta Katarzina Niewiadomari (Canyon). Sailkapen nagusian, Van Vleutenek 1.18 ateratzen dio Van der Breggeni, eta 1.33 Niewiadomari. Ane Santesteban (WNT) hamabigarren izan zen atzo, 4.11ra, eta nagusian, 14. da, 4.59ra. Ainara Elbusto (Costa Dourada), berriz, 26.11ra dago. Gaur hirugarren etapa jokatuko dute, Santa Fiora eta Asissi artekoa, 142 kilometrokoa. Goian amaituko da,

Azkenik, Tirreno-Adriatikoan, Tim Merlier flandriarrak (Alpecin) ezustea eman zuen, seigarren etapa esprintean irabazita. Simon Yates ingelesak (Mitchelton) jarraitzen du lider.]]>
<![CDATA[Ezin hobeto hasi da Osasuna]]> https://www.berria.eus/albisteak/186828/ezin_hobeto_hasi_da_osasuna.htm Sat, 12 Sep 2020 22:57:35 +0200 Julen Etxeberria https://www.berria.eus/albisteak/186828/ezin_hobeto_hasi_da_osasuna.htm <![CDATA[Kragh Andersenek ezustean hartu ditu esprinterrak]]> https://www.berria.eus/albisteak/186823/kragh_andersenek_ezustean_hartu_ditu_esprinterrak.htm Sat, 12 Sep 2020 18:17:04 +0200 Julen Etxeberria https://www.berria.eus/albisteak/186823/kragh_andersenek_ezustean_hartu_ditu_esprinterrak.htm <![CDATA[Ez dira ligako partidak jokatuko ostiraletan eta astelehenetan]]> https://www.berria.eus/paperekoa/2710/021/001/2020-09-11/ez_dira_ligako_partidak_jokatuko_ostiraletan_eta_astelehenetan.htm Fri, 11 Sep 2020 00:00:00 +0200 Julen Etxeberria https://www.berria.eus/paperekoa/2710/021/001/2020-09-11/ez_dira_ligako_partidak_jokatuko_ostiraletan_eta_astelehenetan.htm
Osasunaren eta Realaren partiden datek eta ordutegiek, ordea, bere horretan jarraituko dute: gorritxoak bihar 21:00etan ariko dira Cadizen (Espainia), eta txuri-urdinak, igandean, 16:00etan, Valladoliden (Espainia).

Ezusterik ezean, bigarren jardunaldiko datak eta ordutegiak ere aldatu egingo ditu lehiaketa epaileak. Osasuna datorren ostiralean 21:00etan da jokatzekoa Getafen (Espainia).]]>
<![CDATA[Ez dira ligako partidak jokatuko ostiraletan eta astelehenetan]]> https://www.berria.eus/albisteak/186693/ez_dira_ligako_partidak_jokatuko_ostiraletan_eta_astelehenetan.htm Thu, 10 Sep 2020 11:53:43 +0200 Julen Etxeberria https://www.berria.eus/albisteak/186693/ez_dira_ligako_partidak_jokatuko_ostiraletan_eta_astelehenetan.htm <![CDATA['Chimy' Avilak eskuineko belauna puskatu du oraingoan]]> https://www.berria.eus/paperekoa/2030/025/001/2020-09-10/chimy_avilak_eskuineko_belauna_puskatu_du_oraingoan.htm Thu, 10 Sep 2020 00:00:00 +0200 Julen Etxeberria https://www.berria.eus/paperekoa/2030/025/001/2020-09-10/chimy_avilak_eskuineko_belauna_puskatu_du_oraingoan.htm Chimy-k. Osasunako aurrelari argentinarrak lesio larria izan du eskuin belaunean, aurreko lotailu gurutzatua hautsi baitzuen atzo. Taxoaren entrenatzen ari zela Aridanerekin tupust egin eta eskuin belaunean min hartu zuen. Ebakuntza egingo diote, eta denbora luzez egongo da jokatu gabe, berriro. Izan ere, urtarrilean ezker belauneko aurreko lotailu gurutzatua hautsi zuen, eta, ez zuen gehiago jokatu sasoi osoan.

Osatuta, aurrelari argentinarra buru-belarri ari zen lanean denboraldi berrira sasoi betean iristeko, baina lesio hau kolpe latza da harentzat, baita Osasunarentzat ere, funtsezko jokalaria baita. Aurreko sasoian, min hartu zuen arte, ikusgarri aritu zen: 22 partidatan 11 gol sartu zituen.

