<![CDATA[Julen Etxeberria | Berria.eus]]> https://www.berria.eus Bere azken artikuluak eu Sun, 02 Oct 2022 22:09:05 +0200 hourly 1 <![CDATA[Julen Etxeberria | Berria.eus]]> https://www.berria.eus/irudiak/berriaB.png https://www.berria.eus <![CDATA[Alavesek ezin du burua altxatu, eta 0-4 galdu du Vila-realen kontra]]> https://www.berria.eus/paperekoa/2008/028/002/2022-10-02/alavesek_ezin_du_burua_altxatu_eta_0_4_galdu_du_vila_realen_kontra.htm Sun, 02 Oct 2022 00:00:00 +0200 Julen Etxeberria https://www.berria.eus/paperekoa/2008/028/002/2022-10-02/alavesek_ezin_du_burua_altxatu_eta_0_4_galdu_du_vila_realen_kontra.htm
Lehen ordu erdian gertatu zena kontuan hartuta, nekez pentsa zitekeen Alavesek halako astindua jasoko zuenik. Indartsu zelairatu zen, eta lehen ordu erdian bitan egon zen gola sartzear. Baina bai Sara Carrillok, bai Camila Saezek langara bota zuten baloia.

Halakoetan gertatu ohi da: barkatu, eta aurkariak kolpea ematea. Horixe gertatu zen atzo, Vila-realen bigarren ahaleginean, Sheila Guijarrok gola sartu baitzuen. 34. minutua zen. 0-1ekoarekin amaitu zen lehen zatia.

Berdintzeko asmoz, Alaves gogoz zelairatu zen bigarren zatian. Aldaketak egin zituen Mikel Crespok, baina alferrik. Hori gutxi ez, eta 62. minutuan bisitariek bigarren gola sartu zuten, Fatoumata Kantehek. Golak jota utzi zituen etxekoak, eta Vila-realek aprobetxatu egin zuen beste bi gol sartzeko: Belen Martinezek, 76. minutuan, eta berriz Sheilak, 81.ean.

Etsita zegoen Crespo partida bukaeran: «Lehen minutuetan hobeak izan gara, baina ez ditugu aukerak baliatu, eta haiek bai. Bigarren zatian, berriz, suspertu egin gara, baina bigarren gola sartu digute, eta lehia oso maldan gora jarri zaigu».

Reala eta Athletic, gaur

Gaur, Realak eta Athleticek jokatuko dute. Natalia Arroyok zuzendutako taldea Sevillaren zelaian ariko da (16:00, Dazn). Suspertu egin nahi du: astebetean, Betisen aurka berdindu du etxean, eta Txapeldunen Ligatik kanpo geratu da. Aukera ona du gaur, Sevillak bi partidak galdu baititu.

Aurkari indartsuagoa hartuko du Athleticek Lezaman (18:00, Dazn): Real Madril. Iraia Iturregiren taldeak irabazi egin zuen lehen partida, eta galdu azkenekoa. Real Madrilek, berriz, irabazi egin du jokatu duen neurketa bakarra.]]>
<![CDATA[Udari txapela jarri nahi diote]]> https://www.berria.eus/paperekoa/1946/029/001/2022-10-02/udari_txapela_jarri_nahi_diote.htm Sun, 02 Oct 2022 00:00:00 +0200 Julen Etxeberria https://www.berria.eus/paperekoa/1946/029/001/2022-10-02/udari_txapela_jarri_nahi_diote.htm
Finalerdia jokatu, irabazi, eta egun eta erdira ariko dira bi bikoteak. Ezkurdia-Mariezkurrena II.ak nagusitasunez irabazi zieten Erik Jakari eta Jose Javier Zabaletari: 22-7; hasi eta buka gailendu ziren. Altuna III.a-Imazi, ordea, gehiago kostatu zitzaien Iker Irribarria eta Jon Ander Albisu mendean hartzea: 22-15. Sufritu egin zuten hasieran (8-13), baina eutsi egin zuten lehenbizi, eta hautsi gero: 14-2ko partziala lortu zuten.

Udan egindako lanari erreparatuta, Ezkurdia-Mariezkurrena II.a dira faborito. Ikusgarri ari dira biak ala biak. Aspeko aurrelariak sanferminetako lau eta erdikoa eta Gasteizko eta Donostiako torneoak irabazi ditu; Baikoko atzelaria, berriz, jokatu dituen bost torneoetatik lautan nagusitu da: sanferminetakoan, Bizkaikoan, Bilbokoan eta Donostiakoan. Elkarrekin irabazi zuten Gipuzkoako hiriburukoa; beraz, bigarren txapela nahi dute Mastersean.

Askoz apalago aritu dira Altuna III.a eta Imaz. Aurrelariak uda gorabeheratsua izan du: lehenbizi, ezker eskuko hatz adierazlea sendatu behar izan zuen; eta gero, hiru astez egon zen jokatu gabe eskuin hankan min hartu ondoren. Baina garaiz suspertu da. Joan den astean, sanmateoetako torneoa irabazi zuen Julen Martijarekin, eta, gaur, Masterseko finala jokatuko du Imazekin. Atzelariak ez du txapelarik lortu —finala jokatu zuen Gasteizen, Lasorekin—, baina Mastersean nabarmendu da.

Txapelketa horretan, nor baino nor gehiago aritu dira gaur finala jokatuko duten bi bikoteak. Ezkurdia-Mariezkurrena II.ak sei partidetatik bakarra galdu dute, Irribarria-Albisuren aurka. Lehenak izan ziren ligaxkan, eta zuzenean sailkatu ziren finalerdietarako. Haien atzetik geratu ziren Altuna III.-Imaz. Ezkurdia-Mariezkurrenaren II.aren aurka galtzeak utzi zituen lehen tokitik kanpo: 22-20 galdu zuten Getarian (Gipuzkoa). Irabazi egin dituzte beste sei partidak. Beraz, ligaxkak segida izan du azken txanpan, eta lehen bi sailkatuak ariko dira udako azken torneoa irabazteko lehian.

Giro ederra egongo da Nafarroa Arenan. Herenegun, 1.500 lagun inguru egon ziren harmailetan, eta gaur, gehiago izango dira.

Mastersari lau eta erdikoak hartuko dio lekukoa; datorren astean hasiko da. Asier Agirrek jokatuko du, atzo 22-13 irabazi baitzion Joanes Bakaikoari atarikoan. ]]>
<![CDATA[«Mesede handia egin dit eskuak ondo izateak; ikaragarri gozatu dut»]]> https://www.berria.eus/paperekoa/1857/024/001/2022-09-30/mesede_handia_egin_dit_eskuak_ondo_izateak_ikaragarri_gozatu_dut.htm Fri, 30 Sep 2022 00:00:00 +0200 Julen Etxeberria https://www.berria.eus/paperekoa/1857/024/001/2022-09-30/mesede_handia_egin_dit_eskuak_ondo_izateak_ikaragarri_gozatu_dut.htm
Guztiak bat datoz: udako pilotaririk onena izan zara. Zer pentsatzen duzu hori entzundakoan?

Ohorea dela, hori diotenen artean pilotari asko baitaude; eta ohorea dela nire izena aipatzea egungo pilotarien maila ona kontuan hartuta. Nik neuk badakit uda oso ona egiten ari naizela, baina ilusio ikaragarria egiten dit hori beste batzuei entzuteak.

Sanmateoetakoa ez beste, jokatu dituzun torneo guztiak irabazi dituzu: sanferminetakoa, Bizkaikoa, Bilbokoa eta Donostiakoa. Emaitza bikainak dira.

Bai, eta ez da batere erraza torneo horietan halako emaitza onak lortzea. Zorte kontua ere izan daiteke: ez dut min hartu, eta sasoiari eutsi diot. Profesionaletan daramatzadan lau urteetan, orain nago inoiz baino sasoikoago. Udan lortu ditudan emaitzak dira horren isla. Oso-oso pozik nago.

Garaipenen batek egin dizu ilusio handiagoa besteek baino?

Argi dago: sanferminetakoak. Hasieran, Unairekin jokatu behar nuen [Laso], baina, hark min hartu, eta Iñakirekin aritu nintzen [Artola]. Ikaragarri gozatu nuen. Lehenik, finalerako sailkatu ginen, eta, finalean, parean oso bikote indartsua izan arren [Altuna III.a eta Rezusta], irabazi egin genuen. Sekulako ilusioa egin zidan etxean irabazteak.

Lau aurrelari ezberdinekin irabazi duzu: sanferminetan, Artolarekin; Bizkaikoan, Mikel Urrutikoetxearekin; Bilbokoan, Lasorekin; eta Donostiakoan, Joseba Ezkurdiarekin. Horrek balio handiagoa ematen dio egindakoari?

Kontuan hartzekoa da. Izan ere, izen handiko aurrelari batekin jokatuta ere, elkarren artean ondo moldatzea ezinbestekoa da. Eta nik gutxitan jokatu dut askorekin. Hori dela eta, nabarmentzekoa da laurekin txapeldun izana. Pilotari handiak dira guztiak, eta oso gustura aritu naiz haiekin.

Lau atzelariren aurka jokatuta ere egin duzu: Rezustaren, Martijaren, Zabaletaren eta Albisuren aurka. Onenak dira.

Horregatik diot niretzat oso garrantzitsua dela torneo horiek irabazi izana: aurrelari eta atzelari onenen aurka jokatuta egin dut, baita elkar daitezkeen bikoterik onenen kontra ere. Halere, irabazi egin dut gehienetan. Oso kontuan hartzekoa da. Oso harro nago.

Uda eder honek balio izan dizu zeure buruan sinisteko?

Pilotariok geure buruarengan pentsatzen egiten dugu lan. Badakigu kanpotik esaten denak eragina izan ohi duela, eta egun batean goian jartzen zaituztela, eta hurrengo egunean behean. Kontuan hartu behar da hori, baina neurriz. Egunero gurekin lan egiten dutenek esan dutenari egin behar diogu kasu.

Zein da gorakada honen gakoa?

