Espainiako Estatistika Institutuak dio Arabako, Bizkaiko eta Gipuzkoako barne produktu gordina %3,1 hazi dela 2015. urtean. Nafarroako hazkundea BPGaren %2,9ko igoeran utzi du. Halaber, barne produktu gordinaren biztanle bakoitzeko datuak ere eman ditu, per capita errenta alegia, eta Araban, Bizkaian eta Gipuzkoan 30.459 euroan zehaztu du. Nafarroako biztanle bakoitzaren aberastasuna 28.682 eurokoa da, INEk dioenez.
Eustatek aurreko hilean Araba, Bizkai eta Gipuzkoarako emandako hazkunde datuarekin ez dator bat INErena. Eustatek %2,8an utzi zuen EAErako hazkundea, behin-behineko datuan, hori bai. Kontua da metodologia desberdinak erabiltzen dituztela erakunde biek, eta biak onartzen dituela Eurostatek.