Willian Jose, positibo

Realean, Willian Josek positibo eman du PCR probetan. Bakartuta dago etxean, eta ez du jokatuko lehen partida. Aldiz, osatu dira Kevin, Januzaj eta Oiartzabal.]]>
<![CDATA[Zorte ona izan du Bidasoak]]> https://www.berria.eus/paperekoa/2211/021/001/2020-09-09/zorte_ona_izan_du_bidasoak.htm Wed, 09 Sep 2020 00:00:00 +0200 Julen Etxeberria https://www.berria.eus/paperekoa/2211/021/001/2020-09-09/zorte_ona_izan_du_bidasoak.htm
Hilaren 22an jokatuko dute joaneko partida, Artalekun. Astebete geroago, berriz, itzulikoa jokatuko dute Nasicen (Kroazia). Aurrera egiten duen taldeak ligaxka jokatuko du. Itxuraz, Bidasoak aukera du hori lortzeko, aurkari bihurria izan arren Nexe ez baita punta-puntako taldea. Ez du titulurik irabazi, beti egon baita Zagreb ahaltsuaren itzalpean etxeko ligan —txapeldunorde izan da azken denboraldietan—. Hain zuzen ere, aurten bete dira 25 urte Bidasoak Zagreben Europako Kopa irabazi zuenetik. Ordutik ez du jokatu Kroazian.

Asier Zubiria Bidasoa taldeko kirol zuzendariak Nexeren «eskarmentua eta taldeko jokoa» nabarmendu ditu.]]>
<![CDATA[Hurrengo erronkaren zain]]> https://www.berria.eus/paperekoa/1879/026/001/2020-09-08/hurrengo_erronkaren_zain.htm Tue, 08 Sep 2020 00:00:00 +0200 Julen Etxeberria https://www.berria.eus/paperekoa/1879/026/001/2020-09-08/hurrengo_erronkaren_zain.htm
Bi jokalari nabarmendu ziren irundarren artean: Xoan Ledo eta Kauldi Odriozola. Atezainak horma bat eraiki zuen atean: hamalau geldiketa egin zituen, jaurti zizkioten baloien %36. Eskuin hegalekoa, berriz, bikain aritu zen erasoan: partidako golegile nagusia izan zen, zortzi gol sartuta.

Jacobo Cuetara entrenatzailea «oso pozik» dago egindakoarekin. «Titulu baten moduan ospatu genuen; izan ere, halako sasoi bihurrian oso garrantzitsua da lehiaketa bat baino gehiagotan bete-betean aritzea. Hazteko eta handi egiteko, halako erronkak gainditu behar dira. Aurkaririk indartsuena zen PAUC».

Irundarrek gainditu dute aurreneko harri koxkorra. Beste bat gainditzea falta zaie ligaxkarako sailkatzeko. Ligaxka hori dute begiz joa, baina badakite oso zaila izango dela hara iristea, aurkari indartsuak baitaude lehian. Gaur izango dute bigarren kanporaketako aurkariaren berri, ligaxka aurreko saioa zozkatuko baitute Vienan, 11:00etan. Hamabi talde hauetako baten aurka ariko dira bigarren saioan: Nexe (Kroazia); Bjerringbro-Silkeborg eta GOG (Danimarka); Benidorm (Herrialde Katalanak); Montpellier eta Tolosa (Frantzia); Rhein-Neckar Loewen eta Fuechse Berlin (Alemania); Balatonfueredi (Hungaria), Metalurg (Ipar Mazedonia); Azoty-Pulawy (Polonia); eta Sporting (Portugal). Lasto gutxi eta gari asko dago tartean. Danimarkako, Frantziako eta Alemaniako taldeak dira indartsuenak. Horiez gain, bi ezagun daude: batetik, Benidorm Asobal ligako taldea; eta, bestetik, Sporting. Bidasoak Portugalgo taldearen aurka jokatu zuen aurreko denboraldian, Txapeldunen Ligan.

