<![CDATA[Urtzi Urkizu | Berria.eus]]> https://www.berria.eus Bere azken artikuluak eu Wed, 27 Oct 2021 16:07:09 +0200 hourly 1 <![CDATA[Urtzi Urkizu | Berria.eus]]> https://www.berria.eus/irudiak/berriaB.png https://www.berria.eus <![CDATA[Ene Kantak taldekoek marrazki berriak eskatu dituzte ETBrako]]> https://www.berria.eus/paperekoa/1862/028/002/2021-10-27/ene_kantak_taldekoek_marrazki_berriak_eskatu_dituzte_etbrako.htm Wed, 27 Oct 2021 00:00:00 +0200 Urtzi Urkizu https://www.berria.eus/paperekoa/1862/028/002/2021-10-27/ene_kantak_taldekoek_marrazki_berriak_eskatu_dituzte_etbrako.htm 3 Ene Kantak saioa egiten du -ETB1 katean ere ematen hasi dira, 08:00etan-, eta Pantailak Euskaraz egitasmoari atxikimendua emateko bideoan, ez da epelkerian geratu. Marrazki bizidun berriak eskatu dizkio telebistari.

Babesa emateko bideoan, Satorjator pertsonaiak hartzen du hitza: «Baina Urbi, zergatik ikusten dugu beti berdina? Eta marrazki bizidun hauek zaharrak dira». Urbik erantzuna: «Zaharkituta daude; ni txikia nintzenean ikusten nituenetakoak, ezta? Berriak behar ditugu». Beste eduki batzuk euskaraz behar direla aldarrikatu dute Ene Kantak taldekoek; horregatik eman behar zaiola «play euskarari», eta horregatik egin dutela bat Pantailak Euskaraz egitasmoarekin.

Maddalen Arzallus bertsolari eta ETB1eko Biba zuek! saioko aurkezleak -programak %7,3ko ikusle kuota lortu zuen aurreko ostiralean- ere babesa adierazi dio Pantailak Euskaraz-i. Hala dio Arzallusek, taldearen elastikoa jantzita: «Sare sozialetan, telebistan, Interneten eta ahal den toki guztietan, ni ere Pantailak Euskaraz ekimenaren alde».

Euskal kulturan erreferenteak diren pertsonaia ugarik eman diote babesa Pantailak Euskaraz taldeari azkeneko asteetan. Alex Aginagalde Pantailak Euskaraz-eko bozeramailea eskertuta mintzatu da: «Gure mugimenduarentzat bultzada handia izaten ari da euskal kultur ekosistemako pertsonaia erreferenteen aldetik jasotzen ari garen babesa. Atea jo diegun telebista, antzerki, bertsolaritza, kultura... arloko profesional ia guztiek laguntzeko prestutasuna agertu dute».

Pertsonaia horien artean dago, adibidez, Itziar Ituño aktorea. «Izugarria izan zen Donostiako Zinemaldian Ilargi guztiak filmaren aurkezpenera Itziar Ituño gure elastikoarekin agertzea», aipatu du Aginagaldek.

Telebistako ikus-entzuleentzat ezagunak diren beste pertsona batzuek ere grabatu dute bideoa Pantailak Euskaraz-en alde: Xabier Euzkitzek, Anabel Arraizak, Maitena Salinasek, Sara Cozarrek, Gaizka Arangurenek... Hau ohartarazi du Arangurenek bere mezuan: «Euskara erdigunean jartzen ez badugu, nekez izanen dugu euskaldun izateko aukera etorkizunean. Jar ditzagun pantailak gure zereginen erdigunean, eta jar dezagun euskara pantailen erdigunean».

Pantailak Euskaraz mugimendua ekainaren 8an sortu zuten talde hauek: Netflix Euskaraz, Disney Plus Euskaraz, Tinko euskara elkartea eta Bieuse bikoiztaile euskaldunen elkartea. Game Erauntsia batu zaie gero. «Euskalgintzarekin lotura duen sare oso bat osatu dugu», esan du berriki Oarso Bidasoko Hitza-n Xabier Alkiza ordezkariak. «Herri egitasmoa da Pantailak Euskaraz, sektorearen eta euskararen erabileraren ikuspegitik sortutakoa».]]>
<![CDATA[Hamaikaren 'Kolpez kolpe' saioko taldeak 'KZKnews' ere egingo du]]> https://www.berria.eus/paperekoa/1857/028/001/2021-10-27/hamaikaren_kolpez_kolpe_saioko_taldeak_kzknews_ere_egingo_du.htm Wed, 27 Oct 2021 00:00:00 +0200 Urtzi Urkizu https://www.berria.eus/paperekoa/1857/028/001/2021-10-27/hamaikaren_kolpez_kolpe_saioko_taldeak_kzknews_ere_egingo_du.htm Kolpez kolpe saioak denboraldi berria hasiko du gaur, 22:30ean. Ekhiñe Atorrasagasti saioko zuzendariak zera iragarri du: «Egunerokora egingo du jauzi programak». Izan ere, Kolpez kolpe asteazkenetan eta larunbatetan emango dute -Maite Larburu elkarrizketatuko dute gaur-; aurki, astelehenetan, asteartetan eta ostegunetan, lantalde berak KZKnews egingo du, «albistegi azidoa». Atorrasagastik gidatuko du albistegi hori, eta analisian arituko diren emakume kazetariak izango ditu lagun. Interneteko sare sozialetan ere zuzenean emango dute saio hori.

Naroa Iturrik asteazken gauetako Kolpez kolpe aurkezten jarraituko du. KZK delux izenarekin bataiatu dute, eta solaskideen artean izango dira Tessa Andonegi, Miren Legorburu eta Atorrasagasti bera. Kolaboratzaileen artean egongo da Ibai Fresnedo ere.

Atorrasagastiren arabera, Kolpez kolpe-k «emakumeen ikuspegi politiko ez zuzena» ekarriko du Hamaikara egunero.]]>
<![CDATA[HBO Max gaurtik martxan da Hego Euskal Herrian, eduki berriekin]]> https://www.berria.eus/paperekoa/1862/036/001/2021-10-26/hbo_max_gaurtik_martxan_da_hego_euskal_herrian_eduki_berriekin.htm Tue, 26 Oct 2021 00:00:00 +0200 Urtzi Urkizu https://www.berria.eus/paperekoa/1862/036/001/2021-10-26/hbo_max_gaurtik_martxan_da_hego_euskal_herrian_eduki_berriekin.htm streaming plataforma. Hamasei hilabete geroago, Europara iritsi da: gaurtik martxan dago Hego Euskal Herrian, Herrialde Katalanetan, Andorran, Galizian, Espainian, Suedian, Danimarkan, Norvegian eta Finlandian. Europako beste herrialde batzuetara zabalduko dute datozen hilabeteetan. Ez dago argi noiz iritsiko den Lapurdira, Nafarroa Beherera eta Zuberoara.

Hego Euskal Herrian aurretik HBOko harpidetza zutenek ez dute ezer egin beharko, eta automatikoki eskura izango dute HBO Maxeko katalogoa; HBO, Max Originals, Warner Bros, DC eta Cartoon Networkeko edukiak ikus daitezke hartan. Christina Sulebakkek, konpainiak Europan, Afrikan eta Ekialde Hurbilean duen zuzendariak, adierazi du «familia osoarentzako edukiak» streaming plataforma berean bildu nahi dituztela.

Urriaren 21ean, 69,4 milioi harpidedun zituen plataformak. Beste herrialde batzuetara zabalduta, kopuru horrek gora egitea espero dute. Joana Silva HBO Europako erosketen arduradunak esan du «besteen» produktuak bereganatzen jarraituko dutela —The Handmaid's Tale, kasurako —. «Katalogoaren eskaintzan, generoen aniztasuna eta dibertsifikazioa handitu egingo dira, baina kalitatea ez da txikiagotuko».

HBOk ez bezala, HBO Maxek aplikazioa izango du Internetera konektatutako telebistetarako.

Astiberriren '¡García!'

HBO Maxek gaur bertan estreinatuko ditu zenbait eduki: tartean, Todo lo otro, Abril Zamorak sortu, idatzi, zuzendu eta antzeztutako telesaila. 30 urte inguru dituztenen belaunaldia erretratatu du Zamorak 30 minutuko zortzi ataletan, errealitatea eta fikzioa nahastuz. Benetako istorio bat kontatzen du, bestetik, Dolores: La verdad sobre el caso Wanninkhof dokumental saioak. Hori ere gaur estreinatuko dute.

Madrilen ekoitziko dituzten beste ekoizpen batzuen berri eman du HBO Maxek: adibidez, Bilboko Astiberri argitaletxearen ¡García! eleberri grafikoan oinarrituta, telesail bat sortuko dute Sara Antuñak eta Carlos de Pandok. Ikerketa kazetari gazte batek topo egingo du 1950eko hamarkadan Franco diktadorearen zerbitzu sekretuek prestatua zuten konspirazio politiko batekin. Hori da Zeta Studios ekoiztetxearen telesailaren abiapuntua.

Bestetik, Joaquin Reyesek, Ernesto Sevillak eta Miguel Estebanek Pobre diablo helduentzako animaziozko saioa egingo dute HBO Maxentzat.

