AEBentzat, aurrerapausoa da, baina ez nahikoa

Bruselako akordioa ona dela esan du Ameriketako Estatu Batuetako Gobernuak. «Aurrerapausoa dirudi, eta hori ona da», Jay Carney bozeramailearen arabera. Hala ere, ez du oso balorazio baikorra egin. Gainera, Europako agintariei eskatu die behin betiko irtenbideak onar ditzatela krisitik ateratzeko, «oraindik, jakina, gehiago egin behar baitute». Timothy Geithner AEBetako Altxorreko idazkaria Europan izan da aste honetan, Europako agintariak estutzen.

Carneyk «suhesia» nahi du, ondorioak AEBetara ez zabaltzeko eta laguntza behar duten herrialdeei laguntzeko. AEBetako Gobernuarentzat, «krisia europarra da, eta irtenbideak ere hala izan behar du».