Behera egin du langabeziak azaroan Hego Euskal Herrian, urriko datuen aldean. 3.211 behargin gutxiago zeuden langabezian azaro amaieran. Batez beste, Bizkaian jaitsi da gehien langabezia tasa urriaz geroztik, eta soilik Nafarroan egin du gora langabeen kopuruak.
Urriko datuekin alderatuta, sektore guztietan egin du gora langabeziak Nafarroan. Araban, Bizkaian eta Gipuzkoan, aldiz, jaitsi egin da langabezia tasa industrian, eraikuntzan nahiz zerbitzuetan. Hiru lurralde horietan, igo egin da langabe kopurua nekazaritzan.
Datuak
Araba: azaro bukaeran, 27.694 langabe.
Urritik, -616 (%-2,18); iazko azarotik, +783 (+%2,91).
Bizkaia: azaro bukaeran, 97.798 langabe.
Urritik, -2.285 (-%2,28); iazko azarotik, +1.813 (+%1,89).
Gipuzkoa: azaro bukaeran, 49.208 langabe.
Urritik, -666 (-%1,34); iazko azarotik, +1.035 (+%2,15).
Nafarroa: azaro bukaeran, 51.278 langabe.
Urritik, +356 (+%0,70); iazko azarotik, -571 (-%1,10).
Hego Euskal Herria: azaro bukaeran, 225.978 langabe.
Urritik, -3.211; iazko azarotik, +3.060.