Proiektuen artean, ez dute aipatu katalanezko, euskarazko edo galegozkorik. Plataforma per la Llenguak salatu du HBO Maxeko edukietan 400ek baino gehiagok dutela katalanezko bertsioa, baina ordainpeko zerbitzuak ez dituela jarriko katalogoan. Vitals dokumental saioa baino ez dago plataforman katalanez.]]>
<![CDATA[EITBren administrazio kontseiluak ez du aurrekontua onartu]]> https://www.berria.eus/paperekoa/1955/036/003/2021-10-26/eitbren_administrazio_kontseiluak_ez_du_aurrekontua_onartu.htm Tue, 26 Oct 2021 00:00:00 +0200 Urtzi Urkizu https://www.berria.eus/paperekoa/1955/036/003/2021-10-26/eitbren_administrazio_kontseiluak_ez_du_aurrekontua_onartu.htm
EH Bildu koalizioa izan da ezezko botoa eman duen eragileetako bat. EITBko zuzendaritza berriaren norabidearekin «oso kezkatuta» dagoela adierazi du EH Bilduk: «Politizaziotik ihes egiteko mezua zabaldu duen arren, agerikoa da EITBren zuzendaritzako postu esanguratsuetan Sabin Etxearekin harreman zuzen-zuzenean dauden pertsonak daudela. Joera hori areagotu egin da», kritikatu du koalizioak. «Nabarmena da EITBk Eusko Jaurlaritzan dauden bi alderdi politikoekin lerratzeko daukan joera gero eta handiagoa».

EITBko hedabideek egiten duten trataera informatiboarekin ere kritiko mintzatu da EH Bildu: «Euskararen eta Euskal Herriaren presentziarekin eta tratamenduarekin arduratuta dago koalizioa, eta hala azaldu du administrazio kontseiluko bileran».

2021eko aurrekontua 142 milioi eurokoa izan da.]]>
<![CDATA[Klima larrialdiaren gaineko kanpaina bat abiarazi du EITBk]]> https://www.berria.eus/paperekoa/1949/044/001/2021-10-24/klima_larrialdiaren_gaineko_kanpaina_bat_abiarazi_du_eitbk.htm Sun, 24 Oct 2021 00:00:00 +0200 Urtzi Urkizu https://www.berria.eus/paperekoa/1949/044/001/2021-10-24/klima_larrialdiaren_gaineko_kanpaina_bat_abiarazi_du_eitbk.htm #Ekin_klima. Kontzientziazio kanpaina bat izango da, eta, horrekin batera, askotariko emankizunak prestatuko dituzte taldearen hedabide guztietan.

Gaur hasiko dute programazio berezia, klima aldaketaren kontrako munduarekin bat eginez. ETB1ek Lotsa dokumentala estreinatuko du, 15:00etan; Garazi Sanchez surflariak herritarren bizimoduak ingurumenean duen eraginari buruz jarduten du bertan, eta kontzientzia handiagoa hartzeko deia egiten du. Egun berean, ETB2k Itsaso basatitik lana emango du, gizakiaren eta naturaren arteko talka konplexuan murgiltzen den ikus-entzunezkoa. ETB3, berriz, Planetaren defendatzaileak ematen hasiko da, gazteentzako sei ataleko saioa —gaur atal guztiak emango dituzte, eta bihartik aurrera egunero atalez atal ere ikusi ahalko da—.

Hilaren 29an, ETB2k Bihar: Elegir el mañana film laburra estreinatuko du. Iraunkortasunean oinarritutako jarrerak hartzearen garrantziaz hausnartzeko deia egiten die herritarrei.

Azaroaren 12ra bitartean, makina bat dokumental emango ditu ETBk klima larrialdiarekin lotutakoak: Demain (Bihar); Drowning in Plastic (Plastikotan itotzen); Arriskuak dauden hiriak dokumental saioko zenbait atal (Venezia, Amsterdam eta New Yorki buruzkoak)...

ETB2k Natura bizia dokumental saioa emango du datozen asteetan —ETB1ek udan eman zuen—. Gaztelaniazko katean, halaber, El cambio saioa estreinatuko dute hilaren 27an; Angels Barcelo kazetariaren eskutik, klima aldaketak eguneroko bizitzaren alorretan nola eragin dezakeen aztertuko dute, baita hartu beharreko neurriak zein izan behar duten.

Hodei Arrausi, Glasgowra

Euskadi Irratiak, Radio Euskadik eta Radio Vitoriak, berriz, informazio tarte laburrak emango dituzte gaurtik aurrera, klima aldaketari aurre egiteko jarraibide eta ekintzen inguruan.

Glasgowko goi bilerari begira, EITBko hedabideek arreta berezia jarriko dute. Hodei Arrausi kazetaria, 0 isurketa lelopean, bizikletan joango da Glasgowra: hilaren 30ean abiatuko da Bilboko egoitzatik, eta azaroaren 10ean iritsiko da Eskoziako hirira. Bidaiaren nondik norakoak mapa baten bitartez jarraitu ahalko dira, eta Arrausik eguneroko kronikak egingo ditu ETBn eta irratietan.

Euskadi Irratiak Faktoria berezia egingo du goi bileraz azaroaren 12an. Gaiarekin lotutako edukiak ere landuko dituzte Ekosfera eta Norteko ferrokarrila irratsaioetan.

Azaroaren 10ean, Urdaibaitik (Bizkaia) egingo dituzte ETBko albistegiak.]]>
<![CDATA[Euskara eta kultura xede]]> https://www.berria.eus/paperekoa/1859/027/001/2021-10-23/euskara_eta_kultura_xede.htm Sat, 23 Oct 2021 00:00:00 +0200 Urtzi Urkizu https://www.berria.eus/paperekoa/1859/027/001/2021-10-23/euskara_eta_kultura_xede.htm
Orain, talde publikoa Nire EITB izeneko proiektuan ari da lanean. Horren bitartez, herritarrak erregistratu ahalko dira, izena emanda, eta behin erregistratzea nahikoa izango da komunitate digital horretakoa izateko.

Aldekoaren arabera, EITBrentzat garrantzitsua da jasangarritasun ekonomikoa. Baita egokitzapen teknologikoa, profesionaltasuna eta kalitatea ere, eta hurbiltasuna eta informazioa.

Europako ingurune mediatikoaren berri izateko, zenbait datu bildu ditu talde publikoak. Ikerketa asko eskatu dituzte, halaber, sektorearen egoera hobeto ezagutzeko. Dilema nagusia detektatzea funtsezkoa da, Aldekoaren aburuz. «Desafioa» honako hau dela uste du: «Digitalizazioaren eta globalizazioaren aroan eta Europako esparruaren barruan, zer esan nahi du herri txiki bateko ikus-entzunezko talde publiko izateak, berezko kultura eta hizkuntza gutxitua zaintzeko helburua edukita?». EITB taldearen nortasunak hauei erantzun behar die: «Euskara, kultura, Euskal frame-a eta zerbitzu publikoa».

Ildo nagusiak finkatuta, ekintza planari ekingo dio EITBk datozen urteetan. Lehentasunen artean, zuzendari nagusiak aipatu zuen konpromiso soziala dagoela. «EITBk euskal ikus-entzunezko talde erreferente moduan duen posizio soziala indartzea». Etorkizuneko telebista izateko asmoz, «frankiziak finkatu eta komunitate digitalak sortuko dituen estrategia digitala sustatzea» dira xede batzuk. Etorkizuneko irratiari dagokionez, irratia «digitalizatzea» eta EITBren «proiektu krosmediak» sustatzea daude asmoen artean.

Primeran plataforma

Maiatzaren 19an, Aldekoak Eusko Legebiltzarrean iragarri zuen «euskal Netflix bat» sortzeko asmoa duela EITBk. Primeran izena jarriko diote plataforma horri. Aldekoaren arabera, EITBko edukiak izango dira garrantzitsuenak plataforma berrian, «baina beste eduki batzuk ere egongo dira. Euskal Herriko ekoizpenentzat eta jaialdientzat leiho bat izatea nahiko genuke. Bideragarria izatea nahiko genuke, baita gazteentzat erakargarria ere». Eszenaren munduko edukiak etorkizunean sartzeko aukera aipatu zuen Aldekoak: «Kontzertuak; adibidez, Euskadiko Orkestrarenak».

Hedabide gisa, EITBren informazioarekiko konpromisoa indartzea da lehentasunetako bat. «Informazio digitalean eta media berrietan liderra izatea» ere bai. Aldekoak azaldu zuen «EITB agenda-ren» alde egingo dutela, «talde moduan indartzeko».

Kirolean erreferenteak izatea da beste jomuga bat. Zuzendari nagusiaren ustez, teknologia berriek aurrerapauso berriak emango dituzte kirol emankizunetan.

Aldekoak garrantzia ematen dio euskal ikus-entzunezko ekosistemarekin aliantzak egiteari ere. «Berrikuntza eta sormena indartuko dira Euskadiko ikus-entzunezko ekoizpenean». Horretarako, EITB Miramon Faktoria proiektua jarriko dute martxan Donostiako egoitzan. Miramongo egoitzako zuzendaria Maite Iturbe da EITBko zuzendari nagusia izan zen 2013tik 2020ra; taldean ari da 1984tik-.

Kudeaketa teknologiko berria behar dutela uste du Aldekoak. Halaber, EITBren egoitzak modernizatzeko plan bat izango dute.

«Bidea» hasteko proiektuen artean, Primeran plataforma eta EITB Miramon Faktoriaz gain, edukien politika berria egongo da -fikzioa sortzea eta bikoiztea, eta euskarazko produkzioen eskubideak babestea-.

Aliantzen eta nazioartekotzearen bideari ere ekingo diotela iragarri zuen Aldekoak. Zeregin horretan eta plataformekin izango dituzten harremanak lantzeko, Izaskun Ozerin iritsiko da BBCtik. Azaroan hasiko da lanean ETBn.

