<![CDATA[Oihana Teyseyre Koskarat | Berria.eus]]> https://www.berria.eus Bere azken artikuluak eu Sun, 26 Jun 2022 10:50:37 +0200 hourly 1 <![CDATA[Oihana Teyseyre Koskarat | Berria.eus]]> https://www.berria.eus/irudiak/berriaB.png https://www.berria.eus <![CDATA[«Mugak hausteko» harrotasunez hartu dituzte Miarritzeko karrikak]]> https://www.berria.eus/paperekoa/1914/011/001/2022-06-26/mugak_hausteko_harrotasunez_hartu_dituzte_miarritzeko_karrikak.htm Sun, 26 Jun 2022 00:00:00 +0200 Oihana Teyseyre Koskarat https://www.berria.eus/paperekoa/1914/011/001/2022-06-26/mugak_hausteko_harrotasunez_hartu_dituzte_miarritzeko_karrikak.htm Gure harrotasunak ez du mugarik lelopean egin zuten manifestazioa ehunka lagunek. Genero identitateetan mugarik ez dagoela aldarrikatu zuten, eta, LGTB komunitateko etorkinei sostengua adierazi zieten, horien baldintzarik gabeko harrera eskatuz.

Itsasargian bildu ziren arratsaldean manifestazioaren aurretik. Bertan, dozena bat eragile prebentzio eta pedagogia lanetan aritu ziren. Etienne Clercin SOS Homofobia elkarteko kidea da. Azaldu zuenez, laguntzaileek osaturiko sare baten bidez, LGTBfobia erasoen biktimei telefono bidezko laguntza eskaintzen diete. Kasurik larrienetan, larrialdiko babesa ere plantan ezartzen dute. «Harrotasunaren martxan izatea garrantzitsua da biltzen diren lagunei gure elkartea aurkezteko, eta hor garela adierazteko».

Les Bascos LGTB elkarteak antolatu zuen eguna, eta pandemiaren ondotik ohiko baldintzetan egin duten lehen martxa izan zen atzokoa. Mikaela Clapisson elkarteko lehendakariak egunaren beharrezkotasuna nabarmendu du. «Zinezko behar bat da harrotasunaren martxa guretzat, ikusgarritasuna ematen baitio LGTB komunitateari, eta LGTB pertsonen eskubideen defentsan etengabe arituko garela oroitarazteko». Harekin bat egin du Andrea Jimenez martxara bildu den andre batek. «Gure eskubideak ozen aldarrikatzeko eguna da. Eta ez bakarrik legezko eskubideak, bizitza normal bat egiteko eskubidea ere bai».

Izan ere, eraso LGTBfoboen gorakada nabarmendu dute eragile guztiek. Clercin: «Azken urteetan eskuin muturraren diskurtsoa zabaldu da eremu publikoetara ere, eta horrek zilegitasun bat eman die batzuei gorrotozko diskurtsoak egiteko». Haren elkarteak jasotako erasoen lekukotasunek gora egin dute, argiki. «Erasoen maiztasuna emendatu da, baina horien bortizkeria ere bai», salatu du.]]>
<![CDATA[Bart askatu dituzte Senperen atxiloturiko lau gazteak]]> https://www.berria.eus/albisteak/215031/bart_askatu_dituzte_senperen_atxiloturiko_lau_gazteak.htm Thu, 23 Jun 2022 09:31:06 +0200 Oihana Teyseyre Koskarat https://www.berria.eus/albisteak/215031/bart_askatu_dituzte_senperen_atxiloturiko_lau_gazteak.htm <![CDATA[Lau gazte atxilotu dituzte Senperen, etxe agentzietan izandako tindaketen harira]]> https://www.berria.eus/albisteak/214982/lau_gazte_atxilotu_dituzte_senperen_etxe_agentzietan_izandako_tindaketen_harira.htm Wed, 22 Jun 2022 17:57:16 +0200 Oihana Teyseyre Koskarat https://www.berria.eus/albisteak/214982/lau_gazte_atxilotu_dituzte_senperen_etxe_agentzietan_izandako_tindaketen_harira.htm <![CDATA[Ion Parot euskal presoaren baldintzapeko askatzearen alde bildu dira]]> https://www.berria.eus/paperekoa/1889/006/001/2022-06-16/ion_parot_euskal_presoaren_baldintzapeko_askatzearen_alde_bildu_dira.htm Thu, 16 Jun 2022 00:00:00 +0200 Oihana Teyseyre Koskarat https://www.berria.eus/paperekoa/1889/006/001/2022-06-16/ion_parot_euskal_presoaren_baldintzapeko_askatzearen_alde_bildu_dira.htm
Hala, Bakegileek «adi» egoteko eskatu diete herritarrei. Izan ere, ondoko orenetan espero dute erabakia — edizio hau ixterako ez zuten auzitegiaren deliberoaren berri—. Funosasek iragarri zuen, erabakiaren arabera, Ipar Euskal Herria «blokeatzeko» prest daudela. «Parisko Auzitegiak ezezkoa ematen badu, edo, fiskalak hamaikagarren aldiz helegitea ezartzen badu, berehala antolatuko dugun blokeatze eguna jakinaraziko dugu», erran zuen. Beraz, espero daiteke gaur emanen dutela ekintzaren dataren berri.

