Alemaniako BPG Barne Produktu Gordina %0,5 jaitsi da urteko hirugarren hiruhilekoan. Hala jakinarazi du gaur Estatistika Bulego Federalak, eta batik bat, udako hilabeteetako jardueraren moteltzeak eragin duela datu txar hori agertu du.
Urteko bigarren hiruhilekoan ere jaitsi egin zen Alemaniako BPG; %0,4koa izan zen orduko jaitsiera. Beraz, azken bi hiruhilekoetan murriztu da Alemaniako barne produktua, eta hainbat ekonomilarik erabiltzen dituzten parametroen arabera atzeraldian sartu da. Bi hiruhilekotan segidan jaitsiz gero ekonomia bat atzeraldian dela irizten diote hainbat adituk.
Ekonomia beherantza eramaten duten faktoreei dagokionez, esportazioaren jaitsiera zein barne kontsumoarena aipatu dituzte Estatistika Bulegoko buruek.
Europako ekonomia handienetakoa da Alemaniakoa, eta hango datu txarrek kezka eragin dute kontinentean.
Ekonomia
Alemaniako BPG jaitsi egin da azken hiruhilekoan, bigarren aldiz jarraian
Horrenbestez, atzeraldian sartu da hainbat adituk erabiltzen dituzten parametroen arabera. Esportazioen zein barne kontsumoaren murrizketak eragin du BPGren jaitsiera. Alemaniaren atzeraldiak Europan izan dezakeen eraginak kezka sortu du.
Iruzkinak
Ez dago iruzkinik
Ordenatu