Aldekoak egitasmoa ekarpenei zabalik izango du epe batez, behin betiko testua oraindik ez baitago onartuta.]]>
<![CDATA[EITBren 'streaming' plataformari 'Primeran' izena jarriko diote]]> https://www.berria.eus/albisteak/204913/eitbren_streaming_plataformari_primeran_izena_jarriko_diote.htm Fri, 22 Oct 2021 17:02:49 +0200 Urtzi Urkizu https://www.berria.eus/albisteak/204913/eitbren_streaming_plataformari_primeran_izena_jarriko_diote.htm Maiatzaren 19an, Aldekoak Eusko Legebiltzarrean iragarri zuen «euskal Netflix» bat sortzeko asmoa duela EITBk. Primeran izena jarriko diote plataforma horri. Aldekoaren arabera, EITBko edukiak izango dira garrantzitsuenak plataforma horretan. «Baina beste eduki batzuk ere egongo dira. Euskal Herriko produkzioentzat eta jaialdientzat leiho bat izatea nahiko genuke. Bideragarria izatea nahiko genuke, baita gazteentzat erakargarria ere». Eszenaren munduko edukiak etorkizunean sartzeko aukera aipatu du Aldekoak: «kontzertuak eta bestelakoak». Hedabide gisa, informazioarekiko EITBren konpromisoa indartzea da lehentasunetako bat. «Informazio digitalean eta hedabide berrietan liderra izatea» ere bai. Aldekoak azaldu du «EITB agendaren» alde egingo dutela, «talde moduan indartzeko».
Kirolean erreferenteak izatea da beste jomuga bat. Zuzendari nagusiaren ustez, teknologia berriek aurrerapauso berriak emango dituzte kirol emankizunetan. Aldekoak garrantzia eman dio euskal ikus-entzunezko ekosistemarekin aliantzak egiteari ere. «Berrikuntza eta sormena indartuko dira Euskadiko ikus-entzunezko ekoizpenean». Horretarako, EITB Miramon Faktoria proiektua jarriko dute martxan Donostiako egoitzan. Miramongo egoitzako zuzendaria Maite Iturbe da –EITBko zuzendari nagusia izan zen 2013tik 2020ra, eta taldean ari da lanean 1984tik-. Kudeaketa teknologiko berria behar dutela uste du Aldekoak. Halaber, EITBren egoitzak modernizatzeko plan bat izango dute.
«Bidea» hasteko proiektuen artean, Primeran plataformaz eta EITB Miramon Faktoriaz gain, edukien politika berrian egongo da fikzioa lortzea eta bikoiztea, eta euskarazko produkzioen eskubideak babestea. Nafarroako egoitza zabaltzen ari dira, eta herrialde horretako audientziak hobetu nahi ditu taldeak. Aliantzen eta nazioartekotzearen bideari ere ekingo diotela iragarri du Aldekoak. Zeregin horretan, eta plataforma teknologikoekin izango dituzten harremanak lantzeko, Izaskun Ozerin iritsiko da ETBra BBCtik. Azaroaren lehen hastean hasiko da EITBn lanean. Aldekoak ekarpenak jasotzeko prest izango du epe batez egitasmoa, oraindik ez baitago behin betiko onartua. Hemendik aste batzuetara egingo dute publiko dokumentua.]]>
<![CDATA[«Kritika egingo dugu, tokikotik globalera»]]> https://www.berria.eus/paperekoa/1857/028/001/2021-10-22/kritika_egingo_dugu_tokikotik_globalera.htm Fri, 22 Oct 2021 00:00:00 +0200 Urtzi Urkizu https://www.berria.eus/paperekoa/1857/028/001/2021-10-22/kritika_egingo_dugu_tokikotik_globalera.htm Zikings egitasmoan Aiert Goenaga (Ondarroa, Bizkaia, 1981) eta Asier Rivera (Ondarroa, Bizkaia, 1996). Ziber Lehendakari estreinatu zuten iaz.

Nola bururatu zaizue Legoko panpinekin animaziozko websail bat sortzea?

AIERT GOENAGA: Hasierako ideia haragizko pertsonaiekin websail bat egitea zen. Baina ikusi genuen modu amateur batean jende askoren agendak bat egitea ezinezkoa zela. Asier Rivera eta biok gogoz gelditu ginen zerbait egiteko, eta panpinekin egiteko ideia piztu zen. Orduan ikusi genuen bi pertsonen agendak zirela bat egin beharrekoak. Horretan gabiltza.

Nolakoa izaten ari da lanketa teknikoa?

ASIER RIVERA: Lehenbiziko urratsa Reservoir dogs filmeko hasierako eszena originala aztertzea izan zen. Gero, material originala gure formatu, eskala eta baliabide materialetara egokitu behar izan genuen. Argazki zuzendari gisa, nire funtzio nagusia planoetan ikusten diren irudiak eraikitzea izan da, konposizioan, argiztapenean, optikan eta perspektibaren erabileran zentratuz. Gainera, editore gisa, filmaturiko planoak kudeatu, eraldatu eta gidoiaren ardatzari jarraituz pertsonaien ahotsak irudiekin sinkronizatzea izan da nire lana, narrazio koherente bat lortzeko helburuarekin.

Modu berean egin zenuten Ziber Lehendakari, ezta?

GOENAGA: Bai, teknikarekin esperimentatuz joateko saiakera bat izan zen. Zikings-eko mikro kosmoserako sortu genuen pertsonaia bat izan zen. Umore eta satira aldetik, antza handia dute bi websailek.

Stop motion teknika erabili duzue. Zer abantaila ditu?

RIVERA: Stop motion teknikak denborarekin jolasteko aukera ematen digu. Segundo batean erreproduzitzen diren irudiak lortzeko, haien artean denbora hutsune bat uzten da, eta horrek eszenan jokatzeko aukera ematen du: izan ere, objektu inerteei mugimendua eman ahal zaie. Stop motion teknika argazki asko atera eta horiek elkarren atzetik abiadura handian erreproduzituz mugimenduaren ilusioa sortzean datza. Argazkitik argazkira egileak kamera aurrean dagoena aldatzeko ahalmena du. Hori egitean, errealitatean berez modu naturalean gertatzen ez den egia itxurako ilusio bat sortzen da; gure kasuan, plastikozko figura batzuek hitz egin eta mugitzeko gaitasuna izatea zen xedea.

Umore oso zirikatzailea du lehen atalak. Zerbait probokatu nahian zabiltzate?

GOENAGA: Ez da probokazio bat, kritika bat baizik. Tokikotik hasi eta globalera egingo dugu kritika, baita pertsonaletik kolektibora ere.

Gaztea irratia ere kritikatu duzue lehen atalean. Euskal Herriko komunikabide gehiago kritikatuko al dituzue?

GOENAGA: Gaztearena suertatu da musikaren eta kulturaren inguruko hausnarketa baten erdian. Baina helburu jakina ez da hedabideak propio kritikatzea.

Quentin Tarantinoren Reservoir dogs baliatzea egokia da abiapuntu gisa?

GOENAGA: Omenaldi txiki bat da; Tarantinoren oso zaleak gara. Istorioaren pertsonaiak aurkezteko formula ederra da Reservoir dogs-en hasierako mahai bueltakoa. Ikusleek esan beharko dute Tarantino ondarroeraz nola gelditzen den.

Pozik zaudete websaila Seriesland jaialdian aurkezteko aukera izan duzuelako?

RIVERA: Bai, kontuan izan proiektua 0 eurorekin eta nahiko modu prekarioan garatzen ari garela. Horrenbestez, Seriesland bezalako plaza batean egotea sari bat da guretzat, eta espero ez genuen publiko batera iritsi gara.

Estreinaldiaren ostean, zein izango dira hurrengo pausoak?

GOENAGA: Nahiko genuke proiektua monetizatu. Zikings izango da websail bat, film bat eta izango dira film laburrak. Hiru denboraldiko websaila egiteko asmoa dugu. Bost ataleko lehen kolpea abenduan aterako dugu.

Politikoki zuzenak ez diren fikzio gutxi egiten dira euskaraz. Zein da arrazoia Zikings-en tankerako fikzio gehiago ez egoteko?

GOENAGA: Proiektuek baliabide minimo batzuk eskatzen dituzte, eta ate joka hastean beste batzuk izaten dira mugak jartzen dituztenak. Faltan botatzen dira politikoki zuzenak ez diren lanak, eta Zikings-ek hutsune hori bete nahi du. Tarantinoren estiloko karga dialektikorik ez dago euskarazko ikus-entzunezkoetan.]]>
<![CDATA[Sasoiko jakia, txipiroia]]> https://www.berria.eus/paperekoa/1928/038/001/2021-10-20/sasoiko_jakia_txipiroia.htm Wed, 20 Oct 2021 00:00:00 +0200 Urtzi Urkizu https://www.berria.eus/paperekoa/1928/038/001/2021-10-20/sasoiko_jakia_txipiroia.htm Squid Game (Txipiroiaren jokoa) telesailarena, odol gorrikoa. Bortizkeria fisiko eta psikologiko handiko fikzioa da, udazken honetako fenomenoa. Ahoz aho dabil telesaila. Squid Game ehun herrialdetan iritsi da lehen tokira. Eta Netflixek esan du plataforman inoiz ikusle gehien izan dituen telesaila izan dela lehen 28 egunetan: 111 milioi.

