<![CDATA[Julen Etxeberria | Berria.eus]]> https://www.berria.eus Bere azken artikuluak eu Mon, 24 Feb 2020 22:45:31 +0100 hourly 1 <![CDATA[Julen Etxeberria | Berria.eus]]> https://www.berria.eus/irudiak/berriaB.png https://www.berria.eus <![CDATA[Athleticek bina berdindu du Betisen zelaian, bitan atzetik joan eta gero]]> https://www.berria.eus/paperekoa/2007/029/002/2020-02-23/athleticek_bina_berdindu_du_betisen_zelaian_bitan_atzetik_joan_eta_gero.htm Sun, 23 Feb 2020 00:00:00 +0100 Julen Etxeberria https://www.berria.eus/paperekoa/2007/029/002/2020-02-23/athleticek_bina_berdindu_du_betisen_zelaian_bitan_atzetik_joan_eta_gero.htm
Angel Villacampak entrenatzen duen taldeak datorren asteazkenean jokatuko du hurrengo partida, San Mamesen, Taconen aurka, Espainiako Kopako final-laurdenetan (19:00).

Reala, Granadillaren aurka

Gaur jokatuko du, bestalde, Realak. Gonzalo Arkonadaren taldeak arnas apur bat hartu zuen asteazkenean, Deportivoren zelaian puntu bat urratu eta gero (3-3). Hala, lehia estuan segitzen du Deportivorekin eta Athleticekin, laugarren postua lortzeko.

Txuri-urdinek Granadilla hartuko dute Zubietan (11:00). Etxean jokatutako azken lau partidak irabazi ditu Realak, eta bolada on horri eutsi nahi dio, pixkanaka azken bi asteetan jasotako kolpeak ahaztuz joateko eta ohikoa duen joko bizia egiteko.

Granadilla goiko postuetan egon izan da azken denboraldietan, baina pattalago dabil oraingo honetan. Hamargarren postuan dago, 21 punturekin, Realak baino bederatzi gutxiagorekin. Gainera, etxetik kanpo zertxobait egiten du behera. Baina intentsitate handiz jokatzen du, eta ikusteke dago Realak nola erantzuten dion horri, azken bi asteetan pilatutako nekearen ostean. Arkonadak, gainera, aukera gutxi du txandakatzeak egiteko, batez ere zelai erditik aurrera. Izan ere, Nahikari eta Barbara Latorre ez dira osatu; bai, ordea, Itxaso Uriarte. Bigarren taldeko Cecilia Marcos eta Mirari Uria deialdian dira.]]>
<![CDATA[Justu-justu dago bizirik]]> https://www.berria.eus/paperekoa/2016/030/001/2020-02-23/justu_justu_dago_bizirik.htm Sun, 23 Feb 2020 00:00:00 +0100 Julen Etxeberria https://www.berria.eus/paperekoa/2016/030/001/2020-02-23/justu_justu_dago_bizirik.htm
Bidasoa. Ledo, Crowley (1), Kauldi Odriozola (3), Esteban Salinas (5), Renaud-David (2), Rodrigo Salinas (2), Azkue (7) -hasierako zazpikoa-; Rangel, Cavero, Serrano, De la Salud (1), Santano, Tesoriere, Da Silva, Bartok (4) eta Seri.

Markagailua. 3-2, 6-4, 7-6, 11-8, 16-9, 17-11

(atsedenaldian); 20-14, 23-17, 25-18, 27-21, 30-24 eta 32-25.

Epaileak. Bonaventura ahizpak (Frantzia). Bi minutuz kanporatuak: Wisla Plockeko Daszek, Susja eta Zabic; eta Bidasoako Rodrigo Salinas eta Kauldi Odriozola. Txartel gorria atera zioten Wisla Plockeko Stenmalmi, hirutan bi minutuz kanporatua izan eta gero.

Bestelakoak. 3.500 ikusle inguru Plockeko Orlen Arenan.

Garbi bezain gordin mintzatu zen Jacobo Cuetara Bidasoako entrenatzailea Wisla Plocken aurkako Txapeldunen Ligako kanporaketan aurrera egiteko dituzten aukerez galdetuta: «Wisla Plockek %70 ditu, eta guk, %30. Gu baino koska bat gorago daude». Zoritxarrez, asmatu egin du Cuetarak bere iragarpenarekin. Joaneko partidan oso argi geratu da Poloniako taldea Euskal Herrikoa baino koska bat gorago dagoela. Emaitzari erreparatu besterik ez dago Wisla Plocken nagusitasunaz jabetzeko: 32-25 irabazi zuen atzo. Hots, Irungo (Gipuzkoa) taldeak zazpi golen aldea irauli beharko du datorren larunbatean, Artalekun, itzuliko partidan, final-zortzirenetarako sailkatzeko.

Balentria litzateke hori egitea, baina handiagoak gertatu izan dira. Gainera, etxean ariko da Bidasoa, eta, inon lehiakorra baldin bada, inon bere onena ematen badu, bere zaleen aurrean da hori. Eta Artalekun erakutsi ohi duen indarrari eta grinari Txapeldunen Ligaren, klubaren historian urrezko orriak betetzen dituen lehiaketaren xarma gehituz gero, ederra izan daiteke emaitza. Datorren larunbatean hala izatea nahi dute irundarrek.

Baina horretarako asko hobetu beharko dute azkenaldiko jarduna. Sendotasuna defentsan, eta eraginkortasuna erasoan. Bidasoak bi zutabe horien gainean eraiki du azken urte eta erdian izan duen gorakada handia. Baina bi zutabe horiek denbora daramate dardarka, urtea hasi zenetik. Horren ondorioa da lau neurketa jokatuta ez duela bakar bat ere irabazi: hiru galdu ditu, eta bat berdindu. Hala, Asobal ligan nekez izango du aukera berriro bigarren izateko, eta Txapeldunen Ligan oso maldan gora jarri zaio final-zortzirenetarako sailkatzea.

Ezinean ia beti

Hamasei minutu. Horixe iraun zuen parekotasunak atzo: 8-7. Ordurako, irundarrak kontrakarrean arituak ziren (5-2). Orduan jo zuen kolpea Wisla Plockek, gerora erabakigarria izango zena. 6-1eko partziala lortu zuen, eta sei golen aldea egin: 14-8. Etxekoek ezin hobeto aprobetxatu zituzten bisitariek neurketa osoan defentsan eman zituzten erraztasunak. Mindegia nabarmendu zen lan horretan. Erdiko doneztebearrak lehia oso ona jokatu zuen: ondo zuzendu zuen taldea, eta lau gol sartu zituen. Sulicek eta Szitak ere min handia egin zioten Bidasoari: sei gol sartu zituen bakoitzak.

Bigarren zatian, irundarrek defentsan hobetu zuten, eta horrek eta Azkueren lan onak -Bidasoako onena izan zen, zazpi gol sartuta-, bost golera murriztu zuten aldea. Baina Wisla Plockek beti topatzen zuen zuloren bat erasoan gola sartu eta aldea bere horretan uzteko. Azkenean, zazpi golen aldea izan zen. Justu-justu dago bizirik Irungo taldea.]]>
<![CDATA[Kukuak oker jo dio Asperi]]> https://www.berria.eus/paperekoa/2064/031/001/2020-02-23/kukuak_oker_jo_dio_asperi.htm Sun, 23 Feb 2020 00:00:00 +0100 Julen Etxeberria https://www.berria.eus/paperekoa/2064/031/001/2020-02-23/kukuak_oker_jo_dio_asperi.htm
Baina usteak erdia ustel. Kukuak oker jo dio Asperi. Peña II.a-Albisuk 22-18 irabazi zieten atzo Elezkano II.a-Rezustari Iruñean, Labriten. Baikokoek, beraz, mesede galanta egin diete Olaizola II.a-Urrutikoetxea enpresakideei, haien garaipenak atariko kanporaketarako sailkapena eman baitie. Beraz, sobera dago Olaizola II.a-Urrutikoetxeak gaur Bilbon Joseba Ezkurdiaren eta Julen Martijaren aurka jokatu behar duten neurketa. Dena dago erabakita: Iñaki Artolak eta Ander Imazek, eta Olaizola II.a-Urrutikoetxeak jokatuko dute atariko kanporaketa bat; eta Jokin Altunak eta Ladis Galarzak, eta Laso-Albisuk bestea. Datorren asteburuan jokatuko dituzte bi lehia horiek. Irabazleek Erik Jaka eta Jose Javier Zabaleta, eta Ezkurdia-Martija dituzte zain finalerdietako ligaxkan.

