Bigarren eskuko autoak %11 gehiago saldu dira

BILBO. Berriak ez, baina erabilitako autoak erruz saltzen dira. Faconautok jakinarazi duenez, aurtengo lehen sei hilabeteetan, %11 igo dira bigarren eskuko autoen salmentak Hego Euskal Herrian. Hamar urtetik gorako ibilgailuen arrakasta nabarmendu du, halakoak izan baitira saldutakoen hirutik bat. «Lehen txatarretara botatzen zirenek ere eskaera handia dute orain», esan du.