<![CDATA[Oihane Puertas Ramirez | Berria.eus]]> https://www.berria.eus Bere azken artikuluak eu Wed, 10 Aug 2022 15:56:47 +0200 hourly 1 <![CDATA[Oihane Puertas Ramirez | Berria.eus]]> https://www.berria.eus/irudiak/berriaB.png https://www.berria.eus <![CDATA[«100.000 euro behar ditugu erabiltzaileak elikatzen jarraitzeko»]]> https://www.berria.eus/paperekoa/1857/005/001/2022-08-05/100000_euro_behar_ditugu_erabiltzaileak_elikatzen_jarraitzeko.htm Fri, 05 Aug 2022 00:00:00 +0200 Oihane Puertas Ramirez https://www.berria.eus/paperekoa/1857/005/001/2022-08-05/100000_euro_behar_ditugu_erabiltzaileak_elikatzen_jarraitzeko.htm
Marisol Villar Nafarroako Elikagaien Bankuko presidentearen arabera, egoera «kezkagarria» da. Izan ere, gizarte bazterkeria jasateko arriskuan edo muturreko egoeran daudenei laguntzen diete, baina aurtengo kanpainan lortutakoarekin ezingo diote eutsi orain arteko martxari, eta, diru gehiago lortu ezean, janari kilo gutxiago eman beharko dituzte hilabetero.

Nola bizi duzue egoera?

Kezkatuta gaude. Azaro amaierara arte, ez da beste kanpainarik egongo, eta, oraintxe bertan daukagun diruarekin, ezingo genuke jarraitu orain bezainbeste janari ematen.

Hilabetean 100.000 euro inguru erabiltzen ditugu elikagaiak erosteko. Orduan, oraingo egoeran, beste 100.000 euro behar ditugu erabiltzaileak elikatzen jarraitzeko janari kantitatea murriztu gabe.

2020ko kanpainan, pandemia garaian, ia 500.000 euro bildu zenituzten. Zergatik uste duzue apaldu direla dohaintzak?

Nagusiki, uste dut egungo egoeraren ondorio dela. Inflazioa gero eta gehiago igotzen ari da, elikagaien prezioek ere gora egin dute, Ukrainako gerra eta horren ondorioak daude... Ziurgabetasun egoera da gaur egungoa, eta zer gertatuko den ikusteko zain gaude. Uste dut horregatik guztiagatik gehiago kostatzen zaigula dohaintzak egitea.

Zertan eragin du beherakadak?

Hilabetean 25.000 pertsona ingururi ematen diegu janaria, eta, hilabetero, 300 tona janari ateratzen dira. Iaz pertsona bakoitzari hamalau kilo elikagai ematen genizkion hilabetean. Aurten, ordea, dena murriztu behar izan dugu, eta zazpi kilo banatzen ari gara; erdia, hain zuzen. Murrizketa hori frutarekin konpentsatzen ari gara nolabait, fruta gehiago eskuratzeko aukera handiagoa daukagulako.

Egoerak nola eragiten duen? Ezin badugu janari gehiago erosi, murrizketak egin beharko ditugu. Orain, bi litro esne ematen baditugu; aurrerantzean, bakarra eman beharko dugu, eta olioa agian ez dugu emango. Kakaoa, adibidez, aspaldi ez dugu eman: oso garestia da, eta ez daukagu dirurik hori erosteko.

Zer planteatzen duzue egoerari aurre egiteko?

100.000 euro bildu nahi ditugu aurrerantzean ere elikagaiak erosi ahal izateko. Oraintxe bertan, 190.000 euro gelditzen zaizkigu janaria erosteko. Hurrengo kanpainarako hiru hilabete gelditzen dira, eta hilabetean 100.000 euro gastatzen baditugu, oraingo egoeran jarraituz gero, ez gara iritsiko.

Beste 100.000 euro biltzea lortzen badugu, baina, aukera izango dugu hilabete horietan orain arte bezainbeste janari emateko.

Beraz, herritarren parte hartzea behar duzue.

Jendeari dohaintza ekonomiko bat egiteko eskatzen diogu, eta hiru modu daude horretarako: transferentzia bat eginez, webgunetik edo Bizum bidez. Gure webgunean daude aukera guztiak, eta norbaitek nahi izanez gero, gurekin harremanetan jartzeko aukera ere badu.

Aurrera begira nola ikusten duzue egoera?

Beti izan dugu konfiantza handia Nafarroako gizartearengan; hor egon da laguntza eskatu dugun bakoitzean. Baikorrak gara, eta helburua lortzea espero dugu.

Logikoa den bezala, gutxi baldin badaukazu, ezin duzu asko eman, baina gutxi asko batzen badira, lor daiteke. Dohaintza egitera gonbidatu nahi ditugu herritarrak, emateko dutena gutxi bada ere.

Badakigu egoera zaila dela guztiontzat, baina nahiko ondo gabiltzanok prezioen igoera nabaritzen badugu, eta egoera zailtzen ari dela sumatzen badugu, imajinatu behar dugu benetan laguntza behar dutenak nola ariko ote diren bizitzen hau guztia.]]>
<![CDATA[Bilgune Feministak emakumeak elkarren artean babestera deitu ditu]]> https://www.berria.eus/paperekoa/1943/008/001/2022-08-04/bilgune_feministak_emakumeak_elkarren_artean_babestera_deitu_ditu.htm Thu, 04 Aug 2022 00:00:00 +0200 Oihane Puertas Ramirez https://www.berria.eus/paperekoa/1943/008/001/2022-08-04/bilgune_feministak_emakumeak_elkarren_artean_babestera_deitu_ditu.htm
Gero eta ziztada gehiago salatu dira jai giroan, eta, horrekin batera, indarkeria matxistari lotutako beldurra elikatzen duten alarma mezuak zabaldu dira gizartean. Hedatu den alarma sozialak, gainera, beldurra hauspotzen duten diskurtsoak zabaltzen dituela ohartarazi du Bilgune Feministak, eta horiek emakumeen askatasuna «mugatzen» dutela.

Haren esanetan, ziztadak beldurra «zuzenean» andreen gorputzetan sartzeko tresna bilakatu dira: «Substantzia kimikorik eduki ez arren, kide bat ziztatzea beldurraren birprodukziorako, hori indarkeria da». Gaiari ikuspegi feministatik heltzeko eskatu du, hori egin ezean eztabaida «despolitizatzeko», emakumeen hitza zalantzan jartzeko eta indarkeria matxista «betikotzeko» aukera baitago.

