<![CDATA[Oihane Puertas Ramirez | Berria.eus]]> https://www.berria.eus Bere azken artikuluak eu Mon, 06 Feb 2023 03:40:16 +0100 hourly 1 <![CDATA[Oihane Puertas Ramirez | Berria.eus]]> https://www.berria.eus/irudiak/berriaB.png https://www.berria.eus <![CDATA[Ekintza solteetatik, apustu sendoetara]]> https://www.berria.eus/albisteak/221514/ekintza_solteetatik_apustu_sendoetara.htm Sun, 04 Dec 2022 17:47:54 +0100 Oihane Puertas Ramirez https://www.berria.eus/albisteak/221514/ekintza_solteetatik_apustu_sendoetara.htm <![CDATA[Biktimen «egiarako eskubidea» aldarrikatu du Foro Sozialak]]> https://www.berria.eus/paperekoa/1882/006/001/2022-08-31/biktimen_egiarako_eskubidea_aldarrikatu_du_foro_sozialak.htm Wed, 31 Aug 2022 00:00:00 +0200 Oihane Puertas Ramirez https://www.berria.eus/paperekoa/1882/006/001/2022-08-31/biktimen_egiarako_eskubidea_aldarrikatu_du_foro_sozialak.htm
Atzo izan zen Desagertze Behartuen Biktimen Nazioarteko Eguna. Foro Sozialak duela bost urte txertatu zuen eguna bere lan egutegian, eta atzo egindako agerraldia baliatu zuen biktima horiek gogoratzeko. Horrekin batera, azaldu zuen Euskal Herrian hamalau kasu daudela dokumentatuta, eta horietatik zazpi oraindik argitu gabe daudela. Altzelaik gaineratu zuen ez dela «inolako aurrerapenik» izan desagertuta jarraitzen dutenen kasu horietan.

Aitortza bera urraketei

Desagertze behartuak «giza eskubideen urraketa larriak» dira, Foro Sozialaren esanetan, eta, horregatik, giza eskubideen urraketa beraren aurrean aitortza bera egitea merezi dute biktimek. Bide horretan, salatu zuen ETAren biktimek egia jakiteko hainbat tresna dituztela, baina ezin dutela gauza bera esan estatuaren biktimez, haientzat ez baitago egia jakiteko «ia itxaropenik».

Egia jakiteko bidean, baina, «argi pixka bat» ematen duten hiru esparru ikusten ditu Foro Sozialak. Batetik, 12/2016 Legearen Balorazio Batzordea egiten ari den lana «txalotu» zuen. Bestetik, aipatu zuen irailean «antzeko» lege bat abiaraziko dela Nafarroan; eta, azkenik, Informazio Klasifikatuen Lege Proiektuaren eztabaida Diputatuen Kongresuan dagoela gogorarazi zuen. Foro Sozialaren arabera, legearen aurreproiektua «etsigarria» da; hala ere, uste du «nahikoa baldintza» daudela Diputatuen Kongresuan «akordio baten alde» lan egiteko.]]>
<![CDATA[Biktima guztientzako «egiarako eskubidea» aldarrikatu du Foro Sozialak]]> https://www.berria.eus/albisteak/217631/biktima_guztientzako_egiarako_eskubidea_aldarrikatu_du_foro_sozialak.htm Tue, 30 Aug 2022 14:41:25 +0200 Oihane Puertas Ramirez https://www.berria.eus/albisteak/217631/biktima_guztientzako_egiarako_eskubidea_aldarrikatu_du_foro_sozialak.htm Foro Sozialaren arabera, legearen aurreproiektua «etsigarria» da, GALen eta torturaren biktima batzuk artxibo sekretu horiek lortzeko itxaropenik gabe gelditzen direlako. Hala ere, uste du «nahikoa baldintza» daudela Diputatuen Kongresuan «akordio baten alde» lan egiteko. Izan ere, «Espainiako Estatuaren hainbat eragilek» legeari egindako alegazioen bitartez, aurreproiektua hobetzea espero du. «Aurrerapauso» bat egia jakiteko bidean Joxe Benito Mujika Xenki eta Mikel Martinez de Murgia Murgi etakideak Guardia Zibilak hil zituela ebatzi du Eusko Jaurlaritzak egindako ikerketa batek. Biktima guztiek «egia» jakiteko bidean, «aurrerapauso» gisa ikusi du hori Foro Sozialak, eta ostiralean Lekeition (Bizkaia) egingo diren bi ekitaldietan parte hartuko duela jakinarazi du. Horrekin batera, ohartarazi du gaur egun biktimei buruz hitz egitean ETAko biktimak bakarrik hartzen direla kontuan, eta estatuaren biktimak ez. Horregatik uste du garrantzitsua dela, kasu honetan bezala, biktima guztiak kontuan hartzea eta kasuak gizarteratzea.]]> <![CDATA[Burujabetzaren eztabaida «zentroan» jarriko du EH Bilduk]]> https://www.berria.eus/paperekoa/1879/005/001/2022-08-30/burujabetzaren_eztabaida_zentroan_jarriko_du_eh_bilduk.htm Tue, 30 Aug 2022 00:00:00 +0200 Oihane Puertas Ramirez https://www.berria.eus/paperekoa/1879/005/001/2022-08-30/burujabetzaren_eztabaida_zentroan_jarriko_du_eh_bilduk.htm
EH Bilduren Mahai Politikoak urte politikoko lehen bilera egin zuen atzo, eta, besteak beste, udako balantzea, gaur egungo eta etorkizuneko kezkak, eta aurrera begira planteatzen dituzten erronkak azaldu zituen. Aurtengoa «berrespenaren udara» izan dela nabarmendu zuen Otegik, uda honetan «agerian» geratu direlako EH Bilduk azken urteetan egin eta plazaratu dituen hausnarketa eta kezka estrukturalak.