Zalantzan jar daiteke datu hori, baina fenomenoa islatzen ari da eremu askotan: mozorro dendetan, Arimen Gauerako gehien saldutako jantziak dira telesail horretakoak; Vans oinetakoen salmentak %7.800 handitu dira; arropa marka entzutetsuak telesaileko protagonisten kirol jantziak erruz ari dira saltzen; egunotan zabaldu da telesailak 767 milioi euroko eragin ekonomikoa izan duela -kostua 18 milioikoa izan zen-; eta aktore protagonistak ospetsu egin dira sare sozialetan: HoYeon Jung aktore eta modeloak 400.000 jarraitzaile zituen irailean, eta 21,5 milioi ditu orain. Kritikak ere izan dira: itzultzaile elkarteek salatu dute gaztelaniazko azpidatziak enpresa bitartekari batek egin dituela, makina batekin, automatikoki.

Nagore Ares Bigarren Hezkuntzako irakasle eta kultur kazetaria da, eta Koreako telesailen zale eta aditua: 2017an, master bukaerako lana gai horri buruz egin zuen. Argi zuen Koreako telesailen bat fenomeno bilakatuko zela. «Netflixek eman dion ikusgarritasunak areagotu egin du fenomenoa. Eta hori gaur egun gertatu da, sorkuntza zentroen deslokalizazioa dagoelako, eta gero eta ohituago gaudelako AEBetakoak ez diren fikzioak kontsumitzera; Turkiako folletoiak, kasurako». Fikzioaren istorioa honako hau da: zorpetuta dauden 456 herritar bizirik irauteko lehiaketa batera eramango dituzte; joko bakoitzean, hil egiten dituzte proba gainditzen ez dutenak, eta diruaren zakua handituz joaten da.

Irudiaren deskribapena


Aresi iruditzen zaio sortzen diren «kontraste handietan» dagoela telesailaren arrakastaren gakoetako bat: «Gizarte arazo garrantzitsuak sartu dituzte: klase desberdintasunak eta herritarren zorpetzea». Funtsezkoa da telesailak erabiltzen duen estetika ere. Hala uste du Paula Garcia Arenzana haurren psikologo eta telesailen zaleak: «Estetikarekin oso ondo jolasten dute fikzioaren sortzaileek: badakite estetikarekin nola iritsi publikoarengana». La casa de papel telesailarekin alderatu du (orain arte, hori zen ingelesez besteko telesailetan gehien ikusia Netflixen): «La casa de papel-en atalek sekulako erritmoa dute, eta estetika erraz antzematen da. Horrekin asmatu egin dute bi telesailek».

Koreako ikus-entzunezkoen gorakada dagokion testuinguruan jarri du Aresek: «Bigarren Mundu Gerra amaitu ostean, Korea herrialde azpigaratua zen. Gero, Koreako Gerra egon zen. Hego Korean herrialdea industrializatu zuten, lehen sektoreko jendea hirietara joan zen , eta hiriak asko handitu ziren: ekonomia garatu zen, langileak esplotatuz. Baina 1970eko hamarkadan, ikusi zuten industriarekin ez zela aski izango. Estetika eta estetikaren inguruko adar guztiei ekin zieten». 1990eko hamarkadan hasi ziren esportatzen telesailak, Asiako ekialde osoan; egun, Latinoamerikako telebistetan ere ematen dituzte sarri. «Korean kontsumoak eta irudiak garrantzi handia dute, estatus erakusle gisa. Horrek dakarren dirutza ez dago denen esku, eta zorpetze mailak nahiko handiak dira. Koreako telesail gehienek horri aipamen egiten diote, modu batean edo bestean».

Datozen asteetan, fenomenoa ez dela txikiagotuko aipatu du Aresek. «Koreako beste fikzio batzuk Netflixeko lehen tokietara heldu dira». Eta azaroaren 19an, Hellbound iritsiko da. «Interes handia piztuko du Koreako telesail horrek ere».

«Ez da haurrentzat egokia»

Squid Game-ren fenomenoa Euskal Herrian ere nabari da, adin desberdinetako herritarren artean hizpide da. Zenbait eskolatan, bestalde, ohar bat bidali diete gurasoei, haurrek telesaila ez ikusteko eskatuz -16 urtetik gorakoentzat gomendatzen du Netflixek-; Irungo (Gipuzkoa) Belaskoenea ikastetxean eta Bilboko Berrio-Otxoan, adibidez. Ikusi baitute jolas orduetan haurrak telesaileko jokoen bortizkeria ari direla antzezten.

Garcia Arenzana psikologoak ohartarazi du: «Telesail hori haur txikientzat desegokia da. Ikusten badute, arazorik handiena da amesgaiztoak izan ditzaketela; ez dute indarkeria erabiliko halakoak ikusteagatik. Edonola ere, haurrak ez daude prest horrelako eduki bat ikusteko». 6, 7, 8 edo 9 urteko haurrei buruz ari da. «Halakoei telesailak ez die onik egingo». Nerabeen artean, aldiz, psikologoak uste du 14-15 urterekin zenbaitek ikus dezaketela haiengan eraginik izan gabe. «Neska-mutiko bakoitzaren araberakoa izan daiteke, duten heldutasunaren araberakoa».

Pili Anunzibai Irungo Belaskoenea ikastetxeko zuzendaria da. Azaldu du lehen hezkuntzako ikasleen gurasoei bidali dietela oharra. «Gurasoei esan diegu haurrak telesailean agertzen diren jokoetara ari direla jolasten, eduki horretako indarkeriarekin. Haien adinerako telesaila ez dela batere ona ohartarazi diegu, ezin dutela ondo asimilatu. Haien garapenean eragin kaltegarria izan dezake: beldurrak, indarkeriarako joera, eta ez bereiztea zer den errealitatea eta zer fikzioa». Eskolak eta gurasoek adi egon behar dutela iruditzen zaio Anunzibairi. «Gurasoek mugak jarri behar dizkiete seme-alabei». Haur askok dute sakelako telefonoa, eta badira Squid Game-ko atalak telefonoan ikusten aritzen direnak.

Etxebizitza bat, hutsik
Netflix

Arenzanak aitortzen du «erabateko debekuak» zenbait adinetan ez direla onak. «Haurrek adin batean ez dute ulertzen fikzioaren atzean fantasia bat dagoela. Ikustekotan, gurasoak alboan egon behar dute azalpen egokiak ematen». Eta garrantzitsua iruditzen zaio irakasleek eta gurasoek edukia ikustea. «Jakin dezatela zer den telesail hori, haurrekin hitz egin dezatela, azaltzeko fikzio bat dela; fikzioan indarkeriazko kontuak agertzen dira, eta halakorik ezin da jolastokian errepikatu». Dena den, psikologoak uste du hobe dela irakasleek gaiaz «modu orokorrean» hitz egitea, «baina ez errieta egitea».

Psikologikoki bortitzak diren osagaiak ditu Squid Game-k. Aresek zera uste du: «16 urterekin ere, heldutasun nahikoa izan behar da horrelako eduki bat ikusteko. Heldu batzuentzat ere ez da egokia». Argi du ez dela haurrentzat. «Eta gaztetxo askorentzat ere ez. Beharrezkoa da biolentzia testuinguruan jartzea, eta neska-mutikoei azaldu behar zaie fikzioko indarkeria ez dela benetakoa».

Euskal Herriko ikastetxeena ez da kasu bakana, herrialde askotan ari baita telesaila neska-mutikoen imitaziorako eredu bilakatzen. Kataluniako Ikus-entzunezko Kontseiluak gurasoei ohartarazi die plataformek zenbait sistema ahalbidetzen dituztela, haurrek «eduki desegokiak» ikus ez ditzaten. Arenzanak, edonola ere, nabarmendu du telesail horregatik neska-mutikoek ez dutela indarkeria erabiliko. «Gerrak eta pobrezia dauden herrietan dago indarkeria handiena haurren artean».]]> <![CDATA[Umorezkoak, euskaraz ere bai]]> https://www.berria.eus/paperekoa/1942/044/001/2021-10-17/umorezkoak_euskaraz_ere_bai.htm Sun, 17 Oct 2021 00:00:00 +0200 Urtzi Urkizu https://www.berria.eus/paperekoa/1942/044/001/2021-10-17/umorezkoak_euskaraz_ere_bai.htm
Iaz, pandemiaren eraginez, ekitaldi asko Internet bidez ikusteko modua eskaini zuten antolatzaileek. Aurten ere, Interneteko plataforma bati esker —Seriesland.eus atarian, bertan—, websailak ikusi ahalko dira, eta hitzaldiak eta gainerako ekitaldiak streaming bidez ikusi ahalko dira. Kontuan hartu behar da, gainera, Seriesland sektoreko enpresen topagune ere badela, gogoetarako foro bat duela, eta hitzaldi espezializatuak eta networking saioak egiten dituztela.

Euskarazko fikzioaren zaleek lau berrikuntzekin gozatzeko aukera izango dute: Denboran bidaiatzeko gida osoa, Trikimailu eta errezetak, Zikings eta The Cell. Azken hori, The Cell, AEBetan sortutako ekoizpen bat da. Bryan Thompsonen proiektu bat da, eta AEBetan egin dituzte lehen bi denboraldiak. Hirugarrenerako, indarrak batu dituzte Imani Filmsek eta Euskal Herriko A Film To Kill For ekoiztetxeak; ingelesez eta euskaraz izango dira elkarrizketak, eta denboraldiko bi atal euskara hutsean emango dituzte. Akzioa eta zientzia fikzioa generoak uztartzen ditu. Legez baimendurik ez dagoen laborategiko esperimentu batek tragedia bat eragingo du, eta hori izango da tramen abiapuntua.