Egoera aldatzeko, gizonek erasotzeari utzi eta konponketan inplikatu behar dutela ohartarazi du Bilgune Feministak, eta horretarako jarrera «ez-protagonistei» eutsi behar dietela.

Itaiak ere adierazi du erasoon aurkako jarrera «irmoa», eta protestak antolatu ditu abuzturako. Atzo egin zuten lehenengoa, Gasteizen; 13an Donostian egingo dute, eta 19an, Bilbon.

Instituzioen erantzuna

Gasteiz, Donostia eta Bilboko festak ate joka dauden honetan, Eusko Jaurlaritzak jarduera protokolo koordinatu bat ondu du, ziztada kasuei erantzun «uniforme eta berehalakoa» emateko. Kasu bakoitzaren inguruan, Justizia, Segurtasun eta Osasun sailak elkarlanean arituko dira, «arinago eta azkarrago» erantzuteko.

Festa eremuetan, gainera, polizia gehiago jartzeko asmoa dutela iragarri dute, kaleko jantzita zein uniforme jantzita, «emakume bati eraso egin diezaiokeen edozein pertsona susmagarri» detektatzeko helburuz.

Euskal Herriko Bilgune Feministak jakinarazi duenaren arabera, ordea, Poliziaren presentzia handitzea ezin da izan egoerari aurre egiteko erantzuna. Izan ere, mekanismo polizial horiek, emakumeen askatasuna mugatzeaz gain, gehiago biktimizatzen dituela ere adierazi du: «Poliziak gorpuzten duen maskulinitate ereduak eta iraunarazten duen menderatze sistema berberak jotzen gaituzte».]]>
<![CDATA[Justizia, Segurtasun eta Osasun sailak elkarlanean arituko dira ziztadei «berehala» erantzuteko]]> https://www.berria.eus/albisteak/216690/justizia_segurtasun_eta_osasun_sailak_elkarlanean_arituko_dira_ziztadei_laquoberehalaraquo_erantzuteko.htm Wed, 03 Aug 2022 13:12:56 +0200 Oihane Puertas Ramirez https://www.berria.eus/albisteak/216690/justizia_segurtasun_eta_osasun_sailak_elkarlanean_arituko_dira_ziztadei_laquoberehalaraquo_erantzuteko.htm Ziztada kasuetarako gomendioak gehitu ditu Jaurlaritzak udako plan berezian Gaur egun, Ertzaintza ziztadekin lotutako hamabi salaketa ari da ikertzen, eta, Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak azken egunotan baieztatu duenez, horietan ez dago jasota substantzia toxikorik sartu denik. Oraindik ziztadak egitearen xedea ari dira ikertzen, baina, oraingoz, baztertu egin dute sexu erasoak egiteko asmoa. Artolazabalek «emakumeen aurkako indarkeria modu berri» gisa deskribatu zituen atzo erasook, eta gaitzetsi egin zituen: «Emakumeok aske izateko eta nahi dugun bezala dibertitzeko eskubidea dugu». Horrekin batera, jaiak, kaleak eta gaua emakumeenak ere badirela aldarrikatu zuen, eta ohartarazi egoera ezin dela izan «atzerakada» bat emakumeen askatasunean, «hori baita benetako mehatxua». Horiek horrela, «lasai egoteko eta zuhur jokatzeko» deia egin zuen, eta berdintasunaren alde «eragile aktibo» bihurtzeko eskatu zien herritar guztiei.]]> <![CDATA[«Garrantzitsua da paranoia egoerak gelditzea»]]> https://www.berria.eus/paperekoa/2001/002/001/2022-08-02/garrantzitsua_da_paranoia_egoerak_gelditzea.htm Tue, 02 Aug 2022 00:00:00 +0200 Oihane Puertas Ramirez https://www.berria.eus/paperekoa/2001/002/001/2022-08-02/garrantzitsua_da_paranoia_egoerak_gelditzea.htm
Gasteizko Mugimendu Feministak zer dio auzi honen inguruan?

Droga bidezko indarkeria lapurtzeko edo sexu delituak egiteko erabili izan da askotan. Baina, kasu honetan, badirudi ez dela oraindik horrelako kasurik izan. Batez ere, uste dugu beldurra zabaltzeko helburuarekin egiten dituztela erasoak, eta emakumeoi beste behin ere gaua eta parranda gureak ez direla gogorarazteko.

Eta zer lortu nahi dute horrekin?

Egia esan, ez dakigu ondo zer helburu duten erasotzaileek, eta, horren harira ere kezkatuta gaude. Horregatik, adi egongo gara, eta protokoloa ere horregatik daukagu, horrelako erasoak gertatzean erantzun bat eman ahal izateko.

Badago generoaren aldagaia?

Kasu gehienak emakumeenak izan dira, batez ere Euskal Herrian. Indarkeria matxistaren eta sistema zisheteropatriarkalaren barnekotzat jotzen ditugu indarkeria mota hauek. Bereziak dira, orain arte ez genituelako ikusiak horrelako adibideak inguruan. Droga bidezko menderakuntza hauek emakumeen eta sexu disidenteen aurkako erasoak dira.

Erasotzaileei dagokienez, askotan erosoagoa egiten zaigu erasotzailea gizon maltzur eta ero baten mitora hurbiltzea, baina ez dezagun ahaztu eraso gehienak inguruan ditugunek egiten dituztela, baita jaietan ere.

Protokoloan jaso dituzue ziztadak?

Gaur [atzo] ikusi dugu Eusko Jaurlaritzak gidan gehitu berri duena, eta ez dugu astirik izan horri erantzun zehatz bat emateko. Uste dugu erasoa jasan duenak inguruko guztiei abisatu beharko liekeela berehala, eta gune hori nolabait geldiarazi. Taberna edo diskoteka batean gertatu bada, langileei abisatu beharko zaie, edo oihu egin; ingurukoek, konplizitatez eta autodefentsa feministan oinarrituz, gunea geldiarazi beharko lukete, erasoa errepikatu ez dadin.

Zer egingo duzue erasoei aurre egiteko?

Protokoloa aktibo egongo da txosnagunean, eta tabernetan ere lanketa bat egin dugu; oraingoz, ez luke berezitasunik izango. Beste kasuetan bezala aktibatuko litzateke, eta lehentasuna emango zaio biktima artatzeari. Kasu honetan, oso beharrezkoa iruditzen zaigu osasun zerbitzuetara bideratzea, egon daitezkeen gaixotasun eta bestelako arazoengatik.

Zer aholku ematen duzue?

