Espainiako Lan Ministerioak gaur eman ditu azaroko langabeziaren datuak, eta hil horretan ere gora egin du Hego Euskal Herrian. 3.441 langabe gehiago izan dira azaroan, eta guztira 190.813 langabe daude. Iaz hil berean zeuden langabeak baino 15.299 gehiago daude.
Abuztutik ari da langabezia gora igotzen. Azaroan igoera nabarmena izan da Nafarroan, urrian bezala. %2,39 igo da lurralde horretan, eta Hego Euskal Herrian izan den langabezia gorakadatik herena lurralde Nafarroan jazo da.
Nafarroan urritik izan diren 1.068 langabe gehiagoetatik erdia baino gehiago (718) zerbitzuen sektorekoak dira. Orokorrean sektore horrek paraitu du langabezia gehien Hego Euskal Herrian.
Datuak
Araba. Azaro bukaeran 22.445 langabe.
Urritik +388 (+%1,76), iazko azarotik +2.058 (+%10,09).
Bizkaia. Azaro bukaeran 81.517 langabe.
Urritik +1.197 (+%1,49), iazko azarotik +8.345 (+%11,40).
Gipuzkoa. Azaro bukaeran 41.012 langabe.
Urritik +788 (+%1,96), iazko azarotik +1.520 (+%3,85).
Nafarroa. Azaro bukaeran 45.839 langabe.
Urritik +1.068 (+%2,39), iazko azarotik +3.376 (+%7,95).
Hego Euskal Herria. Azaro bukaeran 190.813 langabe.
Urritik +3.441, iazko azarotik +15.299.
