BETIKO PLAZA, BAINA BESTE IZEN BATEKIN

Bilboko Plaza Biribila berriro bataiatu du BBVAren aurkako plataformak. Lapurren Plaza da orain, «herritarrak injustizia sozialera behartu dituzten» bankuen omenez. Inaugurazioa Francisco Gonzalez BBVAko buruaz mozorrotutako batek egin du, alboan Merkel, Raxoi eta Azkuna faltsuak dituela. «Besteen dirua eskuratzea lapurtzea bada, onartzen dugu: lapurrak gara. Dirua zerga paradisuetan garbitzea lapurtzea bada, lapurrak gara», esan du Gonzalez-ek.