Garrantzitsua da beldur edo paranoia egoerak gelditzea. Beharrezkoa iruditzen zaigu mezu beldurgarri horiek zabaldu daitezen eragoztea, emakumeongan jartzen baitute arreta, eta beldurra sartzen baitigu horrek. Hala, jaiez modu aske batean gozatzeko aukera kentzen digute.

Zer nabarmenduko zenukete?

Dei egin nahi dugu antolaketara eta autodefentsa feministara, uste baitugu hori dela bidea. Erasoen aurkako telefono bat abiarazi dugu, eta jaietan aktibo egongo da: 747-41 48 34.]]>
<![CDATA[Pertsonako 142 kilo janari galtzen dira Araban, Bizkaian eta Gipuzkoan ]]> https://www.berria.eus/paperekoa/1889/006/001/2022-07-29/pertsonako_142_kilo_janari_galtzen_dira_araban_bizkaian_eta_gipuzkoan.htm Fri, 29 Jul 2022 00:00:00 +0200 Oihane Puertas Ramirez https://www.berria.eus/paperekoa/1889/006/001/2022-07-29/pertsonako_142_kilo_janari_galtzen_dira_araban_bizkaian_eta_gipuzkoan.htm <![CDATA[Urtero 311.558 tona elikagai xahutzen dira Araban, Bizkaian eta Gipuzkoan]]> https://www.berria.eus/albisteak/216507/urtero_311558_tona_elikagai_xahutzen_dira_araban_bizkaian_eta_gipuzkoan.htm Thu, 28 Jul 2022 15:33:57 +0200 Oihane Puertas Ramirez https://www.berria.eus/albisteak/216507/urtero_311558_tona_elikagai_xahutzen_dira_araban_bizkaian_eta_gipuzkoan.htm <![CDATA[Bakegileek larunbateko ekintzen balorazio «biziki positiboa» egin dute]]> https://www.berria.eus/paperekoa/1892/006/001/2022-07-28/bakegileek_larunbateko_ekintzen_balorazio_biziki_positiboa_egin_dute.htm Thu, 28 Jul 2022 00:00:00 +0200 Oihane Puertas Ramirez https://www.berria.eus/paperekoa/1892/006/001/2022-07-28/bakegileek_larunbateko_ekintzen_balorazio_biziki_positiboa_egin_dute.htm
Horrez gain, nabarmendu dute larunbatean blokeatzeen koadro baketiarra «osoki errespetatua» izan zela. Era berean, blokeatu zituzten puntu guztietan prestakuntza «zehatza» egin zutela adierazi dute, eta horri esker arrisku guztiak saihestu zituztela. Parte hartzaileen segurtasunari dagokionez, iragarpen ezberdinak aurreikusi zituztela azaldu dute, eta Frantziako Estatua jakinaren gainean jarri zutela prefetaren bitartez.

Eric Spitz prefetak legez kontrakotzat jo zuen blokeatzea, eta zigorrak iragarri zituen parte hartzaileentzat. Bakegileek, baina, nabarmendu dute antolatzaileek eta parte hartzaileek arriskatzen zituzten zigor judizialak eta ekinaldiaren beraren debekuak ez zituela atzerarazi bertaratutakoak: «Parte hartu duten 1.700 pertsonetatik bakoitzak egin du desobedientzia zibilaren hautua, kontzientzia eta ardura osoz, bake prozesuaren geldotzeari aurre egin nahian».

Ekintzetan parte hartu zuten 26 pertsona atxilotu zituzten —sei aireportuan atzeman zituzten, 11 autobideko blokeatzean, eta bederatzi trenbidean harrapatu zituzten—. Arratsean utzi zituzten libre, aurrerago egingo zaien deialdi judizialaren zain. Antolatzaileek haien «kuraia eta engaiamenduaren kalitatea» goratu dute, eta iragarri dute haien «momentu judizialetan» Bakegileek emango dituzten erantzunak orain arte egin duten «mobilizazio osoaren parekoak» izango direla.

Hala ere, Bakegileek ohartarazi dute balantzea ez dela «osoki baikorra» izango Jakes Esnal eta Ion Kepa Parot irailaren 22a baino lehen askatzen ez badituzte. Izan ere, egun horretan emango dituzte bi euskal presoek baldintzapean aske geratzeko egindako eskaeren emaitzak. Horrekin batera, gogorarazi dute 71 urte baino gehiagoko zigorra dutela Esnalek eta Parotek, eta 32 urte baino gehiago daramatzatela preso Frantzian.

Horrez gain, azaldu dute kondenak aplikatzeko epaileak baldintzapean aske uztearen alde egiten duela, baina terrorismoaren kontrako prokuradoreak «sistematikoki» uko egiten diola erabaki horri. Horrek presoak heriotza zigorrera kondenatzen dituela salatu dute, bizi guztiko kartzelaren bitartez. «Ez dugu pentsatu nahi nola buka daitekeen preso horien egoera; are gehiago Korsikan gertatu dena ikusirik», adierazi dute.