Olaizola II.a-Urrutikoetxeak asko diote eskertzeko Peña II.a-Albisuri, eta gauza bat guztien gainetik: jokoan ezer gutxi izanagatik ere bete-betean aritu izana. Presiorik ez izanak ere mesede egin zien, suelto aritzeko. Kontrakoa gertatu zitzaien Elezkano II.a-Rezustari: presioak ito zituen. Baikokoen lan bikainak sartu zien presio hori. Estreinakoa izan arren, ikusgarri aritu zen Peña II.a: hamabi tanto egin zituen, eta Elezkano II.ari nagusitu zitzaion. Albisuk ere erakustaldia eman zuen -hiru tanto egin zituen-, eta Rezustari irabazi zion lehia. Hala ere, sufritu egin zuten, 17-11 joan ondoren 19-18ra gerturatu baitziren arerioak. Baina garaipenak ez zien ihes egin.]]>
<![CDATA[Peña II.a-Albisuren garaipenak sailkatu egin ditu Olaizola II.a-Urrutikoetxea]]> https://www.berria.eus/albisteak/177874/pena_iia_albisuren_garaipenak_sailkatu_egin_ditu_olaizola_iia_urrutikoetxea.htm Sat, 22 Feb 2020 21:30:30 +0100 Julen Etxeberria https://www.berria.eus/albisteak/177874/pena_iia_albisuren_garaipenak_sailkatu_egin_ditu_olaizola_iia_urrutikoetxea.htm <![CDATA[Bidasoari maldan gora jarri zaio kanporaketa]]> https://www.berria.eus/albisteak/177871/bidasoari_maldan_gora_jarri_zaio_kanporaketa.htm Sat, 22 Feb 2020 20:43:59 +0100 Julen Etxeberria https://www.berria.eus/albisteak/177871/bidasoari_maldan_gora_jarri_zaio_kanporaketa.htm <![CDATA[Pizgarri izatea nahi dute]]> https://www.berria.eus/paperekoa/1876/027/001/2020-02-22/pizgarri_izatea_nahi_dute.htm Sat, 22 Feb 2020 00:00:00 +0100 Julen Etxeberria https://www.berria.eus/paperekoa/1876/027/001/2020-02-22/pizgarri_izatea_nahi_dute.htm
Akuilu ederra da Europako kluben arteko lehiaketa nagusia jokatzea. Apirilaren 22an 25 urte beteko dira Bidasoak bere historiako balentriarik handiena egin zuenetik: Europako txapeldun izan zen, finalean Badel Zagrebi irabazita. Ordutik klubak denetarik bizi izan du. Beste hiru titulu irabazi ditu —1995eko Espainiako Superkopa, 1996ko Espainiako Kopa eta 1997ko Europako Errekopa—, baina nahi baino gehiagotan ibili da zabuka: zortzi denboraldiz aritu da Espainiako Ohorezko B Mailan, eta desagertzear izan da, diru arazoengatik.

Baina badira lauzpabost urte miseriak atzean utzi zituela. 2016tik, Asobal ligara berriz ere igo zenetik, gora besterik ez du egin. Iaz jo zuen goia, txapeldunorde izanda eta, 24 urteren ostean, Txapeldunen Ligarako sailkatuta.

Zailena egin ostean, ikusteko zegoen ea nola ariko zen Bidasoa Txapeldunen Ligan. Eta argi utzi du edonorekin nor baino nor gehiago aritu daitekeela. Ligaxkan eginikoari erreparatu besterik ez dago: lehena izan zen, eta neurketa bakarra galdu zuen, Eurofarm Rabotniken pistan, azken jardunaldian, jada lehen postua ziurtatua zuela. Sporting Lisboa, Suediako Savehof, Eslovakiako Tatran Presov, Finlandiako Cocks eta Esloveniako Eurofarm Rabotnik utzi zituen atzean.

Wisla Plock izango du aurkari orain kanporaketan. Gaur jokatuko du joanekoa, Polonian (15:00, ETB1), eta astebete barru itzulikoa, Artalekun (16:00, ETB1). Sailkatuz gero, Txapeldunen Ligako talderik indartsuenak ari diren bi multzoetako aurkari baten kontra jokatuko luke final-zortzirenetan.

Horretarako, Wisla Plock utzi beharko du bidean. Harri gogorra da. Aspaldi utzi zion Poloniako talderik onena izateari, Julen Aginagalde pibot irundarraren Kielceren mesedetan. Baina, hala ere, aurkari indartsua da. Horren erakusle da denboraldi honetan lehia estua duela Kielcerekin ligan. 22 jardunaldi jokatuta, lider da: 21 partida irabazi ditu, eta bakarra galdu, Kielceren aurka, 29-20, duela bi aste. Kielcek baino hiru puntu gehiago ditu, baina partida bat gehiago jokatu du.

Halere, alde handia dago Poloniako Ligaren eta Txapeldunen Ligaren artean, eta Wisla Plocek sumatu du, lan apala egin baitzuen ligaxkan: bost partida irabazi zituen, bat berdindu, eta lau galdu. Multzoko bigarrena izan zen, 11 punturekin, Dinamo Bukarestek baino sei gutxiagorekin. Horrez gain, Danimarkako GOG, Suediako Kristianstad, Errusiako Txekovski Medvedi eta Suitzako Kadetten Schaffhausen izan zituen arerio. Wisla Plockek arazo asko izan zituen lesioekin, eta ordaindu egin zuen. Egun, berriz, ia jokalari guztiak ditu sasoiko, eta, horri esker, behetik gora ari da.

Aurkari indartsua

Poloniako taldea da Wisla Plock, baina gutxi du herrialde horretatik, hamazazpi jokalarietatik lau baino ez baitira bertakoak. Hori gutxi balitz, atzerritarra du entrenatzailea, Xavier Sabate katalana, Antequerako, Veszpremeko eta Hungariako selekzioetako prestatzaile izandakoa.

«Errealistak izan behar dugu. Talde bakoitzaren sasoia kontuan hartu gabe, Wisla Plockek sailkatzeko aukeren %70 ditu, eta guk, %30». Argi bezain gordin mintzatu da Cuetara kanporaketaz. Aurkariaren kalitatea aintzat hartuta egin du pronostikoa. «Gu baino koska bat gorago dago». Halere, ez du baztertu ezustekoa ematea. «Saiatuko gara aukeren %30 horiei etekina ateratzen. Ilusio handia dugu, ametsa bete baitugu honaino iritsita, are gehiago ligaxkan lider izan eta gero. Gainera, etxean jokatuko dugu itzulikoa, Artaleku bete-bete batean. Sekulakoa izango da. Haiek izango dute presio osoa».

«Europako taldea da, baina Espainiako Ligako ukitua du». Hala definitu du aurkaria. «Entrenatzailea, Xavier Sabate, eta bi erdikoak, Niko Mindegia eta Alvaro Ruiz, Espainiako Ligako eskolakoak dira. Horrek ere ez digu mesederik egingo. Nahiago genuen Europako talde peto-peto baten aurka aritu. Wislak oso garbi ditu ideiak, eta oso jokalari indartsuak ditu. Defentsan gogorra da, eta erasoan, taktikoki ona; abilak dira kontrarioaren gabeziak antzematen». Mindegia eta Zoltan Szita ezker albokoa nabarmendu ditu. «Kalitate oneko jokalariak dituzte, baina bi horiek dute garrantzirik handiena taldearen jokoan».