Hausnarketa horietako bat da mundua «talka eta lehia» batean dagoela; besteak beste, hegemonia politiko-militarra eta hegemonia ekonomikoa «zalantzan» daudelako. Indar subiranistaren arabera, talka hori da, hain zuzen ere, munduan gertatzen ari diren liskar ugariren eragile. Horren harira, adierazi zuen elite politiko eta ekonomikoek esaten dutela udazken «oso gogorra» datorrela. Eta, horrekin batera, salatu zuen inork ez duela azaldu zeintzuk diren hori gertatzeko arrazoiak. «Jendeari esan behar zaio zergatik iragartzen duten udazken gogor bat, zergatik egongo den energiaren prezioaren igoera basati bat, zergatik egongo den inflazio basati bat...».

Egoera horretan, batzuek errua Vladimir Putin Errusiako presidenteari leporatzen diotela azaldu zuen, Ukrainako gerra hasi zuelako; EH Bilduk, baina, ohartarazi zuen beste erantzule batzuk ere badaudela: «Gerra luzatzearen aldeko apustua egin duten elite ekonomiko, politiko eta militarrak dira horren erantzule». Horiek horrela, gerra gelditzeko beharra nabarmendu zuen, eta, horretarako, mahai batean negoziatu eta egoerari irtenbide politiko eta diplomatiko bat bilatu behar zaiola. Koalizioak uste du hori eginez gero «segur aski» gaur egun dauden arazo ekonomiko eta energetiko «asko» konponduko liratekeela.

Horrez gain, herritar gehienak babesteko itunak eta akordioak osatu beharraz aritu zen Otegi, eta, alde horretatik, gogorarazi zuen hemendik aste batzuetara EH Bilduk proposamen zehatz bat planteatuko duela, «ongizatearen defentsan». Indar subiranistak aurkeztuko duena gaur egungo egoera ekonomikoari aurre egiteko «oinarrizko proposamen bat» izango da, «neurrien dekalogo bat». Besteak beste, enpresa energetikoen «ezohiko irabazien» gaineko zerga bat bilduko da proposamen horretan.

Klima aldaketari ere erreparatu zion koordinatzaile nagusiak: «Kapitalismoak etengabean garamatza espeziearen bizitza arriskuan jartzera». Arazo horri «benetan» aurre egiteko, naturarekin itun berritu bat egin behar dela ohartarazi zuen, neurri «oso zorrotz eta estrukturalekin».

Gogorarazi zuenez, erronka horiek guztiak planeta osoan planteatzen dira, baina, Euskal Ereduarekin, euskaldunak gai dira zenbait ekarpen egiteko arazo horien inguruan.]]>
<![CDATA[Burujabetzaren eztabaida «zentroan» jarriko du EH Bilduk]]> https://www.berria.eus/albisteak/217589/burujabetzaren_eztabaida_zentroan_jarriko_du_eh_bilduk.htm Mon, 29 Aug 2022 16:16:42 +0200 Oihane Puertas Ramirez https://www.berria.eus/albisteak/217589/burujabetzaren_eztabaida_zentroan_jarriko_du_eh_bilduk.htm EH Bilduk proposamen zehatz bat planteatuko duela «ongizatearen defentsan». Klima aldaketari ere erreparatu dio koordinatzaile nagusiak: «Kapitalismoak etengabean garamatza espeziearen bizitza arriskuan jartzera». Arazo horri «benetan» aurre egiteko, naturarekin itun berritu bat egin behar dela ohartarazi du, neurri «oso zorrotz eta estrukturalekin». Erronka horiek guztiak planeta osoan planteatzen diren arren Euskal Ereduarekin euskaldunak arazo horien aurrean zenbait ekarpen egiteko gai direla gogorarazi du.]]> <![CDATA[Hondamendi eremu izendatu dituzte Hego Euskal Herriko suteetan kaltetutako guneak]]> https://www.berria.eus/albisteak/217390/hondamendi_eremu_izendatu_dituzte_hego_euskal_herriko_suteetan_kaltetutako_guneak.htm Tue, 23 Aug 2022 16:37:27 +0200 Oihane Puertas Ramirez https://www.berria.eus/albisteak/217390/hondamendi_eremu_izendatu_dituzte_hego_euskal_herriko_suteetan_kaltetutako_guneak.htm <![CDATA[Berangoko hiru lagunek terrorismoa goratu izana ukatu dute Madrilen]]> https://www.berria.eus/paperekoa/1856/006/001/2022-08-23/berangoko_hiru_lagunek_terrorismoa_goratu_izana_ukatu_dute_madrilen.htm Tue, 23 Aug 2022 00:00:00 +0200 Oihane Puertas Ramirez https://www.berria.eus/paperekoa/1856/006/001/2022-08-23/berangoko_hiru_lagunek_terrorismoa_goratu_izana_ukatu_dute_madrilen.htm
Basauriko (Bizkaia) kartzelatik atera zen Aginaga, hogei urte inguru preso egon ostean, eta ongietorria egin zioten Berangoko frontoian. Vox talde politikoak, Villacisneros fundazioak eta Dignidad y Justicia taldeak salaketa aurkeztu zuten ekitaldiaren harira, eta, horri erantzunez, ikerketa bat abiatu zuten. Kandaru Kultur Elkarteko hiru kide inputatu zituzten: Ismael Moreno magistratuak egotzi zien ekitaldiaren antolaketan parte hartu izana.