Borrokan jarraitzeko deia

Bakegileek iragarri dute beste protesta mota batzuk jarriko dituztela abian baldin eta datozen bi hilabeteetan Esnal eta Paroten libratzearen aldeko keinurik ez badago. Bakegileen arabera, ekintza horiek «crescendo» joango dira, eta ikusgarriak izango dira, eta politikoki eta mediatikoki herritarrekin adostuak.]]>
<![CDATA[Bakegileek larunbateko ekintzen balorazio «biziki positiboa» egin dute]]> https://www.berria.eus/albisteak/216460/bakegileek_larunbateko_ekintzen_balorazio_biziki_positiboa_egin_dute.htm Wed, 27 Jul 2022 14:38:35 +0200 Oihane Puertas Ramirez https://www.berria.eus/albisteak/216460/bakegileek_larunbateko_ekintzen_balorazio_biziki_positiboa_egin_dute.htm erdiz erdi blokeatu zuten Ipar Euskal Herria larunbatean, eta oihartzuna izan zuten euskal presoen etxeratzearen aldeko desobedientzia ekintza horiek. Izan ere, 2.000 pertsona inguruk parte hartu zuten, eta hamabost gune «estrategiko» blokeatu zituzten. Mobilizazioaren balorazio «biziki positiboa» egin dute antolatzaileek. Besteak beste, determinazioaren indarra erakutsi dutelako «axolagabekeriaren aitzinean, elkortasunaren aitzinean eta Estatuaren mespretxuaren aitzinean», eta ikusi delako lurralde oso batek eta bertako herritarrek «uko» egiten diotela pasibo egoteari bi presok jasaten duten «injustizia» dela eta. Horrez gain, nabarmendu dute blokeatzeen koadro baketiarra «osoki errespetatua» izan zela. Era berean, blokeatu zituzten puntu guztietan prestakuntza «zehatza» egin zutela adierazi dute, eta horri esker arrisku guztiak saihestu zituztela. Parte hartzaileen segurtasunari dagokionez, iragarpen ezberdinak aurreikusi zituztela azaldu dute, eta Frantziako Estatua jakinaren gainean jarri zutela prefetaren bitartez. Ikusi gehiago: Parisen erantzunaren beha Eric Spitz prefetak legez kontrakotzat jo zuen blokeatzea, eta zigorrak iragarri zituen parte hartzaileentzat. Bakegileek, baina, nabarmendu dute antolatzaileek eta parte hartzaileek arriskatzen zituzten zigor judizialak eta ekimenaren beraren debekuak ez zituela bertaratutakoak atzerarazi: «Parte hartu duten 1.700 pertsonetatik bakoitzak egin du desobedientzia zibilaren hautua, kontzientzia eta ardura osoz, bake prozesuaren geldotzeari aurre egin nahian». Ekintzetan parte hartu zuten 26 pertsona atxilotu zituzten, eta arratsean aske utzi, aurrerago egingo zaien deialdi judizialaren zain. Antolatzaileek haien «kuraia eta engaiamenduaren kalitatea» goratu dute, eta iragarri dute biziko dituzten «momentu judizialetan» Bakegileek emango duten erantzunak izango direla orain arte egin duten «mobilizazio osoaren parekoak». Ikusi gehiago: Blokatzeetan atxilotutako 26 ekintzaileak aske dira Hala ere, Bakegileek ohartarazi dute balantzea ez dela «osoki baikorra» izango Jakes Esnal eta Ion Parot irailaren 22a baino lehen askatzen ez badituzte. Gogorarazi dute 71 urte baino gehiagoko zigorra dutela bi presoek, eta 32 urte baino gehiago daramatzatela preso. Horrez gain, azaldu dute kondenen aplikaziorako epaileak baldintzapeko askatasunaren alde egiten duela, baina terrorismoaren kontrako prokuradoreak «sistematikoki» uko egiten diola erabaki horri. «Ez dugu pentsatu nahi nola buka daitekeen preso hauen egoera; are gehiago, Korsikan gertatu dena ikusirik», adierazi dute. Ikusi gehiago: Esnal eta Parot askatzearen kontra egin du fiskaltzak Horiek horrela, datozen bi hilabeteetan Esnal eta Paroten libratzearen aldeko keinurik ez badago, iragarri dute beste protesta mota batzuk abian jarriko dituztela. Bakegileen arabera, ekintza horiek «crescendo» joango dira, eta ikusgarriak eta politikoki eta mediatikoki herritarrekin adostutakoak izango dira.]]> <![CDATA[Gutxiengo batek sinatuko du zahar etxeetako lan hitzarmena]]> https://www.berria.eus/paperekoa/1892/006/001/2022-07-27/gutxiengo_batek_sinatuko_du_zahar_etxeetako_lan_hitzarmena.htm Wed, 27 Jul 2022 00:00:00 +0200 Oihane Puertas Ramirez https://www.berria.eus/paperekoa/1892/006/001/2022-07-27/gutxiengo_batek_sinatuko_du_zahar_etxeetako_lan_hitzarmena.htm
Maite Peña Gipuzkoako Foru Aldundiko Gizarte Gaietako diputatuarentzat, erabakia «aurrerapen positiboa» izan da egoitzen sektorearentzat: «Denbora luzez geldirik egon den gatazka batean aurrerapausoa da». Peñaren ustez, «agerian geratu da lan gatazkari irtenbideak bilatzea borondate kontua dela, eta akordioa posible dela».

ELAk eta LABek ez dute iritzi bera. ELAren ustez, «onartezina» eta «antidemokratikoa» da erabakia, hala nola sektoreko soldata arrakala eta egoitzen arteko arrakala areagotuko dituelako. Iritzi berekoa da LAB: haren ustez, «oso larria» da ituna gutxiengo sindikalarekin sinatzea.

ELAk salatu zuen hitzarmenak «patronalen poltsikoak aberasteko» eta langileen baldintzak «okertzeko» baino ez duela balio izango. Izan ere, akordioa onartzean, «bizkarra eman diete» langileen %93ri eta patronalaren %27ri.

LABentzat, patronalaren proposamena «ez zen nahikoa», baina kontraproposamen bat egiteko asmoa azaldu zuen atzo. Sindikatuak salatu zuenez, ordea, patronalak ez zuen horretarako «inolako aukerarik» eman, eta UGT sindikatuarekin «eragin mugatuko akordio bat» sinatzeko aukera zabaldu zuen.

LABen arabera, patronalak egindako proposamenak akordiorako «zailtasun batzuk» planteatzen ditu, eta, horien harira, sindikatuarentzat «beharrezkoa» da, besteak beste, bi urtean galdu daitekeen erosahalmena berreskuratzeko konpentsazio bat jasotzea, baita 2022. urtearen aurretik erosahalmena galdu duten langileek atzerapenak eskuratzeko konpromisoa bermatzea ere.

Borrokari, «muzin»

ELAren arabera, lan itun hori sinatzean,«muzin» egingo diote lau urteko borrokari, eta sektorearen errealitatea «nabarmen» okertuko da. Azaldu zuenez, besteak beste, 30 minutuko atsedenaldia eta 42 euroko antzinatasuna duten langileek bost minutuko atsedenaldia eta 26 euroko antzinatasuna izango dute 2022rako. Horrekin batera, ELAk adierazi zuen 2009-2012 aldirako hitzarmena berreskuratuko dela, eta enpresetako hitzarmen gehienak baino «askoz okerragoa» dela.

«Eskandalua da aldundiak eraginkortasun mugatuko hitzarmen antidemokratikoen alde egitea», azaldu zuen sindikatuak, eta gaineratu zuen diputazioak «prekarizazioaren alde» egin zuela.

ELAk salatu zuen erabaki horrek enpresen aberastasunari baino ez diola erantzuten, eta, ondorioz, datozen urteetan sektorea «gero eta prekarioagoa» izango dela. LABek ere interpelatu zuen Gipuzkoako Foru Aldundia, hark baitu ardura instituzionala, eta akordioa ez babesteko eskatu zion.