Cuetarak ez du nahi kanporaketa «hauts» dadin. «Ahal den gehien eutsi nahi diegu aukerei, gauzak estu egonda, agian, urduri jar daitezkeelako. Baina, horretarako, gure onena eman beharko dugu». Ez dute eman azkenaldian, eta «kezkatuta» dago horregatik. «Makina baten gisan aritzen gara gu, eta olioztatzea falta zaigu. Denbora kontua da, baina ez dugu denborarik, lehiak ez baitu etenik. Ea beste lehiaketa batean jokatzeak on egiten digun, goraka egiteko».]]>
<![CDATA[Abiada hartua du]]> https://www.berria.eus/paperekoa/2003/025/001/2020-02-21/abiada_hartua_du.htm Fri, 21 Feb 2020 00:00:00 +0100 Julen Etxeberria https://www.berria.eus/paperekoa/2003/025/001/2020-02-21/abiada_hartua_du.htm
«Disgustu» horrek, hala ere, ez dio aldartea txartu. «Oso pozik» dago egiten ari den denboraldiarekin. «Gero eta hobeto ari naiz, eta aspaldiko garairik onenean nago». Sasoi honetan egin duena ikusi besterik ez dago. Bederatzi aldiz lehiatu da: zazpi aldiz 60 metro hesidunetan, eta bitan 60 metrokoan. Bitan ez beste, guztietan izan da lehena helmugara ailegatzen, eta irabazi ez duen bietan bigarren izan da. Aurrean ibiltzeaz gain, kronometroari kosk egiten ari zaio: 8,25 zuen markarik onena 60 metro hesidunetan, eta zazpi alditatik seitan egin du korri denbora horren azpitik. «Bikain ekin diot denboraldiari, eta jada bete dut pista estalian neure buruari ezarritako helburua: Munduko Txapelketarako gutxieneko marka lortzea, 8,16. Bitan egin dut korri denbora horren azpitik. Oso pozik nago».

Hilaren 8an lortu zuen 8,11ko marka 60 metro hesidunetan, Zaragozan (Espainia). Euskal atleta bakar batek ez du berak baino azkarrago korrika egin proba horretan, eta inoizko marka onenetan bosgarrena da Espainiako Atletismo Federazioaren sailkapenean. Aspaldikoak dira aurretik dituen lau markak, gutxienez duela hamabi urtekoak. «Egun perfektua izan zen». Hala deskribatu du egun horretan bizitakoa.

«Monotoniatik» ihesean

Aldaketa handia egin du iaztik hona. Aldaketa batek eragindako aldaketa izan da. «2018ko maiatzean, Ibon Muñozekin, 11 urte nituenetik nire entrenatzaile izandakoarekin lan egiteari utzi nion, eta Ramon Cidekin hasi nintzen. Aldaketa horrek on egin dit».

«Monotonia batean harrapatuta nengoen». Halaxe azaldu du aldaketaren zergatia. «Hamar urte baino gehiago neramatzan pista berberean —Irunen, Plaiaundin—, eta entrenamendu talde berberarekin lanean. Azpiegiturak ere ez ziren taxuzkoak. Ez genuen pista estalirik, eta euria egiten zuenean, teilatutxo xume bat bakarrik genuen aterpe moduan. Horrela, nekez entrena nintekeen jarraitutasunez, eta nik aurrerapausoa eman nahi nuen. Horregatik erabaki nuen Donostiara joatea, eta Ramonekin lanean hastea. Belodromoan eta Anoetako estadio txikian entrenatzen gara, eta, egia esan, nabari da aldea. Horrek ere mesede egin dit».

Entrenatzaile bakoitzak du bere lan egiteko modua, eta Errandoneak azaldu duenez, Cidek garrantzi handia ematen dio teknikari. «Asko ari gara lantzen alor hori, eta nabari dugu hobetzen ari garela. Sinetsita gaude oraindik asko hobetu dezakedala, askoz azkarrago korri egin dezakedala». Lesiorik ez du izan orain arte, eta, horri esker, «egunero» ari da entrenatzen, «etenik gabe».

Horren guztiaren fruitua ari da jasotzen orain, baina iaz eman zuen susperraldi baten lehen zantzuak: lehen aldiz izan zen maila nagusiko 100 metro hesidunetako Espainiako txapeldun. «Aldaketa barneratzeko sasoia izanagatik ere, lan ona egin nuen. Pozik amaitu nuen, baina sekulako gogoa nuen denboraldi hau hasteko. Konbentzituta nengoen hau izango zela sasoi ona».

Tokio eta Paris

Atleta irundarra gaur ariko da berriro, Madrilen, Munduko Zirkuituko bileran, 60 metro hesidunetan (19:30). Lehen aldiz parte hartuko du halako bilera garrantzitsu batean, eta, horregatik, «lehiatzeko irrikaz» dago. Espezialista onenetako bi ariko dira: Brianna McNeal eta Christina Clemons estatubatuarrak. Lehena, olinpiar eta munduko txapeldun izan da 100 metro hesidunetan; eta bigarrenak inoizko marka onenetan seigarrena du 60 metro hesidunetan: 7,73. «Finalean aritu nahi dut, eta marka ona lortu, Tokioko Olinpiar Jokoetarako puntu dezente batzeko. Mesede handia egingo dit atleta handi horiekin lehiatzeak».

Ez da kasualitatea Errandonea Tokioko Olinpiar Jokoez mintzatzea. Han egon nahi du. «12,84 da gutxieneko marka, eta nik 13,37 dut. Beraz, ia ezinezkoa da marka bidez sailkatzea. Nire helburua da hamahiru segundoetatik jaistea, eta Jokoak iritsi arteko lasterketatan aurrean ibiltzea, ahal dudan puntu gehien lortzeko. Ea gutxieneko marka lortzen ez dutenen artean sar naitekeen. Madrilgo bilerak, maila handikoa izanik, puntu dezente emango ditu».

Tokioko Olinpiar Jokoak ditu amets, eta Parisko Europako Txapelketa, lehentasun [abuztu bukaeran jokatuko da]. «Kosta ahala kosta egon nahi dut han. 13,19 da gutxieneko marka, eta eskura ikusten dut. Ea orain artekoari eusten diodan. Bide zuzena daramat, eta abiada hartua dut».]]>
<![CDATA[«Ez dut argi etxean nire alde edo Bidasoaren alde dauden»]]> https://www.berria.eus/paperekoa/1918/020/001/2020-02-19/ez_dut_argi_etxean_nire_alde_edo_bidasoaren_alde_dauden.htm Wed, 19 Feb 2020 00:00:00 +0100 Julen Etxeberria https://www.berria.eus/paperekoa/1918/020/001/2020-02-19/ez_dut_argi_etxean_nire_alde_edo_bidasoaren_alde_dauden.htm
Espainia, Hungaria, Danimarka, Frantzia, eta orain Polonia. Argi dago erraz egiten duzula maleta.

Bai. Behin lehen aldiz kanpora joan ondoren, errazago egiten da gero maleta.

Horretarako, esperientzia berriak bizi izan zalea izan beharra dago, baita ausarta ere.

Nahiagoko nuen nire ibilbide osoa Iruñean, San Antonion egin, eta one club man bat izan [klub bakarreko jokalaria]. Baina ez da posible izan. Eta behin etxetik irtenda, beti izan nuen buruan Europan zehar bidaiatzea, eta hango jendea, eta kultura eta eskubaloi ezberdinak ezagutzea. Esperientzia berriak bizi izateko grina nuen, eta eskubaloiak aukera hori eman dit. Kontent nago horregatik.

Zeren arabera aukeratzen duzu non jokatu?