Zozketa eguna ez ezik, partida eguna ere izango da gaurkoa. Izan ere, Irungo taldeak gaur gauean jokatuko du Asobal ligako estreinako partida, Galizian, Cangasen aurka (21:30). Bigarren jardunaldiko neurketa da, lehen eta hirugarren jardunaldiak bertan behera geratu baitziren joan den astean. Espainiako Federazioak hartu zuen erabakia, COVID-19ari lotutako protokolorik ez zegoelako.]]>
<![CDATA[Bat bera dute pasioa]]> https://www.berria.eus/paperekoa/2191/024/001/2020-08-25/bat_bera_dute_pasioa.htm Tue, 25 Aug 2020 00:00:00 +0200 Julen Etxeberria https://www.berria.eus/paperekoa/2191/024/001/2020-08-25/bat_bera_dute_pasioa.htm
«Ipar Euskal Herria oso errugbizalea da», dio Xexili Foix France Bleuko kazetari eta Baiona Peñako idazkariak (Baiona, 1972). «Pilotak ere indarra du, baina errugbia da nagusi. Baiona eta Miarritze goi mailan ari dira aspaldi, eta klub historikoak dira: ehun urte baino gehiago dituzte biek. Baina, bi horiez gain, badira beste hainbat talde, koska batzuk beherago. Ia herri guztietan dago talderen bat. Errugbiak beti izan ditu zale asko, baina, azken hogei urteetatik hona, profesional bilakatu denetik, aldaketa izan da: jende gehiago zaletu da. Telebistak zerikusia izan du horretan. Lehen, Bost eta Sei Nazioen torneoak eta final handiak bakarrik ikusi ahal ziren telebistaz. Orain, ordea, ligako partidak ikusi ahal dira, eta jendeak errugbia deskubritu du, eta kirol honi lotu da».

Foixen ustez, «errugbiaren jokamoldea eta filosofia» dago azken urteetako hazkundearen atzean. Horretarako, futbolarekin alderatu du. «Futbolak badu alde txar bat: zelaian, giroa pixka bat bortitza da; hitzetan, gutxienez. Eta gerla izan ohi da zaleen artean. Errugbian, aldiz, ez dago halakorik. Zelaian, jokalariek errespetu handia erakusten diote epaileari. Nahiz eta jokoa aski bortitza izan, uztartzeak eta plakatzeak baitaude, badago diziplina bat, araudi bat, eta errespetatu egiten dira. Errugbia deskubritzen duen jendea harritu egiten da ikusten duenean epaileek zerbait adierazi eta jokalariek berehala apaltzen dutela burua. Nik maite dut errugbi jokoa: estrategiak, talde espiritua, batasuna... Jokalari guztiak dira garrantzitsuak».

Zaleen «giroa» ere nabarmendu du. «Adiskidantzazko giroa dago errugbian. Horixe da errugbiaren xarmarik handienetako bat. Partidek hiru zati dituzte: hasi aitzin, denak gaude elkarrekin, pozik, kantatzen, bakoitza bere koloreak harro erakutsiz; neurketan, berriz, bakoitzak bere taldea animatzen du, eta, bukaeran, irabazi edo galdu, elkarrekin edaten dugu, eta partidaz patxadaz eta giro onean mintzatu. Horrek egiten du ezberdin errugbia».

Gero eta zale gehiago

Peio Dospital (Itsasu, Lapurdi, 1950) errugbiaren garrantziaren lekuko izan da. Lehenbizi, Baionako jokalari gisa: hogei urtez aritu zen. Gero, klubaren presidente gisa. «Errugbiak beti izan du indar handia Ipar Euskal Herrian, eta batez ere Baionan eta Miarritzen. Zaletasun handia egon da beti, eta, orain, are gehiago. Baionan, adibidez, lehen, 10.000 lagun joaten ziren estadiora. Orain, ordea, 17.000 joaten dira. Lehengoa halako bi da ia. Horrek agerian uzten du zaletasunak ez duela behera egin. Aitzitik, gora egin du. Gainera, harrobi ona dago, bai Baionan, bai Miarritzen, baina baita beste hainbat talde txikitan ere».

Miarritzek 2004 eta 2006 artean izan zuen urrezko aroa: bi urtez jarraian irabazi zuen Frantziako liga, eta Europako txapeldunorde izan zen. Federico Martin Aramburu (La Plata, Argentina, 1980) talde horretako jokalari izan zen. Bi urtez baizik ez zen aritu Miarritzen, baina hain arrasto sakona utzi zuten harengan, ezen bertan bizi baita erretiroa hartu zuenetik. Bazkideen ordezkari izandakoa da. «Ez ditut beste kirolak gutxietsi nahi, baina, Miarritzen, errugbi taldea besterik ez da existitzen. Zergatik? Hemengo biztanleek hiru aldiz ikusi dutelako euren taldea Frantziako liga irabazten eta bitan Europako Kopako finala jokatzen. Gauza handiak bizi izan dituzte, eta horrek, noski, arrasto handia utzi du. Inguru honetan, ez dago errugbi taldea ezagutzen ez duenik».

