Atzerriko arkumea bertoko modura saltzen ari dira

IRUÑEA. Merkataritza saltoki handien «publizitate engainagarria» salatu du EHNEk. Eguberrietako kanpainan arkume haragia Nafarroakoa balitz bezala saltzen ari dira hainbat lekutan, baina ez dela horrela ohartarazi du Euskal Herriko nekazarien sindikatuak. EHNEk dioenez, hornitzaileak nafarrak dira, ez ordea saltzen duten arkumea. Espainiatik eta Frantziatik erosten dituzte gehienak, eta baita Europako beste herrialde batzuetatik ere.