Gauza anitz hartzen ditut kontuan: zenbat kobratuko dudan, zein izango dudan entrenatzaile, zein joko gustatzen zaion, taldeak zer-nolako maila duen, egonkorra ote den... Konturatu naiz zenbat eta adinean gorago egin, orduan eta garrantzi handiagoa ematen diodala kluba egonkorra izateari. Bizpahiru aldiz gertatu izan zait klub batean berandu eta gaizki kobratu izana, eta gaizki pasatzen da halako egoeratan.

Faktore horiek guztiek eraman zaituzte Poloniara?

Bai. Bi urte egin nituen Frantzian, eta arrunt gustura aritu nintzen. Han jarraitzeko asmoa nuen, baina Wisla Plocken aukera atera zitzaidan: hiru sasoirako kontratua eskaini zidaten; soldata hobea; Xavier Sabatek, gustuko teknikariak, entrenatuko ninduen; Txapeldunen Liga jokatuko nuen... Eta onartu egin nuen eskaintza. Jokalari gehienok ez dugu aukeratzen noiz joaten garen talde batetik. Aukerak iritsi egiten dira, eta hartu egiten dituzu, edo ez.

«Ni ez naiz Mikkel Hansen [munduko jokalaririk onena da]. Hark nahi duen tokian joka dezake. Nik datozkidan aukerak aprobetxatu behar ditut». Zuk esana da.

Eta hala da. Zorionez, egon naizen toki guztietan moldatu naiz nahiko ongi, pistan zein pistatik kanpo. Harro nago horregatik.

Urte erdi daramazu Polonian. Zer moduz doa dena?

Arrunt gustura nago. Hungarian ezagutu nuenaren gisako jendea dago klubean: arrunt onak, langileak eta umilak. Harreman ona dugu denok. Eta pistatik kanpo, bizitza lasaia da hemengoa, eta Plock ere hiri lasaia da. Oraindik ez naiz ondo moldatzen polonierarekin, baina hori ez da traba eskubaloian jokatzeko, ingelesez solastatzen baikara. Hala ere, serio jarri nahi dut poloniera ikasten.

Nolako taldea da Wisla Plock?

Tradizio handiko taldea da. Egun, eraberritze prozesuan dago. Denboraldi honetan, zortzi jokalari iritsi gara, eta kostatzen ari zaigu talde trinko bat osatzea. Gainera, lesio dezente izan ditugu. Oraindik badugu lana erabat egokitzeko.

Duela bederatzi urte irabazi zuen azken titulua. Kielceren itzalpean dabil aspaldian.

Eta normala da, alde handia baitago. Diruz, askoz aberatsagoa da Kielce. Horri esker, Txapeldunen Ligako Lauko Finalean aritu da, baita irabazi ere. Ez da gure ligako taldea, baina saiatzen ari gara aldea murrizten. Sasoi honetan, adibidez, irabazi egin diogu etxean. Tituluren bat kendu nahi diogu, baina oso zaila da.

Zein maila du Poloniako Ligak?

Ez nuen ezagutzen, baina maila polita dago; Frantziakoa eta Alemaniakoa baino pixka bat apalagoa, baina Asobal ligaren parekoa ia. Oso joko taktikoa egiten da.

Wisla Plock, hala ere, ez da Poloniako talde peto-petoa. Bederatzi herrialdetako jokalariak zaudete. Horrek badu eraginik?

Bai. Kontraesana da nik hau esatea, atzerritarra naizelako hemen, baina niri gustatuko litzaidake Poloniako jokalari gehiago izatea taldean. Hemengo federazioak ere hori nahi du, eta, horregatik, datorren denboraldian behartu egingo ditu taldeak gutxienez pistan aldi berean bi poloniar izatera. Ez dakit nola egingo dugun, egun, hiru jokalari poloniar bakarrik baititugu. Hala ere, hau ez da gure kezka bakarrik. Kielceri beste horrenbeste pasatuko zaio. Zer egin pentsatu beharko dute, puntako taldeetan etxeko jokalari gutxi baitago.

Entrenatzailea ere kanpokoa duzue, Xavier Sabate katalana. Nolakoa da?

Aurretik ezagutzen nuen, Hungarian aritu nintzenetik: ni, Pick Szegeden, eta bera, Veszpremen. Hagitz pertsona ona da, eta entrenatzaile arrunt taktikoa eta langilea. Gaztea den arren [44 urte ditu], esperientzia aunitz du, eta haren dohainik onena da taldeak oso ongi aztertzen dituela. Oso ongi prestatzen ditu partidak, tentu handiz, eta xehetasun guztiak zainduz.

Erdikoa izanik, zure ardura da haren aginduak pistan praktikan jartzea. Etengabeko harremana duzu harekin?

Bai, are gehiago biak gaztelaniaz solastatu ahal garela kontuan hartuta. Hasieratik erakutsi dit nigan konfiantza handia duela.

«Nahiago dut lan zehatz bat izan, aske aritzea baino». Zuk esana da. Horri eusten diozu?

Bai. Diziplinaren aldekoa naiz ni. Talde batek hobeto funtzionatzen du bakoitzak argi duenean zein den bere lana. Ondo dago askatasuna izatea, baina beti diziplina baten barruan. Horrela, errazago lortzen da talde gisa jokatzea. Gu saiatzen ari gara hori lortzen. Gaia badugu, talde garaia, borrokalaria eta kalitateduna baikara, baina egokitzea falta zaigu. Oraindik ez gara talde sendoa.

Zer moduz ari zara?

Gorabehera handirik gabe ari naiz, eta kontent nago. Errespetatua sentitzen naiz taldean.

Garrantzitsua sentitzen zara?

Bai, nire lana taldea antolatzea baita, eta oraindik taktikoki dezente baitugu egiteko. Hala ere, denok sentitzen gara garrantzitsu. Lesio asko izan ditugunez, jokalari gutxi aritu gara, eta entrenatzaileak txandakatze dezente egin behar izan ditu. Horri esker, denok sentitzen gara garrantzitsuak.

Bidasoaren aurka ariko zarete Txapeldunen Ligan. Zuretzat, kanporaketa berezia da?

Bai, zalantzarik gabe. Etxetik hogei minutu eskasera jokatuko dugu, eta herriko jende anitz joango da Artalekura. Eta duela hamar urte baino gehiago dira ez dudala jokatzen Artalekun, Anaitasunan nintzenetik, eta Bidasoa Ohorezko B Mailan. Pista berezia da niretzat: umetan askotan joaten nintzen hara; aita Bidasoako bazkidea da, baita hainbat lagun ere; laguna dut Gurutz [Aginagalde, Bidasoako presidentea], eta elkarrekin jokatutakoak gara, Logroñon; lagun handia dut Crowley ere [Bidasoako jokalaria], elkarrekin aritu baikinen San Antonion... Oso berezia izango da. Sailkatzen bagara, poztu egingo naiz, eta Bidasoa sailkatzen bada, haserre egongo naiz, baina baita pixka bat kontent ere.

Doneztebetik sarrera dezente eskatu dituzte. Noren alde egongo dira?

Oso eskubaloizaleak ez direnak, nire alde egongo dira, baina eskubaloizaleak direnek Bidasoa sailkatzea nahiko dute. Aita bera ez dakit noren alde egongo den. Zalantza dut etxean nire alde edo Bisdasoaren alde dauden. Ez dut argi.

Zer itxura hartzen diozu kanporaketari?

Edozer gerta daiteke. Bidasoa talde arrunt sendoa eta landua da, eta ia ez du hutsik egiten. Arrunt zaila izango da hura mendean hartzea. Gainera, ez gaude unerik onenean, lesio asko izan baititugu, eta kostatzen ari baitzaigu erritmoa hartzea. Guk barruan dugun guztia emanen dugu.

Irunen jokatuko da itzuliko partida. Abantaila da hori Bidasoarentzat?

Bai, baina bi taldeak gara oso borrokalariak, eta uste dut emaitza parekatua izango dela bai hemen, baita han ere. Joaneko norgehiagokak garrantzi handia izango du.

