Banatuz-ek kutxen bat egitea babestuko du

DONOSTIA. Banatuz Kutxako ezker abertzaleko bezeroen plataformak kutxen bat egitearen alde bozkatuko du gaur, Kutxaren ezohiko batzar nagusian. Banatuz-ek hamabi ordezkari ditu batzarrean, eta bere babesik gabe ere baiezkoa ziurtatuta dago gaur. Berez, kutxek banku bat sortzearen kontra dago, baina Bilduren akordioaren ostean jarrera aldatu du.