Elkarteak salatu du «kriminalizazio kanpaina mediatiko, politiko eta judizial bat» abiatu dutela haren kontra, ekitaldiaren aurretik eta horren ondoren. Horrez gain, adierazi du Berangoko Udalak ere jarri dizkiela zigorrak: hiru hilabeteko bina debeku udal guneak erabiltzeko, eta 500 euroko bina isun, frontoiko paretetan pankartak itsasteagatik eta frontoiaren «erabilera desegokiagatik». Elkarteak azaldu du helegitea jarri diela bi isunei, baina ez duela erantzunik jaso.

Inputatuei elkartasuna adierazteko, elkarretaratzea egin zuten atzo, frontoi aurrean.]]>
<![CDATA[Terrorismoa goratu izana ukatu dute Berangoko hiru lagunek Auzitegi Nazionalean]]> https://www.berria.eus/albisteak/217360/terrorismoa_goratu_izana_ukatu_dute_berangoko_hiru_lagunek_auzitegi_nazionalean.htm Mon, 22 Aug 2022 16:06:29 +0200 Oihane Puertas Ramirez https://www.berria.eus/albisteak/217360/terrorismoa_goratu_izana_ukatu_dute_berangoko_hiru_lagunek_auzitegi_nazionalean.htm <![CDATA[«Etxeko bisita bakarra bulego bateko zazpi bisitaren baliokide da»]]> https://www.berria.eus/paperekoa/1873/007/001/2022-08-20/etxeko_bisita_bakarra_bulego_bateko_zazpi_bisitaren_baliokide_da.htm Sat, 20 Aug 2022 00:00:00 +0200 Oihane Puertas Ramirez https://www.berria.eus/paperekoa/1873/007/001/2022-08-20/etxeko_bisita_bakarra_bulego_bateko_zazpi_bisitaren_baliokide_da.htm
Zertan datza proposatzen duzun ereduak?

Osasun mental komunitarioaren eredua gaur egungo egoerara egokitzea da, krisi hirukoitz honetara, hain zuzen: krisi ekonomikora, COVID-19aren krisira eta Ukrainako gerraren krisira. Egoera horrekin urte txarrak izango ditugu, eta osasun mentalaren alorrean, gehiago. Giltzarri diren bi gai daude: zerbitzu guztien integrazioa eta etxez etxeko arreta. Zerbitzuek askoz gehiago joan beharko dute herritarren bizigune naturaletara, familiarengana eta etxeetara, adibidez.

Beste herrialde batzuetan erabiltzen dute eredu hori?

Eredua ez dut nik asmatu. Finlandiatik eta Norvegiatik dator, baina ni saiatzen naiz hori gizarteratzen, eta saiatu naiz haien liburuak gaztelaniara itzul zitezen. Besteak beste, zerbitzu proaktiboagoak sustatzeko eta profesionalak biztanleriaren bizipen guneetara joan daitezen.

Zer hobekuntza ekarriko lituzke eredu aldaketak?

Finlandiarrek eta norvegiarrek baino sare sozial sendoagoa dugu. Nik lan egin izan dudan auzoetan, edozein lekutatik oinez hogei minutura nengoen. Erraztasun horiek erabiltzea eta horiek nola sustatu jakitea funtsezkoa da eraginkorragoak izateko, emaitza hobeak lortzeko, batez ere paziente larriekin. Gainera, egungo ereduak baino kostu txikiagoa dauka.

Bizikidetza nukleoetara joateak pazienteei buruzko informazioa eman dezake, eta haientzako ere erosoagoa izan daiteke.

Eta zer esanik ez gizarte zerbitzuetatik deitzen dutenean. Horien bulegora ez doaz. Familiako medikua izan naiz, eta hor ikusi dut etxez etxeko arretaren garrantzia. Etxeko bisita bakarra bulego bateko zazpi edo hamabi bisitaren baliokide da. Denbora aurrezten duzu. Etxez etxeko bisita batean adi, kontuz eta zintzo jokatuz gero, bertan ikusten eta jakiten duzuna bulego batean zazpi eta hamabi kontsulta bitartean ikusten duzu. Alde izugarria da.

Horrek farmakoak gutxiago errezetatzea eragin dezake?

Hori jakina da, ongi frogatuta dago. Pazienterik larrienentzat lan babestu bat izatea da sendagairik onena. Lana izateak beste edozein sendagaik baino askoz gehiago balio du. Espainian ez dakigu zenbat paziente larri dauden lanean, baina %1 baino gutxiago. Beste herrialde batzuetan, %40.

Zergatik da garrantzitsua eredu aldaketa?

Osasun mentalaren antolakuntzan lan egin duen pertsona gisa, eraginkorragoa delako: emaitza hobeak eta merkeagoak lortzen ditu. Gainera, gizatiarragoa eta demokratikoagoa da; gehiago erreparatzen zaio populazioaren benetako demokraziari: desberdina dena artatzea, onartzea eta barnean hartzea. Beste ereduarekin izaki pasiboa, medikalizatua eta bizitza osorako menpekoa sortzen da. 60 edo 80 urteko medikalizaziorekin tratatzen da pazientea. Hori izugarria da.

