Barranquesako langileek manifestazioa egingo dute

LAKUNTZA. Aste honetan lau eguneko greba ari dira egiten Lakuntzako(Nafarroa)Barranquesa enpresako langileak. Datorren astean, beste bost egunean utziko diote lan egiteari. Larunbatean, berriz, manifestazioa egingo dute herrian bertan. 68 langile ditu enpresak, eta horietatik 30 langile kaleratzeko espedientea aurkeztu du enpresak.