Ondarroan (Bizkaia) jaio zen, 1970ean. Lizardi eta erotismoa saiakera argitaratu zuen lehenik, 1996an, baina Bitartean heldu eskutik (2001) poesia liburuarekin egin zen ezaguna batez ere. Urte berean argitaratu zuten Bar Puerto diskoko hitzak ere bereak dira; baita Zaharregia, txikiegia agian diskokoak (2003) ere. 2008an argitaratu zuen lehen eleberria: Bilbao-New York-Bilbao saritua. Gero etorri dira Mussche (2012) eta Elkarrekin esnatzeko ordua (2016). Tartean, haur eta gazte literatur lanak ere eman ditu.