Kritika soziala, komediaz

The Cell-en euskarazko bi atalak astearte gauean proiektatuko dituzte, Bilborock aretoan. Gau berean estreinatuko dituzte Denboran bidaiatzeko gida osoa eta Trikimailu eta errezetak ere; aurrenekoa komedia friki gisa definitu dute, denboran egindako bidaiekin jokatzen duena. Aktore protagonistak Yeray Vazquez, Iker Zarate eta Iñaki Torralbo dira. Trikimailu eta errezetak, berriz, gizarte kritika egiten duen umorezko websail bat da, eta aktoreen artean Irati Herreros, Rose of Dolls, Sofia Zallio, Andrea Mora eta Olatz Beobide daude. Emakume sukaldari bat da istorioko protagonista. Gazte hori ospetsua da LGTBI kolektiboan, eta negozio bat ere badu: botika faltsuak saltzen ditu.

Aiert Goenagak eta Asier Riverak sortutako Zikings animaziozko websailaren lehen atala, berriz, bihar iluntzean proiektatuko dute, Bilborock aretoan. Legoko panpina batzuekin ari dira proiektua lantzen, eta Ondarroako (Bizkaia) hizkeran mintzo dira pertsonaiak, umore biziz.

Seriesland Xpress saria banatuko dute bihar, jaialdiko lehen egunean. Ikus-entzunezko ikasleentzat lehiaketa berezi bat antolatu dute lehen aldiz: gazteek websail baterako gezurrezko iragarki bat grabatu behar izan dute asteon, 48 ordutan.]]>
<![CDATA[«Ausardia handiagoa behar da ETBn»]]> https://www.berria.eus/paperekoa/1856/027/001/2021-10-16/ausardia_handiagoa_behar_da_etbn.htm Sat, 16 Oct 2021 00:00:00 +0200 Urtzi Urkizu https://www.berria.eus/paperekoa/1856/027/001/2021-10-16/ausardia_handiagoa_behar_da_etbn.htm
22 urteko etapa itxi duzu. Zergatik erabaki duzu EITB uztea?

Oso gustura aritu naiz EITBn: bi urtez Radio Euskadin, eta beste hogei urteak ETBn. Ikusten nuen enpresan egin dezakedan guzia mila aldiz egin dudala, eta erronka egion diot neure buruari, bertze zerbait egiteko.

Zer moduz joan zaizkizu lehen asteak France Bleu irratian?

Oso ongi, ilusio handiz. Gogoz hartu dut lana, eta gogotik hartu naute. Euskal Herriko hedabide batetik Euskal Herriko beste hedabide batera pasatu naiz. Euskaraz eta frantsesez aritzen naiz, eta tarteka aurkeztea egokitzen zait.

Ba al da aukerarik France Bleu Urdin irratian euskararen presentzia handitzeko?

Orain, dagoena egonkortzea da asmoa. Handitzeko aukerak egon daitezke, zuzendaria oso euskaltzalea baita. Egun, euskarazko albistegiak daude 06:30ean, 07:30ean eta 08:30ean, eta ordubeteko euskarazko saioa egiten dugu 12:00etan —19:00etan berriro ematen dute—. Asteburuetan ere bada hori guztia. Zuzenean egiten da, gainera.

Talde publikoaren irrati batzuetan bideoaren bidea ere hartzen ari dira.

Bai, 44 France Bleu daude. Urdin irratia liderra da Iparraldean, eta sei herritarretik batek entzuten du egunero. Beste France Bleu batzuetan hasi dira goizeko saioak France3n telebistan ematen, eta gurera ere irits daiteke.

EITB utziko zenuela jakinarazi zenuenean, sare sozialetan zure aldeko mezu ugari zabaldu ziren. Harritu al zintuen?

Pentsatu nuen hobe zela albistea neronek ematea. Uste nuen bospasei mezu iritsiko zirela, baina sekulakoa izan zen: nire txioak izan zituen 18.000 interakzio, 204.000 inpresio, eta harrituta gelditu nintzen. Ez nuen uste hainbeste mezu jasoko nituenik, ezta halako aniztasuna izan ere. Biziki umila naiz; asko harritu ninduen. Jende askok lotu nau Iparraldearekin; beharbada, Iparraldearekin duten hari bakanetakoa nire lanaren bidez izan da. Baina hari txikiegia ez ote den...

Lander Arretxea BERRIAko telebista kritikariak esan zuen zure ibilbidea omentzeko modurik onena ETBn arituko direnei begira jartzea dela.

Niri aukera eman zidaten bezala, beste batzuei aukera eman behar zaie. Ausardia izan behar da langileak hartzeko: hartu, formatu, enpresak egokitu behar du egoerara... Hegoaldeko hiriburuetan kazetari gazte asko trebatzen dira. Baionako egoitzan lan bat egin behar da, baina harritzen naiz zein gazte gutxi lotzen den Iparraldean euskarazko kazetaritzari. Hautagai gutxi egon ohi dira; pena da.

Ez al dute ETBko zuzendaritzek gutxi mimatu Iparraldearen orena?

Orokorki, ausardia handiagoa behar da. Euskaraz egiten diren lanei balio handiagoa eman behar zaie. Argi dut gure indargunea duela 40 urte finkatu zena dela: euskara eta Euskal Herria. ETB1ek ETB2ko morrontzatik atera beharko luke. Erabaki sendoak hartu behar dira. ETB2 eta Radio Euskadi beharrezkoak dira, baina oreka behar da lortu, esaterako Euskadi Irratiak eta Radio Euskadik duten oreka berbera. ETB1ek beti baitu aurrekontu txikiagoa, ordutegi okerragoa; albistegietan produktu berbera delarik ere, beti ditu baliabide gehiago ETB2koak. Bestalde, guk Iparraldeko hauteskundeei buruzko emanaldi bereziak egin izan ditugu ETB1en, eta %0ko kuota eman dute. Egiten ez bada, kritikatzen da; eta egiten delarik, ez da ikusten. Beste saio batzuekin ere antzekoa gertatzen da.

Zer behar du ETB1ek?

Euskal sena duten produktuek funtzionatu egiten dute, behar diren baliabideak eta lantaldeak dituztenean. Argi dut hortik jo behar dela. Bistan da jende berria erakarri behar dela, baina herri txikietako euskaltzaleei ez zaie bizkarra eman behar.

Euskal sena ere behar al da gaztelaniazko eta frantsesezko hedabide publikoetan?

Nik hala egiten dut. Horri txertatu behar zaio agenda zein den. Nahiago nuke agenda guk finkatzea: landu eta sakontzea. Zergatik jarraitu Madrilen edo atzerriko beste toki batzuetan finkatzen den agenda? Hemengo albisteekin zabaldu behar dira albistegiak. Epizentroa zein den ikusi behar da; enpresak behar du hori finkatu. Euskaldungoa bere osotasunean hartu behar da.]]>
<![CDATA[Maulera joaten ziren ainarak ezagutzeko, lan transmedia bat]]> https://www.berria.eus/paperekoa/1861/036/001/2021-10-15/maulera_joaten_ziren_ainarak_ezagutzeko_lan_transmedia_bat.htm Fri, 15 Oct 2021 00:00:00 +0200 Urtzi Urkizu https://www.berria.eus/paperekoa/1861/036/001/2021-10-15/maulera_joaten_ziren_ainarak_ezagutzeko_lan_transmedia_bat.htm Ainarak proiektu transmedia abiarazi dute Maluta Films (Donostia) eta 601 Producciones (Iruñea) ekoiztetxeek, Aldudarrak Bideorekin (Bidarrai, Nafarroa Beherea) batera. Martxan da jada Ainarak.eus webdoka, eta martxoan izen bereko dokumentala estreinatuko dute Euskal Herriko zinema aretoetan.

Webdokak hamabi atal ditu, atal bakoitzak bere bideo zatia dauka, baina baita agiri eta testuak, argazkiak, gutunak eta bestelakoak ere. Ritxi Lizartza proiektuko zuzendariak azaldu duenez, halaber, webdokean 120 fitxa inguru egongo dira. «Horietan sailkatu dira ainaren jaioterriak, Mauleko lantegiak, eta ainarak bizi ziren auzoak. Nahi duenak aukera izango du segidan bideoak ikusteko, historia zati bakoitzaren argazkiak begiratu edo dokumentuen bitartez arakatzeko».

Proiektuaren sormen prozesuan, bidaide asko izan dituzte. Tartean dira Mauleko Ikerzaleak elkartea, baita Nafarroako elkarte hauek ere: Uhaitza (Mendi), Kebenko (Erronkari), Bidankozarte (Bidankoze), Kurruskla (Izaba), La Kukula eta Nafarroako Almadiazainen elkartea (Burgi) eta Orhipean (Zaraitzu). Lizartzak A Gorgocha elkartearen (Huesca, Espainia) ekarpena ere aipatu du. Herritar anonimo askok lagundu diete, halaber, materialak bilatzen, biltzen eta sailkatzen.

Baionako Euskal Museoan proiektuaren aurkezpena egin zuten atzo arratsaldean. Lizartzarekin batera, Bidakozarte elkarteko arduradun Gotzon Perezek, eta Mauleko Ikerzaleak elkarteko Robert Elizondok eta Joel Larroquek parte hartu zuten. Datozen aste eta hilabeteetan, tankerako aurkezpen gehiago egin nahiko lituzkete, museoetan eta kultur etxeetan.

Lizartzak zera iragarri du: «Proiektu honetan, webdoka izango da bidea ireki eta gauzak erraztuko dituena». Euskaraz, frantsesez eta gaztelaniaz egongo dira webdokaren edukiak. Aurrerago, gaiarekin lotutako fitxa didaktikoak lantzeko asmoa dute. «Ikertzen jarraitu nahi dugu».