Uneak daude: egun batean, goian zaude, eta hurrengoan, agian, behean. Nik gorakada handia izan nuen uda hasieran, oporretatik bueltan. Batez ere, eskuak ondo izateak eragin zuen gorakada hori; oso gaizki pasatu nuen binakakoan, asko sufritu bainuen. Baina eskuak ondo izateak mesede handia egin zion neure buruari: konfiantza handia hartu nuen, eta osasunez eta buruz indartsu zaudenean askoz hobeto entrenatzen zara. Horri esker, sasoi ona egin nuen, eta uda osoan eutsi diot; gora egin dut uneren batean ere. Ikaragarri gozatu dut. Udan eginiko lana dago horren atzean, baina baita aurretik eginikoa ere.

Eskuak ondo izatea da pilotari bati eta bereziki atzelari bati gerta dakiokeen onena?

Dudarik gabe. Pilotari batentzat, eta bereziki atzelari batentzat, dena da eskuak ondo izatea. Aspaldi barneratu nuen ezin zarela erdizka atera; lotsagarri uzten zaituzte. Orain, eskuak ondo izanda, oso zaila bada egungo pilotariekin nor baino nor gehiago aritzea, zer esanik ez eskuak gaizki izanda; jai duzu. Binakakoan agerian geratu zen hori: gaizki nituen eskuak, eta emaitzak halakoak izan ziren [lau partida bakarrik irabazi zituzten hark eta Erik Jakak, eta ez ziren kanporaketarako sailkatu]. Baina buelta eman nion egoerari, eta udan ikaragarri gozatu dut: batetik, oso ondo aritu naiz, eta, bestetik, asko eta jarraian jokatu dut, eta eskuek eutsi egin didate.

Zertan hobetu duzu?

Hobeto moldatzen naiz kantxan: lehen, gaztetasunaren indarrak bultzatuta, pilota hautsi egin nahi nuen; uda honetan, ordea, asko eman diot pilotari, baina neurtuta, beharrezkoa zenean bakarrik. Oreka topatu dut, eta, horri esker, huts gutxiago egin ditut. Ezkerretik eta airez ere hobeto aritu naiz. Eta, batez ere, gorabehera gutxi izan ditut: egun batzuetan, distiratsu aritu gabe ere, ondo jokatu dut. Lehen, lauzpabost partida on jokatzen nituen jarraian, eta gero, segidan, bizpahiru txar. Pixkanaka, pilotaria egiten ari naiz. Asko dut hobetzeko. Ari naiz, eta jarraituko dut gogor lanean.

Sufritzen ikasi duzu?

Bai. Ez duzu beste aukerarik atzelari onenen aurka jokatu nahi baduzu. Ondo dago pilotari asko ematea, baina horrek ez du ezertarako balio bosgarren pilotakadan kale egiten baduzu. Horretan ere asko hobetu dut, eta ikusi dut orain bezala jokatuta min handia egiten diedala beste atzelariei.

Bolada txarrak pasatu izanak lagundu egiten du jokoaren sufrimenduari hobeto eusteko?

Egunerokoan gauza asko pasatzen dira, eta horiek lagundu egiten dute bai jokoan, bai bizitzan. Niri asko lagundu didate: sekulako konfiantza dut neure buruarengan, eta, kantxara konfiantzaz gainezka ateratzen zarenean, gauzak errazago ateratzen dira.

Fisikoki ere asko hobetu duzu.

Oso garaia naiz [1,95 metro], eta fin egon behar dut arin mugitzeko. Baina indartsu ere egon behar da. Debutatu nuenetik, 11 kilo hartu ditut. Asko sumatzen dut. Ez nago potolo, gantza galdu dut [barrez]. Hanka indartsuagoak ditut, baina arin mugitzen naiz.

23 urte besterik ez dituzu.

Horregatik naiz horren baikorra. Lau urte daramatzat profesionaletan, baina 23 urte besterik ez ditut; ez dut nire onena eman. Oso gaztea naiz zenbait atzelarirekin konparatuta: Josek [Zabaleta] eta Jon Anderrek 30 urte baino gehiago dituzte. Ilusio handia egiten dit 23 urterekin haien mailan egoteak; aurrera egiteko indarra ematen dit.

Beraz, iristear dago Mariezkurrenarik onena?

Bai, asko baitut hobetzeko. Askotan ez da lortzen dena ateratzea, baina uste dut lanean jarraitzen badut aterako dudala. Gainera, adinarekin hobetu egiten da. Bide onean nago. Ea lortzen dudan gutxienez oraingo mailari eustea, eta, ahal bada, gora egitea.

Ezkurdiarekin aritu zara Mastersean. Esan duzu «oso gustura» aritu zarela, eta ez zaiola «behar bezalako balioa» ematen hark egiten duenari. Zergatik diozu?

Askotan jokatu izan baitu atzelari gutxixeagoarekin, eta berak eraman behar izan baitu bikotearen zama; lan zikin asko egin behar izan du. Oso-oso langilea da, eta asko laguntzen dio bikotekideari. Gozamena da harekin jokatzea.

Jakaren eta Zabaletaren aurka jokatuko duzue gaur Masterseko aurreneko finalerdian (22:00, ETB1). Zer itxura hartzen diozu? 22-9 irabazi zenieten ligaxkan.

Bai, baina beste frontoi batean jokatuko dugu, eta garaia ere ez da bera; pilotariok gorabeherak izan ohi ditugu. Haien aurka, dena atera zitzaigun ondo, eta haiek ez zuten egun ona izan. Badakigu zenbat jokatzen duen Josek; edozein egunetan lotsagarri utz gaitzake. Baliteke gaur hala izatea. Lehia irekia eta zaila izango da. Baina gu sasoiko gaude, eta uste dut aukera asko dugula irabazteko. Sekulako gogoa dut jokatzeko, eta are gehiago Nafarroa Arenan, etxean. Gertuko asko joango dira. Ea uda biribil dezakegun.

Altuna III.a-Imaz eta Irribarria-Albisu ariko dira beste finalerdian. Pronostikorik baduzu?

Jokin tartean egonda, bera da faboritoa.

Mastersa amaituta hasiko da lau eta erdikoa. Binakakoa prestatzen hasiko zara?

Bi partida jokatu behar ditut; azkena, urriaren 7an. Gero, atseden hartuko dut. Ondoren hasiko gara binakakoa prestatzen.

Hatzak gurutzatuko dituzu eskuek euts diezaioten?

Bai. Iaz, uda oso ona egin nuen, eta, gero, partida asko jokatu nituen urrian eta azaroan, Aimarren agurragatik [Olaizola]. Aurten, partida gutxiago jokatuko ditut. Ea eskuek eusten dioten; eusten badiote, errazagoa da jokoari eustea.

Arantza atera nahi duzu?

Bai. Azkenekoan ez nuen batere gozatu. Lehen partidan eskuin eskua izorratu nuen, eta ez zitzaidan osatu ia amaiera arte; azkeneko bi partidetan bakarrik gozatu nuen; batez ere, azkenekoan. Badut gogoa txapelketa ona egiteko. Gustatuko litzaidake bikotekidearekin ondo moldatzea eta gutxienez finalerdiak jokatzea.

Norekin jokatu nahi duzu?

Unairekin, izugarri ona baita, eta sekulako harremana baitugu. Zaila da elkarrekin jartzea, baina ziur naiz gustura jokatuko dudala edonorekin; bikainak dira denak. ]]>
<![CDATA[Txapela buruan, nekerik ez]]> https://www.berria.eus/paperekoa/1872/022/001/2022-09-28/txapela_buruan_nekerik_ez.htm Wed, 28 Sep 2022 00:00:00 +0200 Julen Etxeberria https://www.berria.eus/paperekoa/1872/022/001/2022-09-28/txapela_buruan_nekerik_ez.htm Izeta VI.a-k (Aia, Gipuzkoa, 1993) buelta eman diote eginiko ahaleginari. Arindu egiten zaie nekea txapela ikustean.

Egin zuten lehen gauza ospatzea izan zen. Aldea egon zen baten eta bestearen artean. Apalak izan ziren Arrutiren ospakizunak. «Goizeko ordu bietan amaitu genituen lanak plazan, eta garagardo bat besterik ez nuen hartu han bertan. Nekatuta nengoen. Gero, etxekoekin bazkaldu nuen. Aste honetan ospatuko dut lagunekin, behar bezala». Izeta VI.a, berriz, Zarautzera (Gipuzkoa) joan zen, gaua luzatzeko asmoz. «Parranda pixka bat egin genuen. Jai nuen, eta aprobetxatu beharra zegoen. Senitarteko batzuekin ere bazkaldu nuen».

Ez dira ados jarri ezta finala ikusteko orduan ere. Arrutik ez du ikusi, eta ez du ikusiko. «Badakit huts gehiegi egin nituela; ikusten badut, gaizki egindakoari soilik erreparatuko diot. Sentipen onak hartu nahi ditut gogoan».

Aitortu duenez, «lasai» egon zen bezperan, baita plazara iristean ere. Baina «bat-batean» jarri zen urduri. «Aurkezpena hasi, eta familia, lagunak eta kartela ikusi bezain pronto, oso urduri jarri nintzen. Lehen proba harri jasotzea izateak zerikusia izan zuen; ez dut ondo menderatzen. Gaizki hasi nintzen, eta hori gutxi ez, eta giza proban inoiz baino okerrago aritu nintzen».

Azkena zen aurreneko bi probak bukatuta: Karmele Gisasola Zelai III.a-k 32 segundo ateratzen zizkion, eta Lucia Orbek, hamalau. Ez zen larritu; espero zuen. «Lasai antzean nengoen. Espero baino okerrago ari nintzen, baina aldea ez zen handia. Gainera, aizkoran moldatzen naiz ondoen». Hasieratik erakutsi zuen zergatik den Urrezko Aizkorako binakako eta banakako txapelduna. Berehala harrapatu zituen aurkariak, baita aurrea hartu ere. 1.19ko aldearekin ekin zien txingei. «Gustura aritu nintzen aizkorarekin, eta horrek lasaitu egin ninduen. Itxaropena nuen aurretik egoteko, baina ez horrenbesteko aldearekin. Horri esker, lasaiago aritu ahal izan nintzen».