Hartutako erabakiaren harira, ELAk zerbitzuaren kalitatea lehenesten duen zaintza sistema baten alde borrokatzera deitu zituen langileak. LABek jakinarazi zuen aurreratzean ere lan hitzarmenaren aldeko borroka «hauspotzen» arituko dela.]]>
<![CDATA[Xarles Bidegain eta Andoni Sagarna euskaltzain emeritu egin dituzte]]> https://www.berria.eus/albisteak/216424/xarles_bidegain_eta_andoni_sagarna_euskaltzain_emeritu_egin_dituzte.htm Tue, 26 Jul 2022 19:51:55 +0200 Oihane Puertas Ramirez https://www.berria.eus/albisteak/216424/xarles_bidegain_eta_andoni_sagarna_euskaltzain_emeritu_egin_dituzte.htm <![CDATA[Gutxiengoan sinatuko dute Gipuzkoako zahar etxeetako lan hitzarmena]]> https://www.berria.eus/albisteak/216415/gutxiengoan_sinatuko_dute_gipuzkoako_zahar_etxeetako_lan_hitzarmena.htm Tue, 26 Jul 2022 10:04:45 +0200 Oihane Puertas Ramirez https://www.berria.eus/albisteak/216415/gutxiengoan_sinatuko_dute_gipuzkoako_zahar_etxeetako_lan_hitzarmena.htm ELAk gaitzetsi egin du zahar etxeetako hitzarmena ELAren arabera, lan itun hori sinatzean, lau urteko borrokari «muzin» egingo diote, eta sektorearen errealitatea «nabarmen» okertuko da. Sindikatuak azaldu duenez, sinadura horren bidez, besteak beste, 30 minutuko atsedenaldia eta 42 euroko antzinatasuna duten langileek bost minutuko atsedenaldia eta 26 euroko antzinatasuna izango dute 2022rako. Horrekin batera, ELAk adierazi du 2009-2012ko hitzarmena berreskuratuko dela, «enpresetako hitzarmen gehienak baino askoz okerragoa dena». «Eskandalua da Aldundiak eraginkortasun mugatuko hitzarmen antidemokratikoen alde egitea», azaldu du sindikatuak, eta gaineratu du diputazioak «prekarizazioaren alde» egin duela. Horiek horrela, ELAk salatu du erabaki horrek enpresen aberastasunari baino ez diola erantzuten, eta, ondorioz, datozen urteetan sektorea «gero eta prekarioagoa» izango dela. Negoziazio mahaian hartutako erabakiari aurre egitekol, ELAk zerbitzuaren kalitatea lehenesten duen zaintza sistema baten alde borrokatzen jarraitzera deitu ditu langileak.]]> <![CDATA[Hondartzara iritsi dira algak]]> https://www.berria.eus/paperekoa/1858/008/001/2022-07-15/hondartzara_iritsi_dira_algak.htm Fri, 15 Jul 2022 00:00:00 +0200 Oihane Puertas Ramirez https://www.berria.eus/paperekoa/1858/008/001/2022-07-15/hondartzara_iritsi_dira_algak.htm
Alga mota desberdinak agertu dira Bizkaiko, Gipuzkoako eta Lapurdiko hondartzetan: Bizkaikoak eta Gipuzkoakoak ez dira arriskutsuak osasunerako; joan den astean, baina, ostreopsis motako alga toxikoak agertu ziren Lapurdikoetan, eta horiek azkura eta eritemak eragin ditzakete.

Adituek nabarmendu dute garrantzitsua dela bi alga mota horiek bereiztea. «Ez dira nahastu behar», adierazi du Endika Quintano biologian doktoreak. Izan ere, Bizkaian eta Gipuzkoan makroalgak agertu dira: substratuan finkatuta bizi dira, eta begi bistaz ikus daitezke. Lapurdikoak, berriz, mikroalgak dira; fitoplanktona dira, eta ur zutabeetan egon ohi dira. Eneko Aierbe Ekologistak Martxan taldeko itsas saileko arduradunaren arabera, momentu berean gertatu diren bi fenomeno independente dira: «Bietan hitz egiten dugu algei buruz, baina oso zerikusi gutxi du batak bestearekin».

Quintanoren arabera, makroalgak, «normalean», udazkenean heltzen dira hondartzetara, «batez ere olatuen indarra handitzen denean eta ekaitzak hasten direnean». Hala ere, udaberrian eta udan gertatzea ere «normala» da, baina bainulariek orduan nabaritzen dituzte gehiago, garai horretan hondartzetan daudelako. Quintanoren arabera, aste honetan agertu diren algak, «ziurrenik», joan den astean izan zen itsaskiaren ondoriozkoak izango dira. Izan ere, olatuen eraginez, ur azpian dauden algak «moztu» egiten dira, eta moztutako zatiak hondartzetara iristen dira.

Alga horiek hondartzetara heltzea «seinale ona» dela deritzo Quintanok: «Gure itsasondoak ondo daudela esan nahi du, eta hori beste organismo batzuentzat onuragarria da». Algak itsasertzean metatzea ere «ez da txarra», baina ohikoa da horiek erretiratzea: Donostiako Zurriola eta Kontxa hondartzetan, esaterako, tona bat alga bildu dute asteon. Aierberen hitzetan, baina, horiek erretiratzea ez da beharrezkoa, eta «egokiena» hondartzetan uztea izango litzateke, bertako ekosistema aberastu egiten dutelako.

Algak eta klima aldaketa

Aierberen ustez, algek zerikusia dute tenperaturarekin. Mikroalgei onura egiten die beroak: horien agerpena tenperatura igoerarekin lotzen da, eta berotegi efektuak haien garapena errazten du. Bizkaian eta Gipuzkoan agertu diren makroalgak, aldiz,«gero eta gutxiago» daude tenperatura igoeraren eta klima aldaketaren ondorioz.

