Adegik amiantoari buruzko jardunaldia antolatu du

DONOSTIA. Lantegian amiantoa daukaten edo daukatela uste duten enpresek amiantoa kentzeko plan bat egin behar izaten dute. Adegi Gipuzkoako Enpresaburuen Elkarteak amiantoari buruzko jardunaldia antolatu du datorren asteartean Donostian. Bertan, adituek eta amiantoa kendu behar izan duten enpresetako ordezkariek parte hartuko dute, amiantoaren arriskuei eta kentzeko moduei buruz hitz egiteko.