Dospitalek eta Aramburuk nabarmendu dutenez, jokalari zirela «beti» sentitu dute «hiriaren sostengua eta bultzada». Argentinarrak ez du ahaztu Miarritze gailurrean zegoenean bizitakoa. «Jatetxeetara joaten ginen, eta ez ziguten uzten ordaintzen. Zerbait behar bazenuen, segituan laguntzen zizuten. Etxekoak bagina bezala sentiarazten gintuzten. Gainera, zelaian, irabazi egiten genuen ia beti. Ez zekiten zer egin hori eskertzeko. Zaleak etxera etortzen ziren, gurekin hitz egitera, babesa eta esker ona adierazteko. Izugarri maitatuak sentitu ginen. Horrek asko markatu ninduen. Horregatik, erretiroa hartu nuenean, emaztea eta biok hona etorri ginen bizitzera. Oso zoriontsu gara».

Bizilagunarekin elkarbizitza

Baiona eta Miarritze. Miarritze eta Baiona. Aspaldikoa da elkarren arteko lehia. Euren artekoaz galdetuta, Foixek segituan nabarmendu ditu bi hirien arteko aldeak. «Baiona herrikoiagoa da, eta urte osoan dago giroa. Miarritze, ordea, askoz lotuagoa dago turismoari. Dirudunen hiria da. Baionan ere badaude, baina ez dira hainbeste nabarmentzen».

Daniele Zelaia (Miarritze, Lapurdi, 1985) ez dago batere ados horrekin; jarraitzaile zuri-gorria da, eta Mixel Zelaia Miarritzeko jokalari historikoaren alaba. «Askotan entzun dut gauza bera, baina hori ez da horrela. Miarritze ez da dirudunen taldea, ezta turistena ere. Egongo dira, baina Baionan dauden bezalaxe. Denetarik dago bi taldeetan. Horiek guztiak txorakeriak dira». Aramburuk ere ez ditu aintzat hartzen halakoak. «Derbien inguruan bizilagunari zirikatzeko esaten diren gauzak besterik ez dira».

Bizilagunen arteko lehia horrek derbietan jo ohi du goia. Ados dira guztiak: denboraldiko «partidarik bereziena» da, eta «plazera» da bizilagunari irabaztea. Dospitalen arabera, aldatu egin da jokalarien arteko harremana. «Gure garaian, biziki ongi pasatzen genuen derbia jokatzen genuenean. Zelaian, borroka handia izaten zen, baina lehia bukatzen zenean denak elkartzen ginen, festa egiteko. Elkar ezagutzen genuen, lanetik eta errugbitik, eta anaiak bezala ginen. Orain, berriz, jarraitzaileena da derbia; haientzat da garrantzitsua. Jokalariei berdin zaie aurrean Miarritze edo Paris izan». Aramburuk, ordea, aitortu du bere garaian zaleek jokalariek baino garrantzi gehiago ematen ziotela derbiari. «Esaten ziguten berdin zitzaiela sasoiko beste partidetan zer gertatzen zen, baina Baionari irabazi behar geniola».

Foixek maite ditu derbiak, baina ez noiz edo noiz bi taldeetako zaleen artean egon diren tirabirak. «Lehia beharrezkoa da, baina goxoa. Ez dira gauzak serioski hartu behar. Kirola baizik ez da. Ikusi izan ditugu inoiz bi taldeetako zaleak elkarri hitz itsusiak esanez, eta hori ez dago ondo. Errugbian ez dugu halakorik nahi. Ezagutzen ditut Aguilerara joaten ez diren Baionako zaleak, baita Jean Daugerrera joaten ez diren Miarritzeko zaleak ere. Gu joaten gara Aguilerara, Baiona animatzera. Baionaren alde baikaude. Baina ez gaude Miarritzeren aurka».

Baiona Top 14an aritu da sasoi honetan, eta Miarritze koska bat beherago, Bigarren Mailan. Beraz, ez da derbirik izan. Hurrengoan ere ez da izango. Zaleek horren falta sumatzen dute. «Top 14an, gure derbia Paueren aurka da. Baina ez da gauza bera. Baionaren aurkakoak piper gehiago du. Festa bat da. Ea laster berriz ere elkarren aurka joka dezakegun». Desio bera du Zelaiak. «Oso partida politak dira, eta zer esanik ez irabaziz gero. Beti da plazera Baionari irabaztea».