Parotek baldintzapekoa eskatzen duen seigarren aldia da oraingoa. Parisko Auzitegiak haren galdea maiatzean aztertu zuen, baina Terrorismoaren Kontrako Parisko Auzitegian egindako auzi saioan, prokuradorea kontra agertu zen, berriz. Fiskalaren jarrera «etsigarritzat» jo zuen haren abokatuak orduan, «Ipar Euskal Herriko egoera nola aldatu den ikusirik».

Ion Kepa Parotek 32 urte daramatza preso, eta egun Mureteko kartzelan da (Okzitania, 425 kilometro). 72 urte bete berri ditu. Fiskalak, egindako auzi saioan, presoak haren baldintzapeko askatasuna lortzeko «goizegi» zela argudiatu zuen.

Esnalena, uztailean

Iragan astean, ekainaren 10ean ematekoa zuten ere Jakes Esnal euskal presoaren baldintzako askatasun galdearen erantzuna. Hori ere atzeratu zuten: uztailaren 21era arte. Korapilatsua da Esnalen afera, eta prozedura luzatu da. Baldintzapeko askatasuna galdetu zuenean,CPMS Segurtasun Neurrien Diziplina Anitzeko Batzordearen iritzia ukan zuen, 2020ko urtarrilean. Baina auzi saioa egin zutenerako, «iraungia zen», haren abokatuak azaldu zuenez. Horrenbestez, epaileak batzordeari berriz eskatu dio presoaren «arriskutsutasun mailari» buruzko iritzia batzorde horri. «Ez dugu onartzen terrorismoaren kontrako logikak eskubideak alde batera uztea eta estatu mendekuak etengabe irautea», erran zuten orduan Bakegileek.]]>
<![CDATA[Ion Parot euskal presoaren baldintzapeko askatzearen alde bildu dira]]> https://www.berria.eus/albisteak/214704/ion_parot_euskal_presoaren_baldintzapeko_askatzearen_alde_bildu_dira.htm Wed, 15 Jun 2022 20:06:53 +0200 Oihana Teyseyre Koskarat https://www.berria.eus/albisteak/214704/ion_parot_euskal_presoaren_baldintzapeko_askatzearen_alde_bildu_dira.htm <![CDATA[Irisarriko eskola publikoa okupatu dute dozena bat gurasok]]> https://www.berria.eus/paperekoa/1933/007/003/2022-06-15/irisarriko_eskola_publikoa_okupatu_dute_dozena_bat_gurasok.htm Wed, 15 Jun 2022 00:00:00 +0200 Oihana Teyseyre Koskarat https://www.berria.eus/paperekoa/1933/007/003/2022-06-15/irisarriko_eskola_publikoa_okupatu_dute_dozena_bat_gurasok.htm
Jenofa Loihato gurasoa da, eta honela mintzatu da: «Haserre gara, proiektu bat pentsatua dugu, plantan ezartzeko ahalak baditugu, eta ezin gauzatuz ari gara, erantzunik ez baitugu ukaiten administrazioaren partetik». Gurasoen gehiengoak, irakasleek eta herriko etxeak bat egin dute galdearekin. Alta, ez dute erantzunik ukan, eta «etengabeko oztopoak» ezartzen zaizkiela salatu dute gurasoek.]]>
<![CDATA[Irisarriko eskola publikoa okupatu dute gurasoek]]> https://www.berria.eus/albisteak/214650/irisarriko_eskola_publikoa_okupatu_dute_gurasoek.htm Tue, 14 Jun 2022 12:41:40 +0200 Oihana Teyseyre Koskarat https://www.berria.eus/albisteak/214650/irisarriko_eskola_publikoa_okupatu_dute_gurasoek.htm <![CDATA[Ensemble eta NUPES lehiatuko dira bigarren itzulian Ipar Euskal Herrian]]> https://www.berria.eus/paperekoa/1989/002/001/2022-06-14/ensemble_eta_nupes_lehiatuko_dira_bigarren_itzulian_ipar_euskal_herrian.htm Tue, 14 Jun 2022 00:00:00 +0200 Oihana Teyseyre Koskarat https://www.berria.eus/paperekoa/1989/002/001/2022-06-14/ensemble_eta_nupes_lehiatuko_dira_bigarren_itzulian_ipar_euskal_herrian.htm
EH Bai ezkerreko abertzaleen koalizioak ez du hautagairik izanen, eta hautagaien «programaren arabera» bozkatzera deitu ditu hautesleak bigarren itzulirako, boto kontsigna zehatzik eman gabe. Hirugarren indarra izan da EH Bai Ipar Euskal Herrian, eta laugarrena Batasun Nazionala. Hala eta guztiz ere, zehaztekoa da Ipar Euskal Herriko hautesleen ia erdiak (%48,7) ez zirela bozkatzera joan.