Algak agertzea klima aldaketaren «abisu modura» hartu behar direla deritzo Aierbek, ekosistemak ere aldatzen ari direlako. Horregatik, aurreikusten dute horrelako fenomeno gehiago gertatuko direla aurrerantzean, eta datorren urteetan ere mikroalgen kopurua nabarmen handituko dela.]]>
<![CDATA[Eusko Jaurlaritzako Osasun Sailak beroaren ondorioak prebenitzeko plana ondu du]]> https://www.berria.eus/albisteak/215904/eusko_jaurlaritzako_osasun_sailak_beroaren_ondorioak_prebenitzeko_plana_ondu_du.htm Wed, 13 Jul 2022 15:51:40 +0200 Oihane Puertas Ramirez https://www.berria.eus/albisteak/215904/eusko_jaurlaritzako_osasun_sailak_beroaren_ondorioak_prebenitzeko_plana_ondu_du.htm Alerta laranja aktibatu dute Araban eta Nafarroan, beroa dela eta; Bizkaian eta Gipuzkoan, horia Etxea bero gutxien egiten duenean aireztatzeko eta freskatzeko proposatu du Osasun Sailak, eta bero handia izanez gero gorputza ur hotzarekin freskatzeko gomendatu du -aurpegia eta eskuak batez ere-. Kalean, berriz, eguerdian eta arratsaldeko lehen orduetan eguzkitan egotea saihestu behar dela ere adierazi dute planean. Eguzkitan egonez gero, baina, burua estaltzeko eskatu dute, arropa arina eta transpiragarria erabiltzeko, eta ur asko edateko: «Bi edo lau edalontzi ur orduero». Horrez gain, bero handieneko orduetan ahalegin fisiko handirik ez egitea gomendatu dute. Pertsona zaurgarriak zaintzeko ere eskatu du Osasun Sailak: «Arreta berezia jarri ume txikiengan, adineko pertsonengan eta gaixo daudenengan». Horrela, adineko pertsonak «gutxienez» egunean behin bisitatzea komeni dela azaldu dute, «zailtasunak» izan ditzaketelako babes neurriak hartzeko orduan. Horrekin batera, gogorarazi du inork ez duela «sekula» aparkatuta eta itxita dagoen ibilgailu baten barruan gelditu behar, «nahiz eta itzalean egon». Gainera, ordubetetik gora irauten duen eta tenperatura altuekin lotuta dagoen sintomaren bat izanez gero, hala nola ahultasuna, zorabioak, nekea eta goragalea, osasun arloko langileengana jotzeko eskatu dute. Larrialdi kasuan, ordea, 112 telefonora deitzeko gomendatu dute.]]> <![CDATA[Asteburuan lau salaketa jarri dituzte indarkeria matxistagatik]]> https://www.berria.eus/paperekoa/1877/004/001/2022-07-12/asteburuan_lau_salaketa_jarri_dituzte_indarkeria_matxistagatik.htm Tue, 12 Jul 2022 00:00:00 +0200 Oihane Puertas Ramirez https://www.berria.eus/paperekoa/1877/004/001/2022-07-12/asteburuan_lau_salaketa_jarri_dituzte_indarkeria_matxistagatik.htm
Nafarroako Gobernuak ere gaitzetsi du erasoa, Berdintasunerako Institutuaren bidez. «Ez dira kasu bakanak», adierazi dute, eta nabarmendu gizartean emakume eta gizonen artean dagoen desberdinkeriaren «islarik gordinena» direla. PSNk ere «erabateko gaitzespena» adierazi du, eta elkartasuna eskaini die biktimari eta haren senideei.

Erasoaren aurrean, Iruñerriko Mugimendu Feministak elkarretaratzera deitu du gaurko, 17:30ean, Gazteluko plazan. «Herri txistualdia» egingo dute.

Beste emakume batek sexu eraso bat salatu zuen Tolosan. Erasoa argitze aldera, Ertzaintzak ikerketa bat abiatu du, eta, udalak ohar bidez jakinarazi duenez, martxan jarri dute biktimari laguntzeko protokoloa. Baliabide «oro» jarriko dituzte biktimaren esku, eta, laguntza psikologiko eta juridikoa eskaintzeaz gain, haren intimitatea eta borondatea errespetatuko dute. Erasoa gaitzesteko, Tolosako Udalak protestara deitu zuen atzo, 19:00etan, Plaza Zaharrean.

Tolosako erasoaren aurrean, Gipuzkoako Foru Aldundiak «gaitzespenik irmoena» adierazi du: «Gipuzkoan ez dute lekurik emakumeen duintasunaren eta sexu askatasunaren aurkako jokabide matxistek».

Bestalde, atzo goizean, emakume bati eraso egin zioten Baionan, geltoki ondoan. Emakumea zebra bidea zeharkatzen ari zela, gizon bat hurbildu zitzaion, eta hunkituak egin zizkion. Emakumeak berehala jarri zuen salaketa, eta Frantziako Poliziak atzo goizean bertan atxilotu zuen gizona.

Iragan ostiral gauean, gainera, 20 urteko emakume bati eraso egin zioten Biarritzen, eta aurpegian zauritu zuten. Frantziako Poliziak ikerketa bat abiatu du erasoaren nondik norakoak aztertzeko.

Zarautzen, atxilotu bat

Ertzaintzak 28 urteko gizonezko bat atxilotu zuen igandean Zarautzen (Gipuzkoa), emakume batek uztailaren 3an jarritako salaketa baten harira. Emakumeak salatu zuenez, sexu abusuak jasan zituen Zarauzko hondartzan. Ertzaintzak ikerketa bat abiatu zuen, eta igandean atzeman zuten erasotzailea. Atxiloaldian egonik, atzo eguerdian pasatu zen epailearen aitzinetik. ]]>
<![CDATA[Sumisio kimikoaren protokoloa aktibatu dute Iruñean, lau emakumek salaketak jarri ondoren]]> https://www.berria.eus/albisteak/215796/sumisio_kimikoaren_protokoloa_aktibatu_dute_irunean_lau_emakumek_salaketak_jarri_ondoren.htm Mon, 11 Jul 2022 16:43:20 +0200 Oihane Puertas Ramirez https://www.berria.eus/albisteak/215796/sumisio_kimikoaren_protokoloa_aktibatu_dute_irunean_lau_emakumek_salaketak_jarri_ondoren.htm <![CDATA[Europako gizakirik zaharrenaren aurpegiko fosil bat aurkitu dute Atapuercan]]> https://www.berria.eus/albisteak/215695/europako_gizakirik_zaharrenaren_aurpegiko_fosil_bat_aurkitu_dute_atapuercan.htm Fri, 08 Jul 2022 05:07:25 +0200 Oihane Puertas Ramirez https://www.berria.eus/albisteak/215695/europako_gizakirik_zaharrenaren_aurpegiko_fosil_bat_aurkitu_dute_atapuercan.htm <![CDATA[Adituentzat, «kutsakorrena» orain da birusa, baina ez «arriskutsuena» ]]> https://www.berria.eus/paperekoa/1877/004/001/2022-07-07/adituentzat_laquokutsakorrenaraquo_orain_da_birusa_baina_ez_laquoarriskutsuenaraquo.htm Thu, 07 Jul 2022 00:00:00 +0200 Oihane Puertas Ramirez https://www.berria.eus/paperekoa/1877/004/001/2022-07-07/adituentzat_laquokutsakorrenaraquo_orain_da_birusa_baina_ez_laquoarriskutsuenaraquo.htm <![CDATA[Osasun langileak egonkortzeko lege dekretu bat onartu du Madrilek]]> https://www.berria.eus/paperekoa/1879/009/001/2022-07-06/osasun_langileak_egonkortzeko_lege_dekretu_bat_onartu_du_madrilek.htm Wed, 06 Jul 2022 00:00:00 +0200 Oihane Puertas Ramirez https://www.berria.eus/paperekoa/1879/009/001/2022-07-06/osasun_langileak_egonkortzeko_lege_dekretu_bat_onartu_du_madrilek.htm
Carolina Darias Espainiako Gobernuko Osasun ministroak adierazi zuenez, dekretuarekin behin-behinekotasun tasa %8ra jaistea dute helburu, eta 67.300 osasun langile inguru egonkortuko dituzte estatuan.