Noren esku dago eredu hori ezartzea?

Herritarren esku. Ez da egia profesionalok gure eremua aldatuko dugula. Saiatu gara, baina ez dugu lortu sistemaren erabateko aldaketa, eta datozen urteetan, gutxiago. Herritarren esku egongo da, baita zenbait politikari eta administratzaileren esku ere. Gizartea ezin da engainatzen utzi arreta desbideratzen duten erreklamazioekin. Bestela, eredu neoliberala eta negozio pribatua nagusituko da, eta, beraz, osasun mentala pribatizatuko da.

Zein da zailtasunik handiena?

Zailtasunik handiena da Europako eta Ipar Amerikako batasunaren eredua adostuta dagoela, eta osasunaren pribatizazioan oinarritzen dela. Pribatizazio masiboaren eredua dago martxan. Horren alternatiba osasun mentalaren eredu komunitarioa da, eta horrek era guztietako zailtasunak ditu orain.

Etorkizunean erabiliko den eredu gisa ikusten duzu?

Posible ikusten dut, baina ezarri aurretik krisi soziala egongo da. Sufrimendua egongo da hori lortzeko, edo garaiz lortu ez delako.]]>
<![CDATA[Tximino baztangaren 188 kasu atzeman dituzte Araban, Bizkaian eta Gipuzkoan]]> https://www.berria.eus/albisteak/217264/tximino_baztangaren_188_kasu_atzeman_dituzte_araban_bizkaian_eta_gipuzkoan.htm Fri, 19 Aug 2022 12:35:59 +0200 Oihane Puertas Ramirez https://www.berria.eus/albisteak/217264/tximino_baztangaren_188_kasu_atzeman_dituzte_araban_bizkaian_eta_gipuzkoan.htm <![CDATA[Salatu dute Bilbon jazarri egin zaizkiela bortxaketa baten berri emateagatik]]> https://www.berria.eus/paperekoa/1864/006/002/2022-08-19/salatu_dute_bilbon_jazarri_egin_zaizkiela_bortxaketa_baten_berri_emateagatik.htm Fri, 19 Aug 2022 00:00:00 +0200 Oihane Puertas Ramirez https://www.berria.eus/paperekoa/1864/006/002/2022-08-19/salatu_dute_bilbon_jazarri_egin_zaizkiela_bortxaketa_baten_berri_emateagatik.htm
Duela hilabete batzuk, Alde Zaharreko emakume batek auzoko Ormaetxe taberna daraman gizona salatu zuen, bera drogatu eta bortxatzeagatik. Gertakari horien harira, bizilagunek informazio banaketako eta salaketarako kanpaina bat abiatu zuten, jendeari gertatutakoaren berri emateko helburuarekin. Auzokideek, baina, salatu zuten gaur egun ere tabernariak «harro» jarraitzen duela bere ostatuan lanean, jarrera «erasokorrarekin» eta egoeraren berri ematen dutenak salatzen. Horrekin batera, auzokideek jakinarazi zuten «askotariko indar polizialek» hogei bat lagun identifikatu dituztela, eta haietako batzuk isunak ere jasotzen ari direla.

Nabarmendu zutenez, ordea, mota horretako erasoak ez dira kasu bakanak: «Eraso hau ez da izan salatu den bakarra. Gero eta gehiago dira substantzia kimikoen eraginez bortxatutako eta eraso egindako emakumeak». Hori horrela, emakumeek jasaten duten indarkeria «estrukturala» dela ohartarazi zuten, eta sistemak erasotzaileak «babesten» dituela, erasoa jasan duenaren kontakizuna «etengabe» zalantzan jarrita. «Ahal dutelako bortxatzen gaituzte. Ormaetxeko tabernariak hemen jarraitzen du ahal duelako».

Mehatxuak mehatxu, tinko

Identifikazioen eta mehatxuen gainetik «aurpegia ematen» jarraituko dutela adierazi zuten auzokideek, eta autodefentsa feministara eta auzo antolakuntzara deitu zituzten herritarrak: «Erasotzaileak, bortxatzaileak, entzun: ez duzue tokirik auzo honetan, ezta beste inon ere». Erasotzaileak babesten dituztenak ere interpelatu zituzten, erasoaren konplize direla esanez.]]>
<![CDATA[Ospa Eguna irailaren 3an egingo dute Altsasun]]> https://www.berria.eus/albisteak/217179/ospa_eguna_irailaren_3an_egingo_dute_altsasun.htm Wed, 17 Aug 2022 12:09:01 +0200 Oihane Puertas Ramirez https://www.berria.eus/albisteak/217179/ospa_eguna_irailaren_3an_egingo_dute_altsasun.htm <![CDATA[«100.000 euro behar ditugu erabiltzaileak elikatzen jarraitzeko»]]> https://www.berria.eus/paperekoa/1857/005/001/2022-08-05/100000_euro_behar_ditugu_erabiltzaileak_elikatzen_jarraitzeko.htm Fri, 05 Aug 2022 00:00:00 +0200 Oihane Puertas Ramirez https://www.berria.eus/paperekoa/1857/005/001/2022-08-05/100000_euro_behar_ditugu_erabiltzaileak_elikatzen_jarraitzeko.htm
Marisol Villar Nafarroako Elikagaien Bankuko presidentearen arabera, egoera «kezkagarria» da. Izan ere, gizarte bazterkeria jasateko arriskuan edo muturreko egoeran daudenei laguntzen diete, baina aurtengo kanpainan lortutakoarekin ezingo diote eutsi orain arteko martxari, eta, diru gehiago lortu ezean, janari kilo gutxiago eman beharko dituzte hilabetero.

