Aberatsei zergak igotzeko babesik ez du lortu Agirrek

GASTEIZ. Ez Bizkaiko eta Gipuzkoako foru aldundien babesik, ez Eusko Jaurlaritzarenik, inoren babesik ez du lortu Xabier Agirre Arabako ahaldun nagusiak errenta handienak dituztenei zergak igotzeko egindako proposamenak. Baina Agirre bera ez dago amore emateko prest, eta esan du ez duela gaia baztertzeko asmorik. Foru hauteskundeen ostean helduko diola aurreratu du.