Zer nabarmenduko zenuke Bidasoaz? Jokalariren bat gustatzen zaizu bereziki?

Anitz gustatzen zait Azkue [Jon Azkue]. Aspaldi ezagutzen dut, eta oso ongi jokatzen du, eta pertsona oso ona da. Kauldi [Odriozola] ere gustatzen zait. Bidasoak arrunt defentsa ona eta sendoa du, eta erasoan hagitz dinamikoa da. Ikusteko talde arrunt polita da. Eta gero, talde espiritu handia du. Asko gustatzen zait nola laguntzen dioten elkarri. Talde guztiek nahi dugu hori izan.

Doneztebetik 30 kilometro eskasera dago Irun. Horrenbeste urtez kanpoan aritu eta gero, ez da toki txarra itzultzeko eta bertan jokatzeko. Herriminik ez duzu?

Bai, noski, beti dut kirrinka hori, eta badut buruan noizbait etxera itzultzea. Baina tira, sarritan gertatu zait jada plan bat egitea, eta gero, dena aldrebestea. Beste bi urterako kontratua dut hemen, 31 urte ditut, ez dakit fisikoki nola egongo naizen aurrerago... Inoiz ezin da aurreikusi zer gertatuko den, bizitza arrunt desegonkorra baita eskubaloi jokalariarena. Ikusiko dugu. Gaur-gaurkoz, ez dut horretan pentsatzen.]]>
<![CDATA[Denak nahi ditu barruan]]> https://www.berria.eus/paperekoa/1879/024/001/2020-02-18/denak_nahi_ditu_barruan.htm Tue, 18 Feb 2020 00:00:00 +0100 Julen Etxeberria https://www.berria.eus/paperekoa/1879/024/001/2020-02-18/denak_nahi_ditu_barruan.htm
Argi dago: Aspek kosta ahala kosta nahi du bere lau bikoteek lehian jarrai dezaten lehen ligaxka amaitutakoan. Hiru sailkatu ditu jada: Erik Jakak eta Jose Javier Zabaletak, eta Joseba Ezkurdiak eta Julen Martijak ziurtatua dute finalerdietako ligaxka jokatzea; Jokin Altuna eta Ladis Galarza, berriz, seguru dira atariko kanporaketan.

Asperen laugarren bikotea, Irribarriak eta Rezustak osatutakoa, ordea, kinka larrian dago. Azken-aurrena da sailkapenean, eta nahi eta nahi ez irabazi behar du azkeneko jardunaldian lehiaketatik kanpo ez geratzeko. Garaipena lortuta ere kalean gera daiteke, igandean, Bilbon, Aimar Olaizolak eta Mikel Urrutikoetxeak Ezkurdia-Martija mendean hartzen badituzte.

Aspek berea ziurtatu nahi du, larunbateko neurketa irabaztea, eta Elezkano II.aren alde egin du horretarako, Irribarriaren kaltetan. Aurrelari aramarra oso gorabeheratsu aritu da orain arte, eta enpresak ez du konfiantzarik harengan azken neurketari begira. Horregatik egin du Elezkano II.aren alde. Bitxia da egoera, Aspek binakakotik kanpo utzi baitzuen aurrelari zaratamoarra, nahiz eta iaz Rezustarekin txapela irabazi zuen. Elezkano II.a bigarrenez ariko da txapelketan, zortzigarren jardunaldian, Altuna III.a ordezkatu baitzuen, aurrelaria min hartuta baitzegoen. 22-18 galdu zuten Elezkano II.a-Galarzak Ezkurdia-Martijaren aurka. Elezkano II.a-Rezustak oso estatistikak onak dituzte: 35 partidetatik 26 irabazi dituzte.]]>
<![CDATA[Pertika izanda, zertarako hegoak]]> https://www.berria.eus/paperekoa/1969/028/001/2020-02-18/pertika_izanda_zertarako_hegoak.htm Tue, 18 Feb 2020 00:00:00 +0100 Julen Etxeberria https://www.berria.eus/paperekoa/1969/028/001/2020-02-18/pertika_izanda_zertarako_hegoak.htm hegoak ematen dizkizugu. Aukeran datorkio leloa Duplantisi: hegan egiten du berak. Baina inoiz ez du hegorik behar izan. Pertika du horretarako.

Bazetorrela Duplantis, eta zerbait handia egingo zuela. Aspaldi ari ziren adituak horretaz ohartarazten. Eta Duplantisek arrazoia ematen zien pertika hartzen zuen bakoitzeko: 18 urterekin, 6,05 metro saltatu zuen. Inork ez zuen egin halakorik, ezta Sergei Bubka handiak ere. Baina jada handia zen hura txiki utzi berri du. Astebetean bitan hobetu du munduko marka. Hilaren 8an, Torunen (Polonia), zentimetro bat ondu zuen Renaud Lavilleniek sei urte lehenago egindako marka: 6,16 metrotik 6,17era eraman zuen. Joan den larunbatean, berriz, Glasgown (Eskozia), beste zentimetro bat hobetu zuen: 6,18 metro.

Zentimetroz zentimetro ari da munduko marka hobetzen. Beste horrenbeste egin zuten aurretik Bubkak eta Jelena Isinbaievak: ukrainarrak 35 aldiz ondu zuen munduko marka ,1984tik 1994ra; eta errusiarrak, 30 aldiz, 2003tik 2012ra. Diru kontuak daude horren atzean. Antolatzaileek eta babesleek dirutza ordaindu ohi dute munduko marka bakoitzeko. Sinplea da funtzionamendua: zenbat eta gehiagotan hobetu, orduan eta diru gehiago jasotzen du atletak. Bada, oraingoz, horrela ari da Duplantis, eta, kalkuluen arabera, 25.000 euro inguru jaso ditu munduko marka hobetu duen bakoitzeko. Ikusteko dago zentimetroz zentimetro jarraituko duen, edo egunen batean koska handi bat emango dion. Argi utzi du hori egiteko moduan dela, alde handiz gainditu baitu listoia. Bihar ikus daiteke zein asmo duen, berriro ariko baita, Lievinen (Frantzia).

Ez da garaia —1,81 metro— , ez indartsua —79 kilo—, ezta gihartsua ere. Horrek guztiak traba izan beharko luke bost metroko eta bi kiloko pertikari beharrezko indarra eragin, hura tolestu, aireratu eta listoia pasatu behar duen atleta mehe batentzat. Baina bost axola horrek guztiak Duplantisi. Ikustekoa da zein azkar egiten duen korrika, zein erabakitasunez sartzen duen pertika zuloan, eta zein indartsu eta maisutasunez egiten duen hegan, eta listoia pasatu.

Geneek eragina izan ohi dute, eta Duplantisek bikainak ditu kirolean aritzeko. Puntako atleta izandakoak ditu gurasoak: aita, Greg Duplantis, pertika jauzilaria izan zuen —5,82 metro du markarik onena—; ama, berriz, Helena Hedlund, heptatloian eta boleibolean aritu zen. Biek kirolerako, eta bereziki, atletismorako maitasuna transmititu zieten lau seme-alabei, guztiak baitira kirolariak. Lauren artean hirugarrena da Armand. Anaiarik zaharrena ere, Andreas, pertika jauzilaria du —5,42 metroko marka du—; bigarrena, Antoine, beisbol jokalaria da; eta arreba ere, Joanna, pertika jauzilaria du —3,66 metroko marka du—. AEBetan jaio ziren guztiak, baina Suediarekin lehiatzen dira, amaren sorterria ordezkatuz.