4. HAUTESBARRUTIA

Annick Trounday (Ensemble) Emmanuel Macronen sostenguarekin aurkeztu den hautagaia eta Iñaki Etxaniz Frantziako ezkerreko alderdien aliantzako hautagaia sailkatu dira bigarren itzulirako; bozen %26,6 bildu ditu Troundayk, eta %24 Etxanizek. Hautesbarrutiko orain arteko Jean Lassalle diputatua ez da berriz aurkeztu, baina haren anaia bai: hirugarren lekua erdietsi du (%20,3). Laugarren lekuan da eskuin muturreko Batasun Nazionaleko Sylviane Lopez (%11,6). Eta bosgarren lekuan Egoitz Urrutikoetxea EH Baiko hautagaia, bozen %10 lorturik.

Ipar Euskal Herriko barnealdea eta Biarnoko zati bat hartzen ditu laugarren hautesbarrutiak, eta, Ipar Euskal Herriko zatiari so eginez, bestelakoak dira emaitzak: Trounday da lehena, Julien Lassalle bigarrena, eta Urrutikoetxea hirugarrena.

Emaitzak ukan eta berehala mintzatu zen Trounday: «Biziki umilki hartzen ditut emaitzak. Ez da deus irabazirik». Julien Lassalleren hautesleengana joko duela iragarri zuen, eta Etxanizen kontra mintzatu zen: «Euskalduna naiz, euskaltzalea. PSko Etxaniz, batere ez. Berak borroka hori ez du eramanen». Gure Hizkuntzak Bizi Daitezen kolektiboaren galdetegia ez zuen erantzun Troundayk; Etxanizek, bai.

Bestalde, zehaztekoa da hautesbarrutiko diputatua berria izanen dela, zernahi gerta ere. Izan ere, Jean Lassalle orain arteko diputatuak 2002an lortu zuen diputatu kargua, eta ordutik lau legealdi bete ditu postu horretan.

5. HAUTESBARRUTIA

«Lasaiturik» agertu zen Florence Lasserre (Ensemble) emaitzak jaso eta berehala. Orain arteko diputatuak lekua izanen du bigarren itzulian, eta Sandra Pereira (NUPES) izanen du parean. Bozen %34 erdietsi ditu Lasserrek, eta %25,1 Pereirak. Hirugarren lekura jalgi da Pascal Lesellier Batasun Nazionaleko hautagaia (%13,9). EH Baiko Mathilde Hary da laugarren (%8,9).

«Lan handia egin dugu hauteskunde kanpainan ahal bezainbat jende ukitzeko. Frantziako ezkerraren batasunaren indarra ez genuen ezagutzen, eta orain badakigu zer indar duten. Emmanuel Macroni gehiengoa eman beharko zaio Frantziako Asanblean; bestela, blokeo egoeran izanen da herrialdea», erran zuen Lasserrek.

Pereira ere «oso gustura» agertu zen lehen itzulian lortutako emaitzekin. «Garaipen bat da: biziki baikorki hartzen dugu». Presidentetzarako hauteskundeetatik azken hilabeteetan egin duten kanpaina nabarmendu zuen. «Oso gustura gaude ezker errepublikanoaren batasunak lortu dituen emaitzekin». Halere, abstentzioa «dezepzio bat» dela uste du.

6. HAUTESBARRUTIA

Vincent Bru (Ensemble) oraingo diputatuak bigarren itzulirako lekua lortu du. Haren ondotik sailkatu da Tom Dubois-Robin NUPES Frantziako ezkerreko alderdien aliantzaren hautagaia. Bien artekoa izanen da, beraz, bigarren itzulia. Hirugarren lekua lortu du Peio Dufau EH Baiko kideak. Bruk lortu du boz gehien (%28,5), eta Dubois-Robinek, %19,5. Dufauk bozen %14,5 bildu ditu.

