Arabako udalek opor fiskalen dirua jasoko dute

GASTEIZ. Arabako Foru Aldundiak 8,9 milioi euro banatuko ditu udalen artean. Enpresek diru hori bueltatu dute 1990eko hamarkadako legez kanpoko opor fiskalengatik, eta Batzar Nagusiek dirua udalen artean banatzea erabaki dute. Alderdi guztiek onartu dute proposamena. Hala ere, dirua Foru Aldundiak jarri beharko du, aurreko urteetan gastatu egin baitu berreskuratutako dirua. Gasteizko udalak 6,2 milioi euro jasoko ditu.