Gaiak gizarte ikuspegitik badu mamia. Nafarroako eta Aragoiko neska haien migrazioa generoaren araberakoa eta sasoikakoa zen, eta diruagatik egiten zen. «Emakumeen ahalduntze bat zegoen hor», aipatu du Ainarak-en zuzendariak. «Neska haiek bederatzi hilabete pasatzen zituzten etxetik at, lanean, beste emakume askorekin batera. Elkartasuna zegoen haien artean. Garrantzitsua da hori kontatzea. Izan ere, garai hartan emakume askok ez zuten erraza etxetik ateratzea». Horrez gain, Maulen «mundu berri bat» deskubritzen zuten. «Aurkitzen zituzten jantzi berriak, orrazkera berriak, ohitura berriak ere bai. Jauzi izugarria izan zen haientzat». 1900-1915 artekoa izan zen garai garrantzitsua.

Iparra eta Hegoa lotzea

Ainarak proiektuaren finantzaketan lagundu dute Akitania Berria-Euskadi-Nafarroa Eurohiriak, Eusko Jaurlaritzak eta Gipuzkoako Foru Aldundiak.

Lizartzaren irudikoz, garai batean askoz lotuago zeuden Euskal Herriko Hegoaldea eta Iparraldea, Pirinioen inguruan. «Eta ez Ainaren bidaiengatik bakarrik, baizik eta harreman komertziala zegoelako. Iruñera joan baino, Erronkaritik nahiago zuten medikura edo beste zerbaitera Maulera joan. Ganaduan tratuan ibili behar bazuten, nahiago zuten Santa Grazikoekin [Nafarroa Beherea] eta Larrainekoekin [Zuberoa] egin. Eta Iruñera ere ez ziren gazteak neskame joaten». Egoera bestelakoa da gaur egun. «Askotan ematen du bizkarra emanda bizi garela». Hortaz, Ainarak-en helburuetako bat ere bada «sareak jostea» Iparraren eta Hegoaren artean. «Gizarte egituratze aldetik, bultzada ematen ari zaio Pirinioen bi aldeetako harremanei».]]>
<![CDATA[Maulera joaten ziren ainarak ezagutzeko, proiektu transmedia bat sortu dute]]> https://www.berria.eus/albisteak/204517/maulera_joaten_ziren_ainarak_ezagutzeko_proiektu_transmedia_bat_sortu_dute.htm Thu, 14 Oct 2021 21:20:20 +0200 Urtzi Urkizu https://www.berria.eus/albisteak/204517/maulera_joaten_ziren_ainarak_ezagutzeko_proiektu_transmedia_bat_sortu_dute.htm Ainarak.eus webdoka, eta martxoan izen bereko dokumentala estreinatuko dute Euskal Herriko zinema aretoetan. Webdokak hamabi atal ditu, atal bakoitzak bere bideo zatia dauka, baina baita agiri eta testuak, argazkiak, gutunak eta bestelakoak ere. Ritxi Lizartza proiektuko zuzendariak azaldu duenez, halaber, webdokean 120 fitxa inguru egongo dira. «Horietan sailkatu dira ainaren jaioterriak, Mauleko lantegiak, eta ainarak bizi ziren auzoak. Nahi duenak aukera izango du segidan bideoak ikusteko, historia zati bakoitzaren argazkiak begiratu edo dokumentuen bitartez arakatzeko». Proiektuaren sormen prozesuan, bidaide asko izan dituzte. Tartean dira Mauleko Ikerzaleak elkartea, baita Nafarroako elkarte hauek ere: Uhaitza (Mendi), Kebenko (Erronkari), Bidankozarte (Bidankoze), Kurruskla (Izaba), La Kukula eta Nafarroako Almadiazainen elkartea (Burgi) eta Orhipean (Zaraitzu). Lizartzak A Gorgocha elkartearen (Huesca, Espainia) ekarpena ere aipatu du. Herritar anonimo askok lagundu diete, halaber, materialak bilatzen, biltzen eta sailkatzen. Baionako Euskal Museoan proiektuaren aurkezpena egin dute gaur. Lizartzarekin batera, Bidakozarte elkarteko arduradun Gotzon Perezek, eta Mauleko Ikerzaleak elkarteko Robert Elizondok eta Joel Larroquek parte hartu dute. Datozen aste eta hilabeteetan, tankerako aurkezpen gehiago egin nahiko lituzkete, museoetan eta kultur etxeetan. Lizartzak zera iragarri du: «Proiektu honetan, webdoka izango da bidea ireki eta gauzak erraztuko dituena». Euskaraz, frantsesez eta gaztelaniaz egongo dira webdokaren edukiak. Aurrerago, halaber, gaiarekin lotutako fitxa didaktikoak lantzeko asmoa dute. «Ikertzen jarraitu nahi dugu». Gaiak gizarte ikuspegitik badu mamia. Nafarroako eta Aragoiko neska haien migrazioa generoaren araberakoa eta sasoikakoa zen, eta diruagatik egiten zen. «Emakumeen ahalduntze bat zegoen hor», aipatu du Ainarak-en zuzendariak. «Neska haiek bederatzi hilabete pasatzen zituzten etxetik at, lanean, beste emakume askorekin batera. Elkartasuna zegoen haien artean. Garrantzitsua da hori kontatzea. Izan ere, garai hartan emakume askok ez zuten erraza etxetik ateratzea». Horrez gain, Maulen «mundu berri bat» deskubritzen zuten. «Aurkitzen zituzten jantzi berriak, orrazkera berriak, ohitura berriak ere bai. Jauzi izugarria izan zen haientzat». 1900-1915 artekoa izan zen aldi garrantzitsua. Iparra eta Hegoa lotzea
Ainarak proiektuaren finantzaketan lagundu dute Akitania Berria-Euskadi-Nafarroa Eurohiriak, Eusko Jaurlaritzak eta Gipuzkoako Foru Aldundiak. Lizartzaren irudikoz, garai batean askoz lotuago zeuden Euskal Herriko Hegoaldea eta Iparraldea, Pirinio inguruan. «Eta ez Ainaren bidaiengatik bakarrik, baizik eta harreman komertziala zegoelako. Iruñera joan baino, Erronkaritik nahiago zuten medikura edo beste zerbaitera Maulera joan. Ganaduan tratuan ibili behar bazuten, nahiago zuten Santa Grazikoekin [Nafarroa Beherea] eta Larrainekoekin [Zuberoa] egin. Eta Iruñera ere ez ziren gazteak neskame joaten». Egoera bestelakoa da gaur egun. «Askotan ematen du bizkarra emanda bizi garela». Hortaz, Ainarak-en helburuetako bat ere bada «sareak jostea» Iparra eta Hegoaren artean. «Gizarte egituratze aldetik, bultzada ematen ari zaio Pirinioen bi aldeetako harremanei».]]>
<![CDATA[France Televisionsek euskarazko fikzio bat emango du lehen aldiz]]> https://www.berria.eus/paperekoa/1862/036/001/2021-10-14/france_televisionsek_euskarazko_fikzio_bat_emango_du_lehen_aldiz.htm Thu, 14 Oct 2021 00:00:00 +0200 Urtzi Urkizu https://www.berria.eus/paperekoa/1862/036/001/2021-10-14/france_televisionsek_euskarazko_fikzio_bat_emango_du_lehen_aldiz.htm Puntu Koma websaila erosi du, eta hemendik gutxira emango du France3 Akitaniako Noa kanalean; Akitania Berriko herritarrei zuzendutako kanal bat da Noa, eta eguneko 24 orduko programazioa du Interneten, sakelako telefonoetan eta box deituriko kutxa konektatuetan.

Puntu Koma saltzeko akordioa Cannesko (Okzitania) Mipcom azokan egin dute, nahiz eta harremanak lehendik eginak zituzten. Jokin Etxeberria J.O.K. Filmseko ekoizleak nabarmendu du «berri ona» dela. «Salmenta alde batera utzita, sinbolikoki bere garrantzia du». Iruditzen zaio azkeneko urteetan ikus-entzunezkoetan industria «sendoa» sortzen ari dela Euskal Herrian: «Bazen garaia Frantziako telebistak fikzioa euskaraz emateko. Pozik nago pertsonalki, baina 2021. urtean gaude, eta bazen ordua».

Aurrera begiratzeko moduko salmenta izan daiteke Puntu Koma-rena: «Bide bat zabaldu daiteke: etorkizunean beste eragile batekin hitz egin ahalko dugu». France Televisionseko emanaldiak ez du datarik finkatua. Azpidatziak Maramara taldeak egin ditu.

Puntu Koma websailaren istorioa Maialen Sorzabalberek eta Amaia Rojok idatzi zuten, eta proiektuak Next Station lehiaketaren bigarren aldia irabazi zuen. Horri esker, lantalde profesionalak batu ziren egitasmora: Maru Soloresek zuzendu zituen sei atalak; eta aktore lanetan, Sara Cozar, Fariba Sheikhan, Iñake Irastorza, Mikel Ibarguren eta Iñigo Gastesi aritu ziren; Next Stationeko sustatzaileekin batera, Izaskun Arandia izan zen ekoizlea.

EITBk 2019ko ekainean estreinatu zuen websaila, eta ETB1en ere eman zuen. Zenbait nazioarteko jaialditan sariak jasotzeaz gain, Poloniako Outfulm.pl plataforman eman zuten.