Horrela, behin-behineko izendapenak desagerrarazi eta aldi baterako langileen bi talde «handi» ezarriko dituzte: bitarteko langileak eta ordezkoak.

Neurri berriek mugak ezartzen dizkiote bitartekoen kontratazioari, eta, horrela, «premia eta urgentziazko arrazoi justifikatuetan» bakarrik kontratatu ahalko dituzte. Horrez gain, bitarteko langileak gehienez hiru urtez kontratatuko dituzte, langile finkoak kontratatzea «ezinezkoa» den kasuetan. Hiru urte horiek igaro ondoren, lanpostu horrekin jarraitu nahi izanez gero, plantillan egiturazko plaza bat sortu beharko dute, langile finko batek bakarrik okupatu baitezake postua. «Behin-behineko plaza horiek ezin dira inola ere egiturazkoak izan», ohartarazi zuen Dariasek.

Ordezko langileak, berriz, oporraldietan, baimenetan, salbuespenetan eta lanpostua gordetzea beharrezkoa den aldi baterako absentzietan kontratatu ahal izango dituzte.

Kogobernantza oinarri

Legeak behin-behinekotasuna kontrolatzeko neurriak ere jasotzen ditu. Ministroak adierazi zuenez, autonomia erkidegoek bete beharko dituzte neurri horiek, eskumenak transferituta daudelako. Hala ere, Dariasek adierazi zuen «ahalik eta kogobernantzarik handiena» izango dutela neurriak ezartzeko.

Legea BOE Estatuko Aldizkari Ofizialean argitaratu eta hurrengo egunean sartuko da indarrean. Hala ere, autonomia erkidegoek lau hilabeteko «epe gehigarria» izango dute neurriak martxan jartzeko, «giza baliabideen informazio sistemetan egin beharreko aldaketak egiteko».

2022ko abenduaren 31 baino lehen argitaratu beharko dituzte deialdi guztiak.]]>
<![CDATA[Suizidioa zaurgarritasunean ]]> https://www.berria.eus/paperekoa/1872/006/001/2022-07-05/suizidioa_zaurgarritasunean.htm Tue, 05 Jul 2022 00:00:00 +0200 Oihane Puertas Ramirez https://www.berria.eus/paperekoa/1872/006/001/2022-07-05/suizidioa_zaurgarritasunean.htm Izena duena: suizidioa EHU Euskal Herriko Unibertsitateko Udako Ikastaroan. Horrekin, arazo hori ikusarazten jarraitzeaz gain, suizidioari aurre egiteko zenbait tresnari buruz aritu nahi izan dute. Agustin Salazar Biziraun elkarteko kide eta lehen mailako arretako mediku jubilatuaren arabera, bere buruaz beste egiteko arriskua «handitu» egiten da adinean aurrera egin ahala, batez ere gizonezkoen kasuan. Beren buruaz beste egiten saiatzen direnen eta hala egitea lortzen dutenen arteko erlazioa kontuan hartuta, adinekoek tasa handiagoa dute beste talde batzuetakoek baino. Izan ere, zahartzaroan beren buruaz beste egiten saiatzen direnen laurdenek lortzen dute. Beste kolektiboetan, ordea, hamabost eta hogei pertsonatik batek lortzen du. «75 urtetik gorakoen suizidio tasa 15 eta 24 urte bitartekoena baino hiru aldiz handiagoa da». Almudevarren arabera, adinekoek metodo «hilgarriagoak» erabiltzen dituzte, eta abisu seinale «gutxiago» ematen dituzte. Horrek «zailagoa» egiten du suizidioaren prebentzioa. Horiek horrela, 60 urtetik gora dituztenen artean, beren buruaz beste egiten duten hamar lagunetik bederatzik lehenengo ahaleginean lortzen dute. Salazarrek azaldu zuenez, suizidioak ez dauka kausa bakarra, baina arrazoietako bat izan daiteke, besteak beste, gaixotasun kronikoren bat pairatzea edo nahi ez den bakardadea jasatea. «Azkenean, osasun falta eta, horrekin batera, independentziarik eza arrisku faktoreak dira biztanleria geriatrikoaren jokabide suizidari buruzko azterlanetan», azaldu zuen Salazarrek. Almudevarren ustez, zahartzaroan suizidioari aurre egiteko modurik «eraginkorrenetakoa» da gazteei alarma seinaleak zeintzuk diren detektatzen irakastea eta horien aurrean zer egin erakustea, baita adinekoekin terapia kognitibo-konduktualak egitea ere. Estigmatizazioaren eragina Nerabeei ere eragiten die suizidioak; izan ere, hori da nerabezaroko lehen heriotza kausetako bat. «Horri gehitzen badiozu estigmatizatutako gutxiengo bateko kide izatea, hortxe daukazu bonba», adierazi zuen Beatriz Sever sexologo eta Naizen elkarteko bozeramaileak. Horrekin batera, azaldu zuen LGTBIko kideak ere zaurgarriak direla suizidioaren aurrean. Severrek zehaztu zuen estatuan ikerketa gutxi egiten direla alor horretan, baina AEB Ameriketako Estatu Batuetako datua eman zuen: «LGTBI kolektiboko kideek suizidio arrisku handiagoa dute, gazteek bereziki, eta are handiagoa transexualek». 28.000 pertsonarekin egindako ikerketa baten arabera, 18 eta 25 urte bitarteko gazte transexualen %42 ahalegindu dira noizbait beren buruaz beste egiten AEBetan: «Datu hori beldurgarria da». Halaber, adierazi zuen, Kanadan egindako ikerketa batean oinarrituta, 14 eta 25 urte bitarteko gazteen %64k «serioski» pentsatu dutela bere buruaz beste egitea aurreko urtean. Adin tarte horretako gazte zisgeneroen artean, berriz, %25ek planteatu zuten. Severren arabera, transexualak direla konturatu eta kontatzera ausartzen ez diren momentua «sufrimendu handiko» etapa bat da haientzat, eta «askotan» hor saiatzen dira beren buruaz beste egiten. Horrez gain, gorputza aldatzen hasten zaien garaiak ere garrantzi eta pisu «handia» dauka nerabe transexualengan, eta sufrimendu psikikoak eragina izaten du garai horretan. Halakoei aurre egiteko orduan eragin «handia» du inguruneak; izan ere, «barneratutako transfobia, bifobia eta homofobiaren eraginez, pertsonak berak pentsa dezake arazo bat daukala». Gaur egungo «testuinguru patriarkatu eta heterosexistan, eredu erreproduktibotik at gelditzen den guztia patologia edo perbertsio baten» gisan sarri hartzen dela nabarmendu du. Horregatik Severren ustez, «ezinbestekoa» da sentsibilizatzea eta gaiaren inguruan trebakuntza ona ematea: «Orokorrean, ezjakintasun handia baitago gai horretan». Inguruaren babesa Horren harira, suizidio kasu «gehienak» eragotz daitezkeela uste dute Naizen elkartekoek, eta uste dute horretan inguruneak lagundu egin behar duela: «Aldaketa bat egon behar da kanpokoen begiradan». Gainera, neurriak hartzen direnean, orokorrean gazteek psikologikoki «hobera» egiten dute. Suizidioari aurre egiteko orduan, gomendatu zuen, besteak beste, sexu heziketan sakontzea, eta horren barruan norberak bere burua ezagutzea eta onartzea, erreferente positiboak izatea eta sentsibilizazio kanpainak egitea. Transfobia, homofobia eta bifobia ikusarazi behar direla esan zuen, transexualitatea despatologizatzera egin behar dela, lege espezifikoak garatzea garrantzitsua dela, eta LGTBI gaiak eskola curriculumean sartzea. ]]> <![CDATA[Erreparazioan «gehiago» sakontzea galdegin dute elkarte memorialistek]]> https://www.berria.eus/paperekoa/1877/006/001/2022-07-02/erreparazioan_gehiago_sakontzea_galdegin_dute_elkarte_memorialistek.htm Sat, 02 Jul 2022 00:00:00 +0200 Oihane Puertas Ramirez https://www.berria.eus/paperekoa/1877/006/001/2022-07-02/erreparazioan_gehiago_sakontzea_galdegin_dute_elkarte_memorialistek.htm
Espainiako Kongresuak uztail erdialdean bozkatuko du Memoria Demokratikoaren Lege proiektua. Zenbait zuzenketa egin dizkiote orain arte, eta, erakunde memorialisten arabera, hobekuntza «garrantzitsu batzuk» jasotzen ditu. Horien adibide dira, esaterako, biktimen errolda, DNA bankua, desjabetutako ondasunen auditoretza, hobien mapak eta Ezkabako gotorlekua (Nafarroa) eta Donostiako La Cumbre jauregia memoria gune bihurtzea. Azkeneko hori da aste honetan EH Bilduk eta Espainiako Gobernuak hitzartu dituzten zuzenketetako bat: «sinbolismo eta esanahi historiko handiko bi lorpen dira euskal herritarrentzat, eta aurrerapausoa dira memoria partekatua aitortu eta eraikitzeko bidean; are gehiago, bat datoz elkarte memorialistek urteetan eginiko aldarrikapenekin», adierazi du Mertxe Aizpurua indar subiranistako bozeramaileak.