Zehaztekoa da EH Baik hautesbarruti horretan zuela aukera handiena bigarren itzulirako sailkatzeko. Izan ere, 2020ko herriko bozetan eta 2021eko departamenduko bozetan, eremu horretan lortu zuten boz gehien abertzaleek. Besteak beste, Urruñako eta Ziburuko herriko etxeetan gehien bozkaturiko zerrenda izan ziren. Departamenduko bi kontseilari ere igorri zituzten Pauera. Urruñan eta Ziburun, igandean, hautesle gehienek Bruren alde egin zuten, baina ezkerreko lehen indarra izan zen EH Bai, NUPESen aitzinean.

EH BAI, AITZINA

EH Baik ontzat jo ditu emaitzak. Guztira, 16.385 boz eskuratu ditu koalizioak. 2017ko emaitzekin alderatuta, 3.600 boz irabazi dituzte. «Emaitza biziki onak lortzen ditugu hiru hautesbarrutietan, eta hirugarren indarra gara Iparraldean», trenkatu du Nikolas Blain EH Baiko bozeramaileak. Halere, deitoratu du «Frantziako giroak baldintzatzen» dituela Ipar Euskal Herriko emaitzak.

ESKUIN MUTURRA, GORA

Hiru hautesbarrutietan, bestalde, nabarmentzekoa da eskuin muturrak izan duen gorakada. Eskuin muturreko bi alderdiek jasotako boz kopurua batuz, hirugarren indarra dira Ipar Euskal Herrian. Batasun Nazionalak 13.978 boz jaso zituen, eta Errekonkistak, 5.510. 2017ko bozetan, 7.465 bildu zituen Batasun Nazionalak Ipar Euskal Herrian. Beraz, alderdiaren emaitza ia bikoiztu da bost urtean. Gainera, Errekonkistaren aldeko bozak gehituz gero, 19.488 dira eskuin muturreko alderdi batentzat bozkatu duten herritarrak Ipar Euskal Herrian.

Errepublikanoen beherakada ere nabarmena izan da. Seigarren hautesbarrutian baizik ez zuten hautagairik, Fabrice Sebastien Bach. 2.618 boz baizik ez ditu lortu, bederatzigarren postuan geldituz. 2017an 15.395 boz lortu zituen alderdiak.

BIGARREN ITZULIARI SO

Eskuin muturreko bozak nola bideratzen diren ikusi beharko da; Batasun Nazionalak eta Errekonkistak ez dute boto kontsignarik emanen. Bestalde, Ipar Euskal Herriko Errepublikanoetako hautagaiak eta Philippe Jouvet eskuineko hautagaiak Ensembleko hautagaien alde egitera deitu dute. Gainerateko hautagaiak solasean ari dira oraino.

Emaitzak ukan eta, EH Baik erabaki du boto kontsignarik ez ematea -oraingoz-, baina Iñaki Etxaniz NUPESeko laugarren hautesbarrutiko hautagaiarekin biltzekoak ziren atzo. «NUPESeko hautagaiek Euskal Herriari begira dituzten posizioek ez gaituzte asetzen. NUPESen programa komunak hainbat blokeo sortzen dizkie Ipar Euskal Herriko garapen instituzionalari, euskarari edota bake prozesuari, nahiz eta tokiko hautagai batetik bestera ñabardurak izan», adierazi du EH Baik.]]>
<![CDATA[EH Baik ez du boto kontsignarik eman, oraingoz, bigarren itzulirako]]> https://www.berria.eus/albisteak/214602/eh_baik_ez_du_boto_kontsignarik_eman_oraingoz_bigarren_itzulirako.htm Mon, 13 Jun 2022 14:17:10 +0200 Oihana Teyseyre Koskarat https://www.berria.eus/albisteak/214602/eh_baik_ez_du_boto_kontsignarik_eman_oraingoz_bigarren_itzulirako.htm <![CDATA[Bru eta Dubois-Robin leihatuko dira bigarren itzulian]]> https://www.berria.eus/albisteak/214592/bru_eta_dubois_robin_leihatuko_dira_bigarren_itzulian.htm Sun, 12 Jun 2022 14:18:06 +0200 Oihana Teyseyre Koskarat https://www.berria.eus/albisteak/214592/bru_eta_dubois_robin_leihatuko_dira_bigarren_itzulian.htm <![CDATA[Pereiraren eta Lasserreren artekoa izanen da bigarren itzulia]]> https://www.berria.eus/albisteak/214594/pereiraren_eta_lasserreren_artekoa_izanen_da_bigarren_itzulia.htm Sun, 12 Jun 2022 14:17:47 +0200 Oihana Teyseyre Koskarat https://www.berria.eus/albisteak/214594/pereiraren_eta_lasserreren_artekoa_izanen_da_bigarren_itzulia.htm <![CDATA[Parisko Dei Auzitegiak uztailaren 21 arte atzeratu du Esnali buruzko erabakia]]> https://www.berria.eus/paperekoa/1834/011/001/2022-06-10/parisko_dei_auzitegiak_uztailaren_21_arte_atzeratu_du_esnali_buruzko_erabakia.htm Fri, 10 Jun 2022 00:00:00 +0200 Oihana Teyseyre Koskarat https://www.berria.eus/paperekoa/1834/011/001/2022-06-10/parisko_dei_auzitegiak_uztailaren_21_arte_atzeratu_du_esnali_buruzko_erabakia.htm
Korapilatsua da Esnalen afera. Izan ere, baldintzapeko askatasuna galdetu zuenean, CPMSen iritzia ukan zuen, 2020ko urtarrilean. Serge Portelli haren abokatuetarik batek azaldu du iritzi horrek bi urtez balio duela, eta, beraz, maiatzean epaitu zutelarik iraungia zela esan zuela epaileak. «Iritzi hori ematen dute preso bat arriskutsua den errateko. 2020ko urtarrilean, erran zuten ezetz. Orduan, zer? Orain, bi urtez, arriskutsua bilakatu da? Eztabaida faltsu bat da», azaldu duenez: «Norbait arriskutsua den edo ez jakiteko, ez da bakarrik izaera kontuan hartzen, dena den. Testuingurua ere kontuan hartu behar da; denek dakite hori. Ikusiz euskal herritarrek bakearen alde hartu duten bidea, ulertezina da erabakia». Haren ustez, Dei Auzitegiak «goiz ala berant errealitatea eta ebidentzia onartu eta Esnal libratzako erabakia hartu beharko du».