Zelai III.a korrika hasterako, hiru itzuliren aldea zuen. «'Kito, Nerea; orain, gozatu', pentsatu nuen. Eta hori egin nuen azken itzulietan: gozatu». 21.09ko marka egin zuen. 2.13 atera zion Zelai III.ari, eta 4.09 Orberi. «Irabazteko esperantza nuen, baina ez horrenbesteko aldearekin; Karmele eta Lucia kirolari puskak dira».

Hasi eta buka, nagusi

Izeta VI.ak, ordea, finala ikusi du, sakelakoan, baina badu asmoa telebista aurrean jartzeko. Autokritika egin du berehala. «Barea jarri zitzaidan korrika, eta ez nuen batere gozatu. Aizkoran ere ez nintzen gustura aritu. Espero baino denbora gehiago behar izan nuen; egurrak iazkoak baino txarxegoak ziren, gogorxeagoak».

Bestelakoan, «oso pozik» dago egindako lanarekin; batez ere, estrategia «oso ondo» atera zitzaiolako. «Harriarekin jo nahi nuen, aldea lortzeko. Nahi eta egin. Giza proba amaieran ere aurretik nengoen, minutu eta erdi pasatxogatik. Banekien oso zaila izango zela aldea kentzea lehen kana-erdikoan barruko aizkora hartua banuen. Hori ikusita, pentsatu nuen ia eskura nuela txapela. Halere, sufritu egin nuen». «Izugarri» eskertu zuen «hasi eta buka» aurretik joatea. «Sekulako aldea dago; beste proba bat da. Ni aurretik izan naiz azken bi urteetan, baina inoiz tokatuko zait atzetik joatea».

31.36ko marka egin zuen; 1.53 hobetu zuen bere markarik onena. Julen Gabilondok eta Xabier Zalduak ere euren markak hobetu zituzten. Izeta VI.aren arabera, «asko» hobetu da maila. «Jendea gero eta hobeto entrenatzen da. Gutxi entrenatuta, jai dago. Argi dut aurtengo markarekin ez dudala irabaziko datorren urtean».

Bigarren txapela du; beste hiru ditu binaka; Arrutik, berriz, txapel bana du bietan. Haiek dira pentatloiko nagusiak, kirolaririk osoenak. Ez batak ez besteak ez zuen espero halakorik. Arrutik urtebete eskas darama herri kiroletan. «Espero nuen ondo aritzea, baina inondik inora ere ez txapelak irabaziko nituela. Ametsa bete dut». Haren ustez, «gogoa eta gustura ibiltzea» dira gakoak. «Gehiago gozatzen duzu».

Izeta VI.ak, berriz, haren izateko erara erreparatu dio: «Oso lehiakorra naiz. Lehen aldiz kalean geratu nintzenean, osabari [Jexux Mari Iruretagoienari] esan nion hurrengo urtean irabaziko genuela. Esan eta egin. Txapelek ematen didate indarra. Sekreturik ez dago: lana eta sakrifizioa. Egur handia eman diot gorputzari, baina fruitua jaso dut».

Haiek jantzi dituzte txapelak, baina diotenez, «jende asko» dago horien atzean, eta haiei eskaini dizkiete: Arrutik, etxekoei, lagunei, bikotekideari, entrenatzaileari, antolatzaileei eta Amalur Arbelaitz entrenamenduetako kideari. Izeta VI.a.k, berriz, familiari, lantaldeari, eta batez ere, lagunei. «Haiengandik aparte ibili naiz, eta gaizki pasatu dut. Baina erakutsi didate nirekin daudela».

Atsedenik ez dute. Izeta VI.a Bigarren Mailako Euskadiko Aizkora Txapelketako kanporaketan ariko da igandean. Arruti, berriz, Gipuzkoako Txapelketan ariko da bi aste barru, eta Euskadikoan gero. Txapelak indarra emango die.]]>
<![CDATA[Beste astindu bat erlojuari]]> https://www.berria.eus/paperekoa/1993/022/002/2022-09-27/beste_astindu_bat_erlojuari.htm Tue, 27 Sep 2022 00:00:00 +0200 Julen Etxeberria https://www.berria.eus/paperekoa/1993/022/002/2022-09-27/beste_astindu_bat_erlojuari.htm
Kipchogek erakustaldia eman zuen Berlingo kaleetan. Hasi eta buka joan zen 2018an baino azkarrago: bosgarren kilometroan, hamar segundo bizkorrago; hamargarrenean, 38; hamabosgarrenean, minutu eta bost segundo; hogeigarrenean, minutu eta 11 segundo; eta maratoi erdian, minutu eta hamabost segundo (59.51). Apur bat behera egin zuen gero, erbi lanak egin behar zituen hirugarren eta azken korrikalaria bazter batera joan baitzen, eta bakarrik egin behar izan baitzituen azken hamazazpi kilometro pasatxoak. Bere buruaren eta kronometroaren aurka aritu zen orduan, eta irabazi egin zien biei.

«Oso azkar joan naiz talde lanari esker. Nire hankak eta gorputza gazte sentitzen dira oraindik, baina burua da garrantzitsuena, eta hura fresko eta gazte dago oraindik», esan zuen amaitzean. 38 urte betetzear dago.

Munduko marka hobetuta, argi ditu hurrengo helburuak. Sei maratoi garrantzitsuenak irabaztea da horietako bat. Londreskoa, Berlingoa, Chicagokoa (AEB) eta Tokiokoa irabazi ditu, eta Bostongoa eta New Yorkekoa (AEB) bakarrik falta zaizkio. Inor gutxik jartzen du zalantzan egin dezakeela. Hamazazpi maratoitan aritu da, eta bitan ez beste guztietan nagusitu da.

Hirugarrenez olinpiar txapeldun izan nahi du gainera; inork ez du lortu. Bi urte barru lor dezake, Parisko Olinpiar Jokoetan.

Baina asmo handiko helbururik baldin badu, hori maratoia bi ordu baino gutxiagoan egitea da. Duela hiru urte egin zuen, Vienan (1.59.40), baina legez kanpoko laguntza izan zuen, eta Munduko Federazioak ez zuen ontzat eman. Laguntzarik gabe egin nahi du. Sekulako erronka da, baina inork ez du dudarik inork egitekotan hark egin dezakeela.]]>
<![CDATA[Sasoiko lehen erronka]]> https://www.berria.eus/paperekoa/1919/022/001/2022-09-27/sasoiko_lehen_erronka.htm Tue, 27 Sep 2022 00:00:00 +0200 Julen Etxeberria https://www.berria.eus/paperekoa/1919/022/001/2022-09-27/sasoiko_lehen_erronka.htm
Sailkatuko balira, irundarrak bigarren urtez jarraian ariko lirateke ligaxkan. Iaz, Frantziako PAUC taldea kanporatuta egin zuten aurrera. Neurketa bakarra jokatu zuten, Artalekun, PAUCek COVID-19aren oldarraldi bat izan baitzuen. Aurten, ordea, bi neurketa jokatuko dituzte, eta horrek zaildu egingo du egitekoa.

Are gehiago aurkariaren maila kontuan hartuta. Laugarren izan zen aurreko sasoian ligan, baina jauzi handia egin du geroztik. Babesle indartsua du orain, eta, horri esker, fitxaketa handiak egin ditu: denboraldi honetarako, Torbjorn Bergerud atezain norvegiarra GOG Gudmetik eta Sigvaldi Gudjonsson eskuin hegaleko islandiarra Kielcetik, eta hurrengorako, Sander Sagosen erdikoa Kieletik eta Magnus Rod eskuin albokoa Flensburgetik. Aulkirako ere sona handiko entrenatzailea fitxatu du: Christian Berge Norvegiako hautatzaile ohia. Inbertsioa errentagarria izaten hasi da: lider da ligan, jokatu dituen hiru partidak irabazita, eta nagusitasunez kanporatu zuen haren herrialdeko Drammen Europako Ligako lehen kanporaketan: 28-26 eta 21-29 irabazi zion. Gudjonsson nabarmendu zen: hamasei gol sartu zituen.

Harri kozkorra da Kolstad, baina Bidasoa sasoiko dago: Asobal ligako lehen partida galdu zuen, baina irabazi egin ditu hurrengo hirurak. Jacobo Cuetarak, gainera, prest ditu jokalari guztiak. «Ilusio handia dugu, eta ziur gaude lanak emango dizkiogula Kolstadi, eta aukera izango dugula. Indartsua da, baina guk ere baditugu gure armak, eta saiatuko gara haien jokoan arrakalak eragiten, min egiteko», esan du Cuetarak. Nabarmendu duenez, «fisikoki oso talde indartsua» da, eta, horri aurre egiteko, «oso adi» aritu beharko dute. Funtsezkotzat jo du «Bidasoa izatea»: «Gu geu izan behar dugu. Gure jokoa egin behar dugu, eta, hori eginez, ahal dugun emaitzarik onena lortu».]]>
<![CDATA[Kirolaririk osoena izateko lehian]]> https://www.berria.eus/paperekoa/1986/016/001/2022-09-24/kirolaririk_osoena_izateko_lehian.htm Sat, 24 Sep 2022 00:00:00 +0200 Julen Etxeberria https://www.berria.eus/paperekoa/1986/016/001/2022-09-24/kirolaririk_osoena_izateko_lehian.htm
Horixe izan nahi dute gaur Azpeitiko (Gipuzkoa) zezen plazan ariko diren bederatzi herri kirolariek (22:00, ETB1): kirolari osoena izan, eta horren txapela jaso. Hiru lehiatuko dira emakumezkoen banakakoaren bigarren aldian: Karmele Gisasola Zelai III.a, Lucia Orbe eta Nerea Arruti. Zelai III.ak irabazi zuen iaz, estreinakoan. 18.57 izan zen haren marka.

Bide luzeagoa du gizonezkoen lehiak: aro modernoko bosgarren aldia da. Sei kirolarik hartuko dute parte finalean: Aitzol Atutxa, Ioritz Gisasola eta Joseba Otaegi ariko dira lehen txandan, eta Xabier Zaldua, Andoni Iruretagoiena Izeta VI.a eta Julen Gabirondo bigarrengoan. Zaldua nagusitu zen lehen hiru ekitaldietan. Iaz ez zen aritu, eta Izeta VI.a gailendu zen. Marka ere ezarri zuen: 33.29.

