Juan Jose Lizarbe PSNko ordezkariak gaur jakinarazi duenez, Bozeramaileen Batzordeak tramitatu du PSNk mahaia "berehala" osatzeko egindako proposamena.
Lizarbek esan du langabeziaren mahaia "parte hartzearen foro bat" izatea nahi duela, eta, batik bat, "erkidegoak dituen langabezia arazo larriei irtenbidea emateko ekarpenak" egiteko gune bat.
Enrique Martin de Marcos PPNko bozeramaileak baieztatu du mahai horretan parte hartuko dutela, "enplegua sortzeko neurri zehatzak bilatzen dituen edozein ekimen edo erakunderi konfiantza" eman behar zaiola uste duelako.
Joan den otsailaren 21ean Nafarroako Parlamentuan langabeziari buruzko saio berezia egin zuten, eta langabeziaren inguruko mahai bat osatzea onartu zuten orduan alderdi guztiek.
