Gabriel Arestiren lagun bizikleteroa
Miel A. Elustondo
Javier Batarrita Elexpuru 1961eko martxoaren 27an hil zuten guardia zibilaren kontrolean Boluetan, Jose Antonio Martin-Ballestero eta Fernando Larizgoitiarekin batera zihoala. «Komando terrorista» osatzen zutelakoan zen polizia, eta tiroz josi zuten euren autoa.
«Aitaren heriotzak beste heriotza askoren antza du»
Miel A. Elustondo
«Pena ematen dit euskaraz dakitenek euskaraz ez hitz egiteak»
Miel A. Elustondo
Franco hil eta urte gutxira ireki ziren oraingo ikastolak Arabako Errioxan, dela Lapuebla de Labarcan eta Oionen, dela Lantziegon eta Bastidan. Bertakoak izan ziren eragile nagusi, tartean kanpo-laguntzarik izan zuten arren. Miren Uriarte da lekuko Bastidan. Ikastolaren lehen harria jartzea egokitu zitzaion beste hiruzpalau lagunekin batera, eta harri haren gainean eraikia da oraingo errealitatea.
«Laguntza humanitarioa adabakia da, ez Saharako arazoaren soluzioa»
Miel A. Elustondo
Saharako hainbat ume heldu ohi dira euskal herrietara, udako. Bi hilabete egiten dituzte gure artean, errefuxiatu-kanpamenduetako errealitate ez bezalako batean. Haur horien arduradunen artean da Fatita Said, Saharatik udaldia igarotzera gure artera noizbait betiko etorria.
«Gure lan-hizkuntza euskara zen Eibarren, baina pikutara joana da hori»
Miel A. Elustondo
Iragan mendeko 50eko hamarkadan borrokaren lekukoa hartu zion belaunaldi berriak gerra galdutakoari. Diktaduraren karga pisu, itomen eta harrokeriari aitzi egin eta errebelatu ziren, mezuak idatziz, panfletoak zabalduz eta Erregimen zuzengabearen kontrako kontsignaz hormak margotuz. Sabotajeak eginez, eta Espainiako banderak errez. Han zen Serafin Basauri.
«Kubako esperientzia ez dut ahaztekoa»
Miel A. Elustondo
Frantziskotarra da Arantzazun Joseba Etxeberria Ariztimuño (Segura, 1932). Etxean hamabi senidetan hirugarrena, Gabiriako osaba-izebenean zen behizain bederatzi urte zituela. Hala ere, bazekien 11 urterekin Arantzazura etorriko zela. Ez zekien, ezin jakin, 1959an Kuban izango zela, Iraultzaren garaian…
«Gimnasia erritmikoa eta dominak norberaren gauzak dira»
Miel A. Elustondo
Euskal Herrian dugun kirolaririk onena da gimnasia erritmikoa modalitatean. Ikusgarria da tapizean hara eta hona, ezinago dotore, noiz pauso erritmikoak emanez, noiz aparatuak jaurtitzen eta hartzen, orekari eusten, birak eta jauziak paregabe eginez, ballet dantzaria antzo. Antzokian beharrean, ordea, kiroldegian ari ohi da, ordaindu beharrik ez da hura lan artistikoan ikusteko.
«Osakidetzaren kolaboratzailerik finena naiz arrandegian lanean»
Miel A. Elustondo
Arrandegian langile, inoiz ikusi gabeko iaiotasuna, aparteko abildadea du arraina garbitzen. Izan, ez da gure itsaso hegiko herrian sortua, Ukraina urrunetik etorria baizik. Ukrainarra da Arabako hiriburuan: eta Errusiaren aurkako gerra, eta gerra baino lehen, Txernobil, eta hura baino lehen, bizimodu hobe baten bila mendebalderanzko bidea, etorkizun hobe baten esperantzan?
«Borrokaren espiritua galdu dugu, eroso bizi gara gaur egun»
Miel A. Elustondo
'Zumai' zuen ezizena, eta ezaguna egin zuen Espainiako Poliziak, ziren eta ez ziren atentatuen egiletza berari egotziz. Atxilotu zutenean ondoan zuen Joxe Arregi, hark jasandako torturen lekuko izan zen, hilurren ikusi zuen... Kartzelan hamarraldia zeramala, kanporatu egin zuen ETAk. Aipu eta sona handiko militantea, erakundearen barruan zein kanpoan.
«Ikurrinak ipintzea herria errebindikatzeko modua iruditzen zitzaidan»
Miel A. Elustondo
Diktadura garai beltzean Francoren erregimenaren kontra zirkin egiterik ez zegoenean ere erresistentzia osatu zuten abertzale suharrek. Propaganda banatu zuten, hormak margotu zituzten, ikurrinak paratu zituzten. Itziar Ibarguenek ikurrinak josi zituen isil-gordeka, senarrak han-hemen ipin zitzan.