Evangelos Venizelos Greziako Finantza ministroak esan du Greziak bigarren erreskate jasotzeko baldintzak bete dituela, eta gaur "zalantza aldi luze bat" amaituko dela espero du.
Venizelosen arabera, aldi horrek ez dio onurarik ekarri ez Greziako ekonomiari, ezta euroguneari ere. "Europak badaki garrantzitsua dela mezu argiak helaraztea, eztabaidatu ezin diren eta aplikagarriak diren erabakiekin, eta uneoro aldatzen ez diren arauekin".
Finantza ministroak jakinarazi du negoziazioak "azken momentura arte" jarraitzen duela, eta oraindik zintzilik daudela "arazo teknikoak".