Baina ezer gutxirako balio dute geneek lana egin gabe, orduak sartu gabe. Eta Duplantisek zerbait egin badu, hori pertikarekin orduak sartzea izan da. 4 urterekin jada ari zen pertikarekin jauzi egiten, etxean. Erratz baten makila zerabilen pertikatzat, eta koltxoi zahar bat, lastaira. Berehala txiki geratu zitzaion aitak atondutako azpiegitura. Eta txiki ari da uzten orain arte pertikan lortu den guztia ere.]]>
<![CDATA[Ezin dira kexatu]]> https://www.berria.eus/paperekoa/1879/022/001/2020-02-15/ezin_dira_kexatu.htm Sat, 15 Feb 2020 00:00:00 +0100 Julen Etxeberria https://www.berria.eus/paperekoa/1879/022/001/2020-02-15/ezin_dira_kexatu.htm
Asobal ligako lehen hiru sailkatuak saihestu dituzte Bidasoak eta Anaitasunak: Bartzelona, Ademar eta Logroño. Ez dituzte haiekin indarrak neurtuko, ez final-laurdenetan, ezta finalerdietan ere. Finalean bakarrik izan ditzakete aurkari. Izan ere, lehen kanporaketa gaindituz gero, bi euskal taldeek elkarren aurka jokatuko lukete finalerdietan, martxoaren 7an.

Baina, horretarako, Benidorm eta Cuenca kanporatu beharko dituzte. Asobal ligako lehen itzulian, Bidasoak 18-22 irabazi zuen Benidormen (Herrialde Katalanak), eta Anaitasunak 24-27 galdu zuen etxean, Cuencaren aurka. Hain zuzen, hurrengo bi asteetan izango dira berriro aurrez aurre: Bidasoa eta Benidorm Artalekun ariko dira datorren asteartean (20:15), eta Anaitasunak Cuencari egingo dio bisita martxoaren 1ean (12:00).

Hiru aste barru jokatuko dute Kopa, eta, ordura arte, buru-belarri ariko dira: Bidasoa, Asobal eta Txapeldunen ligatan, eta Anaitasuna ligan. Iruñeko taldeak gaur jokatuko du 17. jardunaldiko partida, Benidormen, 18:00etan. Bi puntu gehiago dituzte nafarrek.

Zuazok ere egon nahi du

Gizonezkoen Espainiako Kopa baino hilabete eta erdi geroago jokatuko da emakumezkoena, apirilaren 24tik 26ra, Alhaurin de la Torren (Espainia). Super Amara Bera Bera jada sailkatuta dago. Zubileta Evolution Zuazok, ordea, behetik gora egin beharko du han aritu nahi badu, hiru golen aldeaz galdu baitzuen Aula Valladoliden aurka final-zortzirenetako joaneko partidan, Lasesarren: 28-31. Gaur jokatuko dute bi taldeek itzuliko neurketa, Valladoliden (Espainia), 19:00etan. Kanporaketari buelta ematea da helburua, baina Joseba Rodriguez Haito-k entrenatutakoek ez dute erraza izango.]]>
<![CDATA[Finala bai, finala ez]]> https://www.berria.eus/paperekoa/2131/025/001/2020-02-14/finala_bai_finala_ez.htm Fri, 14 Feb 2020 00:00:00 +0100 Julen Etxeberria https://www.berria.eus/paperekoa/2131/025/001/2020-02-14/finala_bai_finala_ez.htm
Hiru hilabete pasatu dira, eta lehiak hankaz gora jarri ditu pronostikoak. Bi bikote horietako batek agur esango du lehen ligaxka amaitzean. Seigarren daude Irribarria-Rezusta, hots, lehian segitzeko aukera ematen duen azken postuan. Hamabi neurketetatik bost baino ez dituzte irabazi. Koska bat beherago eta garaipen bat gutxiagorekin daude Olaizola II.a-Urrutikoetxea. Kanpoan leudeke.

Hala, erabakigarria izan daiteke bi bikoteek igandean Tolosan (Gipuzkoa) jokatuko duten neurketa. Irabaziz gero, Irribarria-Rezusta sailkatuta leudeke. Aldiz, galduz gero, Olaizola II.a-Urrutikoetxeak hartuko liekete aurrea, tanto alde hobea baitute. Kasu horretan, azken jardunaldian erabakiko litzateke dena: Aspekoek Unai Laso eta Jon Ander Albisu izan dituzte aurkari; eta Baikokoek, Joseba Ezkurdia eta Julen Martija.

Olaizola II-a-Urrutikoetxeak dute presio handiena. «Guretzat, final bat bezalakoa da, galduz gero kanporatuta geratuko garelako. Partida zaila izango da, Irribarria-Zabaleta bikotea indartsua baita. Gogor jotzen diote biek pilotari», esan zuen atzo Urrutikoetxeak, pilota aukeraketan. Hain zuzen, zaratamarrak atzo erabaki zuen jokatzea, osatu egin baitzaio eskuin eskuko mina. Irribarriak, ordea, azpimarratu zuen «neurketa garrantzitsua» dela, «baina ez final bat», galduz gero azken jardunaldia geratuko litzatekeelako.

Bigarren posturako lehia

Azken-aurreko jardunaldia, hala ere, gaur hasiko da. Bi partida jokatuko dituzte, eta bietan egongo da jokoan bigarren postua. Gernika-Lumon (Bizkaia), Altuna III.a-Galarza eta Artola-Aranguren ariko dira —atzelariak Ander Imaz ordezkatuko du, hark mina baitu eskuin belaunean—; eta Urdulizen (Bizkaia), Ezkurdia-Martija eta Laso-Albisu. Ezkurdia-Martijak zortzi garaipen dituzte, Altuna III.a-Galarzak eta Artola-Imazek zazpi, eta Laso-Albisuk sei.]]>
<![CDATA[Espainiako Kopatik kanpo geratu da Retabet Bilbo Basket]]> https://www.berria.eus/albisteak/177481/espainiako_kopatik_kanpo_geratu_da_retabet_bilbo_basket.htm Thu, 13 Feb 2020 01:01:28 +0100 Julen Etxeberria https://www.berria.eus/albisteak/177481/espainiako_kopatik_kanpo_geratu_da_retabet_bilbo_basket.htm Denboraldi honetan,ACB ligan, Alex Mumbruk entrenatutako taldeak Euroligan ari diren talde guztiei irabazi die. Gaur, baina, Real Madril ez da utzi ezustekoan harrapatzen.Arriskuaren jakitun, Espainiako taldea bete-betean aritu da, eta ezustea emateko aukerarik gabe utzi du euskal taldea. Bilbo Basket nor baino nor gehiago aritu da ia partida osoan, batez ere lehen 25 minutuetan (57-55), baina Real Madrilek 14-0ko partziala lortu du, eta partida hautsi (71-55). Hala ere, bilbotarrak suspertu egin dira, eta bost puntura jarri (75-70), baina Sergio Llull azaldu da orduan, bere taldeari garaipena emateko.
Gaurko atsekabeak gutxi iraun beharko luke, Bilbo Basket denboraldi bikaina ari baita egiten. ACB ligara igo berritan, bosgarren postuan da sailkapenean, eta lan eder horri esker aritu da Espainiako Kopan.]]>
<![CDATA[Reala penaltietan geratu da Espainiako Kopatik kanpo]]> https://www.berria.eus/paperekoa/1909/019/002/2020-02-13/reala_penaltietan_geratu_da_espainiako_kopatik_kanpo.htm Thu, 13 Feb 2020 00:00:00 +0100 Julen Etxeberria https://www.berria.eus/paperekoa/1909/019/002/2020-02-13/reala_penaltietan_geratu_da_espainiako_kopatik_kanpo.htm
Realak 5-0 irabazi zion Madrili duela hilabete eta erdi, baina Espainiako taldea ez da orduko arerio samurra. Dirua du, eta sei jokalari fitxatu berri ditu. Horri esker, gora egin du, eta aurkari indartsua da. Hori bazekiten Realeko jokalariek, baina, hala ere, ezin izan zuten mendean hartu. Txuri-urdinek izan zituzten aukerak golen bat sartzeko; Bañosek, adibidez, langara bota zuen baloia. Madrilek ere izan zituen, baina hura ere ez zen fin aritu erasoan. Horregatik amaitu zen hutsean partida, eta penaltietan ebatzi. Eta hor, ez zuten huts egin bisitariek.]]>
<![CDATA[Erdibidean geratu da]]> https://www.berria.eus/paperekoa/2746/021/001/2020-02-13/erdibidean_geratu_da.htm Thu, 13 Feb 2020 00:00:00 +0100 Julen Etxeberria https://www.berria.eus/paperekoa/2746/021/001/2020-02-13/erdibidean_geratu_da.htm
Bigarren zatiaren hasieran iritsi zen etxekoen susperraldia, 9-2ko partziala lortuta. Horrek hautsi zuen partida, 19-18tik 28-20ra pasatu baitzen markagailua. Ordu laurden falta zen, baina erabakita zegoen dena. Azkenean, aldea bere horretan geratu zen: 33-25.