KARMELE GISASOLA, 'ZELAI III.A' Herri kirolaria

«Ez dut uste iazko denboraren inguruan ibiliko naizenik»



Txapelduna da Karmele Gisasola Zelai III.a (Mallabia, Bizkaia, 1994). «Urduri» dagoela aitortu du. «Udan, harria jasotzen aritu naiz buru-belarri, eta ez dut beren-beregi prestatu pentatloia. Hori dela eta, lana txukun egitea dut helburu. Ez dut uste aurreko urteko denboraren inguruan ibiliko naizenik. Sentipen gazi-gozoa dut».

Harago joan da, eta, dioenez, ordezkoren bat egon balitz agian uko egingo zion parte hartzeari. «Gizonezkoetan gero eta gehiago ari dira, baina emakumezkoetan hiru besterik ez gara; iazko kopuru bera da. Mesedegarria litzateke gehiago aritzea. Adibidez, pentsa azken orduan gutako norbaitek min hartzen duela; bi bakarrik ariko ginateke finalean? Ea emakume gehiago animatzen diren».

«Oso lehia estua» espero du finalean. «Oso indartsuak dira Lucia eta Nerea. Antzeko ibiliko gara aizkorara iritsi arte, eta hor Nereak aldea aterako digu. Herri kiroletan dabilenetik, lehentasuna eman dio aizkorari, eta oso ondo dabil; koska bat gorago dago». Horregatik, azpimarratu du atzetik joanez gero «burua kontrolatzea» izango dela lanik gaitzena.

LUCIA ORBE Herri kirolaria

«Ea ez naizen oso urrun geratzen Karmele eta Nerearengandik»



Bigarrenez ariko da Lucia Orbe (Bilbo, 1989). Iaz, bigarren izan zen. «Oso zail» ikusten du antzeko lana egitea; ez du nahi bezala prestatu. «Uztailean atzamar bat hautsi nuen, eta zazpi astez egon nintzen harria altxatu gabe eta aizkoran ibili gabe. Pena da, ondo ari ginelako. Oraindik min pixka bat dut, baina ohitzen ari naiz».

Hori kontuan hartuta, «ahalik eta lanik txukunena» egin nahi du. «Ez dut neure burua irabazteko moduan ikusten. Ea ez naizen oso urrun geratzen Karmele eta Nerearengandik».

Haren ustez, «oso arin» egingo dituzte lehen bi probak: harri jasotzea eta giza proba. Aizkora jo du «mugarritzat». «Ondoen moldatzen dena aurretik jarriko da, eta ikusteko egongo da atzean gelditzen direnek hura harrapatuko duten. Nereak abantaila du, aizkoran baitabil buru-belarri».

NEREA ARRUTI Herri kirolaria

«Eskertzen ditut animoak, baina ni ez naiz faboritoa. Karmele da»



Lehen aldia du Nerea Arrutik (Urnieta, Gipuzkoa, 1990). «Gogotsu» dagoela dio, eta «lasai». Lehen aldiz ariko naiz, eta barruan dudan guztia eman nahi dut. Baina ez dut presiorik. Binakakoan oso gustura aritu nintzen [hark eta Amalur Arbelaitzek irabazi zuten, eta marka ezarri]; ea zer moduz moldatzen naiz bakarrik».

«Harrituta» dago askok diotelako bera dela faboritoa. «Ez dakit zergatik dioten hori. Binakakoan txandaka aritu ginen, eta honetan ni bakarrik ariko naiz; oso ezberdina da. Eskertzen ditut animoak, baina ez naiz faboritoa. Karmele da. Txapelduna da, eta esperientzia handia du. Lucia ere kontuan hartzeko aurkaria da».

Argi du egitekoa: «Ezin diet joaten utzi lehen bi probetan; haien probak dira. Nirea, ordea, aizkora da. Beraz, horretara elkarrekin iristen bagara, ustez abantaila izango dut. Gero, nire lana egin beharko dut. Nire helburua gozatzea eta gauzak ondo egitea da».

ANDONI IRURETAGOIENA, 'IZETA VI.A' Herri kirolaria

«Ez badut berriro txapela irabazten, porrota izango da»



Txapelduna da Andoni Iruretagoiena Izeta VI.a (Aia, Gipuzkoa, 1993). Urte hasieratik darama jo eta ke pentatloia prestatzen: lehenbizi, binakakoa -txapeldun izan zen Gorka Etxeberriarekin-, eta hori amaitutakoan, banakakoa. Lanak «ondo» eginda iritsiko da: «Ondo nago, sasoiko. Luzea izan da prestaketa, eta ez naiz gelditu; bukatzeko gogoz nago».

Presioa sumatzen du. «Txapelak irabazteak eragiten du hori. Ez zait gustatzen presioa. Gainera, jende asko ari zait esaten erraz irabaziko dudala txapela. Ez nago ados: aurkari handiak dira guztiak, ondo entrenatu dira, eta lan ona egin nahiko dute. Kanpotik oso erraz hitz egiten du jendeak».

Argi du final «oso estua» izango dela. «Ez da egongo, iaz bezala, minutu pasatxoko aldea lehenaren eta bigarrenaren artean. Ez litzateke harritzekoa izango lehen hirurak minutu erdian-edo ibiltzea». Bere txandari erreparatu dio. «Hirurok nahi dugu txapela: Gabirondo udan baino hobeto ariko da; Zalduak, berriz, urtebete darama jo eta ke laugarren txapela irabazteko lanean; argi dut nire itzala izango dela, hala izan baita Gipuzkoa Txapelketan eta Hendaiako proban [Lapurdi]. Bete-betean ariko naiz lehen bi probetan, eta gero gerokoak; eskatzen hasita, enbor gogorrak nahiko nituzke. Txapela irabazi nahi dut. Ez badut irabazten, porrota izango da. Berriro txapeldun izateko egin dut lan denbora luzez».

XABIER ZALDUA Herri kirolaria

«Duela hilabete, urrun ikusten nuen txapela; orain, ordea, eskura»



Urtebeteko etenaren ostean ari da Xabier Zaldua berriro pentatloian (Zumarraga, Gipuzkoa, 1977). «Ilusioa» egiten dio berriz lehiatzeak. «Asko gustatzen zait pentatloia, eta, gainera, hiru txapel irabazi ditut. Finalera iritsi nahi nuen, eta iritsi naiz; datorren guztia ongi etorria izango da».

Uda betea izan du, eta «beldur» zen nekatuta iritsiko ote zen. Baina gorputzak «oso ondo» erantzun dio. «Txinparta handiarekin nago. Horregatik moldatu naiz horren ondo bi kanporaketetan, lan laburrekin [biak irabazi ditu]. Atseden ere hartu dut; uste dut ondo eutsiko diodala finaleko lanari. Ez diot beldurrik».

Barneratua du final «oso gogorra» izango dela, eta susmoa du «nor baino nor gehiago» ariko direla. «Andoniri eutsi beharko diot lehen bi probetan, baina horrek nekarazi egingo nau, hura handiagoa eta gazteagoa baita; zaharrena naiz ni. Eta, gero, Julen oso trebea da azkeneko bi probetan. Adi egongo naiz, baina nik nirea egin behar dut, etxean egin dudana. Duela hilabete, urrun ikusten nuen txapela, baina orain eskura ikusten dut».

JULEN GABIRONDO Herri kirolaria

«Denbora falta izan zait; konforme nengoke berriz podiumean egonda»



Hirugarrenez ariko da Julen Gabirondo finalean (Urnieta, 1989): bigarren izan zen duela bi urte, eta hirugarren iaz. Sentipen kontrajarriak ditu oraingoan. «Batetik, gogotsu nago. Baina, bestetik, beldurra dut; berandu bukatu nuen segako sasoia, eta ez dut nahi bezainbeste prestatu pentatloia; denbora falta izan zait. Ez nago nahiko nukeen moduan».

Horregatik uste du «oso zaila» dela berak irabaztea. «Nik irabazteko, aurkariek egun txarra izan behar dute. Nahiko nuke, baina ez dut uste hori gertatuko denik. Konforme nengoke berriz podiumean egonda. Nire markaren inguruan ibil naiteke, baina Zaldua eta Andoni oso ondo daude. Urte osoa daramate hau prestatzen, eta sumatu egiten da». Berak ere uste du haien artean egongo dela txapelduna. «Andoni koska txiki bat gorago dago, baina ohituta dago aurretik joatera, eta norbait gertu izanda urduri jar daiteke, eta kale egin. Huts egiten badu, gainera etorriko zaio Zaldua».

AITZOL ATUTXA Herri kirolaria

«Ezustean finalean? Entrenamenduetako lana kontuan hartuta, ez»



Aizkoran irabaz daitekeen guztia irabazi ondoren heldu dio Aitzol Atutxak pentatloiari (Dima, Bizkaia, 1988). Lehen aldiz eman du izena, eta finalera iritsi da. «Gutxiren ahotan nengoen aurreneko kanporaketan, eta inoren ahotan ez bigarrengoan. Baina finalean nago. Ezustea? Entrenamenduetako lana kontuan hartuta, ez».

Hala ere, ez da «erraza» izan. «Jendeak uste du abantaila dugula harri jasotzean edo aizkoran aritzen garenok. Hasieran, bai, baina gerora desabantaila da, zaila baita aldi berean bi kiroletan goi mailan lehiatzea». Lanari dagokionez, «kirol batetik bestera pasatzeak eta harri jasotzeak» eman diote lanik handiena.

Barneratua du «sufritu» egingo duela. «Lan handia da finalekoa. Ahalik eta txukunen egiten saiatuko naiz, baita eskarmentua hartzen ere. Aizkoran jarraitzeko asmoa dut, baina pentatloira katigatuta geratu naiz».

Haren iritziz, «bi oilar daude oilategian»: Izeta eta Zaldua. «Izeta nagusi izan da udako probetan, baina, kanporaketan, Zalduak aurrea hartu zion [lan txikiagoak ziren]. Zaila da esatea nork irabaziko duen. Ez dago alderik. Beraz, egunik onena duenak jantziko du txapela».