Nola bizi duzue egoera?

Kezkatuta gaude. Azaro amaierara arte, ez da beste kanpainarik egongo, eta, oraintxe bertan daukagun diruarekin, ezingo genuke jarraitu orain bezainbeste janari ematen.

Hilabetean 100.000 euro inguru erabiltzen ditugu elikagaiak erosteko. Orduan, oraingo egoeran, beste 100.000 euro behar ditugu erabiltzaileak elikatzen jarraitzeko janari kantitatea murriztu gabe.

2020ko kanpainan, pandemia garaian, ia 500.000 euro bildu zenituzten. Zergatik uste duzue apaldu direla dohaintzak?

Nagusiki, uste dut egungo egoeraren ondorio dela. Inflazioa gero eta gehiago igotzen ari da, elikagaien prezioek ere gora egin dute, Ukrainako gerra eta horren ondorioak daude... Ziurgabetasun egoera da gaur egungoa, eta zer gertatuko den ikusteko zain gaude. Uste dut horregatik guztiagatik gehiago kostatzen zaigula dohaintzak egitea.

Zertan eragin du beherakadak?

Hilabetean 25.000 pertsona ingururi ematen diegu janaria, eta, hilabetero, 300 tona janari ateratzen dira. Iaz pertsona bakoitzari hamalau kilo elikagai ematen genizkion hilabetean. Aurten, ordea, dena murriztu behar izan dugu, eta zazpi kilo banatzen ari gara; erdia, hain zuzen. Murrizketa hori frutarekin konpentsatzen ari gara nolabait, fruta gehiago eskuratzeko aukera handiagoa daukagulako.

Egoerak nola eragiten duen? Ezin badugu janari gehiago erosi, murrizketak egin beharko ditugu. Orain, bi litro esne ematen baditugu; aurrerantzean, bakarra eman beharko dugu, eta olioa agian ez dugu emango. Kakaoa, adibidez, aspaldi ez dugu eman: oso garestia da, eta ez daukagu dirurik hori erosteko.

Zer planteatzen duzue egoerari aurre egiteko?

100.000 euro bildu nahi ditugu aurrerantzean ere elikagaiak erosi ahal izateko. Oraintxe bertan, 190.000 euro gelditzen zaizkigu janaria erosteko. Hurrengo kanpainarako hiru hilabete gelditzen dira, eta hilabetean 100.000 euro gastatzen baditugu, oraingo egoeran jarraituz gero, ez gara iritsiko.

Beste 100.000 euro biltzea lortzen badugu, baina, aukera izango dugu hilabete horietan orain arte bezainbeste janari emateko.

Beraz, herritarren parte hartzea behar duzue.

Jendeari dohaintza ekonomiko bat egiteko eskatzen diogu, eta hiru modu daude horretarako: transferentzia bat eginez, webgunetik edo Bizum bidez. Gure webgunean daude aukera guztiak, eta norbaitek nahi izanez gero, gurekin harremanetan jartzeko aukera ere badu.

Aurrera begira nola ikusten duzue egoera?

Beti izan dugu konfiantza handia Nafarroako gizartearengan; hor egon da laguntza eskatu dugun bakoitzean. Baikorrak gara, eta helburua lortzea espero dugu.

Logikoa den bezala, gutxi baldin badaukazu, ezin duzu asko eman, baina gutxi asko batzen badira, lor daiteke. Dohaintza egitera gonbidatu nahi ditugu herritarrak, emateko dutena gutxi bada ere.

Badakigu egoera zaila dela guztiontzat, baina nahiko ondo gabiltzanok prezioen igoera nabaritzen badugu, eta egoera zailtzen ari dela sumatzen badugu, imajinatu behar dugu benetan laguntza behar dutenak nola ariko ote diren bizitzen hau guztia.]]>
<![CDATA[Bilgune Feministak emakumeak elkarren artean babestera deitu ditu]]> https://www.berria.eus/paperekoa/1943/008/001/2022-08-04/bilgune_feministak_emakumeak_elkarren_artean_babestera_deitu_ditu.htm Thu, 04 Aug 2022 00:00:00 +0200 Oihane Puertas Ramirez https://www.berria.eus/paperekoa/1943/008/001/2022-08-04/bilgune_feministak_emakumeak_elkarren_artean_babestera_deitu_ditu.htm
Gero eta ziztada gehiago salatu dira jai giroan, eta, horrekin batera, indarkeria matxistari lotutako beldurra elikatzen duten alarma mezuak zabaldu dira gizartean. Hedatu den alarma sozialak, gainera, beldurra hauspotzen duten diskurtsoak zabaltzen dituela ohartarazi du Bilgune Feministak, eta horiek emakumeen askatasuna «mugatzen» dutela.

Haren esanetan, ziztadak beldurra «zuzenean» andreen gorputzetan sartzeko tresna bilakatu dira: «Substantzia kimikorik eduki ez arren, kide bat ziztatzea beldurraren birprodukziorako, hori indarkeria da». Gaiari ikuspegi feministatik heltzeko eskatu du, hori egin ezean eztabaida «despolitizatzeko», emakumeen hitza zalantzan jartzeko eta indarkeria matxista «betikotzeko» aukera baitago.