Xantiana Cachenaut haren ordezko abokatuak, halaber, azaldu du arriskua badela prozedura gehiago «luzatzeko». Izan ere, uztailaren 21erako Dei Auzitegiak CPSMren iritzia ez badu eskuratua, oraino gehiago atzeratu daiteke auzi saioa, eta, beraz, erabakia. «Jadanik oso luzea izan den prozedura bat are gehiago luzatzen ari da. Ondorioa da Esnal kartzelan atxikitzen dutela, jakinda Espainian kondenatua izan balitz kalean egonen zela jada duela urte batzuk. Prokuradoreak helegiterik ez balu jarri, hurbilekoekin legoke», oroitarazi du.

Erabaki «onartezina»

Bakegileek erabakia gaitzetsi dute berehala. «Zilegi da erabaki horren gibelean diren arrazoien inguruan dudak sortzea. Ez dugu onartzen terrorismoaren kontrako logikak eskubideak alde batera uztea eta estatu mendekuak etengabe irautea», erran dute. Hala, ekainaren 11n Baionan eginen duten manifestazioan parte hartzeko deia egin dute berriz. Gainera, Esnalen kontrako erabakia salatzeko, ekainaren 15ean protesta eginen dute Baionako suprefeturaren aitzinean, 18:30ean.

EH Baik ere deitoratu du prozedura luzatu izana. «Zer mezu pasarazi nahi du Frantziako Gobernuak? Euskal Herriko jendartearen gehiengo zibil eta politikoaren nahia noiz arte zapalduko du?», galdetu dute. Halaber, Parisen «blokeo» egoera salatu, eta erran dute Bakegileek larunbatean antolatutako protestara batuko direla.]]>
<![CDATA[Esnalen baldintzapeko askatze galdea uztailaren 21ean aztertuko dute berriz]]> https://www.berria.eus/albisteak/214463/esnalen_baldintzapeko_askatze_galdea_uztailaren_21ean_aztertuko_dute_berriz.htm Thu, 09 Jun 2022 20:10:09 +0200 Oihana Teyseyre Koskarat https://www.berria.eus/albisteak/214463/esnalen_baldintzapeko_askatze_galdea_uztailaren_21ean_aztertuko_dute_berriz.htm <![CDATA[«Boterean denez gero gaitz guztiak egozten zaizkio Macroni»]]> https://www.berria.eus/paperekoa/1855/009/001/2022-06-09/boterean_denez_gero_gaitz_guztiak_egozten_zaizkio_macroni.htm Thu, 09 Jun 2022 00:00:00 +0200 Oihana Teyseyre Koskarat https://www.berria.eus/paperekoa/1855/009/001/2022-06-09/boterean_denez_gero_gaitz_guztiak_egozten_zaizkio_macroni.htm
Zendako Elkarrekin-en izenean aurkeztuko zara?

Emmanuel Macron sostengatzen dut 2017tik; atzematen dut politika egiteko molde berri bat duela, ezker eta eskuin ardatzaren zatiketaren gainetik. Bere garaian, tokiko komiteak sortu zituen jendearen iritziak biltzeko; nehor gutxik daki hori. Naturalki sostengatu dut pasatu berri diren lehendakaritzarako hauteskundeetan ere. Gero, proposatu zidaten Asanblearako hauteskundeetara aurkeztea, eta, ontsa pentsaturik, ardura hori hartzea onartu dut. Galtzeak ez nau beldurtzen, eta irabazteko prest naiz.