IORITZ GISASOLA, 'ZELAI IV.A' Herri kirolaria

«Gorakada handia izan dut. Ederra litzateke nire txanda irabaztea»



Estreinako ezin hobea izan du Ioritz Gisasola Zelai IV.a-k (Mallabia, 1997) banakako pentatloian: finalean ariko da. «Nahikoa egin dut jada. Oso pozik nago. Gerriko eta bizkarreko minez ibili naiz udan, eta ezer prestatu gabe joan nintzen bigarren kanporaketara. Oso gaizki bukatu nuen, baina merezi izan zuen».

Azken asteetan, ordea, «gorakada handia» izan du. «Oso entrenamendu onak egin ditut. Azkena izan da onena. Ea antzeko lana egin dezakedan; ez dut uste hobea egingo dudanik, eta are eta gutxiago txapela irabaziko dudanik. Ederra litzateke nire txanda irabaztea».

«Atariko baten moduan» definitu du bere txanda. Ondoren ariko dira Izeta VI.a, Zaldua eta Gabirondo. Lehen biak azpimarratu ditu. «Udako txapelketan kontuan hartuta, oso argi nuen Izetak irabaziko zuela, baina Zalduarekin entrenatu gara, eta ikaragarri aritu da. Oso-oso arriskutsua izango da Izetarentzat. Gertu izango du, edozein huts aprobetxatzeko prest».

JOSEBA OTAEGI Herri kirolaria

«Azkena izango da, eta, horregatik, ilusioa egiten dit. Gozatu egin nahi dut»



Jokin Urretabizkaria Basozabal-ek finalean aritzeari uko egin eta gero sailkatu da Joseba Otaegi (Zizurkil, Gipuzkoa, 1983). Hirugarrenez ariko da, eta aurreko bietan bigarren izan zen. Erabakia du azkena duela. «Lan handia da, ondo egon behar da, eta ni lehiatzeari utzita nago. Azkena izango da, eta ilusioa egiten dit aritzeak».

«Geldi» egon zen neguan, eta martxoan ekin zion prestaketari, harriarekin. Aizkolaria izanik, azkenerako utzi zuen lan hori, baina, aitortu duenez, denborak gaina hartu dio, eta nahi baino gutxiago entrenatu da. Hori gutxi ez, eta aurreko astean tripako mina izan zuen. «Gero eta hobeto nago, baina apur bat justu ibili naiz finala prestatzeko. Halere, gogoz nago».

Izeta eta Zaldua «koska bat gorago» daudela dio. «Ustez, Izeta indartsuago dago, baina Zaldua edozein hutsen zain egongo da». «Lasai» hasi nahi du, eta «behetik gora» egin. «Gustura etxeratu nahi dut. Dena emango dut, baina ez dut aurreko urteetako presioa. Egunaz gozatu nahi dut».]]>
<![CDATA[Udako lanari txapela jartzera]]> https://www.berria.eus/paperekoa/1999/023/002/2022-09-23/udako_lanari_txapela_jartzera.htm Fri, 23 Sep 2022 00:00:00 +0200 Julen Etxeberria https://www.berria.eus/paperekoa/1999/023/002/2022-09-23/udako_lanari_txapela_jartzera.htm
Etxauriko (Nafarroa) plazako pilotalekuan jokatuko da finala, 19:00etan. Frontoia ez dago estalita, ezta harmailak ere. Baliteke euria egitea, eta Adoseko kideak kezkatuta daude. «Iragarpenak oso aldakorrak dira. Azken unean erabakiko dugu. Ezingo balitz jokatu, urriaren 8ra atzeratuko genuke», azaldu du Iturriagak.

Bestelakoan, «oso pozik» daude torneoaren bigarren ekitaldiak emandakoarekin. «Batetik, gonbita egin genien pilotari gazteak oso ondo aritu dira; bestetik, jende asko etorri da partidak ikustera, eta gozatu egin dute lehiarekin. Harritu egin gaitu horrek; ez gaude horretara ohituta».

Jokatzeko era aldatu dute aurten. Ez da egon bikote finkorik. Lehenbizi, ligaxkan, aurrelari bakoitzak haren multzoko atzelari guztiekin jokatu du, eta alderantziz. Bi multzo egon dira, eta bakoitzeko bi aurrelari eta bi atzelari onenak aritu dira finalerdietan: A multzoko lehen aurrelariak eta atzelariak B multzoko bigarren aurrelariaren eta atzelariaren kontra jokatu dute; eta B multzoko aurreneko atzelariak eta aurrelariak A multzoko bigarren aurrelariaren eta atzelariaren aurka. «Gustura aritu gara. Txapelketa guztian bikote bera izanda, zenbait faktorek zeresana izan dezakete: adibidez, bikotekidea nola dagoen. Aurtengo sistemarekin, ordea, guztiok jokatu dugu guztiokin. Gainera, sailkapena oso estu egon da amaiera arte. Gustatu zaigu sistema hau».

Finala jokatuko du berak, Aldaregiarekin. «Pozik» dago, are eta gehiago kontuan hartuta postua aldatu duela. «Aurrean jokatu izan dut, baina txapelketa honetan atzean aritu naiz. Berezia izan da, baita Andrearekin sailkatu izana ere: asko aritzen gara elkarrekin. Aurkariez, berriz, esan du Berrocalek eta Mendiburuk «oso bikote polita eta sendoa» egiten dutela. «Gazteak dira, eta oso ondo moldatzen dira elkarrekin. Partida gogorra izango da». ]]>
<![CDATA[«Oso argi dut itzuli egingo naizela»]]> https://www.berria.eus/paperekoa/1855/022/001/2022-09-21/oso_argi_dut_itzuli_egingo_naizela.htm Wed, 21 Sep 2022 00:00:00 +0200 Julen Etxeberria https://www.berria.eus/paperekoa/1855/022/001/2022-09-21/oso_argi_dut_itzuli_egingo_naizela.htm
Zer moduz zaude?

Ondo nago. Prozesu oso luzea da hau, eta buruz oso gogor egon behar duzu; halaxe nago ni. Gainera, lesioak kateatu ditut bata bestearen atzetik, eta ezaguna dut zer sentitzen den halakoetan.

Non duzu minik handiena: belaunean ala buruan?

Min psikologikoa izan ohi da okerrena, baina, oraingoz, ondo daramat. Indartsu nago buruz.

Hirutan hautsi duzu eskuin belauneko atzeko lotailu gurutzatua. Azalpenik badu?

Ez, eta ez da errudunik bilatu behar; ez da nire asmoa. Baina normala da jendeak harrituta galdetzea nola den posible hirutan lesio larri bera izatea. Uste dut ni naizela atzeko lotailu gurutzatua hirutan jarraian hautsi duen lehen kirolaria; ez dut jokatu ere egin. Inoiz ez da halakorik gertatu. Adibidez, Sergio Asenjo Valladolideko atezainak lautan hautsi du lotailu gurutzatua, baina ez jarraian; tartean, jokatu ahal izan zuen. Etsigarria da errehabilitazio aproposa egin, entrenatzen hasi, eta zortzi hilabeteren ostean jokatzeko gertu zaudenean berriz min hartzea. Zer esanik ez gauza bera bitan gertatzea.

Zer esan dizute medikuek?

Jesus Alfaro medikuak egin dit bitan ebakuntza, eta hura jota dago. Hainbesteraino, ze esan baitit ebakuntza egin behar badidate berak ez didala egingo. Dioenez, urte mordoa darama ebakuntzak egiten, eta, ni ez beste, haren eskuetatik pasatutako kirolari bakar batek ez du berriro min hartu lehiara itzuli aurretik. Hori dela eta, errudun-edo sentitzen da. Ni baino okerrago dago bera.

Min hartutakoan konturatu zinen berriz lesio bera zenuela?

Bai, segituan konturatu nintzen. Ez nuen sinetsi nahi, baina belaunaren giltzadurak huts egin zidan berriro; aurreko bi aldietako gauza bera sentitu nuen: berriz belauna hautsi nuela.

Eta zer etorri zitzaizun burura?

Etsipen handia sentitu nuen. Oso gogorra izan zen bigarren errehabilitazioa, eta asko saiatu nintzen; nire esku zegoen guztia egin nuen. Bigarren aldia zenez, tentu handiz jokatu nuen beti, belauna ahalik eta ondoena geratzeko. Eta horrenbesteko ahalegina egin eta gero, eta horrenbeste sakrifizio egin ondoren, berriro min hartu nuen. Burura etorri zitzaidan lehen gauza izan zen dena pikutara bota nuela. Normala da horrela pentsatzea, etsipenagatik; bi aste eskas baino ez zitzaizkidan falta berriro jokatu ahal izateko. Baina argi dut ez dudala horrela pentsatu behar, eta harro egon behar dudala zortzi hilabete pasatxoan egindako lanaz.

Kolpea, halere, oso gogorra izan da. Ez duzu behera egin?

Aurreneko bi egunak izan ziren okerrenak. Mikel Sanchez medikuarengana joan ginen, eta hark baieztatu zigun berriro lesio bera nuela. Gogorra izan zen itzulerako bidaia, etxera, Zumaiara; gurasoak jota zeuden, oso triste. Baina ni ondo egon naiz hasieratik, indartsu, gogor. Ez dit ezertarako balio pasatu zaidanari bueltak emateak eta nire zorigaitza madarikatzeak; ez dit kalte besterik egingo. Barneratua dut prozesu luze eta gogorra dela, eta egun zailak egongo direla. Lesio honek zerbait txarra baldin badu, zera da: oso luzea dela. Hirugarren hilabetean ez duzu horren puztua belauna, eta korrika egiten has zaitezke. Baina mundu bat dago hori egitearen eta goi errendimenduko kirol batean lehiatzearen artean. Eta luze egiten da. Buruz gogorra izatea eta pazientzia izatea dira gakoak egoera ondo eramateko.

Derrigorrez ikasi duzu hori.

Zorionez eta zoritxarrez, bai. Zorionez, ondo egon naiz aurreko bi errehabilitazioetan; lehen bi asteak izaten dira okerrenak, mina izaten baita, baina, beste kirolari batzuekin konparatuta, hobeto egon naiz. Baina, zoritxarrez, badakit zer datorkidan ere: makuluak, ebakuntza ondorengo mina, azkarrago joateko nahia... Baina prest nago guztiari aurre egiteko. Indartsu nago.