Egoera aldatzeko, gizonek erasotzeari utzi eta konponketan inplikatu behar dutela ohartarazi du Bilgune Feministak, eta horretarako jarrera «ez-protagonistei» eutsi behar dietela.

Itaiak ere adierazi du erasoon aurkako jarrera «irmoa», eta protestak antolatu ditu abuzturako. Atzo egin zuten lehenengoa, Gasteizen; 13an Donostian egingo dute, eta 19an, Bilbon.

Instituzioen erantzuna

Gasteiz, Donostia eta Bilboko festak ate joka dauden honetan, Eusko Jaurlaritzak jarduera protokolo koordinatu bat ondu du, ziztada kasuei erantzun «uniforme eta berehalakoa» emateko. Kasu bakoitzaren inguruan, Justizia, Segurtasun eta Osasun sailak elkarlanean arituko dira, «arinago eta azkarrago» erantzuteko.

Festa eremuetan, gainera, polizia gehiago jartzeko asmoa dutela iragarri dute, kaleko jantzita zein uniforme jantzita, «emakume bati eraso egin diezaiokeen edozein pertsona susmagarri» detektatzeko helburuz.

Euskal Herriko Bilgune Feministak jakinarazi duenaren arabera, ordea, Poliziaren presentzia handitzea ezin da izan egoerari aurre egiteko erantzuna. Izan ere, mekanismo polizial horiek, emakumeen askatasuna mugatzeaz gain, gehiago biktimizatzen dituela ere adierazi du: «Poliziak gorpuzten duen maskulinitate ereduak eta iraunarazten duen menderatze sistema berberak jotzen gaituzte».]]>
<![CDATA[Justizia, Segurtasun eta Osasun sailak elkarlanean arituko dira ziztadei «berehala» erantzuteko]]> https://www.berria.eus/albisteak/216690/justizia_segurtasun_eta_osasun_sailak_elkarlanean_arituko_dira_ziztadei_laquoberehalaraquo_erantzuteko.htm Wed, 03 Aug 2022 13:12:56 +0200 Oihane Puertas Ramirez https://www.berria.eus/albisteak/216690/justizia_segurtasun_eta_osasun_sailak_elkarlanean_arituko_dira_ziztadei_laquoberehalaraquo_erantzuteko.htm Ziztada kasuetarako gomendioak gehitu ditu Jaurlaritzak udako plan berezian Gaur egun, Ertzaintza ziztadekin lotutako hamabi salaketa ari da ikertzen, eta, Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak azken egunotan baieztatu duenez, horietan ez dago jasota substantzia toxikorik sartu denik. Oraindik ziztadak egitearen xedea ari dira ikertzen, baina, oraingoz, baztertu egin dute sexu erasoak egiteko asmoa. Artolazabalek «emakumeen aurkako indarkeria modu berri» gisa deskribatu zituen atzo erasook, eta gaitzetsi egin zituen: «Emakumeok aske izateko eta nahi dugun bezala dibertitzeko eskubidea dugu». Horrekin batera, jaiak, kaleak eta gaua emakumeenak ere badirela aldarrikatu zuen, eta ohartarazi egoera ezin dela izan «atzerakada» bat emakumeen askatasunean, «hori baita benetako mehatxua». Horiek horrela, «lasai egoteko eta zuhur jokatzeko» deia egin zuen, eta berdintasunaren alde «eragile aktibo» bihurtzeko eskatu zien herritar guztiei.]]> <![CDATA[«Garrantzitsua da paranoia egoerak gelditzea»]]> https://www.berria.eus/paperekoa/2001/002/001/2022-08-02/garrantzitsua_da_paranoia_egoerak_gelditzea.htm Tue, 02 Aug 2022 00:00:00 +0200 Oihane Puertas Ramirez https://www.berria.eus/paperekoa/2001/002/001/2022-08-02/garrantzitsua_da_paranoia_egoerak_gelditzea.htm
Gasteizko Mugimendu Feministak zer dio auzi honen inguruan?

Droga bidezko indarkeria lapurtzeko edo sexu delituak egiteko erabili izan da askotan. Baina, kasu honetan, badirudi ez dela oraindik horrelako kasurik izan. Batez ere, uste dugu beldurra zabaltzeko helburuarekin egiten dituztela erasoak, eta emakumeoi beste behin ere gaua eta parranda gureak ez direla gogorarazteko.

Eta zer lortu nahi dute horrekin?

Egia esan, ez dakigu ondo zer helburu duten erasotzaileek, eta, horren harira ere kezkatuta gaude. Horregatik, adi egongo gara, eta protokoloa ere horregatik daukagu, horrelako erasoak gertatzean erantzun bat eman ahal izateko.

Badago generoaren aldagaia?

Kasu gehienak emakumeenak izan dira, batez ere Euskal Herrian. Indarkeria matxistaren eta sistema zisheteropatriarkalaren barnekotzat jotzen ditugu indarkeria mota hauek. Bereziak dira, orain arte ez genituelako ikusiak horrelako adibideak inguruan. Droga bidezko menderakuntza hauek emakumeen eta sexu disidenteen aurkako erasoak dira.