Bidasoak laugarren postuan jarraituko du, baina gero eta urrunago ditu goikoak: bi puntura du Logroño, eta laura Ademar, lehia bat gutxiago jokatuta.

Bestalde, Bera Bera Euskal Kopako finalerako sailkatu zen atzo, Zarautzen, etxeko taldeari 21-40 irabazita. Errotabarrik eta Zuazok jokatuko dute beste finalerdia, Ermuan (Bizkaia), martxoaren 13an.]]>
<![CDATA[Espainiako Kopatik kanpo geratu da Reala]]> https://www.berria.eus/albisteak/177422/espainiako_kopatik_kanpo_geratu_da_reala.htm Wed, 12 Feb 2020 21:18:22 +0100 Julen Etxeberria https://www.berria.eus/albisteak/177422/espainiako_kopatik_kanpo_geratu_da_reala.htm <![CDATA[«Inoiz ez dut ezagutuko azken bi urteetako talde honen parekorik»]]> https://www.berria.eus/paperekoa/1855/027/001/2020-02-12/inoiz_ez_dut_ezagutuko_azken_bi_urteetako_talde_honen_parekorik.htm Wed, 12 Feb 2020 00:00:00 +0100 Julen Etxeberria https://www.berria.eus/paperekoa/1855/027/001/2020-02-12/inoiz_ez_dut_ezagutuko_azken_bi_urteetako_talde_honen_parekorik.htm
Ia astebete joan da Ademarren aurka galdu zenuenetik. Zer hausnarketa egin duzue gertatutakoaz?

Ez genuen berdindu Ademarrek partidari jarri zion intentsitatea. Erasoan ez ginen ondo aritu. Defentsan, berriz, behetik gora egin genuen, baina ez nahikoa haien erasoari aurre egiteko.

Jacobo Cuetarak berak ohartarazi zuen ez zela garairik aproposena Ademarren aurka jokatzeko, «pixka bat herdoilduta» zinetelako. Ados zaude harekin?

Bai, baina Jacobok [Cuetara, Bidasoko entrenatzailea] partida bukaeran esan zuen bezala, horrek ez du aitzakia izan behar. Ademarri irabazteko maila badugu, eta, are: nire ustez, haiek baino hobeak gara. Baina neurketa horretan beraiek gailendu ziren.

Eta orain, olioztatuagoak zaudete?

Bai. Adibidez, Donatek [Bartok, Bidasoak fitxatutako azken jokalaria] jada egun batzuk daramatza gurekin entrenatzen, eta etenaldian selekzioekin aritu ziren jokalariak ere egokituagoak daude taldearen egunerokora.

Beharko duzue; bi aste gogor dituzue aurretik. Gaur, Bartzelona ahalguztidunari egingo diozue bisita. Nola egiten zaio aurre halako neurketa bati, zeinetan ia ezinezkoa baita irabaztea?

Gu irabaztera goaz, edo, gutxienez, lehiakor izatera, eta azken minutuetara arte partidan sartuta egotera. Barneratua dugu nahiz eta partida ona egin gerta litekeela Bartzelona gainetik pasatzea.

Ligan lanak eman izan dizkiozue. Hori egitea da helburua?

Bai. Plazera da halako talde handi baten aurka jokatzea. Hala, nahiz eta agian galdu, polita da ikustea lanak eman dizkiozula.

Bartzelona ia 40 gol ari da sartzen neurketako. Barneratua duzu dezentetan jaso beharko duzula baloia ate barrutik?

Guri askoz gol gutxiago sartu dizkigu ligan azkenaldian, 25 edo. Bada aldea. Eskertzen da.

Atezain batentzat, nolako partida da: gustagarria ala desatsegina?

Niri izugarri gustatzen zait Bartzelonaren aurka jokatzea. Ezohiko jaurtiketak egiten dizkizute. Hain indartsuak direnez, errazago jaurtitzen dute, bakarrik, eta airean denbora asko eginez, eta nik denbora gehiago dut haien mugimenduei erreparatzeko.

Gaur berriro galduz gero, arriskua al dago jendea hasteko orain arte eginiko lana gutxiesten?

Ez dut uste. Irunen, jendeak badaki eskubaloiaz, eta meritu handia ematen dio orain arte egin dugunari. Bartzelonaren aurka galtzeak ez du ezer aldatuko.

Argi dagoena da zailagoa izango dela berriz ere bigarren izatea, ezta?

Bai, batez ere Ademar ikusgarri ari delako. Lau puntuk soilik egin dizkiote ihes, Bartzelonaren eta gure aurka galdutakoek. Beste guztiak bereganatu ditu. Hala ere, nik konfiantza osoa dut taldean, eta ziur naiz buelta eman diezaiokegula Ademarrek ateratzen digun lau punturen aldeari.

Ate joka dago Txapeldunen Ligako kanporaketa ere. Hasi zarete horretan pentsatzen?

Zerumugan dago, baina oraindik ez naiz hasi horretan pentsatzen. Ez naiz hasi begiratzen zer jokalari dituen Wisla Plockek. Bartzelonaren aurkako neurketan bakarrik dugu burua, eta, apur bat estutzen banauzu, datorren asteartean Artalekun Benidormen aurka jokatuko dugun partidan.

Halere, zer itxura hartzen diozu kanporaketari?

Wisla Plock oso talde ona da: Poloniako onenetan bigarrena, Kielceren atzetik. Hala ere, sasoi honetan nor baino nor gehiago ari da Kielcerekin, liga irabazteko. Eta horrek agerian uzten du oso talde indartsua dela, historikoa, eta eskarmentu handikoa. Irrikan gaude joanekoa jokatzeko. Sekulako ilusioa dugu.

Nola ari zara bizi izaten Txapeldunen Ligarako esperientzia?

Esperientzia zirraragarria izaten ari da taldeko kide guztiontzat. Edozein eskubaloi jokalarirentzat amets bat da kluben arteko lehiaketa nagusia jokatzea. Ligaxkako lehen partidak ikusgarriak izan ziren, eta zer esanik ez gero, ikusi genuenean bagenuela sailkatzeko aukera, eta lortu genuenean, nola eta lider izanda. Ez dakit nola deskribatu barruan dugun sentipena. Izugarria da.

Pozik zaude orain arte egiten ari zaren lanarekin?

Bai. Lehen itzuli ona egin nuen, batez ere geldiketen portzentajeei erreparatuta. Inoiz ez nintzen horren erregularra izan nire kirol ibilbidean, eta horrek asko asebetetzen nau. Baina gehiago nahi dut. Ea bigarren itzulian hobeto aritzen naizen.

Defentsa da Bidasoaren indargunea, eta horretan zerikusi handia duzue zuk eta Rangel Luanek. Ondo zainduta dago atea.

Rangelek eta biok bikote ona osatzen dugu. Elkarren osagarri gara. Ni Bartzelonako eskolakoa naiz [Bartzelonaren harrobian jokatu zuen]: hankak gora igotzearen zalea naiz, baita neure burua lurrera botatzearen zalea ere, azpitik datozen baloiak gelditzeko; Rangel, ordea, ez da horrenbeste mugitzen: lurrean izan ohi ditu bi oinak; ez du jauzirik egiten; nahiago du gorputz osoa eraman batetik bestera... Nik baloi gehiago gelditzen ditut sei metrotik, eta berak, bederatzi metrotik. Aurkariak nola jokatzen duen, batek edo besteak joka dezake, eta hori mesedegarria da taldearentzat.