Hirugarren aldia izateak eragin dezake pazientzia gutxiago izatea?

Ez. Aitzitik, uste dut gehiago izango dudala. Gogoa, berriz, betiko bera izango dut: handia. Madrilen izan gara aita eta biok, beste mediku batekin. Oso ona da, eta hark esan digu lasai egoteko, kontu serioa dela hirutan gertatu izana, baina hark hirutan egin diela ebakuntza bi futbolariri, eta gero hamar urtez aritu direla jokatzen. Halakoek animatu egiten zaituzte: badago ebakuntza hirutan egin dioten jendea eta aurrera jarraitu duena. Nik argi dut osaketa ona egiten badut gai izango naizela itzultzeko. Niretzat, erronka handia da; asko motibatzen nau.

Kanpoko laguntza eskatu duzu? Psikologo batena, adibidez.

Oraingoz, ez dut horren beharrik izan, ondo egon bainaiz. Etxekoek asko lagundu naute. Mesede egin dit min handirik ez izateak ere, pixkana-pixkana hobetzen ari nintzela ikusteak, eta poliki-poliki taldearen dinamikan sartzeak.

Gogorra izan da taldearen egunerokotik kanpo egotea?

Bai. Taldea entrenatzen ari den bitartean, ni igerian ari naiz, edo bestelako ariketak egiten. Ondorioz, galdu egiten duzu talde baten dinamika: tratu gutxi duzu taldekideekin, ez dituzu partidak haiekin bizitzen... Gogorra da hori. Baina baikor bazara, eta zeure burua taldetik kanpo ikusten ez baduzu, aurrera egiten duzu.

Asko babestu zaitu taldeak?

Bai. Oso estimatua eta maitatua sentitzen naiz; askotan erakutsi didate. Normala da batzuetan nitaz ahaztea, urte eta erdi pasatxo baitaramat jokatu gabe, baina oso presente naute; asko eskertzen diet. Giro ederra dugu taldean, eta horren meritu handia entrenatzailearena da. Quique [Dominguez] oso ondo ari da, pistan eta pistatik kanpo, taldea batua egon dadin. Carlos Chocarro kapitainaren jarrera ere nabarmendu nahi dut. Min hartu nuen lehen aldian arazo gehiago izan nituen errehabilitazio ona egiteko, eta hark bere esku zegoen guztia egin zuen dena ondo atera zedin.

Gertatu zaizunak aldatu al zaitu?

Jokalari gisa, ez naiz asko aldatu. Entrenatu ahal izan naizenean, baloia hartu, eta lehengo sentipenak izan ditut; polita da hori. Pertsona gisa, ordea, aldatu egin naiz. Batez ere, pentsaera aldatu dut. Bizitzak hiru kolpe gogor ematen dizkizunean, ohartzen zara zein zaurgarriak garen, are gehiago goi errendimenduan; noiznahi lesiona gaitezke. Orain, gehiago baloratzen ditut gauza onak; adibidez, entrenatzea. Niretzat, sekulako satisfazioa zen min hartuta nengoela entrenatzea; pozarren iristen nintzen etxera.

Ondo bidean, bi urte eta erdi beharko dituzu osatzeko. Gai ikusten duzu zeure burua berriro goi mailan jokatzeko?

Nola osatzen naizen; horrek zehaztuko du nire etorkizuna. Orduan erabakiko dut zer egin. Baina oso argi dut itzuliko naizela. Anaitasunan bada, ezin hobeto, eta ezin bada, pentsatuko dut zer egin. Baina berriz jokatuko dut.]]>
<![CDATA[Denetarik egon da estreinan]]> https://www.berria.eus/paperekoa/1968/029/001/2022-09-18/denetarik_egon_da_estreinan.htm Sun, 18 Sep 2022 00:00:00 +0200 Julen Etxeberria https://www.berria.eus/paperekoa/1968/029/001/2022-09-18/denetarik_egon_da_estreinan.htm
Reala nagusi izan zen, hasi eta buka. Hasi eta gutxira bideratu zuen garaipena, Synne Jensenek seigarren minutuan sartu baitzuen lehen gola. Gehiago izanagatik ere, kosta egin zitzaien txuri-urdinei partida erabakita uztea. 59. minutuan lortu zuten bigarrena; Lara Matak sartu zuen bere atean. Garaipenak indarra emango die asteartean Anoetan jokatuko duten Txapeldunen Ligako partidari begira.

Alaves, ordea, ezinean aritu zen. Mikel Crespo entrenatzaileak berak aitortu zuen Madril nagusi izan zela. Koska bat gorago daude espainiarrak, eta agerian geratu zen. 33. minutuan sartu zuten lehen gola bisitariek, Lucia Pardok, eta 82.ean bigarrena, Florencia Bonsegundok. Carla Morerak sartu zuen etxekoen gola, 92.ean.

Athleticek gaur jokatuko du lehen partida, Lezaman, Sporting Huelvaren aurka (12:00, Dazn). Iraia Iturregik entrenatutako taldeak irabaziz ekin nahi dio lehiari, konfiantza hartzeko. Aurreko denboraldian zazpigarren izan zen talde zuri-gorria, eta, gutxienez, postu hori hobetu nahi du.

Osasuna eta Reala, gaur

Osasunak eta Realak, berriz, gaur jokatuko dute. Etxean ariko dira biak: gorritxoek Getafe hartuko dute Sadarren (14:00, Dazn), eta txuri-urdinek Espanyol Anoetan (18:30, Movistar La Liga).

Osasunak segida eman nahi dio egiten ari den hasiera bikainari: hamabi puntu lortu ditu aurreneko bost jardunaldietan, inoiz baino gehiago. Gaur, itxuraz, aukera ona du uzta gehiago biltzeko: batetik, oso sendo ari da etxean, jokatu dituen hiru partidak irabazi baititu. Bestetik, Getafe eskas ari da: lau puntu bakarrik lortu ditu. Halere, irabazi egin zion Realari azken jardunaldian; beraz, gorritxoak ezin dira deskuidatu.

Hain zuzen, Realak berriz irabazi nahi du ligan. Puntu bakarra lortu du azken bi jardunaldietan: berdinketa Atletico Madrilen aurka. Irabazi egin zuen duela hiru egun, Europa ligan, baina ez zuen ondo jokatu. Biak egin nahi ditu gaur: irabazi, eta itxura ona eman. Lehen garaipena luke ligan etxean. Gainditzeko moduko aurkaria da Espanyol: lau puntu soilik ditu.]]>
<![CDATA[Hirugarren dira zuri-gorriak]]> https://www.berria.eus/albisteak/218310/hirugarren_dira_zuri_gorriak.htm Sat, 17 Sep 2022 23:00:51 +0200 Julen Etxeberria https://www.berria.eus/albisteak/218310/hirugarren_dira_zuri_gorriak.htm <![CDATA[Realak irabazi egin du, eta Alavesek, galdu]]> https://www.berria.eus/albisteak/218306/realak_irabazi_egin_du_eta_alavesek_galdu.htm Sat, 17 Sep 2022 18:36:13 +0200 Julen Etxeberria https://www.berria.eus/albisteak/218306/realak_irabazi_egin_du_eta_alavesek_galdu.htm <![CDATA[«Gozatzen ari gara; horrela ematen dugu gure onena» ]]> https://www.berria.eus/paperekoa/1870/017/001/2022-09-16/laquogozatzen_ari_gara_horrela_ematen_dugu_gure_onenaraquo.htm Fri, 16 Sep 2022 00:00:00 +0200 Julen Etxeberria https://www.berria.eus/paperekoa/1870/017/001/2022-09-16/laquogozatzen_ari_gara_horrela_ematen_dugu_gure_onenaraquo.htm <![CDATA[Dotoreziaren eta kalitatearen ikurraren agurra]]> https://www.berria.eus/paperekoa/2027/017/002/2022-09-16/dotoreziaren_eta_kalitatearen_ikurraren_agurra.htm Fri, 16 Sep 2022 00:00:00 +0200 Julen Etxeberria https://www.berria.eus/paperekoa/2027/017/002/2022-09-16/dotoreziaren_eta_kalitatearen_ikurraren_agurra.htm
Inoizko tenislaririk onenetakoa izan da Federer, kalitatearen eta dotoreziaren ikur. Ikusgarria da 24 urtean osatu duen garaipen zerrenda: batetik, hogei Grand Slam irabazi ditu —zortzitan Wimbledon, seitan Australiako Irekia, bostetan AEBetakoa eta behin Roland Garros—; seitan nagusitu da ATPko Maisuen Kopan; urrezko domina bat eta zilarrezko bat eskuratu ditu Olinpiar Jokoetan; eta 310 astez izan da ATPko Zirkuituko aurreneko sailkatua.]]>
<![CDATA[Roger Federerrek erretiratu egingo dela iragarri du]]> https://www.berria.eus/albisteak/218208/roger_federerrek_erretiratu_egingo_dela_iragarri_du.htm Thu, 15 Sep 2022 16:09:35 +0200 Julen Etxeberria https://www.berria.eus/albisteak/218208/roger_federerrek_erretiratu_egingo_dela_iragarri_du.htm <![CDATA[Udako azken estutua]]> https://www.berria.eus/paperekoa/1984/021/002/2022-09-14/udako_azken_estutua.htm Wed, 14 Sep 2022 00:00:00 +0200 Julen Etxeberria https://www.berria.eus/paperekoa/1984/021/002/2022-09-14/udako_azken_estutua.htm
Logroñoko (Espainia) sanmateoetako bi torneoak jokatuko dituzte lehenbizi. Bihar hasiko da Emakume Master Cupena. Piloa mistoarekin eta goxoarekin ariko dira. Bihar, lehen finalerdiak jokatuko dituzte Naiaran (Espainia), 18:00etan. Aldai-Erasun eta Garai-Mendizabal ariko dira mistoarekin, eta Mateo-Iñiguez eta Bylak-Saenz goxoarekin. Beste bi finalerdiak larunbatean jokatuko dituzte, Santo Domingo de la Calzadan (Espainia), 19:00etan. Arrizabalaga-Capellan eta Larrarte-Oses ariko dira mistoarekin, eta Aramendi-Couto eta Yllarra-Zarrabeitia goxoarekin. Irabazleek 24an jokatuko dute finala, Logroñon, 12:00etan.

