Nafarroan sortu diren enpresen kopuru txikiak erabat baldintzatu du Euskal Herrian urtarrilean sortu eta desagertzen diren enpresen emaitza. %36 gutxitu da enpresa berrien zenbakia Nafarroan urtarrilean, aurreko urteko hilabete berarekin alderatuta, eta eragin du enpresa berriak Hegoaldeko lau lurraldeetan %2,7 baino ez handitzea. Guztira, 408 enpresa sortu dira urteko lehen hilabetean, INE Espainiako institutuak emandako datuen arabera. Iazko urtarrilean, 397 izan ziren.
Galdu, berriz, 269 enpresa galdu dira, iazko urtarrilean baino gehiago (245). Beraz, %9 enpresa gehiago galdu dira. INEk dio Araba, Bizkai eta Gipuzkoan egon den enpresen sorkuntza oso handia izan dela. Haiek sortzeko, 9,5 milioi euro baliatu dituzte jabeek. Horrez gain, Hiru lurralde horietako 193 konpainiak kapitala handitu dute, 1.033 milioi euroko balioarekin. Bakarrik 36 enpresak gutxitu dute.