Hobekuntza batzuk egon arren, ordea, proiektuak oraindik baditu erakundeei «kezkak» eta «zalantzak» sortu dizkien hainbat alderdi: «Kezkaz ikusten dugu aterako den proiektuak duela 45 urtetik daramagun frankismoaren krimenekiko zigorgabetasun erregimena osatzen duten funtsezko zutabeetan finkatzen jarraituko ote duen».

Adierazi dutenez, hutsuneak nabaritu dituzte egiari, justiziari eta erreparazioari dagozkien zenbait gaitan, eta, horren kontra egiteko, Nazio Batuen Erakundeek, Giza Eskubideen Batzordeek, kontalariek eta mugimendu memorialistek egiten dituzten eskakizun «guztiekin» bat egiteko exijitu diote Espainiako Gobernuari. Erakunde memorialisten arabera, egiaren aitortza «partziala eta interesatua» da gaur egungo lege proiektuan; izan ere, biktimarioak «ikusezin» egiten eta «babesten» jarraitzen du, eta 1968ko Sekretu Ofizialen Lege «frankista» oraindik ere indarrean dago. Gaineratu dute lege horren barruan kokatzen dela izapidetu gabe dagoen Ume Lapurtuen Lege proiektua. Horiek horrela, erakundeentzat «oso zalantzazkoak» dira frankismoan jasandako eskubideen urraketak «ez berritzeko bermeak».

Hutsuneak justizian

Justiziaren alorrean ikusten dituzte erakundeek hutsunerik «handienak», besteak beste, auzitegietako ateak «ixten» dizkietelako biktimek planteatutako eskakizunei. Horrekin batera, salatu dute 1977ko Amnistiaren Legea ez dela indargabetuko, ezta horren 2. artikuluko E eta F puntuak ere. Gogorarazi dute «aspaldidanik» ari direla hori eskatzen, eta legea indargabetu ezean «gai horri buruzko nazioarteko zuzenbidea ez dela aitortua izango, ezta Nazio Batuetako Kontalari Bereziek horri buruz egindako erreklamazioak aintzat hartuko ere».

Amnistiaren Legea aldatzearen alde ere agertu da asteon EH Bildu, eta zuzenketetan xedapen gehigarri bat proposatu du, hiru hilabeteko epean legearen 2. artikuluko E eta F puntuak indargabetzeko asmoz, puntu horiek «biktimarioak blindatzen» dituztelakoan.

Erreparazioari dagokionez, erakunde memorialistek azaldu dute kasu «askotan» erreparazioa ez dela integrala «inondik ere», eta «mediatiko-administratiboa» baino ez dela izaten, besteak beste, jasandako ondare espoliazioak itzultzeko eta eragindako kalteak «justuki» konpentsatzeko eta ordaintzeko aukerak «ixten» dizkietelako.

Horiek horrela, gaur egungo lege proiektuak biktimak «diskriminatzen» dituela ohartarazi dute erakundeek, eta giza eskubideen urraketa guztiak «berdin» tratatu behar direla aldarrikatu.]]>