Igande honetan hasi eta astebetez jokatuko da gizonezkoena. Sei bikote ariko dira bi multzotan banatuta, eta bi multzoetako lehen sailkatuek finala jokatuko dute 25ean, 17:00etan (ETB1). A multzoan, Altuna III.a-Martija, Dario-Zabaleta eta Urrutikoetxea-Imaz ariko dira, eta B multzoan, Laso-Albisu, Ezkurdia-Rezusta eta Jaka-Mariezkurrena II.a. Ikusteko dago Lasok jokatuko duen, min hartu baitzuen joan den astean. Finalaren bezperan, Ardoaren desafioa jokatuko dute. Baieztatuta dago Peña II.a eta Peio Etxeberria lau eta erdian ariko direla, eta Artola eta Irribarria, buruz buru. Binakako partida dago zehazteko.

Sanmateoak amaituta, berriz, Masterseko finalerdiak eta finala jokatuko dituzte Iruñean, Nafarroa Arenan. 30ean izango dira finalerdiak, ostiralez, 22:00etan (ETB1). Altuna-Imaz eta Irribarria-Albisu ariko dira batean, eta Ezkurdia-Mariezkurrena eta Jaka-Zabaleta bestean. Irabazleek finala jokatuko dute bi egun geroago, igandez, 17:00etan (ETB1).

Azken txanpan dago baita Ados klubak antolatutako Plazaz Plaza txapelketa ere. Etzi jokatuko dute lehen finalerdia, Oñatin (Gipuzkoa), 19:00etan. Iantzi-Orbegozo eta Barrocal-Mendiburu ariko dira. Igandean, berriz, Ruiz de Infante-Mujikak eta Aldaregia-Iturriagak jokatuko dute bigarren finalerdia, Dulantzin (Araba), 13:00etan. Irabazleek hilaren 24an jokatuko dute finala, Etxaurin (Nafarroa), 19:00etan.

Horri guztiari bihar Gasteizen aurkeztuko duten emakumezkoen Hiru Hiriburu txapelketa gehitu behar zaio.]]>
<![CDATA[Osasunak aparretan jarraitzen du]]> https://www.berria.eus/albisteak/218082/osasunak_aparretan_jarraitzen_du.htm Mon, 12 Sep 2022 09:26:20 +0200 Julen Etxeberria https://www.berria.eus/albisteak/218082/osasunak_aparretan_jarraitzen_du.htm <![CDATA[Ohikoa bilakatu dute]]> https://www.berria.eus/paperekoa/1873/018/001/2022-09-08/ohikoa_bilakatu_dute.htm Thu, 08 Sep 2022 00:00:00 +0200 Julen Etxeberria https://www.berria.eus/paperekoa/1873/018/001/2022-09-08/ohikoa_bilakatu_dute.htm
Lau aldiz neurtu dituzte indarrak finalean, lau aldiz azken sei urteetan. Ohikoa bilakatu dute; final klasikoa da. Koteto Ezkurraren eta Iñaki Lizasoren artekoa bakarrik dute aurretik: bi doneztebarrek bost aldiz jokatu zuten elkarren kontra txapela jokoan zela.

Hain zuzen ere, neurketa horri egin dio erreferentzia atzelari hernaniarrak. «Txikitatik bizi izan dut erremontea, eta, 10-12 urte nituenean, Kotetoren eta Lizasoren artekoa zen partidarik ederrena: haren zain geunden denok. Gehien betetzen nauena da orain jendeak sentimendu bera duela Javiren eta bion artekoarekin. Klasikoa bilakatu da, erreferente bat, eta horrek izugarri betetzen nau». Iritzi bera du Urrizak: «Polita da, eta ona erremontearentzat. Askok espero zuten final hau. Ea partida biribila egin dezakegun, eta, edozeinek irabazita ere, erremonteak irabaz dezala».

Ez batak ez besteak ez zuen espero finalean egotea. «Ez nuen espero horren txapelketa ona egitea: ligaxkako hiru partidak irabazita ariko naiz finalean. 11. aldia da jarraian. Ez diet zenbakiei erreparatzen: larunbateko finalak bakarrik axola dit. Irabazi egin nahi dut, noski; zortzigarrena nuke. Baina, galduta, zazpirekin geratuko nintzateke. Ikaragarria da. Ez nuen espero halakorik debuta egin nuenean», dio Urrizak.

Larunbatean, saiatuko da «gozatzen» eta «akitu arte» borrokatzen. «Tarteka min dut [mina izan du iskioan eta eskumuturrean, eta horregatik ez zuen jokatu aurreko asteburuan], baina ez da eragozpena, ezta aitzakia ere. Ondo nago. Ziur Endikak ere baduela min pixka bat. Argi dut: Barrenetxearik onena ariko da finalean».

Barrenetxeak, berriz, «askotan» ikusi du bere burua finaletik kanpo. «Lehen partidan, Aritz [Juanenea] eta biok 29na ginenean, larri ikusi nuen neure burua, baina ondorengo bi partidetan ere bai; ez nengoen sasoi betean. Duda nuen ea buelta emango nion. Baina, azken hamar egunetan, lanaren ekinez, gora egin du. Indartsuago nago, eta konfiantza handiagoarekin. Oso ondo entrenatu nintzen atzo [herenegun], eta oso sendo ikusten dut neure burua. Ziur naiz Urrizari gauzak zail jar diezazkiokedala».

Ados daude biak: «Final gogorra izango da, estua». Barrenetxeak «eskarmentuari» erreparatu dio: «Izan dezakedan aurkaririk gogorrena da Urriza. 11. finala du, eta horrek lasaitasuna ematen du gauzak ondo egiteko. Nik ere sumatu dut hori, lasaiago nagoela. Lehen bi finaletan, dardarka atera nintzen, baina bai iaz, bai aurten, lasaiago nago».

Horrek ere eragina izan du finalerako pilotak aukeratzeko orduan. Biak konforme azaldu dira materialarekin. Urrizaren iritziz, inoiz ez dituzte horren pilota antzekoak aukeratu. «Endikarenek bote handiagoa dute, sakea aprobetxatzeko, baina aurreko urteetakoak baino motelagoak dira. Piloteorako ere balio dute. Biok prest gaude buruz burukorako».

Barrenetxea ados dago Urrizak esandakoarekin. «Lehen, nire jokoak eskatzen zuena baino material gehiago aukeratzen nuen. Batez ere, sakearekin nabarmentzen nintzenez, pilota oso biziak aukeratzen nituen. Orain, ordea, gora egin dut jokoaren beste alor batzuetan. Horregatik aukeratu ditut buruz buru aritzeko pilotarik aproposenak. Ezin dut irabazi sakearekin bakarrik».]]>
<![CDATA[«Ezin diot neure buruari ezer leporatu; dena eman dut beti»]]> https://www.berria.eus/paperekoa/1855/017/001/2022-09-07/ezin_diot_neure_buruari_ezer_leporatu_dena_eman_dut_beti.htm Wed, 07 Sep 2022 00:00:00 +0200 Julen Etxeberria https://www.berria.eus/paperekoa/1855/017/001/2022-09-07/ezin_diot_neure_buruari_ezer_leporatu_dena_eman_dut_beti.htm
Hamar egun barru jokatuko duzu azken partida profesionaletan. Barneratua duzu?

Bai. Enpresak ez nuela jarraituko esan ondorengo bi egunak gogorrak izan ziren. Baina laugarren egunetik aurrera, gauzak beste ikuspuntu batekin ikusten hasi nintzen; txarrari ona atera nion.

Nola esan zizun enpresak ez zizula kontratua berrituko?

Enpresak erabakia hartu baino hilabete lehenago, Aimarri [Olaizola, Baikoko kirol zuzendaria] galdetu nion ea zein asmo zuten. Ez nuen nahi azken unean jakin; nire etorkizuna antolatzen hasi nahi nuen. Baina esan zidan azken egunera arte ez zidatela ezer esango. Iritsi zen eguna, Joserrak [Garai, Baikoko zuzendari nagusia] bilera batera deitu ninduen, eta egun horretan esan zidan ez zidatela kontratua berrituko.

Zein arrazoi eman zizkizuten?

Betikoak: batetik, gazteak nahi dituztela. Eta, bestetik, txarra izan dela nire azken urtea.

Eta zer erantzun zenion?

Esan nion 26 urte baino ez ditudala, eta ni naizela lehenengoa konturatu dena azken bi urteetan gora egin beharrean behera egin dudala. Sasoiko nagoela ere esan nion, kirolari moduan ez naizela oraindik onenera iritsi, eta, agian, denbora gehixeago emanda onenera irits naitekeela, edo, gutxienez, lehengo mailara itzuli. Baina esan zidan erabakia hartua zutela, eta ez zegoela atzera-bueltarik.

Kolpea izan zen?

Bai, oso gogorra. Nahiz eta banekien aukera zegoela ez segitzeko, itxaropenari eusten nion. Baina oso kolpe gogorra izan zen entzutea ez nuela jarraituko. Negar asko egin nuen lehen hiru egunetan, baina pixkanaka gora egin nuen. Mesede handia egin zidan urteetan trebatzailearekin egindako lanak. Barneratu dut ate bat itxi zaidala, baina argi dut orain beste batzuk irekiko zaizkidala.

Sei urte eta erdi pasatxo egin dituzu. Zer sentitzen duzu?

Laburra izan dela. Irudipena da oraintxe debutatu dudala. Gustura egiten duzun ogibidea da. Niri, gainera, izugarri gustatzen zait kirola egitea. Oso gustura aritu naiz; urteak asteak balira bezala pasatu zaizkit. Asko gozatu dut, baita sufritu ere. Nahi baino lehenago bukatu zait aldi hau, baina inoiz bukatu beharra zuen.

Konforme zaude egin duzun ibilbidearekin?

