ELAk jakinarazi duenez, Eusko Jaurlaritzak ez du bestelako proiektu industrialik Babcock lantegiarentzat. Aste honetan lanean dauden langile guztientzat erregulazio espedientea aurkeztu du zuzendaritzak, eta gaur langileak Balmasedako hotel baten aurrean bildu dira, bertan PSE-EEren ekitaldi bat egiten ari baitziren.
Ekitaldia amaitu denean sindikatuko arduradunak Bernabe Unda Industria sailburuarekin eta Xabier Garmendia sailburuordearekin bildu dira, eta horrek jakinarazi die Jaurlaritzak ez duela bestelako proiekturik. ELAko arduradunek enpleguari eusteko inplikatzeko eskatu diote Jaurlaritzari.