Bateratu bai, bateratu ez

Miarritze eta Baiona bakoitza bere aldetik doaz, baina saiatu izan dira bi klubak bateratzen. Alferrik, ordea. Bi jokalari ohiak bateratzearen alde daude. Aramburuk dioenez, «nik argi dut bateratu egin behar direla. Bateratzeak sanoa izan beharko luke, eta ona lurraldearentzat. Aukera ona dago, jokalari oso onak baitaude inguruan. Euskal talde indartsu bat sortu beharko litzateke, klubek euren historiari eutsita». Aldekoa da Dospital ere, baina zehaztapena egin du. «Euskal Herriko talde bat sortu beharko litzateke, eta Baionak eta Miarritzek joka dezatela gazteekin Bigarren Mailan. Nork finantzatuko luke talde hori? Baionak %40 jarri beharko luke, Miarritzek beste %40 eta beste talde guztiek, Iparraldekoek zein Hegoaldekoek, beste %20. Nire ustez, gaizki planteatu izan da bateratzea, talde bat gehiago izatea proposatu beharrean bat gutxiago izatea proposatu baita. Horregatik ez du arrakastarik izan».

Zelaia eta Foix, berriz, bateratzearen kontra daude. Zelaiak azaldu duenez, «ez da beharrezkoa Baiona eta Miarritze elkartzea. Euskal talde bat aipatzen dute, baina badira euskal taldeak: Baigorrin, Hernanin, Ordizian, Gernikan... Ondo dago dagoen bezala».

Iritzi berekoa da Foix. «Batzuek diote ekonomikoki ez dela erraza bi talde goi mailan egotea, baina inork ez du frogatu bateratuta emaitza hobeak lortuko direnik. Gainera, bi klub dira, bakoitza bere hiriari lotuta, kolore, historia, kultura batekin eta nortasun ezberdinekin, eta hori ezin da desagerrarazi halako parioak egiteko. Euskal talde bat sortuko litzatekeela saltzen digute, baina, hori egin nahi badugu, iturritik hasi beharko ginateke. Ezerezetik abiatuta, ezin da fitsik egin. Gauzak serioski egin behar dira, eta luzerako plan bat egin». Hala ere, bateratzearen kontra dago. «Baiona Baiona da. Inoiz ez bagara goi mailan sartzen, ez gara izanen, baina beti gure koloreekin ariko gara. Azken helburua ez da goi mailan aritzea. Ahal bada, hobe, baina ezin bada, ez da hala izanen. Dena ez da saltzen».

Bihar: Herri bat, kirol bat (II): Laukiz eta sokatira.
]]>
<![CDATA[PSG eta Bayern Munich aurrez aurre gaur, finalean]]> https://www.berria.eus/paperekoa/1978/024/002/2020-08-23/psg_eta_bayern_munich_aurrez_aurre_gaur_finalean.htm Sun, 23 Aug 2020 00:00:00 +0200 Julen Etxeberria https://www.berria.eus/paperekoa/1978/024/002/2020-08-23/psg_eta_bayern_munich_aurrez_aurre_gaur_finalean.htm
Ez batak ez besteak ez du galdu denboraldi honetan Txapeldunen Ligan, baina horretan ere bada alderik bien artean. Izan ere, Bayernek jokatu dituen partida guztiak irabazi ditu: hamarretik hamar. Lau gol baino gehiago sartu ditu neurketako, eta bat baino gutxiago jaso. PSGk, berriz, zortzi partida irabazi ditu, bat berdindu, eta beste bat galdu. Alemaniarrek nagusitasun osoz gainditu dituzte kanporaketa guztiak: 7-1 Chelseari; 8-2 Bartzelonari, eta 3-0 Olympique Lyoni. Frantziarrek, ordea, gogotik sufritu zuten Borussia Dortmund eta Atalanta bidean uzteko. Alemaniarren aurka, itzulikoan irauli zuten kanporaketa (2-0), joanekoan 2-1 galdu eta gero. Italiarren aurka, berriz, azken unean: 2-1. Aldiz, estutasunik ez zuten pasatu finalerdietan Red Bull Salzburgo kanporatzeko: 3-0.

Orain arte erakutsi duen sendotasunagatik, Bayern Munich da faboritoa. Hans-Dieter Flickek entrenatutako taldeak ez du arrakalarik: atzean, bikain ari dira Alaba eta Davies; zelai erdian, Thiago; eta aurrean, Gnabry eta Lewandowski. Azken biak ikusgarri dabiltza: alemaniarrak bederatzi gol sartu ditu, eta poloniarrak, hamabost.