Erasotzaileei dagokienez, askotan erosoagoa egiten zaigu erasotzailea gizon maltzur eta ero baten mitora hurbiltzea, baina ez dezagun ahaztu eraso gehienak inguruan ditugunek egiten dituztela, baita jaietan ere.

Protokoloan jaso dituzue ziztadak?

Gaur [atzo] ikusi dugu Eusko Jaurlaritzak gidan gehitu berri duena, eta ez dugu astirik izan horri erantzun zehatz bat emateko. Uste dugu erasoa jasan duenak inguruko guztiei abisatu beharko liekeela berehala, eta gune hori nolabait geldiarazi. Taberna edo diskoteka batean gertatu bada, langileei abisatu beharko zaie, edo oihu egin; ingurukoek, konplizitatez eta autodefentsa feministan oinarrituz, gunea geldiarazi beharko lukete, erasoa errepikatu ez dadin.

Zer egingo duzue erasoei aurre egiteko?

Protokoloa aktibo egongo da txosnagunean, eta tabernetan ere lanketa bat egin dugu; oraingoz, ez luke berezitasunik izango. Beste kasuetan bezala aktibatuko litzateke, eta lehentasuna emango zaio biktima artatzeari. Kasu honetan, oso beharrezkoa iruditzen zaigu osasun zerbitzuetara bideratzea, egon daitezkeen gaixotasun eta bestelako arazoengatik.

Zer aholku ematen duzue?

Garrantzitsua da beldur edo paranoia egoerak gelditzea. Beharrezkoa iruditzen zaigu mezu beldurgarri horiek zabaldu daitezen eragoztea, emakumeongan jartzen baitute arreta, eta beldurra sartzen baitigu horrek. Hala, jaiez modu aske batean gozatzeko aukera kentzen digute.

Zer nabarmenduko zenukete?

Dei egin nahi dugu antolaketara eta autodefentsa feministara, uste baitugu hori dela bidea. Erasoen aurkako telefono bat abiarazi dugu, eta jaietan aktibo egongo da: 747-41 48 34.]]>
<![CDATA[Pertsonako 142 kilo janari galtzen dira Araban, Bizkaian eta Gipuzkoan ]]> https://www.berria.eus/paperekoa/1889/006/001/2022-07-29/pertsonako_142_kilo_janari_galtzen_dira_araban_bizkaian_eta_gipuzkoan.htm Fri, 29 Jul 2022 00:00:00 +0200 Oihane Puertas Ramirez https://www.berria.eus/paperekoa/1889/006/001/2022-07-29/pertsonako_142_kilo_janari_galtzen_dira_araban_bizkaian_eta_gipuzkoan.htm <![CDATA[Urtero 311.558 tona elikagai xahutzen dira Araban, Bizkaian eta Gipuzkoan]]> https://www.berria.eus/albisteak/216507/urtero_311558_tona_elikagai_xahutzen_dira_araban_bizkaian_eta_gipuzkoan.htm Thu, 28 Jul 2022 15:33:57 +0200 Oihane Puertas Ramirez https://www.berria.eus/albisteak/216507/urtero_311558_tona_elikagai_xahutzen_dira_araban_bizkaian_eta_gipuzkoan.htm <![CDATA[Bakegileek larunbateko ekintzen balorazio «biziki positiboa» egin dute]]> https://www.berria.eus/paperekoa/1892/006/001/2022-07-28/bakegileek_larunbateko_ekintzen_balorazio_biziki_positiboa_egin_dute.htm Thu, 28 Jul 2022 00:00:00 +0200 Oihane Puertas Ramirez https://www.berria.eus/paperekoa/1892/006/001/2022-07-28/bakegileek_larunbateko_ekintzen_balorazio_biziki_positiboa_egin_dute.htm
Horrez gain, nabarmendu dute larunbatean blokeatzeen koadro baketiarra «osoki errespetatua» izan zela. Era berean, blokeatu zituzten puntu guztietan prestakuntza «zehatza» egin zutela adierazi dute, eta horri esker arrisku guztiak saihestu zituztela. Parte hartzaileen segurtasunari dagokionez, iragarpen ezberdinak aurreikusi zituztela azaldu dute, eta Frantziako Estatua jakinaren gainean jarri zutela prefetaren bitartez.

Eric Spitz prefetak legez kontrakotzat jo zuen blokeatzea, eta zigorrak iragarri zituen parte hartzaileentzat. Bakegileek, baina, nabarmendu dute antolatzaileek eta parte hartzaileek arriskatzen zituzten zigor judizialak eta ekinaldiaren beraren debekuak ez zituela atzerarazi bertaratutakoak: «Parte hartu duten 1.700 pertsonetatik bakoitzak egin du desobedientzia zibilaren hautua, kontzientzia eta ardura osoz, bake prozesuaren geldotzeari aurre egin nahian».

Ekintzetan parte hartu zuten 26 pertsona atxilotu zituzten —sei aireportuan atzeman zituzten, 11 autobideko blokeatzean, eta bederatzi trenbidean harrapatu zituzten—. Arratsean utzi zituzten libre, aurrerago egingo zaien deialdi judizialaren zain. Antolatzaileek haien «kuraia eta engaiamenduaren kalitatea» goratu dute, eta iragarri dute haien «momentu judizialetan» Bakegileek emango dituzten erantzunak orain arte egin duten «mobilizazio osoaren parekoak» izango direla.

