Bi gaztetik batek du lana, baina galtzeko beldur da

BILBO. Gazteriaren Behatokiak egindako inkesta baten arabera, Araba, Bizkai eta Gipuzkoako 16 eta 34 urte artekoen %49 daude gaur egun lanean. Haietako %21ek, ordea, urtebete baino lehen galdu egingo duela uste du. Adin horretakoen artean, beste %31 ikasten ari dira eta %18 langabezian daude. Landunek 1.262 euroko soldata dute, batez beste.