PSGn, berriz, erasoko jokalariak ari dira nabarmentzen guztien artean: Neymar, Di Maria eta Mbappe. Baina atzean pattal ari da. Orain arte, balio izan dio, baina ikusteko dago ea Bayernen gisako talde baten aurka balio dion.

Hiru euskal jokalari izango dira Lisboan: Javi Martinez eta Alvaro Odriozola Bayernen, eta Ander Herrera PSGn. Herrerak du aukera gehien jokatzeko.

PSG-BAYERN MUNICH
Paris Saint-Germain. Rico; Kehrer, Thiago Silva, Kimpembe, Bernat; Verratti, Marquinhos, Herrera; Di Maria, Neymar eta Mbappe.
Bayern Munich. Neuer; Kimmich, Boateng, Alaba, Davies; Goretzka, Thiago; Gnabry, Mueller, Perisic; eta Lewandowski.
Epailea. Daniele Orsato (Italia).
Lekua. Lisboako Da Luz estadioa.
Ordua. 21:00etan (Movistar Liga de Campeones eta TF1).]]>
<![CDATA[Frantziako taldeak nagusi]]> https://www.berria.eus/paperekoa/1956/024/001/2020-08-23/frantziako_taldeak_nagusi.htm Sun, 23 Aug 2020 00:00:00 +0200 Julen Etxeberria https://www.berria.eus/paperekoa/1956/024/001/2020-08-23/frantziako_taldeak_nagusi.htm
Merezita irabazi zuten atzo Paris Saint-Germainek eta Olympique Lyonek. Biak izan ziren arerioa baino gehiago, baina ez bata ez bestea ez zen gai izan nagusitasun hori alde handiagoko emaitza bat lortuta islatzeko. Erasoan askoz eraginkorrago aritu izan balira, ez zuten estutasunik pasatuko.

Paredes, ikusgarri

Paris Saint-Germain hasi eta berehala aurreratu zen, Katotori esker, baina, atsedenaldia iristeko gutxi falta zela, berdindu egin zuen Meadek. Nagusi ziren frantziarrak, baina ez ziren fin aritu ate aurrean. Haien zorionerako, 77. minutuan jaso zuten saria, Bruunek sartutako gol erabakigarriarekin. Arsenalek estutu egin zuen gero, berdinketaren bila, baina Paredesek ingelesen ahalegin oro zapuztu zituen. Ikusgarri aritu zen legazpiarra, eta erabat lotu zuen Miedema aurrelaria, Arsenaleko jokalaririk onena.

Olympique Lyonek, berriz, aurreikuspenak bete zituen, baina nahi baino dezente gehiago sufritu zuen, Bayern Munichek lanak eman baitzizkion. Frantziarrek 40 minutu behar izan zituzten alemaniarren horma botatzeko. Parrisek sartu zuen gola, Bayernen atzealdearen hutsa baliatuta. 59. minutuan, berriz, Majrik bideratuta utzi zuen garaipena, faltaz gola sartuta. Erabakia zirudien partidak, baina Simonek emozioa eman zion azken txanpari, 64. minutuan faltaz gola eginda. Alemaniarrek azken ahalegina egin zuten, baina alferrikakoa izan zen.]]>
<![CDATA[Hasteko, ustekabekorik ez]]> https://www.berria.eus/paperekoa/1872/024/001/2020-08-22/hasteko_ustekabekorik_ez.htm Sat, 22 Aug 2020 00:00:00 +0200 Julen Etxeberria https://www.berria.eus/paperekoa/1872/024/001/2020-08-22/hasteko_ustekabekorik_ez.htm
Gizonezkoetan, izan dira ezusteak; potoloena, Olympique Lyonek Manchester City kanporatu izana final-laurdenetan. Emakumezkoetan, ordea, oraingoz ez da izan halakorik. Final-laurdenetako lehen bi kanporaketak jokatu zituzten atzo, eta bietan irabazi zuen ustez faborito zen taldeak: Wolfsburgo oso erraz nagusitu zitzaion Glasgow Cityri, Anoetan: 9-1. Bartzelonak, berriz, gehiago sufritu zuen San Mamesen, Atletico Madril mendean hartzeko: 1-0. Bi taldeok elkarren aurka jokatuko dute aurreneko finalerdia, datorren asteartean, Donostian.