Hala ere, Bakegileek ohartarazi dute balantzea ez dela «osoki baikorra» izango Jakes Esnal eta Ion Kepa Parot irailaren 22a baino lehen askatzen ez badituzte. Izan ere, egun horretan emango dituzte bi euskal presoek baldintzapean aske geratzeko egindako eskaeren emaitzak. Horrekin batera, gogorarazi dute 71 urte baino gehiagoko zigorra dutela Esnalek eta Parotek, eta 32 urte baino gehiago daramatzatela preso Frantzian.

Horrez gain, azaldu dute kondenak aplikatzeko epaileak baldintzapean aske uztearen alde egiten duela, baina terrorismoaren kontrako prokuradoreak «sistematikoki» uko egiten diola erabaki horri. Horrek presoak heriotza zigorrera kondenatzen dituela salatu dute, bizi guztiko kartzelaren bitartez. «Ez dugu pentsatu nahi nola buka daitekeen preso horien egoera; are gehiago Korsikan gertatu dena ikusirik», adierazi dute.

Borrokan jarraitzeko deia

Bakegileek iragarri dute beste protesta mota batzuk jarriko dituztela abian baldin eta datozen bi hilabeteetan Esnal eta Paroten libratzearen aldeko keinurik ez badago. Bakegileen arabera, ekintza horiek «crescendo» joango dira, eta ikusgarriak izango dira, eta politikoki eta mediatikoki herritarrekin adostuak.]]>
<![CDATA[Bakegileek larunbateko ekintzen balorazio «biziki positiboa» egin dute]]> https://www.berria.eus/albisteak/216460/bakegileek_larunbateko_ekintzen_balorazio_biziki_positiboa_egin_dute.htm Wed, 27 Jul 2022 14:38:35 +0200 Oihane Puertas Ramirez https://www.berria.eus/albisteak/216460/bakegileek_larunbateko_ekintzen_balorazio_biziki_positiboa_egin_dute.htm erdiz erdi blokeatu zuten Ipar Euskal Herria larunbatean, eta oihartzuna izan zuten euskal presoen etxeratzearen aldeko desobedientzia ekintza horiek. Izan ere, 2.000 pertsona inguruk parte hartu zuten, eta hamabost gune «estrategiko» blokeatu zituzten. Mobilizazioaren balorazio «biziki positiboa» egin dute antolatzaileek. Besteak beste, determinazioaren indarra erakutsi dutelako «axolagabekeriaren aitzinean, elkortasunaren aitzinean eta Estatuaren mespretxuaren aitzinean», eta ikusi delako lurralde oso batek eta bertako herritarrek «uko» egiten diotela pasibo egoteari bi presok jasaten duten «injustizia» dela eta. Horrez gain, nabarmendu dute blokeatzeen koadro baketiarra «osoki errespetatua» izan zela. Era berean, blokeatu zituzten puntu guztietan prestakuntza «zehatza» egin zutela adierazi dute, eta horri esker arrisku guztiak saihestu zituztela. Parte hartzaileen segurtasunari dagokionez, iragarpen ezberdinak aurreikusi zituztela azaldu dute, eta Frantziako Estatua jakinaren gainean jarri zutela prefetaren bitartez. Ikusi gehiago: Parisen erantzunaren beha Eric Spitz prefetak legez kontrakotzat jo zuen blokeatzea, eta zigorrak iragarri zituen parte hartzaileentzat. Bakegileek, baina, nabarmendu dute antolatzaileek eta parte hartzaileek arriskatzen zituzten zigor judizialak eta ekimenaren beraren debekuak ez zituela bertaratutakoak atzerarazi: «Parte hartu duten 1.700 pertsonetatik bakoitzak egin du desobedientzia zibilaren hautua, kontzientzia eta ardura osoz, bake prozesuaren geldotzeari aurre egin nahian». Ekintzetan parte hartu zuten 26 pertsona atxilotu zituzten, eta arratsean aske utzi, aurrerago egingo zaien deialdi judizialaren zain. Antolatzaileek haien «kuraia eta engaiamenduaren kalitatea» goratu dute, eta iragarri dute biziko dituzten «momentu judizialetan» Bakegileek emango duten erantzunak izango direla orain arte egin duten «mobilizazio osoaren parekoak». Ikusi gehiago: Blokatzeetan atxilotutako 26 ekintzaileak aske dira Hala ere, Bakegileek ohartarazi dute balantzea ez dela «osoki baikorra» izango Jakes Esnal eta Ion Parot irailaren 22a baino lehen askatzen ez badituzte. Gogorarazi dute 71 urte baino gehiagoko zigorra dutela bi presoek, eta 32 urte baino gehiago daramatzatela preso. Horrez gain, azaldu dute kondenen aplikaziorako epaileak baldintzapeko askatasunaren alde egiten duela, baina terrorismoaren kontrako prokuradoreak «sistematikoki» uko egiten diola erabaki horri. «Ez dugu pentsatu nahi nola buka daitekeen preso hauen egoera; are gehiago, Korsikan gertatu dena ikusirik», adierazi dute. Ikusi gehiago: Esnal eta Parot askatzearen kontra egin du fiskaltzak Horiek horrela, datozen bi hilabeteetan Esnal eta Paroten libratzearen aldeko keinurik ez badago, iragarri dute beste protesta mota batzuk abian jarriko dituztela. Bakegileen arabera, ekintza horiek «crescendo» joango dira, eta ikusgarriak eta politikoki eta mediatikoki herritarrekin adostutakoak izango dira.]]>