Macronen politika soziala anitz kritikatu dute azken urteotan.

Betidanik arlo sozialean lan egin dut, eta erran dezaket Macronek anitz egin duela arlo horrentzat. Langabezia tasa apalarazi du; Gizarte Segurantzaren ordainketak emendatu ditu betaurrekoentzat, entzumen protesientzat, eta hortzentzat; aitatasun geldialdia luzatu du. Emazteen eta gizonen arteko berdintasunaren alde ere gauza anitz egin ditu. Hori ez bada arlo sozialaz arduratzea, nik ez dakit zer den. Hedabideek, haatik, bere politika eskuindarra baizik ez dute aipatzen. Ez dut ukatzen badenik, baina ez da hori bakarrik. Jendearen erosahalmena ere emendatu du. Anitzek diote apaldu dela, baina, datuak aztertuz gero, emendatu da; bada jendearen sentimendua eta datuek diotena.

Tokiko gaiei heltzeko, hizkuntza politikaren arloan zein dira zure proposamenak?

Hasteko, gogoratu gobernuak lurralde hizkuntzen aldeko ituna berretsi duela, horien babesteko.

Frantziak ez du berretsia itun hori; izenpetua, berriz, bai.

Bai, barkatu, izenpetu du. [Frantziak 1999ko maiatzaren 7an izenpetu zuen, eta oraindik ez du berretsia]. Berrestea gehiago da, ezta?

Bai, hala da.

Dena dela, tokiko hizkuntzak babestu nahi ditut, eta horien irakaskuntza eta murgiltze sistema ere bai. Erabat horren aldekoa naiz. Ni bikulturala naiz, eta ez diot bietako edozeini uko eginen. Sakonki euskaltzalea naiz, eta harro naiz. Euskalduna naiz jatorriz, eta frantsesa sortzez. Hauteskunde hauei esker, bearnotarren eta euskaldunen ahotsak ordezkatzeko egiten ahalko dudan guzia eginen dut.

Ipar Euskal Herriko egituraketari begira, Euskal Elkargoa sortu zen 2017an. Uste duzu nahikoa dela, edo urrunago joateko beharra ikusten duzu?

Egun, elkargoaren eta departamenduaren artean den artikulazioa uste dut gure lurraldearen egituraketa egokia dela. Elkargoari uste dut baliabide gehiago eman behar zaizkiola ahal bezain funtzionala izateko; baina uste dut ez dela beharrezkoa urrunago joatea eta hostopil administratibo bat gehitzea. Tokiko eta elkargoko hautetsiengan konfiantza dut, eta uste dut hobeto egituratzeko denbora eman behar zaiela, batik bat barnealdeko eremuei autonomia gehiago emanez, ez instituzioari berari.

Etxebizitzaren problematikak hautsak harrotzen ditu Ipar Euskal Herrian. Zer proposatzen duzu zuk?

Uste dut Lurraren Lege handi bat egiteko garaia dela, eta legegileek horri eutsi beharko diotela. Horren inguruan lan egiteko prest naiz, gure instituzioei bide emateko lurra babes dezaten. Bestalde, fiskalitatea ere aldatzeke dago; urte osoan alokatzen duten jabeen zergak apalduz, adibidez.

EH Baik proposatzen duen egoiliar estatutua, adibidez, posible ikusten duzun tresna bat da?

Egoiliar estatutuari begira, duda gehiago ditut. Nola erabaki nor bizi daitekeen hemen eta nor ez? Ez dakit zein diren irizpideak, baina ni diskriminazio ororen kontra naiz. Demagun udan sasoia egitera heldu diren langileek ez dutela etxebizitzarik atzematen, zer egin behar dugu? Ez dira etortzera utzi behar sasoilariak direlako?

Egoiliar estatutua jabetza eskuratzera mugatzen du EH Baik.

Dena den, delikatua da. Arriskua ikusten dut diskriminatzailea izateko, eta ni harrera egitearen aldekoa naiz. Ez dut ukatzen tresna bat behar denik, baina tresna horrek dudak sortzen dizkit.

Gatazkaren konponbide prozesuari dagozkion gaien artean dago euskal presoena. Bakegileek azken hilabeteetan egindako protestetan Macroni «gelditasuna» leporatu diote. Zer diozu?

Frantzian, pertsona bat boterean den momentutik, dena da bere falta. Klima aldaketa Macronen falta da, eta gaitz guziak Macronen falta dira. Nik ez dut horrela pentsatzen. Jakin behar da beste edozein gobernuren agintepean ez dela hainbeste euskal preso hurbildu. Azken bost urteotan 40 euskal preso hurbilduak izan dira [Frantziako] hego-mendebaldera.