Mipcom: «Txikiago, apal»

Cannesko Mipcom azoka gaur amaituko da, eta, J.O.K Filmsekin batera, Euskal Herriko beste ekoiztetxe batzuek parte hartu dute: besteak beste, Expressive Mediak, New Digital Mediak eta Pausokak. Baita ETBk ere. Baina azoka ez da izan pandemiaren aurretik izaten zen bezain jendetsua. Etxeberriak zera esan du: «Pozik gaude Cannesera joan ahal izateagatik, baina halako ekitaldiak orain emeki-emeki doaz». 2019koa baino azoka «txikiagoa» izan da aurtengoa, «apalagoa».

Hala ere, badira konpainia handi batzuk beren proiektu berriak Cannesen aurkeztu dituztenak. Mediaprok eraman ditu Las Bravas telesaila —Warner Mediarekin batera ekoitziko du—, Pulse beldurrezko telesaila eta baita 58 segundos ere —osasun langileen gorabeheretan oinarritua—.

Mipcomeko zuzendari Lucy Smithek profesional askoren sentipena azaleratu du: «Aurrez aurreko harremanera itzultzeko behar handia zegoen».]]>
<![CDATA[Dimisioak RTVEn, Tindufera bidaia bati «betoa» jarri diotelakoan]]> https://www.berria.eus/paperekoa/1860/028/001/2021-10-12/dimisioak_rtven_tindufera_bidaia_bati_betoa_jarri_diotelakoan.htm Tue, 12 Oct 2021 00:00:00 +0200 Urtzi Urkizu https://www.berria.eus/paperekoa/1860/028/001/2021-10-12/dimisioak_rtven_tindufera_bidaia_bati_betoa_jarri_diotelakoan.htm
RTVE Libre plataformak —taldeko zenbait langile biltzen ditu— zuzendaritzaren aitzakiak gaitzetsi ditu, eta salatu du RTVEk Tindufera joatea galarazi nahi duela, Fronte Polisarioko buruzagi Brahim Galik hitz «deserosoak» egin ditzakeelako Pedro Sanchez Espainiako Gobernuko presidentearentzat.

Ildo beretik jo du CCOO sindikatuak, eta zera adierazi du: «Jose Manuel Perez Tornero presidenteak eta RTVEko albistegietako zuzendaritzak erakutsi dute presio politikoak onartzeko prest daudela, eta horiek kazetaritza askatasunez lantzeko eskubidearen gainetik jarri dira». Sindikatuaren arabera, Marokoko Gobernuak lehen mailako informazio gertaera bat «zentsuratu» nahi du, eta, helburu horretan, RTVEko zuzendaritzaren laguntza jaso du.

RTVEko albistegietako kontseiluek, bestetik, babesa eman diete kargua utzi duten kazetariei. «Dimisioa eman dutenen lana eta koherentzia aitortu nahi dugu». Gogorarazi dute Tindufera bidean direla BBC, Associated Press, El País eta La Vanguardia egunkariak eta Europako beste zenbait telebista publiko. «Zoritxarrez, gehiegitan gertatzen da taldeko oinarrizko kazetariek erakusten dutela etxearen duintasuna eta zuzentasuna. Zuzendaritzako arduradunei eskatzen diegu sakon hausnartzeko gertatutakoaz, baita dimisioek duten esanahiaz ere». Halaber, kontseiluek exijitu diete albistegietako zuzendariari eta korporazioko presidenteari azaltzeko zein diren «betoaren benetako arrazoiak». Kontseiluek nabarmendu dute Tindufekoa bezalako erabakiek eragina dutela taldeko kazetarien sinesgarritasunean eta irudian.

Mugarik Gabeko Kazetariek iritzia eman dute aferaz, eta salatu dute «esku sartze politikoa praktika txarra dela». Erantzukizunak eskatu dituzte egindako «akatsengatik». Marokok Saharako kazetariei ezartzen dien «errepresioa»salatzeaz gain, gogorarazi dute jardun horrek «garro luzeak» dituela Espainian.

RTVEko administrazio kontseiluko kide Jose Manuel Martinek eta Roberto Lakidainek presako bilera eskatu dute presidentearekin, aferaz aritzeko.]]>
<![CDATA[Julio Medemek 'Jai Alai' telesaila grabatuko du Miamin]]> https://www.berria.eus/paperekoa/1909/028/003/2021-10-12/julio_medemek_jai_alai_telesaila_grabatuko_du_miamin.htm Tue, 12 Oct 2021 00:00:00 +0200 Urtzi Urkizu https://www.berria.eus/paperekoa/1909/028/003/2021-10-12/julio_medemek_jai_alai_telesaila_grabatuko_du_miamin.htm Jai Alai. Zeta Studios eta Panamericana Pictures ekoiztetxeen proiektu bat da, eta hiru hizkuntzatan grabatuko dute: euskaraz, ingelesez eta gaztelaniaz. Hamar atal izango ditu, eta 2023an estreinatuko dute.

Istorioaren hasiera 1970eko hamarkadan egongo da girotua: Xalba enpresariak narkotrafikoaren dirua zurituko du zesta-puntaren bitartez, Miamin (AEB). Haren seme Ategi munduko jokalaririk onena da, eta aitaren negozioan murgilduko da. Irlandako, Kolonbiako eta Italiako mafiak ere agertuko dira trametan, eta istorioa 1980ko eta 1990eko hamarkadetan garatuko da. Medemek esan du hainbat genero zinematografiko gurutzatuko direla Jai Alai-n.]]>
<![CDATA['Piztu telebista' entretenimendu 'docu-show'-a ETBn ostegunetan]]> https://www.berria.eus/paperekoa/1949/044/001/2021-10-10/piztu_telebista_entretenimendu_docu_show_a_etbn_ostegunetan.htm Sun, 10 Oct 2021 00:00:00 +0200 Urtzi Urkizu https://www.berria.eus/paperekoa/1949/044/001/2021-10-10/piztu_telebista_entretenimendu_docu_show_a_etbn_ostegunetan.htm docu-show bat da Piztu telebista, familia giroan eta gazteekin gozatzeko moduko programa. ETBren arabera, eskaintza «berritzaile» eta «ausarta». Googlebox nazioarteko saio arrakastatsuan oinarrituta dago, Euskal Herriko egungo gizarte eta errealitatera ekarrita, eta euskaraz sortua. ETB1ek ostegun gauean estreinatuko du programa.

Astero, Euskal Herriko zortzi familiatako etxeen egongeletan sartuko da programa, eta telebista nola ikusten duten erakutsiko du saio berriak. Familia bakoitzari saio berak emango dizkiote ikusteko, eta bakoitzak programa horien aurrean zer esaten duen jasoko dute: komentarioak, erreakzioak, eztabaidak... Albiste, erreportaje, lehiaketa, dokumental, kirol saio, telesail, reality eta telebista magazinak jarriko dizkiete, denei eduki bera saio bakoitzean. Beraz, programak agerian utziko du Euskal Herriko familiek telebista ikusteko zer ohitura dituzten , eta familia arteko harremanak nolakoak diren ere erakutsiko du, atalez atal pertsona horiek hurbilago ezagutzeko aukera emango baitu. Egongelan gertatzen den guztia modu espontaneoan jasoko dute, freskotasunez eta naturaltasunez; izan ere, kamera bat bakarrik izango dute han, eta grabaketan gertatzen den hori ikusiko da programan, tonu umoretsuan.

Euskal Herriko familien eta euskal gizartearen aniztasuna jaso nahi dute programan, familia eredu ezberdinak ikusiko baitira pantailan. Hala, euskal gizartearen ispilu izateko asmoarekin sortu da programa.

Erresuma Batuko Channel 4 katean 2013az geroztik emititzen dute Googlebox. Mundu osoko telebista askotan egin dituzte formatu horren moldaketak. Orain, Euskal Herrira ere iritsi da formatu berritzailea, euskaraz.

'Munduko plazan'-i adio

ETB1eko ostegunetako prime-time-a Munduko plazan bidaia saioak bete du azkeneko bost asteetan, eta haren tokia beteko du aurrerantzean Piztu telebista emankizunak.

Munduko plazan-en seigarren eta azkeneko atala bihar gauean emango du euskarazko kateak, eta, horrenbestez, asteko eguna aldatu du azken astean. Leire Palacios kazetari eta aurkezleak —Euskadi Irratian Sarean saioa ere gidatzen du— Polonian bizi diren zenbait euskaldun topatuko ditu biharko bidaian: Aitor Arruza eta Izarra Berasategi, Varsovian; Sara Etxeberria, Vistula ibaiaren ondoko hondartzetan; Xango Gonzalez, Krakovia hirian; eta Niko Mindegia, Plocken.

Saioak atal berririk grabatuko dituen ala ez ezin da baieztatu orain. Ane Rotaetxe programako zuzendariak aipatu du lantaldeak «oso balorazio ona» egin duela proiektuaz.]]>
<![CDATA[Galizian RTVEri boikota egiteko eskatu dute, imitazio bat dela medio]]> https://www.berria.eus/paperekoa/1981/044/003/2021-10-10/galizian_rtveri_boikota_egiteko_eskatu_dute_imitazio_bat_dela_medio.htm Sun, 10 Oct 2021 00:00:00 +0200 Urtzi Urkizu https://www.berria.eus/paperekoa/1981/044/003/2021-10-10/galizian_rtveri_boikota_egiteko_eskatu_dute_imitazio_bat_dela_medio.htm Masterchef Celebrity saioan galiziar doinua imitatzen ibili ziren aurkezleak. Galiziako herritar askok ez zuten batere ondo hartu, eta Galegoaren Normalizazioaren Aldeko Mahaiak RTVE itzaltzeko deia egin du biharko. Elkarte horretako presidente Marcos Maceirak salatu du Espainiako telebista publikoak «mespretxatu» egiten duela galegoa, eta sukaldaritza saioaren imitazioa izan dela azkeneko adibidea. Biharko protestan, TVEk galegoz emititzen dituen 39 minutuak salbuetsiko dituzte. «TVEko kateen 120 orduetatik soilik 39 minutuz emititzen dute galegoz, eta haurrei eta gazteei zuzendutako programazioan minutu bakar bat ere ez», oroitarazi du Maceirak.

