Senatuaren botoaren ondoren, gaur izango da Ordezkarien Ganberaren txanda. Eguerdian da biltzekoa (arratsaldeko seiak Euskal Herrian) Joe Biden lehendakariordeak eta Mitch McConnell Senatuko errepublikanoen buruak lortutako akordioa eztabaidatu eta bozkatzeko. Ordezkarien Ganbera errepublikanoek kontrolatzen dute, eta gehiengoa dira ezein zergak igoeraren aurkakoak.
Ordezkarien Ganberak akordioa onartuko balu, AEBek iskin egingo diote zerga amildegiari. Izen hori jaso du urtarrilaren 1ean automatikoki indarrean jartzekoak zirelako 600.000 milioi dolarreko zerga igoerak eta gastu publikoaren murrizketak. Ekonomiatik diru hori kentzeak atzeraldi handia ekarriko lukeelaka uste zuten aditu guztiek. Arazoa, ordea, hilabete batzuk atzeratu dute, hainbat gastu murrizketak eta zorraren gehienezko mugaren gaiak konpondu gabe jarraitzen dutelako.
