50 urteko gizonezko bat hil zen atzo, Gasteizen, teilatutik erorita. Langilea kamioi batera zegoen lotuta arnes batekin, erortzekotan kontrapisua izateko. Lankide bat, ordea, ez zen ohartu lotuta zegoela, eta martxan jarri zuen kamioia. Teilatu gainean zegoen langilea sei metroko altueratik erori zen, eta arrastaka joan zen 200 metro inguruan. Hartutako kolpeen eraginez, han bertan hil zen.
Eusko Jaurlaritzako Segurtasun Sailak jakinarazi duenez, atxilotu egin dute kamioia martxan jarri zuena, nahi gabeko homizidioa egotzita. Atzo arratsaldean atzeman zuten, eta ordu batzuk geroago libre utzi zuten.