Galegoaren eskubideen alde lan egiten duen elkarteak nabarmendu du Galiziako Parlamentuak akordio bat onartu zuela aho batez, TVEn galegozko bikoizketa, azpidatziak eta audiodeskribapenak sustatzeko. Elkarteak, halaber, hiru aldiz eskatu du TVEko zuzendaritzarekin biltzea, aldarrikapenak aurkezteko. Ez du erantzunik jaso. Maceirak, bestalde, esan du jolabide horrek ez duela zerikusirik RTVEko Galiziako langileekin. «Haiek galegoarekin duten konpromisoa ez dago zalantzan jartzerik».]]>
<![CDATA[«Gure komunitatearen zor da Naiz irratia»]]> https://www.berria.eus/paperekoa/1857/027/001/2021-10-09/gure_komunitatearen_zor_da_naiz_irratia.htm Sat, 09 Oct 2021 00:00:00 +0200 Urtzi Urkizu https://www.berria.eus/paperekoa/1857/027/001/2021-10-09/gure_komunitatearen_zor_da_naiz_irratia.htm
Irratiak etorkizunetik du gehiago iraganetik bainoago. Hala diozu promozio bideo batean. Nolako etorkizuna izango du?

Hori da erantzuten zailena. Baina irratia nostalgiarekin lotu izan da garai batean, eta azken hamarkadan audiogintzaren bueltan punta-puntako teknologia bihurtu da. Badirudi irratiak bere burua berriro asmatzen jakin izan duela, eta podcasten booma hor dago. Guk Naiz irratian argi dugu irrati bat egin nahi dugula, eta horrek ez du esan nahi podcastak egingo ez ditugunik. Emisio jarraituari garrantzi handia ematen diogu.

Elkar entzutearen kontzeptua ere aipatu duzu bideoan. Iruditzen zaizu inoiz baino garrantzitsuagoa dela egun herritarren artean elkar entzutea?

Euskal gizartean jendeak ez du onartzen bera ez entzutea, zorionez. Beste garai batzuetan, hedabideek hitz egiten zuten, eta besteek, entzun. Aldatu egin da hori, eta jendeak beren ahotsa entzuna izatea nahi du. Ona da, eta teknologiak laguntzen du horretan. Guk ere ez dugu beste modu batean ulertzen, gure komunitatearen zor gara. Haiei entzunda eraiki behar dugu irratia.

FM bidez emititzen du Naiz irratiak, eta herritar askok Internet bidez ere entzuten dute.

Bai, eta Interneti esker lortzen dugu txoko guztietara iristea. Baina FMkoa oso garrantzitsua da. Prest gaude Euskal Herri osoan FM bidez emititzeko, baina hori ez da gertatzen nahi edo ahal ezin dugulako, uzten ez digutelako baizik. Erabaki politikoak daude tartean, herri egitasmo batzuei bidea itxi zaie urteetan. Gure asmoa da bultza egiten jarraitzea.

Audioaz gain, Naiz irratiko Bigarren kafea saioa ikusi ere egin daiteke Internet bidez. Nola doa ahalegin hori?

Bigarren kafea-k hasieratik egin du apustu multimedia izateko. Twitch plataforman emititzeko pausoa ere eman dugu. Entzulearen esperientzia aberasten du. Kultur arloko puntako jendea gonbidatzen dute saioan, eta kontzertu akustiko batzuk ikustea ere ez da makala.

Beste bat musika saioa hasi da berriz. Euskal musikak egun askorako ematen du, ezta?

Euskal musikak ematen du hiru irrati kate eta lau telebista egiteko. Beste kontu bat da ea sortzaileei ematen diegun behar dituzten bezainbeste plaza. Naiz irratian hasieratik egin dugu apustu euskal musika eszenaren alde, gure ardatz nagusietakoa da. Beste bat saioan musikariei eskatzen diegu biluzteko, eta nondik edaten duten ezagutzeko aukera ematen digute. Munduaz duten ikuskera ezagutzeko modua ere eskaintzen du saioak.

Naiz irratia Arrosa sarearen parte da. 20 urte bete ditu sareak. Zer ekarpen egin du urteotan?

Arrosa irrati sarea herri ekimeneko irratigintzaren abangoardia izan da. Elkar ikasi, elikatu, animatu eta babesteko ezinbesteko sarea izan da. Zenbait irratik etsi egingo lukete, Arrosarengatik izan ez balitz. Plataforma ezin hobea da Arrosa, eta zailtasunak daudenean elkar laguntzeko oso baliagarria da. Harreman iraunkorrak eta emankorrak dauzkagu sareko beste irratiekin; aurrera begira, apustu garrantzitsua izaten jarraitzen du.

Naiz irratiko taldekoa da Gara egunkaria. Paperezko egunkariak luzaroan jarraituko al du?

Ez dakigu, baina irauten duen bitartean hor egon behar dugu. Azken urteetan, Gara-ren taldeak azaldu du trantsizio teknologiko bat garatu behar zuela, eta Naiz-en sorrera egon da hor. Garaira ondo egokituta iritsi gara, zaila baita pentsatzea paperezko egunkaritik bakarrik garatuko dela proiektu bat. Interneti esker, gure komunitatea asko zabaldu da, eta inoiz pentsatu ez genukeen tokietara zabaltzeko gai gara. Garrantzitsuena mezua da; asmatu behar dugu ahalik eta bizkorrena egokitzen, eta kontatzeko duguna entzun dadila bermatzen.

Harpidetza digitalak, tartean.

Ezinbestekoak dira. Irratia bera ez litzateke sortuko Naiz-en komunitatea egon izan ez balitz. Gara-ren zor bidegabearen harira, ordaintze horren bidea harpidetzen bidez egitea izan da aukera. Ezin batetik ona ateratzea izan da kontua: komunitatea zabaldu dugu, eta proiektuaren bideragarritasuna indartu.]]>
<![CDATA['Around the World in 80 Days', Canneseries jaialdian]]> https://www.berria.eus/paperekoa/1862/036/001/2021-10-08/around_the_world_in_80_days_canneseries_jaialdian.htm Fri, 08 Oct 2021 00:00:00 +0200 Urtzi Urkizu https://www.berria.eus/paperekoa/1862/036/001/2021-10-08/around_the_world_in_80_days_canneseries_jaialdian.htm Around the World in 80 Days. Jules Verneren eleberrian oinarrituta, aurrekontu handiko telesaila ekoitzi dute Alemaniako, Italiako eta Frantziako telebista publikoek (The European Alliance sarearen bidez). Gainera, beste herrialde batzuetako ekoizleak batu zaizkie proiektura. David Tennant aktoreak jokatzen du Phileas Fogg abenturazale protagonistaren rola. Lapurdin, Nafarroa Beherean eta Zuberoan hemendik aste batzuetara ikusi ahalko da, France Televisions taldeko kateren batean.

Canneseries jaialdiko Sail Ofizialean, berriz, hamar telesail egongo dira lehian: Awaje (Serbia), Christian (Italia), Countrymen (Norvegia), Dreams of Alice (Errusia), Limbo... hasta que lo decida (Argentina), Mister 8 (Finlandia), Sad city girls (Israel), The Allegation (Alemania), Totems (Frantzia) eta Unknowns (Israel). Formatu laburreko kategorian, beste hamar lan lehiatuko dira.

Lehiaz kanpo, Phileas Foggen mundu biraren gaineko telesailaz gain, Gomorra telesailaren azkeneko denboraldia aurkeztuko dute, Validé telesailaren bigarren denboraldia ere bai, eta Alemaniako Sisi estreinatuko dute —XIX. mendeko Bavierako Isabel printzesaren ingurukoa—.

Cannesko aretoetako proiekzioez gain, jaialdia Internet bidez ere zabalduko da. Hilaren 13an amaituko da jaialdia, sari banaketarekin.

Euskal ekoizleak Mipcomen

Sasoi berean egiten dituzte Canneseries telesailen jaialdia eta Mipcom azoka. Telebista industriaren ehunka ekoizle bilduko dira astelehenetik aurrera Mipcomen —iaz, osasun larrialdiaren eraginez, ekoizleen arteko harremanak Internet bidezkoak izan ziren—.

Euskal Herriko zenbait ekoiztetxe Basque Audiovisual erakusmahaian izango dira, eta askotariko bilerak egingo dituzte beste herrialde batzuetako profesionalekin datorren astean. Edonola ere, edizio digitala ere izango du azokak.

Azokaren barne, CBS eta Nickelodeon kateek Star Trek: Prodidgy animaziozko saioa estreinatuko dute; Variety Vanguard saria Anders Jensen Nordic Entertainment taldeko zuzendariari emango diote; eta askotariko hitzaldiak egingo dituzte, astelehenetik ostegunera. Ohiko moduan, MIP Junior azoka ere egingo dute, haur eta gazteentzako edukiei bideratua; asteartean emango dituzte International Emmy Kids sariak.]]>