Gobernuaren borondate propioari baino gehiago, ez ote da gatazkaren ondorioen prozesuaren agendarekin lotua erabaki hori?

A! Orduan hori ez da Macroni esker? Ongi egiten duena ez da bere falta. Zuen betiko diskurtsoekin ohitua naiz. Edonola ere, ni bake prozesuaren aldekoa naiz. Urte gehien daramatzaten presoen kasuari buruzko [Jakes Esnal eta Ion Parot] erabakiak ondoko egunetan etortzekoak dira, eta justiziari dagokio libratzea. Uste dut libratzeko erabakia hartuko balute ez dela Macronen borondatearekin lotua, eta, alderantziz, orain arte ez bazaie onartu, ez dela ere Macronen borondatez. Justizia independentea da Frantzian. Ez da ahantzi behar ere pertsona batzuk erailak izan direla, eta galdera horiek ere badira. Esnalen eta Paroten kasuan, dena den, osasun arrazoiak badira; beraz, hori ere kontuan hartu behar luke justiziak.

Erretreten erreforma egin nahi du Macronek. Adina luzatzeak herritarren kezka piztu du, eta kanpainan lekua hartu du gaiak.

Lehenik, erran behar da oinarrizko saria emendatu nahi duela, 1.100 eurotara. Adinari dagokionez, uste dut ez dugula indarrez pasatu behar, eta sindikatuekin eta hainbat eragilerekin negoziazioak egin behar direla. Ni hautu librea uztearen aldekoa naiz: jende batzuek 67 urte arte lan egin nahi badute, egin ahal izan behar dute; eta jende batzuek 63 urtetan joan nahi badute, baita ere.

Frantziako ezkerreko alderdiek NUPES aliantza egin dute, Macroni kohabitazioa inposatzeko asmoz. Nola ikusten duzu hori?

Herrialdea bost urtez blokeatuko luke horrek. Ez da ahantzi behar lurralde hizkuntzen kontrakoa dela [Jean-Luc] Melenchon. Nire alde, euskaltzaleak zinez sufrituko luke NUPESek gehiengoa lortuko balu. Uste dut aliantza elektoralista bat dela, eta barnean jadanik kexatzen ari direla.]]>
<![CDATA[Erretreta, langileen ahotik ]]> https://www.berria.eus/paperekoa/1925/012/001/2022-06-07/erretreta_langileen_ahotik.htm Tue, 07 Jun 2022 00:00:00 +0200 Oihana Teyseyre Koskarat https://www.berria.eus/paperekoa/1925/012/001/2022-06-07/erretreta_langileen_ahotik.htm <![CDATA[Espetxeratu duten GKSko kidearen libratzea galdetzeko protesta eginen dute ostiralean]]> https://www.berria.eus/albisteak/214044/espetxeratu_duten_gksko_kidearen_libratzea_galdetzeko_protesta_eginen_dute_ostiralean.htm Mon, 30 May 2022 15:35:45 +0200 Oihana Teyseyre Koskarat https://www.berria.eus/albisteak/214044/espetxeratu_duten_gksko_kidearen_libratzea_galdetzeko_protesta_eginen_dute_ostiralean.htm ]]> <![CDATA[Diputatu izateko lehian 32 hautagai izanen dira Ipar Euskal Herrian]]> https://www.berria.eus/paperekoa/1873/008/001/2022-05-24/diputatu_izateko_lehian_32_hautagai_izanen_dira_ipar_euskal_herrian.htm Tue, 24 May 2022 00:00:00 +0200 Oihana Teyseyre Koskarat https://www.berria.eus/paperekoa/1873/008/001/2022-05-24/diputatu_izateko_lehian_32_hautagai_izanen_dira_ipar_euskal_herrian.htm
EH Bai koalizio ezkertiar eta abertzaleak hautagaiak izanen ditu hiru hautesbarrutietan; baita NUPES Frantziako ezkerreko alderdien aliantzak ere. Azken kargualdian egon diren hiru diputatuetarik bi berriz aurkeztuko dira: Florence Lasserre eta Vincent Bru. Gehiengoa osatzen duen LREM Errepublika Martxan alderdikoak dira biak, eta Ensemble eskuinaren eta zentro-eskuinaren arteko batasunaren izenean aurkeztuko dira.

Barnealdea eta Biarnoko zati bat hartzen ditu 4. hautesbarrutiak, eta hauek dira hartan aurkeztuko diren hautagai nagusiak: Egoitz Urrutikoetxea (EH Bai), Julien Lassalle (Resistons) —orain arte diputatu izan den Jean Lassalleren anaia da— , Annick Trounday (Ensemble), Iñaki Echaniz (NUPES), eta Sylviane Lopez (Batasun Nazionala).