Ezberdinak bai, baina biak oso gazteak zarete; 23 urte besterik ez duzue. Ezohikoa da hori. Entrenatzaileek eskarmentua duten atezainen alde egin ohi dute.

Hala da, baina Jacobok gure alde egin zuen apustu, eta guk, berriz, hona etortzeko apustua egin genuen. Eta ez ginen okertu. Entrenatzaileak beti erakutsi digu konfiantza osoa duela gure lanean. Bigarren denboraldia dugu Rangelek eta biok elkarrekin, eta hasieratik oso ondo moldatu gara lanean; hori islatu da pistan. Asko hitz egiten dugu elkarrekin, eta elkarri gomendioak ematen dizkiogu. Gazteak gara, baina badugu eskarmentua: lauzpabost urte daramatzagu Asobal ligan jokatzen.

Esan duzu ez zinela okertu Bidasora etorrita. Kontratua beste bi urterako berritu izana horren erakusle da?

Hala da. Asko hausnartutako erabakia izan da, baina ziur naiz asmatu dudala. Oso pozik nago gutxienez beste bi urtez jarraituko dudalako Bidasoan. Izugarri gustura nago taldean. Inoiz ez dut ezagutu eta inoiz ez dut ezagutuko azken bi urteetako talde honen parekorik. ]]>
<![CDATA[Neurria hartua dio]]> https://www.berria.eus/paperekoa/2093/027/001/2020-02-08/neurria_hartua_dio.htm Sat, 08 Feb 2020 00:00:00 +0100 Julen Etxeberria https://www.berria.eus/paperekoa/2093/027/001/2020-02-08/neurria_hartua_dio.htm
Alavesek neurria hartu dio Eibarri denboraldi honetan. Bi aldiz jokatu dute elkarren aurka, eta bietan irabazi dio. 0-2 nagusitu zitzaion Ipuruan lehen itzulian, eta 2-1 gailendu zitzaion atzo Mendizorrotzan. Hori eginda, bolada txarra eten du, lau jardunaldi baitzeramatzan etxean irabazi gabe, eta hamabi puntutatik bi besterik ez baitzituen lortu. Irabazita, halaber, beste urrats bat egin du mailari eusteko lehian, denboraldiko helburua lortzeko bidean. Jardunaldiko beste partidetako emaitzen zain, bederatzi puntura ditu jaitsiera postuak. Ez da inondik inora alde erabakigarria, baina bai balio du nerbioak pixka bat uxatu eta lasai antzean lan egiteko.

Kontrakoa gertatzen zaio Eibarri. Hiru jardunaldi zeramatzan galdu gabe, baina atzo ez zuen aurrerapausorikk eman mailari eusteko bidean, eta jardunaldiko emaitzek jaitsieratik hiru puntu bakarrera utz dezakete. Aparteko lanik egin gabe puntuak lortzen ari zen azkenaldian, baina atzo esku hutsik geratu zen. Aurrera egin beharrean, atzera egin du. Bide zuzena topatu beharrean da lehenbailehen, eta bide horretan eutsi. Ez du lortu orain arte.

Gol guztiak bigarren zatian

Alavesi ezin hobeto atera zitzaion Asier Garitanok proposatutako estrategia: baloia utzi zion Eibarri, eta haren huts baten zain geratu zen. Bisitariek izan zuten baloia, baina ezertarako ez, apenas sortu baitzuten arriskuko jokaldirik. Etxekoek, aldiz, bikain aprobetxatu zituzten aurkariak egin zituzten hutsak.

Ximo Navarrok eman zuen lehen abisua, aurreneko zatia amaitzear zela. Baloia hartu zuen jokaldi nahasi batean, baina Dmitrovicek zapuztu egin zuen haren ahalegina. Aukera horrek ez zuen etxekoen estrategia aldatu, eta Eibarren hutsaren zain geratu ziren.

Eta berehala iritsi zen aukera hori, bigarren zatia hasi eta hogei segundo eskasera. Eibarrek atera zuen baloia zelai erditik, baina lehenbizi, Bigasek, eta jarraian, Burgosek, huts larria egin zuten. Joseluk hartu zuen baloia, eta haren pasea bikain errematatu zuen Lucas Perezek. Aurrelari galiziarra zelaira irten berria zen, eta segundo eskas batzuk bakarrik behar izan zituen sasoiko bederatzigarren gola sartzeko.

Gol horrek arriskatzera behartu zuen Eibar, eta halakoetan errazagoa da hutsak egitea. Eta halaxe gertatu zen. Eibarreko atzelariek kale egin zuten berriz ere, eta Burkek ondo aprobetxatu zuen bigarren gola sartzeko. 66. minutua zen, eta Alavesek bideratuta zuen garaipena.

Orellanak itxaropena eman zion Eibarri 82. minutuan urrutitik gol ederra sartuta. Baina hortxe geratu zen bisitarien ahalegina. Azkenean, etxekoen garaipena, eta festa Mendizorrotzan.]]>
<![CDATA[Parez pare berriz ere]]> https://www.berria.eus/paperekoa/1879/029/001/2020-02-08/parez_pare_berriz_ere.htm Sat, 08 Feb 2020 00:00:00 +0100 Julen Etxeberria https://www.berria.eus/paperekoa/1879/029/001/2020-02-08/parez_pare_berriz_ere.htm
Faboritorik gabeko finala da, hein handi batean, Barrenetxea IV.ak sabaia hautsi baitu. Urriza zen sabai hori, nafarrak nagusitasunez irabazi baitzion azkeneko banakakoaren aurretik elkarren aurka jokatu zituzten bi finaletan: 2016ko buruz burukoan (30-21) eta 2018ko Masterrean (30-19). Baina, azkeneko buruz burukoan gailenduta, gipuzkoarrak aurrerapauso bat eman du. Bide horretan beste urrats bat egin nahi du gaur, Masterreko txapela lortuta. Lehena luke.

Urrizak, aldiz, seigarrena luke, laugarrena jarraian. Aurrelariak kolpea hartu zuen buruz buruko zazpigarren txapela gabe geratuta. Urtea amaitu aurretik, ordea, apur bat arindu zuen mina, Iban Larrañagarekin binakakoa irabazita. Final horretan ere Barrenetxea IV.a izan zuen aurkari. Gaur, berriro izan nahi du nagusi.

Biek argi dute nola jokatu

Urrizak eta Barrenetxea IV.ak espero zena bete dute finalera iritsita, txapelketa aurkeztu zen egunean haiek jo baitzituzten faboritotzat. Hala ere, biek ala biek sufritu egin dute finala jokatzeko. Batek zein besteak izerdia bota behar izan zuten finalerdien galbahera pasatzeko: atzelariak estu antzean hartu zuen mendean Imanol Ansa (30-25); aurrelariak, berriz, gorriak ikusi zituen Endika Urrutiaren aurka nagusitzeko (30-28).

Argi geratu ziren bien asmoak finalerako piloten aukeraketan. Barrenetxea IV.ak sakearekin min egiteko materialaren alde egin zuen. Hori eginez, aurreko koadroetan piloteoa saihestu nahi du. Urrizak, berriz, erremontean ondo sartzen diren pilotak hautatu zituen. Biak ados azaldu ziren saskian topatutako materialarekin. ]]>
<![CDATA[Alaves nagusitu da derbian]]> https://www.berria.eus/albisteak/177209/alaves_nagusitu_da_derbian.htm Fri, 07 Feb 2020 15:37:28 +0100 Julen Etxeberria https://www.berria.eus/albisteak/177209/alaves_nagusitu_da_derbian.htm