Eusko Jaurlaritzak astelehenean onartu zuen 2013ko aparteko lansariak aurreratzeko lege proiektua, eta Eusko Legebiltzarraren oniritzia behar du orain. Mahaia 10:00etan elkartu da, eta beste horrenbeste egin du Bozeramaileen Batzordeak 11:00etan.
Osoko bilkurara deitu dute etziko, bertan bozkatu dezaten lege egitasmoaren inguruan. Proiektuak aurrera egitea espero da, aldeko iritzia azaldu baitute alderdi gehienek.
Datorren urteko udako lansaria urtarrilera eta Gabonetakoa uztailera aurreratzea da lege proiektuaren asmoa.