5. hautesbarrutiak Baiona eta Angelu (Lapurdi) hartzen ditu, baita Bidaxunerria ere. Sandra Pereira-Ostanel izanen da NUPESen izenean, eta Mathilde Hary EH Bairenean; Florence Lasserre orain arteko diputatua Ensemble aliantzaren izenean aurkeztuko da. Pascal Lesellier (Batasun Nazionala), eta Annick Pillot (Errekonkista) izanen dira eskuin muturrean.

6. hautesbarrutian —Hego Lapurditik Baigura aldera—, Tom Dubois-Robin (NUPES) eta Peio Dufau (EH Bai) izanen dira ezkerrean, besteak beste. Zentroko hiru hautagai izanen dira, tartean Vincent Bru orain arteko diputatua (Ensemble). Fabrice Sebastien Bach (Errepublikanoak) ere hautagai izanen da.

Bestalde, EH Baik jakinarazi du Garbiñe Eraso RPS Eskualde eta Herri Solidarioen izenean aurkeztuko dela, atzerrian bizi diren frantziarren 5. hautesbarrutian; Manuel Valls Frantziako lehen ministro ohia izanen dute parean. «Lurraldeen aldeko diskurtsoa entzunarazi nahi dugu, tokiko hizkuntzak eta preso politikoak sostengatuz», adierazi dute.]]>
<![CDATA[Diputatu izateko 32 hautagai izanen dira Ipar Euskal Herrian]]> https://www.berria.eus/albisteak/213767/diputatu_izateko_32_hautagai_izanen_dira_ipar_euskal_herrian.htm Mon, 23 May 2022 16:51:42 +0200 Oihana Teyseyre Koskarat https://www.berria.eus/albisteak/213767/diputatu_izateko_32_hautagai_izanen_dira_ipar_euskal_herrian.htm <![CDATA[Iruzurrezko alokatze kontratuak jomugan ezarri ditu Aldak]]> https://www.berria.eus/albisteak/213566/iruzurrezko_alokatze_kontratuak_jomugan_ezarri_ditu_aldak.htm Wed, 18 May 2022 09:28:34 +0200 Oihana Teyseyre Koskarat https://www.berria.eus/albisteak/213566/iruzurrezko_alokatze_kontratuak_jomugan_ezarri_ditu_aldak.htm Kasu horretan da Adrien Escourido 23 urteko gaztea. Bokaleko (Lapurdi) etxebizitza batean bizi da, bikotekidearekin eta 3 urteko alabarekin. Otsailean sartu ziren bertara, baina ekainaren 30an atera beharko dute, aitzin datatutako kontratu bat izenpetu zutelako. «Larrialdiko egoera batean ginen otsailean, eta pentsatzen genuen ekaina iristerako beste leku bat atzemanen genuela», azaldu du Escouridok. Oraingoz, ez dute beste lekurik atzeman: inguruko kanpin, aterpetxe eta hotel guztiak deitu ditu, debalde. «800 euroko lansariarekin, gelditzen diren leku bakarretan egotea ezinezkoa da». Hala, Aldaren laguntza eskatu du, eta prozedura hasia dute, kontratua erregularizatzeko asmoz. Escourido, alta, beldur da: «Ene beldurra da presio gisa jabeak sarraila aldatzea ekainaren 30ean». Xebax Cristy Aldako lehendakariordeak azaldu du 30 bat prozedura eginak dituztela alokatze kontratu horiek erregularizatzeko. Geroz eta galde gehiago eskuratzen ditu elkarteak, «egunean bederen bat edo bi». Orain arte iruzurrezko kontratuak egiten zirela uste du Cristyk, baina, «etxebizitzaren krisiaren eraginez, kanpo ezarriak diren alokatzaileek udarako aterabiderik ez dute gehiago atzematen». Horiek horrela, Pirinio Atlantikoetako Departamenduko prefetari gutun bat helarazi diote, hitzordu bat galdetzeko. «Botere publikoek egin behar duten lana da iruzurreko kontratuak erregularizatzea», erran dute.]]> <![CDATA[Zortzi hilabeteko kartzela zigorra ezarri diote gizon bati andre bat jotzeagatik]]> https://www.berria.eus/albisteak/213513/zortzi_hilabeteko_kartzela_zigorra_ezarri_diote_gizon_bati_andre_bat_jotzeagatik.htm Tue, 17 May 2022 17:37:34 +0200 Oihana Teyseyre Koskarat https://www.berria.eus/albisteak/213513/zortzi_hilabeteko_kartzela_zigorra_ezarri_diote_gizon_bati_andre_bat_jotzeagatik.htm