Sestaoko Babcockeko langileei grebara deitu dute asteazkenean. Izan ere, Babcock Power España enpresako akziodun nagusi A-tec enpresak kolpe gogorra jaso du gaur. Vienako burtsan &65,91 erori dira bere akzioak. Asteazkenetik, zorrei aurre egiteko dirurik ez zuela jakinarazi zuenetik, zeuden bertan behera eta itzuleran oso gogorra izan da beherakada.
Sestaoko lantegiko langileek protestekin jarraitu dute gaur, eta goizean lantegira sartzeko bidea itxi diete enpresako zuzendariei. 08:00etan hasi da protesta, eta ehundaka langilek hartu dute parte Irtenbidea leloa zuen pankartarekin, UGT, CCOO, ELA, LAB eta ESK-k deituta.
A-tec akziodun nagusia ez dela enpresa salbatzeko gai ari dira salatzen egun hauetan, eta "hondoratu baino lehen" enpresa uzteko eskatzen diete zuzendariei. Protesta 10:00etan amaitu da, eta ondoren egindako batzarrean mobilizazio gehiago egitea erabaki dute langileek. SEPI talde publikoari konponbide bat bilatzeko eskatzen diote, horrek jarri baitzuen Babcock A-tec-en eskuetan.
EKONOMIA
Babcockeko langileek grebara deitu dute asteazkenean
Enpresako akzionista nagusiaren akzioek beherakada handia izan dute Vienako burtsan. Sestaoko lantegiko langileek bi orduz itxi dute enpresako sarrera.
Iruzkinak
Ez dago iruzkinik
Ordenatu
