Lau puntuko bide orria azaldu du Pedro Sanchezek, osatu asmo duen "PSOEren gobernuarentzat", eta haietako azkena bozetara deitzea dela esan du. "Demokraziari duintasuna itzultzea" da asmoa. Ciudadanosek ez du babestuko sozialisten mozioa, eta hauteskundeetara deitzeko eskatu dio Rajoyri. EAJ "hitz egiteko prest" dagoela esan du Estebanek. Rajoyk dio "Sanchezen interesei" erantzuten diela mozioak, eta ez beste inorenei.

'Gatazkaren konponbidean aitzinatzeko nazioarteko topaketak' izenburua izango dute eta Ipar Euskal Herriko hainbat hautetsik osatutako babes talde bat izango dute. Harremanetarako Nazioarteko Taldeak, Foro Sozialak eta Bake Bideak xehetasunak eman dituzte Baionan. Bideoa: antolatzaileen agiria, euskaraz (Julen Aperribai eta Julen Hidalgo, BerriaTB).

Puigdemontek eta Cominek diputatu akta galduko dute auzipetze autoa irmo bihurtzen denean. Beste bi diputatu sartuko dira legebiltzarrera, eta horrenbestez haien botoak erabili ahal izango dituztenez, gehiengo sinplea batuko dute JxCk eta ERCk.

Auzipetze autoaren berri eman die Llarena epaileak ikertuei. Puigdemonti, Junquerasi, Cuixati, Sanchezi, Comini, Forni, Ponsatiri, Rovirari, Turulli, Rulli, Bassari, Romevari eta Forcadelli matxinada egotzi die. Azken bostei behin-behineko espetxeratzea ezarri die. Rovira, aldiz, Espainiako Estatutik irten da kartzelaratzea saihesteko.

17:00etan hasiko dute saioa legebiltzarrean. Turullek aurkeztutako gobernu programa eztabaidatuko dute, eta bozketa egin.

Azken urteetako manifestaziorik jendetsuena egin dute gaur Bilbon, Parisek presoak Euskal Herrira hurbiltzen hasiko dela iragarri duen egun berean.

Joxan Artzeren hitzak ezagunak dira oso, nahiz eta askotan ez jakin harenak direla. Mikel Laboaren abestietan egin dira ezagun asko, eta hainbat bertsio izan dituzte.

Poeta, txalapartaria, Ez Dok Amairuren sortzaile eta parte, euskal literaturaren zutabe garrantzitsuenetako bat izan zen Joxan Artze (Usurbil, 1939). 60ko hamarkadan euskal kultura berritu eta bizitu zuen artista klabea. Gorpua Donostiako Errekalde auzoko Vascongada beilatokian egongo da eguerditik aurrera. Hileta bihar egingo dute, Usurbilgo parrokian (Gipuzkoa), 19:00etan.