Angel Villacampa Athleticeko entrenatzaileak BERRIAn egindako analisian esandakoa bete zen atzo Anoetan, eta Wolfsburgok oso erraz irabazi zion Glasgow Cityri. Hark esan bezala, alemaniarrek bideratua utzi zuten partida atsedenaldian: 4-0. Alemaniako taldea Eskoziakoa baino askoz hobea da, eta ez zuen bigarren zatira itxaron nahi izan nagusitasun hori agerian uzteko. Harderrek bi gol sartu zituen, eta Syrstad Engenek, beste bi. Lehia erabakita utzi arren, egurrean jarraitu zuen Wolfsburgok, eta beste bost gol sartu zituen: Harderrek, beste bi; Rauchek, beste bat; eta Rossek eta Clarkek, bana bere atean. Wadek egin zuen eskoziarren bakarra, 5-1ekoa.

Anoetan egon ez zen parekotasuna egon zen San Mamesen. Bartzelonak pronostikoak bete zituen, baina izerdia bota behar izan zuen Atletico Madril mendean hartzeko. Kataluniako taldea Espainiakoa baino gehiago izan zen, baina kosta egin zitzaion nagusitasun hori berrestea. Mertensek, Oshoalak eta Graham Hansenek aukera garbiak izan zituzten, baina ez zuten asmatu ate aurrean. Baina azkenean, Bartzelonak saria jaso zuen 80. minutuan. Hamrauik sartu zuen neurketako gol bakarra, area barruan aldaratze bat aprobetxatuta.

Txapeldunaren txanda

Gaur jokatuko dituzte beste bi final-laurdenak (20:00). San Mamesen, Olympique Lyon eta Bayern Munich ariko dira, eta, Anoetan, Paris Saint-Germain eta Arsenal. Aurreneko kanporaketak faborito argia du: Lyon. Inork ez du irabazi hark baino gehiagotan Txapeldunen Liga: sei aldiz, azken laurak jarraian. Min hartuta dago haren golegile nagusia, Ada Hegerberg, baina, hala ere, talde ikusgarria du. Hura ezustean harrapatzen saiatuko da Bayern Munich. Iaz, inoiz baino urrunago iritsi zen, finalerdietara, eta aurten, gutxienez, lan bera egin nahi du. Talde indartsua du, baina Lyon baino koska bat beherago dago.

Askoz parekatuagoa dago Paris Saint-Germainen eta Arsenalen arteko neurketa. Frantziarrek defentsa dute makulu, eta horretan funtsezkoa da Irene Paredes erdiko atzelari legazpiarraren lana. Ingelesak, berriz, erasoan nabarmentzen dira. Vivianne Miedema aurrelaria da haien izarra. PSGk partida ofizialak jokatu ditu jada. Arsenalek, ordea, denbora asko darama lehiatu gabe. Hor egon daiteke gakoa.]]>
<![CDATA[Lekukorik pribilegiatuena]]> https://www.berria.eus/paperekoa/1986/020/001/2020-08-21/lekukorik_pribilegiatuena.htm Fri, 21 Aug 2020 00:00:00 +0200 Julen Etxeberria https://www.berria.eus/paperekoa/1986/020/001/2020-08-21/lekukorik_pribilegiatuena.htm
Koronabirusaren pandemiak eragindako egoera dela eta, partida guztiak ikuslerik gabe jokatuko dira. Hori da «pena bakarra», Paredesen iritziz. «Politena ikusleekin jokatzea litzateke, eta harmailan etxekoak eta lagunak izatea. Gainera, Euskal Herriko estadio handietan, Anoetan eta San Mamesen, emakumezkoen partidak jokatu izan direnean jende asko joan izan da beti. Pena da hori ezin bizi izatea. Baina osasuna guztiaren gainetik dago. Oso ezberdina izango da dena».

Hala ere, «garrantzitsutzat» jo du ateak itxita izan arren Euskal Herrian Txapeldunen Ligaren gisako «lehiaketa handi» bat jokatzea. «Albiste oso ona da. Emakumezkoen futbolari bultzada eman nahi zaion seinale da. Nahiz eta ikuslerik gabe izan, jendea adi egongo da. Azken urteetan ikusi da jendea prest dagoela emakumezkoen futbolari bultzada bat emateko. Nire iritziz, goranzko joeran gaude, eta Txapeldunen Ligako Zortziko Finala Euskal Herrian jokatzea beste aurrerapauso bat da joera horretan».