Bai. Ezin diot neure buruari ezer leporatu; dena eman dut beti. Damu bakarra izan dezaket: agian, gehiegi estutu dudala neure burua. Afizionatuetan ia dena irabazi nuen, eta hori dela eta, aurreikuspen dezenterekin debutatu nuen 2016an. Lehen urtea zaila izan zen, baina hurrengo hiruretan asko gozatu nuen; aparra bezala egin nuen gora. Baina koska bat falta izan zitzaidan, eta hori lortzeko, itsutu egin nintzen: dietekin, trebatzailearekin, banakako prestatzailearekin... Dena jarri, eta emaitzak iristen ez direnean, galdu egiten duzu konfiantza zeure buruarengan, eta sufritu egiten duzu. Horixe gertatu izan zait niri.

Hiru txapel dituzu irabaziak Bigarren Mailan: bitan buruz burukoa eta behin binakakoa. Asko erretiratu dira txapelik gabe.

Bai. Oso gutxik irabaziko zuten bitan Bigarren Mailako buruz burukoa [ kar-kar] —Angel Garcia Ariñok eta Oskar Lasak bakarrik—. Ez dut kexarik emaitzei dagokienez. Pribilegiatua izan naiz zazpi urtez pilotari profesionala izan naizelako eta honetaz bizi izan naizelako. Eta pribilegiatua naiz txapelak irabazi ditudalako, hiru, eta guztietan gozatu baitut, batez ere lehen bietan [2017an, buruz burukoa eta binakakoa irabazi zituen]. Gustatuko zitzaidan Lehen Mailan partida gehiago jokatzea, baina urte batzuk barru gehiago baloratuko dut lortu dudana.

Zuk esan duzu «koska bat» falta izan zaizula Lehen Mailan gehiago jokatzeko.

Hala da. 21 urte nituen 2018an maila nagusian jokatzeko aukera eman zidatenean. Sanferminetan, Albisuk eta biok tanto bakar batengatik ez genuen jokatu finala, eta Bilboko Aste Nagusian 22-19 galdu genuen finalerdia. Donostian, berriz, Rezustarekin, 22-16 irabazi genien Irribarria-Albisuri finalerdian, eta Olaizola II.a-Zabaletaren aurka galdu genuen finala. Handia zen halako partidak jokatzea. Halere, oraindik koska bat beherago ikusten nuen neure burua. Saiatu nintzen gora egiten, baina ez nuen lortu helburua. Behintzat, ez dut saiatu ez izanaren damua.

Lesioek ere garapena eten dizute?

Nire iritziz, lesioek gogortu egiten dute kirolaria. Nik, adibidez, gora egin dut beti lesio bat osatu ondoren. 16 urterekin, bi eskuetan egin zidaten ebakuntza, eta 17-18 urterekin, ia dena irabazi nuen afizionatuetan. 2017an, bi txapelak irabazi eta gero, lesioa izan nuen belaunean, baina indarrez bueltatu nintzen, eta Lehen Mailan jokatu nuen. Hala ere, azken urteetan asko sufritu dut eskuetatik. Ohikoa bilakatu zen baita minez entrenatzea ere. Gerora konturatu naiz askotan pasatu egin naizela.

Zein izan da unerik onena?

2017an Bakaikoari buruz burukoa irabazi nionekoa. Sekulakoa izan zen jendearengandik jaso nuen maitasuna, jokatu aurretik eta ondoren. Gogoan dut parranda itzela egin genuela Iruñean. Nire bizitzako egunik zoriontsuena da.

Eta txarrena?

Bitan Bigarren Mailako buruz burukoa irabazi eta gero, aurtengo txapelketan aritzeko enpresak bi atariko jokatzera behartu ninduenekoa. Asko kostatu zitzaidan barneratzea, eta oso aste txarra pasatu nuen. Alberdiren aurka jokatu nuen, eta erraz irabazi zidan: 22-7. Ez nuen batere jokatu. Egun horretan pentsatu nuen nire kirol ibilbidea amaitzear zela.

Gogorra izango zen greba egin zenutenekoa ere, ezta?

Oso gogorra izan zen. Askotan pentsatu nuen pilotak aurrera jarraituko zuela, eta gu bazter batean geratuko ginela. Egin beharra zegoen, eta merezi izan zuen. Horren erakusle da enpresako bi izar nagusiak Laso eta Mariezkurrena direla. Greba egin ez bagenu, ez lirateke orain enpresan egongo. Ez dut gaizki pentsatu nahi, baina greban parte hartu genuenok ari gara enpresatik kanpo geratzen: Urretabizkaia, Erasun, Ibai Zabala, ni neu... Oinatzi [Bengoetxea], berriz, izan den guztia kontuan hartuta ez zioten sei hilabetez luzatu kontratua. Baina ez dut inolako damurik ordukoaz.

Eta irailaren 18an, zer? Pentsatu duzu zer egingo duzun?

Lasai nago. Ez diot beldurrik hurrengo egunari. Aurrena, oporretara joango naiz. Eta gero, hasiko naiz etorkizuna zehazten: pilotari lotutako zenbait lan eskaini dizkidate jada. SHEEko ikasketak ditut [Soin Hezkuntzako Euskal Erakundea], eta masterra banakako prestaketan, nutrizioan eta soin hezkuntzan. Banakako prestatzailea izan nahi dut, eta horri lotuta, trebatzaile lanak egin. Uste dut ikasi eta bizi izan dudanagatik gazteei lagun diezaiekedala.

Pilotan jokatzen segituko duzu?

Bai. 26 urte bakarrik ditut, eta pilota asko dut oraindik barruan; ez naiz nire onenera iritsi. Beste maila batean, baina jokatzen jarraituko dut.

Inori zerbait diozu eskertzeko?

Bai, etxekoei: gurasoei, arrebari, izebari... Haiek sufritu dituzte nire garai txarrak, eta beti animatu naute. Izugarri eskertzen diet. ]]>
<![CDATA[«Guztiagatik borrokatu nahi dugu, marra gorririk gabe»]]> https://www.berria.eus/paperekoa/1896/021/001/2022-09-03/guztiagatik_borrokatu_nahi_dugu_marra_gorririk_gabe.htm Sat, 03 Sep 2022 00:00:00 +0200 Julen Etxeberria https://www.berria.eus/paperekoa/1896/021/001/2022-09-03/guztiagatik_borrokatu_nahi_dugu_marra_gorririk_gabe.htm
Zer moduz dago taldea?

Ondo. Ohi baino denboraldiaurre laburragoa diseinatu genuen, eta, halakoetan, arriskua egon ohi da hasieran: lesioak-eta. Baina, zorionez, ez dugu izan ezusterik, eta horrek mesede egin digu lehiaketa erritmoa hartzeko. Gainera, lehen taldeko hamalau jokalariez gain, zazpi gazte ditugu jokatzeko prest. 21 dira guztira, eta hori izugarri eskertzen da, entrenatzeko, jokatzeko eta lehiakortasunak gora egiteko. Lan handia genuen egiteko, eta oso ondo egin dugu. Ez dugu galdu. Ez zen helburua, baina neurgailu ona da.

Lau jokalari fitxatu dituzue: Jakub Skrzyniarz eta Mehdi Harbaoui atezainak, eta Mihajlo Mitic eta Asier Nieto albokoak. Zer moduz egokitu dira?

Ondo, baina hori hala izateko mesede handia egin digu jokalari askok jada gure jokamoldea menderatzeak. Gainera, fitxatu ditugun bi jokalari atezainak dira; horrek erraztu egiten du lana. Bagenekien laurak ondo egokitu zitezkeela, baina denbora behar dute oraindik. Pazientzia izan behar dugu. Baina ziur naiz behetik gora egingo dutela.

Zer espero duzue haiengandik?

Atezain ezberdinak dira Jakub eta Medhi. Gazteak dira biak, 1996. urtean jaiotakoak, baina Jakub txikiagoa da (1,89 metro), eta Medhi, garaiagoa (1,96 metro). Zaila zen Xoan [Ledo] eta Sierra ordezkatzea, eta bi atezain on fitxatzea, baina uste dut lortu dugula. Kauldiri [Odriozola], ordea, ez diogu ordezkorik bilatu, ordezkaezina baita. Caveroren alde egin dugu, gorakada handia izan baitu. Gainera, Tao Gey-Enparan eta Julen Mujika gazteak daude. Hori kontuan hartuta fitxatu dugu Mitic. Eskuin alboko petoa da: urrutitik jaurtitzeko gai da; ondo defenditzen du, alboan eta erdian. Asier Nietori dagokionez, berriz, kontuan hartzekoa da bizkaitarra dela, eta hori garrantzitsua dela guretzat. Oso ondo egokitu daiteke gure jokamoldera: erasoan, batetik bestera dabil, urrutitik jaurti dezake, eta oso iaioa da banakako jokaldietan; defentsan, berriz, oso ondo moldatzen da, eta postu ezberdinetan aritu daiteke.

Zein da denboraldiko helburua?

Lehiaketa guztietan ahalik eta urrutiena iristea. Ez diogu geure buruari lerro gorririk jarriko, edozer gerta baitaiteke. Garrantzitsuena da goian eustea, guztiagatik borrokatzea, eta anbizioa izatea. Gu anbizioz aritzen gara beti; final bat balira bezala jokatzen ditugu partida guztiak. Azken urteetan, lortu dugu lehiaketa guztietan borrokatzea, eta, sasoi honetan ere, hori egin nahi dugu.

Zer itxura hartzen diozu ligari?

Lehiak jarriko du bakoitza bere tokian, baina, itxuraz, azken denboraldietako traza izango du: oso berdindua. Talde batzuk indartu egin dira, baina beste batzuek jokalariak galdu dituzte, eta, halakoetan, batzuetan, beste batzuek hartzen dute erantzukizuna, eta gora egiten dute. Ohikoa da ligan: batzuk joan, eta beste batzuk nabarmendu egiten dira. Taldeetan formakuntzan egiten den lan onaren erakusgarri da hori. Nire ustez, betikoak ibiliko gara Europako postuetan, eta baliteke baten bat ere gehitzea, aurreko denboraldian Benidormek egin zuen bezala.]]>