Osasun egoerak okerrera egin du Euskal Herrian azken asteetatik hona, eta, horren ondorioz, zenbait komunikabidek zabaldu zuten Europako Futbol Federazioa (UEFA) aztertzen ari zela Zortziko Finala beste nonbait jokatzea. Baina ez da halakorik gertatu. «Lasai» dago Paredes, baina egoeraren jakitun. «Prebentzio neurri guztiak betetzen ari gara, eta kontu handiz ari gara jokatzen egunerokoan. Ez gara hoteletik ateratzen; burbuila batean bizi gara ia-ia. Astero egiten dizkigute PCR probak. Zaindu egin behar dugu. Horrenbeste denbora pasatzen dugunez elkarrekin, norbaitek positibo emanez gero, denak kutsatuko ginateke. Kontu handiz ibili behar dugu. Zorionez, ondo gaude. Baina ikusten ari gara birusa nahiko azkar transmititzen dela, eta probabilitateagatik bada ere, normala dela taldean norbait kutsatzea. Espero dezagun halakorik ez gertatzea. Gu neurri guztiak betetzen ari gara».

«Finalak dira lehia guztiak»

Bi hilabete pasatu dira Paredesek «ohiko lanari» ekin zionetik. Kosta egin zitzaion martxan jartzea. «Etenaldian ez ginen geldirik egon, egiteko zehatzak baikenituen. Baina kontakturik gabe entrenatzen ginen, taldekiderik gabe, baloia ia ukitu gabe, instalazioak itxita baitzeuden. Horregatik, ohi baino gehiago kostatu zitzaigun martxan jartzea. Bi asteko kontua izan zen. Gero jada betiko egunerokoari heldu genion. Asko entrenatu gara, eta ondo gaude: lehiarako prest».

Entrenatu ez ezik, neurketa ofizialak ere jokatu dituzte, Frantziako Kopakoak. «Lehenbizi, Bordeleren aurka aritu ginen finalerdietan, eta 1-2 irabazi genuen. Finalean, ordea, hutsean berdindu genuen Olympique Lyonekin, eta penaltietan galdu. Gogorra izan zen berriz ere beste final bat penaltietan galtzea [2017an, Txapeldunen Ligakoa galdu zuen penaltietan PSGk, orduan ere, Olympique Lyonen aurka]. Baina Lyon munduko talderik onenetako bat da. Gu hor gaude, tituluak irabazteko borrokan. Txapeldunen Liga honetan ere helburu bera dugu: ahal dugun urrutien iristea».

Arsenal izango dute lehen harria bide horretan. Kale edo baleko partida izango da, Zortziko Finaleko guztiak bezala. Paredesen arabera, «aldaketa handia» da kanporaketak neurketa bakarrera izatea. «Ez dago zelaiaren faktorea, eta partida guztiak finalak dira; edozer gerta daiteke. Gizonezkoen Txapeldunen Ligan ikusi da zer-nolako ezustekoak gertatu diren». «Erronka zailtzat» jo du Ingalaterrako taldea bidean uztea. «Oso talde ona dute. Gainera, UEFAk emandako aukera aprobetxatu dute, eta fitxaketa pila egin dituzte azken fase honetarako. Baina guk ere talde sendoa dugu, eta bizpahiru urte daramatzagu elkarrekin jokatzen. Nire iritziz, horrek mesede egiten digu. Itxura hartzen diot neurketa parekatua izango dela, eta xehetasun txikiek egingo dutela aldea».

Miedemarekin, adi-adi

Vivianne Miedema aurrelari herbeheretarra. Paredesek berehala azpimarratu du Arsenalen arriskurik handiena. «Oso ona da. Ematen du ez dela ezer egiten ari, eta erraz sartzen dizkizu bi gol. Argi ibili beharko dugu harekin».

Ezaguna dute egin beharreko bidea. Arsenal kanporatuz gero, Olympique Lyon edo Bayern Munich izango lukete aurkari finalerdietan, hilaren 26an, San Mamesen. Baina Paredesek ez du bihartik harago joan nahi. «Arsenal bakarrik dugu buruan. Ezin dugu urrunago begiratu. Hanka sartzea litzateke». «Itxaropentsu» dago. «Lehiaketa nagusia da Txapeldunen Liga, partida garrantzitsuenak jokatzen dira bertan. Guk lan handia egin dugu azken bi hilabeteetan sasoiko iristeko.Zerbait handia egin nahi dugu».]]>